]> Togail na Tebe The Thebaid of Statius An electronic edition Unknown George Calder Electronic edition compiled by Margaret Lantry Beatrix Färber University College, Cork The HEA via PRTLI 4 First draft, revised and corrected. 58,000 CELT: Corpus of Electronic Texts: a project of University College, Cork
College Road, Cork, Ireland—http://www.ucc.ie/celt
2009 CELT online at University College, Cork, Ireland. G305004

This electronic text is made available with the kind permission of the estate of George Calder.

Available with prior consent of the CELT programme for purposes of academic research and teaching only.

 Manuscript sources Edinburgh, Advocates' Library, Gaelic MSS. 8, Kilbride Collection, 4 (A descriptive catalogue of Gaelic Manuscripts in the Advocates' Library, Edinburgh and elsewhere in Scotland, by Donald Mackinnon (Edinburgh 1912) 195–98). London, British Library, Egerton 1781 (Catalogue of Irish Manuscripts in the British Museum, by Robin Power (London 1926) vol. 2, 537–39). Dublin, Trinity College, MS 1298 (olim H. 2. 7) (Catalogue of the Manuscripts of Trinity College, Dublin, compiled by T. K. Abbott (Dublin 1900) 320). Editions and Translations Togail na Tebe: The Thebaid of Statius: The Irish Text, edited from two MSS. with introduction, translation, vocabulary, and notes, by George Calder (Cambridge: University Press 1922). Donald Mackinnon (ed.), The Gaelic version of the Thebaid of Statius, in: Celtic Review 7 (1911/12), 106–21, 204–19, 318–35; 8 (1912/13), 8–21, 100–11, 218–33, 296–313; 9 (1913/14) 16–33, 112–27, 210–25, 292–309; 10 (1914/16) 24–39, 106–115, 198–211, 312–21. Robert T. Meyer (ed.), The T.C.D fragments of the Togail na Tebe, in: Trivium 2 (1967) 120–32. Secondary literature H. W. Garrod (ed), P. Papini Stati Thebais et Achilleis (Oxford: Clarendon Press, 1906). E.G. Cox, Classical Traditions in Medieval Ireland, Classical Quarterly 3 (1924) 267–84. Rudolf Thurneysen, Erschienene Schriften, ZCP 17 (1928) 420–21. E. J. Gwynn, [Review], Hermathena 20 (1930) 435–39. Robert T. Meyer, The Middle-Irish version of the Thebaid of Statius, Papers of the Michigan Academy of Science, Arts & Letters 47 (1962 for 1961) 687–99. A. D. Melville (trans.), Statius Thebaid, (Oxford: Clarendon Press 1992). The edition used in the digital edition George Calder Togail na Tebe Togail na Tebe George Calder Cambridge Cambridge University Press 1922 xxii + 431

CELT: Corpus of Electronic Texts

The electronic edition comprises a Gaelic note on page xxii and even pages 2–318 of the edition. Expansions are not indicated. Variant readings are not indicated. All editorial introduction, translation, variants, glossary, notes and indexes have been omitted. Editorial corrigenda are included in the electronic edition.

Text has been proof-read twice.

The electronic text represents the edited text. Corrigenda provided by the editor in the printed text are silently included. Corrections are marked sup resp="corrector".

Quotations are rendered q, including for reported speech, except where overlapping hierarchies with the sup element have precluded this.

Soft hyphens are silently removed. When a hyphenated word (hard or soft) crosses a page-break or line-break, the page-break and line-break are marked after the completion of the hyphenated word.

div0=the whole text; div1 represents each book of the Thebaid. Line numbering follos the lineation of the printed text. Metrical quatrains are marked and numbered; individual lines of verse are marked. Metrical texts are treated as embedded texts.

Dates are standardized in the ISO form yyyy-mm-dd.

Names of persons (given names), and places are not tagged. Terms for cultural and social roles are not tagged. Such tagging is envisaged in a future electronic edition.

 By an unknown Irish scribe; incorporating earlier material 15th century The text is in early Middle Irish One phrase is in Latin. Witness list in English. Classical histor prose medieval adaptation Thebaid Statius 2009-11-02 Beatrix Färber ed. Header updated; file parsed; new wordcount made. 2009-07-26 Beatrix Färber ed. File converted to XML; reported speech marked up. 1997-03-12 Margaret Lantry ed. Text proofread (2); markup of lacunae improved. 1997-01-22 Margaret Lantry ed. Text proofread (1); structural markup improved. 1996-12-16 Margaret Lantry ed. Structural markup inserted; SGML header created. 1996-12-10 Margaret Lantry ed. Text captured by scanning.
Edinburgh, Advocates' Library, Gaelic MSS. 8 (Kilbride Collection 4) London, British Library, Egerton 1781 Dublin, Trinity College, MS 1298
Gaelic Note

Mile bliadan &ersir; CCCC &ersir; secht mbliadna agus cethra XX aís in Tigerna in bliadain roscribad in lebar-sa, &ersir; isin bliadain cetna testa O Raighilligh .i. Toirrdhelbach mac Seain, &ersir; isin bliadain cetna domarbad clann I Ruairc .i. Tigernan &ersir; Brian ruadh .i. Tigernan domarbad le clainn Mic Diarmada &ersir; le Muinntir-Eolais a fell &ersir; Brian domarbad le mac I Ruairc .i. re hEogan mac Feidhlimthe mic Donnchaid mic Tigernain; &ersir; isin bliadain cetna domarbad Tigernan dubh mac Donnchaidh caech Tigernain le O Domnaill .i. re hAedh ruadh O Domnaill, &ersir; isin bliadain cetna dobrissedh caislen I Ruairc .i. Feidlimid mac Donnchaid le O Domnaill &ersir; le clainn I Ruairc &ersir; isin bliadain cetna dogabudh Cloch Locha-huachtair le slicht Domnaill Bain I Raighilligh &ersir; me fein Diarmaid. Ba Cathal mac Parthalain doscribh in leabar-sa .i. mac Fingin mic Foirithe mic Fergail mic Partalain &ersir; a tigh Fingin doscribad leth in lebair-sa .i. a Doire Casain &ersir; a tigh mic Briain Tellaigh-Echach dos-cribad in cuid ele de .i. a tigh arosa .i. Feidhlimid mac Taidhg oig mic Taidhg moir &ersir; ar iniss Eocinain docrichnuighedh e i nDardain re feil Catrina; &ersir; G is litir Domnaig annsa bliadain sin, &ersir; Sis nuimiroir, &ersir; feile mic Tomais mic Ferguis mic Tomais udh Tigerna a Tellach-Echach re linn in lebair-sia dosgribad; &ersir; isin n-aimsir cetna dobi da espoc a n-espoicdeachd Cille Moire .i. Cormac mac in espuic Megsamradhain, &ersir; Tomás mac Ainntriu Meg-bradaigh, &ersir; gach fer dibh 'ga rada gur-b e fen is espoc and; &ersir; Felim mac Donnchaidh mic Tigernain is O Ruairc re linn na n-espoc sin, &ersir; Sean mac Toirrdelbhaigh mic Seain is O Raighilligh annsan aimsir sin; &ersir; annsa bliadain chetna domarbad O Mailshechlainn .i. Laighnech O Mailshechlainn le Conn mac Airt I Mailsheachlainn. Et bennchd De ar anmain innti dosgribh in lebar-sa. Et dobi cogad idir Magsamradhain &ersir; O Raigailligh .i. Sean O Raighilligh isin bliadain cetna sin, &ersir; cogad ele idir slicht Taidhg I Ruairc &ersir; rla.

 Togail na Tebe

Aroile righ uasal oirmuidnech onorach rogabh forlamhus &ersir; ferandus ar an ardcathraigh n-aibind n-alaind .i. Teibh isin nGreic dar-ua comainm Laius, &ersir; is do-sidhe robo mac Eidhip, &ersir; is on Eidhip sin rocindset na da mac aildi oiregda .i. Polinices &ersir; Etioccles, &ersir; is iat na braithri sin romarb a chele isin cathugud mor na Tiabhanta &ersir; na nGrec ic cosnum righe na hardcathrach na Teibhe do cechtar leithi.

Acht cena is andsin tainic ar menmain do Stait don airdfilid Frangcach sochinelach bunadh-indruim na Tiabanta, indus rocinset o Caithim, mac Aghenoir, &ersir; is e ant Aighenoir sin rop airdrigh na Tirde &ersir; na Sidoindoine, &ersir; is aice roui in ingen sochinelach dar-ua comainm Eoropa, &ersir; is di tuc Iob in gradh ndermair, co rob hecin do tiachtain a richt tairbh da breith leis tar muinchind mara &ersir; morfaircce. Et o rosiacht dar in muir sin cu Cred, dochuaidh 'na richt fen, &ersir; rouai in ingen sin aige co morgradhach, &ersir; is don ingin sin tuc Iop in tirfochraicc n-adhbul .i. tres primrand in betha do ainimniugud uaithi .i. Eoraip.

Agenoir immorro rogabh fercc &ersir; londus adhhul &ersir; toirrsi mor o fuair esbaid a ingine Eoropa morgradhaich. Is i immorro comairle dorinne andsin Aghenoir, a mac morgradhach do chur ar fud mara &ersir; tire do iarraidh a sheathar uan domun, &ersir; is ed adbert ris , muna faghbad a shiair, can tiachtain aris, &ersir; gan a fhaicsin dosum. Is andsin immorro rosirastar Caithim dingnada in domain &ersir; oilena ingantacha na haibheisi moraidhbhle thimchellas in bith, &ersir; fuair mor do dhuad &ersir; do dochar &ersir; do ghaibthith mora &ersir; tire sechnon in domain iter muir &ersir; tir, &ersir; ni fuair in ingin risin ré sin, ge r-ces mor d' imnedh, &ersir; is ed uadera sin nar-fédedh taidhecht i n-aigid Ioip mic Shatuirnd, cend na ndee, a ghradh goiti d'fis fair.

Ocus o nach fuair-sium a shiair, is i comairle dos-rat ina menmain trena ghais, dul co tempall Apaild, dei na faistine, d' iarraidh fhessa &ersir; eolais uadha cuith a roiphi in ingen. Et is ed adbert Apaill ris, gan a sirthain, uair ni bfuighbedh, acht eirghedh amach amarach isin magh minscothach maigh-reidh moradhbul amach, &ersir; taeceradh bó bendach bithalaind duit isin magh minalaind sin, &ersir; len-sa hi nocon-luighe, &ersir; in baile a luighfea, cumdaigther letsa cathair caomcumdachta co muraib moraibhle, &ersir; co tigibh righdha rofarsenga, &ersir; co griananaib seimidhi solusglana, co mad cathair ordain &ersir; oirechtais na nGrec in cathair sin, &ersir; co mad e a hainm .i. Boetia no Tebae tre nertudh &ersir; tre forgill in dei Apaill.

Roan-sum andsin, &ersir; rogabh itaidh, &ersir; rocuirther techtaire tairisi uadha ar cend dighe, co sithil alaind umaidhé co n-imdenum oir &ersir; airgit umpi, co huamaidh adbul imdorcha uai a comfogus do, ar lar fualascaigh coirneacdai, &ersir; tobar firalaind fondfuar ar a lar. O rosiacht an techtaire dochum na tibra, &ersir; tuc a sithil uan usci, as andsin tainic in naithir nemhnach a hiarthar na huama, co ceithri cendaibh moraidhbhle fuirri, &ersir; co tri linaibh fiacul in cach cend fo leth, &ersir; co ndeilbh torathair o hiarthar co hoirther. O dochonairc in techtaire os cind na tibraid, tuc beim da glomraib a n-aenfhecht cuige, go rofagadh can anmain andsin. O ropo fada iarum le Caithim, mac Aghenoir, roui a fer muinntire, rofaidhestar fer eli da muinntir dochum na huama &ersir; dochum in usque, &ersir; tuc in naithir in aradhain cetna fair. Cidh tra acht coica oclach torchair da muinntir amlaidh sin. Is andsin roeirigh Caithim, mac Aghenoir, &ersir; roghabh a edegh &ersir; rotrealaim a arma, co mbruth miled, co feirg leoman, co neimh nathrach co dorus na huama da digail ar an ti romarbh a mhuinntir. Et o rainic, adconnairc an nathraigh ndigfrecra ndimoir, &ersir; dorinne sduagh luib moir di o iarthar co hoirther, amal seolcrand lunga lanaidhbhle. O 'tchonnairc in fer mor da hindsaigidh, rocathaighset araen andsin co foilech guinech crechtach crolinntech andsin, &ersir; torchuir an naithir fadheoidh, &ersir; dochuaidh a neimh ar nemhfni. Tainic-sium roime iartain co tempoll Apaill, &ersir; roraidhset na dei ris ar do denum isin moigh a r-marbad an nathair; &ersir; a silad in air sin o fhiaclaib na nathrach, roeirgetar fir fon armghaisced arin tulaigh. Rothreabh in n-uir roime, &ersir; docathaighsit co feg, feochair, fercach; &ersir; romarbh cach dibh a chéle acht aen coicer nammá; &ersir; is lesin coicer sin rochumdaighedh in Teibh, maraen re Caithim, mac Aghenoir. Ba he oenta oiregdha in cuiger sin .i. Echion, rouoi ac cumdach na Teibhe maraen re Caithim, mac Aghenoir.

Cid tra acht rochumdaighedh in Teith amlaidh sin re Caithim mac Aghenoir, &ersir; rouoi co soinmech setach innte re ré foda, co fhuair doinmed e uadheoidh. Uair rosoad e fen &ersir; a shetigh a ndelbaibh nathrach co cend secht mbliadan, noco tainic craidhi na ndei forro uadeoidh, &ersir; co roighsit inna corpaib fen iar sin, &ersir; is do shil innd fhir sin rochinsead na rig tromglana Thiabanda uile, &ersir; is da sil Eidip mic Lai, &ersir; robai in Lai hisin i forlamus &ersir; i fearandas na Teibe fri re fate, &ersir; is do rothirchansatar faidi &ersir; druidi, intan atchifead neach da chlaind, gu nach biad a shoegal ni bud fhaiti; conid imi sin donithea gach duine claindi roberthea do, do mudugud uili. Is andsin darala oenda feacht Edip mac Lai do breith don morrigain Iochasta, &ersir; rucad he iarna breith co coill commoir comfhaccais, &ersir; roaithin a mathair gan a malairt na a mudugud, acht a thocbhail i crand comard comreid isinn fhidbaid, &ersir; rafacbad Eidip amlaid sin, &ersir; o rafacad he a aenur, rogab a chuideran noeidean.

Atchualaig immorro araile mac rig, robai ar fogail &ersir; ar dibeirg, in geran sin na noidean arna cengul isin chrund dar-ba comainm Polipus ainm in gilla sin. Tanic in fer sin remi d' indsaigid na naidean, &ersir; adchondairc in naidin isinn eceandail i rroibe. Tucastair grad ndermair do, &ersir; ruc leis e da aileamain &ersir; da altrom amal mac mbunaid do fen. Is andsin rogabastair Polius rigi a thiri &ersir; a thalman fen, &ersir; tucastar rigdamnacht a fheraind don mac roleasaiged aicci .i. do Eidip mac Lai. Is andsin dorala don Eidip sin tecmaill co hanbuinidi anurlum for feachtus ina deagaid sin i cend a athar Lai, &ersir; ni fhitir Lai comad he Eidip tecmad do, &ersir; ni fhitir immorro Eidip commad he a athair Lai tachrad do. Et bai cach dib ac iarraid a sloindti uar a chele, &ersir; ni dearnaid neach dib a slondud da chele. Rofhearadar comlond feochair feargach andsin, &ersir; torchair a athair Lai la hEidip tre ainbfhis &ersir; aneolus.

Et rogob Eidip fhearand a athar, &ersir; tucastair a mathair do chaemchele chomadais ar ngabail rigi do, &ersir; ni fhitir-sium sin cein noco tarla menma na rigna Iochassta ar cosaibh comnochta in rig .i. Eidip, uair is amlaid robadar &ersir; toll tre ceachtarde dib. Iarfaiges in rigan: Cid rotreththoll do troichthi? ar si andsin. Ni ansa, ar se. Is amlaid frith me ar lar na fidbaide i crund roard isin choill, &ersir; clo a cechtar adam chois acom-congbail isin chrund, &ersir; nad fetar cia nom-coraig ind ban samla sin. Acht romailead &ersir; rom-altromad ac Polipus amal mac do fen, &ersir; nad fetar-sa nar-ba head cen no gor-hathisiged and me, &ersir; co n-ebrad rim mo bith im thurcaire thuilighi can fis m' athar no mo mathar. D' fiarfaigus do Pholipus nar-fidir sin indissi dam mar fuair me; &ersir; as e ni doronnus, dul chom Apaill, dea na faistine, &ersir; a iarfaigid de cait a bfuigbind m' athairthir. Raidis Apaill rimsa gan mo slondud do denam do enduine, &ersir; in cetfher tecemad dam and, comlond do chur ris, &ersir; bage-baind fis m' athar &ersir; fis mo mhathar thrit sin. Et is e cetfer dorala cucum asa haithli sin .i. Laius ar sechron no sechran selga acon chathraig ac Potchis, &ersir; darochair limsa é mar adchualabair sib. Truag am sin, ar si Iochosta, robe tra in Laius sin th' athair-siu, &ersir; is misi do mathair, &ersir; is me roaithin do chengul isin chrund gan da marbad ar met do grada, &ersir; is me ruc in cethrur cloindi-sea dit .i. Eothiocles &ersir; Polenitces, Andtigone &ersir; Ismene an da ingin. Dur son damsa, ar Eidip, geneamain, &ersir; na mignima sin do denam dam, gid tre anfhis &ersir; aneolus dorala iat. Is andsin immorro tuc Eidip da da laim i n-oenfheacht ceachtar a da shul, &ersir; robean asa chind iat, arbithin gu nnaran-aiced-sum neach ar met a naire a haithli na morchol sin do denam do, cona faictis sluaig na sochaide he.

Imthusa immorro da mac Eidip .i. Eothiocles &ersir; Polenices, roeirig tnuth &ersir; trenchosnum eturu im rigi na Tebe, gu narfhaem neach dib comroind na cathrach na in chiniuda d' aroile d' eis dallta a n-athar. Ni thucsad onoir na huaisli da n-athair, acht robadar fein co diumsach drochaicentach ac caithim a n-atharda &ersir; ind fheraind, &ersir; adar le gach mac dib ba he fen bid ri and.

Dala immorro Eidip ar sin, robai co dubach domenmnach i n-uamthig thalman gan rigi gan roflaithus arna malairt &ersir; arna mudugud do fhen. Is andsin dorigne Eidip lamchomairt moir &ersir; toirsi ndofholachta cosna deib aduathmaraib iffernaide, &ersir; co Teissifone cussin mbandea ndeamnaig ndasachtaig do sonrud, &ersir; is ed so adrubairt: Roailis misi, &ersir; roaltrumais co ndernes ulca imda ilerda tre t' aslach &ersir; tre t' adanugud, co romarbus m' athair crin cianaesta acin chathraig dianaid comainm Foiccida, &ersir; rothuaslucus tre t' fhortacht-su cesta doilgi dithuaslaicthi in torathair diar-ba comainm Spinx, &ersir; is e in torathar sin robai i tír na Tiabanda, &ersir; is e rofiarfaigead do gach oen tecmad da indsaigid: Cade int anmanda cetharchosta, dechosta, trerchosta? Et in te na tabrad tuaslucud arin ceist do, romarbad sin uile iad, cein nogo ranac-sa da indsaigid, intan roba ac iarraid m' athar, &ersir; rofhiarfaig in torathar na ceasta cetna damsa, &ersir; adrubart-sa ris cor-be in duine sin, uair ceatharchosach he ina naideanntacht .i. cona da chois &ersir; cona da laim i n-enfheacht ac imluad dho: dechosta immorro é inna ocuataid .i. &ersir; ina ferdacht .i. a da chois amain aicci ac imtheacht, trechosta immorro é ina seanntacht &ersir; ina sheanordacht .i. a da chois &ersir; a lorg aicci ac imthecht. Et o rothaimniges in chesta sin, rofersum comlond feig fuireochair fearamail, &ersir; torchair in torathar de sin fadeoid. Is andsin immorro adrubaid Eidip: Is tre t' fhortacht-su &ersir; tre t' fhoirithin dorignius na gnima sin, &ersir; romarbus m' athair, &ersir; rothoirrchius mo mathair, &ersir; is tre th' adandud-su robeanus mo rosc leathanglas lindfhuar as mo chind &ersir; diusigsiu iarum fich feirgi feochraigi iter mo macaib-sea .i. Etiocles &ersir; Polinices, co radluiget &ersir; co radian-scaileat in flaithius, cona roibi ceandacht no commus ac neach d' araile dib; uair ro-linastair diummus &ersir; drochciall iat tresin ndimiad &ersir; tresin ndimicin tucsad damsa ar mo beth dall dorcha i n-uamthig thalman.

O 'tchualaich immorro Tessifone ina briathra-sa Eidip, is andsin roeirig in Fhuir demnach dasachtach cona trillsib do nathrachaib nemnecha ima ceand, ac siangail &ersir; ic sibsanaig &ersir; ic feadgaire &ersir; ac foluaimnigud &ersir; ac sugud int shrotha tibrechtaich teindtigi dar-ua comainm Cosidon, daig isinn immelbordaib int shrotha sin robid a hait &ersir; a hadba. Is andsin rolingeastair-si co dian deinmnedach dasachtach on t-sruth amal saignen tincurach teindtigi, no amal retlaind luaith lasamhuin na firmaminti foluaimnigi, &ersir; is ead-seo sligi a tanic tresna daescurshluagaib disciri dimaine deamnacda, &ersir; tresna haireachtaib aduana etlaide do anmandaib batar in &ndot;grianbrogaib iffrind, co ragabastair grain &ersir; ecla adbul iat ic faicsin a dreichi deamnaige duaibsigi na baidbi bruthmaire belldeirgi sin. Et tanic-si rempi arsin dar dorus n-urbadach n-ifrind amach .i. dar Tenair. Et o dariacht, tanic fordorchud dar dreich in talman uile amal aidchi corgab uaman &ersir; imecla lucht na crich &ersir; cendadach rempi; &ersir; tanic-si ar sin isin sligid suaichnid saineamail ar fanglendtaib slebemail co toracht co Teib. Is andsin roeirgedar cet nathrach neimneach naimdidi com mbeandaib &ersir; birinib ima cend. Rosuiged &ersir; rosluiged a rosc dathach dubglas in n-imdomain a cind &ersir; a ceand mullaich. Is andsin roeirig &ersir; rochraith in nathraig nemnig robai ina laim arna sluagaib, cu clos a fogar &ersir; a breasmaidm ua cheathar airdib na Grecci .i. co sliab Barnais ar n-airthiur, &ersir; co sruth nEorait iar n-iarthur, &ersir; co sliab n-alaind Oeten iar ndescert, &ersir; co heochairbordaib Ismos iar tuaiscert. Et dariacht sin co deiligthech derrscaigthech dermar cosin ciniud croda cosnumach tnudhach Tiabannda, &ersir; co macaib aidbli ailli Eidip .i. Ethiocles &ersir; Polinices co raerig fich marthanach &ersir; imfhormad adbul imon flaithius iter na da mac sin tre aslach Tesifone, amal da tharb trena thuathmeara thnuthacha ua chuing adbail imfhulai&ndot;g, co raleansat &ersir; co ralagaigset a cengail &ersir; a cuibrigi ac imchosnum &ersir; ac imthairri&ndot;g fri araile.

Imthusa immorro na Tiabanda, nir-faelsatar imchosnum na da mac sin immon flaithius, &ersir; is i comairli rochindset andsin, rigi gach re mbliadna do gach mac dib, &ersir; cert crandchair do denum eturru, cia dib daroised in rigi ar tus, &ersir; dorignead amlaid sin. Et rosiacht do Ethiocles in rigi a cirt chrandchair ri head na bliadna sin, &ersir; Polenices ar echtra &ersir; ar indarba ri sin. O rocindead immorro in chomairli sin acin popul adbul Ecionda, rogab imthnuth &ersir; emiltus iat risin rig aca rabatar, &ersir; tanic serc &ersir; sirinmaine doib innd fir robai ar echtra &ersir; ar indarba uaithib .i. Polinices. Is andsin, immorro, adubairt araile fear soim saidhbir sochenelach don chiniud thromglan Tiabanda gu nar-ba choir do&ndot; popul tren togaide fechtasugud a flaithiusa iter na rigaib oca utmalla: Oir is e ar samail-ne, mar bis long luchtmar lanadbul occa tuargan o dib gaethaib condtrardaib cona fitir cia gaeth risa rachad, uair is adbul a imned &ersir; a eccomnart duind a beith ua rigi &ersir; ua rigsmacht in rig ac buileam .i. Ethiocles, &ersir; ua tamach &ersir; ua tomaitheam in rig araill .i. Polinices.

Dala immorro Polinces meic Eidip, robai ar sibal ar sechran sechnon na crichi urairde Echionda. Et o rabai Polinices ac triall &ersir; ac tindsceadul ar echtra &ersir; ar indarba asa tir &ersir; asa talmain, is andsin immorro tangatar imraiti imda ingantacha ar menmain don milid sin, uair ua trom &ersir; ua tendius mor leissium a fhat &ersir; a ansadaileacht co cend na bliadna sin noco roissead in rigi do. Ua subach &ersir; ua so-menmnach e in darna fecht an tan d' airberead da uidh &ersir; da aire an rigi do rochtain do: ua hirnascda udmall a comairle in curad sin, uair ni fitir ca crich no ca cenel isin domuin i cindfedh a coimetecht ri re na bliadna sin a n-ingnais a tire, uair ni rauatar meic rig and no rofhlatha aicci risa cindfedh a comarle. Ni rabatar didiu in tan sin amus na hoclach re hurgairdiugud seta na sibail acan fhir sin re hed na bliadna sin. O rocindestar immorro Polinices a atharda alaind aichnid da fhacbail &ersir; indsaigid in tire anaichnig aneoil, is ed seo rogabastair roime ar fat na Grecci gartgloine do chathrachaib i&ndot;gantacha Inaich in rig Grecda sin, &ersir; da bruigib dathglasa Dane, &ersir; cosin cathraig claincolaig co mMeicinib, &ersir; is andsin rofhacaib-sium da eis na huamanda bruthmara Baichecda &ersir; tulcha togaide tondglasa na Tiauanda. Et asa haithli sin immorro tanic-sium roime sech in sliab soreid soimthechta Chitheron &ersir; sech cairrgib mora michluacha Sciroin &ersir; in Sciroin hisin ua latrand lanchalma i n-aroile carraic cocuasta ar caetib na conaire, &ersir; is e bes donid, gach duine rodringed isin charraic sin rofuraileadsum poccad a chos arin duine, &ersir; intan na bid ac pocad, dobered lua do co cuired ri hed n-imcian uada he, cein noco tanic Teis mac Eig meic Neptuin da indsaig, co roibe ac indmad a chos. Is andsin tucastar Teis trentairring cuici air, &ersir; raathchuir uada é isin muir moradbail.

Dala Polinices immorro, tanic-side reime dar na bruigib sciamhda Scillecda, &ersir; seach cathrachaib taebgela insi comaird comreid Corinthon. Is andsin immorro tanic dered dun lo &ersir; tosach don aidchi co roergedar retlanda suaichinti solusta inna haidchi imdorcha acgairbi imman esca n-adfuar n-aigreta. Et rouatar immorro eoin &ersir; ethaide &ersir; cethra caithmecha in talman ina suan &ersir; ina sirchotlod eo mmidmedon aidchi. Is andsin rofalchait retla roglana na firmaminti foluamnigi o nellaib imdorchaib imdaib usqidib, &ersir; rohoslaicit uamanda aidbli acgarba Éoil, ardrig na &ndot;gaeth, in tan sin co rothocaib inn ainbthine garb geimreta a tuasan &ersir; a tommaithium os aird tre chomtroit na ngaeth ngarb ngluair mbruthach mbresmadmandach dar bragaid a chele tre chetharairdib na cruindi, uair ua samalta co thaidmigtis &ersir; co ngluaisfidis fraigthi fothamla na firmaiminti asa sligthib &ersir; asa slaedraigib. Is andsin roerig in gaeth andeas dianid comainm Auester co hainbthenach aduathmar, co radruit &ersir; co radluthaid dorchadu ndermair dar dreich thalman uile, co rachruad-chrithnaigseatar snaitheda saignen tened taidligi tresin ndilind &ndot;difhulaing &ndot;dimoir n-ometa roferastair an uair sin, co ma fualraigthi firdoimne na coillti niamda Neimegda, &ersir; comdais locha lanaidbli lindfhuara aird &ersir; inadha na hErchaidi i crichaib tirmma tart--mara Tenair, co rolinastar tolathuile srotha &ersir; sruthana, co mbreisdis leo na feda &ersir; fiduada, con tudusstis leo na cairgi cendgarba cruaidi troma tuinidi. Acht cid tra acht robrisit feada &ersir; fidnemeda na Greci gartglaine. Rodluigid &ersir; rodian-scailit na coillti croma craebglasa, comdar moigi reidi roglana a n-inada da n-eis. Ua hingnad &ersir; ua machtnugud mor re Polinices na slebti cendmora cairrgecha ac brisiud &ersir; ac breasmandugud risna buindeadaib diana dileand tictis ara trethan &ersir; ara tondgail asna sleibtib soineamail sirardaib sin. Ua hingnad &ersir; ua haduath mor leis dano na treba &ersir; na tigi &ersir; na cethra caithmecha craesacha do lot &ersir; da lathrugud tresin fuasnad ndoninde &ndot;dermair sin. Et is andsin tanic remi Polinices co dian &ersir; co dasachtach gan sligid &ersir; gan lansoillsi &ersir; gan laneolus. Ach cheana ua ferrdi lesseam duibi &ersir; dorchacht na haidchi sin, uair ua hecal &ersir; ua huruamun les toir &ersir; tinol da beith aca brathair ara cind .i. Ethiocles, &ersir; dano ua ronar les gan lucht caemsa &ersir; coimidechta re hurgairdigud n-imthechta re himguin &ersir; re himbualad 'na fharrad. Ua he immorro samail in trenfhir sin do Tiauandaib do sil calma Chathim mic Agenoir ar setaib na sliged sin amal bis stiuraigi cona luing luchtmair lanmoir ar lar in mara garbfhuair gemreta gan rind &ersir; gan retlaind d' fhaiscin re himluad n-imthechta a sin, acht seastan &ersir; seiseilbi in lera lo&ndot;gaig lanadbail 'ga buaidread &ersir; 'ga badbrisiud, cona fitir ca cuan no ca caladport cusa rachad. Et is andsin tanic remi Polinices, &ersir; ua hi tresi &ersir; tairpigi na-imtiged-som inn oidchi co cruithed &ersir; co cumscaiged na railgi remra roardda ac tairring a sceith moir mileta tresna coilltib clithirdiamraib, &ersir; co mbrised na feda &ersir; na fualascada da ucht &ersir; da urbruindi re hagairbi a imthechta re hingargi na huaire sin, cein noco facaid int soillsi suaichnid solusda. Et is and bai int soillsi sin isin tur rigda roard isin chathraig dianaid comainm Larisa annsa Greic bic, &ersir; ua soillsi arar-silleastair-sium andsin lec logmar lasamuin ua comsolus la &ersir; agaid bai i coimecur in tigi roaird rigda sin.

Et is andsin tanic-seom remi 'na rem roretha d' indsaigid na cathrach Larissa, lam cle re templaib uaisli Iunaindi batar isin cathraig uraird aibind .i. Prosinda, &ersir; lam deas ri gaethlaigib lethnaib Lerna; &ersir; is andsin tanic-sium remi annund dar doirrsib urarda uraibni oslaicthi na cathrach sin, &ersir; rofegastair ime urlara fairsingi fiadnacha na cathrach sin. Et roleceastair a chorp cubaid comfhata co haimneartach adlesc re lar &ersir; re lantalmain a haithli atchis na haidchi sin re hursaind in tigi &ersir; re hursaind na cathrach rigda sin i cubachail chruaid cumaing, &ersir; rochotail and.

Is andsin immorro tarrastair int ardri uasal airegda, Adraist, isin chathraig leathangloin lanalaind i lLarisa. Et ua he int Adraist cianaesta comaimserda sin ua hairdri uar gasraid glanmoir Grec, uair arbithin is amlaid robai in ri soim socenelach sin, &ersir; bunadchenel a mathar &ersir; a athar Ioib mac sona saidbir sochenelach Satuirn. Et ni raibe imsnim aireochais in rig sin acht gan immad cloindi aigi genmotha da ingin namma, &ersir; ua fiu maccu firena forglidi na hingeana gleglana geanmnaidi sin, &ersir; is ara n-inmaine na n-ingen sin doroindi-sium idbarta aidbli atmara da Apaill, co n-indisead do na fir risi faeidfidis na hingeana sin. Et adrubairt Appaill risseom tre fhirfhaistine do denam do, commad muc adbul eccendais allaid &ersir; commad leoman leatarthach lanfergach uad cleamnada do. Et nir-thuic Adraist in fhaistine sin, &ersir; ni mo rothuicsetar a fhilid nachu fhir eolaig.

As si sin immorro oes &ersir; fhuair tanic Tid trom trentachrach mac Oenís .i. mac rig cuanda cathbuadach Calidone, &ersir; as ead roimluaid-side asa thir &ersir; asa thalam cusin cathraig cuanda comdai&ndot;gin cetna. Feacht n-aen dodeachaid d' fhiadach &ersir; d' fhianchoscur ria derbrathair uoden .i. ri mac murnech morgradach Ioeinius .i. re Meliager. Et darala doib torc adbul allaid robai ac inrad in tire &ersir; in talman do marbad. Et as e rocet-gonastair he .i. Tid mac Oenius, &ersir; is leis rate a choscur &ersir; a chomaideam re Meliager. Et tuc a chroiceand in tuirc allaid sin da bannleannan bangaiscedaig robai isint selca sin .i. da Aithseannda no Aithleannda, &ersir; adchonnaic immorro Tid sin. Rofhiarfaig da brathair .i. da Meliager: Cid ma tucais croiceand in tuirc isa cetguine rocommaidius dat leandan? Me da marbad &ersir; da mudugud, &ersir; is aire sin thucus di. Asa haithli sin immorro roerich Tid do chosnum in chroicind risin n-ingin, &ersir; rofher-sum comlund n-athlum re hAthalannda, &ersir; roclaeidead inn ingin andsin, &ersir; ruc Tid in croicend leis. O 'dchualaig immorro Meleger in gnim sin, rogab fearg &ersir; fuasnad mor é, &ersir; tanig remi da digail sin ar Thid, &ersir; rothoit Meliager ra brathair amlaid sin .i. re Tid, conid indsin rohechtrad &ersir; rohindarbad e sin. Et darala e isinn aidchi gairb gemreta cetna d' indsaigid na cathrach Larissa, &ersir; ua toirrseach Tid re himnead na haidchi sin; uair ua píseda fuarda oigreta a etach 'na imthimchell, &ersir; na-shildis tromchetha falcmara fleochaid asa fholt &ersir; asa edgud. Et tanic reme annund d' indsaigid inn inaid i rroibe Polinices, &ersir; rotriall-som anad annsan inad sin. Ar sin roairig Polinices sin, &ersir; adrubairt: Cia dobeir in n-eicin &ersir; in n-imluad-sa orumsa adrasta? Is andsin adubairt Tid: Erig, ar se, &ersir; facaib damsa in n-ait &ersir; in n-adua i n-atai, co ndernaind-sea suan &ersir; sirchotlad and.

Cid tra acht rogabastar confad co tnuthach cosnumach, &ersir; fearga firmora fiadnacha na milead sin, cona dernsad coibnius na coicele inn ait nach a n-eninad inn aidchi sin, &ersir; ua cumair comraid &ersir; imacallma iat inn uair sin. Is andsin rogabsatar bruth &ersir; borrfad, brig &ersir; barand, att &ersir; annini na curadu sin re chele, co rachuirset na cui&ndot;geada calma comlaind sin a n-etaigi i nn-enfhecht &ersir; a n-enaball dib dochum in comraic sin.

Polinices, immorro, ua hairddi &ersir; ua hairegda, ua rigdu &ersir; ua rochalma, ua datu &ersir; ua denmaigi é ana gach duine, &ersir; ua trichtach in trenfer sin in tan sin. Tid, immorro, mac Oenius in trenfear calma Calidonda, fear bec bailc beoda bruthmar borrfadach alaind eccendais aninneach mermurnech mormenmnach. Is andsin rogabastair in tuir thalchar Tiauanda .i. Polonices, sleig lethanglais lanmoir co crund datta deigremur isin dara laim do re sadud &ersir; re srainiud a escarat uad, &ersir; cloideb leathan lanfhada lanadbul re hairlech &ersir; re himbualad isin laim araill. Tid immorro, mac Oenius, rogab a catharm catha &ersir; comraic &ersir; comlaind inn uair sin; &ersir; ger-ba lugu d' ais &ersir; do airddi in gilla sin, ua bailci &ersir; ua bunata e anda cach fear.

Cid tra acht ba setrech sirchalma serig na tresa troma trenbemeand doberead cach dib uar a chele, cumma samalta ri tenid tricheamruaid laindrigda lasamnachta na n-arm &ersir; na n-fhilfaebar re frasugud na fola fordeirgi re corpaib &ersir; cendaib na milead moradbul sin, &ersir; ba tend in tuargain dobertis ara n-indib &ersir; ara n-ochtaib da ngluinib comnarta comfhillti i cliabaib &ersir; i compur a chele, comdais salcha sleamna na sraiteada sin re siliud &ersir; re snigi na fola a crechtaib na curad sin, &ersir; ro shinset-sum a llama adannta aindsclecha do chrechtnugud &ersir; da chruad-chascrad chuirp a chele.

Acht ata ni chena. Robad aicmeil eisinill don fhir thuathchell Tiauanda sin in comruc sin .i. do Polinices, acht mine chluinead in ri uasal Adraist in n-nuall n-anuail n-anaichnid sin na curad comrumach a comruc, a sitgal &ersir; a setfeadach na tre&ndot;fher sin ac tachar. O 'tcholaig immorro in ri sonmech senorda .i. Adraist sin, rohadandait lochranda loindearrda loindreacha lasamna &ersir; sutrolla suaichinti solusta, &ersir; tanic reime asin grianan glansolus i rroibi, &ersir; atchondairc na firu aduathmara agarba anachinti, &ersir; a gnuis letarthach landerg co mbraenaib fola fordeirgi forro. Is andsin adrubairt Adraist riu gen drochciall do denam, &ersir; dofhiarfaig: Ca dasacht ar atathai, a occu ailli echtarda? &ersir; ga difhoillsigud dermair dobeir oraib comruc &ersir; comlond do denam 'sinn aidchi? &ersir; cid on? ar se. In ar girra in lae lib dober oraib troit &ersir; tachar do denam adrasta? Et indisid dun can as tangauar, no cuich sib fein, &ersir; ca iret tegthi, &ersir; ca fath bar &ndot;debtha; &ersir; rofheadar-sa, ar se, is daine suarca sochenel sib. Is andsin rofhregradar i n-oenfhecht &ersir; in n-oenaball do: A dei da n-adramaid, ar siad, cadai-siu duind? Et ar sin rolobair Tid: Tanac-sa, immorro, ar se, a crichaib na Calidone, &ersir; tuc an agaid mi conigi seo, &ersir; rob ail lim ait &ersir; inat ar teichead na doinindi do fhagbail sund, &ersir; ni fhetar cia an duine seo, ar se, nar-leic dam in n-inad inar-triallas anad, uair is e fen tanic ar tus and, &ersir; rofhindfa tussu, ar se, in ua sonairt sochenelach misi trem gnimradaib goili &ersir; gaiscid; &ersir; dano, ar se Tid, is e Oenius ri na Calidone m'athair. Et ar sin rolobair Polinices mac Edip: Is lor lim fen mo shochenelaigi, ar se, &ersir; met mo menman. Et is ed uadera dosom gen ainm a athar d' indsin na d'aisnes ar met a chuil &ersir; a chorbaid, uair ua nar leis-seom a indisin in chuil hi sin.

Is andsin rolobair in ri cendais cianaesta Adraist: Leigid as uar feirg &ersir; uar fuasait, &ersir; tait limsa dom thig, ar se, co comsnaidmmer uar comand &ersir; bar comluge &ersir; uar caridrad, &ersir; is doig comma fearrdi beias uar comand deued do denam daib, uair is iad seo da fher dec rop ferr comaltus &ersir; comand isin bith .i. Achilles &ersir; Patrocolus &ersir; Orestis &ersir; Pilades &ersir; Nisus &ersir; Eorialus &ersir; Castur &ersir; Pullux &ersir; Tesisius &ersir; Pirathous &ersir; Polinices &ersir; Tid. Tangadar-som aroen re hAdraist andsin arna n-etarscarad da comruc &ersir; da comlond d' indsaigid in tigi rigda roaird; &ersir; robai Adraist ac fegad na fer sin ar sin, &ersir; adchondairc craicend leomain barrgloin buidimongaich mirmoir mirathmair mallachtaich im Polinices. Tid immorro mac Oenius is amlaid robai-side, &ersir; chroicend tuirc adbail allaid immi, &ersir; a fhiacla cruaidi croma i lleanmain in croicind sin. Et o 'tchondairc Adraist sin, rothuigestair in fhirinde fhaistine doroigne Apaill do, comad muc adbul allaid, &ersir; comad leoman fond letarthach lanadbul uad cleamnada do; &ersir; ruc Adraist a altugud buidi dona deib, comad iat na curaid sin uad cleamnada do, arbithin na croiceand rouatar umpu. Is andsin rogabastair-sum a llama deasa na deisi sin, &ersir; ruc leis iat isin teach fa diamra &ersir; ua derride isin rigdun. Et is amlaid rouai in tech sin, &ersir; dered idbarta dorondad leis-seom and, &ersir; adbert-som re muntir: Atdaiter lib tendti lasamna lanmora &ersir; athnuithter lib fleda firmesca fina. Is andsin roerig seastan &ersir; seiselb re himad &ersir; re himluad muntiri in rig re freastal &ersir; re fritholam na fleidi sin, &ersir; roergeadar dream dib re dergud imdad do pellaib cimsacha corcarglana &ersir; d'imscingib ailli orda &ersir; do chearchaillib caema clumderaithib; &ersir; dream aile re freastal &ersir; re fursunnud na sudrull solusta co slabradaib ailli ordaib imfulaing eistib; &ersir; dream aile dib ac luad &ersir; luchtaireacht a feola na fleidi sin; &ersir; dream aile dib ac saethar &ersir; ac suidigud na mbairgen comshuaiti cruithnechta ar miasaib coimdenmacha cruindi. Ua hainius &ersir; ua haibnius mor re hAdraist bruth &ersir; borrfad, teasuach &ersir; tindenus a muintiri ac frithaileam in tigi taebalaind sin.

Is andsin rosuidestar in ri diumsach delradach sin ina rigshuidi rodenmach do chnamaib ailli eilfinti. Roshuidsetar immorro isin leith aile in tigi sin .i. Polinices &ersir; Tid ar n-indmad &ersir; ar n-asaic doib. Rouatar in dias sin ac sillead &ersir; ac sirsillead uar a chele. Is andsin adubairt Adraist, in ri sona seanorda sin, buimmi &ersir; banchometaid a ingen do thabairt chuci .i. Acheist; &ersir; adrubairt Adraist ria Achaist dul ar ceand na n-ingen sin, &ersir; tangadar na hingina caema com-cosmaili sin isin tech, &ersir; ua deirgither losa liac gnuisi &ersir; aichthi na n-ingen sin, &ersir; ba baine linscoit lenead arna langlanad in fecht araill ri met na naire rogob iat ac sillead &ersir; ac faicsin na fear coem coimthech. Et is andsin tangatar d'indsaigi a n-athar, &ersir; roshuidsetar ina fhiadnaise. O ratairned &ersir; o rotairmiscead a ngeri &ersir; a n-accorus, &ersir; rochuiread a miasa comchruindi cumtha uaithib, doratastar in taisech cuanda comoil in crandoic coimfhecair cumdachda d'or &ersir; d' argad co n-ilbrechtugud delb &ersir; torathar in talman inti i llamuib in rig uasail Adraist mic Iasis mic Danaus mic Foreneus. As andsin adubairt Adraist: A occu, ar se, in feadauar-si ca fath 'ma ndenmait-ni na hidbarta-sa gacha bliadna? Nad fheatamar-ni, ar siad. Is ed ua bes ac Grecaib, ar se, inn uair doberthea ár no imned forro, idbarta do denam 'na aigid; &ersir; tabraidsi uar n-airi ris, &ersir; indesait-sea daib fatha na n-idbarta-sa .i. nathair suaichnid sechtfhillti granda gnuisgarb gaisidech eitech luaimneach lanneimnech darsa comainm Fitoin robai ac indriud insi delbda Deil. Et o'tchualaig Apaill innihi sin, tanic do chathugud risin nathraig, ar ua leis-sium fein int inad coem coiserctha sin, &ersir; rothoitestar in nathair sin re hApaill amlaid sin o chreachtaib dearmara diarmide con-tacmaiged &ersir; con-timchilled cet laa air in nathair sin ar maigshlebib Sirra. Et asa haithle sin tanic Apaill remi co tigib saidbri suaichinti soneamla co hairdrig na nGrec .i. co Crothtopus, &ersir; is amlaid robai in ri sin, &ersir; soniucar ingine glegloine genmnaide aicci, &ersir; tuc in ingen sin grad ndermar do Apaill, &ersir; is tairside dochuaid Apaill ua cleith ar bru shrotha niamgloin Neim, &ersir; robai inn ingean sin torrach co cend noi mis, airet bis gach bean, &ersir; rothuisim-si mac maisech minalaind murneach i clithirdiamraib na coilled cruimne craebaigi. Et tucastar-si da altrom é d'aroile buachaill isin tshleib ua comneasa di, uair ba hecail le a hathair da thabairt a aithbir furri. Et rohoiled in mac sin i llepthaib feoir &ersir; fidnemid &ersir; ua dosaib diamraib digaindi darach. Et is ed ua hadbur cotalta don naidin sin .i. fetana ceolbindi cocuasta do senm do. Fechtus robai-sium amlaid sin ina chodlud d'eis a oiti, douanic cuanart craesoslaicthi confadach chuici, &ersir; aduadar é. O'tchualaig mathair in mic sin .i. ingen Crotopuis, rolinastar do gul &ersir; do golgaire na hinlesa rigda rofhairsinga, &ersir; roindis da hathair sin, &ersir; ni thanic cridi inn athar uirri, &ersir; romarbad aicci hi. Cid tra acht ua holc re hApaill a bhean do marbad, &ersir; rofhaideastar-sum torathar dermar demnech dasachtach d'indred in tire &ersir; in talman in ndigail a mna. Et is amlaid bai in torathar sin .i. delb mna o cichaib suas fair sin, co nathrachaib duaibsecha dubglasa ac deligud a dilleachta ima ceand. Et as e ni donid, teacht isna tigib &ersir; macaim &ersir; mindaine do breith a hochtaib a maithrech &ersir; a muimed, &ersir; a n-ithi.

Is andsin, immorro, robai gilla oc aetidach beoda mear mormenmnach do Grecaib .i. Corebus, &ersir; nir-fhulaing doside int imnead &ersir; int eduala&ndot;g rofhuirim ar lucht in tire &ersir; in talman, &ersir; tanic remi cu comruc da sliged ar cind na nathrach sin. Et is amlaid robai in nathair sin, &ersir; maccaem ceachtar a da lam &ersir; a hingni croma cruadgera ac tarring a n-indi &ersir; a n-inathair &ersir; a cride da compur a cleb. Et dorone Corebus cipi comdaingean catha da muintir ina timchull, &ersir; rasaideastar in cloideam leatarthach lanmor robai ina laim i compur a cleb &ersir; a cridi, co rathoit cen anmain, &ersir; atclos uana Grecaib sin. Et rogab faelti dermar dofholuchta iat, &ersir; rothinoilsead uile da hindsaigid, &ersir; is e ni donitis, bera athgera iaraind do sadud trena haigeadaib &ersir; trena hindib; &ersir; robai do met tedma in torathair co na cromdais eoin na hethaiti na coin na cuanarta ara apach.

