Nuacht

Bronnadh Duais Fhoghlaim Shaoil Chorcaí ar Bharr na gCnoc

An tOllamh Pádraig Ó Macháin, Stiúrthóir, Barr na gCnoc; Dan Boyle, Ardmhéara Chorcaí; Phil O'Flynn, Príomhoide, Gaelcholaiste Mhic Shuibhne; Adel Coleman, Bainisteoir Tionscnaimh, Barr na gCnoc; An tOllamh Stiofán Ó Broin, Leas-Uachtarán agus Cláraitheoir, Coláiste na hOllscoile Corcaigh.

Bronnadh Duais Fhoghlaim Shaoil Chorcaí ar Bharr na gCnoc. Tugann an duais seo aitheantas do Bharr na gCnoc as an obair atá déanta acu i gCnoc na hAoine, ar Comharsanacht Foghlama Cathrach í.

Ceiliúrann Corcaigh Cathair na Foghlama agus tugann aitheantas do sholaoidí den bhFoghlaim Shaoil thar gach réimse aoise, spéise agus cumais. Solaoidí is ea iad a léiríonn nuálaíocht, tréan-iarracht, agus stóinsitheacht.

Is iad croí agus bunús na nduaiseanna seo ná an tuiscint nach turas oideachais amháin é an fhoghlaim shaoil ach eachtra chlaochlaithe a chuireann daoine i gcumas ar a saol a athrú.

Is chuige na duaiseanna seo chun aitheantas a thabhairt don dtionchar suaithinseach a bhíonn ag an bhFoghlaim Shaoil, ní hamháin ar dhul chun cinn an duine aonair, ach ar an bhforbairt phearsanta agus ar conas a théann i bhfeidhm ar an bpobal.

Comh-pháirtíocht phobail is ea Barr na gCnoc i gceantar Chnoc an Chuilinn/Chnoc na hAoine. Is ann a thagann díocas Choláiste na hOllscoile, Corcaigh, i leith an chaidrimh phobail agus a chuid spriocanna taighde agus teagaisc le chéile, d’aon ghnó chun acmhainní acadúla, daonna agus nithiúla a chur ar fáil ar mhaithe leis an bpobal.

For more on this story contact:

Adel Coleman, Bainisteoir Tionscnaimh, adel.coleman@ucc.ie

Previous Article Next Article

Back to Nuacht

Ionad na Gaeilge Labhartha

Centre for Spoken Irish

Seomra ORB G02, Áras Uí Rathaille, Bóthar an Choláiste, Corcaigh