Cúrsa Comhrá do Mhic Léinn le Spéis sa Bhunmhúinteoireacht

Achoimre ar an gCúrsa

Brúigh anseo led' thoil má tá eolas uait maidir leis an gcúrsa MGO sa Bhunmhúinteoireacht - Cúrsa Ullmhúcháin don Scrúdú Béil.

Beidh an cúrsa idirghníomhach seo dírithe ar na nithe seo a leanas:

Comhrá líofa, soiléir a dhéanamh as Gaeilge.
Eolas ar shaol na Gaeilge a chur ar fáil do na scoláirí.
Eolas a chur ar fáil maidir leis na scrúduithe cainte Gaeilge a bhíonn ann don bhunmhúinteoireacht.

Tá an cúrsa seo dírithe ar mhic léinn le spéis faoi leith acu sa bhunmhúinteoireacht mar ghairm bheatha. Beidh caighdeán maith Gaeilge ag an mac léinn (H4 san ardteist nó a chomhionann). Níl an cúrsa seo oiriúnach do mhic léinn atá ag déanamh na Gaeilge mar ábhar acadúil. Molaimid an Cúrsa Gaeilge do mhic léinn nach gcomhlíonann na critéir seo.

Cuirtear an cúrsa seo ar fáil do mhic léinn i Seimeastar 1 amháin.

Sonraí an Chúrsa - Fómhar 2024

Dátaí an Chúrsa: an tseachtain dár tús 30 Meán Fómhair 2024 – an tseachtain dár tús 18 Samhain 2024* (uair a chloig gach seachtain ar feadh ocht seachtaine). Cuirfear ceist ort maidir le do thráthchlár ar an bhfoirm iarratais. Socrófar an rang seo ag am atá oiriúnach d'fhormhór na scoláirí.

Suíomh: Beidh na ranganna seo ar siúl ar an gcampas.

Spriocadháta: Dé Luain, 23 Meán Fómhair 2024, 10am.

Eolas Maidir le do Rang: Seolfar ríomhphost chuig na scoláirí atá tar éis an fhoirm iarratais a líonadh amach Dé Máirt 24 Meán Fómhair 2024 ar a dhéanaí. Beidh tuilleadh eolais sa ríomphost seo maidir leis an rang atá eagraithe.

* Cuirfear rang breise ar siúl do scoláirí a chaillfidh amach ar rang de bharr lá saoire bainc.

Táille

€30.

Sonraí Teagmhála

Karol Coleman
Riarthóir an Chúrsa
k.coleman@ucc.ie

Ionad na Gaeilge Labhartha

Centre for Spoken Irish

Seomra ORB G02, Áras Uí Rathaille, Bóthar an Choláiste, Corcaigh