Et ua móo fear Apaill iman ngnim sin na 'ma gach ni aile da ndernad ris. Is andsin immorro tucastair Apaill tedmanda imda uruada arna Greccaib uili co coitchend &ersir; arin cathraig Larisa do sonrud. Et ar sin roiarfaig ri Grec do Apaill .i. Crotopus craet rodingebad dib na neoill tened &ersir; na tedmanda sin rouatar aca milliud tre fheirg Apaill. Et adubairt Apaill: Denad in milid romarb in nathraig, ar se, idbarta damsa. Is andsin adrubairt Corebus re hApaill: Dodensa idbarta dit, ar se, dum deoin fen, &ersir; tabair &ersir; dena orumsa in ndigail dobera, &ersir; leic oenur na Grecu. Et o doronne Corebus idbarta, rosaerad é fen, &ersir; rosaerait na Greic ar cheana. Donimit gacha bliadna, ar se Adraist, na hidbarta sin in n-onoir Apoill. Et o tharnic re hAdraist in scel sin do indisin, roiarfaigeastar do Thid &ersir; do Polinices: Cuich sibsi, ar se, a fhiru? &ersir; roindis in darna fer uaib damsa conaid e Tit mac Oeniusa, mac rig na Calidone. Innisead in fer aile dam cuich he, uair is uair cubaid comraid. Et rochromastar in fear trebar Tiauandha sin a cheand .i. Polinices, &ersir; rodech secha uar Thid, &ersir; adubairt: Is nar limsa, am, ar se, a indisin mo bunadceneoil iter na hinataib caema craibthecha cosearctha, &ersir; cidead, ar se, is do shil croda Caithim, mic Agenoir dam ; &ersir; is e m' fherand dileas dearrscaigtheach cathach confadach in Teib, &ersir; is i mo mathair .i. Iochasta. Et is ed uadera dosom gan ainm a athar do rada ara met a nairi leis-seom in chuil sin. Is andsin immorro adubairt Adraist: Craed 'ma celfidea-su oraindi sin? ar se, uair ni fuil ua ceatharairdib na cruindi nech nach cualaig col &ersir; crodacht in chiniuda thnuthaich Tiauanda. Et dano ni fuil acaind crich na ciniud cen chol, &ersir; dena-su fen maith, ar se, &ersir; na hindtamlaig na huilc in chinid da uili. Et a haithli in chomraid sin re Polinices, adubairt Adraist: Batar na tenti, uair dered don aidchi &ersir; urthosach dun lo, &ersir; dentar acaind admolta da Apaill co honorach, ar se.

Is i sin oes &ersir; fuair &ersir; aimsear doroindi Ioib, mac sona saidbir Satuirn, conni &ersir; comairli risna haireachtaib dimoraib diadaib, ca digail daberad arna Tiauandaib &ersir; arna Grecaib isna olcaib doronsad. Et ua holc am re hIunaind in comairli sin digail do thobairt arna Grecaib, &ersir; robai 'ga thairmeasc. Is i comairli dorigni andsin Ioib, a mac murnech morgradach Mercuir .i. techtaire na ndei ifreandaide, do chur a n-ifren do thocbail &ersir; da thoduscad Laius, athar Eidip, co ndernad &ersir; co n-adandad irgail &ersir; anindi, cothnud &ersir; comchosnum iter a uib .i.Ethiocles &ersir; Polinices. Et o rocinded in comairli sin re hIoib, mac Satuirn, &ersir; risna deib ar cheana, roerig Mercuir, mac Maia, ingine Athlaint, &ersir; rogob a oencheandaich luim luaimnig lanalaind imi re himluad &ersir; re hetegail os talmain do. Et rogabastar a chathbarr orecair ilbrechtnaigthi ima cheand, &ersir; rogabastair a fleisc ceandchaim cumachtaich ina laim .i. cadruca ainm na fleisci sin. Et is amlaid robai in fhlesc hisin, rohodiuscfed in dara cend di mairb in domain, &ersir; romairbfead firu in domain in cend aile. Et tanic roime Mercuir ar sin co haireachtaib ichtair ifrin, ait i rraibe Laius i n-inud utmall anoibind ar bru srotha Stig, &ersir; roerig Laius la Mercuir ar fuirmed na flesci fair, &ersir; tangatar reompo tresna foiscthib fuarda firgranda firdomni ifirnd, &ersir; tresna nellaib duba dorchaidi dermara difhulai&ndot;g, &ersir; tre chiachaib bodra brena buaidirthi batar and, cein noco torachtadar co dorus n-imnidach n-uruadach n-ifrind .i. co Tenair, &ersir; o roairig in cu acgarb aduathmar craesoslaicthi confadach treitelltachrach trencendach Ceirbeir, cu Oirc, na firu sin chuici, rofhosclastair glomair na chraes crithnaichech coccuasta batar aicci da sreangad &ersir; da slugadchacnom na fear sin, uair is e sin ua deoirseoir deamnach dichoindirclech ifrin. Et rothocaib Mercuir in laim, &ersir; rufuirmeastar beim do chind imnedach na flesci robai ina laim arin coin sin, cor-ua suan sircotalta do. Et tangatar reompu ar sin .i. Mercuir &ersir; Laius, dar dorus ifrin amach.

Et tanic immorro Mercuir remi isna sligthib suaichinti solusta ar fat inn aeoir uraird ainbheanaig fhuasnadaig co haitib reidi roailli ragaethacha Ioib. Laius immorro tanic seic &ersir; remi dar sligthib soreidi soimtheachta slebe Cirra, &ersir; dar in cathraig fiadnaig fosadgloin dar Foca, ait ar-marbad &ersir; armudaiged eseam fen, &ersir; doriacht co Teib. Ua hecal &ersir; ua huruath les-seom tocht isin cathraig ara crodacht &ersir; ara colaigi. Et is amlaid rouatar curaid na cathrach inn uair sin, &ersir; siat measca mertnecha a haithli idbarta do denam doib do Baith, do dei inn fhina. Is andsin rogabastar in seonor eclach imnach imnedach .i. Laius, rogabastar delb &ersir; denam araile fatha &ersir; fisid do Tiauandaib fair fen .i. Tresias a ainm-side. Et is immi rogab Laius in ndeilb sin fhair, commad moidi rocreitea do, ar ni chreitir-sium físi na hamra na haislingi and, mina bedis persanda uaisli aca imluad. Et tuargaib Laius ar sin in flesc filead bai 'na laim, &ersir; tuc ara ucht Ethiocles mar a rabi 'na collad, &ersir; adrubairt ris: Ua cora dit am, ar se, duad &ersir; domenma do denam na ainius &ersir; aibnius, &ersir; ua cora dait snim &ersir; siregim do denam ina suan &ersir; sirchodlud, uair ita do brathair ac tinol &ersir; ac tochostol it agaid. Et dano ita brig &ersir; borrfad, uaill &ersir; diumus arbithin caradraid &ersir; cleamnais in rig uasail Adraist d'fhaguail do. Et rochindestar commund &ersir; caradrad risin fer calma Calidone, re Tid, mac Oenius, do chur id cend-su dat thachur &ersir; dat indarba-su as do rigflaithius. Et rochureastar Ioib, cend na ndei, misi da indisin daitsiu sin, &ersir; bid in Teib acut fein, &ersir; na leic foirb na fearandus do inti. Et asa haithli sin tanic laa cona lansoillsi, &ersir; roleic Laius e ina richt fen ar lebaid &ersir; ar lanndergad a ua .i. Ethiocles. Rafhoillsig &ersir; roindis na cneda &ersir; na crechta tucastar Eidip air. Et rolecestar sruth lindti fala foruidri fiadnaige asna crechtaib sin ara ucht &ersir; ara agaid do Eithiocles. Et is andsin roerig Ethiocles co haduathmar aindsclech imeclach asa ait &ersir; asa imdaid, &ersir; bai ac iarraid a brathar do throit &ersir; da thachar ris, amal thiger nemnig naimdigi arna duscad asa suan &ersir; asa sirchodlud do murn &ersir; do medar lochta na sealga aca sreathad 'na timchell.

Cid tra acht ua hirdered don &ndot;-aeichi &ersir; ua tosach don lo acna hidbartaib sin aidbli Adraist. Et is andsin tanic Adraist &ersir; Polinices &ersir; Tid da n-imdadaib &ersir; da lepthaib, &ersir; rothoit a suan &ersir; a sirchotlad ortho a haithli anbthine na hoidchi sin. Et nir chadail immorro int airdri uasal Adraist, acht rouadar imraiti imda ilerda ar menmain inn fhir sin. Arna marach tangadar isin rigdai rogloin sin, &ersir; tuc cach dib lam a llaim a chele. Donaisc a chomaind &ersir; a caradraid ara chele, &ersir; rucastar Adraist leis a tech ar leith iat .i. Tid &ersir; Polinices, in nd-inad &ndot;diamuir &ndot;derrit, ait a ndenad-son cocur &ersir; comairle. Et is ed seo adubairt riu: A occu ailli érérgna, ar se, roimluaidseadar na dei sib dam indsaigi-sea, &ersir; fuaribar olc &ersir; imnead ac tuidecht. Atchualabar-si, &ersir; adchualadar Greic archena, da ingin choema chruthacha do beith accumsa .i. Argía &ersir; Deifílen, &ersir; is am toirrsech-sea re tinchur tochmairc na n-ingen sin, uair ni fuil duine sotal sochenelach na fer dearrscaigthech deigfhearaind o nach tangas da n-iarraid na n-ingen sin orumsa, uair tancas iarum a Fair &ersir; a hÉobail &ersir; a hAchís &ersir; a Sparta &ersir; a Pissa &ersir; a hElis do thochmarc na n-ingen sin. Ra-eimthius-sa sin uili. Cindnim, ar se, a comshnaidm na desi sin daibsi tre chomairli na ndhei, uair is dingbala lim, ar se, uar &ndot;duchus &ersir; uar &ndot;deccenel do chleamnaib accum. Et o 'tchualaig Tid &ersir; Polinices sin, robai cach dib sel ac sithshilled uar a chele cia dib doberad fairech no frecra no fritholam fair in fher sin ar tus. Cid tra acht rolabair in fear urlam anacarach .i. Tid dana derscaigthech &ersir; adubairt: Is mor, am, ar se, ind umla &ersir; inn inisli, in cheandsa &ersir; in comairli daitsiu aicned mar sin acut umaindi. Uair ni thanic do rigaib tenda togaide in talman ri uad co mor firindi flaithiusa rit-so, a Adraist uasail. Cid tra acht is urlum ailgiussach sindi im gach ni uas ail letsu, a Adraist, ar Tid. Et ar sin ralabair Polinices briathra terca tarbacha, &ersir; is ed so roraid: Cuich roopabad cleamnus &ersir; caradrad fhir mar thusu? &ersir; ge-tamait-ne ar echtra &ersir; ar indarba, ni thindeanus &ersir; ni toirsi lindi sin acht mad suba &ersir; somenma, uair dogabmaid th' ailgine-siu &ersir; t' onoir, &ersir; is adbal a airfitiud lind beith ac comchaitheam do flaithusa saidbir sochonaig maraen rit fen. A haithli in chomraid sin, immorro, roergetar-sum i n-oenfheacht &ersir; i n-oenfhuair asan inud sin, &ersir; tucsad a llama disli deasa a llam inn airdrig uasail Adraist, &ersir; rogell Adraist riu-son co cosenad a fearanda disli digbala duchusa doib, &ersir; i ed on rocomailled sin ni as mo nar-gell.

Cid tra acht rohindised sin do lucht na cathrach cuanda comdaíngni .i. Larisa, &ersir; adclos clu na cleamnad sin cuanna coimithech sin do beith acin rig, &ersir; irnaidm na n-ingen erergna ilchrothaigi. Argia án don fhir ar tus .i. do Polinices, mac Eidip. Et ua hingnadh delb na hingine, &ersir; ua hi ceitgen cloindi rigda Adráist hi. Et rohindised inn óg digaind dathgel deigdenmach .i. Deifíle do cheangal re cheli comadais di .i. Tid, mac Oenius. Et adclos ua na crichaib ciana comaidchi in scel sin, &ersir; adclos dano co slebtib leathnaib Liac, &ersir; cosna fiddromandaib fairsi&ndot;gi primda Partecda, &ersir; ua oirechtaib aiblib Isilecdaib, &ersir; o Thragia atuaid co Easalia uadeas, &ersir; o sruth adbul thondsolus Nem anair co rind mara Adraist siar, &ersir; cosna bruigib ailli urarda Eparda, &ersir; co treuaib togaidi Tiauanda co romesc &ersir; co ramedair in rig n-ocol n-anuarasta .i. Etiocles, in scel sin do cloistecht.

Cid tra acht o thanic la cona lanshoillsi, rohordaiged &ersir; ro hurlumaiged bandsi firfina. Rochomlinad &ersir; rochumdaigit na hinleasa rigda rofhairsingi d' airechtaib suarca subacha gasraidi Grec. Ua medugud menman, &ersir; ua hindtocuail aiceanta risin rigraid n-arnaid n-aiccendta n-allata .i. fuireochros fegtha &ersir; fairgseana arna delbaib rigda rinnta a n-athar &ersir; a seanathar badar ar sleasaib suaichinti in tigi cuanna cumdaigthi sin. Et ua hiat so araill dona rigaib isa delba rorindad and .i. Inachus uasal, cosa mberthea croeba coibniusa na nGrec uili, &ersir; Iasius seanorda sruitheta, &ersir; Foroneus sithamail sochreitmeach, &ersir; Abas cosnumaid cathbuadach, &ersir; Acresius laindech lanmenmnach, &ersir; Corebus curata coscurach, &ersir; Danaus felltach firmeblach, &ersir; dano batar delba dathchaine deigdeinmacha imda aile isin tig sin.

Cid tra acht ua fograch fraigthi na firmaminti re muirn &ersir; re mormesci na milead ac ol isin tig sin. Et ua hadual re indisin comrada ciuine cosnomacha na n-ingen nGrecda &ndot;gruadsolus ac ol &ersir; aibnius isin tig sin. Et robid gach bean builid bratchorcra ac bibsugud &ersir; bansigud re hingenaib ailli Adraist andsin, comad lugaiti ecla &ersir; uruaman na fer cuanda coimithech sin orro.

Et is andsin tangadar reompo na hingena nuaglana narecha glegela gruadcorcra .i. Argía &ersir; Déifilen. Et cosnigtis frasa dermara der dar aichtib na n-ingen sin ri met na naire inn uair sin. Ua huruath mar, &ersir; ua hemeltius, &ersir; ua himsnim, &ersir; ua huirecla leosom caill a nn-oigi &ersir; a n-ingenais dona feraib sin. Oir ni rabadar ar tuind talman in tan sin da ingin uad indrucu andat sin. Air is amlaid batar-sum, cendchaema cosmaile sulglasa saineamla gruadchorcra gribglana belchorcra banamla detgela dianim lamgela laichthecha co sliastaib semidib, co colpthaib cumaidib, co traigthib tanaidib, co salaib sarchruindi. Cid tra acht gid fata robeth fer fiamach firglic ac mideamain na n-ingen sin, ni fhitir ca ragu doberad dib ara caime &ersir; ara cosmaili.

Is andsin, immorro, ua himchuma&ndot;g maigi &ersir; tigi &ersir; coillti ac gasradaib gusmara Grec ac idbairt &ersir; ac onorugud baindsi na n-ingen sin Adraist. Et o rauatar-sum amlaid sin, atchualatar buaidread &ersir; breasmaidm isna feadaib &ersir; isna fidnemedaib umpu, &ersir; ua comartha duba &ersir; dobroin dona bandsib accu-sum sin artoin. Asa haili sin, immorro, tangadar mna in tire &ersir; in talman i tempull merglan Menerua, uair is ed ua bes aco-sum in tan sin, na hingena oga ra-foetitis re feraib, rotheasctais ni da faltib isin tempull sin Menerba i comartha genmnaideachta. Et o thangadar-som isin tempoll sin, rothoitestar fadbairm &ersir; etig Eoraip, rig na hArcaide, adrochair ri hAdraist fecht riam remi sin, &ersir; rothoitsetar airm &ersir; ilfhaebair archena batar isin tempull sin, &ersir; rochrithnaigseadar riu stocfhograigthi dermar dofholachta as gach aird da n-indsaigid. Ua derbairdeada demnacha sin, &ersir; ua figrad firuilc, &ersir; roimpatar-sum ammach dochum in rig o 'tchualatar-sum na hidna uruada sin, &ersir; nir-indisetar don rig sin acht rouadar fen ac crithugud comraid eturru fen, &ersir; robai airrdi urbada aili andsin, uair is amlaid robai ingen Argía .i. banchele Polinices, mic Eidip, &ersir; cumtach alaind orda ima bragait .i. muntorc alaind i&ndot;gantach Hermione. Ua feochair firchruthach in frithi sin, ua haindsech &ersir; ua hurbadach inn aiscid sin do cech oen ac a mbid. Uair is e Ulchan uruadach, gaba imneadach ifrin, roairic in gnim sin, &ersir; is di dorigni Ulcan in cumdach n-orda sin .i. d' Ermione, d' ingin Mairt, mic Ioib, da dei in chatha, &ersir; Uenerech bandei na toili, &ersir; is ime tuc-sum sin disi dar ulcaib ria. Uair ua hi caemchele Ulcan Uenir uanchumachtach, &ersir; is tar cend Ulchain doroigne Mairt inn ingin Ermione re Uenir. Conid immi sin darigni Ulcan in set sirbhuan sonashercach sin re silliud sechtair fair co nemib nathrach, co lingur loiscend, co salchar slama tened &ersir; saignen, co mongaib dubglasa duaibsecha dracon, co leccaib lasamna loiscthecha ar medon and. Comma ruited re duba, &ersir; coma fiuchtugud fergi, &ersir; coma grendugud galair do gach oen aca mbid. Et is i cetna nech ara rimir a hairmerta uruada .i. Ermione, banchele chuanda Chathim, mic Agenoir, &ersir; is les-side rochumdaiged in Teib ar tus riam. Ar rasoed in bean sin i nnathraig ngranda ngeranaig aroen re Cathim, mac Agenoir, co mbitis aroen ac sirfhetgaire isna moigib cuanda caithmecda. Et asa haithli sin rosiacht in muntorc sin co Semile, ingin Cathim, mic Agenoir, &ersir; is di-side tuc Ioib in grad ndermar. Et ni luaithi ranic in muntorc sin da hindsaigid na thanic Iunaind, ingean Shatuirn .i. bean Ioib, d' indsaigid na hingine i rricht a mumi, &ersir; is ed adubairt re Semila: Cundig-siu, ar si, comairle &ersir; comriachtain rit isin deilb i comraiceand re hIunaind. Et rochuindig Samilia amlaid sin ar Ioib comriachtain ria, &ersir; rocomroic Ioib ria-si a richt saignen telctech tendtide, amal danid re hIuaind cu raloiscead fochetoir Semile, uair nir-fhaelastar-si dellrud na diadachta doben ria. Et is tre bithin in muntoirc sin rolot loscend in n-ingen sin, amar fhorglit na faibli guacha gendtligi sin. Et indister co roibi in cumdach comthnudach colach sin ac Iochasta, mathair Polinices, &ersir; is trena bithin sin roui-si acca mac uaden .i. ac Eidip, co ruc da mac do .i. Ethiocles &ersir; Polinices. Et tuc Polinices ar sin he da banchele uadein .i do Argía, da ingin alaind Adraist. Ua dereoil &ersir; ua dimicin re siair-si .i. Deifile, a cumdach brigach bandsi ac fegad in muntuirc i&ndot;gantaich orda sin. Et o'tchondairc, immorro, Erifile, caemchele Amfíarus, inni sin, tucasdáir saint sirchuindcheda air, co nar-bh fhearrdi le a bethu 'na i&ndot;gnais. Et tuc Argía disi in n-aiscid sin, &ersir; rochuir sí iar sin Ampiarus ar éigin dochum in chatha araon re hAdraist &ersir; re Polinices gusna sluagaibh &ersir; gusna secht righaibh do tabairt in chatha i nd-aghaid na Tiabanda &ersir; Eitiocleis. Rocuired iartoin in cath, &ersir; romeabhaid for Adraist &ersir; for Poilinices, &ersir; romarbtha na secht righa and &ersir; Poilinices, &ersir; ní taineic duine 'na bethaid as acht Adraist a aonar, &ersir; robaidhedh Aimpíaras. Almeon, dono, mac Aimpíarus romarbh seíc a mathair .i. Érifilié; ar as sí fodera a hathair do bhádhud .i. Aimpiarus. Roghabh iar sin cuthach Almeon a haithli a mathar do marbad dó. Rotothlaig iar sin a ben for Almeon .i. Cailliore isidhe, in muntorc; ar roba doigh lé co bfuigbed sé sláinte da scarad an mundtorc ris. Tugad dise hé iar sin in mundtorc, &ersir; aráoi ni móite fuair-siom sláinte. Taineic iar sin athair a mathar go hAlmeon .i. Pleigh, &ersir; romarbhustar Almeon .i. mac a ingine, a cinta a ingine, mathar Almeon fén. Rotothlaig ben Almeon .i. Calloire, ar Ióip co rocoimhetad a da mac bega di co tisadh dhíbh di-ghailt a n-athar, Rén &ersir; Soc a n-anmanda-sidhe. Atrachtatar sidhe iar sin, &ersir; rotinólatar-sidhe sluagh mor dermháir dochum Pleighi, &ersir; rofuagratar cath fair. Rotinoil dono Pleigi a muinntir &ersir; a mileda. Aráoi rocuindeigh Pleigi cairde bliadna forna macaibh gan cath do cur ris. Adubratar-samh dobher-dáois da mbeith a chend-sam aca-samh risin mbliadain sin arná búain da méidhe. Adubhairt Pleigi nach tibhrad a cend dóibh da dheoin. Rocuirsit iar sin cath go fichdo feochair fergach leth for leth, &ersir; romarbad sluagh dírim diairmhe etorra. Aráoi romeabaid in cath for Pleigi, &ersir; rosiachtatar da mac Almeon chuige, &ersir; adubhratar ris: In tucais let, ar siat, Almeon? Ní tucus, ar sé, &ersir; da mbeith agum atrasta, doberoind. Robensat iar sin maca Almeon a cend do Pleigi, &ersir; tucsat ár dermháir for a muinntir macaibh mnaibh. Tancatar iar sin da tigh ar mbreith buada &ersir; coscair.

Finit do scel an mundtuirc.

Asa haithle sin immorro rochuir Polinicsés ag cind bliadna techtaire dochum a bhráthor .i. Eitioclés, Tit ainm an techtaire, &ersir; adubhairt an techtaire fris in flaithes do leigen da bhráthair. Roghabh ferg mor Eitiocles, &ersir; adubhairt in ní tárraid ní leicfedh uadha, &ersir; ní dhénadh cert na dligedh uime acht muna rucadh iomarcrait tsluaigh nó catha uadha é. Ocus nocha denaim-si, ar se, fich na formad um airdchendus na Greigi uili tré charadrad an rig Adraist, &ersir; leigid dam-sa bruigi cairrgeacha cumga na Teibi tondglaisi. Et is iris limsa gor-ip e m' athair Eidip, &ersir; bid d' aitrebachaib aigi-sim, ar se, .i. Pelops mor, mac Tantail, &ersir; Ioif, mac sona Saduirnd. Et is misi, ar se, rachleachtsad ant oireacht-sa orra, &ersir; ní hail leó, ar se, fomamugud do choraid chundtabartach acht beith ag aenrig dilis derrscaigtheach, uair cach flaithus na ba feidil, ní choiglend do chíneadaib. Et nach faiceann tusa ant aduath &ersir; in n-egla ata ar m' oiracht-sa ar mo dul-sa dib? Et dono ni leigfid maithi na treb Tiabarda misi dib itir, na rigi do thabairt dosum. Acht trá ní rodamustair do Thid a chloistecht na eistecht risna baithcheileabraib briathar sin Eitiocleis.

Is andsin immorro adubairt Titt: Dobera, ar se, an flaithus uaid, &ersir; gid trí muir adbalmora iaraind robeidis ad timcheall arna cumtach do Impíon airigda &ersir; is eiside cetduine risar-cumdaigead múr na Teibi ar tus, &ersir; ni denad acht a chruit cheolbind choguasta do sheinm &ersir; ticdis croind &ersir; clocha ua cheol a chruiti-sium co teigdis aran múr. Et cid airm &ersir; ilfaebur &ersir; teinti an talman, ní dad t'aincfed co rabais marbtha mudaigthi o 'r n-armaib-ni. Et biaid do mindrig at egmais araen re d' chend. Et is truaigi lem, ar se, an digal doberthar arna ceithernaib croda Caradonda dobera let isin chath ad t'arrad bodein. Uch tra, ar se Tit, bud adbal na háir &ersir; na hesraidi ar slesaib sleibi Chitherón, &ersir; biaid tuili falcmar fala i sruth alaind Ismén don chomrac sin. Et ní hingnad lem, ar se, cach olc dodentái, uair bá croda colach cach cineadh or-geineadbair, &ersir; ní fhuil do Tiabandaib uili duine nach indtamlaigend da athair a n-ulc acht mad Poilinicseis. Et a Eithtiocles, digeltar ortsa, ar se, th' ulc féin can rigi na bliadna-sa do thabairt duindi, uair nocha sirmid acht sin.

Et o ralabair Tid dana derrscaigteach amlaid sin ar tairrseach an tigi rig, tainig roime co dian &ersir; co debil amal tanig an torc tren adbal allaidh dochuir Déan d'indrad &ersir; do sugad crich na Calidoine, ar ba ferg le can idbairt do denam di do lucht na Cailidoine, co n-eirged a guairi gairblíath gaisideach amal fhidbaid osa cind contaidligidis saignena solusta asa fiaclaib croma cruaidgera ima leiccnib langranda re glondbeimnig a claideam no a clomair an trath contu-indsned ara cheili hé contachlad &ersir; contógluaiseadh cairrgi troma tuinidi an talman &ersir; fualascada fada na fidbaidi a heochairimlib srotha Achileus antan contuairgidis seal-gaireada sirluatha gasraidi Greg cor-fhagaib an torc sin Talimon taraheis &ersir; co ratrascair an coraid curata Ixion co ramarb an milid morchalma Meliagér ua deoid hé.

Ocus is fan samla sin tainig an treinfer calma Cailidonda a hoireacht thnuthach na Teibi, mar bad air fein dobertha era 'ma fhlaithus. Et ua tindisnach toirbert an fhir sin isna sligthibh soineamlaib soimtheachta, &ersir; dodiubraic uad an fleisc n-olachraind robai 'na laim a comartha sída. Et robatar mna na Tiabanda seal ag sithsilleadh an gilla sin, &ersir; dobadar ag eadarguidi cacha huilc do Thid &ersir; dobadar ag imdradad uilc ana n-aigentaib dá ríg bodein .i. Eitiocles.

Is andsin, immorro, rabai an fer meblach micomairlech neimdeach naimdigi .i. Eitiocles, ag sgrudad ana menmain indus doberadh inndeall a oideada 'man teachtairi togaidi sin .i. 'ma Thid; &ersir; is e ni doroine-sium an fer dichoindircleach diumsach sin .i. fer da chuingeadhaib calma catha &ersir; do ogaib talchara tairisi do thoga &ersir; do thinol &ersir; a chur ar cind urtharrsna Thid ar sligid nach seithénadh, &ersir; a marbad doib. Et ba feramail an fer cosar-cuireadh an coimlin curad sin do chomlann; &ersir; tangadar an ceithern sin ar casanaib conairi na coillteag ndriseach ndeilgneach ndiamardluith, &ersir; fuaradar inad fiamach farairi a nglind dorcha doimtheachta iter da sliab arda aimreidi co fidnemeadaib fermara fasaigh. Et dobái carrag ard aduathmar, &ersir; is innti-sidhi rabai an torathar tedmandach dar-bo comainm Spínx. Et is é an torathar nathaidledh &ersir; nothímchilleadh na moigi fa coimnesa di o roscaib rogranda ruamanta. Et cach duine adchidh, &ersir; tigead isin sligid sin, roiarfaigeadh sin ceasta doib; &ersir; gach duine nach tabradh fregra furri, rosinead-si a dóidi duaibseacha dubglasa, &ersir; a hingne urnochta aithgera, &ersir; a fiacla garba goinideacha a cend cach duine, co sluigeadh &ersir; co sirchagnadh dara craes salach sleímredach, noco taínig an fer og ainíndech Eidip, &ersir; co ramarbustair an torathar sin. Et ní lamdais cethra caithmeagda dul d' ingeltradh feoir an muigi sin na eoin na eathaidi cromad dar craebaib na caillead sin os cind in adbaid sin. Et tangadar muinter Eitiocleis co tai taithenach co ruigi in inad sin, &ersir; rabadar ag urnaidi Tid diumsaig do dalaigh.

Cid tra acht tangadar neoill dorcha dubglasa na haidchi tar dreith thalman uili, &ersir; o doriacht Tidd an tan sin a comfogus na caillead a rabadar na fir, adchondaircc uada don tulaig a roibi taitnem na sciath scellbolgda &ersir; ruithean na cathbarr n-orda n-ileagair tré thana na cailleadh ré soillsi in esca. Et dotocht ar Tid aga faigsin, &ersir; taínig roime da n-indsaigid arapa, &ersir; donochd a chlaidim, &ersir; dobertaig na fagada bega bega bungera rabai 'na laim, &ersir; dofhiarfaig co hainmin ainindeach: Can as tangadar na firu, ar se, &ersir; cá folach doberthaí? Et nir-labair duine dib ris. Acht is andsin daerig taisech bailcbeoda bunata na buidne sin .i. Croemus curata, &ersir; dogab a fhaga suainmeach sodibraicthi ina laim laidir lancalma, &ersir; tuc urchar do Tid cor-ben isin croicend an tuirc adbail allaid bái uime da leith chlí, cor-bean crand na sleigi a n-ingnais a hiaraind eter a ucht &ersir; a imlínn. Et ragabustar aduath feochair fergach an gilla sin, co raergestair a fholt caem curchanach amar scaith sciath sciach; &ersir; dobai co hudmall anshadail aínindeach ag ínred a aichthi &ersir; a édaig ré feochrugud na feirgi bai fair. Et adraig ar an magh minalaind a coindi na curad, &ersir; dogab 'ga n-agallaim &ersir; is ed doraid: Anaid ré himbualadh, a oga, uair nocha n-uilím-si acht mé am aenaran ar an mbernaid. Et ní roibi a fureach sin acoson, &ersir; tangadar da indsaigid. Et adchondairc sin na firu sin, indus ba lia ina mar doshail.

Tainig roími suas a mullach na cairrgi a mbid Spinxs, &ersir; dobai ac brisead na cairrgi comdaingne da lamaib croma curata, noco riacht mullach na cairrgi. Et o dariacht suas co na roibi eagla fair uilc do denam ris a leith da druim, rathachail &ersir; dotarraing carraig ndermair ndofulachta, a roibi feidm seisrigi sonairti do tharraing a tendtaib talman, &ersir; rothogaib uasa gualaind co seitreach sírchalma amail an tilcoma tendtachair rodibraic Polus mear mormenmnach aran laechraid Laipiteagda ar bansib Piratous. Et ba machtnugud reisin mbuidin teind Tiabanda sin Titt do beith isin charraig osa cind. Et tarlaig Tidd an tan sin an charraicc ua samalta ri sliab, cu rasrain &ersir; cu rasrailleastair an furmed fuasnadach sin, naco rathuitseadar gnuisi na gasraidi sin &ersir; a n-arm urnochta ar lár a n-aenfeacht &ersir; a n-aenuair, &ersir; ralenaid a lama na laeich sin. Rotrascraid &ersir; rothuindsnit ochta na n-ánrad sin co bristi buaidirthi concurthi a nuaid maraen a roteilcthi rochuir an curaid sin ar an cloich chruaidh. Cid tra acht torchair cethrar curata comlaind a n-aenfeacht uan cloich sin, co fuaradar bás leis; &ersir; dotheithseadar an dirim croda curata sin focetoir, uair fa derrscaigtheach degcineoil an cethrar fuaradar bás and. Dabai ara reím sin fer rigda romenmnach solusta saignenta dib sin .i. Dorebus, &ersir; dathuit andsin an fer suaithnig sochinelach do sil Mairt mic Ioíp &ersir; ba talchair ré tachar an trenfer sin .i. Teron; &ersir; atorchair andsin an marcach mormenmnach urbadhach imneadach .i. Ilas &ersir; ba troigtheach é an tan sin; &ersir; adorchair and dono an fer miscneach mordalach do sil primda Penteus .i. Pedimus. Adchondairc immorro Tid tuitim na treinfer sin, &ersir; na sluaig bristi buaidirthi archena do teitheadh; &ersir; rachasustair na da fhaga fhirgera bai 'na laim, &ersir; dodibraig íad co direach degdaingen. Et asa haithli rolingastair leim don chruadcharraig a roibi ar an mag mor a mach a ndeagaid theithid na Tiabanda, &ersir; ragabsam cruaidsciath cuanda cathbuadach in fhir thalcair Tiabanda .i. Terón, &ersir; ragabastair an craiceand aduathmar alltaighi bai aigi fein uma chend. Asa haithli sin doronsad na Tiabanda dirim dluith catha comdaingin dib a n-agaid Thid arisi. Tid, immorro, rathairring seig co talcair tindesnach a claideam mbailc mbeoda mBistoneagda asa truaill taebguirm aisgedaig urbaga a athar ainmnig .i. Aeniasa do Thid re trentachar a cuil a chaemduirind. Ratimairg &ersir; dotimchill cach ré feacht na firu sin. Roscail &ersir; roscathastair an feacht araill, &ersir; uá farrach anfulang dona feraib sin taidleach na n-arm limtha lasamain ré cheili. Et ba toirmeasc tachair dona treinferaib a n-imad ag indsaigid aenfhir, contuairgidis &ersir; contuinsidis curpo a cheili ag rochtain an rig sin; &ersir; fa cumang croda comnaidi Thid iter armaib urnochta na laechraidi lanmarbtha uime anoir &ersir; aníar. Robo neimneach nemthoglaidi &ersir; fá fosaid an firlaech sin ag srainead na sochaidi uada amach co cian &ersir; ua dermair difoillsiugud an fhir sin ag imirt a sceith, co mbiad ar miri &ersir; ar merbeallaig 'ma-cuairt, co na faghad fer creachtach crithnaigthech ris ba teindinus teithead caí na conair can Tid croda Cailidonda do thegmail dó ara chind urtharrsna. Conteilged-sium &ersir; contogluaisid uad na faga fada firgera, nabidis 'na saitheadaib saiti sodibraicthi a sgiath &ersir; a cnis an curad sin; &ersir; ua lor do gresacht a gaiscid-sium .i. Tid na fiarletharthi fuilidi confertais na fir sin fair. Et is andsin rabadar cethrar curad comramach ag cirrad chuirp an rig sin, &ersir; ba hiad so a n-anmanda: Deilocus beogda bruthnaigthech; &ersir; fer mer do muintir Tiabanda, Plegeus tnuthach tomaithmeach, co tuaig lethain ledarthaig, tuir chatha chomlaind; Gian gloindmer gaisgedach Tiabanda tairgsenach feramail forlaind; Lochapanteis ledarthach lanfheachtach. Ticead a dodranig. Cid tra acht roroth &ersir; rasrain Tit na treinfiru sin contoitidis re tentaib talman uad. Is andsin rabadar ina Tiabanda aga n-airim fein &ersir; fa galar leo a dteirci re tachar an tan sin. Is andsin rofotraicsidar Croimeus Caithmegda dar-bo mathair Driopi Phoiniseagda an mbrathluirg ndruimnig ndaigremair amal ralaig roremair, &ersir; adubairt: A firu, ar se, an racha ant aenduine imlan uaind ar cur ar n-aír co hArgus? Et a aes cumtha, ar se, ní ferrdi duindi imad ar lam &ersir; ar n-arm &ersir; a dul-san beó &ersir; ní head sin ragells-amair-ni a Chidon &ersir; a Lampus don righ .i. do Eitiocles. Et an tan rabai-sium aga rada sin, tarlaig Tid trenglondach urchar do sleig seimnig sarfheachtaig do, co tarla 'na bél &ersir; 'na braigid cor-tregd a indi &ersir; a orclaigi ina cliab &ersir; gid mad béo robed balb co brath i ndegaid sin. Et asa haithli sin dogabastair Peripas mac Teispis a brathair ledarthi leathmarb leis iter a da laim &ersir; dobai ag toirsi &ersir; ag truagnemela co mor asa los. Et is andsin dodibraig Tid .i. faga tromger tulfhaebrach a leith da druim do cur-drebrisastair a asnada cuara curata cor-gab urraindi tré brathair robai iter a da láim &ersir; dofhoslaig an brathair a suili ag buain an gai ind &ersir; dobai ag fegan brathar osa chind &ersir; adubairt Peripas: Co tucthar aigid mar so ar do mac fein, a Tit. Et rothuitsead an dana brathair sin amlaid sin ré Tid, &ersir; dodun cach dib suili a ceili.

Et is e terna a sin Menetus a aenruc, &ersir; rotheith-sium noco rathuit, &ersir; rug Tit air, &ersir; rothogaib Menetus a dá laim, &ersir; dobai ag iarraid anacail ar Thid: Ar na dee da n-adraid riut, leig uait misi d'indsaigi na Teibi cu raindisur do scela innti, amal domarbais-si sinne, ar se, &ersir; do beith-siu béo. Nir-bo trocair, immorro, Tid do Menetus, &ersir;: Doberim mo breithir ris, ar Tid, na geb-sa do dera ina do debrogoid. Uair is tú dogeall mo chend-sa do breith leat do Eitiocles &ersir; cuir uait t' arm, ar se, &ersir; gab maithim n-anacail, uair bu gairid bía ad bethaid risna cathaib iartain.

Is andsin tuc Tid athais n-imagallma &ersir; imchainti arna Tiabanda, &ersir; tainig athscis mór andsin do Tid, co nar-fhéd a sciath d' imarchur na a chlaidim do chongbail, co nusnigdis srotha fola fiadhnaighi na miled romarbastair asa trillsib troma taitnemacha, amal leoman mer Maisileagda ar gur air almad &ersir; indili co nbi scitheach ar caithim an comaid sin.

Cid tra acht is ed fa tend ag Tid dul d' indsaig na Tebi &ersir; faidb fhuilidi forderga na fer sin do breith leis do Eitiocles &ersir; dona Tiabandaib ar chena noco ndebairt an bandea Menerba ris: A micríg na Calidone, ar si, ca misgais no ca migradh fuil agut fort fen intan tegi dod tinnlacadh do Tiabandaib? Et na mill in coscar rochuiris &ersir; na mórgnima doronais, &ersir; doghebat Grécaigh uili cathugud o Tiabandaib. Ocus rotinntodh Menerbha aicnedh Tit andsin.

Imthusa Beniri banchumachtaigi roinnsaigh seig a lennan .i. Mairt, mac Ioib, &ersir; roeigh air, acc iarraidh furtachta do Tiabandaib. Ocus dofurail ar Tit dul co Teibh do fagbail a oidhedha, &ersir; roraidh ris: Da madh e intan tucais in gradh ndermair dam-sa, &ersir; mé ac Ulcan, &ersir; rochuadhus ad chomdail-si &ersir; rochomracais rim ri Beínir. Et o racomraic Mairt ré Ueínir andsin, rochruaid-cheangail an slabrad sin iad a n-urd a n-adaltrais, &ersir; o'dchondaircc Ulcan iad, rothinoil na huili dee &ersir; bandee co fhacadar co fiadnach adaltras na deisi sin. Et da mad hé an lá fuarus-sa ant imdergad-sa as do los-so, a Mairt, dobertha-sa maithim damsa dona Tiabandaib; &ersir; is mo doberad Ulcan damsa cach ní do chuingebaind fair anai-siu, a Mairt, gé doronas a aimles. Et créd mar-leigis dam, ar si, 'in ingen rucus duitsi dar cend Ulcain .i. Erimone da thabairt don fir Thirdha Tiabanda .i. do Chaitheam mac Aigenoir, &ersir; olc do denam ré lucht na Tebi 'na degaid? Et is nair duitsi,' ar si, 'corob treisi Ulcan re milliud na Tiabanda ina duitsi 'ca n-anacul. Uair is é Ulcan tre ét umaitsiu tuc forru cach col da ndernatis .i. in muintorc tuc doibh' Nochar-fuilngastair trá an fer cuanda cathbuadach sin .i. Mairt, mac Ioif, briathra Ueiniri do dul co dimain. Rachuir a arma uadh, &ersir; ratoirling asa charpud, &ersir; ragab chuigi in ingin a crislacha a sceith, &ersir; dogab co hinmain ailgen age hagallaim, &ersir; adbert:

Is tu duine as docha lium dona dainib &ersir; dona deib. Is taisgi rabaithfind-si me fein isna srothaib adfuaraib ifernda na dorachad do grad-sa &ersir; t' inmaine uaim-si &ersir; grad lochta na Teibi. Et chena, ar se, ní fhedaim gan teachtaireacht don athair d' Ioib, ar se, uair atá a chumachta a nim &ersir; a talmain, ar muir &ersir; ar tír, &ersir; ní fetar teacht a n-agaid chainti an chumachtaigh sin. Uair docindastar Ioib &ersir; na dee ar chena o thosach an domain an cath-sa do chur. Acht chena, ar se, an tan beidid na cineada ceachtarda ac cathugud ar faithchí na Teibi .i. na Greig &ersir; na Tiabanda, &ersir; dober-sa fortacht &ersir; foirithín ar na cineadaib tairisi Tiabanda, &ersir; dodensa, ar se, do comairli-si cach indus dofédab. Uair legaid na dee dunn furtacht ar carad, acht na rab toidecht a n-agaid a toili. Et o adubairt-sium sin, rogreseastair a eocha disciri difoillsigtheacha. Ba deínigtir saignen luath lasamain ré tinchur a diubraicthi a n-aimsir adfuair anbhthenaigh, amal tainig Mairt mac Ioip roime risin teachtairecht sin.

Imtusa Mairt conuigi sin.

Imtusa, immorro, Tit mic Aeniasa, rochind seig a cheim co hegandais adhuathmar tarsna bruigib cairgeacha gartglana Gregda, co facaid uad mullach na cathrach suaithinti suthaigi .i. Prochinna. Ua salcha sesmacha trillsi an treinfhir an tan sin ré lansalchar an luaithridh a haithli an lanchomaig, &ersir; ba salcha fliucha na fiarletairthi badar a cnís an curadh sin tré allus a aistir &ersir; imtheachta, &ersir; ba ruisti ruamanta ruisc an rig sin can codlad can chumsanadh, &ersir; ba mórmenmnach an milid sin a haithli an choscair dochuir. Uair is amlaid dobai Tit mac Aeniasa andsin amal tarb comthnuthach coscarach ar traethad &ersir; ar toirnem chuingida choimfedma, coma lochairthi lanmarb dá eis arna fudbogud. Et o rasiacht immorro Tit na cathracha sin na Greigi, nir-an ag adandadh feirgi &ersir; urbaga &ersir; miscaisi na Tiabanda arna cineadaib cosnamacha.i. ota Sefon co hArgus, &ersir; dobaí 'ga indisi a chuir fein re teachtairecht dochum Eitiocleis d' iarraid a fhlaithis do Phoilinices &ersir; raindis an feall dotriallad air fein tré cheilg in aidchi sin ag Eitiocles &ersir; era do thabairt do umon flaithus do Poilinixes. Et dob urusa do Thid aslach uilc do thabairt iter na poiplib sin Adraist. Uair dobai an dea croda cathchumachtach .i. Mairt ag urail ana cetna orro.

Is andsin immorro dobaí an rí uasal Adraisd, &ersir; maithi a muinntire 'na farrad a coindi &ersir; a comairli, antan tainig Tit can fis can aireachad chucu no cor-labair fon dorus ag teacht astech: A firu, ar se, gabaid bar n-arma co hoband; &ersir;, a Adraist, ar se, cuimnig, ar se, do sochineilchi &ersir; mormenma na fer mor or-geinis, &ersir; gab t' errad catha &ersir; comlaind &ersir; comraig umat; uair nocha n-uil comall caradraid ag na Tiabandaib risna deib na risna dainib, ar se, &ersir; dobad usa liumsa dul re teachtaireacht d' indsaighid cach cineada egendais ainindaig aili 'sin doman na da n-indsaigid-sium. Et a Gregu, ar se, berid mise dochum catha na Tiabanda, co ndiglar orra t-indlead ceilgi tucsad oram isin n-aidchi. Et ergid co hoband, ar se, dochum bar namad antan ataid co heaglach anband remaib, &ersir; antan ataid trúaig nemelach ag nuallguba a muinntire, &ersir; ag adnacal chorp a carad alla muich da cathraig, &ersir; domarbus-sa fein .i. treinfer dona Tiabandaib. Et gid am creachtach crolindteach-sa, is ed is ail lium a n-indsaigid a cetoir doridisi.

Is andsin doeirgeadar na Greig a n-aenfecht a n-agaid Tit do ferthain fhailti fris, &ersir; is e cetfer doriacht da indsaigid an trenfer calma Caithmeagda Polinixes, mac Eidiph, rochrom a chend, &ersir; adubairt: Adchim-si do chreachta, a Thid croda, a charagain; &ersir; ni tu do creachtnaiged andsin, ar se, acht mad misi fein; &ersir; do rulcaib rimsa doronad ritsu sin. Et bid-si an bar tocht, ar se, a Gregu, &ersir; leigid damsa debaid ma brathar; &ersir; is ed dligim-si, a Thid, ar se, do creachta-su do digail ar na Tiabanda. Et o dorigni-sium an comairli sin co coitchend re cach, roerig truaignemela toirrsi &ersir; tindusa a crideadaib na nGreg uili, co na roibi d' óg na do shin andsin an aenduine nar-chind aenmenmain a aít &ersir; atharda d'fhagbail, &ersir; dul d' indsaigid na Teibe da togail re Polinices, mac Eidip. Et dolabair an comairleach cianaesta .i. athair an oireachais .i. Adraist, &ersir; adubairt: Leigid damsa &ersir; dona deib bar caingni do chrichnachadh, &ersir; denaid teindeanus um thachur risna Tiabandaib. Uair nocha racha an flaithius a n-aiscidh o Phoilinices can a digail, &ersir; bid nua sin antan dogentar. Acht chena, ar se, dentar Tit, mac Aeniasa, do leiges &ersir; do lesubugud, &ersir; legar codlad &ersir; cumsanad do chorp creachtach an curad comba slan. O 'dconncadar ceitheirn cuanna coimideachta Thid &ersir; a baincheili baillgeal banamail, a cnes ar creachtnubad, robuaidrid &ersir; romedraid a menmanda. Et roiadsadar uili uime 'ma cuairt co dluith &ersir; co daingean, &ersir; tairastair Tid co fosaid forbailid isin rigda, &ersir; a druim risin colamain comdáingin bai for lar an tigi, &ersir; doglanustáir an fiseacda fireolach .i. Idmon Epidurda, a creachta an curad sin d' uisqui langlan linnfhuar, &ersir; dothesc do scín aithgher faebarguirm iumad an feola atmairi as. Rachuir luibi cumachtacha cnesaigthi a ledarthaib an laeich sin. Et dobai immorro Tid, mac Aeniasa, ag fhaisneis &ersir; ag indisin a gloir &ersir; a chomraith fein &ersir; Eitiocles, rí na Teibi; &ersir; roindis an t-inad a tugadh in tsleag ceilgi uime, &ersir; in uair tugadh an cath, &ersir; anmand na toiseach dorochair leis, &ersir; an fer-indisin-scel doleig da deoin uada .i. Meón fileata fadamail. Et ralai socht &ersir; snim an rig n-uasal nAdraist &ersir; airig an tiri &ersir; an talman badar ag eisteacht risna scelaib sin; &ersir; rob adannad menman don lucht sin scela na Tiabanda, &ersir; fá togbail fergi &ersir; fhuasaidi Poilinices moir mic Eidip sin.

Et asa haili sin rothoirind &ersir; rathain an grian dathglan difhoillsigtheach ar uaitni caema corcurglana dar eocharbordaib in aigeoin aird Iberda siar co fuinead, co raiad &ersir; co rainfhogair agaid dorcha doimtheachta crislach comluaimneach choguasta na firmaiminti um tulcaib &ersir; trebaib an talman uile, co roibi cach uili ina colladh &ersir; ina comsonad, acht mad an ri cendais cianaesta Adraist a cliamain primda Polinices ag sgrudad gaisi can chodladh in aidchi sin. Et bai immorro Tid leadarthi ina lanchodlad.

Et asa haithli sin tainig Mairt mac Eoiph con arm-fogrugad adbal in aidchi sin dar crichaib arda na hArcaidi, &ersir; dar bruigib níamglana Neim, &ersir; dar mullach sleibi tirmglain Tenair &ersir; co cathraig uasail Apaill do Tiramnas co ralin grada chatha cosnama crideada crithnaigtheacha curada na Greige uile tré aslach an dei Mairt mic Eoip. Et dono roscail Fama, ingen Terra, co cluach irdairc scela an dea sin Mairt fo chricha &ersir; chendacha na Greigi uili.

Et a cind seacht laithi iar sin roerig an senoir snimach uasal, Adraist, &ersir; rabai co himsnimach 'ca imradh an cath rocomorfad no an sid rosirfea ar cach. Et is í comairli rochind-sium a faidhi &ersir; a fisidi do thabairt da indsaigi &ersir; a iarraid daib seig tre idbartaib ar na deib cid bud choir dona Gregaib do denam. Et is íad fá fileada an tan sin aigi-sium .i. Aimpiaraus, mac Eitiocleis no Eiclis, an sagart tuaithcill tuigsenach na todochaidi; &ersir; an senoir fireolach finnitneach Melampus, mac Amithón. Et ni roibi a coimré fris neach as mó ara tabradh Apaill firinde fregra inain fer fer sin Melampus. Et doronsad na faidi sin taiscelta faistine ar tus tré fuil &ersir; tre indib na ceathra comloiscthi; &ersir; ona fuaradar fis, ba failid leó uaithib sin.

Is andsin rotriallsatar taisceladh ar nellaib nuaglana in aeoir. Is amlaid rabadar-som, &ersir; sliab ard aireda chuanda coimreidh coiseargtha a comfogus doib .i. Aphesannt. Et is do mullach an sleibi sin rofoluaimnig Peirs mac Ioip do cathugud risin Gorgain. Et is amlaid robai an Gorgain sin .i. torathar trechendach, &ersir; cach duine adchid he, doníth carraig chomdaingean de. Et o chualaid Pers, mac Eoiph, sin, tainig d' indsaigid Meneirbi, &ersir; dosir furtacht furri dochum na Gorgaine. Tug Menearba a sciath gloinidhi udein dó co faicead-som scath an torathair ag tachur ris trésan sciath sin &ersir; co faced in torathar a scath fen conar air fen docuaid ann; &ersir; atorchair an Gorgan leis-sium amlaid sin. Is andsin tangadar na faidi &ersir; na fisidi sagart sin .i. Ampiaraus, &ersir; Melampus isin sliab n-alaind n-olachranda sin, &ersir; a snaitheadha ailli idbarta 'má, cendaib re turggabail na greine suaithinte solusta isin maidin moch-thrath. Is andsin dolabair Ampiaraus ar tus risna deib .i. re hEoib do sundrad, &ersir; rarim a cumachta egsamail in gach inad fair d' iarraid a firindi &ersir; a innisin duind tre gothaib, na n-én, a Ioib, an mberam coscur dona Tiabandaib don turus-sa. Et o 'dubairt Ampiaraus sin, ralaigastair isin carraig chomdaingin a roibi, &ersir; dobaí ag fegad fhaistine ina aignead andsin, &ersir; o rafegastar-sum renda &ersir; reltanda na firmaiminti &ersir; atha in aeoir, ralabair Melampus an filid asa haithli sin &ersir;: Adchi-si, a Ampiarauis, ar se, conach foillsigend én na eathaidi sosad na saime don ulad sin no so. Uair adchi-si edaigi duba duaibsecha in aieoir ag troid &ersir; ag tachar da n-íningnib croma gcruaidgera ré ceili &ersir; comartha duba &ersir; broin sin, ar se. Adubairt Ampiaraus ar sin: Darignius-sa co minic, a Melampuis, faistine a n-uair dob óg me antan dochuadus a nArgo maraen ré hIason &ersir; ré hErcail &ersir; re rigraid Greg archena co crich na Colcheta. Et ní rochreid Iason da fisid na da fireolach .i. do Mopsus, amal dochreid damsa. Et nocha nfuarus riam, ar se, derbairdeada moruilc mar so a faistine da ndernus, &ersir; tabair-si t' airi, a Melampuis, ar se, risna dirmaib diairmidi d' elaib ailli aengela adchím atuaid on sruth adfhuar oigreta .i. o Strimon seachum aneas o sruth niamglan Nil. Et tuic let, ar se, na Tiabanda taetencha i sidh in cathrachaib comdaingnib trésna helaib nemluaimneacha, ar se, &ersir; ag siud buidean as chalma inaid fein da n-indsaigid .i. secht n-aquili aduathmara, &ersir; is íad sin, ar se, secht rig na nGreg ag indreadh &ersir; ag argain na Tiabanda. Et ag siud, ar se, aquil dib ag dul a n-airdi co raloisceadh &ersir; co raloitteadh hí; &ersir; is é sin, ar se, an ri diumsach drochaigentach .i. Capeneus an sechtmad ri do rigaib Greg. Loiscfid saignen teindtigi hé ar an cathuchad mór na Teibi. Et dofhédar, ar se, in aquil so rothuit ar scis eteagaili, is é an mac baeth buaidealta Partanapeus, &ersir; ant en-sa dono rothuit ar braigid a cheli Polinices mor, mac Eidip sin; &ersir; a brathair Eitiocles, rí na Tiabanda. Et ann acil raimig imshlán .i. Adraist uasal a aenur. Et ant én so adchí do bathadh, ar se, .i. Ipimedón, &ersir; ant en-sa adchí ac cognam chind aroili .i. Tid mac Aeniusa sin &ersir; Menailispus.

Is andsin domebaid a chai ar Ampiaraus, &ersir; rafiarfacht Melampus: Cid ma cidii, a chumthaig, a trasta? ar Melampus. Truag am sin, a uasail airmidnig, a Melampuis, ar Ampiaraus. Doberim-si, ar se, aithne ar an én úd rothuit can ait &ersir; can inad d' fagbail, conid mé fein tuitfes tresin talmain sis ar cathachad mor na Teibi. Cid tra acht ragabastair critheagla mor na faidi &ersir; na fisid sin, &ersir; rob faiteach leo fegad na fisi sin, &ersir; dochuir an sagart Ampiaraus a edach uasal idbarta de, &ersir; táinic isin sliab co dubach domenmnach, connach cuiread asa airi cathuchud na Tebhi mar bad in uair sin nobedh. Et ni deachaid a teach an rig Adraist, na do comrad re huaislib na hoirechta, acht dofhalcastair hé a nduama aineolaig anaithnid can fis do duine. Melampus immorro dobái fein isin tsleib chedna co cend se lá &ersir; se n-aidchi can labra ré duine.

Et o nar-labradar na faidi firindi fesa risna Gregaib, rogresistar Eoip mor, mac Saduirn, cend cumachtach coitchend caich, gasraid Greg dochum na Teibi do togail, comdais fasaighthi na feranda &ersir; duine &ersir; dingnada na Gregi ré leiri &ersir; lanméd tinoil na treinfer sin, cona fagadhais a mna &ersir; mic &ersir; mindaine ag nuallguba da n-eis. Is andsin roglanaid &ersir; radaingnigid carpaid craeslethna comora. Ralimaid &ersir; rolondraigid slega suainmeacha sodibraicthi a meirgi &ersir; a migne leo-sium. Raslibaid &ersir; roslemnaigid cloidmi aithghera urnochta aco-sam ré har &ersir; ré hoirleach a n-escarad. Raníamaid &ersir; ronuaglanaid cathbarra cruinne cumdachta &ersir; luireacha drolmanacha dubglasa leó. Rochumaid &ersir; rochoimsigid inair chaema cruadchomraig fa chneasaib na curad sin, &ersir; tucad leo fedmanda fillti for bogadaib caema cornectaib. Ralegaid &ersir; raluathchumaid a n-iarrnaigi athcnaiti arathair, a corrana coimremra &ersir; a rastail troma treuairi, comdais airm aithgera urlama a n-agaid irgaili. Radidnid &ersir; radaingnigid a sceith chaidi cathbuadacha do seitidaib gorma glaedecair tiuga togaidhi tarb.

Et raergedar uili a n-aenfecht co haenmenmnach na Greig co hArgas &ersir; co teach an righ uasail Adraist con craitheadh feigi na firmaimindti gair gasraidi Greg ag tinnscedal tachair re lucht na Teibi coma coma samalta in nuall sin &ersir; tulborb fogragad na cruinni comairdi ac athcumsgugad don choraid curata .i. Encheladus, da sleibtib sarmora na Sigili srotaidi.

Et is amlaid innister co rugad an corad sin fa sleibtib na Sigili .i. daine mera mileata badar an tus na haimsiri &ersir; is i comairli rochindsed, tocht do togail nime &ersir; rigi do gabail. Et o 'dchualadar na dee sin .i. Ioip &ersir; Apaill &ersir; na dei ar chena, dochuirsedar cath risna coradaib sin &ersir; ríu seig aderthái mic an talman ara truma &ersir; ara talmaigeacht. Ramebaid orra an cath sin, &ersir; rochenglaid &ersir; rachuibrigid risna deib iad, &ersir; dochuiread fer dib fa shliab Athna. Et is ed innister an trath chuireas cor no culscal de, conseideann sruth casracha teinead a taeb ant sleibi, &ersir; roceanglaid andsin Enceladus bá tri sleibtib na Sigili .i. Lilbeus &ersir; Pacinnus &ersir; Pilorus, &ersir; antan concumscaigenn an coraid sin, crithfograigid cruinne na firmaiminnti uili, &ersir; ba cosmail rissin nuallgair na nGreg ag iarraid thachair risna Tiabanda.

Et asa haithli sin rochomerig fer brigach borrfadach soichsinach sotal sochinelach .i. Capaneus, an sechtmad rí an toicheastail sin na nGreg, &ersir; is é an fer egennais inniriseach sin nach denad ni ar deib na ar dainib, &ersir; rolabair Capaneus &ersir;: Is dillsiugud &ersir; is dimigin duind, ar se, a Aimpiarauis, an coimlin curad cumtaig, atai-si ag urnaidi fhaistine aenduine 'sin doman. Et mad misi chena, ar se, nocha bíu ag urnaidi ris, uair is and ata mo chumachta comlaind am chlaidim, &ersir; doden-sa faistine daib, a Gregu, muna derna Ampiaraus.

Et o raiadsadair na Greig fan ngilla sin, raerig Ampiaraus, &ersir; adubairt: Nocha n-ar glor ogal ainindeach Capaneuis, na re hegla dodenaind-si faistine daib, acht ar bar ngrád fein. Acht ata ni chena, a thruaga, ca dasacht &ersir; ca drochciall imluaigis sib? Et ca miscais doberthai daib fein, &ersir; dá bar cathraig, do Argus, antan teigthi d' indsaigi na Tiabanda, &ersir; créd ma tucsabair orm faistine duib? Uair adchondarcus derbairdida digla dermairi daib, a Gregu, &ersir; rothescad snaitheada bar saegail ag na Parchip iferndaigi. Uair tri mna aderar do beith i n-ifern, &ersir; fairchi aderar ríu, &ersir; cuigeal gona cuigeallach aca a triur a chuma shaegail cach duine .i. bean dib ag imarchur na cuigili .i. Clotha, &ersir; bean ag snim ant snaithi .i. Lacesis .i. in tres ben ic tescad int snaithi Atropus. Et, a thruaga, a Ghregu, ar se, Ampiarus, ca hailleas daib treba na Teibi do thuar d' apaigib bar corp arna marbad ar moigib cathrach Caithim &ersir; ge-tu-sa 'ca bar toirmesc? ar sé, uair is cinnti co racham uili and.

Et rabai an sagart ana thast Ampiaraus andsin, &ersir; dorad Capaneus athis aridisi ar Ampiaraus, &ersir; adubairt: Bi-siu co timteitheadach isin Greig, &ersir; cach aen ara n-urailfi tú eagla tred t' faistine, &ersir; na heist-siu risna stoccaib tendgluaire Tirrannda. Et dogein-sa fein, ar se, faistine da gach aen tia leam dochum an cathaigthi. Et is uime aderar Tirrannda, risna stoccaib, uair Terenus, ri na Tusceta, brathair Lidh, cetduine risir-sínnedh sdocc riam ar tuss.

Et rofograigsed Greig bresmaidm ndermair tresin seiseilbi sirgloir dorindsead ag comaentaig ré Capaneus, amal fogrugud doní sruth buinni dian dileann a n-aimsir adfuair earrchaidi dar fegaib &ersir; dar fanglentaib an talman. Et o tainic in adaig, rascailsead na curaid sin a comrath; &ersir; gid sochaidi dochodail, no cha n-í Argia, ingen Adraist, ben Poilinixeis, rochodail ré himsnim &ersir; ré hudmailli menman a los a fir, uair ní fagad sí caemthachas na comrath in fhir sin ré snim &ersir; ré sirimrad cíndus dodenad ré brathair ima chuid don rigi &ersir; don fhlaithus.

Et tainig, derid aidchi, roimpi co teach rigda roard a hathar &ersir; a mac fein &ersir; a meic bicc ina laim .i. Tesanndrus, mac Poilinicseis; &ersir; adubairt si ré hathair: Rafider tusa, a athair ínmain, a Adraist, ar si, an toisc 'ma tanag-sa an tech-sa, Adraist, cen co hindusar dit. Et ni hé Poilinixes adrubairt rim teacht, acht mad duba &ersir; domeanma, eccumsunad &ersir; etfualang dom-buaidread o thucais-siu mi do Polinices. Et, a ri, adeir ritsu, tabair furtacht ar in fear sin, commor catha les do chosnum na Tebi, &ersir; a athair inmain, ar si, abair in tibrea, uair rocharas-sa in fer sin, &ersir; is coraide ditsiu cu&ndot;gnam les; &ersir; ge-tu-sa aniugh ac tendad in tachair, is doig leam biait aris acca thairmesc re hecla uilc daibsi. Et asa haithli sin ropoc Adraist a ingin, &ersir;: A ingen, ar se, ni aiscim ort in geran dani &ersir; in n-aicine fuacraid. Cuir dit t' ecla &ersir; dena do cheli do chomdidnad, uair atamaid-ne ac fur in chatha sin &ersir; is cinti a chur. Et o thainic in maten re crichaib in chomraid sin, roerig Adraist.

Tri bliadna tra co haes na haimsire ailli errchaide sin robas ac fur na fingaili sin iter na Tiauandaib &ersir; na Grecaib. Et ergid in badb catha cosnamach &ersir; rochraithistair aithindeda adanta uruada uas cathrachaibh na nGrec &ersir; na Tiauanda. Rogair &ersir; rograin uas na longportaib lethna lanfata cora-gabsadar buidne bruthmara &ersir; trenfhir talchara a n-armu aithgera ri tenta tindeanais na baidbi beldergi sin. Et o tanic amser in chatha do chommorad, doronaid idbarta aidbli mora leo, co samlaitis na sacairt maith tresna hidbartaib doib iartain. Et is andsin roergedar maccaim beca buaigelta, &ersir; ingena nuaglana nairecha, &ersir; seanoraig crina chrotbolla do celebrad dona fearaib sin, co snigtis frasa diana der dar cathbarraib cocuasta, dar armaib &ersir; etaigib na carad cumachta sin ac pocad a cheli re scarad.

Tochastol na nGrec andso uadeasta.

Is iat so na ciniuda dochuadar dochum in chatha sin, cona rigaib uaisli leo .i. in ri toirrsech taetenach anband anindech snimach sirchelgach Adraist. Et ni ba setrech re himurchur n-airm in fer sin, acht mad a cloideam nama, &ersir; a airm aca muntir 'na degaid. Rocheangail &ersir; rochumdaig a ara a eocho diana deigretha i ndorus na cathrach Larisa, &ersir; robai a ech socair soermach .i. Areon, ac doibli &ersir; ac daeibili, &ersir; ua comartha uilc iartain acco-son sin.

Is andsin roergedar slúaig &ersir; sochaidi &ersir; sochraideada in rig uasail, Adraist, asa cathrachaib dilsi dathglana uadein. Et it e andso a n-anmand-side .i. Larisa, &ersir; Procinna, &ersir; Mída, &ersir; Pilos, &ersir; Neris ar bru srotha Caradron, &ersir; Cleon, &ersir; Tilé i crichaib na Lecdomoin; &ersir; tangadar na ciniuda comnesta a slebtib cairrgecha Drepain &ersir; asan chathraig as Sition iter in sruth lanmor Lan&ndot;gia &ersir; in sruth n-adbul Eleos; &ersir; tangas asin chathraig uraird oaibind a hEfir, &ersir; a Conrae &ersir; asna crichaib uile iter topur primalaind Pegais iar n-iarthur, &ersir; in sliab n-aibind Ithmos iar n-airthiur, &ersir; in muir n-ard nAdriadecda iar tuaiscert, &ersir; in muir n-ainbtheanach nEgeta iar ndescert, i sochraide Adraist. Et ua tri mile lin int sloig sin ac subochus 'ma rig co n-armaib ecsamlaib, uair ni ua cosmail na ciniuda, uair rouadar cesfhagada lethna langera ac forind dona fearaib sin, &ersir; lethgai londrecha lasamna ac airiucht aile dib, &ersir; taibli taidlecha tulamuis, &ersir; boga blaithi beandchruaidi ac drem aile. Et ua samalta in ri uasal Adraist iter na haireachtaib sin .i. tarb n-ard n-aduathmar co n-imad crecht arna cnesugud ina curp conna fedad ocdaim na n-almad fegad fair ri haduath a adarc tulmael tamnaigthi ri tenta gacha tachair.

Is andsin, immorro, rothocaib in trenfher tend talchar Tiauanda Polinices, mac Eidip, a mergeda ardda aduathmara; &ersir; as iad ua cuingid chatha 'man fer sin, na Tiauanda tarrisi tangadar asa tir da n-indsaigid, &ersir; cethirna na cathrach ratinnscarnastar Adraist do maroen re a ingin; &ersir; at iat so na cathracha .i. Eogeon, &ersir; Arenen, &ersir; cathair Teis mic Eig mic Nemtuir .i. Toeiste. Et ua hinund arm &ersir; etgud do Polinices inn uair sin &ersir; inn adaig tanic riam remi co tech Adraist .i. croicend leomain talchair Teomesecda ime, &ersir; slega rindgera roremra ina laim, gu &ndot;gonad-som remi &ersir; da eis dib sin, &ersir; cloideb fate firfaebrach uar a chliu, co ndelb in torathair romarbad la hEidip and .i. Spinx. Cid tra acht ua fata re Polinices techt in turas sin intan doberead da uid Argía, ingen Adraist, a banchele uadein d'fhácuail da eis &ersir; ua tindeanus leis tocht d' indsaigi a flaithiusa a mathar &ersir; a muntire in feacht aile; &ersir; ua ceithri mili lin na sochraidi sin 'man trenfher sin.

Is andsin immorro rochoraig in fer sotal saignenta failid arnaid esadail .i. Tid, a muntir uar aird, &ersir; roerig menma in miled sin o 'tchualaich na stuccu 'ca senm, amal eirges nathair oilmir anindech re tinchur na greni i llo samraid solusta, co nthobruchtad tondgar a nemi uar feraib futhremra, cuna lamad duine na ceithri buain ris. Et ua hiat sluaig inn fhir sin, ciniuda calma Philine, &ersir; milid primda Pleuron, &ersir; is inti sin robid a brathair-sium .i. Meliager, &ersir; cetherna calma Calidone, &ersir; aireachta Elenós, &ersir; curaid na cathrach Colchis, &ersir; aitrebaid int srotha Achilous, cathracha na hEdailli i crichaib na Calidoine sin. Et is amlaid badar lucht na cathrach sin, &ersir; cathcliatha aidbli umaide acco do diden a corp re cathugud, &ersir; laigneda lethna ina lamaib re letrad, &ersir; cathbairr caema cumdachta ima cendaib; &ersir; roiadsad as gach aird inn ocuadatu tend togaide sin 'man milid maisech mormenmnach .i. Tid, mac Oenius. Ua subach i cathaib in cuingid sin, &ersir; ua tendi tomhaitheam Tid arna Tiauandaib na bacur Polinices.

As a haithli sin roerig in rig ard airegda .i. Ipomedon gasta gruadsolus; &ersir; timsaigid a shluaig leis o bruichib srotha lan-alaind Licc, &ersir; o imblib srotha Inaich, &ersir; o crichaib arda srotha Asterion. Et tancadar and dano na dirmada doilgi Driopecda &ersir; na haireachta aidbli Epecda, &ersir; na hilbuidni airrdrici Epedurdá; &ersir; tangadar leis fos milid maithi menmnacha na cathrach Dimé, &ersir; buidne dluithi degdaingne na cathrach Pilos, &ersir; ua hesti sin do Neastoir, mac Taicsis, mic Neleus, do chind gaisi Grec; &ersir; ua hoc he in tan sin, &ersir; ger-b oc, roop tocht do thogail na Tebe in tan sin. Acht roimluaid Ipomedón lucht na cathrach leis archeana tre laechdacht a llaime dochum in chatha. Et is amlaid bai Ipomedon, &ersir; cathbarr alaind umaidi co tri ciraib comarda cathbairr, coma samalta re snechta ara sargili ima cend, &ersir; ua cengalta corp in curad sin uile o armaib. Uair is amlaid robai-sium, &ersir; crundsciath luchair lasamain fair, co ndelbaib cloindi Dánaus &ersir; Beil. Et is amlaid rouadar sec inda da nderbrathair &ersir; fich fergi eturru. Coica ingen ac Danaus &ersir; a comlin sin do maccaib ac Béil; &ersir; adrubairt Dánaus re a ingenaib: Dober-sa sib, ar se, do maccaib Beil, &ersir; marbait-si iat isan oichdi. Et is amlaid sin doronad, acht oenbean nama &ersir; nir-marb-sein a fer .i. Linus. Et rauadar delba na dremi sin, &ersir; delba ileccair imda aile isin sciath sin arna rindad ind, &ersir; ua samalta concrithnigitis na coillti &ersir; contairnitis na slebti sainemna soimtheachta ua cosaib in curad sin ac crathad a sceith iter na haireachtaib re tinchur tachuir. Et cuich in dune da ticfad na ciniuda cosnumacha sin &ersir; na cuingid chatha &ersir; imad airm na milead mormenmnach sin d' airium? Acht chena tangadar tri chet do gillib occa athluma a cathraig Ercoil .i. Tirindta; tainic dano and maraen ris Agelleus, mac Ercail, asin chathraig cetna maraen re Hipomedón. Et ge-r uaiti aittrebaidi na cathrach sin, ua hairdi-side, &ersir; ua hairside in n-aimsir irgaile, &ersir; ni rohimirchuirit fagada seta suainmecha re dibrucud acin dreim sin, na cloidme cruaide re cathletrad, acht mad fadba leoman letarthach, &ersir; tamain troma do giuis arna garbsnoidi, &ersir; saigdi saineamla sarechta a bogadaib buidi beandchruaidi. Concandais admolad Ercoil reompu isin sligid i sochraide Ipomedon. Et tangadar cethirna comlaind a coilltib Neim, &ersir; munter Molorcus asna coilltib craebacha Cloenda i comitecht in marcaig mormenmnaig sin Ipomedon.

Sochraide Ipomedon sin.

Asa haithli sin roerig in fer taend tarcaisnech .i. Capaneus, &ersir; conberad a ormna osna cathaib ceachtarda, &ersir; rogabastar a sciath mor mileta arna comcheangul do seichedaib ceithri tarb arna ndeigrindad do ígmaigib nathrach &ersir; loiscend &ersir; torathar in talman archeana, co ndidned corp in churad sin o bond co bathais; &ersir; rogob a luirig snithi-snadmandaig ndualaich ndrolmanaig uachthir diamraib a etaich, &ersir; rogab a cathbarr rinta ruithnigthech imma ceand in caithmiled &ersir; rogob a sleig crannreamair comthruim ina laim, na fedad dune aile for talmain do tocbail acht mad in ri calma curata .i. Capaneus. Et tangadar i sochraide in rig sin athtrebaide na cathrach Ámpigánía, &ersir; milid menmnacha Mesené, &ersir; airsidi irgaili na cathrach Ethoné, &ersir; trenfhir thaircseanacha na cathrach Tirón, &ersir; aireachta Ephi, &ersir; sluaig suaichinti Selos, &ersir; fir primda Piléon, &ersir; dronga degsluaig a Dorión.

Toicheastol Capeneuis mic Tarsis conigi sin.

Is andsin, immorro, roerig in rigshacart uasal .i. Ampiaraus do thogail na Tebi; &ersir; ge dachúaid-sium andsin, robai a fhis aicci gach olc darobi do fen de &ersir; do chach archena; &ersir; ni da deoin dochuaid-sium and, acht tre aslach eicni; uair rofalaig Amphiaraus é re hecla cathaigthi na Tebi, &ersir; ni fhitir duni cait i rroibi acht a banchele uadein. Et o rabas aca iaraid, adubairt Eriphile re hArgía: Tabair-seo damsa, ar si, in muntorc oir fil acut, &ersir; braithfet dit mo chele .i. Amphiaraus; uair ni fuil tarba in tachair-sea na Tebi 'na i&ndot;gnais. Et o 'tchualaig Argía sin, roindis da fir .i. do Polinices; &ersir; adubairt Polinices in muntorc oir do thabairt do Éripile; &ersir; daradad disi sin, &ersir; roindis doib int inad i rroibi Ampiaraus, &ersir; rohaslaiged fair tocht do thogail na Teibi, &ersir; is tresin muntorc sin dorochair Ampiaraus &ersir; a bean &ersir; a mac iartain.

Cid tra acht rohindled a carbad do Ampiaraus ar echaib caema comretha do shil Shillarus eich Chastoir mic Ioib; &ersir; ro--gabastar a barrin aloind oengel ima chend cona chimsaib coema corcarglana fair, &ersir; ua crithnaigthech carbad in churad sin risin coill athger iarnaidi d'armaib saiti seasmacha batar immi isin charbad, coma haduath faircsena re gach &ndot;duni sleg digaind derrscaigtheach ind fir sin, amail ralaig roremair i fhaicsin os cind a charpait in rig sin, &ersir; a sciath rigda roalaind i comfhocus do. Et ba hiat cethirna in churad sin dochum in chatha i tangatar a hindsib Amicclas, &ersir; asna cathrachaib .i. a Pilos, &ersir; a Pharis, &ersir; a Mase; &ersir; buidne tenda Tagetí, &ersir; milid digaire danarda srotha Eorata; &ersir; ua subach somenmnach na sarsloig sin ri tenta tachair; &ersir; ua faelid mna &ersir; maithreacha na milead sin da marbad ac denam maithiusa, &ersir; ar echaib conci&ndot;gtis a catha, &ersir; da fhaga ar oensuaineam i llaim gach fhir dib, &ersir; ua nochta formna na fer sin, &ersir; broit garba gaesidecha o slindenaib sis umpu, &ersir; cathbairr coemegair 'ma cendaib na curad sin. Et dano tangadar la hAmpiaraus airig &ersir; urrig a hElis, &ersir; a Pisa, &ersir; o sruth Ailfeus; &ersir; is dar in srutha sin rosnoed Leander d' indsaige a lleannain .i. Era, co rabaided é aenda na n-aidchi andsin 'ca hindsaige.

Sochraidi in primsacairt Ampiarauis moir conigi sin.

Asa haithli sin rogresestar in gilla oc aededach, Pardonopeus, ri na hArcaidi .i. mac muirnech Meliager, mic Oeniusa, a buidne beoda bagacha a Parrass do togail na Teibi gan fhis da mathair; &ersir; rop aneolach arm d' imluad co haes na fuairi sin in maccan sin. Acht chena rogresestar bedga beodachta e dochum in chatha sin, &ersir; is i mathair in meic sin roindarbad alla in tiri in n-enad selga, uair ni ua tualaing tachair hi rena harrsaidecht in tan sin. Acht chena ni dechaid do thogail Tebi nech uadailli na uad erergnu ina in ri Pardonopeus, &ersir; concarad gach duni atchid e, &ersir; ua hanrata aicned ind fhir sin ger-b anarrsaid ar n-ais. Et ua he mian in miled sin stuicc chatha do chloistecht, &ersir; airm d' imluad, &ersir; catha do chommorad; &ersir; ua fata les-seom go nfordergad a shoigdi a curadaib comithi, &ersir; ua taitneamach errid inn oig sin d' or re cach isin tinol sin. Uair is amlaid roba-seom &ersir; lend coem corrcorglan immi co slabradaib orda ileccair, &ersir; crundsciath cruaid cabradach ara muin, &ersir; boga trentairbertach ina llaim cli chosnamaigh, &ersir; saigedbolc solusta do craicciund linci arna linecur do lecaib logmara ar comair in rig sin. Conci&ndot;ged-sum ara echaib srianacha soermacha sin inn uair sin ima n-iaditis airechta agmara na hArcaide coma suaiti achaidi slebe Menail &ersir; fidnemid Parteím da n-eis; &ersir; tangadar dirma sloig asna cathrachaib .i. a Rirpha, &ersir; a Strachta, &ersir; a hAnipe, &ersir; a Tegea, &ersir; a Sillena, &ersir; a nNonaiccria, &ersir; a hAirchimen, &ersir; a hAgros, &ersir; a Sofid, &ersir; a hEremaint, &ersir; a Sterefal. Et at iat so srotha asa tangadar sochraidi la Pardonopeus .i. Clitón, &ersir; Pitia, &ersir; Lampia, &ersir; Penei, &ersir; Ason, &ersir; taisich Parrais iar tuaiscert na Greci; &ersir; ger-b Arceadacda uli in lucht sin, ua hecsamail a n-airm &ersir; a n-erred. Uair is amlaid rouatar dream dona dirmaib sin, &ersir; mirti mora ina lamaib arna tarrai&ndot;g a tendtaib talman, &ersir; lorga adbulmora oaegurda ac drem aili dib, &ersir; bogada bendchaema ac drem aili dib &ersir; bera fata firgera d' armaib ac drem aile dib, &ersir; cathbairr cocuasta 'ma cendaib. Et ger-ua comfhocus doib Meiccin and, ni tangadar sochraidi sloig esti aroen risna rigaib sin dochum na Tebi; uair ua 'san aimsir sin dochuaid Tiestes, mac Pelaip, mic Tantail, co mmnai nAitir, mic Peloip. Et o 'tcualaich Aitir sin, romarbastar a dalta fen mac Tiestis, &ersir; tuc do Tiestis arna bearbad, co rocaith a richt feola; &ersir; indister cor-inta grian fair a rrith, uair nar-u ail le tuidecht os cind na cathrach colaigi sin in la sin; conid imi sin na deachaid sochraidi sloig a Maen &ersir; a Meicinib dochum na Tebi, amal indister ar fingail claindi Tantail. Et o 'tchualaig Athaltanta, mathair Pardonopeuis, a mac do thocht isin sluagad sin, roerig amal tigir tairptig tindesnaig in ndeagaid a mic da fhastud, &ersir; tucastar athais &ersir; imdercad ara mac &ersir; ar lucht na hArcaidi uili bai 'na fharrad, &ersir; ni dernad fuirri sin acht mad taisich na hArcaidi aca nertad leo dochum in chatha, &ersir; ni etad in n-ingen alaind Athalanta delugud re a mac ara inmaine. Et robai aca aichne don airdrig d' Adraist an mac sin Athalanta na banselgaire &ersir; Meliager ri cuanna Calidone.

Sochraidi sloig Arcaidi andsin.

Tochastol na nGrec conigi sin dochum na Tebe.

Acht cheana, ba hiad da chathraig cudruma na nGrec ar chrodacht .i. in Teib talcharar imad a miled ac srainiud chatha &ersir; chomlaind, &ersir; in Athain ar leri a hecna &ersir; a heolais.

Imthusa immorro na Tiauanda, rogob ecla adbulmor ciniuda cathacha Cathim o 'tcualadar lertinol na nGrec da n-indsaigi. Rothochastail iarum Etiocles co hadmall anindech na Tiauanda do chosnum a cathrach risna Grecaib. Acht chena ni ua subach somenmnach lucht na Tebe re tindscetal in tachair sin, &ersir; ni roibi ailgius cathaigti ac duni do Tianandaib in tan sin. Uair ua senta sothoglaidi muir a cathrach, &ersir; batar sníma aile imda orro, do neoch ua mbid a n-imshnim, inna cath do chur. Et ge ead arabba sin, tanic confad catha 'na crideadaib na Tiauanda do chosnum a ciniuda, &ersir; ni do medugud airechtais in rig Etiocles, air ua miscais leo uile e in fer na tocla .i. Polinices. Et ua he samail Ethiocles, mar bis fael craesach confadach iter ceithrib arna comach. Anddar les ar teiched conlenfaitis oegaireada na tret trenmarbtha sin e uaden.

Et ua tuillead re hadfuath dona Tianandaib in clu digair dianscelach ac scailiud scel na nGrec doib; uair roindisfead fear and marcsluag gasraidi Grec do rochtain co bruach srotha Asopis, no co sliab soimtheachta Citeron, no co tolchaib tondglasa Temeson i comfhocus na Tebi. Et rolinsadar derbairrdeada duaibsecha dírimi in talmain uili confaictis-sium na srotha 'na sruthanaib fala tre thaidbsib n-aislingthi, &ersir; conlobraidis torathair balba bruididi ac tairgi trenuilc do Thiauandaib as cach aird, &ersir; adclos daibsium tre thaidbsib bansacart dígair dasachtach do muntir Baich, do dei in fhina, ac faistine sechnon na cathrach, co n-ebairt: Is olc a ndenai, a Baich, ar si, na heicne-sea do lecun arna Tiabandaib. Et adchiu-sa da tharb trena tnuacha concindet oencenel &ersir; oenatharda ac tachar, &ersir; cach dib ac marbad a celi .i. Ethiocles, ar si, is olc a ndenai tachar 'man ni nach duthchu dit na dot brathair .i. do Polinices. Et robai 'na tast asa haithli sin.

Acht cheana rasir Ethiocles celcgach crithnaigthech faistine do denam do arin fisid, &ersir; is airi rofurail air cunnail cianaesta e .i. ar Tiresias; &ersir; ge mmad dall in drui sin, ua deigfhisid, &ersir; is airi rodallad in duini sin: bliadna robai-sium 'na mnai tre mirbail na ndéi, co tarla imresain iter Ioib &ersir; Iunaind, bandei na toili collaidi, ingen do Saturn, inn Iunaind sin caem cumachtach, co n-ebairt Ioib comma mo ailgius sarthoili na mmban na na fer. Adrubairt, immorro, Iunaind roppa brec, &ersir; roaentaigset ua oenfhiadain .i. Tiressias, uair robai-sium sel 'na mnai &ersir; sel 'na fhir &ersir; adrubairt rabba mo ailgius na mmban na ailgius na fer. Et ua fergach ri hIunaind sin, &ersir; robean a shuili uada-sum, &ersir; tucastar Ioib fis faistine dosum 'na aigid sin. Nocho tre énaib na tre idbartaib ar altoir donid in fer sin faistine, acht tre tuduscad anmand a hifren, uair is mo rocreitea doib.

Et roerig Tiresias &ersir; a ingen Manto &ersir; Ethiocles aroen ris, &ersir; tangadar isin fidnemed fasaig ua comnesa doib, &ersir; imun fidnemid sin robai in mag ar-silastair Cathim, mac Agenoir, fiacla na nathrach feacht riam roimi; &ersir; conteichit dúine &ersir; indili tresin seiselbi &ndot;demnaig n-adfuathmair bis fos isan inat sin. Et daroindi Tiresias ix clascha comleathna andsin, &ersir; rolinaid leis iad do chaerchaib duba dathchaema in n-onoir na ndei n-ifrennaide. Et ua holc re lucht in tiri a met chaithead da ceithrib risna hidbartaib sin. Et rodoirtestar Tiresias fleda fina arna clasachaib comlinta sin, &ersir; robai ac eadarguidi na ndei n-ifrennaidi n-aduathmar .i. Oirc, &ersir; Proserpiana a banchele ind fhir sin, &ersir; Tresifoné aslaicthech uruada, &ersir; Caroin comthnuthach portimmarchoirthid na n-anmanda dar sruth Stig, co tudusctis anmanna do Tiresias d' indisi firindi do. Et rogob aduath adbol Ethiocles ri dasacht Tiresias ac iarraid a itgi ar muntir &ndot;demnaig n-ifrind. Et o raairig Tirisias sin, rofergaiged é re muntir n-ifrind ara fhat leis robai gan nech da chur da indsaigid a hifrind. Et rolabair in banshacart a ingen .i. Manto: Ac so chucut, ar si, anoisi airechta adbana esfhuiligi d' anmandaib i comfhocos duit a hifrend, &ersir; rohoslaicit clusala aduamara ifrind anosa, &ersir; adchim-sea sosta sirdorcha &ersir; aitdeda anaibne ichtir ifrind; &ersir; adchim, ar si, srotha suaibrenacha sruthglasa ifirnd .i. Acheron &ersir; Flegedon &ersir; Stix; &ersir; adchiu-sa dano Pluton &ersir; Prosserpina &ersir; breitheamain ecerta ifirnd .i. Minos &ersir; Eacus &ersir; Rodomantus, tri mic Joib. Et is amlaid coberaid bretha .i. cilarnd comthromais acco, &ersir; lecana finna and &ersir; lecana duba. Et intan ticed in lecan find annis ar tus, ua fir in fuigell; &ersir; intan ticed in lecan dub annis, ua hanfhir in breth. Et is lor indhisim, ar si Manto, do thoratharaibh ifirn dit. Is leor, immorro, a ingen, ar se Tiresias, uair cia nach fitir in fian ata arin coraid ar Sissiphus, cloch mulind do chur ana agaid shlebe, &ersir; a toitim ina chend dorisi; Tisius coraid rotriall eiccin for mathair Apaill .i. ar Látona, is i a pian a n-ifirn, sebac aca crem a cridi, &ersir; a chridi ac forbairt and. Gair chucaind, a ingen, ar se, na hanmanda Grecda &ersir; Tiauanda fuilet and, &ersir; indis dam a ndelb &ersir; a ndenam, &ersir; cuich as neasa dib dam. Atat and, ar si, Cathim, mac Agenoir, &ersir; Ermione a banchele, &ersir; ceithri hingina Caithim .i. Semile &ersir; Autonoe &ersir; Inno, &ersir; Agabe cona clandaib; &ersir; atcim, ar si, mairb truaga na Tiauanda andso, &ersir; na nGrec archena.

Et o darat Manto test &ersir; tuariscbail na n-anmand leith ar leth, roerig Tireisias &ersir; rochraith a chend, &ersir; nir-gab lorg 'na laim ger-bo seanoir e. Bi it tast, a ingen, ar se. Dauiccim-sea inni bias do Grecaib &ersir; do Tiauandaib uair de sin, &ersir; bid mesa do Grecaib, ar sa, in tachar-sa na do Tiauandaib; uair is toirrsech, ar se, a fuil do rigaib Grec a n-ifirnd ac tairr&ndot;giri thoirrsech da fuil beo dib. Et as iat so na riga ua toirrsech inn ifirnd in tan sin .i. Appas garb gruganach, &ersir; Foraneus cendais cumachtach, &ersir; Pelops crechtach cendtescta, &ersir; Oenamaus feochair firfheargach, &ersir; Protus occal eccendais; &ersir; is do-side roba bancheli Stenobe darad grad da lesmac .i. do Belorofons. Et o roemid in gilla comriachtain ria, rochosait-si re athair e, &ersir; adubairt eiccen do thobairt fuirri; &ersir; rofergaiged Protus re Pellorofons cor-cuir e d' indsaigid athar Stenobe. Et robai torathar aicci-side .i. Cimera. Et rocuired Bellorofons arinn eoch ar Pegais d'fhagbail a oigeda docum Chimera. Et adrochair in torathar sin les-sium. Raheaschrad e da eoch fen, &ersir; adbath.

Atchondairc Tiresias in caecaid curad romarb Tid do Tiauandaib; &ersir; atchondairc-sium Laius mor, athair Eidip, iter na hanmandaib; &ersir; robai ac iarraid faistine fair do denam d' aúib .i. do Eithocles, do rig na Tebi, &ersir; do Polinices, mac Edip. Et rolauair Laius: Cid 'ma n-iarthai ormsa, a Tiresias, faistine do denum do lucht na Tebi? uair is adbul d' ulc doronsad rimsa. Et gid ed, ar se, indesait daibsi a n-acuala o deib iffrind ma-dala na Tiauanda. Is cinti tra, ar se, conci&ndot;git laich luthmara Lerna .i. na Grecci dirma diairmidi do chathaib commora do thogail Tebi. Et is cinti coscor ac Tiauandaib do thurus gasraide Grec do gairiugud na Tebi, &ersir; ni lecfet Tiauanda dona Grecaib aitt na hinad do loscad na d' adlacad do neoch marbfer díb i tír na Tebi. Et na bid a ecla ortsu, ar se Laius, a Ethiocles, rigi do gobail dat brathair do Polinices, uair gid feochair fuabartach in fer sin, nocha ua ri arin Teib co brath. Et o ralabair Laius sin atrochair in n-ifirind, &ersir; rofhac co cumascda cundtabartach scela na nGrec da eis.

Imtusa immorro na nGrec doberar os aird andso. Tangadar reompo co coilltib nuaglasa Ném, &ersir; ua dirim difhoillsigud in deagsluaig sin im trascrad &ersir; im thogail Tebi leo. Baich immorro dei inn fhina rotinoil sideic na ciniuda gamschedacha Geittecda o sleb Eim, &ersir; o sliab Otris, &ersir; o sleb Rodoip dochum na Tebi da forithin; uair ropi Semile, ingen rig na Tebi .i. Chathim, mic Agenoir, mathair Baich. Uair intan roloisced Semile ac comriachtain do Ioib ria i rricht teined, rothairring Ioib Baich asa broind ar tesbaid mis da hinbaid, &ersir; rohailestar Ioib Baich a mbun a sliasta co cend mis, &ersir; tuc do lucht na Tebi da haltrom ar sin é, conid imi sin robai Baich ac fortacht na Tebi. Et is amlaid robai-sium isna longportaib sotla somescda sin &ersir; nathracha nemnecha ac imarchur carpait Baith. Et ua curata lucht carpait Baich &ersir; at e andso a n-anmand .i. Nert &ersir; Fuasnad, Ferg &ersir; Faitcius. Et o 'tchondairc Baich na cloichtigi cumascda ciach &ersir; na neoill landorcha luaitherda re trethan int sluaig os choilltib croebglasa Nem, &ersir; dellrad na n-arm sliptha sleamangorm ri ruithnib na greni glanshoillsi, ua socht mor leosum gan tendad a tinoil tachair i n-agaid Grecach, &ersir; adubairt Baich re a muntir: Bid bar tast, a oco, ar se, &ersir; caiscid bar seiselbi. Rocindsead na Greic, ar se, dianscailiud na Tebi iumum-sa, ar se, '&ersir; is i mo lesmathair-sea Iunaind chomoras na catha sin chucumsa. Et darigne ulcu aili rim remi .i. mo mathair Simile do loscud; &ersir; ata anosa ac techt co Teib da milliud. Dobersa immorro,' ar se, 'indnell furig ecin arna slogaib.' Et tanic-sium remi co dian tindeasnach arin mag in n-agaid int sloig, &ersir; ua medon don lo ind n-uair sin, &ersir; ua tend tesbach in talam ri taidlanig na greni andsin. Ragairit dei &ersir; bandéi na n-es &ersir; na n-aband cuicci, &ersir; adubairt riu: Tabraid, ar se, fial falaig dar inbearaib uisqui na Greci uili, coma lathraide lantirma a n-inada da n-eis, &ersir; dichlid uisqui chollti Nem ar tus, &ersir; dobersa a chomain chomadais daibsi aris, ar se. Et ni luaithi adrubairt-sium sin na ratirmaigit lacha &ersir; luathaibne, tobair &ersir; turlaigi in tiri, coma caeiti conairi inada na n-uisced-sa .i. Lerna &ersir; Larceus, Inacus &ersir; Caradrus, Erasinus &ersir; Asterion. Acht chena robai oensruth ua clithirdiamruib na coilliudh gan a uisqui do tragad .i. La&ndot;gia a ainm, &ersir; ua huathad eolaig inn usci sin.

Cid tra acht rogabastar ittu adual na Grecu cona fetais a sceith do chongbail, na a luirecha lasamna d' imurchur; &ersir; ni faeltais a n-eich a n-imochur na miled sin risin lasud lanitad bai orro iter ech &ersir; duni. Et rochuir Adraist taiscelta ar gach leth d' iarraid uisqui .i. co sruth na Memon, &ersir; co Síen siblach siruar, &ersir; ni fuaradar bandi usqui i n-inud dib. Et roailsed uar na deib usqui, &ersir; nir-sailsed uisqui d' as na d' fherthain ar talmain tre bithu; &ersir; ind mar dauadar ar sechran sechnon na cailli, atchoncadar mnai n-alaind n-ilchrothaig co dubach domenmnach .i. Ipsifilé, &ersir; dalta derrscaigthech di 'na llaim .i. Achemurus, mac Ligurguis; &ersir; Ofeltes ainm aili don mac sin. Et ua rignaidi rodelb na hingine sin, ger-b olc a hindell &ersir; a hetgud, &ersir; rosocht Adraist aca faicsinn, &ersir; adubairt: A bandei coem cumachtach, ar se, uair dar lind nocho daenna do delb acht mad dellrud diada, tobair foirithin eolais uisqui oraind, &ersir; ni thobair Ioib fortacht foraind. Et atamait ac tocht do thogail Tebi, &ersir; ni cath marbas sind acht mad oenerti ittad. Et is lor lindi do Ioib thussu d' fhortacht uisqui oraind. Et comdai&ndot;gnigsiu ar curpu-ni dochum in chatha, &ersir; dobertar aisceda cruid creichi dit, &ersir; dogentar idbairt gacha tuaithi dit. Et nir-leic ind n-itu dermár dofholachta labra secha sin don rig d' Adraist, &ersir; ba bana buadirthi na Greic uili ri heicin na hitad sin. Et rocromastar Ipsifile a gnuis, &ersir; adbert: Bid bandei daibsi me, a Grecu, &ersir; dano, ar si, ata mo chairdes risna deib, &ersir; ata athair maith &ersir; atharda acum ar bunad; &ersir; ni lem fen in macan-sa atchithi im laim; &ersir; ni biu ni is faiti co bar fuirech, acht ticid lem co hobund co sirsruth soola .i. Langa, na traigend ri tart na re teasbach; &ersir; ni rochuindig druidi do thragad ar met is coiserctha é. Et rochuir-si a dalta uaithi ar lar gu na fuirged na firu, &ersir; robai ac brecad na naidean sealad co roibi ina thast &ersir; tainic reompu 'na deagaid sin. In maccoem immorro robi sideic ac brisiud inn fheoir ua chosaib cach re feacht, &ersir; robid ac siubal &ersir; ac sirium &ersir; ac sireigium ag iarraid chithi a muimi in feacht aili. Et ua haineolach d' imgabail uilc in macan sin na d' iarraid maithiusa an tan sin.

Na Greic immorro tainic cach ua comair dib-seic ara caethib d' iarraid inn usci ar fat na cailli dluithi doimtheachta. Et ni tosach sliged roleiged don ingin dochum inn usci. Et ua samalta coma fochrach firmaimint re nuall subochais int sloig sin ri heas na haband, amal nuall náired aca no-combadud intan conci&ndot;gid calad. Rothoirnsedar ar in n-usci na Greic gan discrit, cen delugud, gan uaisli, gan onoir do neoch dib da cheili, cu na leigtis a nn-eich na n-arad torlem da tigernaib ri tindenus ola inn usci. Et ua dirim trethan na tond ri tachim in trensluaig sin ac ibi inn usci, coma bristi na bruaichi, &ersir; coma salach sirbuaidirthi inn aband on cind co cheli. Et ua himda deoch iarmarta acca hol andsin, &ersir; ua samalta coma seselbi catha 'ca commorad buredach na buidne sin ac ol inn usci. Et rolabair ri dona rigaib sin ar larmedon na haband, &ersir; robai ac beandochad inn usci &ersir; ic taescelad inn inaid i rroibe, &ersir; robai 'ga molad co mor, &ersir; adrubairt: Ni fhacamar, ar se, usci bad fherr ina int usci, na coill uad chaime ina in choill ina uil; &ersir; ni coir, ar se, sruth do chor 'na cheand.

Et o rachaisced a n-itaid-sium isint sruth sin, rofhacsad in n-aband. Et daronsad sruthlecud da n-eachaib &ersir; comli&ndot;g da coisidib co subach somenmnach arna bruigib fondglasa fermara gor-gob brig &ersir; brogad &ersir; borrfad, at &ersir; annindi na Grecu amal concuirtis cath inn uair sin. Et dorindit catha dib dorisi, &ersir; cach ina inad uadein do reir uird amal rouadar remi, &ersir; roimluaidsed imthecht coma luaithred lansalach na moigi na-imtigdis &ersir; contaidlitis ruithni roglana osna cathchoilltib arm batar uastu. Is andsin immorro rothoris Adraist i mbun chroind, &ersir; gai a clemna Polinices acca co&ndot;guail ina sheasam ar lar int sluaig, &ersir; roiarfaid don ingin Ipsifile: Cia th' athair, a ingen, ar se, &ersir; ca crich is dual dit? Rofhrecair inn ingen do-sum co truag &ersir; co toirrsech: A uasail, a Adraist, ar si, is cruaid na gnima furaile orum d' indisin, mar romarbsad mna indsi Leimin a firu acht misi mo enur, ar si, nir-marbus m'athair. Et is lor sin da indisi, uair ata tindenus orbsi dochum in chatha. Acht chena is e Toaint, mac Baich, m' athair-sea, &ersir; Ipsifile m' ainm fen, &ersir; a ndoiri atú ac Ligoric do uar munter-si.

Tucsadar cach da n-airi hi, &ersir; rob onorach ailgiusach leo a scela do cloisteacht. Atrubairt Adraist ria-si: Innis do scela uili cein no co roithset na daescurshluaig tresin coilli uair is doimtheachta hi.

Et dochuaid i cend in sceoil d' innisin: Inis Leimin, ar si, ata arin muir anbtheanaig Egeta, &ersir; sliab nEthna do thaib di &ersir; sliab Athos don taib aili di, &ersir; in Tracia ob ri hob ria, &ersir; feda croebglasa comora inti, &ersir; imat gacha maithiusa inti do dainib &ersir; d' indmasaib, &ersir; ni ferr innis Saim na inis Deil na inis daraibi ar muir Eig uili na inn inis sin. Acht chena ni dearnsamar idbairt da Uenir bandei na toili riam, &ersir; ua fergach Uenir de sin, co ra-adand bruth &ersir; dasacht ar lucht na hindsi uili. Ni subach somenmach rabid ar sloig i n-aidchi ac lucht na hindsi sin acht mad anindi &ersir; esoenta cein no co tanic ar menmain do laechraid landiumsaig tocht do togail tiri na Tragia &ersir; ge rauadar a meic &ersir; a munter 'ca n-astad nir-ansad aco. Na mna, immorro, ua toirrsech iat-side don turis inna fer sin uaithib. Et ua hoc anarsaid misi in tan sein, ar si Ipsifile &ersir; ni roibi snim ar mo menmain. Na mna immorro aili robi cach dib ac comdingnad a cheli ac feichim na Traicia uaithib ait i rrauatar a muinter ac cathugud. Et oenafecht da rauamar-ni and, ar si in ingen, a medon lai, atchualamar cethra bresmadmanda bratha isinn aeor os ar cind co rachrithnaigsetar uamanda indsi Lemin &ersir; in muir mar bad gaeth congarbad, &ersir; ua fidgrad firuilc sin. Uair is andsin roerig bean uasal Oirphi do mnaib indsi Lemin, &ersir; rogob bruth &ersir; dasacht hi co roibi ar foluamain ac buaidred in baili ar letred a haigthi da hingnib. Et rotinoil in baili co haenthech robai a mullach in baili, &ersir; adbert: Daingniged uar crideada, &ersir; bid aicned fearda fuapartach accaib, &ersir; marbaid uar firu uili maccaib, braithrib, aithrib: &ersir; cuimnigid in miscais tucsad uar fir oraib ri re tri mbliadan anosa. Et, a thruagu, ar si, nach cualabair Brogna bean Tir do marbad a meic fein .i. Ites, &ersir; a thabairt i rricht feola aili da athair arbithin eiccni tuc Tir ara derbshiair-si .i. Pilomena a hainm. Et robean-sum barr a te&ndot;gad di na hindised air. Et roscrib ina breit d' fhuil a tengad sin, &ersir; rothaisben da siair iartain, conid imi sin romarb Progna a mac. Et cid daib, ar si Polixo, nach mairbfed sib uar mic &ersir; uar fir? Acht mad misi tra, mairbfed mo mhac &ersir; m' fher, &ersir; ata, ar si, Uenir aca rada rind a marbad uili, &ersir; dobera-si ni ua ferr duinni anat-som. Et ua henmenma ac mnaib insi Lemin uili 'man comairli sin Polixo do denum, &ersir; rochindsetar a firu uili do marbad iter oc &ersir; sen.

Is i sin oes &ersir; uair doriachtadar laechrad insi Lemin o thogail na Tragia moiri. Robai immorro fidnemed dorcha doimthechta isint sleb ua comnesa doib, &ersir; dachuadar mna insi Lemin d' iarraid fhrecra arna deib, &ersir; tangadar badba bellderga ichtair ifirn da mbuaidred-sunt conici sin. Et rouai Uenir uanchumachtach &ersir; Enio urbadach, siur Mairt, dei in chatha, ac furail uilc ar na mnaib sin. Et is amlaid robai Polixo ben Charoip, &ersir; taidbsi a mic 'na farrad andsin. Et dorindseadar comluigi, co marbfidis a firu. Et rogab adfuath adbul mise, ar si Ipsiphile, ac faicsin na mban sin amal aig n-allaid timtechech iter cuanairt croesos--laicthi confadacha do chonaib allta.

Cid tra acht tangadar na fir sin asa longaib, &ersir; daronsad idbarta ecsamla imda, &ersir; roleicset re hol &ersir; re haibnius iad, comdis mescda mertnecha uili. Et o rathoit a suan sirchotalta ar na sluagaib, tangadar a mna fegi furuagra da n-indsaigid da marbad, cunsaeset fuithib amal saga gera gortacha leoman da culenaib ac inred alma &ersir; indili. Et a athair inmain, a Adraist, ar si Ipsifile, ni fetar ca holc dib indesaid duid ar tus: acht romarb Górge arnaid aneolach a fer andsin .i. Elemus. Et is amlaid robai-sium &ersir; a da laim impi-si, co rosaid in cloideb ind, cor-gob a rrindi ina chorp fen, &ersir; rouai-seom fos aca pocad-si &ersir; a lama ima bragaid. Et ni fhetaim-sea a n-airium uili gach ar-marbad andsin. Acht chena indesaid becan da maithib uodein .i. Mirmédon. Romarb immorro Epopéa a mac uadein, &ersir; romarb Licáse a derbrathair comaesta uodein .i. Cidomon, &ersir; roui ac cui osa cind. Et romarbad Alcimiden, &ersir; robenad a cheand de. Et o adchondarcas-sa sin, rogab ecla &ersir; adfuath me, &ersir; tanac-sa im baidb buaidertha co tech m' athar .i. Toaint, &ersir; ge-r fata amach on baili in tech i rroibi, robai aca iarfaide: Ca raet in muirn, ar se, ar-atcluineam isin baili? Et roindis uli da hathair sin: Eirig a athair inmain, ar si, uair da mbertar oraind, muirbfer sind aroen..

Et roerig Toaint ar sin &ersir; Ipsiphile a ingen, &ersir; tangadar ar chaethib diamra in baili amach, conriachtadar conicci in arbach, &ersir; robadar co dichealta 'ca descain. Et atchondcadar na firu foena fiarletarthi ina lepthaib arna marbad da mnaib fen tre aslach Uenire forru, &ersir; na cloidmi croderga trena cnesaib &ersir; na slega arna sarbrisiud treompo, &ersir; consnaetis na copana caema comola arna lintib fala firmora batar and re haidbli in airlig. Uair batar seanoraig arna sitled andsin, &ersir; oic arna n-airlech, &ersir; maccaim arna mudugud. Et adchondairc Ipsiphile taidbsi Baich ua tri ag iarraid a mic Toaint .i. a hathar-si, &ersir; tucastar Ipsiphile aichni ar Baith andsin. Et rolabair Baich riu: Dena imtheacht, a mic, ar se, &ersir; facaib inis Lemin, &ersir; is lor a fhat risna deib ata inis Lemin acut. Et a ingen, ar se, ber let t' athair, &ersir; cuir ina curach e baili i teit in mur isin muir moir amach, &ersir; dober-sa fortacht fair ar sin. Roimthig Baich, &ersir; rofhacaib comartha sliged doib, &ersir; tangadar-sum reompo 'sin sligid &ersir; rochuir in ingen a hathair arin muir, &ersir; robadar aroen ac comchui co matin. Et tanic inn ingen ar culu uada, &ersir; rouid ac silliud ara hais co minic ara hathair.

Et o thanic la cona lansoillsi, adchondcadar na mna insi Lemin na huilc sin doronsad fen .i. a fir da marbad, &ersir; ua haithrech leosum sin, &ersir; rangadar, &ersir; rouatar ag gul &ersir; ag golgairi uastu.

Acht ua saidbir sochonaig d' erraib &ersir; d' armaib &ersir; d' indmasaib int olen sin conici sin; &ersir; rauadar na mna sin o sen amach nama gan tirecor gan trebaire gan ar gan buain gan fhiru caema 'ga chomditin.

Imthusa immorro Ipsiphile doronni tenid n-idbarta i tig a hathar, &ersir; rothocaib airm &ersir; etgud a hathar. Et robai claideb in rig lan d' fhuil ina laim, mar bad ar marbad a hathar robeth &ersir; arna adluccun. Et tucad andsin ferand a hathar di .i. aireochus indse Lemin uili. Ua minic lesi &ersir; re Polixo cumnigud in chuil sin, &ersir; robidis co tairrsech taetenacha acca tuireom eturru.

Et o rauatar mna insi Lemin amlaidh sin dar eis a fer, adchondcadar in lui&ndot;g luchtmair lanmoir, amal oleán do learaib in mara, no amal sliab lethan lanmor ar met. Et is i robai and-sin in bennfhata badbluath cetlong in betha .i. Argo, &ersir; rigrad glendmer glanarmach Grec inti, intan dochuadar d' iarraid in croicind órda co tir na Colachetta. Et o rascuirsedar da n-imrud &ersir; robai in muir in taeichli, adchualamar, ar si Ipsifile, guth oenduni asin luing. Et is e rouai andsin .i. Oirfeus ceolbind, cruitire, mac Oeaeger, &ersir; a gualu risin seolcrand ac airfidiud do lucht na lunga, comad lugaiti snim na saersluag re saethar ind imrama, &ersir; ba samalta lindi coma hiat lucht na Tragia do thogail indsi Lemin oraind.

Et roergestar asa haithli sin sestan &ersir; seiseilbi mor i toegib indsi Leimin. Et dochuamar-ni arsin i toraib roarda romora &ersir; i crandócaib comdaingni claraid os cind na cathrach. Et rotinolsetar mna croda chrithnaigthecha indsi Lemhin cairrgi cruaidhi comamais, &ersir; bera fata firgera, &ersir; airm troma toirrsecha a fer uadein nomarbsad remi sin, &ersir; ragabsad a claidbi forruamanda fuilidi ina lamaib, &ersir; rogabsad a lurecha lasamna salcha snadmandacha 'ma corpaib &ersir; a cathbairr caema cathaigi 'ma cendaib. Et ua samalta lindi tra coma torathur firmor for-granda fairrgi rabeth andsin d'aithi &ersir; do degail oraind ar n-uilc &ersir; ar n-ecorach oraind , &ersir; nar-ba long luchtmar lanalaind. Is andsin tra adracht gaeth gottshnimach glorach, co rasraineastair in lui&ndot;g sin urchur saigti sithguirmi o tir &ersir; o tracht amach. Et rochumaiscseadar andsin neoill comfhliucha ciachmora na firmaminti, cor-ua dorchatu dluith iter muir &ersir; tir &ersir; co tocuatis na tonda trenmora na longa uar barr aen ... er ar &ersir; uar uachtar doib &ersir; co leictis dib sis in feacht n-aill co grian &ersir; go ganem nglasruad ar n-ichtar. Et ger-ba tenda talchara tra na trenfir sin rouadar isin luing sin, nir-ba tualaing ursclaidi na hengnoma iad isinn uair sin re met na mor-ainbthine. Et robai a seolchrand sirfhada sirmor na luingi sin aca dianscailiud &ersir; ac adradbrisiud ara met &ersir; ara roairdi ac tocuail &ersir; toirniub re sitgail na saebgaithi sin in uair sin. Et dano robamar-ni ac dibrucud &ersir; ac dichur uaind na luingi sin do leth aili co telcmais armu aithgere urnochta in n-aigid na miled sin .i. in trenfer thalchair Tailemon, &ersir; Pelias mac Aicuis, &ersir; Aercail mac Ampitriontis. Et ua hadual saethar na sarluingi sin re hanfine in mara &ersir; re'r cathagad-ni don leth araill. Et badar drem dona degsluagaib sin ac daingnigud &ersir; ac diten a luingi &ersir; scellbolga do sciathaib ina timchell, &ersir; drem aili ac telad &ersir; ac taescad a huisqui asa hichtur, &ersir; drem ac cathug-hadh co calmachroda osa cind. Et rotelcthea atorra ? and-sin, ar si, cetha cumasctha cruadarm, coma samalta re frasaib cruaidi clothnechta inn amsir gairb gemridh na bera rindgera romora, &ersir; na clocha cruindi comdibhraicthi, &ersir; na saighdi snasta sodibraicthi, &ersir; na slega lasamna langera trena 'roile isinn uair sin.

Et asa haithli sin roergedar gathana glanailli greni &ersir; ruith-nigud rosoillsi, coma fornell &ersir; coma forreill duind na slúaigh robdar isinn luing. Et o 'dchondcamar iad ban samhla sin, rothuitsetar ar n-airm as ar lamaib, &ersir; tainic ar n-aicned boeth banamail uadein duind. Et adchondcamar-ni amh andsin Peil mac Aicuis, &ersir; Tailemon mor mac Aiacuis, &ersir; Anatheus tend tomaithmech, &ersir; Ifiton data deaglamaig. Et ba follus osna sluagaib snimacha sin archu eangnuma in domuin .i. Ercoil mac Ampitriontis. Roclaenad-som andsin cach mbord &ersir; cach leth don lui&ndot;g asa ticed re fiuchad na fergi firmoire ac saeighid cusna sluagaib. Et gid Iason mac Eson immorro ba luthmar leidmech 'sin luing sin, &ersir; Oenidies mer mormenmnach, &ersir; Idas uallach allata, &ersir; Talabus talchar tairisi, &ersir; da mac tenda togaidi Tindair .i. Castor &ersir; Pullux, &ersir; da mac beoda borrfadhecha Boiria .i. Sétiusa &ersir; Ealiais, &ersir; ba drem do degdainib na lunga sin in lucht sin.

Batar tra fan samla sin ac frasimram in mara &ersir; ac dibrucun in muir uaithib. Et dano rouai in luamairi fosaich fireolach inti .i. Tifis ac stiuradh na lunga sin co na leiced a badbrisiud im chairrgib cendgarba in mara morainbthenaig. Et rouadar-som isinn eicin sin, cein cor-erig Iason mac Eson &ersir; craeb alaind olachraind ina laim i comartha sida, &ersir; is i seic robid i llaim Mopsus, taisig da muntir, &ersir; robui ag iarraid sida oraindi.

Acht chena nir-ba miad re lucht na luingi in raraid Iason. Et ni chualamar-ni acht fogur bras a gotha risin &ndot;gaith chugaind. Et is andsin roerigedar in coica trenfher ua tendi &ersir; ua tresi isin luing, &ersir; rogobsad ruadhramada romora 'na lamaib, &ersir; roraeset co fortren feramail in luing sin dochum chuain caladpuirt. Et ba socharthanacha re silliud isinn uair sin chena gnuisi gruadsoillsi na curad croda re fornert inn imroma &ersir; re fiuchud na fergi firmoiri adracht intib. Ba samail lindi in sluag sin &ersir; ba dei uaisli adhartha tiastais do dindgnaib roglana richid uan talmain.

Et is andsin adchoncamar Teis, mac Eig, mic Nephtuin, ac erge asin luing &ersir; ua diumsach in deglaech sin a haithli thogla na cathrach .i. Marathon; &ersir; adchondcamar dano andsin in rígh uasal Admet, &ersir; adchondcamar in cruitire coelbind na Traigia .i. Orfeus; &ersir; robui andsin didiu in milid Meleager, mac rig na Calidone, &ersir; Pelias mac Aicuis, &ersir; Iles mac Ercail &ersir; airm 'na laim.

Cid tra acht, ar si, rofhoslaicidh lindi doirrsi ar tigead risna damaib sin. Et ni dernaid idbarta, na suan na sadailli acaind o romarbsamar ar firu co haes na fuairi sin. Rogobh gach fer dib sin ac toga a thochmairc uaindi in lin robamar. Acht cheana tuigim-se na dei nar-ua cedugud na comairli dam uadein fes re hIason isinn aidchi sin, ger-ua sochraid socharthanach re mnaib aili é. Et rouatar-sum co cend mbliadna comlaine acaind isan indsi sin, cen co rucait clanda suarca socenelacha daib. Et rucus-sa da mac andsin do Iason mac Esoin .i. Toas &ersir; Eunios a n-anmanda. Acht chena ni fhetar a n-ord na a n-aidhid, uair is fichi bliadan co haes na fuairi-sea o rus-facus aca n-aileamain &ersir; 'ga n-altrom acin rigain lamgil ac Lichasta. Et i cind na bliadna sin tra rogob Iason ag gresacht a muntire 'man n-indsi d' fhacuail, o 'dchondairc in muir co tai tegligi. Et ge ragell-sium ... andsin techt arís dom indsaigi-sea co hindis Lemin, ni racomaill ani sin .

Cid tra acht o raairig Tifis, luamairi na luingi sin, ruithne grene do glansoillsigud, rotrellaim tachar a luingi, &ersir; rochomergedar na sluaig, &ersir; rogob Iason a armo re cach andsin, &ersir; rofacbadar amlaid sin in indsi. Robamar-ni 'ga feithem &ersir; 'ga fegaircsi, cein co ndechaid ar seg asar suilib 'ga sithshellad.

Asa haithli sin tra adchualadar mna indsi Lemin m' athair-sea do beth i rigi indsi Chio, indsi dearbrathar do .i. Cuuis mic Baich; &ersir; ba holc leo-sum sin gan a marbad &ersir; gan a mudugud dam-sa, amal romarbsad fein a fir &ersir; a n-aithrecha, &ersir; rocindead leo mo marbad-sa ind. O 'tchuala-sa sin immorro, ar si, roelus mo enur uaithib re taeb in mara; &ersir; o na fuarus nech re setugud sliged dam d' indsaigid m' athar .i. Toaint, tucad me i &ndot;dairi &ersir; i ndochraidi dochum bar crichi-si, a Grecu.

Et o rabai Ipsipile amlaidh sin ac comradh risin rig n-uasal re hAdraist &ersir; a ni thuc da haire a daltan dathalaind da fhacbail isin choilleigh di heis. Et intan dachuaidh d' iarraid uisce risna Grecaib, &ersir; o rafhacaib-si immorro in mac bec isin, rothuit a suan remcotalta air ar lar ind fheoir &ersir; in airthind. Et in am robai andsin, tanic nathair adhuathmar urbadach da indsaigid. Is amlaidh robai in nathair sin &ersir; ruisc dimora dubglasa 'na ceand co n-uanfad neimi. Ba glomar a crais co tri tengthaib tendtidi ac taidligud ima carbad &ersir; co tri srethaib d'fhiaclaib croma cruadgera ina cind. Et ua cois-sechartha du Ioib in nathair sin, &ersir; is and rocatlad fecht and i timchull na tempall sin caeimchoiserca bidís i comfhochraib di. Et rogluaiseth-si na railgi romora asa n-ait &ersir; asa n-inad &ersir; na clacha comthenda a tendtaib talman intan rocomerged. Et tainic rompi d' iarraidh uisci co dian &ersir; co dasachtach &ersir; a craes urgranda oslaicthi uirri ag sugud gaithi aidhoir in darna fecht, in feacht aili immorro ac ithi in fheoir &ersir; inn airthind do chasc a hithad. Et rus-bean bem da heirr gan airigud di don maccaem sin, co rus-facaib cen anmain. O 'tchualaig tra Ipsifile scret in mic aca marbad, roerich da iarraid, &ersir; robai 'ga gairm. O na fuair he &ersir; atchondairc in nathraig, roiacht &ersir; roeig co cualadar Greic uili golgairi na hingine. Is andsin rogresestair rig oc na hArcaidi .i. Partanapeus, a eocho fon egiom ar na radh d' Adhraist don airdrig ris. Et o 'tchualaich fochond in guba, roindis da chach; &ersir; o raindis, rogobh Ipomedon ard airegda cairrig comthruim comnert a tendtaib talman &ersir; tuc ro n-urchair d'indsaigid na nathrach. Acht chena ni derna acht scenm disi sin. Tanic immorro asa haithli sin Capaneus ar cind conaire di, &ersir; gae suainmech sodibraicthi ina laim, &ersir; is ed roraid ria: Ni ba hinand, ar se, int urchar o chianaib. Ni fhuil ac deib nime a thairmeasc imam-sa gan du marbad dam. Et rodibraic in faga di 'na diaid sin, co roben in craisech di, co rotregdastar a hucht &ersir; a hindi, co torchair marb cen anmain. Ba ferg immorro la hIoib anni sin .i. an nathair do marbad do Chapaneus, &ersir; rotriall saegnen tened do lecud da indsaigid andsin, &ersir; ged ed rothairmisc gussin cath ar n-uair.

Imthusa Ipsifile intan robui ac iarraid in maccaim, adchondairc in fer frasach forderg d'fuil na naiden &ersir; tainic da indsaigid co dubach dian domenmnach, &ersir; robui ac pocad in mic. Acht chena rasaeed a delb &ersir; a dath isinn uair sin cu nar-fhurusa aichni a chuirp arna cruadledrad o dhriuch nemi na nathrach. Et is amlaid robai-si 'na timchell andsin, amal bis ethaid foluaimneach im net ar na choll do nathraig impi; &ersir; rogab ina hucht he. Rochomglan crechta a chnis da fult fhata fhira-laind, &ersir; tuc a faid firguil os aird, &ersir; is ed roraid: Truag sin, a Arsemaris inmain, ar si, is tu ua tocha lium &ersir; ba cland dam-sa dar eis mo mac, &ersir; ua comdingnad dar eis m' atharda. Et a mic, ar si, caidi in gnuis glan gruadalaind &ersir; na briathra gotha-gairechtacha batar let, na tuictis daeini aili acht mad misi re sirchlechtad? Uch tra is truag in turus dochuadus-sa uait dar a dermaitius tu. Et, a Grecu, ar si, marbaid-si misi, co na faiciur athair in mic-sea .i. Ligurgus, &ersir; co na faiciur a mathair .i. Eruididse, uair isam bandama di d'eis a meic do milliud acum; &ersir; is taisci tra aidlecar misi na daber a mac ban samlaid-sea 'na hucht.

Atclos immorro na scela sin ba chetoir co tigib lethna lan-mora Ligurguis .i. athair in meic. Et is amlaid robai seic edon ar ndenom edport i sleb Peris, &ersir; is ed roraided ris andsin, comad da muntir romurfithea in cetduine do Grecaib ar in cathugud Tiauanda. Is de sin tanic-seom co toirrsech tindesnach dochum na sluag o 'tchualaig na stucu coema comairic aca senm.

Ipsifile immorro o rabui &ersir; an mac marb aca imarchor aici, is and dorala a mathair di 'na haigid &ersir; airechta cend-caema corp-glana do mnaib 'na farrad &ersir; dirmanda degsluaig ac caeiniud in mic sin. Ligurgus immorro ar ferg &ersir; ar fuala&ndot;g dachuaid in scel sin do, &ersir; tanic remi co dian dasachtach, &ersir; adbert: Caide, ar se, in bean i roibi mo mac-sa na laim? &ersir; tabraid cucum, a fhiru, ar se, in colaig confadaig co romarbar hi i cinta mo meic. Et is cuma roraid sin &ersir; tanic da hindsaigid, &ersir; claideb urnocht 'na laim. Is andsin tuc in trenfer natharda nemlesc .i. Tíd mac Oeniusa in sciath ar scath na hingine, &ersir; adbert: A duni dasachtaich, ar se, leic a aenur in mignim triallai. Et doriachtadar asa haithli sin Capaneus &ersir; Ipamedon &ersir; Partonopeus mac Eremandtuis &ersir; a claidbi nochta 'na lamaib co roiadsad im Ligurgus da marbad &ersir; da mudugud, da saraiged iad 'man ingin. Is andsin rocomergedar munter Ligurguis do gliaid re Grecaib, &ersir; robui int ardrig Adraist 'ga n-astad &ersir; 'ga n-irrdegail. Atbert dono Ampiaruss in sacart: Leicid as, a fhiru, ar se, uar fich &ersir; uar ngliaid, uair is facus uar coibnes &ersir; uar cairdeas. Nir-ua áil tra re Tid, mac Oeniusa, inn irgail do thairmesc, &ersir; is ed roraid: Is dana dit, a Ligurguis, ar se, inni triallai .i. in ben do marbad ar ar faesum &ersir; ar ar comairci. Acht is lor dit bith i socra &ersir; i sadaili ac cainiud do mic d'ar n-eis-ne cein bem ac tachar risna Tiauandaib. Rofhrecair tra Ligurgus dósom, &ersir; is ead roraid: Ni fheadar-sa am, ar se, comad buidni bidbad do thogail Teibi sib. Et mas ead as ail lib tra, millid misi, uair ni fhuilim lin tachair daib. Et is amlaid roui-sium aca rad sin &ersir; mirun &ersir; aninni mor aici. Et robui ac fegad a cathrach uad, cu cualadar comorad catha &ersir; irgaili isin cathraig thall. Is iad rohindised do beth andsin marcsluag gasraidi Grec ac inrud in tigi sin Ligurguis, uair is ed rohindised isin dunad uilc &ersir; ecora do denam do Ligurgus i muich risna sluagaib. Et roergedar de sidi na Greic rouadar thall isin baili &ersir; aithindeda luatha lasamna 'na lamaib do loscud tigi Ligurguis &ersir; da breith cona n-altoraib ailli adartha leo i ndairi &ersir; i ndochur. Ba buaidirthi tra tegdais in trenfhir sin o gul &ersir; o gair ban &ersir; mac aca milliud inti. Is andsin immorro tanic in ri uasal Adraist, &ersir; tuargaib Ipsifile i fiadnaisi in tsluaig, &ersir; adbert: Traetar uar ferga &ersir; uar ficha, a firu, ar se, &ersir; na dentar lib olc Ligurguis; uair ac seo in bean tuc int uisci daib, &ersir; si slan gan crechtnuchud. Ba he tra samail in tsluaig Grec in tan sin in muir acgarb anbthenach &ersir; na gaetha garba gatsnimacha gatmí 'ga cumasc &ersir; 'ca combuaidred gu n-udcith anfad garb gemreta in lear longach lanadbul as cach aird, cein co nn-eirig in ri uasal onorach .i. Nephtuin, co cuireand ina tast &ersir; ana teigli hi. Et antan robadar Greic fan samla sin, is andsin tangadar da mac Ipsiphile &ersir; Iasoin mic Esoin o inis Lemin a ndiaid a mathar co tech Ligurguis. Et rohindised do Ligurgus in dias sin do thorachtain da thig .i. da mac Ipsifile. Et tangadar ua chetoir i fortacht &ersir; i forithin Ligurguis gan fhis &ersir; gan aichne doib. Et o 'tchualadar imrad indsi Lemin &ersir; Ipsifile ingine Toaint, rascailset na sluaga sarechtacha, cein co rangadar airm a roibi a mathair, &ersir; cor-iadsad a lama luathglasta impi. O 'tchondairc-si immorro erred &ersir; indtsamail a n-athar ina sciathaib coema commora &ersir; a airm urnochta ina lamaib, rothoit-si andsin co hanband eserit re romet na failti rogob ac faicsin na mac sin, &ersir; rus-snigestar frasa diana der dar gruadib di.

Na Greic immorro roleigsedar a ferga re lar, &ersir; rolabair in rigsacart uasal Ampiaraus, &ersir; is ed roraid: Eistet rim-sa, a gasrada Grec &ersir; Ligurguis, co roindisiur daib a n-ebairt dea na faistine .i. Apaill rium co buigbed sibsi, a Grecu, na hairdi urbada-sa ar cae uar conairi ac techt in turisa, conid airi sin is choir daib uar ferga da thairmesc &ersir; uar n-airm do chur uaib &ersir; idbarta uaisli imdai &ersir; cluicheda suarca subacha i n-onoir in mic mairb-sea .i. Arsemair mic Ligurig co mairet sin co forceand saegail &ersir; co dered in domuin. Uair ni ferr do-sum comshaegul re Neastur cundail cianaesta, no re Laimedon lansaeglach, na haeidid na samla-sa fair; uair airemthar do-som iter deib é da eis. Tainic tra ind agaid fae sin, &ersir; deisitar ina longportaib isin n-aidchi sin.

Adchlos immorro ua chathrachaib na Greci gartgloni na Greic do commorad cluichi chaintig i n-onoir &ersir; in n-airmitin mic Ligurguis. Et is les dorondad ar tus riam a macsamlai in cluichi sin la hErcail mac Ampitrionis i n-onoir Peloip mic Thantail.

O thainic tra solus tratheirgi do lo arnamarach, &ersir; roerig grian glan uallach ina mill crochomderg seach imellbord talman, co roruithnig a gathana glanshoillsi uar tuaithebrachaib in talman, rochomergedar na sluaig iter thall &ersir; amuich, comma fograch na fidnemid &ersir; feda foithremra coillted Neim re seastan &ersir; re seiselbi na sluag sin ac comergi do chommorad na cluiched cainthech sin. Robui immorro Ligurgus ina rigsuidi &ersir; a bancheli Eruididse 'na farrad &ersir; bantrochta buaidirthi badbchaintech maraen ria ac cainiud a meic. Rochomnuallsad leo isinn uair curaid &ersir; cathmilid &ersir; lathagaili Grec i tigib rigda romora Ligurguis; &ersir; ge rachainsed Greic in mac sin, roairigsetar a miscais co mor ac lucht in baile. Is andsin rogab Adraist, ardri Grec, ac comdingnad Ligurguis do scur a chuma &ersir; a thoirrsi. Ni chualaig-sium sin tra re confad na cumad &ersir; re fiuchud na fergi. Acus asa haithli sin rocomecrad leosum comrair don mac sin don fhid chuanda chuiprisc &ersir; d' fhualascaib ali uraidi &ersir; do luibib barrglana bolathmara nach leictis lobud no lochrad dona corpaib ima cuirtis .i. sinomum &ersir; ballsam &ersir; mirr &ersir; tuis. Et rochoraigid etaigi caema corcorglana thiri na Sithriu taris amuich aneachtair arna n-ilecur do snath alaind orda &ersir; do gemaib cruindi carrmogail. Et roordaig a athair andsin a airm chaema chosmaili in meic beic sin &ersir; fadbarm a senathar do thabairt dochum in chuirp sin da n-idbairt &ersir; da comloscud leis. Uair is ed ua bes accusum andsin na cuirp onoracha do loscud &ersir; d' edbairt dona deib adartha.

Is andsin roerig in fisid fireolach Ampiaraus &ersir; Greic ar cheana don leith ele, acus rocomecrad leo teni taidlech taeblasamna, coma sonairti soimthechta, &ersir; coma caeiti comredi na feda dluithi doimthechta da n-eis. Et o thairnic leosum in teini sin, rosuidigit acu altoiri da deib nuaglana nime &ersir; da deib aduathmara ifrind, &ersir; rosendit fetana cuasmora ceolbindi do gach leith &ersir; da gach thaib dib. Et rochomergedar secht rig Grec im Ligurgus do chommorud in chainte sin.

Roergedar buidne bithi banamla maroen re mathair in mic .i. Erudidse &ersir; dirmanda doescursluaig impi-si .i. a buimmi, &ersir; 'ma buimi in mic sin fa Ipsiphile &ersir; da mac Iasoin mic Esoin maroen ria a da chomalta. O dariacht immorro Eruididsi i. mathair in mic dar dorus in baili amach, rolobair o guth mor, &ersir; is ed roraid: A meic, ar si, ni hi seo aeidid rofaelius-sa ort. Et dursan dam t' aithni dot aileamain &ersir; dot altrom do mnui meblaig mibriathraig do lucht indsi Lemin! Et, a Grecu, ar si, na cathid uar seoid na bar n-indmasa elaiscib na hidbarta-sa ni as sia acht loiscther lib in bean 'gar-millead in mac .i. Ipsiphile &ersir; loiscther misi maroen ria.

Et o tharnic dissi sin da rad, roerig Ligurgus, &ersir; rochuir a erred &ersir; a etach uasal idbarta de, &ersir; rothesc a fholt, &ersir; rochuir isin tenid iat dib linib mar chomarthai mbroin &ersir; domenman, &ersir; is ed roraid: A Ioib, ar se, is mibriathrach rouadais rim ac cetugud mo meic da marbad, uair bam sacart uasal idbarta dit mad gusan ndiu. Is andsin roerig fathrand &ersir; fidren ruadlasrach romoiri do thenid inna hidbarta, &ersir; ba snimach do Grecaib astod Ligurguis &ersir; a bancheli gan dul daib da loscud isin tenid sin. Rob adbul tra in tan sin &ersir; ba fograch leca logmara aga loscud inti 'ca loscud &ersir; aircet aengel aithlegtha &ersir; or ac snigi dar etaigib rigda roailli &ersir; fin &ersir; fuil ac fiuchud i tulchomaib cuanda comdai&ndot;gne.

Is andsin roergedar secht &ndot;dirmanda do marcsluag Grec 'ma secht rigaib robeoda, &ersir; tucsad tri graifni i timchull na tendted sin. Robuailsetar basa leo, &ersir; rothuairgid ochta &ersir; urbruindeda andsin, &ersir; rohidbraid alma &ersir; cethra d' iarraid fhesa &ersir; eolais, amal ba bes accu-sum. Racaithed tra in la sin leosum re comram in cluichi sin, no co-ro luaithred lanmin ar lasad na tenti taeblasamna re hirthosach na haidchi. Isin maitin arnamarach rochomergedar uili, &ersir; dorignead leo tempoll suaichnich soineamail 'ma luaithred chuirp in meic sin .i. Arsemarus; &ersir; tairnic leo e co cend noi la &ersir; noi n-aidchi. Rorindad &ersir; rohecrad im slesaib in tempaill sin .i. delb Ipsifile ac iarraid uisci do Grecaib intan robadar i nn-itaid remi sin, &ersir; delb Arsimaruis &ersir; na nathrach romarb é, &ersir; delb gae Capaneuis da romarb in nathair.

O tharnic tra in saethar sin do denam, tangadar senoraig croma chianaesta, &ersir; maccaim robega rebacha, &ersir; daescurslaig denmech deaith do chomorad aenaich in n-onoir in mic sin aroen re gasradaib Grec. Et rob e inad inn aenaich .i. glend glasfherach comreid, &ersir; feda foithremla firglana 'na thimcheall iter da sliab chruindi chomarda, &ersir; rasuidetar buidne croda cathacha na nGrec i mucha do lo &ersir; do laithi andsin. Et roairim cach a sochraidi and, &ersir; o rohairmed, tucad chucu cet do buaib data deigremra &ersir; a comlin da tharbaib comaesta comdatha daibsi. Et tucad chucu asa haithli sin delba rindta roailli a n-athar &ersir; a senathar d' urgairdigud aicenta orru isinn oenach. Et roleigit leosum andsin ar tus grega diana degretha srianailli socra sluagda sofhermaig dar moigib minreidi inn aenaig sin. As i tra cetna ech tucad andsin .i. Arion ech aibind allmarda Adraist ind n-airdrig. Ba suaichnich am egcosc inn eich sin .i. gabair gormglasa, gasta, gualandtiug, badba, bircluasach, socair, saemind, soermach, co moing caim corcarglain, co n-erboll comtroma comdatha, do bunad cenel eich Neptuín, dea in mara, uair is cuma conriadad si muir &ersir; tir. Et ni ba miad le nech aili do lecud fuirri acht mad Adraist int ardri a oenur. Et gid ed tuc-som da cliamain in la sin hi dochum inn oenaig .i. do Polinices &ersir; is ed roraid sin: Na buail co menic t' ech, a gilla, ar se, &ersir; comgres cach &ersir; is lor do gresacht fuirre-si sin, &ersir; reithfid in mag amal roreithset eich greini Faóaetan mic Apaill.

Et roerig Ampiaraus andsin .i. sacart mor na Greci, dochum na comlingi cetna, &ersir; da ech ailli oengela fóe eo nn-étach a comdatha immi i comartha a sacerdoiti, &ersir; ba do shil eich Chastoir .i. Sillarais dona heachaib sin. Et rocomerig 'na diaid sin Ademet, taisech na Tesailli, &ersir; lairthecha dana diana deigretha fae, &ersir; siad ailli aladbreca. Et is iad ba comnesa do sin da mac Iasoin mic Esoin &ersir; Ipsifile .i. Toas &ersir; Eunihos; &ersir; ua cosmail tra delba na desi sin iter armaib &ersir; echaib &ersir; etaigib. Tangadar 'na ndiaid sin and Coromis &ersir; Ipodomus. Cromis, immorro, ba do shil hErcoil mic Ampitrionis do; &ersir; Ipodomus ba do sil Onamaus, rig Pissa, do; &ersir; ni greised nech dib sin a eocho sech aroili. Et eich Diomit rig na nGeittecda ua Cromis, &ersir; is e in Diemid isin doberead a aigedu da echaib co marbdais &ersir; co n-ithdis iad, cein no co riacht Ercoil ar aigidecht da thig, &ersir; co tard Ercail eisum fen daib &ersir; co rusmarbsad. Ipodomus, immorro, eich a athar .i. Inomaus robadar foe seic. Et is e int Enomaus rofocrad comrith n-echda ar gach fer ticed d' iarraid a ingine fair; &ersir; o teigtis a eich-sum dib, romarbdais aici in lucht sin fochetoir. Et is amlaid robadar na heich sin &ersir; broen fola na fer romarbaid dib ara carput i comartha coscair. Cid tra acht rosuidiged leosum andsin crich &ersir; comartha cusa leicfitis an n-eocho &ersir; dair barrlom bunlethan robai i cind in muigi &ersir; carrac trenmor thunidi in n-aird aili and &ersir; ed cheithri n-urchur saigdi sithguirmi eatorru sin.

Is i tra aimser i raibi Apaill mac Ioib ac sirsenm a chruiti &ersir; i mullach slebi Barnaps ac admolad na ndei. Et atchondairc uad na Grecu forin moig mor reid ara rabadar; &ersir; robai ac tobairt aichni ar cach oen ba leith dib, &ersir; adchondairc andsin Admeit ri na Tesailli, &ersir; Ampiaraus uasalsacart, &ersir; bad caraid cumtha am dosum in dias sin. Uair robui 'na haegairi thret do fhir dib .i. do Emit, intan rohathchuired asa deacht é &ersir; ua sacart uasal idbarta do Ampiaraus. Et o rabui ag fegad amlaid sin, is ed roraid: Cia iter, ar se, in dea rogres na caraid-sea uil acum-sa dochum chathaigti na Tebi? &ersir; gid ed rafuil soni ngrada acum uar in dis sin, uair is tigerna &ersir; is cara bunaid Adiemit, ri na Tesailli. Ampiaraus, immorro, rofitir fein gach ni asfas dochair ind. Et is cuma roraid sin &ersir; ro-muidsed frasa diana der dar gruaidib do, &ersir; tanic mar saegnen tened no mar saigid a srei&ndot;g no co ranic i coillid Nem.

Isin uair sin robai Proteus ac cur crandchair a chathbarr 'm a n-inadaib comlenga, &ersir; rocoraigid iad-sum ban samla sin. Robui tra ailgius &ersir; tindinis mor ac na feraib &ersir; ac na hechaib 'man comrith. Ua hadbul, immorro, re heistecht sitrech &ersir; setfedach na n-ech sin &ersir; a lemenda re gloraib na srian aca n-imnastad. Et asa haithli sin roleicit i n-enfhecht &ersir; a n-enuair dochum a retha. Ua dluith deinmech am docuas andsin, &ersir; nir-ba suaichnich soaichnid neach dib seach aroili re daithi &ersir; re denmidi dochuadar uaithib. Et ua dicheltai uili na dirmanda sin dona haichthib comdorcha cumascda rochomerig dib re snuadallus na herma, re dendgail na roth, re hanalaib na n-each &ersir; na curad ic imchosnum thosaich isin chomling. Et ua hilbrecca illathach na moigi minreidi risna cethaib comgela cubair consnigtis re hóilib na heachraidi ac fosenm na srianmirend isinn uair sin. Et ba fogradach firmamint andsin re greasacht na curad comrumach uar na hechaib ailli allmarda.

Is andsin tra roarig Aroén .i. ech Adraist, marcach caem comuithech do bith fuirri .i. Polinices, &ersir; rogob dremni &ersir; dasacht &ersir; daebili, &ersir; robui ac fegad a tigerna fen &ersir; aca iarraid ar fud in muigi moradbail. Et ge rabui, dochuaid sin urchur saigti sithguirmi andsin do gregaib glanailli Grec. Ampiaraus immorro ba nesu d' Aroén &ersir; ba fada etorru &ersir; in marcach Tesalta .i. Ademet ina diaid sec. Et is iad ua nesa do-siden dano da mac Iasoin .i. Enunios &ersir; Tous, &ersir; nir-greis nech dib-side a eochu sech araili do chomull a charadraid. Crómos acgarb, immorro, &ersir; Ipodamus anachéil fo deoid, &ersir; a meit na miled sin da n-eachaib 'ga n-imarcur is ed uadera sin. Ampiaraus rogob seic ar athgairid na conairi da tairechtain tosaich, &ersir; is ed ana cetna dorone Admeit, ri na Teasailli, &ersir; ba denmech in marcach isin, uair is cumma no-lenad do thaeib &ersir; do druim a eich. Aroén, immorro, int ech robui fa Polinices, robui co siblach sechranda, uair nir-cumaing a certugud cein no cu ruc Ampiaraus tosach de. Et ua he Admeid ua comnesu do-side, cein no cor-impa Aroén ech Adraist aris ar set na sliged. Act cheana ni gresed Polinices &ersir; ni astadus, ucht robui ina tham &ersir; ina thaisi i nn-ichtur in carbaid inn uair sin.

Is andsin rofhacsad aris na heich diana deinmetha sin caethi a comretha, &ersir; dochuadar fordol conairi, co rogabsad a carpaid caema cumaidi i cend aroili &ersir; a cheli. Acus gid ed, nir-ba lor lesna curadaib gresacht na n-ech o sporaib athgera iarnaide no co ndernsad o gothaib moraib &ersir; o a n-anmandaib dilsi uadein. Rogres tra Admeit andsin Poloe &ersir; Siris a da each. Rogreis dono Ampiaraus Asceton datha deigretha et Sicnus gleglan glegel gualandtiug. Rogres, immorro, Cromis Strimon. Robui Echion ua Uneos mac Iasoin. Rogres dono Ipodomus Cidóna. Rogres Tohas mac Iasoin Podarsen. Nir-labair Polinices risin n-ech bui fai .i. re hAreon, uair nir-lam a guth do cloistecht di. Et ba cuntabartach coscur co fada andsin iter na hechaib.

Is andsin tra roast Toas mac Iason Admeit, ri na Tesailli, intan roui ac dul secha, &ersir; ni thuc a brathair Eunios fortacht fair, uair rogresestar Ipodomus gasta gruadsolus a eochu etorru. Tuc dono Cromis mac Ercail astod foreigni ar Ipodomus dar eis caich, comtis sinti a srianmirenda a ech, &ersir; co rabris a charpad. Et o rabrisead amlaid sin carpad hIpodomuis, roimpaised a eich ris fochetoir da ithi, o robui 'na loigi, amal ba bes leo remi sin daine do ithi. Et o 'dchondairc in trenfer calma Cromis sin, rotreic a buaid comretha, &ersir; roimpo d' indsaigid Ipodomuis, &ersir; roanaich e bar a echaib.

Tanic tra Apaill and sin d' fhortacht &ersir; d' fhoirithin do Ampiaraus do thobairt buada comle&ndot;ga do. Et is e ni doroni torathar firgrana feosach do deilb &ersir; do denam andsin ar lar inn aenaig, co ngebtais amaiti aduathmara ifirn grain &ersir; ecla reimi. O 'tchondairc tra Areón anni sin, rogob aduath &ersir; urecla hi remi, cor-erig a mong co sesmach sirgarb osa gualaind, &ersir; co rothairring a carbad le &ersir; in n-ech ali bai fai, &ersir; co rothoit Polinices asin charpud co roibi bristi buaidirthi ar lar inn aenaich da n-eis. Et robui-sium isin loigi sin cein co ndechaid carpat Impiarauis int sacairt, &ersir; carpad Ádmeit, ri na Teasailli, secha &ersir; lucht na comlenga ar chena. Rothocaib-sium a chend co hanband eneirt asa haithli sin, &ersir; roerig do dechain na comlenga .

Is andsin roopair Ampiaraus imchosnum tosaich re Areón fuascrach firluath, ce ra-bi cen marcach fuirri, &ersir; rochomgres a eocho 'na diaid coma luaithigther re sidi &ndot;glasfuar &ndot;gaithi inn aimsir gairb gemrid a deini &ersir; a dedgairi. Rocomlai 'na ndiaid co na roibi nech roime, &ersir; robo taisci andsin d' echaib Ampiaruis ina d' Arieón, mani gresed Nephtuin, dea in mara, in n-ech sin cor-ba le tosach na comli&ndot;ga; &ersir; ger-ua taisci Arieón .i. ech Adraist andsin, ba coscrach Ampiaraus. Tuc tra int ardri Adraist tairbert set &ersir; maine da Ampiaraus .i. dont sacart mor ar buaid na comlenga sin da breith .i. copan alaind orda asa n-ibead Earcail mac Ampitrionis fleada fina; &ersir; robatar andsin arna rindad delba na Ceandtuiri cosnomoch &ersir; na Lafitecda lanchalma &ersir; delb Marsisibiea rigan na Cichloiscthe o tuc Ercail na hairm i&ndot;gantacha .i. cach ri dochid hi cind chatha, fuil rochuiread tara bel &ersir; dara sroin, tam &ersir; taisi, teiched &ersir; timi ticed dona sluagaib echtrand dos-cid ac cur chatha etorru fen: &ersir; delb na coscur comrumach dorigne Ercail archena sechnon in domuin. Et tucad d' Admeit dono, da thaisech na Tesailli leand chaem corcorglan co nndelbaib imda arna n-ilecur d' orsnath inti. Et o thuc Adraist na haisceda sin i comartha a choscuir don lucht sin, robui ac comdingnad a cleamna &ersir; tuc banchumail ndaeir do seic.

Et asa haithli sin ronert Adraist drem dona sluagaib coisidib do chomli&ndot;g chomretha 'na fiadnaisi. Rofrecrad esium iman ngnim sin. Et roerig Idas re chach, &ersir; is amlaid robui &ersir; coroin coscuir comlenga ruc i sleb Olimp ima chend, &ersir; as iad ba sloig doson lucht Pisa &ersir; Eliis .i. na cathrach sin. Roerig immorro 'na diaid sin Alchon croda coscurach a Sitsion. Roerig 'na diaid sin Pedemus. Ba coscrach comretha fa dó in fer sin i traig Ismis. Roerich Dímás ar na cintis eich i comreathaib intan ba hoc, acht chena fa foraesta andsin he. Roerig dono Parthanapeus no Parthanap, rig na hArcaidi, &ersir; ua subach sluaig in aenaig risin ngilla sin, &ersir; ua dual am deigrith don fir sin o mathair .i. o Athalannta; &ersir; ba do luth and fhir sin brith arna halltaib diana deigretha ar luas &ersir; ar lanrith; &ersir; int urchur focherded riam remi, conclised ara chind riasiu roshoithead talmain. Et is andsin rothaithmig int siblaind n-alaind n-orda robui isin brut caem corrtharach, &ersir; rochuir de he, &ersir; roforruamnad corp daithgel deigdenmach in deglaich a hola; &ersir; roforruamnad dono Idas &ersir; Dimas ban samla cetna, &ersir; ba he Idas ba derrscaigthi delb isin chomli&ndot;g sin acht Partarnapeus a aenur, &ersir; ba sine Idas ina Parthanapeus. Rouadar tra na fir sin ac fromad a luith resiu donetis a comli&ndot;g, &ersir; o racoraiged comartha in chomretha accu, roreithset ua chomaird chomluith no cor-scuch cach secha araili dib, &ersir; rochosain Parthanapeus tosach dib uili 'sinn uair sin, &ersir; ba luaithither re sidi &ndot;gaithi ngemreta in tethad &ersir; in tennad ruc o chach. Et is e ua nesu do Idas athlom aduathmar, Pedimus &ersir; Dimas 'na ndiaid seic, &ersir; ua gairit etorru. Ua hathlum, immorro, Alcon 'na ndiaid na fer sin. Is amlaid tra robui Parthanapeus andsin &ersir; a fholt dualach dearrscaigthech scailti dara formna siar sechtair, &ersir; o raairig Idós cend na comlenga i comfhacus do, &ersir; Parthanapeus ac dul uad chuici, is e ni doronni, rosin in laim, &ersir; rogob ar bun inn fhoilt fhada findbuidi sin he, &ersir; rotrascair chuici dar ais.

O 'tchondcadar, immorro, na hArcaidi sin, roergedar d' indsaigi Idais da airlech, &ersir; raergedar sluaig Pisa &ersir; Elis dia frithaileam sideic, &ersir; is de sin fa mescbuaidirthi int aenach, &ersir; rotriallsad int aenach uili do buaidred co mor. Et o 'tchualaig Adraist, int ardri, sin, roerig do thairmesc in tachair, &ersir; is ed roraid: Traethar bar ferga, a firu, ar se, &ersir; caiscid bar comruc, &ersir; dentar in comrith aris, &ersir; na lecar i comfhacus sib. Na tuca nech uaib celc 'ma cheli.

Dorondud tra leo-sium sin, &ersir; tuc Parthanapeus buaid na comlenga les in darna fecht, &ersir; ba samulta na taidled in talmain ara luas dorethad.

O rascuired sin, rotidnaiced seoid &ersir; maine doib log a mbuada .i. ech aibind do Parthanapeus, &ersir; sciath alaind aelgel do Idas saeigti, &ersir; saiged do chach ar cheana.

Et asa haithli sin rocomtriallad leo cluichi disci do denum .i. cluichi méisi. Et is amlaid donithea in cluichi sin, mias adbulmor iaraind no umaidi ar uaitnedaib iaraind 'na lamaib, &ersir; a himpod ima cuairt &ersir; a dibrucud i clethi aeoir &ersir; firmaminti; &ersir; mina frithailtea aris uar ind n-uaitni cetna, romarbad &ersir; romudaiged cach aen robid fuithi.

Is andsin rogab Adraist lama ar Perelass im ergi dochum in cluichi sin. Roerich tra &ersir; rochuir in mes co fersecha firard uada, &ersir; robadar Greic sel fada 'ca fegad. Et is iad so roerig da frithaileam ar sin .i. dias a hAichis, &ersir; triur a hEfir, &ersir; oenfher a Pisa, &ersir; ua he in sechtmad fer Acharnam. Roerig, immorro, asa haithli sin, Ipomedon gruadsolus &ersir; mias adbulmor aile ina laim, &ersir; is ed roraid: A ocu, ar se, gebid in meis moir-sea in bar lamaib, uair is mo is feidmnert a tocbail &ersir; a tuirnem inna ni triallaid, &ersir; bid rethi togla ar tothocht don chathraig co saigthi .i. don Teib. Et rodibraig asa haithli sin &ersir; nir-an ga hurnaidi aroen risna Grecaib acht mad Flegias &ersir; Menestius a hAchain, uair ba hecail leo tuindseom &ersir; truma na mesi sin ara met. Et arae rofrithail Flegias calma comrumach 'na diaid sin in mes. Raroith in meis &ersir; rochuir a n-aird i co nar-ba ler iter na nellaib frasacha firmora na firmaminti i ara hardi rochuir, co roseol anuas iar sin dochum thalman co domuin inti. Et robadar Greic ac molad in gilli sin co mor isinn uair sin. Et rotriall aris in fer sin a dibrucud, &ersir; ni riacht les; uair rothoit uad hi cen chummus gan cetugud do. Roerig Menestius ar sin &ersir; rodibraic co hathlum &ersir; co hard hi. Ipomodon immorro rogob ar sin hi; &ersir; ba hairdi roathchuir uad ina gach duni riam romi.

Et o thairnic in cluichi sin, tucad crocend taidlech tigri &ersir; cimas do dergor fair 'na thimchell do Impomedon, &ersir; tucad boga garbchuar Gnoisecda do Menestius: tucad dano claideb lethan langer ac Pilasceius ac senathair Adraist do Plieigias, luag a cluichi mesi.

Et ni ba setrech do chomorad cluichi chest na curaid isan uair sin, cein mata Capaneus, robui 'na stuaig bodba aduathmair urbada, aca iarraid bar na sluagaib nech dib d'ergi 'na agaid, &ersir; a lamanda tarbda tachair ima lamaib, co n-iallaib rofhada a cennaib a mer, co mellaib lantroma luaidi uara cendaib seic. Et is ed roraid: Ticed oenloech uaib, a fhiru, ar se, am agaid don cluichi cest, &ersir; robod maith lim co mad threnfer do Tiauandaib tisad and, uair rofaethsad limsa he isinn uair-sea. Ba socht mor re Grecaib sin, &ersir; rogob urecla adbul iad remi, &ersir; gid ead doerich loech lanoc do Lacondaib da indsaigid .i. Alacidamas. Ba machtad tra re Grecaib ergi do, uair ba hoc arai n-aisi, ger-ua athlom n-engnoma; &ersir; ba he Pullux ua haeiti engnoma &ersir; cluichi cest don gilla sin. O 'dchondairc Capaneus cuci he, roches air co mor, &ersir; robai ac faithfed &ersir; ac fochuidmed immi &ersir; ac iarraidh fhir aili maraen ris 'na agaid. Ni ar timi na ar teichead dochuaid d' Alcidamas sin; acht rocomfergaid co fersech &ersir; co fircruaidh in n-agaid Capeneuis, co rothocbadar na lama lanchalma amal saeignena suaichinti solusda do chomamus cuirp araili. Ba hecalma re Grecaib bas d' fhagbail don maccaem d'Alcidamas andsin, uair ua hadbul met &ersir; miri in miled robai ina agaid .i. Capaneus, uair nir commor coraid ar talmain risin trenfer sin. Robai tra Alcidamas co feithmech firglicc aca fhrithalam. Roopair-sium immorro co hacgarb &ersir; co hanacarach in maccoem, &ersir; rus-timchill amal timchillis feith fidu, no amal timchillis tond mara moradbail cairrgi cuain &ersir; calaid . Rofhreastail &ersir; rofhrithoil Alcidamas sin, &ersir; ni teiged bem i ndilsi na i ndilmaine uad gan a buain do Chapaneus i cleithi i chind &ersir; dar tulport a gnuisi co ma forderg fuilidi a fholt &ersir; a aiged. Is andsin rodasachtaiged im Capaneus amal leoman londletarthi, &ersir; rogob ac toirnim &ersir; ac trascrad Alciadamais o brathbuilleadaib mora mileta. Ba dímain am dosom sin, uair roimdeagail Alcidiamas he co na ruacht lot no lanbrised fair; &ersir; rouadar amlaid sin re re ciana co rothuitset ara ngluinib caema comfillti re scis a n-imbuailti. Et gid ed roerich cach dib aris dochum a cheli, &ersir; ag ergi doib, tuc Alcidamas bem ceisti do Chapaneus co torchair &ersir; cleithi a chendmullaich remi chum lair &ersir; lantalman, &ersir; ag eri do, roathbnail aris he co runuallsad na sluaig ac aicsin in gnima sin. Roaitherig immorro Capaneus co hacarb aduathmar da digail sin ar Alcidamas. Et o 'tothondairc Adraist anni sin, is ed roraid: A fhiru, ar se, ederdelaigter lib na milid rasu rafaeth nechtar dib re 'roili inn ecomlaind, &ersir; tabar lib seoit &ersir; maine da Capaneus do thairmesc a fergi. Roergedar andsin da &ndot;degail Tid &ersir; Ipomedon. Ua doilig am eterscarad na desi sin re med na fergi firmoiri roforbair intib, &ersir; roraidsed-sium re Capaneus: Tairind t' fheirg, ar siad, a ri, &ersir; tabair maithem n-anocail uaid don gilla oc-sa, uair is lindi luamaireacht in laich-sea. Nir-fhaem thra Capaneus, &ersir; is ed roraid: A firu, ar se, cindus leicfet uaim in gilla n-oc, roimir imned &ersir; edualand orum, gan a mordigail air? Et gid ed rucsad a muinter leo he, &ersir; rodeligsed iad amlaid sin, &ersir; rouadar munter Alcidamais ac genaib gaeire im Capaneus.

Et o thairnic in cluichi sin, roerig Tit mac Oeniusa &ersir; rofuacair caraigecht &ersir; comglic andsin uar na sluagaib. Et is e roerig da indsaigid Agileus mac Ercail, &ersir; ba medithir re hArcail mac Amphitrionis ar met &ersir; ar mesnig in milid sin, uair ba da síl do. Tid, immorro, is amlaid robui seic, fer isel tailc tarbda tren calma athlom ocla anacarach. Ua tren &ersir; ua tarcaisnech ar gach n-oen tecmad ris.

Et rogobad ola chomshlemuin cumascda da churp isinn uair sin, &ersir; roerig dochum Agileus. Is andsin roiad cach dib a lama &ersir; a rigthi dar araili, co ma samalta re seolchrand primluingi moiri no re ralaig roaird os mincrandaib firbeca fidbaidi Ageleius os cind Tit andsin aca thairnim &ersir; 'ga trascrad. Et ger ua lugu Tit, ua tendi &ersir; ua talchairi e isinn uair sin, co rotimsaig &ersir; co rothimairg Ageleius, &ersir; co rotrascair dochum lair &ersir; lantalman. Rocengail &ersir; rocuibrig 'na diaid sin i fiadnaisi na nGrec uile he, &ersir; tucaid aisceada a comartha a choscair do arsin. Robui ac braisi &ersir; ac bocasaich uasa cind, &ersir; tuc da muntir iad; &ersir; ar n-ergi do Agilleius co hoband mertnech asa chengal, tuc Adraist luirig n-imthruim n-iaraind do log a chluichi do chommorad.

Et asa haithli sin roergedar dias dib do cluichi d' armaib aithgera urnochta .i. Agresius mac sic Epidaur, &ersir; Polinices mac Eidip. Rothairmisc immorro int airdri Adraist iad, &ersir; is ed roraid: Na denaid cathugud, a fhiru, ar se, cein no co ros-ti tachur na Tebi, uair dogebthai uar ndaithin cathaigthi &ersir; comlaind inti. Et rothairmisced iad amlaid sin.

Is andsin adubradar airig na nGrec risin n-airdrig re hAdraist a chuid dona cluichib do denam comad moidi onoir ind n-adnocail. Dogentar, ar se, &ersir; roerig. Is e ni doronni, rodibraic saigid a fidbaic ibraide co setrech sirchalma co ndechaid uad re hed, &ersir; amal ba tresi di ac dul, roimpo co hathlum opund ar culu d' indsaigid in rig rus-telg. Et ba fidgrad faistine acu-sum sin, uair is ed rothuiced asa sin Adraist a oenur do ternum a cathugud na Tebi &ersir; a rochtain ar culu co crichaib Grec.

Conid cainiud Airsemaris &ersir; a cluicheda cainteacha conigi sin.

O tarnic tra in cluichi caintecha sin, rodoirt Adraist fin aran adnocol, &ersir; robui ac molad in gilla amal dea uasal adartha, &ersir; is ed roraid: A mic, ar se, dogentar amal so idbarta ac Grecaib uili gacha bliadna duid-seo, &ersir; da taet lindi tigi na Tebi tret chumachta-su, bidid mo honoir idbarta aris acaindi. Et is ed sin ba hail do Grecaib uili da rad.

As i sin, immorro, aes &ersir; uair dobi imshnim mor ar menmain Ioib mic Satuirn, uair ua fada les-sum comnaidi na nGrec i n-ingnais in chatha, &ersir; is andsin tucad a mac .i. Mearcuir dochum Ioib, &ersir; is ed roraid ris: Erig, ar se, d' indsaigid Mairt, dea in chatha, &ersir; abair risna Greic d' adandad dochum in catha. Et roerig Mercuir &ersir; dosiacht co tigib seselbacha Mairt, mic Ioib, dea na cath &ersir; na congal, &ersir; raid ris na Greic &ersir; na Tiabanda do chur a cend a chele.

Roerig tra Mairt lasin ngresacht sin, &ersir; tanic remi dar trachtaib traga Eipir co mullach slebi Acorintus iter in muir nIond iar n-airthiur &ersir; muir nEig ar n-iarthur. Roscail uad andsin ecla &ersir; aduath, ferg &ersir; fuasnad ba sluagaib Grec, co rolingsedar menmanda risin fogur bres adchualadar i firmamint uasa cind &ersir; risin scel n-aduathmar n-urbadach sin. Et rocraith a slega &ersir; a sceith, &ersir; rotrenbuail a eocho uas cind na sluag, cor-gab saínt &ersir; ailgius catha &ersir; comlaind na curaid isinn uair sin risin ngresacht &ersir; risin laidiud sin tuc Mairt mac Ioib forru.

O 'tchondairc, immorro, Baich mac Ioib, dei inn fhina, na Greic 'na mbuidnib degshluaig ac comlugud dochum na Tebei, tucad iachtad &ersir; osnaid mor os aird, &ersir; tainic remi d' indsaig a athar .i. Ioib, &ersir; roloig ina fhiadnaisi, &ersir; dabui ac iarraid fortachta dona Tiabandaib air, &ersir; is ed roraid: Is olc a ndenaid, ar se, a Ioib comorad catha i cend na Tiauanda &ersir; a tir do thogail forru, &ersir; doberi-siu do gach dei aili comairci in chiniuda is dual dó &ersir; ni thabraid damsa. Uair is i Simile, ingen rig na Tebi, mo mathair, &ersir; dafhetar is i Iunaind ilcrothach dobeir ortsu in aimleas arin fath sin.

O 'tchualaigh Ioib sin rotib a gin &ndot;gairi 'ma mac, &ersir; rothairbir poicc do, &ersir; adbert ris: A mic, ar se, ni fich na ferg dobeir orum comorad in chatha-sa. Acht is ed ro-chindsead faidi &ersir; fisid o thus domuin co cuirfithea in cath croda-sa na Tebi. Et na bid ecla ortsu, a Baich, togail na Tebi don chur-sa, &ersir; amae dlestis a n-olc do denam, uair is adbul a n-ecoiri. Ba forbailid Baich dona scelaib sin.

A ndala-sum coruigi sin.

Dala, immorro, na Tiauanda, ranic techtairi tairisi da muntir co hEcliocles, co rig na Tebi, &ersir; roindis do rigrad na nGrec cona sluagaib &ersir; cona sochraitib i comfhocus do muigib tondglasa na Tebi. Ba truag immorro &ersir; ba tindesnach risna Tiauandaib, in gach inad a robadar, na scela aidbli sin do chloisteacht. Is andsin tra rothinoilit dochum Ethiocleis a sluaig &ersir; a sochraidi &ersir; a shuind chatha &ersir; a fhuird irgaili co faichthi fondglais a duin &ersir; a cathrach.

Tochestul &ersir; tinol na Tiabanda andso.

Et desid andsin cach drem degsluaig 'ma triath &ersir; 'ma thigerna do neoch thanic a hEonia &ersir; a hEobia &ersir; a Pótcis &ersir; a cathrachaib na Tiauanda ar cheana. Roergetar immorro, mna &ersir; macaim &ersir; mindaine, &ersir; rolinsadar muir na cathrach &ersir; dumacha aili airechtais ac fegad int shluaig sin.

Is and dono robui inn og ilchrothach .i. Antigone, deirbfiur Etiocles &ersir; Polinices, i tur roard romor sel o mur na cathrach sin amach. Uair is ed ba bes acusum gan sluaig &ersir; gan sochaidi da fhaiscin a n-ingen, no co faeitis re feraib. Et ba ler disi andsin tochim na sluag uaithi uar in faichthi, &ersir; ni ba ler daibsium isi. Et as e robi 'na farrad andsin Phorfas foirfi fireolach .i. fer grada a hathar &ersir; a sseanathar eseom, &ersir; a hoiti. Et rogob-si 'ga fhiarfaigi de: Cia in sluag romor-sa iter? ar si, &ersir; atchimsea, ar si, mergeda minglana Meinidceus corcargloin &ersir; airm croda Creoin coscraig. Rofhrecair, immorro, Porfas disi &ersir; is ed roraid: In faicend tu and, ar se, Drías a tulchaib taebuara Tanacra atuaid on uarda &ersir; mili saegdech 'na farrad? Et in faicend tu ua do Nephtuin and &ersir; delb aeil ara armaib? Atat and sud i sochraidi Ethiocleis curaid na cathrach Ochalia, &ersir; milid mera Medona, &ersir; gaiscedaig nuaglana Nísa, &ersir; trenfhir thalchara Thispé agruin. Et is e is nesu doibsin Eurimedon croda coscorach mac Fanuuis, dea na caillted, &ersir; is e fhoires &ersir; airchises cach gabad coilled, &ersir; sluaig saidbri sonaidi Erithra maraen ris, &ersir; na sluaig tangadar a Colon ciuitas &ersir; a hEtanion agruin, &ersir; a hEleis ciuitas, &ersir; a Scíroin agruin, &ersir; gae gera guinecha &ersir; sceith cruindi cabracha leo sin. Et ata and dono airechta Anchesta agruin do sil Nephtuin dei in mara &ersir; is e Neptuin garbas &ersir; fethnaiges in muir n-aduar n-ainfenach. Et atait and na fir bit a Megalis i cocrich na Greci &ersir; na Tiauanda &ersir; ba sruth Melais &ersir; ba thobar &ndot;Gargais .i. tobar mirbulta, &ersir; ba sruth Alietis. Tamuin chruaidi chendtroma ba hairm daib sin, &ersir; craicind langarba leoman ba cathbairr 'ma cendaib, &ersir; cliatha cruaidi cranda ba sceith daib. Et atat aireachta slebe Elicona o sruth o Parmessus .i. sruth ata ac sliab Ailip i tuaiscert na Tiauanda &ersir; o sruth Armeus. Et ua cruitireda ceolbindi na curaid sin uili o na Moyisib .i. dei in bindisa.

Et o raraid Porfas na briathra sin, &ersir; tuc na tuarascbala sin arna sluagaib, rolobair Antigone, &ersir; is ed roraid: Is mor am, ar si, cosmailius na desi sin derbrathar ut adciam uaind iter na sluagaib; uair is at caema comarda iter arm &ersir; etach. Et ropad maith lim, ar si, da mad it e adam derbrathair fein dobeth in cumand ut. A ingen am, ar Porfas, ni tusu cetduine roraid sin riu, uair is sochaide adubart riu connod brathair iad cen go bed. Uair is e a athair in dara fir dib araili, &ersir; as amlaid doronad sin: Nipe bean do Laiftecdaib rochomruic re maccaem n-og .i. Lapitus a ainm, &ersir; nir-comraic re mnai riam roimi, &ersir; do na tainic d' aes a denam. Et ba hingnam comperta di, &ersir; darala Alatrius di don toirrches sin, &ersir; o ratuismed in mac sin ba gairit coma comor comdelba re athair he. Et as iad in dias ud romothaigis-siu, in mac sin, &ersir; int athair .i. Lafitus &ersir; Altrius a mac &ersir; tri chet marcach sochraidi cach fhir dib isin tinol-sa a Clissanta &ersir; a Coriona. Ata dono and Ipseius mac Assopas ri thuathtuaiscert na Tiabanda, &ersir; carpat caem ceith irriada fae, &ersir; sciath suairc sarcengailti do sechedaib glaeta gloleathair ara muin, &ersir; luireach trebraid trefhillti 'ma corp, &ersir; gae remur rofhata do na tabair urchur d'imroll ina laim. Et ata sochraidi mor maraen ris sin do neoch thanic a hIton &ersir; a hAcamena a Midae fesand mor &ersir; a hAulis a Grea &ersir; a Plathea &ersir; a hAndtegon &ersir; mill lanmora luaidi rodibraicdis a tulaib trenamais na fir sin &ersir; nim tualaing-sea tra, ar se, aireom ina tanic sund do slogaib athloma examla a hilchathrachaib na Tiauanda aróen re hIpitus n-arnaid n-aduathmar mac Naupulus .i. urri na cathrach medonda na Tiauanda. Et imscith mo roisc, &ersir; rocomleath ceo crini thairsib ac tuream na slog, &ersir; nim tualaing a n-indsin ni as mo, a ingen, ar se.

Asa haithli sin roerig Ethiocles, rig na Tebi, ar mur a chathrach d' acallaim a sluaig &ersir; a sochraidi, &ersir; is ed roraid riu: A rigu maithi mormenmnacha, ar se, ni misi tendas na tindesnaiges sib dochum in chathaigthi-sea, acht bar mbaid &ersir; bar mbeodacht fen, &ersir; bidam cubaid-sea dono lib ac cosnum uar cathrach &ersir; uar tiri. Et is amlaid robui 'ga rad sin, &ersir; tuc achmosana imda da brathair .i. do Polinices, mar nabeth ina fiadnaisi, &ersir; roordaich lucht a cometa ac din &ersir; ac diten na cathrach &ersir; ac gabail in muir. Roordaich curadu croda re cathugud inn agaid gaiscedach Grec amuich an-echtair.

Dala na Tiauannda conigi sin.

Dala immorro na nGrecs rochomergedar reompo can suan can sadaili i llo na a n-aidchi. Et ger-ua imda derbairdeda doirrthi &ersir; figrad firuilc daib, ni rothoirmisc iad, &ersir; fa moidi fich fergi na firloech gach celmaine condtrachta dachuiread daib, no go rangadar co sruth siralaind sribuaine Assopus i tir na Tiauannda. Roansad-sum gan dul tairis sin fo chetoir, uair ba hadbul a thuili &ersir; a thondgar int shrotha inn uair sin ar cur breachta druad do Baich fair .i. do dea inn fhina. Is andsin tanic Ipamedon feochair fergach, &ersir; rogres a eochu isin n-ath resna sluagaib, &ersir; roraid riu: Is metacht &ersir; is midlochus daib, a fhiru, ar se, gan dul dar in sruth, &ersir; ni bud maith do thogail na Tebi trenarmaigi a triall amlaid sin. Roergedarsum co dian denmnedach lasin ngresacht sin, &ersir; dachuadar dar in sruth, no co rangadar co tulaich taebalaind taitnemaich, &ersir; rochidis-sium uaithib asin tulaig sin tigi arda airegda &ersir; faicheda fondglasa firailli na Tebi togaidi. Rogabad leosum andsin longphort lethan lanadbal, &ersir; robadar and re head na haidchi sin.

Ua doilig tra a fhis &ersir; a haisnes crith &ersir; comegla, sestan &ersir; sirsibul na Tianannda isinn aidchi sin, o 'tchondcadar pupuill aladbreca fhairsi&ndot;gi, &ersir; airm saiti sesmacha gaiscedach nGrec re doirrsib a mbrecpupall ar ngabail a longphuirt doib. Robui tra do met a n-ecla na ba' tairisi leo din na daingen da roibi accu isinn aidchi sin. Cid tra acht roscailid badba buaidirthi belderga, &ersir; demna aduathmara ifirn ua cheachtar in da sluag isinn aidchi sin do commorad uilc &ersir; anindi chaich dib re chele .

O raergedar tra renna roglana roailli in lae arnamarach, roerig Iochasta, in rigan laimgel gruadsolus .i. mathair Ethiocleis, rig na Teibi, &ersir; Poliniceis, fhirthogla na cathrach, &ersir; a da hingin maraen ria .i. Ismine &ersir; Ántigone. Ba foraesta forbthi am in rigan thanic andsin, &ersir; o rasiacht ar larmedon in longphuirt, tuc a faidi fergacha firguil os aird, &ersir; roraid: A rigraid Grec, ar si, cait a fuil mo mac-sa i trasta andso .i. Polinices? O 'tchualaich immorro in gilla a beith-si 'ga iarraid amlaid sin, tanic da hindsaigid, &ersir; robui 'ga cendsugud do briathraib suarca sithamla. Rofhrecair-si dosum, &ersir; is ed roraid ris: A mic, ar si, is ead is maith lim sith suthain do bith etorrud-su &ersir; do brathair, &ersir; fiarchairi chairdisa re Tiauandaib; &ersir; tair limsa anund isin Teib, &ersir; dena sith ret brathair, &ersir; cuindig rigi da deoin air, &ersir; mina thuca dit i, is coraidi dit cathugud croda 'na agaid. Tanic tra cridi na nGrec co mor andsin ar Iochasta, amal robui ac eterdeligud a mic on chathugud Tiauanda.

Rotriall tra Polinices dul le-si isin baili, &ersir; nir-thairmisc Adraist imi a dul, cein co tanic Tit mac Oeniusa &ersir; co n-ebairt: Na dentar in sid, ar se, no co tarar-sa arna Tiauandaib crechta mo chnis &ersir; mo chuirp, &ersir; rothocaib a chrechta &ersir; a ilgona dona sluagaib andsin. Rothairmisc tra in scel sin fa Polinices dul isin cathraig &ersir; gan sid re brathair, &ersir; rolinsad na Greic uili o feargaib glemorgarba risna Tiauandaib, o 'dchondcadar crechta &ersir; ilgona Thid.

Is i sin aes &ersir; uair tangadar amach na tigri robitis ac imarchur charbaid Baich mic Ioib d'ol uisci co srothaib firuara firglana na Tebi; &ersir; in am dochuadar, dorala doib ara Ampiamrauis int sacairt moir Grecaig, &ersir; se ac lecun usci da echaib. Rolingestar air na tigri diana dasachtacha fo chetoir .i. cenela anmidead erchoideacha marbas cethra &ersir; daine na tigri, &ersir; romarbsad fo chetoir int ara &ersir; na heochu, &ersir; romarbsad dono dias aili do Grecaib .i. Idas &ersir; Athamant a n-anmanda. Et asa haithli sin adchondairc Acondteus Arcadecda na tigri .i. taiseach morthuaithi do lucht na hArcaidi, &ersir; is 'na fherand ata in cloch bis ar lassad trebithu .i. Sifist a hainm, a haithli na n-echt sin do denam daib. Et rodibraic da saigid a ndiaid aroili da n-indsaigi co rotregdastair a craideada &ersir; co rucsad na soigti leo isin mbaile &ersir; conid thall fuaridar bas. Ba trom &ersir; ba torrsech re Tiauandaib in gnim sin, &ersir; roerig amach fer do muntir Baich da ndigail .i. Flegius a ainm, &ersir; rosiacht cen fhis, no co tuc bem claideb do Accondteus co torchair marb cen anmain. Roergedar immorro na hArcaidi da digail sin, &ersir; ni riacht leo, uair ranic Flegius imslan isin cathraig ar ndigail enig Baich amuich.

A haithli in gnima sin, immorro, roas seastan &ersir; seselb adbulmor i llongphort lanlethan na nGrec, &ersir; roraid Tit, mac Oenius, re hIochasta, &ersir; re hingenaib: Denaid imthecht, ar se, &ersir; ni berthai sid na osud lib don chur-sa. Roimthig Iochasta co dubach domenmach ar sin ar femed sida iter a macaib. Roerig immorro Tid in milid croda coscoroch calma mac Oenius, &ersir; rogab a armu, &ersir; rocomgres a munter &ersir; slog na nGrec ar-chena. Dorindead tra andsin comergi croda curata &ersir; sitharchar tindisnach cur-ua cumascda combuaidirthi iter chairpthib &ersir; curadaib in longphuirt isinn uair sin. Et robui da deni roergedar connar-leced tosach na toisigeacht da stocaib croda cathaigthi na da mergedaib suarca srollaigi acht a ndirmanda diana daescurshluaig &ersir; a &ndot;geraiti gaiscid ac imchosnam gliad &ersir; ag iarraid irgaili dochum na Tiauanda.

Roergedar immorro da frestal &ersir; da frithaileam trenfhir tenda tairgsenacha talchara na Tebi, &ersir; rogob gach triath &ersir; gach tigerna dib ac gresacht &ersir; ar nertad a mormuntiri. Is andsin tra rotrenindsaich cach aroile dib co ma samalta gredon &ersir; glorbresmaidm na mbuiden mbodba mbuaidirthi sin ac comrith ri aroili amal bad i ind fhidbad bresbraenach billeach barrglas rothuited i ladraib glac &ersir; i llamaib aroili re gaidsnim na gaithi garbfuairi gemreta, no mar bad he in la bratha brigurduirc brecdhuileach tisad do smurchaicilt in betha, &ersir; robris cach airech &ersir; gach airdri bernd rena buidin i cath aroili an uair sin. Et mar dabadar isin comfheidm catha sin na sluaig ceachtarda, is and rofuataig a each rot romer trenfer do Tiauandaib le i cath na nGrec .i. Terelas. Et rofrithail Tid mac Oenius he, &ersir; tuc fuirmed fedma co setrech sirchalma do gae robui 'na laim air, cor-ua bir bodba trena chorp don churaid, &ersir; rouc a ech aris ar cula e, cor-ap and rothoit gan anmain iter na Tiauannda. Rotrenindsaig tra na catha croda araili ar toitim an fhir sin co fergach firamnas , &ersir; rodluthaiged in chathirgal comrumach cor-ba dluithither re cleith lenad arna landluthud in lini sleg semnech sithfhata rosuidiged a sleasaib suarca saercland sochenelach andsin isin tres trenadbul sin rochuirsetar. Cid tra acht rodithaigit dronga de sin, &ersir; romaeltamnaigit meidi, &ersir; robanaid gnuisi, &ersir; roruamnaigit roisc, &ersir; roclaeit cetfada curad ac comthoitim. Et ar sin dorala in cath ina comracaib. Rocomraic and Ipamedon ard allata do Grecaib &ersir; Siuaris siruallach do Thiauandaib; &ersir; i forcindiud in comraic sin, darochair Siuaris and do laim in Grecaig. Rocomraicsedar asa haithli sin da trenfer do Tiauandaib .i. Pilius &ersir; Perefans re hengaiscedaig do Grecaib .i. Menceius &ersir; dothoitsed na Tiauanda don tachur sin, &ersir; ruc Menceius a coscor &ersir; a comaidem. Acus dorigne Partapeus ri na hArcaide ar sin echta ar na Tiauanda, &ersir; rothoit in triur-sa dib les .i. Ithis &ersir; Sibaris &ersir; Perefans. Dothoit Cunesius gaisgedach do Grecaib re hEmon echtach mac Creoin do Tiauandaib; &ersir; ac toitim do, rogab Abas do Tiabandaib airm inn fhir sin, &ersir; rofocair comruc da eis; &ersir; tarlaic fer do Grecaib saigit do, co rus-facaib gan anmain.

Roerig ar sin sacart do muntir Baich .i. Euneius, &ersir; a edach delradach dathalaind imi asa ndenad idbarta do Baich; &ersir; tuc tainsem &ersir; tarcaisi mor arna Grecaib uili, &ersir; is ed roraid: Na cuirid risna Tiabandaib, a Grecu, ar se, uair is croda a curaid &ersir; is cumachta a ndei &ersir; is daingin muir a morcathrach. Et o 'dchualaig, immorro, in ri londmer gaisceadmer do Grecaib .i. Capaneus, rofhrithail he, &ersir; tanic ar cind conairi do inna stuaig agmair aduathmair, &ersir; roboccbertaich in sleig rindger rofada co crund caem comdiriuch do fid chuanda cuibrisc indti, &ersir; roraid: Is baeth banda, ar se, na briathra bocasaich raidi risna slogaib. Et dursan nach e in dei da n-adraid ita id richt adrasta: uair da mad he, rofaethsad limsa. Et is cuma roraid-seom sin &ersir; tuc urchar n-indill diruch dochum Euneiuis, co roscailt a sciath. &ersir; co robris a druim, co riacht a marb dochum talman ua chetoir.

Is andsin rofhopair Ethiocles ri na Tiabanda ara &ersir; ilechta aidbli ar gasradaib Grec co ma dro&ndot;ga dianmarba les iad cach conair ina teged. Polinices immorro tuc sec accarda &ersir; anucul dona Tiabandaib arin fialchairi mbunaid &ersir; ar grad na hatharrda dilisi duthaig.

Is andsin rofobair Ampiaraus int uasalsacart do Grecaib calma do denum , &ersir; rogres a eochu ana athloma co talchar tindisnach coma luaithred lanmin in roe croda comraic da eis cach conair concinget in cairpthech sin. Et ba delradach dathalaind isinn uair sin amail renna rosollsi taitnem a cathbairr caim cumaidi &ersir; a sceith cuanda capradaig iter na cathaib ceachtarda, &ersir; imasae fa na sluagaib comma tregdaithi toitmithi trenfhir tenda Thiabanda fo armaib cach conair ina slaiged in sluag. Et is andsin rocomraic dosum ar lar in chatha &ersir; Flegias feochair firgarg do Tiabandaib, &ersir; rochuirset comlond croda curata re hed &ersir; re hathaig, co rocreachtnaig cach aroili dib; &ersir; i forciund in comruic dorochair Flegias do laim ind arsid Ampiarauis. Doriacht ar sin chuici fer dian diumsach aili do Thiabandaib .i. Pileius, &ersir; rochuirset na curaid cruaidirgal eturru, &ersir; rothoit in Tiabanda don gleo sin.

Asa haithli sin robeansad ris in dana curaid croda comromacha don chiniud cetna .i. Cromis &ersir; Emetá; &ersir; rofuaibredar ar sin Ampiaraus co hainmin &ersir; co hacarb. Acht ceana ba daibsium tiugbas tiugba in tachair sin, uair rothoitsed do gonaib amainse aicbeli Ampiarauis. Atchondcadar sin triar talchar trenfher do Tiabandaib. Roluathindsaigsed ar Ampiaraus do digail na sarecht sin air .i. Ipinorus &ersir; Ságis &ersir; Giian glondmer gaiscedach. Et frecrais &ersir; frithailis int arnaid Ampiaraus iat o brathbuillib mera mileta comtis fadba fiarletairthe cuirp chaema chnesgela na curad comramach ua chrolindtib fola fichithi forruaidi da eis. Et ar na toitim leis, rofobair Alchatous Tiabanda a n-irgail air, &ersir; rofhrithail-sium he, &ersir; tarraid cloich cruaid comamais, &ersir; tarlaic urchur do Alchatonus, cor-bean i cleithi i cendmullaig, co torcair can anmain.

Adchondairc ri sotal sarechtach do Tiauandaib int echt sin .i. Ipseus mac Assapos, &ersir; ba trom &ersir; ba trengalar les na hára acgarba aidbli dorad Ampiaraus ar na slogaib, &ersir; nir-ael fula&ndot;g do gan a digail air, gen gor-thais da eneoch amal robui fen ac slaigi gasraidi Grec. Et o rocomraicedar in da curaid croda sin, rogab cach dib ac tarcasni &ersir; ac tomaithium uar aroili. O 'dchondairc tra Apaill dea na faistine sin, tuc urchar da ga don araid robui i carbat Ampiarauis .i. Alegmon, co rothoit gan anmain asa carbud amach, &ersir; tanic fen 'na inad, &ersir; rogob deilb inn arad fair, &ersir; ruc les na heocha &ersir; in carpad ar imgabail Ipseuis. Et robui Apaill andsin ac setugud carpait Ampiarauis, &ersir; ac dirgud a urchur, &ersir; ac certugud a ech, cona tabrad in fer sin fasbuilli no urchur cen amus. Rodidned dono he cona echaib ar urcharaib aicbeli a bidbad. Is andsin roiadsat in cethrar curad-sa do Tiabandaib im Ampiaraus .i. in cosidi mer mordalach Meneleus, &ersir; in marcach ard allata Antipus, &ersir; int arsich e&ndot;gnuma Accíon, &ersir; in laech londmer Lapus. Rocomgres Apaill eochu Ampiarauis i cend na curad sin co dian &ersir; co dasachtach, &ersir; roimir cles carpait furru, con torchradar ua chosaib na n-ech, co nderna comach &ersir; combrud da cnamaib fa chorraib in charbaid, &ersir; co fuaridar bas. Cid tra acht ba tairmesc erma &ersir; imtechta dona hechaib sin Ampiarauis, co na roictis a cosa comgabail in talman re himad na corp cnesgel curad letarthi &ersir; na sleg sesmach sirshaiti a sechnachaib na saerchland cor-ba comderg uili a eich &ersir; a charpat o braenaib fola falcmara forruaidi i taebaib trenmilead togaidi.

Roben immorro Apaill andsin a deilb ndruidechta de, &ersir; dachuaid 'na richt fen, &ersir; rolobair re hAmpiaraus, &ersir; is ed roraid: Is i seo, ar se, crich &ersir; cindiud do shaegail, &ersir; ni edaim-sea t' imdegail ni as sia, &ersir; merdait do scela &ersir; do chlu co forcend saegail &ersir; co deread n-aimsiri, &ersir; erig i muigib aduathmara ifirn, amal rocinded dit; uair is ferr duid ina beth can adbaid n-adnocail i tir na Tebi togaidi. Rofhrecair Ampiaraus do-sum, &ersir; is ed roraid: A uasail, a Apaill, ar se, roairigis tu isin carpud im arrad, &ersir; is fir a n-abraid; uair adcluinim-sea fen srotha granna garbfuara ifirn ara trethan &ersir; ara tondgail acim iarraid, &ersir; adcluinim dono Cerber craessoslaici, cu Oirc, doirrseoir imnedach ifirn, acom amastraig &ersir; aeom gairm, &ersir; ber-siu let na coroni coserctha atat 'mam chend, uair ni dlegar a mbreth a n-ifirn. Roerich immorro Apaill uad-sum asa haithli sin, &ersir; rofhacaib e, &ersir; o dachuaid uad, tuc Ampiaraus a chnedchurad os aird re hecla ind etualaing.

Et is andsin tanic trethan &ersir; talamchumscugud mor isin talmain a rabadar, co roerig a luaithred &ersir; a langainem cor-ua ceo comdluith cumascda i timchell na sluag. Et rocomerig torand tren mortolgach ar sin co rochuibrig &ersir; co rochengail na catha ceachtarda nar-ba tualaing duine dib ursclaigi na himbualad isinn uair sin, acht rouadar 'na sesam &ersir; cranda a sleg cosaiti re n-ochtaib. Et o rabadar-som amlaid sin co tai tostach re hecla in bresmadmanda bratha buaidirthe, adchualadar rodianscailed in talman in tan sin, comma hall firdomuin fudomanta forba na faichthi fondglaisi ara rabadar, &ersir; rooslaic in talam &ersir; rosluic Ampiaraus trenadbal cona armaib &ersir; cona erred &ersir; cona echaib &ersir; cona charpad, no co ranic co hichtur ifirn n-aduair cen cheim ar cula.

O rasiacht immorro Ampiaraus i n-ifirn, rogob grain &ersir; ecla airechta aduathmara ifirn remi; uair nir-ba haithnid daib, connici sin milid gan marbad na heich na carbaid do rochtain chucu. Et tuc Oirc, ri ifirn, athais mor ar deib nuaglana nime 'man fer sin do lecud chuci, &ersir; dorigni spraic moir &ersir; tomaitheam adbul ar Ampiaraus badesin. Rofhrecair Ampiaraus co hanband &ersir; co henirt dosum, &ersir; is ed roraid: Toirind t'fheirg, ar se, uair ni d' indred na d' argain ifirn tanac-sa, &ersir; ni tre m' olc fen tucad chucaib-si me, acht mo bancheli fen dam brath ar in muntorc oir do thobairt do Argia di .i. do mnai Poliniceis. Et roailgius-sa me fen ar teiched thoigeachta do thogail Tebi; uair rofhedur co fuigbind m' aeided aici. Et na bid a olc acid-su mo thoideacht-sa ille; uair dogentar cluicheada caintecha &ersir; adnocail onoracha dam ac Grecaib, &ersir; cuir-seo me a ngrianbrogaib ailli ifirn. Rocendsaiged tra aicned Oirc o 'tchualaich sin, &ersir; rofhaem gach ni roraid Ampiaraus. Da rig dec do Tiabandaib romarb Ampiaraus in sacart .i. in fer tuaichill tuicsenach da thodochaide.

Imtusa na nGrec, immorro, robadar ac iarraid Ampiarauis sechnon in chatha; uair nir-bo demin leo a aided inn fhir sin, &ersir; ba heclach iad resin tulmaidm talman adchondcatar ar lar in maigi i rabadar. Et in am robadar amlaid sin, tanic Palemon taisech do Grecaib dochum Adraist, &ersir; roindis do aided Ampiarauis .i. a thoitim isin tulmaidm thalman, &ersir; gan a faicsin 'na diaid, &ersir; adbert: A airdri, ar se, facbum in tir n-aneoil n-urbudach-sa i tangamar, uair itat tulcha na Tebi ac slucad na slog, &ersir; atat a curaid 'gar commaideam, &ersir; a &ndot;dei 'gar mbrath &ersir; 'gar trecun. Roshocht Adraist ara n-ecein sin, &ersir; rochreid a chetoir sin, cein no co tangadar dias aile do muntir chuci .i. Mopsus &ersir; Actor, &ersir; cor-indiseadar ana cetna do cona thuilled &ersir; cona tormuch. Et is don scel sin roimpotar catha croda na nGrec dochum a longphort co teichech &ersir; co tindisnach gan chrich comlaind &ersir; gan rebchatha do corugud. Ua scitha a n-eich &ersir; a n-araid, &ersir; bat mertnecha a milid, &ersir; ba toirsech a trenfhir a haithli na hirgaili sin ar-tuit Ampiaraus. Dala na Tiabanda, immorro, ba subach sonairt rochi&ndot;gset, &ersir; tanic ind adaid fae sin.

Cetcath na Tebi sin.

Ba dubach domeanmnach tra rochaithseadar Greic in n-aidchi sin ina longphort, &ersir; ni head molad a n-ech na a n-engnuma fein dorindsed, acht comroma Ampiarauis &ersir; a gnimrada gaiscedacha d' indisin. Et rochindsead sollamna saineamla &ersir; idbarta onoracha do denam do. Et robadar snima &ersir; sirimshnima in chathaigthi co mor ara menmain daib na nGrec, cein no co rortoit a suan &ersir; a sirchodlud orru.

Nir-ba hamlaid sin tra rochaithset na Tiabanda ind aidchi sin, acht robadar ac ol &ersir; ac aibnius &ersir; ac admolad a n-engnuma a n-aithrech &ersir; a senaithrech &ersir; ic idbartaib da ndeib uaisli adartha. Et is i sin cetadaig indister Eidip mac Laiuis athair Ethiocleis &ersir; Poliniceis do tobairt a haithli a dalta d' ol &ersir; d' aibnius dochum na Tiabanda, &ersir; indister connar-foilcead a fholt &ersir; conar-hindlad a aiged o radallad he co haes na fuairi-sea ar met na duba. Et ni d' ol na d' aibnis dono tainic cucu isinn aidchi sin, acht do commorad in chatha iter na Tiabandaib &ersir; na Grecaib, &ersir; ba halaind in cleithi donid-som sin, &ersir; is amlaid sin robadar in lucht sin in aidchi sin. Adraist, immorro, ardri Grec, ge rachadladar a shloig re hathscis na hirgaili, ni rachadail fen ac eistecht re gairib suba &ersir; somenman na Tiabanda isan aidci sin, &ersir; ba hadbul a imshnim leis-seom sin.

O thanic, immorro, la co lansoillsi arnabarach, dorigned condi &ersir; comairli ac Grecaib da ordugud cia norigfaidis i n-inad Ampiarauis, &ersir; dogenad faistine &ersir; fireolus d' aisneis dara eiss daib. Is he tra rohordaiged leo 'na inad .i. in fisid fireolach .i. Tiodomos mac Melamfuis, &ersir; is e athair ind fhir sin Melamfus dorindi faistine aroen re hAmpiaraus do Grecaib re teacht ar in sluaiged sin. Et o rahorned tra co honorach andsin Tiodomus i nn-inad Ampiarauis, roeirig co subach in sacart sin, &ersir; dorigned idbarta &ersir; admolta les a n-onoir na bande Terra .i. in talam ar bithin na dianscailed &ersir; na dluiged fo Grecaib amal dorigne ba Ampiaraus; &ersir; darondad dono leo idbarta &ersir; adnucul onorach &ersir; cluichi caintecha d' Ampiaraus.

Et o thairnig sin, roerigetar badba belderga bruthmara &ersir; irdemna aduathmara ichtair ifirn co cathraig na Tiabanda da aslach &ersir; da furail forru comergi d' indsaigid na nGrec. Et is bec na rosrainit ass a sludraigib tigi na Tebi re trethan &ersir; re tindscedul na Tiabanda andsin ac comergi i nn-oenfecht dar secht ndoirrsib delithi arda uraibni na cathrach comdaingni re gresacht na mbadb mbuaidirthi sin oru. Et is amlaid seo dochuadar amach .i. rogres Creon croda curata a buidin dar in dorus n-ard n-allata solusglan danad ainm Oegis; &ersir; tanic Ethiocles ardri na Tiabanda dar in dorus niamda n-alaind .i. Neistae. Niam orda robai fair. Tanic Emon airsid conna furrigaib dar dorus Emolois. Chind leoman a comartha seic. Roerig immorro Ipseius mac Asopas dar dorus primda Prodida. Delba dregon dorindad and-seig. Tanic Drias dasachtach .i. ri Tanagura on uarda oigretaig cona dirmaib deagsluaig dar dorus alaind Eleachtra. Nathracha rofursannait andside. Tanic Eurimedon cona muntir mormenmnaig dar dorus n-ilbrec danad ainm Ipsitas. Delba loiscend batar andside. Tanic dono in milid mormenmnach Menidcheus dar dorus ndaingen Dírse. Delba buthfad badar andside. Nir-ba suaill am inni ris ba samalta comergi int shluaig sin ac facbail na cathrach .i. re fuaim &ersir; re fothrand na fairrgi fondglaisi co crithnaig &ersir; co comgluais in cruindi comfhairsing re treathan na tond ac triall tar trachtaib in talman.

Dala na nGrec, immorro, roergedar co malla mertnech dochum in chatha in la sin, &ersir; roiadsat andsin munter Ampiarauis im Tiodomas mac Melampas, co robe in sechtmad ri do Grecaib in la sin isin cath. Is andsin roordaich gach ri dib sin a trein &ersir; a thaisich inna fiadnaisi fri comruc &ersir; cathugud dar a ceand. Mairg am do Grecaib &ersir; do Tiabandaib da tanic in la sin, uair rofacbaid airechta gan urrigu dib, &ersir; tuatha cen taisechu, &ersir; baileda gen brugudu, &ersir; cathbairr chaemu cen curadu, &ersir; airm gen fiadnu, &ersir; carbaid cen comarbada, da comergi don gleo garbtren in lae sin.

Is andsin robui co seasmach sirshiublach in crodachumachtach Mairt .i. dea in chatha, &ersir; sleagh aithger amnas ina laim consnigtis &ersir; conreithdis ria srotha falcmara fola o fograinne co hurlaind oc thairr&ndot;gairi bais &ersir; aideada na curad ceachtarda, co rocomtheann &ersir; cor-comgres co hacgarb anindeach na hairsidi athloma sin dochum a chele &ersir; in chathaigthi, co na tard nech dib sin a crich na a cathraig dariacht. Ros-lin fuailfed fergi fithigi iad, coma hurloma lama na loechraidi do chlaidbib cruaidi cathaigthi &ersir; do slegaib seta sodibraicthi re hailgius na hirgaili.

Cid tra acht na bad mera milid in chatha, uair ba hadbul re aisneis trethan &ersir; tindenas na n-echrad n-allmarda ac comchrathad na carpat ac foshenm na srianmireand, comdais suarca sneachtaidi na faicheada fondglasa risna caeboib coemchubair consnigtis co siradbol dar oilib na hechraidi cach conairi concingtis na cairpthig. Et is andsin rocomaicsich cach d' aroile dib, &ersir; ba he dlus rohimnaiscid na hairsidi sin, co comraictis a troigthi ar n-ichtur &ersir; a n-aigthi ar n-uachtur, &ersir; a sceith chuanna chabradacha re 'roili, &ersir; a cloidbi cruadgera cathaigthi, &ersir; a cathbairr choema chummaidi re cheli, coma snasta data datha &ersir; dellradacha dona cumdaigib. Badar ac na curadaib cathbairr thaidlecha aroili cein no co roforruamait a frasad na fala a corpthaib na curad ac imcombualad iartoin. Et o raerig confad comtnuthach cosnumach iter na curadaib sin &ersir; romearaid menmanda na miled, rochrithnaich in talam trenadbul re trethnaich na trenfher re tendta in tachair, comma breasmaidm buaidirtha crislach cocuasta na firmaméindti, amal comcumaisctis na gaetha garbgluairi gadsnimacha in ceathar duil comairsi&ndot;g co nn-aiceantaib examla, amal nobetis isin caip cumascda as ar-tebit ar tus co taibseanach .i. asin mais. Et ba hindtamuil aidchi dona hairsidib sin re hirgail neoil dorcha dermairi na n-arm n-examla aca &ndot;di-brugun co dluith os in degshluag comma cuma&ndot;g int aer anbthenach uastu re himud na n-urchar aca n-athchur eturru. Uair rochomdibraicid andsin bera aithgera iarnaidi, &ersir; rofrasaid slega suainmecha sodibraici. Et rolaeit cairgi comchruindi a taiblib tulamais, contaidlitis amal saignena solusta os na sluagaib, &ersir; rotelgid saitheada sarechta saeget eturru, &ersir; ni talam contaidlidis ac toitim na hairm sin, acht anad i cendaib curad &ersir; i taebaib trenfher &ersir; i sleasaib saerchland. Cid tra acht rothimchill cach a chele dib andsin , amal timchellas tond mara moir ochra cuan &ersir; calad, &ersir; darala 'na comracaib iad.

Is andsin darala Ipseus mac Asopas do Tiabandaib aigid ind agaid &ersir; Menalca do Grecaib .i. taisech na nEoballda. Roscail &ersir; ros-crothastar Ipseus Tiabanda munter Menalca, cur-fhacsad a tigerna a oenur i n-eigin irgaili da n-eis. Is andsin rochuir-seom curadchomlond re hIpseus re re cian, &ersir; o tharraid baegal gona ar in nGrecda sin i lleith da druim, co rop don leith araill dotharraing Menalcos as in sleig; &ersir; ac toitim do, datharlaic urchor do Ipseus di, co rus-gon, &ersir; adbath fen fo chetoir. Acus asa haithli tarlaic airsid ammaindsech do Thiabandaib .i. Amindtus urchar do saigit do Iasid mac Pedimuis do Grecaib co torchair de. Is andsin rocomraic coraid do Cailidondaib .i. Agreius re trenfher do Tiabandaib .i. Pegeius, &ersir; robui cach dibh ac comairlech aroli, co tuc Agreius builli do Peig, co roben a laim &ndot;des on gualaind de, &ersir; co rothoit lam in laich sin. Robui ac siubal &ersir; ac lemnig ar lar &ersir; a claideb conmert inti. Et o 'tchondairc Acetes do Grecaib sin, tanic &ersir; rotrenbuail in laim ar lar, co rus-crechtnaig co mor. Rocomraic andsin Ipis do Thiabandaib re hAccamas n-anacarach do Grecaib, &ersir; rothoit in Tiauanda do gonaib in Grecda sin. Rocomraic dono arís do Ipseus mac Asopuis &ersir; do Arcus engnumach do Grecaib. Rogargaigsead a ngliaid, &ersir; rocruadaigsed a comlond, &ersir; rothoit Argus Grecda, ger-u airsid, don irgail sin. Et arna thoitim sin les, darala in trenfher Tiphis do Grecaib chuici, &ersir; se bar eoch, &ersir; rochuirset comlond, &ersir; tanic andsin a ara i fiadnaisi Thiphis .i. Abas, &ersir; rogon co hamnas Ipceus. Ipceus, immorro, trascrais, &ersir; trenmarbais na firu sin, co torchradar les. Is andsin tarla comrac cethrair ar lar in chatha .i. dias brathar do Tiabandaib .i. Ión &ersir; Dapnis, &ersir; dias brathar do Grecaib .i. Fares &ersir; Abás, &ersir; roba chomlund bagach braithremail sin do leith dar leth, cein cor-thuitsead in dias Tiabanda sin risin dis do Grecaib. Et o rotuitsead leo, tucsad aichni cor brathir iad ar comdichracht a comraic &ersir; ar cosmaileacht a ndelba, &ersir; tanic a n-aicned co mor forro, &ersir; ba truag leo a toitim dia lamaib.

Cid tra acht ba suaichinti sarecha saercland isin chath cheachtarda sin, &ersir; is andsin ratrascair , &ersir; rotimchill Emon echtach anrata do shíl calma Chathim gasrada Grec, comtis buidni buaidertha, &ersir; comtis taircsenaich techig re trethan in Tiabanda sin aca tuargain. Roindsaig, immorro, Tid talchar togaidi mac rig na Calidoine sluagu tenda na Tiabanda 'na aigid sin, comdis dirmada dianscailti, &ersir; comtis crithnaigthi comlaind, &ersir; comtis ailsedaig e&ndot;gnuma da eis. Ba he tra samail na desi sin, amal norethidis da buindi diana dileand a slebtib arda amreidi, co tochlait, &ersir; co timairgid leo turscara in talman, co linait na fangleanna fo ethib dib.

Is andsin roerig Idas mac Conceist do Tiabandaib, &ersir; is amlaid roerig &ersir; aithleanda loisctheacha lasamna 'na laim, &ersir; rodibriced ba na sluagaib iat, co mba buaidirthi gasraidi Grec leis, &ersir; mar dabui ban samla sin, tarla Tid mac rig na Calidone da indsaigid, &ersir; tuc sadud setrech sleigi bar in fer, co torchair &ersir; tend a droma re lar &ersir; a aithindeada urderga air anuas, &ersir; is ed roraid Tid ris: Ni loiscfea tra loechraid Lerna ni as mo .i. na Greic, acht chena coi&ndot;gebthar tu coma luaithred lanmin do chorp arna loscad ona hathindib taebderga raimarchrais fein. Et o darigni-sium sin, imasae fa sluag na Tiabanda, amal tigir croda confadaig 'ma cethraib comimda, &ersir; torchair in cuicer rigmilead-sa les don ruathar sin .i. Caon curita, &ersir; Polus primechtach, &ersir; Cromis coscorach, &ersir; Elicon anglondach, &ersir; Taigis trenchalma.

Emon, immorro, nir-ba lugu a echta in airseda isin ar na sluagaib Grec, &ersir; ni tharaid dil a fhergi dib re lanailgius a luathmarbtha, ger-ba dluithi na sluaig aca slaidi, &ersir; ger-ua calma curaid chroda Chalidóne, munter talchar Tid. Rotholl &ersir; rothanaig in trenfer Tiabanda sin iad .i. Emon crechtach mac Crioin, cein no co tarla chuici in macaem beoda borrfadach .i. Butis. Robui seic immorro ac tairmesc na trenfher gan teiched do denam re nEmon. Et mar dabui-sium amlaid sin ac trengresacht caich dochum in chomluind, tanic Emon chuici gan airigud, co tuc builli do thuaig truim Tiabanda do, co rodluig &ersir; co rodianscail a chend ar do air. Et rochuir Ipaiss sacart Apaill comrac 'na diaid sin ris, &ersir; i forcind in chomruic dorochair-sium re hEmon. Et arna thuitim leis, rofobair Polites sacart do Baich .i. dea inn fhina debaid agmar aicbel ris, &ersir; dorochair dono in fer sin do laim Emon croda cetna, &ersir; ger-ba sacart sin, nir-ba sruitheada a n-aideada re hEmon. Et rofoibredar dias aili do Ghrecaib 'na diaid sin .i. Hiperíon &ersir; Damasus daigechtach, &ersir; torchradar les-sium iad.

Cid tra acht robo dith ar Grecaib don gleo sin, mene beth Menerua, bandei in gaiscid, ac imguin leo. Et robui Ercoil ac gabail re Tiabandaib, uair robo dei in tan sin he. Rochomraic iter in dei sin ar lar in chatha .i. iter Ercoil &ersir; Menerba. Is ed roraid Ercoil: A siur inmain, ar se, a Menerba, ca hecendal roimluaid ind aroen i cend aroili isin chath-sa na nGrec &ersir; na Tiabanda? Uair rap usa limsa tachur re m' athair uasal re hIoib, ina ritsu, a Menerua; uair ba mor do coscur chathbuadach rucas-sa tred chumachta-su. Et cetaigim dit, a ingen, masa thindenus let, in Teib do thogail. Rochetaig-sium immorro andsin, &ersir; rocendsaich Menerba o briathraib ailgenaib Ercail, &ersir; rofhacaib in cath iarsin, &ersir; roimgaib dono Ercail Emon gan beth ac fortacht do, &ersir; roleicsead coimdilsi iter na curadaib.

Ba hanmainditi tra Emon ac airlech na nGrec Ercoil da fhacbail amlaid sin, &ersir; roairig Emon Tiabanda gan airsideacht 'na urchuraib &ersir; gan bailci 'na buillib. Roimpo co hathlom do dechad asin chath. Adchondairc, immorro, mac rig na Calidone Emon ac teched. Tuc urchur n-inelldiuriuch chuici cor-ben int sleg iter bili in sceith &ersir; a cathbarr ina munel; &ersir; ger-ba beo 'na diaid, robo cromcend caichi, &ersir; ni rosamail silliud dara eis ar gnuis in gaiscedaig rogon he, uair nir-ba tualaing tachair ris, acht roela &ersir; rofacaib in cath arsin.

Asa haithli sin dorala taisech tuaithi do Tiabandaib .i. Protiuis a ainm, d' indsaigid in Chaladonda cetna. Seoilaid-seam co setreach in sleig da indsaigid co romarb Tid in milid cosin midach bui fae don urchur sin. Et arsin roopair Corebus croda do Thiabandaib gleo garb arna Grecaib, &ersir; ba sacart sruitheata dona Muisib .i. do bandeib in bindiusa in fer sin. Et ger-ba sacart tra, nir-ba saeglach; uair fuair a airlech do laim mic rig na Calidone.

Roerich 'na diaid sin Aitis oc e&ndot;gnomach do Thiabandaib; &ersir; ar gairi in cleamnasa, roobair in gilla sin calma do denum. Uair is amlaid robui ar naidm Ismen do .i. derfiur do Ethiocles do rig na Tebhi. Et is amlaid robui in gilla sin &ersir; lene coem corcorglan immi. Et ba cumdaigthi carbat &ersir; cathbarr inn fhir sin d' or alaind ilecairthi &ersir; saigdi ailli orda 'na laim. Et imasae-sium fa na sluagaib ban samla sin amal leoman londmer ua thretaib teicheacha in talman. Et as e ni doroigne Aitis. Robui co baeth mear borrfadach ac gairm mic rig na Calidone chuici do chomruc &ersir; da chomlond ris. O 'tchualaig Tid sin, sillis fair, &ersir; faiphtis gen gaire 'na agaid, &ersir; raidis ris: Is comdingna cuicil, a gilla, ar se, uair is mor am maisi dit milid mar misi dod marbad. Et is amlaid roraid-sium sin, roleic a armu uili ar lar cenmotha birán bunsaigi baisi bui 'na laim, uair nir miad leis airm croda churada do imirt ar in gilla oc naidenta sin, &ersir; tuc urchar di sin do co roben in eslind a chuirp, &ersir; co torchair fo chetoir. Et ger-ba dathchain derscaigthech airm &ersir; etgud inn fhir sin, nir miad &ersir; nir maisi re mac rig na Calidone a fodbugud impu sin. Et ar na thoitim sin leis, 'masoe ba sluagaib na Tiabanda. Rosoiged na trenu &ersir; na taiseachu, &ersir; ni beanad re drongaib ndaesscursluaig na re drochlaechaib coma dithfine ar saerclandaib togaidi na Tiabanda don tres sin no cor-erig Menidceius do Thiabandaib, &ersir; cor-gres na sluagu, &ersir; is ed roraid: A truagu, a Tiabanda, ar se, nach nar daib cen athais engnumach do digail ar na Grecaib? Tuc tra in gresacht sin brig &ersir; baraind n-adbail i trenferaib na Tiabanda co rochomdluthaigsed in chathirgal i cend aroili.

Et in tan robadar-sum amlaid sin, is and darala da ingin Eidip co hanband imshnimach ac comrad re 'roili thall i cathraig na Tebi, &ersir; ba hadbul a n-imsnim im dail a mbraithrech, uair na fedadar cia dib bud coscrach don chur sin, &ersir; is andsin roraid Ismine: Is truag limsa, ar si, a shiur inmain, comorad in chatha-sa iter mo braithrib, &ersir; adchondarc asli&ndot;gi, ar si, fes dam fein re hAithis calma curata, &ersir; ni fuil derbairdi na figrad firuilc nach facca-sa andsin.

Et immar dabadhar-som ac in comrad sin, adchondcadar buidin moir cucu isin cathraig. Et is amlaid rabadar &ersir; corp lethmarb leadairthi accu i crislach a sceith, &ersir; is e bui andsin Athais, &ersir; adchondairc Iochasta he, &ersir; rogairm a hingena chuci, &ersir; doriachtadar uili uasa cind, &ersir; robadar ac saithin a medar &ersir; a ngloir ar in &ndot;gilla, &ersir; nir-ba tualaing-sium tra a n-acallaim acht robui 'ca fechud, cein no cor-elath uad in beccan bethad robui fa bruindib.

Cen tra robadar na mna thall isin chathraig ar na himraitib sin, rothennsad curaid croda in catha cechtarda amuich i cend aroili, amal na comraictis riam remi sin. Ba he tresi &ersir; tenni roimir cach bar a cheli dib isinn uair sin, co roerig eturru in bé néit badba buaidirthi .i. Enio, siur Mairt .i. dei in chatha. Cid tra acht ba glondmer gaiscedaig Grec isinn irgail sin, uair ba sarechtach saigdi in rig .i. Parthanapeus, &ersir; ba hathluma allata echrada Ipamedon ac toirnium na Tiabanda, &ersir; bad sodanaich sargala &ersir; sargona slega Capaneuis. Ger-ua linmara gaiscedaig Grec andsin tra &ersir; ger-ba ili a n-echta, rodearscaich dib uile in trenfer tairpthech tairisi talchar .i. Tid mac rig na Cailidone. Et rogob robur roecla a bidbadu reimi co na faeltais fosugud ar a chind, acht mad techead tindneasnach ar gach leath reimi. Et 'otchondairc-sium iad ban samla sin, is ed roraid riu: Na teiched itir, a Tiabanda, acht as cora daib a digail orumsa in coica curad romarbus feacht aili uaib &ersir; na hilmilid rothoitsead aniu dom laim. Et in am robui-sium 'ga rad sin, adchondairc uad taidlech suaichnid solusglan chathbarr Ethiocleis, ri na Tiabanda, isin cath. Is andsin immorro roboccbertaich-sium in sleig searbsroin sarechtaich, &ersir; tuc ro n-urchair uada di ar amus Ethiocleis. Et robad scith lim scur don chathugud sin, mani thairmiscdis na dei in n-urchur co rob ed robean in n-araid Ethiocleis .i. Iflegias co rus-facaib gan anmain. Et o 'tchonnaic-sium sin, roimir coma chlaidib ar na cathaib ac rochtain Ethiocleis, cein no go tucsad trentaisich tenda na Tiabanda fidba aithger urnocht da n-armaib i timchell in airdrig, &ersir; co rucsad leo ar culu asin cath amach he ar imgabail Tid. Et gid ead nir-thairmisc a trengal-sium sin ac dithugud na sluag, no co torchradar na taisich-sea da laim .i. Toas tomaithmech, &ersir; Deilochus dasachtach, &ersir; Clonius coscorach, &ersir; Ipatas ainindeach. Et is e ni donid Tid andsin mar damarbad in curaid, rodibraiced a chend &ersir; a chathbarr uad i n-oenfeacht uan cath. Et as andsin rogabad cumung conaire ar lar in catha ac slaigi na sluag ar Tit, co na fedad imluad n-imtheachta risna cladaib comarda do chorpaib curad ar na cruadleadrad &ersir; re fadbaib fuilidi na trenfer ac toitim 'na timchell da gach leth. Et rochomiadsad andsin imi do gach leith &ersir; do cach thaib trenfir tenna talchara na Tiabanda, &ersir; rothelcset airm ecsamla imda as cach aird da indsaigid, cor-ba coill comdluith do slegaib cruaidi comclanda a sciath mor mileata in tan rocrathad uad. Nir-ba tarba dono cathbarr do chind in curad sin risna cairrgib cruaidi comamis rothelgtis na Tiabanda do as cach aird, cor-ba comderg do chru a chind. Nir-bo din dono luirech don lech sin re himad na saeigid srengluath ac dul trempi, comdis riathair ruamannda ucht &ersir; taeib in trenmiled sin ar na tollad. Et in silliud rosill secha ar na sluagaib, atchondairc Menerba, bandei in gaiscid, ac dingbail neich dona harmaib sin de. Ba fortacht &ersir; ba forithin mor leis-sium sin.

Acht ceana nir-ba din ar scis do, uair roseol chuici tresin cath sleg crandremarcrofhairsi&ndot;g sech bili in sceith cor-ben i n-ucht in airseda sin .i. mic rig na Calidone, co roscailt &ersir; co roscail a cridi 'na chliab, &ersir; ni fes dono cia thuc in n-urchar sin re himad na n-arm &ersir; re dlus int sluaig, cein no cor-sill uad int a&ndot;glond &ersir; int airsid Tith cae da danic chuici int sleg, &ersir; co tard aichni i tiug int shluaig ar inte rus-teilc .i. Menilipus mac Astacis. Et o thuc aichni air uada, rogab in sleig a llaim in fhir ba nessa do .i. Opleius do Grecaib, &ersir; tuc urchar fertsech feramail uad, ger-b anband robui, co tarla do Menelepus trena cliab &ersir; tre chraidi.

Is andsin roindsaigset Greic inn oenfecht dochum Thid, &ersir; rucsad leo he do lethtaib in chatha, &ersir; rossaidsed da sciath comdaingen corcarda imi andsin .i. sciath do gach leith do. Et is ed so roraidsed ris, co ternobad don guin sin. Et cuma roraidsed sin &ersir; robadar ac toirrsi truim &ersir; ac domenmain moir. Tid, immorro, mac rig cuanda Calidone, roairig fen airdena bais ac tiachtain chuici, &ersir; is ed roraid: Airchisid dim, a Grecu, ar se, &ersir; ni m' idnocol có m' atharda na m' adnocol sirim oraib, uair is miscais lim anoissi in corp aprisc irchradach-sa i fuilim. Acht sirim oraib cend Menelipuis do thobairt cucum, uair adar lim rotoirned a nert don urchur tucus do. Et, a rigrad Grec, ar se, tabraid dam in n-aiscid sin uaib. Et caidi, ar se, Ipomedon anrata, &ersir; caidi Partanopeus primechtach? Tabraid in Grecda glormer Capaneus. Tabraid uaib dam, a ocu, cend in churad rom-chrechtnaig.

Et o 'tchualaich-sium sin, roerig Capaneus i remthus re cach co hairm i rraibi Menelipus; &ersir; o ranic, rothocaib leis he os a gualaind cli chomnert, no cor-chuir urchar uad de i fiadnaisi Thid. O 'tchonnaic immorro Tid andsin Menelipus re fuineachtaib bais &ersir; i nn-airdeanaib eca, is ed roraid: Tabraid a chend in churad i comfochraib dam, ar se. Et o thucad, robui seal 'ga fhegad co hainindech, &ersir; is comairli darigni, rotairind air, &ersir; rogob 'ga chacnam &ersir; 'ca cruadtescad andsin cind Menelipuis. Et antan robui-sium amlaid sin, is and tainic Menerba .i. bandei in gaiscid, o Ioib, mac Saduirn, &ersir; is ime dochuaid da indsaigid d'iarraid fortachta ar Thid isin cath; &ersir; o nach tucad di, rochundig ar Ioib dei do denam do Thid. Cuic rig dec do Thiabandaib, is ed romarb Tid isin lo sin ar galaib oenfhir. Et tucad disi sin, &ersir; tanic dochum Thid, &ersir; 'ca aiscin di, rogob aduath &ersir; ecla mor hi remi. Adchondairc he ac ithi chind Menelipuis, &ersir; o raerigedar nathracha garba gaisedacha na Gorgoni 'ma cend na bandei .i. Menerba, roimpa, &ersir; roteich o Thid, &ersir; rofhacaib ban samla sin da eis he. Et robui-sium amlaid sin ac ithi chind Menelipuis, cein co roetla uad in becan bethad robui and, &ersir; co fuair bas fo chetuair.

Conaid confad Thid conigi sin.

Ba hadbal tra toirrsi &ersir; domenma na nGrec don gnim sin. O rochualadar immorro na Tiabanda Tid croda confadach do chacnum &ersir; do ithi chind Menelibuis, rogob fichfergi &ersir; anindi adbul iad. Na Greic, immorro, ba lughaide a &ndot;guba &ersir; a &ndot;geran a los Tid. Uair ba holc acu dul dar in recht n-indligthech ndeona .i. duni d' ithi. Et is ed innister and dono co rofhacaib Mairt, dea in chatha, in chath i lla sin re haduath in gnima sin dorindi Tid. Is andsin roericheadar na Tiabanda co tindisnach do digail Menelipuis, amal bad fialchairdi diles dearbrathar do iad uili; &ersir; rogres Ethiocles rig na Tebi co tren andsin na sluagu, &ersir; is ed roraid: Adar lind, a fhiru, ar se, nidad daini in sluag cusa soichi .i. na Greic, acht mad nathracha nemi &ersir; leomain lanmera ac ithi daine amal dorigni Tid, &ersir; ni tabraid da n-airi na dei uasta risna hairdib aduathmara doniad. Et o roraid-seom sin, rotrenindsaig na Grecu, &ersir; ba haicnead oenduine uili andsin ac na Tiabandaib do chosnum chuirp Thid risna Grecaib co &ndot;diglaidis air cend Menelipuis d'ithi, &ersir; na huilc ar cheana dorindi riu.

Is andsin tra roerig Fama, ingen Terra, co firluath foluaimneach, &ersir; roscail in scel sin ba hilltuathaib na nGrec .i. Tid da marbad. Et ged chualaig Polinices mac Eidip sin a fer comtha &ersir; comaind da marbad, nir-chreid a chetuair. Uair rabui d' aichni a eangnuma aici-sium nar-ba doig les curaid da commaidem, na milid da marbad, na hairsidi d' arrach inn fhir sin can fis. Et gid ed o cualaig-sium a deimin, rosocht fair coma cruaidhither ri crandlaem gach n-alt &ersir; gach n-aigi de o chind co bond, &ersir; robanad imi mar scoith-sheamair no mar lenid ar na lantuar, &ersir; roerich ceo comdorcha cumad dara rosc coma dorcha doimtheachta do gach conair. Romescad a menma coma balba buaidirthi na briathra rolabrad isan uair sin. Is andsin rogab a armu, &ersir; tanic reimi co toirrseach toitmendach &ersir; a sleag ina diaid gan tiachtain de a tocuala re truma na toirrsi. Et in chonair thanic, doruladar do munter Tid os cind chuirp a tigerna. Rotaisbenad leo dosum he, &ersir; o 'tchondoirc-sium he, roleic ina loigi fo chetoir ar corp a charad, &ersir; robai ac nuall moir, &ersir; is ed roraid: A fhir cumtha, ar se, ni hiad so aisceada dingbala rodligis dimsa .i. do thoitim i tír na Tebi ic cosnum rigi damsa &ersir; misi slan dar th' eis. Et bid fada bam loingseach-sa dod lo, uair ni buigbead brathair na carait cumtha mar thusu dot eis. Et, a Grecu, ar se, facbaid-si misi m' aenur sund na marbthar sib ni as mo. Acht leicid etrum-sa &ersir; mo brathair, uair is fo lim ita gan rigi &ersir; gan flaitheamnas dar eis Tid. Et truag dono, a Thid, nach rothoitius-sa leatsu inn adaig racomraicsemar aroen ar tus i cathraig alaind Adraist. Et ba caeom do chlu in la dochuadais d' iarraid rigi damsa cusin Teib, &ersir; adar lim ni lemdais laich gaili do ledrad iter, na curaid comruc rit. Et cia na dirmanda diairmithi na degsluaig rotrascradar? Uair ni mo na Ioib badein no Mairt dea in chatha confaeltis fuirmed farain fort. Et asa haithli sin tuc a lam dar agaid fordorcha fulidi in gilla, &ersir; roglan na frasa fala di. Ba miscais am let, ar se, mo namait-sea cosaniu, &ersir; ni biu-sa beo tar th' eis iter. Et is cuma adbert sin &ersir; ronocht a claideam &ersir; rothriall a lecun co heslind, no gor-iadsad a munter lama tairis, &ersir; gor-tairmisc a cliamain uasal Adraist é, &ersir; robui 'ca comdignad, cor-chuir a claideb 'na tindtech. Et robui Polinices co hanband enirt andsin re crad na cumad &ersir; re truma na toirrsi.

Cained Tid connigi sin, &ersir; lamchomairt Poliniceis moir mic Eidip andsein.

Acus o rabui-sium amlaid sin, rochromsad trenfhir thogaidi na Tiabanda 'man airdrig .i. Ethiocles dochum in chatha. Is e rofhrecair iad isinn uair sin in rigmilid ard allata Ipomedon do Grecaib, &ersir; as amlaid robui, inna buidin bodba ar lar in chatha in fer sin, &ersir; sciath comnart cruindleathan fair, &ersir; sleag remur rofhata 'na laim, &ersir; claideb lethan langer isin laim araill. Et nir-ba suaill ni ris ba samalta eisium andsin .i. carrac thend thunidi i crichib cuain &ersir; calaith, &ersir; na tonda taebuaine in mara crithainbtheanaig cumascda 'ga trenbualad, &ersir; sisi gan scailiud gan scuchud reompu. Is andsin dono rogob Eithiocles for acallaim na nGrec, &ersir; is ed roraid riu: Cid on, ar se, nach mebal daib beith ac ditin cuirp croda colaich Thid? &ersir; saethar dimain a denam. Uair gid a oenur rofhacbad sib he, ni loigfitis ethaidi imluaimnecha aoeir air na cuanarta croesach con, &ersir; ni loiscfed tend coemchoiserca he, a haithli in chuil doronni .i. duni d'ithi. Et is cuma adbertsom sin &ersir; tuc urchur do Ipomedon Grecda gruadsolus dont shleig rigda robui ina laim, co tarla 'na sesum asa sciath suaichnid sechtfhillti. Et tucsat dono dias aili do Tiabandaib da urchar inn oenfhecht do Ipomedon .i. Pheres fuabartach &ersir; Liccus lanchalma. Saeigis secha urchar Phires, &ersir; tescais cir chathbairr in churad urchur Liccuis. Ipomedon, tra, ger-uat imda urchair do, ni cem ar cul ruc as a n-inud i roibi, acht robui co hathlum anrata ac luathimirt a sceith i nn-agaid na laechraidi. Is andsin adchond-cadar da gaiscedach glondmera do Grecaib in n-eicin sin i roibi Ipamedon .i. Alcon anrata mac Sitsión, &ersir; Idas athlom anglondach a Pisa. Tangadar sin, &ersir; a mbuidni diana danarda maroen riu, do fhortacht &ersir; d' fhoirithin Ipamedon. Et tucsad gluin re gliaid aroen ris, &ersir; ba foirithin dosum sin ona ceathaib cumascda cruadarm robadar as cach aird air. Et o rathocaib a cheand &ersir; rodibraic in sleig ngairbremur nGrecda robai 'na laim, coma luaithithir re saeigid a sre&ndot;g ar na seolad tresna sluagaib, co tarla inni Polistas, comdis airdni athchumtha da heis, &ersir; tresin fer sin co rotholl in milid Mopsus, &ersir; co rotrenmarb in triar Tiabanda ba nesa do .i. Pothcis &ersir; Cidon &ersir; Tanager, &ersir; tresna feraib sin cen anad, cor-ben i cind inn airseda Eiritsis, cor-ba silta semanna na sleigi da fhiaclaib &ersir; da inchind, coma seiser sarlaech romarb Ipamedon don oenurchar. Et asa haithli sin roeirich Leondtem ar scath int shluaig, &ersir; tuc urchar fas falaig dochum Ipamedoin, &ersir; tanic 'na diaid sin co dichelta, &ersir; rotharrai&ndot;g Tid chuici. Ger-b adbul in ecen engnoma i roibi Ipamedon, atchondairc in Tiabanda ac tarraing Thid, &ersir; tuc bemclaideb do cor-ben a laim 'ga gualaind de, &ersir; is ed roraid: Tid, ar se, dobean do laim dit. Cid tra acht ba tri rucsad Tiabanda chucu corp Tid, &ersir; rucsad na Greic uaithib ba tri he a fornirt cathaigthi &ersir; engnuma &ersir; imgona.

Acht ata ni cheana, nir-etsad trenmilid na Tiabanda uili cumscugud Ipamedoin o churp Thid, &ersir; ge ratelcthea do reitheda togla tulamais da scailter cnuic &ersir; cathracha, ni claefidis é uada, no co tanic in fhiuir aduathmar ifirnaidi .i. Tesifoné. Et rogob aduath na catha ceachtarda re hurgrain na hamaidi sin, cen co facadar hi. Is andsin rogabsi delb fhir do Grecaib fuirri .i. Alis, &ersir; tanic co foill fethamail dochum Ipamedon, &ersir; rolabair ris. Ba hingnad re hIpamedon in ecla &ersir; in uromuin rogob e re guth na baidbi, &ersir; si a richt Alis gaiscedaig. Uair is ed roraid-si, &ersir; si ac toirrsi: Is dimaín a &ndot;dénai, ar si, apaigi gasrad nGrec do ditin, &ersir; ba doilgi dit Adraist int ardrig do brith do Tiabandaib asin chath ina cheli, &ersir; ata acat cetgairm-su seach cach da fhortacht &ersir; da forithin. Et is truag limsa mar adchondarc a trillsi taitneamacha i llamaib na loechraide 'ga lantarraing. Et ni fata uait itir e .i. i fail i faichi in &ndot;dluim lanmoir luaithrid, &ersir; in ceo comthiug os cendaib int shluaig. Ni fhitir thra Ipomedon cid dogenad de sin, &ersir; roathgres in badb sin he, &ersir; adbert ris: Is coru dit Adraist d' fhorithin inna anad acinn apach treththoll-sa Thid. Is andsin rochuir-sium ar faesum a muintire in cathirgal dara eis .i. corp Tit, &ersir; tanic i nndiaid na baidbi, &ersir; si i richt Alis, cein no co ndeachaid uad ina richt fein hi. Et o dachuaid-si uad, adchondairc na Grecu, &ersir; Adraist eturru ina charbad, gan ecla gan imsnim air. Et is imi doroni Tesifone in ceilc sin co mbertais na Tiabanda corp Tit leo dar eis Ipomone.

Dala immorro na Tiabanda rucsad leo corp Tid fo chetoir dar eis Ipomedoin. Rocurid gairi coscair &ersir; commaideam acu uasa chind, &ersir; o 'dchualaig Ipomedon sin, tuc aichni ar in gnim: Is fir, ar se, os cind chuirp Thid doberar in gair-sea. Acht chena ba hannam re trenfheraib tomaítheam air cein ba beo, uair ba menci leis roena romadmand &ersir; dith ar tuathaib na Tiabanda remi. Et o rasiacht cucu amlaid sin corp Tith, roiadsad immi ass cach aird, &ersir; darindset guingaland de amal nobeith beo, &ersir; ba buaid &ndot;gaiscid ris trenfher dib rofordergad a armu asa apach.

Nir-fhuili&ndot;g tra do Ipomedon sin do cloistecht gan dul da indsaigid, ge rafitir gur-b anburus dó cathugud dar cend chuirp gen anmain and. Et tanic remi, &ersir; a claideb urnocht ina laim, &ersir; ni thuc aichni ar carait na ar cumthach andsin re tendta in tindesnais &ersir; re fiuchud na fergi. Acht cheana ba tairmeasc dosum na sligthi sleamna risna srothaib falcmara fala, conferdais a taebuib na trenfher ar na tuargain dosum, &ersir; re himad arm na n-airsed ar na n-airleach, &ersir; carbad cruadbristi na curad ar na comach, &ersir; re loechaib leathmarba ac urtriall aitheirgi. Et robo thairmesc luith &ersir; lanimtheachta do in guin tucastar Ethiocles ri na Tiabanda air. Et nir-airig-sium sin, no ma rofhitir, nir miad leis a legin ris, no co ndiglad ar inti dos-tuc air. Is andsin adchondairc-sium ara tairisi Tid &ersir; ech a thigerna 'na laim ac foshenm a srein co siblach, &ersir; rotriall-som fuirri, &ersir; o rotriall, robui int ech ac doibli &ersir; ac debili ris, &ersir; is ed roraid-sium ria: Cid nam-leig-sea ort, a eich? ar se, uair ni fhuil do shuil re crichaib na Calidone, na risin rig rad-riadaig, &ersir; bageba ferbruigib firglana i ngartaib Grec, &ersir; tair limsa do digailt Thid ar na Tiabanda. Ba samalta, tra, co tuiced int ech a n-ebairt-sium ria, &ersir; roan ris &ersir; dochuaid-sium fuirri, &ersir; o dachuaid, roling int ech co luthmar lanathlum assa bail robui, co rocrithnaigsedar faichtega firglana &ersir; tulcha tondglasa na Teibi re trethan. Rodlumait, immorro, &ersir; rodaingnigid dirmanna danarda na Tiabanda, o 'tchondcadar Ipomedon cucu ban samla sin. Rothuairc &ersir; rothesc andsin Ipomedon iadsum, comtis tamain thulmera ac tuitim chuirp na curad da eis.

Roimpotar na Tiabanda remi-sium, &ersir; rotheichset dona moigib reidi ara rapadar, no co rangadar co himlib amreidi srotha Ismen, &ersir; roopredar caeiti falaig forru andsin, &ersir; robui tuili falcmar firdomain isin sruth intan rosiachtadar-sum da indsaigid he. Ba gairit dono a n-osad-sum andsin intan rosiacht Ipomedon da n-indsaigid, &ersir; roobair iad gan toirnem &ersir; gan toirlem da eoch, acht robui 'ca timchellad &ersir; 'ga timsugud. Is andsin rolingestar na Tiabanda i nn-athaib &ersir; i nn-indberaib na haband, &ersir; roleicsead a n-armu uaithib risin sruth re tindenus in techid, &ersir; ba he dichracht in teichid commitis i teand re grian &ersir; re gainem int shrotha aca falach ar ecla Ipomedoin, uair ba ferr leo a ndianbadud ina bith ac fula&ndot;g imnid inn fhir sin. Gach oen dib ba treoraig usci, rotrialldais snam darin sruth, no co mbertis na cathchresa ceangailti &ersir; na luireacha lanchumga i nn-ichtur iad. Imasae-sium fuithib amal bleidmil moradbul muiridi ba bradanaib becca ballbreca, co scailit &ersir; co scanrit remi co hochraib cuan &ersir; calath. Is andsin rocomraic fer do muntir Ipomedoin .i. Ión, &ersir; Cromis do Tiabandaib ar lar na haband, &ersir; rothoit andsin Ión risin Tiabanda. Nir-bo echt cen aithi sin, tra, uair thuc Antipus do Grecaib coscur Cromis fo chetoir. Ni head sin dono nach taras ar Anntopus, uair rothoit re hIpseus mac Asopas do Tiabandaib, &ersir; ba cend saegail sin do Astiages &ersir; do Linus do Grecaib, uair rothoitsed andsin comthoitim re hIpseus Tiabanda. Is andsin rotrascair, &ersir; rothoirind Ipomedon sluagu toirrseacha na Tebi. Robuaidir immorro 'na haigid Ipseus na buidni Grecda badar maraen re Ipomedon, coma forruad fuilidi sruth alaind Ismen isinn uair sin, ger-ba tonda tibreacha taebglana intan tangadar na catha sin. Deithbir on ba drochad comnart comimtheachta d'armaib imda arbristi uachtur na haband on bruach co 'raill, &ersir; ba hacaireda comdai&ndot;gni conairi laich leadharthacha lanbaiti re grian &ersir; re gainem ichtair na haband.

Intan robadar amlaid sin, rosin Agriphus do Tiabandaib a laim dochum chraibi robui uasa chind i mbruach na haband, &ersir; tug Menetceus do Grecaib beim claidib do, cor-leig in laim risin craib, &ersir; co rothoit isin n-abaind fo chetoir. Tuc immorro Ipseus do Tiabandaib sadud sleigi ar Saigis do Grecaib, coma crechtach comoslaichti a chnes a n-ichtur na haband. Et rotriall Agenor a brathair a thocbail leis, &ersir; o nar-et a imarchur, roleig a badud fen maroen ris. Et rothoit dono Caletus do Tiabandaib andsin isin saebchoiri ba chomair, co robaided and. Ger-ba bas tra crich cach curad dib sin, ba hecsamla a n-aideda, uair is and dorala sleg Megalis do Tiabandaib 'na seol risin sruth dochum Aigerteis do Grecaibh co rus-facaibh can anmain.

Is andsin rogonadh tra ech taebhsolus Tit ro fa Ipomedon co roiue co debeil dasachtach aca chur-som di. Et fo hingnath leis-sium sin, uair ni fitir cidh ima roiue, no co facaidh ant slegh 'na sesam eisti. Et o doconnairc-sium sin, dotairling di, &ersir; roben ant sleg aisti, &ersir; rofopair da cois sluighi na sluagh, co rotoitsit in coicer miledh so do maithibh na Tiauanda les don ruathar sin .i. Nomius neimhnech, &ersir; Mimas mileta, &ersir; Lucus luathechtach, &ersir; Leceis lanchalma, &ersir; Teius mac Teisfis. Et tuc maithem n-anacuil do mac ele Teisfis .i. Fanenus, &ersir; is ed roraid ris: Eiridh, a ghille, ar se, do Teib, &ersir; innis innti mar dodigail misi Tit ar na Tiabanda, &ersir; is maith lium-sa cuirp na Tiabanda do bheth fo torthraib muiridibh can ithi can aite n-adnacail acu amal corp taebhgel Tit can onoir adnacail d' fhaghbail. Et ar sin rogab Ipimedon co dur desachtach comach claidim ar na Tiabandaib, co rrotoitsit na trenfhir-si da laim .i. Theron trenmileta, &ersir; Gian garbarmach, &ersir; Eriginus airdechtach, &ersir; Eris ergalach, &ersir; Cretis cosnamach. Snamaighi sarcalma in fer sin, &ersir; tuc urchur do tsleig dochum Arsolais fircalmai antan bai ac snam darin sruth dochum a muintire, cor-facaibh can anmain. Cia tra dochuimnighfed eachta Ipimedoin ar na Tiabandaib isin lo sin acht mad ar imadh fisidh fireolach no comachtach cianaesta senchasa?

As andsin dono rogab dalb aisi beodachta aenmacaem do Tiabandaib na facaidh cath riam roime .i. Crenes mac Fuinn &ersir; Nimpa .i. Ismen dei in mora no an srotha sin a mathair, &ersir; tainic dochum an catha. Ba suaithnich solusta iter na sluaghaibh an gille sin, uair is amlaidh rouai &ersir; slegh coimremar uasta &ersir; claidem slipta saineamail 'na laim, &ersir; sciath oirderc ilbreachtach co ndelbaibh imdhaibh hecsamlaib innti for a muin. Et tainic fon samla sin dochum Ipimedoin, &ersir; rouai aga gressacht &ersir; aga grennugud o ghuth mor, &ersir; atbert: Ni fethamail conferthor risna feraib-si, ar se, &ersir; ni suairc soola an sruth coemcoiserctha dar th'eis. Nir-lauair immorro Ipimedon ris-sium acht roinn-saigh é, &ersir; roeiridh an abhond ré aigid, coma gabail ar lamhaibh in laich sin re lanbualadh na buinnedha diana diluatha consnaighdis dar a formnaibh re hesaibh na hobond. Et cidh edh robuail-sium, &ersir; roathbuail Croneis, co torchair é leis.

Adclos immorro don mathir in mic an gnim sin, &ersir; tainic co denmnedach dasachtach, &ersir; a folt scailti fo cend &ersir; isi ac dluighi a hetaig &ersir; ac bualadh a hochta &ersir; ac sirgairm &ersir; ag cathgairm a mic, &ersir; ge douai, ni fuair. Acht chena rohincoiscedh di-se a mac do beth an bail a teit sruth Ismen isin muir a mach, &ersir; tainic co himluaimnech opond roimpi no co riacht conici an bail a mboi. Et o rainic, rochuir a cenn fon sruth, &ersir; rouai aca iarraidh iter na corpaibh diclethi dichennta rouatar isin abhonn, no co fuair é, &ersir; ó dofuair, rotocaibh le co buidh banamail, no co ranic an bruach, &ersir; roleic uaithi arin fer fothremail, &ersir; roglan a corp &ersir; a chrechta, &ersir; rouai ac toirsi uas a cinn, &ersir; is ed roraidh: Olc, ar si, dot shenathir-se, na dei uasail do marbad do lecudh, a mic, &ersir; bat fochlachan for a lama o cianaibh antan dochuaidis uaim, &ersir; madh anois, immorro, is garbgne do ghnuisi &ersir; is tretholl do thaebh. Et rouai ag gresacht a athar Ismen dochum Ipomedoin do digail an gnima sin fair, &ersir; roraidh: Is tairpthech adrasta Ipomedon, ar si, &ersir; is tiugha taebdorchai tonna srotha Ismen re fuil &ersir; re fadhbha na Tiabanda do righruathar an righ sin. Et tar-sa, a Ismen, ar si, co ndernam adhnacul uasal andso dot ua .i. do mmo mac so.

Et o docuala Ismen sin, rosiacht co toirsech teindesnach da inndsaighid é, &ersir; is ed roraid: Ni huasal an onoir dam o cenn na dei .i. o Ioip, ára aidhble do chur fon sruth coemcoisrectha, &ersir; is mór do dheibh coema cumachta rohoiledh foa bruach, ge rolinadh do chorpaibh. Et, a Ipomedoin, ar se, masa dei misi, ni ba fhecht can aighfi duit an macaem so do mar--badh duit, &ersir; robo cumachtach &ersir; robad comaidhem let rochtain co muighibh Megene ar marbad m' ua-sa &ersir; can a digail fort.

Et is cuma doraidh-sium sin &ersir; rotinóil &ersir; rotimsaigh srotha &ersir; esa &ersir; aibhne na Tiabanda co sruth nIsmén, &ersir; roeirigh leosum tuile srotha Ismen dar bruachaibh &ersir; dar bordaibh, cuma locha linnti landoimne na hinada firma tartmora nach raibhi usci riam roime ann nach ua comnesa do Ipomedon, &ersir; rob ingnath leis usci na habann ag eirghi uime do cach taibh &ersir; do cach leth. Et roeiridh ainmfine adbual mór andsin a sruth Ismen, co rrobris a buird &ersir; a bruacha co rrocumscaigi a cairci cendgarbha as a n-aitibh &ersir; as a n-inadaibh. Imsnim a mac samla sin ní fuair Ipomedon riam roime, uair is ed tainic a n-aige &ersir; a n-ardde ant srotha co rochuired uadha na cairci commora da uillibh &ersir; da gluinibh, &ersir; is ed asbert: A Ismen, ar sé, can as tainic ditsa iter cumachta mar so do beth agut .i. mo thraethad-sa agut? Et o roraidh-sium sin, roleic Ismen railci romóra re trethan na tonn da innsaigidh co rrotuaircsit &ersir; co rotrenbuailsit co minic a ucht &ersir; a urbruinne. Et ó nar-fael-sam trumma &ersir; tuinnsim na ralec romór sin &ersir; treisi ant srotha aca tuarcain, tuc a druimm riu, &ersir; roleic risin sruth é. Et is cuma co mbuailtis buinnetha ruadha robarta int srotha trenadhbail Ipomedon, &ersir; na cetha do cairgibh comuscdha &ersir; do chruaidharmaibh dotelcdis Tiabanda do thir dó. Ní fitir-sium tra cidh do dhenum, &ersir; ní fhuair dona sluagaibh nech rolamad buain ris, cer-ua ferrdi leis bás d' fagbail.

As andsin, immorro, doui bile dossach da thalmain os bruachaib ant srotha, &ersir; rosin-sium an laim ndeis cuige, &ersir; rogab lan a glaici do barr an bile, &ersir; rotoit an bile as an bunad &ersir; as a fremaibh re truma an miled aca tarraing, coma saobhcoire sírdomain a inudh da eis, &ersir; rosluiced Ipomedon isin saobhcoire sin. Et antan consilldís na srotha an sarlaech sin, is ed roraidh: As truagh duit, a Mairt, a dei in catha, bás mar so do imirt ormsa, mar dodhenta ar midlaech. Et nír cusindiu rim a mac a samla.

Conadh i oighidh Ipomedoin gruadsolais na Mecine isin glan Greic sin.

O 'dchuala immorro Iunand ilchrothach sin, tainic dochom Ioib, &ersir; adbert fris: Is lór leici na Gregaigh do lot, ar si, uair romarbad Tit tre sárugud Menerua, &ersir; fuair Aimpiaraus a oighidh triana indeoil Apaill, &ersir; saorthar dom-sa Ipomedon, uair is do gasraidh Grec a bunadhcenel, &ersir; iss dam-sa roidhbradh a mbreth les do chrud a crichi co a tir isin cathrig a Mbecine. Et caidhi in gellad dorignis, co leicfedha na Gregaigh d'adhlucud iartain, &ersir; corp Ipomedoin a n-abaind a n-usci ? O 'dcuala Iob sin, rouai ac fegadh na Teue uadhai, &ersir; rotraigh &ersir; rotoirinn tuile srotha Ismén, coma follus Ipomedon isin ait a raibhi ann. O doconncatar na Tiabanda é fon samla sin, tucsat frais do shleghaibh &ersir; do saighdibh cuigi, coma coill comdluith a corp dibh, &ersir; cer-ua lanmarb letartai in laech sin, nir-lam laech do Tiabandaib a fodhuadh fo cloidem na fo cathbarr, cein no co rainic Ipseus, mac Asopais, da innsaigidh, cor-ben a arm uadh, &ersir; rouai ac buadhnas &ersir; ac bocasaich sechnon ant sluaigh, &ersir; cloidem ruithnech in rig aili ina laim &ersir; a cathbarr uo cenn. Ata sunn, ar se, coscarach Ipomedon, &ersir; rouai ac digail Tit ar na Tiabandaib. Rodithaigit &ersir; rodianscailit a sruth Ismen iad, co madh XXIII righ romarbh Ipomedon enechsolus don ruathar sin ac digail Thit ar na Tiabandaib; &ersir; ni cuimnighit scribhinne ar chena na sluaghu romarbh ann.

Ba galar tromm tra risin righ mormenmnach ria Capaneus mac Tairsis do Grecaib an commaidhem sin do cloisdeacht; &ersir; robocbertaigh int sleg 'na laimh, &ersir; is ed roraidh: Ba coir duit, a lam, ar sé, cungnam cathaigthi lemsa , uair is iniud ata mo tairisi &ersir; ni ha caruit cumachtaig ele. Rothelc an gaiscedach sin an gius ngarbhsnoighthe rouai 'na laim, &ersir; roseol do innsaigid Ipseuis, cor-dianbris a druim ar scoltad a sceith &ersir; ar letradh a luirighi, coma samalta ri tor coimnert cloichi arna cruaidhbrisedh traethad in trenfir no in miledh sin ac toitim, &ersir; is ed roraidh Capaneus: Fegh let, ar se, misi rot-marbh, &ersir; is adhuar onorach dot hainm misi do d' marbad. Cuma atbert-sium sin &ersir; doben a claidem &ersir; cathbarr Ipomedoin de, &ersir; roben a claidhem fein leis dé, &ersir; rochuir air Ipomedon iat am bail a mboi 'na luighi, &ersir; is ed roraid ris: Ac so, a ri, a Ipomedoin, th' airm fen duit, &ersir; airm do namat foraon friu, &ersir; loiscfidhtir lind leth ar leth iat antan idhbertar tu dona deibh. Cidh tra acht rouoi crich coscorach an catha sin co cunntabartach iter na Tiabanda &ersir; na Greic.

Uair ua hadhbul garbh nuallgubha na nGrec ac cainedh Ipomedoin, &ersir; nir lugha toirsi na Tiabanda ac cainedh Ipseuis. Cein tra rouatar-sam amlaidh sin, as ann dochuaidh Athalanta mathair Partanapeuis VII righa dochuadar do thogail Teue co sruth Latain do dhenum idhbarta do Dean .i. banndei na selcairechta i seic, &ersir; ua selcaire amra a mac-si dono Partanapeus, &ersir; is ed uadera disi na hidhbarta sin do dhenum .i. taidhbhsedha adhfhuathmara adcidh 'san oidhchi .i. fadhbh &ersir; arm a mic &ersir; a muntire d' fhaiscin 'na fiadnaisi, &ersir; can a beth etarru, &ersir; adconnairc fós a n-aislingi dair dosach dighuinn docoisercadh do Dean, a racuired a harmu antan uo scith i a haithle a sealca, a barr &ersir; a gega do toitim ri tenntaibh taluan, &ersir; rofiarfaid-si cidh rotesc an crann. Rofhrecair Menadhnas hi .i. bansacart do muintir Baich, dei fortochta Tiabanda in Baich sin. Rogabh hecla &ersir; adhfhuath Athalanta don gnim sin, &ersir; roeirigh co moch arnamaireach d' fhaicsin an chroinn sin, &ersir; atconnairc a barr fair. Tainic co tric tindesnach co tempul Dean ar na fothracud fo tri a sruth Lathain, &ersir; rouai ag edarguidhi Dean, &ersir; is ed roraidh: A bainndei, ar si, a Dean, is am banselcairi-si bunaidh duit, &ersir; is duit roidhbrais mo mhac .i. Partanapeus, &ersir; guidim-si tusa fon mac sin do tabairt co coscrach, &ersir; cipindus bes trá a torrachtain hecin cugum, co facar e. Et innis dam in at firu na fisi atconnarc? &ersir; madh firu, tabhair bas sochraid do mo mhac, &ersir; cuma taisci fis mo bais-si cuigi-sium.

Atconnairc-si altoir Dean, comdis fliuch iad do deraib, &ersir; rouai aga nglanadh.

O 'dconnairc, immorro, in baindei Dean sin, tainic rompi dochum na Téue dar sleib Menail &ersir; dar mullach tsleibi Parnars, no co tarla Apaill dei na faistine di, &ersir; co ndebairt ria: Rofetar-sa do toisc, a ingen, ar sé, .i. do saerud Partanapeuis a cath na Teue ar na radha da mathair rit. Acht chena is dimain duit-si sin, uair tainic crich tsaogail an gille sin, &ersir; ni fetann tiachtain ri toicthi. Et in faicci misi co toirsech d' eis in ríghsagairt Aimpiaruis, &ersir; nir-ua tualaing me a adnacul? Rofrecair Dean, &ersir; is ed roraidh: Uair is cinnti, ar sí, is cóir damsa fortachta arin fer sin &ersir; a aife ar inti ros-muirfe. Et tuc cach dith poic da ceiliu, &ersir; tainic Dean rompi co Teibh, &ersir; conici an inadh ar-maibh-si cloinn Neobe fecht riam roime.

Imthusa na nGrec &ersir; na Tiabanda, immorro, nir-gabh confadh catha a mac samla sin riam roime iat, uair ua hadhbul tairpthige &ersir; tindenus na Tiabanda do digail Ipseuis ar na Grecaigh. Ba mó immorro fich &ersir; ferc na ngasraíd nGrec do dhigail Ipomedoin arna Tiabandaib, coma tren cridheda can teiched caich o cheliu dibh.

Is andsin rogres Partanapeus, ri óc na hArcaide, a ech dian dimsach dasachtach iter na sluagaibh. Et is amlaidh douai int ech &ersir; croicenn tiugh tigri uimpi a comardha coscair. Ba hé eirred in righ sin ui fuirre .i. lene coem cor-cairglan ar na deghdathad a tenta ba lia, &ersir; inar orsnaith ilbrec re cnis doroine a mathair dó re techt don turus sin, &ersir; cris socair seimidhe tairis a muigh a n-echtair ar na ilecar do lecaib loghmora, &ersir; sciath capradhach cromm air, &ersir; cloidim trom trenbuillech 'na laim. Cimus alaind ordha ac comdrud a edaig uime na gabad luth láma dó, soighedbolc suaichnich sarechtach, &ersir; cathbarr slemon slabradhach fo cenn, &ersir; rochuir-sium de é, &ersir; roleic a trilis taidhlig tromcais ri tincur na greine, coma sochain ri sillad do cach duine a taithnemh na trillsi sin ua cenn. Et ua ferrde delbh an gille sin in fiuchadh ferci dus-fainic dó isin uair sin. Et ge rrouai-sium amlaidh sin, tucsat na Tiabanda faill frithailme air. Roleicsit inudh lathrech do ar a óici &ersir; ar a anarsaidheacht leo. Rouai-sium immorro co dur dasachtach aca dianscailiudh an dara fecht &ersir; rouai co tenntomaith- mech ac a timsugud an fecht araill. Rouatar tra mná na Tiabanda a hinadaib arda oirechtais ac molad &ersir; ac measnugud gnimraid in gille oig sin.

O 'dconnairc immorro Dean eisium fon samla sin, is ed roraidh: Is truagh &ersir; is doilig lium, a gille, ar si, an buaidred baisi for-atai, uair ní fetar ca furtacht dober fort, &ersir; rob usa duit a beth ac seilc araon rit mathair a fidhnemedaib Neim ina beth a n-irgail catha fon samlai sin. Et is tren gresis do mathair misi atrasda 'mat fortacht. Et o roui-si ac an comradh sin, tainic neill diamair dluith tairis co lormedon an catha dochum an gille, &ersir; dobean a soighedbholc amach, &ersir; tuc soighdi cumdachta do do na tabartha urchur n-imruille itir, &ersir; rochraith sug amro isi for a ech co na gebdais airm hí.

Is andsin innsaigidh Partanapeus uan samlai sin uana s--luaghaib, amal cuilen letarthach leoman ua tretaibh teithmeacha, acht ní fetar a airem a dorchratar do Tiabandaib da laim genmótha a tamoin &ersir; a toisigh, &ersir; at e andso a &ndot;-anmanna daine dibh .i. Corebus mac Tanagra &ersir; Eirictonius anriata, &ersir; Argus ard érérgna, &ersir; Lamis lanalaind, &ersir; Lidus lanchomachtach, uair ua sacart, &ersir; Aalan uasal arsata a Eboia. Cidh tra acht ni hurchar n-imroill tuc, &ersir; rosoighedh re sail a cheile uaidh, &ersir; cuidh an duine rochreitfedh coma a haonuolc no a henuogha doteilcthea na saitheda soighed dotheilcedh an trenfer sin? Uair is cuma congontis &ersir; conferdis uadh na frasa sin da culaib &ersir; da aigid &ersir; do cach taibh de.

As andsin tra roinnsaighsit na Tiabanda Partanapeus, uair nir miadh leó can a digail fair na huilc doroine riu. Et is é dotreninnsaigh dibh ar tús é .i. Ampion do bunadhceneil Ioib mic talchair Satuirnn, &ersir; is ed roraid ris: A Partanapeuis, ar sé, is mór in diumus &ersir; in dasachtacht rogab ac cur áir na Tiabanda, uair nir miadh ri milid no ri trenfer dith comlond rit ar th' oici &ersir; ar th' anarsaidhecht. Facaibh in cath, &ersir; imigh co hArcait &ersir; dena cluiche re do comais; no mad móo a clú let, dofaeithis linne isin cath so. O 'dcuala immorro Partanapeus sin, doraidh: Ní don cinedh techmech Tiabanda am mathair mná damsa itir, ar sé, acht is don cinedh Athlanta feramail Aircedach. Ni fuilgid tra Ampion sin do cloisdecht, &ersir; dorat rothrénurchur do sleig dighuinn dermair rouai 'na laim dochum Partanapeuis. O 'dconnairc Partanapeus dellrad na sleigi dia innsaigid, roimgaibh co hathlum i, &ersir; roleic ant sleg sechai. Ua moidi ferc Ampion urchur n-imroill do tabairt dó. Et o rouatar amhlaidh sin, tainic Dean ar lár in catha d' foiridhin Partanapeuis, &ersir; roghabh delbh Doreis do Grecaib fuirre, uair ua he-sseic ua hoidi teglaig do Partanapeus, &ersir; is dé roathain a mathair é ri techt don turus sin, &ersir; o rogab-si a dhelbh-sam fuirri, is and atbert ri Partanapeus: Is lór ar-lenais do Tiabandaibh, a gille, ar sé, &ersir; eirigh imlan dochum na mara ó tancais d' enech na ndei. Nír-gabh-sam amh cuigi sin, &ersir; is ed roraidh: A fhir cumtha, a Doirsis, ar se, leic dam co romarbar anti rom-gonaid .i. Ampion, &ersir; ní lenam na Tiabanda ni bhus mhó; &ersir; o rofaeth lium é, dober a ech &ersir; a édach do Dean, &ersir; dober a soigheduolc do mo mathair.

Et ó roraidh-sium sin, dofoillsiged dó Uenir banndei Deana do beth ac cungnam ri Greca, &ersir; rogreis a lennan .i. Mairt mac Ioib, dei in catha, co ndechsad d' furtacht na Tiabanda. Uair doui Ermione, ingen Mairt &ersir; Uenir, senmathair na Tiabanda, &ersir; is de sin roleig in crodha cathcumachtach .i. Mairt dochum Deana, &ersir; ó rosiacht, rouai acc aithisiugud na hingine co mór, &ersir; is ed doraidh ria. Ní commórad catha na irgaile no gaiscid is let-sa do denum, a Dheán, ar sé, acht soighde cathalaind sealca do dhiubrucud. Et tainig co tai d'anacul .i. Partanapeuis.

Et tainic 'na ndiaidh sin Mairt do gresacht na Tiabanda a cenn na nGrec. Et is é dogres dibh ar tús .i. Drias mac Arion, &ersir; roimir in gille sin a gnim gaiscedach ar na hArcaidechaibh &ersir; ar hoirechtaibh ar chena rouatar araon ri Partanapeus ac cur in catha sin. Et ní tuc Drias taisi na tess andsin ac sluighi na sluagh, uair ua demin leis, ce madh athscith n-engnuma é, rotaesadh Partanapeus da laim. Partanapeus, immorro, ruc a engnum uadh na derbhairedha urbadacha ó rodeilig Deana ris .i. a nert do tercugud, &ersir; a soighiduolc d' folmagud d' urchuraib dimaine, &ersir; dellrad sceith Driais iter na sluagaibh aca sluighi. Rogab adhfhuath mór Partanapeus dona gnimaib sin, &ersir; rochuir a sreang an slait sodiubraici 'na laim, cer-ua dimain dó; uair intan roui ac cur na soighdi ar in sreing, as ann tuc Drias dasachtach do Tiabandaibh urchur do shleig uillig aghmair rouai 'na laim, cur-ua taobhtholl treghdai an toebh co 'raill andsin Partanapeus, mac Meliager, ri cathbuadach na Calidoine; &ersir; is é in Meliager sin ua comalta comgaiscid do Theis, mac Eigh, mic Neptain. Roiterdeligther re each &ersir; re armaib é, &ersir; nir-toirind Drias an laim, co tuc urchur don ech, co rrothesc &ersir; co rrotrenletair a sirigh, &ersir; is cumai tuc Drias na hurcharu sin &ersir; torchair fen co dianmarb fo cétoir.

Fo hingnad immorro leosum sin, uair ní fetatar cia ros-marbh. Acht chena is í Dean ros-marbh a ndigail Partanapeuis, amal rogell thúas da mathair, co ndigheolad a mac ar inti ros-marbfedh.

O torchair tra Partanapeus, rotocatar a munter leo é a n-inad diamair doimtheachta do taibh in muighi; &ersir; ger-u anfonn rouai-sium andsin, ní hiat a cnedha fen roacain, acht rouai Caledonda lan cumtha ac cainedh a eich do marthadh. Acht chena tancotar airdhedha bais de innsaighidh fen; uair tainic duibhi &ersir; dodhealbh da ghnuis and, ger-ua glangruadh corcra conuigi sin é. Et roshilestar frassa forgranna fola dar a chorp sithghel snechtamail isin uair sin, &ersir; tainic failte &ersir; menfudh &ersir; medharglór dó, &ersir; is i timna contacair uó dheoigh: A Doirsis, ar sé, uair dotuitius-sa andso, imthigh-si dochum dingna mo mathar truaighi-si toirsighi, &ersir; na hadaim di a cétoir m' oidhedh d' faghuail damsa, &ersir; intan toicceua m' arm &ersir; m' edach dí, &ersir; abair ria rodligius-sa m' oidhedh da fhaghuail, uair is dar sarugud-si &ersir; dar ainneoil na ndei tanac dochum in catha-sa, &ersir; na denaid duba na domenmha don scel, &ersir; beir let mo trilis dí a n-inad commordha m' oidhedha, &ersir; abair ria can m'airm &ersir; can mo coin do leicedh do nech ele, acht a mbeth aici fen, &ersir; ibair fen na hairm-si fuilet im laim uait do Dean. Et a haithle na timnai sin roscailed a anum re a corp dó a cétoir.

As andsin tra rotindesnaigh Ioib mac Satuirnn maithi móra d'innsaigidh na sluag sin do toirmesc a tachair. Acht chena ní hair mhaithi re Grecu no ri Tiabanda dorinni-sium sin acht d' foiridhtin na cined coem comidech rodilcennaig and maroen riu. Ua hadhfhuathmar tra re aitrebh magh na Teue isin oidhchi sin, uair rofacbad and mileda cona muntir arna marbad, &ersir; urrigha cona oirechtaib arna n-oirlig, &ersir; taisigh cona trenferaib arna tuitim, &ersir; airm arna daighbrisedh, &ersir; eich deghredhtha arna ndianmarbad ar-conighdis fo cairpthib curata tús in lai roime. As andsin rodeiligset na sluaigh sin .i. na Tiabanda co tighibh, &ersir; Grecaigh, in laechraid letarthach, co longphortaib. Et ger-ua cumgai na doirsi dona deghsluagaibh sin ac dul dochum an catha, ba lethna lanfairsinga ac techt uadha re himut a n-esfadha. Rouai dono gredhan &ersir; gubai adhual ac cechtarnai dibh sin. Ua hadhual subha re Tiabanda in cetar ríg do Grecaibh do marbad et a sloigh ar sechran da n-eisi .i. Ampiaraus &ersir; Tit &ersir; Ipomedon &ersir; Partanapeus. Rosiachtatar na Tiabanda na cathracha, &ersir; is i comairle rocinnsit, forairedha &ersir; forcoimet do chur uathaib ar loncphortaith na nGrec isin oidhchi sin, ar bithin nach helodis uatha. Et is iad dochuaidh don coimed sin .i. Meighis mileta &ersir; Licus laechdha cona munteraibh. Et rucsat fleda fína &ersir; tinnti leó. Et rouai Etiocles, rí na Teue, aca nertadh, &ersir; is ed roraid riu: Denaid calmacht, a fhiru, ar se, &ersir; métaigidh bar menmanna, &ersir; comedaid co maith anocht na Grecaigh, &ersir; is leibh a coscur &ersir; a comaidhem, uair dothoitsit a rígha .i. Ampiaraus uasalsagart &ersir; Tithius trenmilid &ersir; Ipimedon airedha. Et nir-airimh-sium Partanapeus, uair ua nair leis-sium a oige &ersir; a tuitim le Tiabanda. Ocus ní fhuil dibh anoisi itir, ar sé, acht mad in senoir anuonn Adrast, &ersir; in gille óg can engnam Polinices, &ersir; in duine dasachtach Capaneus mac Tairsis, &ersir; cid iat sec, ar sé, romairbfidhe uile, mina tisadh an aiged fai. Et o roraidh Eitiocles an aithesc sin re lucht na foraire, roeircetar co hathlam ettrócar can oirisim ce rouatar a mná &ersir; a muntera aca fastodh, no co rancatar a comfhoccus don longphort sin na nGrec, &ersir; rouatar co fuirechair ac fledhugud andsin an dá la conici sin.

Dala uantrachta &ersir; uanndala na nGrec tar eis a fer , is andsin dorindsead idbarta onoracha a templaib uaisli Iunainde do rochtain a fer co cosgrach slan somenmnach da n-indsaigid, &ersir; rabadar 'ca cuimnechad do Iunaind cach doronsad na Tiabanda riu. Et ni fidir-si cid dodenad uime sin, acht is i comairli doroine, cumsanadh &ersir; codlad d' furalam arna Tiabanda isinn aidchi sin do rochtain a marabtha dona Grecaib. Et is andsin rochuir bancumachtaig da muintir uaithi .i. Iris, dochum dea an chodalta .i. Somnus. Et o rasiacht Iris co tigib suanamla Somnais, is ed roraid ris: Adubairt Iunaind rit, ar si, a Shomnais, suan &ersir; sirchodlad d' furail ar na Tiabandaib eter amuich &ersir; tall. Raerig immorro Somnus do denam an gnima sin, &ersir; rothuit a codlad co trom trenmeirtnech ar na Tiabanda in cach inad a mbadar, con rabadar uili co mertnech midlaechda 'na suanchodalta.

Na Gregaig, immorro, rabadar seig co fuireachair fergach ar tí na Tiabanda robai 'na timcheall, &ersir; antan robadar amlaid sin, raeirig Tiodomas mac Menilampuis in shagairt celmanaig do Gregaib, &ersir; is eiseig rohordaigeadh a n-inad Ampiarauis aca-sam, &ersir; ragab ar faisdine dona Gregaib, co tangadar uili a n-eninad 'mon airdrig 'ma Adraist do denam a comairli, &ersir; ba toirrseach cumthach iad-sam ac fegadh inad falam na rig romarbad da muintir.

Is andsin trá roeirig in celmanaigtheoir cumachtach, .i. Tiodomus, do gresacht na sluag, &ersir; is ed roraidh: Rodilsigsed na déi daib trá na Tiabanda isinn aidchi-si nocht, &ersir; rothogaib Ampiaraus uasal cend damsa, &ersir; is ed roraidh ribsi bar muinter do digailt anocht ar na Tiabanda, uair is cindti daib a coscur do chur, &ersir; cen co dech nech aili and, rachadsa.

Lasin ngresacht sin tra roeirgedar co hathlam ainnindeach trein &ersir; taisig na nGreg. Acht chena is andsin rothog Tiodomas an trichait trenmiled ba ferr leis do Gregaib. Et ba hé a nduthracht uili na Greg isin uair sin trenfhobairt na Tiabanda, &ersir; adubradar cert crandchair do chur aturra, uair ba hé a roga cach aein fo leith dib comadh hé risad ar tus na Tiabanda.

Is andsin roeirig Adraist airdri, &ersir; asbert: Anaid, a firu, ar se, &ersir; is lor uathad do thabairt a n-air, &ersir; rachmaid uili re soillsi an lai da fobairt.

Asa haithli sin trá roeirig an fisid fireolach Tiodomas &ersir; Agilleus mac Earcail maraen ris. Ba hindamail da athair an gilla sin, &ersir; Echtor uasal, uair ni roibi Gregda ba glicca inas, &ersir; deichnibar maraén ré cach fer dib sin. Is andsin rochuir Tiodomas a eirrid suaichnidh de a n-ucht in airdrig Adraist. Et ragab a chathbarr &ersir; luirig Polinixes moir mic Eidip ime. Ragab dono Acthor anrata claidium Chapaneuis ina laim. Rug immorro Agillus mac Earcail airm Nomis nemnig leis, uair nir-ba cuibdi cathaigthi leis isin aíti saigdi Ercail rabadar aigi fein. Et a haithli sin rolingsed an lucht sin co hathlam tar mullach muir an longphuirt amach, uair nir-b ail leo fuaim na ndorus n-umaidi aga n-oslugad do cloisteacht. Et gairid dochuadar antan fuaradar na firu meascda medar-chodaltaecha &ersir;, A Gregda, ar se Tiodomas, nach iad so lucht rabai ac forbais foraib? &ersir; is urusa daib anosa a dhigail orra. Et rabean a chlaidim asa thinntig, &ersir; tainig tresna sluagaib, &ersir; rabai 'ga slaigi &ersir; 'ca marbad co na fetar airim a n-airimi na cuimniugud comand a curad adorchair andsin re Tiodomas. Uair dofhagaib-sium and laich ar na lanmarbad 'na cosrachaib, &ersir; curaid ar na comach a crislach a sciath, &ersir; treinfhir ar na tuargain a leapthaib feoir &ersir; fidnemid. Rabadar dono na dei adartha andsin, ag cungnam re Gregaib, &ersir; ag tescad ar na Tiabandaib. Agilleus, immorro, mac Earcail, nir-ba luga na hara dochuir ar na Tiabandaib, &ersir; rabai 'ca ndithubadh &ersir; 'ca ndilgend, no co tarla Palameinus ceolbind cruitiri na Tiabanda dó a haithli oirfidthe dona sluagaib; &ersir; nir-fhogain a binnius do-sin, ar adorchair a chetoir do laim mic Earcail. Gid Echtair, dono, nir-bo tlaith a thres ac trenmarbad na Tiabanda co torchair Tamiris trenchalma do Tiabandaib do laim. Rothuit dono Eitiocles do Tiabandaib re Tagus do Gregaib. Rabai Palpitus do Tiabandaib 'na tromchodlad eter chuingib an charpaid no co riacht Tiodomas do Gregaib chuigi, &ersir; ba he duscad tug air beim claidim do thabairt dó cor-bá taman mael da eiss.

Rabadar amlaid sin ag trénmarbad na Tiabanda, no co tainig irdered na haidchi chucu, &ersir; adchondairc Eachtor amaindsech do Gregaib sin. Ragairead Tiodomas chuici, &ersir; is ed doraid ris: Is lor, ar se, an coscur rugsamar, uair torchratar lind an ba hinmarbtha andso do Thiabandaib, &ersir; denam imtecht risin coscur cathbuadach-sa rugsamar. Rafhaem Tiodomas sin, &ersir; rabai ag admolad bandei na haidchi .i. Pebi, ar an coscur tug doib isinn aidchi sin. Et cach coscur oidchi beris cach is tre impidi na bandei sin, Pebe, iar sithsenchasa gentligi. Et rogeall di co n-idberad do cethraib di coimlín ar-marb do sluagaib andsin, &ersir; roimpadar co subach sirforfhailid leisna gnimaib sin dochum a longphuirt.

Et dobadar da milid mornemnacha aco-som andsin .i. Opiliius do muinntir Thid, mic rig na Cailidoni, &ersir; Dimas do muinntir Partanopeuis rig na hArcaidegda, &ersir; nir ferr di leisin dis sin beith beo tar eis a tigernadh, &ersir; doraidh Opliius re Dimas: A fir chumtha, ar se, in olc lat ind do thigerna .i. Partanopeus, a corp do beith fa conaib &ersir; ethaidib na Teibi? Acht chena is tren romthraid-sea &ersir; chraides mo cridi mo thigerna fein do beith amlaid .i. Tid, mac rig na Cailidoine; &ersir; na rach-sa beo co Cailidoin can a chorp-sum do beith lium. Truag dono sin, ar Dimas, is am toirrsigi-si tar eis mo tigerna ina cach duine, &ersir; rachad-sa andsin gé dechair-si cen co dechair.

Is andsin dochuadar rompo d' iarraid in armaigi do thabairt chorp a tigernad leó, &ersir; robadar 'ca n-iarraid no cor-eirgedar ruithned greine glanshoillse arnamarach, &ersir; cor-ba leir daib cach lanradarcc umpo. Et is and fuair cach fer dib corp a thigerna, &ersir; rothogbadar leo iad ana n-oireadaib firmora furmid, &ersir; dochuadar rompo co tái toirrseach tindesnach dochum a longphuirt. Ba doilig leo immorro lanshoillsiugud an laí da tarrachtain ag na gnimaib sin.

An tan tra rosiachtadar a gcomfhogus a longphuirt, adcualadar fogur bres &ersir; fothrand mór ina ndiaidh. Et is é robaí andsin Ampion do Thiapandaib cona dirim ndegsluaig maraen ris, ar nach curdis na fairaireda, &ersir; dothaiscelad ar longphort na nGreg isin maidin mochrach, &ersir; adcondairc Ampion andsin do Gregaib &ersir; curpu na curad forra, &ersir; rotrengreis a each no co ruc forra, &ersir; is ed doraid riu: Fuirgid, a fhiru, ar se, co findam cia sib. Acht chena is follus duind foraib cur-a bidbaid do Thiabandaib sib. Is andsin dobai cach dibsium ag tindenus seoch aroili ré heagla Aimpioin. Acht chena ni daib fein dob eagail leo ní, acht na cuirp crodcrechtnaigthi rabadar for a muin d'fagbail. Rabaí dono Ampion Tiabanda ag tomaithem mor forro, &ersir; tuc urchar don fhir robaí ar tus dib .i. do Dimas, cor-thuit an sleg can aigbeile ina fhiadnaisi. Is andsin tainig an milid mormenmnach Ifitus do Thiabandaib, &ersir; tuc fuirmed seidrech sarchalma sleigi ar Opleiius ara roibi corp Tid, cor-bris a druim and, &ersir; co rotregd corp Tit robai ara muin co rotorchair don goin sin. Rathsill immorro Dimas dara ais, &ersir; adcon-daircc imarcraid na Tiabanda ag tromlaigi air, &ersir; ni fhidir an maithem n-anacail roshirfed, no an comland dochuirfed riu. Acht chena isi comairli dorigne. Rochuir de an corp rabai fair .i. corp Partanopeuis, &ersir; rochuir a craicend tren tigrigi robai uime ina laim chlí, &ersir; a claidim lainderta lasamain ina laim deis, &ersir; doimpo fan samla sin risna sluagaib amal leoman lanfhergach risna gabaid gaisgedaig arna chrad 'ma chuilenaib, conid cuma leis bas &ersir; betha d'fagbail. Imacomraig do andsin &ersir; Ampion airsid Tiabanda re hag &ersir; re hirgail, &ersir; tug Ampion andsin beim claidim do Dimas, cor-ben a lam clí comnairt 'ga gualaind de, &ersir; rothairrngedar na Tiabanda corp Partanopeuis uadh. O 'dchondairc-sium immorro sin, robai co truag toirrseach ag iarraid chuirp ag iarraid a tigerna orra, &ersir; asbert ríu: Ar na deib rib, a fhiru, ar se, denaid faelleas risin corp tairrngtai, &ersir; tabraid mo chorp-sa d' enaib &ersir; do eathaidib, uair is cora ina an corp fuil agaib. Is andsin doraid Ampion ris-sium: Leigfigther corp do thigerna duid, &ersir; leigfigther tú fein as mar tai, da mbraite &ersir; da treigtea na Gregaig damsa. Rafhregair Dimas dosum, &ersir; is ed doraid: Ní dingnind-si, trá sin, gidead roanced mo thigerna 'na bethaid, &ersir; mé fein can olc do buain rium. Et is cuma adbert-sam sain &ersir; roleig a ucht &ersir; a urbruindi 'ma claidim n-urnocht, co fuair bas and fo chetoir. Cid tra acht rothuitsed amlaid sin .i. Opleiius &ersir; Dimus, tre cuibdi a comaid amal rothuitset tall Nisus &ersir; Euriallus do Throigiandaib a marloinges Aeniass antan romarbsad munter Tuirn an dara fer dib, amal indister ar loinges Aenias.

Et asa haithli sin dochuir Ampion fesa uad co Teib d' indisin na scel sin innti, &ersir; dochuaid fein roime d' forbaisi ar longfort na nGreg &ersir; do thogbail na cenn sin doib.

Is andsin dochonncadar na Greig chucu Tiodomas ramarb na foraireada, &ersir; sé subach sirforbfaeilid ag comaidem na ngnim doroine, &ersir; tugad leosam ilacha aithise &ersir; gairi comaidme is maraen ris, &ersir; antan robadar amlaid sin ag comaidim a coscair, is and romothaigsed Opliius &ersir; Dimus do beith 'na n-ingnais. Rafhas guba &ersir; geran aco, o na facadar na firu sin.

Imtusa Aimpion Tiabanda, immorro, tainig roime no co riacht a comfhogus don longphort, &ersir; o 'dchonnairc na hara aidbli dona Tiabandaib, rosocht air co mor, co nar-b athlam ré himtheacht, &ersir; co nar-ba cubaid comraith ré méd na cumad dos-fanig iga faigsin, &ersir; roimpo a chetoir andsin, &ersir; tainig ar culu dochum na Tebi.

Imtusa na nGreg, immorro, roeirgedar co hathlam agarbh dar doirrsib a longfuirt do dul dochum na Tiabanda, &ersir; is and dochuatar tré lár in armuig tucadar a munter isinn aidchi reime sin. Ba subach tra íad-sam 'ca faicsin amal dotoglaidis tigi &ersir; treaba na Tiabanda uile.

Is andsin ronert Capaneius gasrada Greg um dul do thren-fobairt na Teibi, &ersir; as ed adbert ríu: Eirgid, a oga, ar se, maraen riumsa, uair as fada atú can mo bladh &ersir; can mo mornert do thogbail ag togail na Teibi. Uair is í mo deslam daithgel daingean is dee damsa, &ersir; is é mo chlaidem cruaid curata as cumachtach dam. Et o raraid-sium sin, rochoimeirig Adraist ant airdrig co croda curata, &ersir; Poilinicseis mor mac Eidip .i. loingsech na togla, &ersir; Tiodomas mac Meinelampuis, &ersir; da mac Iasoin mic Easoin .i. Toas &ersir; Aeunios, &ersir; Agelleus mac Earcail. Et tangadar co tren mórtindesnach co muraib na Teibi, &ersir; antan rangadar an cathraig, is and dobai Ampion echtach aga indisin dona Tiabandaib a faraireadha do marbad dona Gregaib. Et doriachtais andsin gasrada Greg can rathubad co mbeidis ar lar na Teibi, minbad an milid menmnach Megareius d' iachtad &ersir; d' eigim forra do muraib na cathrach, &ersir; is ed doraidh: Duntar &ersir; daingnigter lib, a firu, ar se, doirrsi bar cathrach, &ersir; ataid bar namaid da bar n-indsaigi .i. sloig menmnacha na nGreg.

Is andsin doeirgedar na Tiabanda, &ersir; roiadsat doirrsi a cathrach a chédoir, acht aendorus nama .i. Ogis; &ersir; dosiacht Etion do Tiabandaib a aenur da iadad a n-agaid na nGreg, &ersir; antan robai 'ca dunadh, rathriallsad ogbaid arnaid Spartana dul tairis ar eigin. Is andsin rofhobair Eichion co feramail iád, co rathuitsed treínfhir ar tairrseach an dorais do thres an Tiabanda sin daib .i. Eicion. Is iad so fa ferr dothuit andsin do Gregaib do laim Eichion .i. Panapes a telchaib tondglasa Taigeit, &ersir; an snamaigi soinemail o sruth Oureota .i. Ebalus, &ersir; ant airsid engnamach Alcidamas. Et fa tren a tres an lochta sin ar tairsig na Teibe, gein no co riachtadar an dias so do Tiabandaib d'foirithin Echioin .i. Acron &ersir; Almentes, cor-iadsad ar eigin an dorus. Et bá hadbal easbaid ceachtar an dá sluag sin, uair rofagbaid drem do Thiabandaib ré dorus amuich ré teindesnaigi rohiadad an baili. Rabadar dono drem thall do Gregaib can rochtain amach dochum a munntiri, uair dothuitsed thall isin baili gaiscedaig do Gregaib .i. Ormenus &ersir; Amantur, &ersir; rodichendad leosan an gilla sin, uair is amlaid robai &ersir; muintorc alaind orda 'ma braigid.

Imtusa, immorro, na nGreg, rothogladar &ersir; rodianscaileadar mur n-imeallach na Teibi risin ré sin, &ersir; rodruidsed andsin curaid &ersir; coisigida na nGreg a comfhogus do muraib na cathrach. Uair ní roichdis a n-echrada tar na clascaib coimlethna robadar 'na thimcheall. Rabadar dono na Tiabanda ag daingniubad a cathrach, coma hadbal fuaimnech na sabad ag suidiugud tresna slabradaib ag drud &ersir; ag dluthubadh na comlad n-adbal n-umaidi ré doirrsib clochta comdaingne na cathrach. Rabadar dono drem do Gregaib andsin ag dibragad soigead teintigi a mullaigib tor &ersir; tiged na Teibi da loscad. Rabadar dono drem ele dib 'ca togail &ersir; 'ca tollad asa hichtar &ersir; sceallbord do sciathaib 'na timcheall. Ralinsad immorro na Tiabanda taibleda na Teibi do didin na tor &ersir; na tigead. Raba doilig fulang fuithib isin uair sin, ar imad arm n-examla ag dibragad uaithib dochum na nGreg. Ratheilgsed slega suainmecha sodibraigthi, &ersir; soigde imluatha eitecha, &ersir; clocha cruaidi comamais, &ersir; mill lanmora luaidi; &ersir; ba he an dlus na fras sin rotheilgsed na Tiabanda ag didin a cathrach, cor-bó comdluith ré cethaib cruaidi clothneachta a n-airm &ersir; a n-ilfhaebair ag buain dar aigthib sciath &ersir; dar cathbarraib cruaidi na nGreg. Ní har time na ar teichead dochuaid sin dona Gregaib. Acht tugsad a n-aigthi co dluith &ersir; co dichra re cnis na cathrach, &ersir; robadar 'ca trentogail. Is andsin dorala Anteius croda curata do Gregaib timcheall na cathrach, co tarla sleg trom Tiabanda 'na uchtbruindi da indsaigid, co rasráin asa charbad amach é, co rabadar a chosa a llenmain a rothaib &ersir; a refedaib an charbaid, &ersir; cor-timchill an cathraig fon samla sin, &ersir; co fuair bas arsin. O 'dchondcadar immorro na Greig sin, tugsad gair badba buaidirthi os aird, &ersir; roseindid a sduicc croda cathaigthi leó, &ersir; roroindsead a sluaga ider doirrsib na Teibe, &ersir; robadar 'ca dianscaileadh.

Ba hadfhuathmar tra re heisteacht isinn uair sestan &ersir; seisseilbi na Tiabanda sechnon na sencathrach ar med na heagla ros-gab risin trenfhobairt tucsad na Greig 'na timcell, &ersir; rolinsad tigi &ersir; teampaill na cathrach sin, &ersir; robadar ag duba &ersir; ag domenmain &ersir; ig imraitib ilearda atarra. Et dobadar drem dib andsin 'ca rada an rigi do thabairt do Poilinicseis ré head na bliadna sin &ersir; Eitiocleis do cur ara char &ersir; ar indarba uaithib. Adubairt drem eili dib nar-bo choir an comairli sin, &ersir; gid hí donidis, na gebad Polinicseis uaithib, no co tairsed forra cach egoir doronsad ris. Acht is fair desid leo a fisid fhireolach da thabairt da n-indsaigi .i. Tiresias, &ersir; firinde faistine do denam doib.

Is andsin doerig Tiresias, &ersir; doraid ré a ingin .i. re Manta: Dena altoir idbarta duind, a ingen, &ersir; fhado teinti. Et dorigne in ingen sin, no co tairnig lé.

Is andsin adces taidbsi nathrach ar barr uachtarach na lasrach roeirig dona teintib, &ersir; is tresin ngnim sin rothuig Teresias fuagrad na faistine, &ersir; rahadnad é andsin o fhis &ersir; o fhaistine. Et is ed doraidh risna Tiabanda: Da nderntai cach ní ader-sa rib, bud lib coscar don chur-sa .i. in duine as só do síl Chaithim, mic Aigenoir, d' idbairt dona deib, &ersir; dobad mó cin don duine sin fortacht &ersir; foirithin d' fadbail dona Tiabandaib trena bithin.

Adchualaid sin Creon curata do shil calma Caithim, &ersir; ragab eagla mór hé ar bithin, uair doshail comad hé a mac fein nohidbortha andsin .i. Menetius. Uair fa hé sin fa só aco-sam don shil rigda do claind Chaithim mic Aiginoir.

Et adbert Créon andsin risin fisid: Ceil an gnim sin, ar se, &ersir; na labair ní as mó é. Rabai immorro an fisidh 'na thasd ar sin. Et o rabái, ragabsad Tiabanda uili a n-aenfhecht lama air um thuilleadh fhís do denam doib.

Raeirig andsin Teresias &ersir; a ingen Manta, &ersir; ragabsad fial falaid tairsib, no co riachtadar co hairm a roibi Meneitius mac Creoin, &ersir; is and robái an gilla i dorus do doirsib na cathrach &ersir; dirmata diairmigthi do Gregaib ar na toitim leis &ersir; Emon echtach a brathair ag cathugud araen ris andsin a comais ar chena. Ni roibi dib nech bad aili na bad erergna inas an gilla sin .i. Minceius, &ersir; asbert andsin ris Manto ingen Tiresiais: A gilla, ar si, ataid na dei 'cot iarraid dod t' idbairt daib tar cend na Tiabanda uili, &ersir; fagaib an corp tromda talmanda atai, uair is ferr duit beith i nn-ingnaib roglanaib richid ar t' edparid dar cend t'atharda. Rafaem-sam trá sin on ingin, uair ba maisi leiss a oiged fein ar socar d' fadbail da athardaib, &ersir; tainig roime co tindesnach co larmedon an baili d' agallaim a mathar &ersir; a athar. Et o rainig, robái a athair 'ga agallaim, &ersir; is ed roraid ris: A mic, ar se, na herig in turus teigi, uair is breg uili cach ní raidis Teresias rit. Nir-faem immorro Menetius anad, ge rabai a athair aga fhastod, &ersir; tug ceilg ima a athair, &ersir; is ed doraid ris: Ní risin toisc sin triallaim dul itir, ar se, &ersir; ní hed rom-greisfed Tiresias da rad rim. Acht is ed roimluaid mo brathair do guin do Gregaib .i. Emon, &ersir; a nirt eisimail tugsad uaithib he, &ersir; erigid-siu 'na agaid, uair is comfogus bas dó, &ersir; ag so misi d' iarraid an primlega .i. Eicion da indsaigid. Radeiligsead amlaid sin, &ersir; tainig Creon roime co cumthach cuntabartach d 'iarraidh a mic eli.

Meníceius immorro o radealaig a athair ris amlaid sin, tainig roime co tricc tindesnach no co ndechaid ar mur na cathrach, &ersir; o rasiacht, ralabair o soine gotha moir, &ersir; is ed asbert: A dei da tabraim-si me fein, ar se, tabraid eigin coscar an chatha &ersir; an tachair-si uaib do Thiabandaib. Toirrnid &ersir; trascraidh gasrada gruadhglana Grec ar co taethsad leo-sum iád. O daraid-sium sin, roleig eislind a chuirp 'ma chruad-rind a chlaidim coma forderg fuilidi mur na cathrach da fuil &ersir; da indib. Rugsad na Tiabanda a chorp chucu anund isin cathraig, &ersir; rafhagsad hé a tig a athar ar ndenam a admolta, a cheapoigi caintige, &ersir; dochuadar rompo dochum an chatha ar sin.

Raeíg, immorro, &ersir; roiacht a mathair os cind an gilla, &ersir; is ed roraid: Ba dimain damsa trá a mhic, ar si, m' aileamain co honorach ort, &ersir; nir chosmail mo chlann &ersir; clann colach Iochasta, ge ramarbad mo mac-sa &ersir; a mic-si co slan .i. Eidiocleis &ersir; Polinicseis. Et robaí-si ar na himraitib sin no co tangadar a munnter da hindsaigi &ersir; go rugsad leo ana tech leptha hí, &ersir; rabadar 'ca coimdingnad and.

O rabadar na Tiabanda risna gnimaib sin, rogreis an trenmilid Capaneius gasraid na nGreg dochum dorais na Teibi, &ersir; imasai fein fo na sluaghaib, &ersir; rothimchill &ersir; rothrascair marcacha na Tiabanda. Rathanaid &ersir; rotrenmarb na curaid concingdis da cois im doirrsib na cathrach.

Cid tra acht fa trascairthi tuir &ersir; tigi dona cairrgib comora rodibraigead an trenfer sin isin cathraig, &ersir; ba brathbristi buidne da bemindaib claidim an curad sin, &ersir; ba suaichinti slesa saerchland arna sarguin ona slegaib roteilgead. Et is ed ba samalta ré Tiabanda andsin coma hiad na secht rigmilid do Gregaib dothuit leó na beidis a n-aenfhecht aga dimchillad &ersir; aga trenmarbad donn aenfhuabairt sin tug Capaneius oirtho. Uair is cuma romarbad iad ider og &ersir; shen, mnaib &ersir; mindainib, co na handais curaid na cathmilid ara chind do comrag ris, &ersir; coma hadfhuath ré cach nduine seal ar-sithsillead ré méd a graine an Gregda sin.

Cid tra acht ní ba tualaing fisid na fireolach admolad echta in fhir sin, mana beidis na dei co duthrachtach 'ca degcuimneachadh daib. Et is é méd na menman rus-gab cun chathugud conar-ba miad na maisi leis tachar ré trebaib an talman acht re deib nuaglana nime. Et rabái andsin Capaneius ag fegadh arin n-aer n-ard n-anfenach osa chind, &ersir; adchondairc da ralaig mbeaca aimreidi comard ré cloich na cathrach a comfhogus dó, &ersir; is ed doraid-sium andsin: Ni leigeand am mo mormenma dam, ar se, can dreim riu so, co findar ona deib an ba tarba do Thiabandaib an duine ramarbsad 'na n-anoir, &ersir; co findar an fuilid na dei fein do niadh no do nirt. Et rodring co subach forfailid asa haithli sin co mullach mur na cathrach.

Sochtais immorro ar Thiabanda 'ca fhaigsin 'na sduaig agmair urbadaig amal nothisadh an la buaidirthi bratha do murad a cathrach 'na cendaib, &ersir; gid ead tugsad a n-aigthi air, &ersir; rodibraigsed he a tigib &ersir; a taibledaib na Tebe do railgib romora &ersir; do chlochaib comamais.

Faelait-sium trá na frasa firmora sin confertais na fir fair, &ersir; cothaigis and amal charraig coimnert iter buindedaib ruadha rabarta na saebsruth aga sitladh, &ersir; o rascuirsed na Tiabanda na frasa sin de, ragab-sam ag tainsium &ersir; ag tarcaisi moir forro. Doraid riu: Cuich ar bad tor, ar se, na muir thana Tiabanda-sa do thrasgrad &ersir; do thoirnem dochum lair? Et cuma adbert sin &ersir; rathrascair na crandoga comdaigne claraid &ersir; na taidbli deaftha badar bar mur na cathrach a cendaib na Tiabanda, &ersir; rabai tra fan samla sin ag trasgrad na Teibi da mur &ersir; da mullach.

Is andsin dono robadar caraid chumachtacha na Tiabanda &ersir; caraid chumachtacha na nGreg ag agallaim Ioif, mic Saduirn, &ersir; cach dib ag iarraid fhoirithne da charaid. Is iad trá robai andsin ac congnam ré Tiabanda .i. Apaill uasal, mac Ioif, &ersir; Beinir banchumachtach, &ersir; Baich brigach borrfadach, &ersir; Ercail anrata, mac Ioif. Is iád immorro rabái ac gabail re Gregaib .i. Iunaind ilchrothach &ersir; Menarba morchumachtach, &ersir; Pers primeolach mac Ioif, &ersir; Dane ingen rig Greg a mathair. Rabái trá Ioif co firen iter an lucht sin can chungnam ré neach seach aroili dibh gein no co riacht Capaneius he, &ersir; is ed doraid Capaneius, uair ní fhuair tachar o Thiabandaib ait a mbaí ar mur a cathrach: Cait a fhuilid itir, ar se, dee meta mertnecha na Tiabanda .i. Apaill &ersir; Baich &ersir; hErcail? &ersir; ní da ngresacht, ar se, uair ní miadh lium, acht, a Ioif chena, ar se, as rit-su as dingmala lium tachar, &ersir; tarr dom indsaighi, masad cumachtaig ar saignenaib.

O 'dchualaid Ioif sin, tibis gen gairi, &ersir; raidis ar sin: Is granda an gresacht daberi foraind, &ersir; is coir t' olc do denam. Et asa haithli sin tug Ioif neoill chiuine comdorcha &ersir; tuairseacha tromfleachaidh ar dreich thalman, conar-ba leir tulcha no tigi na Tiabanda isin tan sin. Et tainig trid sin torand bres bresbratha uas cind na Teibi .i. feib co ngluaised firmaimint asa slatrach &ersir; asa suidiugud. Rabaí immorro Capaneius can gluasacht arin mur risin, gein co rasoillsigsead saignena teintighi ag tuitim ar dreich &ersir; ar tuagebair an talman.

Is ed doraid-sium 'ca faigsin: Is coir immorro, ar se, tenta mar so d' fhacbail do Thiabandaib, &ersir; dogeb-sa aithin-neada adanta &ersir; dairgi dossacha ar derglasad anoss da ndibragad doib. Et antan rabái Capaneius ag an bogasach briathar sin, darala chuigi soignen crithrech corcorderg, cor-chuir a chathbarr da chend, &ersir; co rascailt a sciath o bili co bord, &ersir; co rachomlas a chorp fein uile o chind co bond. Atchondcadar na catha cechtarrda sin, &ersir; roscuchsad da cach leith o muraib na cathrach ar imgabail chuirp an churad do thoitim forra. Et dorochair andsin Capaneius tar mur na Teibi amach, co roib sligi a chuirp ar na loscadh an conair rothuitt do mur na cathrach, &ersir; co fhuair bass amlaid sin o saignen Ioif ar in morbrethir doraid ina agaid. Et rochomlas an mag firalaind ferach ara roibi do lasraig a chuirp. Cid tra acht fa coir dona cineadaib cuimniugud gnimrad an gilla sin &ersir; dona deib a admolad da eis, uair ní toit fer la nert cet curadh min bad dei do dinguail.

O darochair tra Capaneius, rochuir Ioif mac Saduirn dorcata do dreich an talman. Rathimsaigsead na Tiabanda uili co haeninad, &ersir; tangadar a mna &ersir; a macaim a tigib &ersir; a templaib, uair nir-lamsad eirgi coruigi sin re gairbthreas Capaneuis doib. Rameabaid immorro do Gregaib andsin on chathraig, &ersir; cena ni har teithead na Tiabanda sin, acht ar eagla Ioif mic Shaduirn da loscad mar doloisc Capaneius.

O 'dcondcadar milid menmnacha chlaindi Caithim mic Aigenoir sin, ralensad co longphort &ersir; co lepthaib iad, &ersir; is iad so rolen ar tus iad do Thiabandaib na Gregu .i. Eourimedon óg anrata mac Pain, &ersir; Lapidus lanchalma, &ersir; a mac maraen ris .i. Alatriius; &ersir; rochuirsed na treinfhir sin ara aidbli ar na Gregaib, no co rangadar a longphort. Et rabadar ag forbais forro iarsin. Ba hingnad isinn uair sin udmailli na tuicten, &ersir; na fir robadar isinn uair roime ag forbais ar na Tiabanda beith daib-sinn ag forbais forro-sam a chedoir o rathuit Capaneius. Et is iad dothuit ré Tiabandaib 'ma doirrsib an longphuirt sin an ogbaid thangadar a cathraig Ercail a sochraidi na nGreg no cor-erig ant airsid engnama .i. Enipeius, &ersir; co raseind sdocc comairci dona feraib do dul isin longphort anunn ar teithed na Tiabanda, &ersir; mar dobái Enipeius ag seinm a sduicc, tarla saigead croda corranach da indsaigid, co rus-fagaib can anmain, &ersir; co roibi a sdocc fas ag fogrugud da eis.

Comrag rig na Teibi &ersir; rig na togla andso .i. da mac Eidip .i. Poilinicseis mor &ersir; Eitiocleis óg anrata.

Is andsin roerig an badb granna geranach thindesnach thuasanach .i. Tisipone, a hichtar ifirn, do thendad &ersir; do thinninus na da derbrathar sin a cend aroili .i. Eitiocleis &ersir; Polinicseis. Et o nar-sail-si a rochtain lé a haenar fuailfed feirgi na deisi sin do thabairt os aird, raleig gairm ard adfhuathmar ara síair mengaig míchuirtig .i. Megera, &ersir; o 'dchualaid Megera sin, doerig co hathlam a haitib islib an aibne Oirc, &ersir; o dariacht dochum a sethar, asbert fria Tisipoine: Misi dochomor na catha cos aníu, ar si, iter an lucht sin, &ersir; ber-si do roga anois cia dib gresfi dochum an chatha. Acht chena is cora Eitiocles do legad dam-sa, uair is aigi ata a mathair &ersir; a shiur ac astad, &ersir; imtig-siu romad dochum longphuirt na nGrec an loingsig Poliniceis da trengresacht. Rascar thrá cach dib re 'roili andsin co firluath foluaimneach, &ersir; táinig Megera roimpi dochum Poliniceis, &ersir; ragab deilb a bancheili fuirri .i. Argia ingine Adraist. Et is and dorala Polinices dí go dubach dobronach a ndoras an longphuirt, &ersir; snim &ersir; sirimradud an chatha co mor ara menmain, &ersir; cuma a charat chomaind air .i. Titt mic Aeniasa. O 'dchondairc-sium andsin Megera, &ersir; sí a richt a bancheli, ba hingnad leis, &ersir; asbert fría: Cred teigi, a ingen, ar se, &ersir; ca toirrsi ara-tai? Ni thug sí fregra air-sium, &ersir; o na tug fregra air, dothuig cur-ba taibsi sin. Uair nir-shail a bancheili fein do thorachtain o gortaib Greg conuigi sin da indsaigid. Et gid ead robuaidir an badb sin Polinices coma ferr leis cath &ersir; congal d'fagbail isinn uair sin ina rigi &ersir; flaithius ar an Teib tondglas cona tuathaib togaidi. Et rainig roime co tindesnach d' agallaim a clemna .i. Adraisd, &ersir; is ed daraid ris: As fada dam-sa, ar se, cor-chinnius comairli tar eis mo charad, &ersir; dursan nach and doronus comairli &ersir; mo brathair an cetla tangadar Greig dochum na Tebi, ré síu dofaetsad a dorchair adraind. Et dogen-sa anoissi, ar se, comrac &ersir; Eitiocles, &ersir; na toirmisc-siu umma a denam. Et slainti duitsi, a airdrig, tar m'eis &ersir; do maithib na nGreg ar chena. Ba comthoirrseach tra na curaid don cheleabrad sin Poliniceis, &ersir; dobai Adraisd 'ca choimdignad &ersir; 'ca fhastod, &ersir; nir-an-sam aigi, uair dobai an bodb aga buadread .i. Megera, &ersir; is ed aderid ris: Na fuirig, a gilla, ar si, &ersir; ata do brathair Eitiocles agad tograim &ersir; ag tindinus do comrag &ersir; do comlann rit. Is andsin immorro doerig Polinices co tricc tindesnach, &ersir; rogreis a each dar muigib minreidhi, no co rainig cathraig na Teibi.

Dala Poliniceis conuigi sin.

Imthusa Eitiocleis rig na Teibi is amlaid dobai ag denam idbarta anorach do Ioib mac Saduirn tar chend choscair do Thiabandaib, &ersir; robai ag slondad charadraid Ioif &ersir; na Tiabanda. Et antan rabai amlaid sin Eitiocles ag denam na n-idbart, rosceind crithel chirdub do teinid na hidbarta, co raloisc a chathbarr &ersir; ghruad an righ. Et o robái-sium amlaid sin, tainig techtairi co tren &ersir; co tindesnach da indsaigid .i. Efithus, &ersir; is ed doraid ré hEtiocles: Toirmisg co luath na hidbarta, ar se, &ersir; doriacht do brathair co dorus na Teibi dod t'indsaigi, &ersir; ata 'cod gairm &ersir; 'cod grennachad a aenur do chomrag &ersir; do chomland rit. Adchualaid immorro Eitiocles sin, &ersir; roerig co fergach feramail, &ersir; nir-ba miad les an scel doriacht da indsaigid. Et tangadar andsin chuigi a curaid comlaind &ersir; a gnathamais comaidechta, &ersir; is ed doraidsed friss: An, a airdrig, ar siad, ad rigshuidhi, &ersir; bí co fosaidh forbailid, &ersir; dingebamaid-ne do bidbaid dit, &ersir; rofaeth ante fogres comland fort. Acus doriacht andsin Creon cumachtach da indsaigid, &ersir; ní do thoirmisc an tachair rothriall, acht rogab for athisib bhriathar do thabairt ar Eitiocles aga tennadh &ersir; aga threnghresacht dochum an comlainn. Acus is ed doraid ris: Ní bí sid na suba isinn atharda-sa, ar se, gein bei-si a rigi forra, &ersir; is lor lat ar mic-ne &ersir; ar mbraithri do thuitim a cathaib &ersir; a n-irgalaib dar do chend, &ersir; tú fein co timteicheach ar imgabail do brathar, &ersir; seisium agad grennubadh-sa a ndorus na cathrach.

Rafhregair Eitiocles co fichda fergach do Creón, &ersir; is ed doraid fris: Ní hí tra cuma do munntiri dobeir ort-su sin da rada, acht dob ail let fein beith isin rigi-si, da faethaind-si isin comrag. Et, a fhiru, ar se, trelmaigi m' armu dam uaib co fheraind comlann &ersir; an curad croda ata 'com-gresacht .i. Polinices, &ersir; damad coscrach mé on chomlann dotairisinn ar Creon a fhuigell ainindeach egoir. Agus in am rabai Eitiocles ar na himraitib sin, is and doriacht a mhathair .i. Iochasta, co hanband acaintech da indsaigid, &ersir; a lama langela ar lethad, &ersir; a bruinde taitnemach tarrnocht, &ersir; intan rosiacht chuigi amlaid sin, is and dobái in gilla ac gabail a arm &ersir; a chatherriud comraig &ersir; comlaind uime, &ersir; a each siblach soérmach ar sibal ina srian a laim a arad ina fhiadnaisi. Is ed immorro doraid a mhathair ris: Uch, a mhic, ar si, ca dasacht rod-gresand do chomrag red bhrathair? &ersir; cá leth rachus antí bus coscrach uaib isin comland arm ar marbad aroili? Et is ma chin da bar n-athair aniu beith a n-ingnais a shúl ré síu beith ag fegad bar comraig &ersir; bar comlaind a mhacu. Et bennacht ort, ar si, urderg do laim eisium-sa ar tus &ersir; imir bas oram ré siu adcear taeb do bhrathar ruisti rotholl uaid, ina do taeb-so uadha-sum arna tregdad dosan dosam. Ba comrath re carraig amh disi sin, &ersir; ba robad do breith do troich; uair ge raeist a mac ria, ní rus-faem ní dar-labair ris. Is andsin tainig in óg fhial ilchrothach .i. Aintigoine, siur na mac sin, can fhis can airiubad do neoch isin cathraig, no co riacht ar mullach an muir, &ersir; a haiti cianaesta comairleach maraen ria .i. Forfass. Et imar thainig sí andsin, adchondairc uaithi a brathair .i. Polinices mor, mac Eidip, ag dibragad tiged na Teibi, &ersir; ag crathad na sleg ac sirgrendachadh a brathar. Et o adcondairc-si sin, iachtais &ersir; eigis co hard, &ersir; raidis ris: Ar na dee rit, a gilla, ar si, toirind t' fheirg, &ersir; orchis dod bunadchinel fein. Et ni bá maith th' fhir chatha idir, ar si, tar in ngrendugud doberi ar do brathair, &ersir; is eisium robai gus aníu ar anfir, uair dofheimid comraind crichi na feraind duidsi, &ersir; dothoirmisc do bhrathair, ar si, ar aslach a mathar fair can gliaid &ersir; can debaid do denam rit-so. Et bennacht fortsa, dena-sa oram-sa ar in cairdes fuil adraind ar chena. Et o raraid in ingen na briathra banda banamla sin re brathair, tanig taidhlech ar menmain an miled andsin, &ersir; toirrnis a arma, &ersir; fillis aradna na hechraidi ar culu, &ersir; tastais seal ag fegad na ingine. Et cuma rabadar-sum amlaid sin, ragreis an badb demnach dasachtach Eitiocles a coinde &ersir; a comdail a brathar dar dorus na Teibi, co racumscaigid comlada da corranaib, &ersir; co rathairrngid urrsanda na cathrach asa coimegur re trodgail na trenmiled ag tindenus araen ré a tigerna dochum Poliniceis. O rasiacht Eitiocles ar lar na faidchi fondglaissi na Teibe, raraid: A atharda na rig, ar se, .i. a Theib thondglas togaidi, is ag antí beres coscar as so aníu as cubaid do beith-siu.

O 'dchualaid immorro Polinices sin, ní ar time na ar teithed dochuaid dó, acht ar trenindsaigid a bhrathar, &ersir; ar tomaithem n-adbal do denam 'na agaid, &ersir; is ed doraid: A Eitiocleis, ar se, an cumain let can comall caradraid &ersir; can chomraind crichi da damthain damsa? Et ní fír catha agad am agaid-sea idir, &ersir; bá cora comland do chur rimsa ní bad thaisci ina torchair do rigaib &ersir; do rodainib adraind cosaníu. Ba hadbul tra misgais &ersir; formad in fhir isin .i. Eitiocleis ag Polinices aga fhaigsin ar a rigdacht concuingeadh dochum an chomraig, uair is amlaid rabái &ersir; buidhne diairmigthi degsluaig maraen ris, &ersir; cathbarr rigda ruithnigthech 'ma chend, &ersir; dillaitt dathchain deigdenmach co n-edaigib caema corcarglana ara eochaib aibind allmurdaib fa chruindsciath taidlech taitnemach fair. Et ger-ba hadbal re Polinices sin, ba rigda a arm fein &ersir; a errid. Uair is amlaid robai &ersir; edach rigda roalaind uime ar na cuma do mnaib minglana Meiginne do ré taidecht don turus sin, &ersir; airm suaichinta soineamla leiss ar na shlibadh co slemangér do gaibnib Greg, &ersir; each luthmar lanalaind fai. Et o raindsaigset na hair-sida sin ar aroili, roeirgedar amaidi duaibsechdemnacha fora n-armaib &ersir; fora n-echaib .i. Tisipoine ag tindenus Eitiocleis &ersir; Megera ag trengresacht Poiliniceis.

Rachrith an bé Neíd a heiteda crithrecha comlasta aca comgresacht, comdais lasracha lanmora taidleach na n-arm aga n-urnochtad agna curadaib dochum araili isinn uair sin, &ersir; rochrithnaig an talam trenadbal amal rothuitid asa hait &ersir; asa hinad ré taicim na trenfer sin dochum araili.

Raeirgedar andsin da fegad lucht na cathrach ar inadaib aibne oirechtais, &ersir; ar muraib ardmoraib an baili.

Rabadar andsin 'na fiadnaisi daescursluagh dubach digair na Tiabanda, &ersir; a seanoraig snimacha ag sirthoirrsi, &ersir; maithreacha taebnochta ag trenguba, &ersir; naidin go tai ag geran do gleó na deisi sin.

Agus tangadar andsin a hifirn anmann in neoch domarbad do Thiabandaib &ersir; do Ghregaib ar cath na Teibi, co ralinsad an mag morreid a rabadar na milid sin, &ersir; co rabadar ag faidib &ersir; ag fedgairi &ersir; ag foluamain co hadfhuathmar da cach leith umpu.

Adchualaid immorro ant airdrig Adraist can toirmeasg o Tiabandaib ar tachur na deisi sin, &ersir; ragreis a each aterro co hathlam da n-edarscarad. Et raidis and: A Ghregu &ersir; a Thiabanda, ar se, toirmisgid na fira-sa da fingail, &ersir; a Eitiocleis, ar se, cid ad eascara, an agamsa; &ersir;, a Pholiniceis, masa roshaint rigi fuil agad, ag siud rigi na nGreg duit &ersir; toirmisc do chomrag. Ní mó trá dochualadar-san sin na ralabairthea risin muir duasanaig turcarthaig can anad da glór &ersir; da gredan timcheall an betha. Agus o rafheimid Adraist dedail na deisi sin, &ersir; adchondairc a n-eocha tenda ag trenshibal, &ersir; a slega suainmeacha 'ca seoladh as a meraib seta sithgeala, roimpó uaithib dochum a longpuirt, &ersir; doleig coimdisli iter na curadaib da eís. Rabái tra an toici aga toirmesc thoitmi isinn uair bicc sin, uair dogresedar a n-eocha bá dó dochum aroili. Ní thug nech dib goin na aladh for a cheili re hathlaime a n-inggabala &ersir; re febhus in imditin tucsat na trenmilid for aroile, &ersir; roleigsed an tresfeacht a srein co lag asa lamaib, &ersir; rogreiseadar co hainmín na heocha i sboraib aithgera iarnaidi. Adchondcadar treinfhir thenda na Tiabanda &ersir; gaisgedaig gloindmera na nGreg. Racoimergedar do chosnum a triath &ersir; a tigerna isinn eigin irgaili a rabadar. Cid tra acht robái a tuicthi don dis sin tuitim re 'roili .i. Eitiocles &ersir; Polinices.

Tainig bandei int shida .i. Pax, do dingnaib roglana riched dochum na cath cechtarda sin, cor-ba subach sidamailatorra fein, co raleigsead comrag do Eitiocles &ersir; do Polinices can chungnam ré nechtar dib. Is de sin rahadandait ferga ficthecha firmora isna feraib sin, &ersir; roduraigestar na crideda croda cosnamacha dochum araili. Ba huchbad aín da n-oirechtaib beith ag fegad na fingaili sin. Uair ba cosmaili gnuisi na ngaisgedach fa cathbarraib ailli ordaigi. Ba hiardaigi aenmathar &ersir; ba haithni aenathar curaid croda cosnamach in comlaind sin, ger-ba ainindeach ré 'roili isin uair sin.

Is andsin tra seolais an rí ogal anrata .i. Eitiocles, an sleig taidlig dulfaebraig dochum Poliniceis. Fuirmis Polinices an sciath 'na hagaid cur-sceind di amal carraicc. No-bertaigis Polinices an sleig suainmig sithfada rabai 'na laim, &ersir; raidis: A dei nime, ar se, seolaid in urchur-sa &ersir; idberad-sa me fein daib as mo rigi ar mbreith choscair an churad so. Agus o raraid-sium sin, athchuiris uad an sleig, coma hairgi astoid on tsliasaid co 'raill do eoch Eitiocleis in birbodba sin. O ragonad int each, roling co hathlam, &ersir; robris a srian, &ersir; rogab ar luaimnig &ersir; ar lanmeraigecht, coma forderg forruad da fuil cach conair concingead. Failtigis Polinices don gnim sin, &ersir; greisis co hathlam a each da indsaig, &ersir; cu racomraigidar srein na heachraidi &ersir; lama na laechraidi &ersir; airm na n-airsed a n-aeninad. Et o racomraigsed, torbiris cach dib laim a timcheall araile, co rathuitsed da n-echaib, feib tiastais ré haill no re hanborus. Raeirgedar fo chetoir a n-aenfecht co hainmin agarb dochum araili, &ersir; rochomraig doib a n-ingnais a n-each. Et bá hé dlus a comraig cona facus fairgsi na fordelugud iter na feraib isinn uair sin, coma comcheangailti a cathbairr &ersir; a claidmi, &ersir; coma comascda lama na laechraidi ag trenoirrleach aroili, amar da leoman loindmera, no mar da thiger trena thnuthacha, no mar da nathraig níata nemneacha.

Cid tra acht rotholl &ersir; rothrengon cach aroili dib andsin, coma criathir chomtholl cnes chechtair de; &ersir; ger-b imda na halaid andsin arna hairsidaib, ní riachtadar gona aigbeili eislindi o cach dib ara cheili risin ré sin. Nir-bá cain tra cairdess na deisi derbrathar sin, uair fa santaigi re cechtar dib togail &ersir; tinnsadain fola a corp a cheili ina imdegail &ersir; didin a taeib bodeisin.

Agus is andsin tra furmis &ersir; fordingis Polinices mór mac Eidip in claidim claislethan curata rabai 'na laim a cnes a brathar co rug urraind n-eslinn trena chliab &ersir; trena cridhi. O raairig immorro Eitiocles a arrach desin, fuirmis a sciath ara scath, &ersir; triallais teitheadh asin tres, &ersir; a brathair d'imgabail. Leanais immorro Polinices é, &ersir; trenbuailis a sgiath air. Et raidis: Ca leth trialltar an teithed idir? ar se. Et is nair duit, a gilla, rigi &ersir; flaithius gus aníu agat, &ersir; loingsech lansiblach mar misi dod marbad. O 'dchualaid Eitiocleis sin, roimpo co cealgach cruadcrideach, &ersir; roleig tend a droma re tenntaib talman, &ersir; roindill a arm air anuas.

O 'dchondairc immorro na Tiabanda sin, tucsad gairi duba &ersir; domenman os aird, co roibi a macalla a fedaib &ersir; a foithrib na crich comfhogus.

Rothindisnaig Polinices dochum a brathar fai sin, &ersir; is ed doraid ris: Maith tra lium t' aiscin mar tai adrasta, ar se, .i. do rosc ruibnech roglas ag dorchachad ad chind, &ersir; do gnuis glan gruadalaind ac garbad &ersir; ac glasad fort, &ersir; airrdena ega ag taidecht dod t' insaigid. Et a firu, ar se, tabraid fleisc na rigi dam, co faicea Eitiocles am laim hí re siu bhagaba bass. Et is cuma doraid-sium sin &ersir; rothoirind ar Eitiocles do buain a airm &ersir; a edaig de da n-idbairt dona deib amal rogeall roime. Et imarro dobai-sium ana sduaig moir mileata os cind Eitiocleis ag triall a fuidb do buain de, saithis Eitiocles an claidim aniss a n-uchtbruinde Poliniceis, conisfagaib 'na chliab ar scaltad a chridi. Et fuair fein bass fo chetoir a ndiaid an gnima sin. Is ed roraid immorro Polinices ar tabairt na gona digla sin air: A mibraithir, ar se, as fata rochuimnigis do chealga &ersir; t' aininde, &ersir; tu re bruinne bais, no co torchar-sa let. Et o raraid-sium sin, torchair 'na cosair cró a cend a brathar, &ersir; fuaradar araen bass &ersir; oiged fochetoir isin choimlepaid sin.

O 'dchualaid immorro an seanoir dall .i. Eidip, athair na deisi sin, bas d' fhagbail do chach dib ré cheili, ba mór a uchbad &ersir; a eigen lais an scel sin do cloistecht. Et roerig co hoband &ersir; a ingen fá laim .i. Antigoine. &ersir; raraid ria: Maith, a ingen, ar se, tabair eolas dam co hairm a fuilet mo mic ar na marbad. Is andsin tainig in ingen roime tresin n-ar cosan inad a rabadar an dias sin .i. Eitiocles &ersir; Polinices. Et o rangadar na curpu, rofobradar nuallguba n-adbail do denam, &ersir; is ed doraid Eidip andsin: Is cumthach mo chridi-si adrasta os bar cinn, a macu, ar se, ger-sa miscais cos aníu sib, as inmmain atrasda; &ersir; scail, a ingen, corpu na fer, ar se, co loiger atorro ar medon. Et is amlaid doraid-sium sin &ersir; rosin an laim ag iarraid airm na miled da marbad bodein.

O 'dchondairc immorro a ingen sin, roedla uaid na harma, &ersir; rofholaig air iad, &ersir; o nach fuair-sium na harmu, rogab denmne &ersir; dasacht hé, &ersir; rabai ag guba truim toirrsig os cind na fher.

Imtusa Iochasta immorro .i. mathair na mac, tainig seig amach fa na faidib firtruagha sin &ersir; sedfine na fer sin 'na laim .i. claidim lethan Laiiuis, athar Eidip, &ersir; tainig leiss ar mur na Teibi, &ersir; roleig co comthrom 'man claidim sin hí, co fhuair bas 'sa chetoir andsin do chumaid a mac. Táinig immorro a hingen .i. Antigoine, &ersir; rabai a guba &ersir; a geran co mor os do chind. Ba truag trá an timtochell toicten doronad andsin .i. in lucht rochathaig &ersir; rochuiblengaig 'man rigi sin, nach iad dochaith a maithius na a somaine acht a n-escaraid; uair rorigsad na tuatha Tiabanda sin Créón curata do shil cosnamach Caithim mic Aigenoir andsin ar marbad Eitiocleis. Et ar bithin a mac do thoirbert fein tar cend choscair do Thiabandaib, tucsad-sam rigi don fhir sin, &ersir; is é cetsmacht rigi do ordaigh-sium andsin .i. can duine do Gregaib do loscad na d' adlucadh i tir na Teibi acht a leigin fá eathaidib áeoir &ersir; fa chuanartaib con allaid. Et raerig andsin Creón a n-agaid Eidip mic Laiiuis, &ersir; is ed doraid ris: Na tairr isin Teib, &ersir; na benad do chol na do chorbad rind, acht dentar aitt &ersir; adba duit a fedaib &ersir; a fhasach na Teibi, uair dothuitsed do mic tred mignimaib féin.

Sochtais bar Eidiph o 'dchualaid sin, &ersir; rolinad o feirg &ersir; o londus adbal é, &ersir; is ed roraidh co loindeach lanfergach: Is truag am linde, ar se, an toicthi Thiabanda dorochtain ag duiligthi mar thussa do chur a rigi &ersir; a flaithus tar eis na rig rodileas robái remad indti. Et robai-sium amlaid sin ag tainsium &ersir; ag tarcaisne ar Créon co moradbal.

Ralabair immorro Antigoine ré Creón, &ersir; is ed asbert ris: Tigead do chraide oraind, a Chreón, ar si, &ersir; na tabair dod t' airi briathra an duine doilig dicheillid-si, &ersir; dober-sa air, ar si, fognam &ersir; fomamugud deit, &ersir; ni leigfigther a teamplaib caema coisergtha na a n-inadaib aibne oireachtais ad t' fhiadnaisi-siu hé.

Cid tra acht tainig aignedh Creoin andsin ar briathraib na hingine, &ersir; raidis ria: Leigfer, a ingen, deit-si sin, ar se, &ersir; dentar aidi &ersir; adba dó i sleib Citharon a comfhogus don Teib, &ersir; bid andsin é can cheim isin cathraig-si d'ar n-indsaigi-ne. Et o raraid Creon na briathra sin, deisid ina rigda isin chathraig &ersir; maithi na Tiabanda maraen ris.

Imthusa na nGreg immorro, o thainig in adaig da n-indsaigid, roimtigsed a n-élod a n-urtosach na haidchi sin, &ersir; rofhagsad a longphort lanfolam &ersir; treba na Teibi da n-eiss. Nir-togad tra mergeda ré milid Greg agonn imthecht sin, na taisig ré na trenfheraib, na uirrig ré n-airechtaib, acht dochuaid cach dib ar athgairid eolais reime dochum a chrichi &ersir; a chineoil, &ersir; ba ferr daib na tiastais an tangadar.

'Ma Tiabanda, immorro, ba fada leo in adaig sin can cuirp a carad &ersir; a cumthach d' adlucud &ersir; d'anorugud, &ersir; ní thugsad da n-uid na da n-airi dala na nGreg in aidchi sin.

Et o tainig an la cona lanshoillsi arnamarach, raeirgedar co moch na Tiabanda, &ersir; dochuadar isin n-armach, &ersir; dobadar co cend tri lá &ersir; tri n-aidchi ag loiscib &ersir; ag adlucad a caem &ersir; a carad in neoch dothuit dib re Gregaib. Nir miad immorro ré Créon a mhac do loscad ider na corpaib sin na Tiabanda .i. Menicius; &ersir; dotinoilead ré Creón sceith &ersir; slega na nGreg in neoch rafhagbaid isin n-armuig, &ersir; dorindead leis aentine dib, &ersir; roloisced leis corp a mhic isin teinid adbail idbarta sin. Et o tairnig ré Tiabandaib na teinti sin do denam &ersir; na cuirp do loscad &ersir; d' adlucud, dochuadar 'na cathraig arsin, &ersir; dobadar co fledach fosaid inti.

Adchualadar tra banntracht na nGrec na scela sin, &ersir; adchualaid Argía, ingen alaind Adraist, ben Poliniceis a ceili do marbad and. Et o 'dchualaid, dothuit. Rothuitsed taissi &ersir; taimnella fuirri don sgel sin, &ersir; doerig eistib ar n-uair, &ersir; is ed doraid: Rachad-sa trá, ar si, co roisir an Teib con fhaiciur corp cnisgeal mo cetmunnteri can a legad d'ethaidib imluaimnecha aeoir na do chuanartaib craesacha con. Is andsin rochoimeirig-sí roimpi risin toisc sin, &ersir; nir luga snim a saethar .i. Defili, ingen rig Greg, ben Tid, mic rig Calidoine, ac cainead a fir fan samla cetna. Ba buaidirthi immorro bean Ipimedon dona scelaib sin .i. Neiccea a hainm, ingen rig na nAithininnsta, &ersir; nir luga easbaid Athlainti .i. mathar Partanapeuis, and, &ersir; ba chumthach dono bancheili Chapaneiuis .i. Euadne, .i. ingen in rig na nEberda. Et tangadar sin rompo co toirseach cumthach, &ersir; Airgia rompo, dochum na Tebi, &ersir; tugsadar Iunaind ilchrothach sligeda seachmaill seach na Greic dona mnaib sin .i. do sleib Ismos &ersir; do chathraig Eiusis.

Is andsin dorala aenfher do Grecaib ar cáe meraigthi dona mnaib sin isin sligid .i. Ornitus a ainm, &ersir; o 'dchualaid sestan &ersir; medair na mban, sochtais fair, &ersir; aithniss iád, &ersir; caidhis leo, ar ba mor a truaighe &ersir; raidis riú: A bandtracht gruadglan Greg, ar se, ca leth teigthi? Et an sailti amlaid anor d' fadbail agaib &ersir; ag Creon claencholach? Et is í mo chomairli-si daib can techt an turuis sin, uair ní leigfigter daib na cuirp da teigthi d' iarraid. Is ed si cora daib, dul co hairm a fhuil Teiss, mac Eig, mic Neptuin, ag sruth thondglan Tearamón, ar mbuaidchoscair catha andsin do bandtrachtaib borrfadacha na Sceithia, &ersir; abraid ris ar in mbaid mbunaid dul lib do digail bar cend ar Créon croda eolach. Et cuimnighedh dó bes co rotoit Partanapeus mac Meliager re Tiabandaib, uair comalta comgaiscedach dosum Meliager &ersir; ni maithfea do Tiabandaib mac a chomalta &ersir; a chompanaig do chomach.

O 'dchualaid na mná sin, robadar drem dib aga nertadh dul co Teib a chedoir. Rabadar dono drem eili dib aga rad bá cora dul co Teiss. Acht cena rochind Argia dul co Teib can fuireach idir ar gradh chuirp a chaemcheili, &ersir; asbert risna mnaib ar chena: Eirgid-si dochum Theiss, &ersir; sirid fortacht fair, &ersir; rachad-sa co Teib &ersir; m' oidi Menetess maraen rium, uair ataid seathracha &ersir; carait mo cheili innti. Et dodealaigsed amlaid sin, &ersir; dochuaid Argia &ersir; a hoidi isin sligid a tainig Ornitus tré fedaib foithremla fasaig &ersir; tresna cailltib dluithi doimtheachta &ersir; dar cnocaib cendgarba cairrgecha co riachtadar sliabh Penith a comfhogus don Teib. Et raidis andsin ria: Adar lium-sa, a ingen, ar se, as fagus an Teib duind, uair ad-cluinim-si anoisi brentada buaidirthi mora &ersir; foscad &ersir; fuaimneach na n-ethaidega ag eirgi dona habaigib isinn armach. Adchualaid in ingen sin &ersir; sochtais fuirri, &ersir; tug treall a thoirrse &ersir; ar comrath cumthach uaithi risin cathraig, uair tall ceill do rignacht na cathrach, &ersir; tainig asa haithli co tech aegairi ba coimnesa di isint sleib. Adhnais &ersir; fhadaigis di tiruairsin teinid bigi bai as dig, co racomlasadar na haithindeada, &ersir; o ralasadar, dobean-si aithindi dib, &ersir; roeirig sí, &ersir; dogab athinni crithrech comlasamain dib ré heolus na haidchi d'iarraid chuirp a ceili. Rathoirmisc Menetess uimpi-si sin conna faictis na Tiabanda taidlech in athindi isinn aidchi sin. Indsaigid in armaig arsin, &ersir; sirit co rafegaid co fuireachair leo cind curad arna comach &ersir; taib tholla trenfher &ersir; cnis gonta gaisgedaig na nGrec ag iarraid Poliniceis moir mic Eidip &ersir; na miled Grecach ar chena.

Is and doerig Iunaind ilchrothach a himdaid Ioif mic Saduirn d' iarraid fortachta &ersir; fhoirithni do Gregaib ar Menerba ar bande an gaisgid airm a roibi caithir Theiss, mic Eig, mic Neptuin. Et ag dul do Iunaind risin toisc sin, adchondairc Airgia, ingin Adraist, ag siredh in aír do churp a caemcheili a ndorcadaid na haidchi. Ragreis Iunaind andsin bandei na haidchi .i. Luna um soillsiugud do Airgia no ga fadba corp a fir. Is andsin rosoillsig luna maigi &ersir; tulcha &ersir; an talam &ersir; o rashoillsig, aithnis Airgia uaithi corp &ersir; cumthach a caemcheili Poliniceis, mic Eidip. Et saigis da indsaigid &ersir; adchondairc an mígne marbda bai fora ceili. Tainig anbaindi 'na hanmain &ersir; tam ar a tengaid &ersir; ceo cumad tar a rosc, &ersir; leigis 'na loigi fair hí, &ersir; pogais an gilla, &ersir; asa haithli sin raidis ris: Is truag atathar andsin adrasta, a gilla, ar si, &ersir; is at fudammanta firdoimne na halaid fiarledarthe confer do brathair fort, &ersir; fá tren damsa ag toirmesc umat in turais-sa &ersir; dursan nacha-ranais agam &ersir; biaid do mac becc 'com choimdingnadh tar h' eis .i. Tesanndrus mac Poliniceis, &ersir; ní ricfa ceili eili mo chneas-sa na mo choimleabaid tar th' eis ar th' inmoine. Et dursan ar coimriachtain intan conrangus icon cathraig alaind Adraist, &ersir; is fada bam comthach-sa dod bas ar t' eis.

Acus antan robai-si 'con nuallguba sin, is and tainig amach asin Teib Ainntigoine, siur Poliniceis &ersir; Eotiocleis &ersir; aithindi lasamain 'na laim ag dul d' adlucad a braithrech. Et is a ngoid dochuaid sí an toisc sin, uair nir-lamh ré Créón dul cosaird do loscad chorp a braithrech. Et o 'dchondairc Airgia a farrad na fer, labrais ría: Gabadh cia sud? ar si. Ní rafhregair Airgia di ar met a huaman. Labrais Antigoine an dara fecht, &ersir; is ed asbert: A duine, ar sí, nach gabad egla &ersir; misi Antigoine, siur na fer os atai a cind? &ersir; ar na deib rit, cid bé cia thú, tabair congnam dam a comlosgud a corp. O 'dchulaid Airgia sin, ba failid a haigned de, &ersir; dorigne a sloindead di, &ersir;: Masa thusa sin, ar si, is im-si Airgia, ingen Adraist, bean Poliniceis. Comaiscsit andsin a n-aenmaigin os cind na corp &ersir; comlaigid forro &ersir; badar and ac comrath &ersir; ac comtoirrsi .i. Airgia ag indisin scel &ersir; tesmolta a fir Poliniceis, Antigoine ag adhmolad &ersir; ag fhaisneis scel Eitiocleiss. Ba fada ré Menetes, ré hoiti Airgia, robai ina farrad, a comrath 'na inngnais &ersir; raidis riú: Caisgid bar comrath, ar se, &ersir; denaid iní ras-tangabair, &ersir; is deread don aidchi, &ersir; ata an lá ac coimthriall chugaib. Et is andsin doeirgedar a triur, &ersir; rotogbadar 'ma seach leo cuirp na fer sin Eotiocleis &ersir; Poliniceis co himlib srotha Ismen, rabai a comfhogus don Teib. Et o raglansad andsin curpu na curad o thondaib srotha alaind Ismen, fuaradar teinid a crand a comfhogus doib arna marthain tre chumachtaib na ndee and, &ersir; rofhadodar-sam tor teinead romoire do chrinach &ersir; do chomlasamain na cailleadh, &ersir; dochuirsed na curpu fuirri ba chetoir, &ersir; rabadar na cuirp ac comlasadh, &ersir; rodianscailsed, &ersir; rodelaig an teine &ersir; an buinde lasamain lasrach baí uastu a comartha eassaentaga &ersir; ainindi na deisi asa cuirp rabái fuirri. Et intan robadar fan samla sin, tainig torand bres adbalmor and, co rachrithnaigsed tuir &ersir; tigi na Tebi, cor-erigsedar fairiri &ersir; forcoimedaid an baili, &ersir; tangadar milid na cathrach amach ar an mag mor reidh. O 'dchondairc Meinitess, ragab eagla mor hé, &ersir; rabadar na mna agan teinid can eagla Chreoin na a muntire forro, uair ba ferrdi leó bass d' fadbail o rasiacht leó aní rus-tangadar. Et robadar aga indisi a n-ardchomrath atorra, co cluindis munter an rig mar thugsad leo na curpu co hairm a rabadar, &ersir; o 'dclos íad fan samla sin, docuas da n-indsaigid. Roceanglaid &ersir; rochuibrigid íad &ersir; rugaid a forcho-mal dochum Chreón cholaigh.

Dala Airgia mná Poliniceis conuigi sin.

Toichestal na mban nGrecach so sís.

Imthusa immorro na mban dochuaid d'iarraid fhoirithne ar Theis, mac Eigh, mic Neptain, rangadar co hathlum co cathraig Theis, &ersir; ni roiue Teis annsa chathraig in tan sin, &ersir; rofhiarfacht doib isin baili can a cinel, &ersir; cid ní risi ndechadar. Rofregradar-sam a n-aenfhecht, &ersir; roindisedar tachar na Tiabanda &ersir; na nGreg &ersir; claenbhreth Creoin can chuirp na nGreg do legan do loscad ná do lesubad 'na tir na 'na talmain.

Et o raindisedar na scela sin, is and dobaí altoir alaind idbarta ar lár an baili, arna coisegrad do dee na trocairi .i. Misericordia, &ersir; fidnemad fhoithreamail 'ma thimcheall. Et ní ba dilmain do duine dul chum na haltora sin acht do dainib uaisli robid i n-egindail &ersir; i ndochumal, &ersir; dochuadar na mna da hindsaigidh d' iarraid furtachta fuirri, &ersir; antan robadar ag iarraid a n-itchi um fhoirithin agon altoir, is andsin adchualadar an suba &ersir; in somenmain &ersir; na gairi comaidmi amuich ar an fhaithchi. Agus is é dobai andsin, Teis, mac Eig, mic Neftuin &ersir; coscur &ersir; comaidim na Sceithia tuaiscertaigi aigi o shleib Boir. Et tangadar amach andsin lucht an baili iter mnaib &ersir; feraib do fhegad Theiss um fhoirithin. Et uma robai-sium amlaid &ersir; sceith na Sceitheagda 'na thimcheall, carpaid &ersir; cloidmi na Cichloiscthi; &ersir; Ipoliti rigan na Cichloiscthi, a carbad chaemcheithirriada ar eachaib ailli allmarda aengela 'na farrad. Is andsin tangadar mna buaidirthi badbchaeintecha tamacha toirrseacha na nGrec dochum an gilla sin. Aithnigis-sium iad, &ersir; fiarfaigis scela dib. Rafhregair Euogeini, ben Capaneiuis, dó, &ersir; is ed isbert fris: A thren-milid, a Theiss, ar si, an cualadais ar na nGrec do chur do Thiabandaib ad ingnais &ersir; a righe do marbad? Et a hArgus tangamar-ni .i. a cathraig oireachais na nGrec, &ersir; ba hiad ar fhir-ni na riga domarbad andsin. Et rachind Créon ri na Teibi can a cuirp do lecin do loscad na d' adlucad 'na thir. Et ar na dei rit-su, airchis dindi, &ersir; eirig d' adlucud na n-abach sin do bunadcineoil bodein. Et a ndebairt in ingen sin, is ed adrubradar na mna uili. Fregrais Teis daib, &ersir; is ed doraid: Ba sidamail trá dofhagbus-sa na Greig antan dochuadus-sa gusan Sceithia, &ersir;, a Chreoin, ar se, cid mo choscar-sa 'dchluintea-sa, nír-bo choir duit an cinnead sin do denam. Et cuma adbert sin &ersir; doraid ré araid .i. Flegeius: Eirig romat co Teib a ghilla, ar se, &ersir; abair ré Créón adlaicter leis na Gregaig no fhrithailead cathugud rim-sa. Et ger-ba toirrsecha na sluaig, tangadar araen ré Teis da sluagad. Nir-leigead scailead na scandrad doib acht a mornertad ré Teís dochum na Teibi, &ersir; rothinoil fuillead sluag &ersir; sochraidi da n-indsaigid .i. fir indsi Barón do muir Thoirrian &ersir; indsi Maradón &ersir; indsi Piria &ersir; na cathrach Melena &ersir; Charna &ersir; Sermon &ersir; Salmis &ersir; Eiliusis. Et dono dorachad Ipoleiti rigan na Cichloiscthi isin tinol sin mina thoirmisced Teiss uimpi, uair fá torrach uad fein í. Et is e toirrches rouái aici andsin Uirbius mac Ipolite, &ersir; is ris atberur Uirbius Uirbibens his, &ersir; ni ho athair .i. o Teis mac Eig sloinnter in mac sin acht o mhathair .i. Ipolite. Et is e tainic a sochraidi Thuirn mic Duin i n-aigid Ainiasa ar cathugud na hEdaille &ersir; na Rutulla. Ar ba do Grecaibh bunadh-cinel Tuirn, conadh aire sin tainic Uirbius mac Teis &ersir; Ipolite a cathugud na Rutalla a n-aigid Troighinach &ersir; Ainiasa &ersir; do chumgnam le Rutallaibh. Et is e sin tindrem genemna Uirbius &ersir; is e roatnuighsit na dei fá dó iarna marbad tre fochann a lesmathar.

Et o dariachtadar na sluaigh sin co haeninad, is ed doraid Teiss riú: A firu, ar se, comdaingnigid bar n-aigenta, &ersir; teindeasnaigi co Teib can anad a llo no a n-aidchi no co roisti da hindsaigid. Is andsin roeirgedar an morsochraidi sin co rachrithnaig an talam ré miri na midach ba na milidaib &ersir; ré trethan na curad comnart ag comtindinus dochum an catha, cor-ba ród robuan ina criaid chomsuaiti cróderg cach mag reid roglas tara teigdiss an sluag sin, &ersir; ba soillsi slesa na sleibteg secha tigdis re taitnem na n-arm loindreach lasamain badar uastu, &ersir; ba hadbal a fogar bres isinn aér uastu, re crithgair a n-arm n-examla n-urnochta ag buain ré aroili. Et robái comtnúth mór acco ag cosnam thosaig do rochtain dochum na Teibi da togail. Ba suaithnigta an rí romor gasta roalaind 'ma roibi an shochraidi sin .i. Teis, mac Eíg. Uair is amlaid robái &ersir; dealba na n-indsed fair &ersir; na n-oilen &ersir; na cathrach rochosain, &ersir; dealb an muntuirc no an minituir ramarb i n-ínis Creid arna rindad a slesaib an sceith chuanda chobradaig rabai air, cor-bá buaidred da bidbadaib antan concingead cath sillead for an sciath n-ilbrec n-examail sin; &ersir; tangadar rompo fan samla sin dochum na Teibi can anad.

Imthusa na Tiabanda risi sin, rugad leo Airgia, ingen Adraist, &ersir; Antigoine, ingen Eidip, tar mur an baili amach da marbad. Et antan rothriallad an gnim sin, is and dosiacht Flegeius, gilla Teiss, da n-indsaigid; &ersir; is e in gille sin dothoirmisc na mna do marbad, &ersir; ní cet sida doshir acht is cath rofhogair &ersir;: Ag sin, ar se, Teis mac Eigh cona morsochraidi.

O 'dchualaid immorro Creón an scel sin, is ed doraid: Ba lór am do Gregaib ar-marbsamair-ne chena dib; &ersir; gid ed tised anoisi, fagebtha an cetna do denam riu. Et ní thairnig dosum sin do rada in uair adchondairc na claicthigi ciach &ersir; na neoill coilli comdluithi os na sluagaib tendtalchairda robadar araen re Teis. Greisis Créon, &ersir; tindesnaigis na Tiabanda do chur chatha re Teis mac Eig. Ba haidleasc amh ré Tiabandaib sin, uair fa ledarthi a lama. &ersir; ba tollta a taib, &ersir; fa creachtacha a cnís, &ersir; ba minaigthi mur a cathrach umpu; &ersir; gid ead roeirgedar ré gresacht a rig, &ersir; rothrélmaigsed a n-armu co hathlam.

Is andsin immorro rolinsad sluaig athlama echtacha na hAthaine re tosach an laí mag na Teibi tondglaisi 'na timcheall, &ersir; ba farrach daib ré fulang an brentatu buaidirthi roeirig dona hapaigib 'can athgluasacht fo a cosaib isin muig. Et raidis Teis aga faicsin: Ni maith, ar se, an anoir dorad Creon dona corpaib-si, &ersir; ní huasal dobai riu can a cuirp do loscad no d' adlucad, &ersir; ní coimdi duindi cath do chur an bail atad so, &ersir; tigid romaib ar inad reid roglan na fuilet apaigi, co laieam gléo and &ersir; na Tiabanda.

Is andsin coimindsaigid na catha ceachtarda dochum aroile. Tincaid na Tiabanda co tái toirrsech an tres. Indsaigid immorro na hAaithinnsda co tend tomaithmech an tres. Et togbais andsin Theis, mac Eig, an sleg Maratonda raibái 'na laim, coma samalta ré foscad fidbaidi firairdi anellchroda comdorcha craind na sleigi sin, &ersir; coma samaltha re rind roglan ruithnigthech soillsi slendand na s--leigi sin, consoillsiugad an mag ara rabadar na sluaig. Et o 'dchondcadar na Tiabanda an tómaithem sin, nir-fhulaing doib anad ris, acht roimpotar a mergedha maithsroill &ersir; romebaid raen romadma dib dochum a cathrach. Nír miad am le Téis lenmain an lochta sin, uair dochind can fer timteitheadach do marbad, &ersir; robadar daescursluag athlam Athaine ar chena aga n-oirrlech. Anais amh Olenius do Thiabandaib &ersir; Tamerus trenfer ag eisimal tar eis a mhunntire. Dibraigis Teiss co hindilldireach iat co torchradar leis. Is andsin dono roansad tri mic Ailisis do Tiabandaib re munntir Teis .i. Piliius &ersir; Elops &ersir; Iapix, &ersir; fersad comland riu, &ersir; fegais Teis an treas sin, &ersir; diubraigis can toirisim can toirmisc iad, coma triur tretholl arna tuitim da eis. Triallais Emon echtach mac Creón Teis d' indsaigid co hairm a roibi, &ersir; bertnaigís Téis ant sleig n-agmair n-urbadaig, &ersir; dobret urchar d' Emon di, co torchair can anmain an tres gaisgedach na Tiabanda. Gairmis immorro, &ersir; grendaigis Teis Creon, ri na Teibi, o guth mor do chomrag ris ar toitim a mic da laim. Tincais Creon croda sin, &ersir; impais a munnter leis. Athchuris Teis a munntir bodein uadh, &ersir; anais a aenur ar cind Creon cona munntir. Et raidis Creon ris: A gilla, ar se, ca dasacht &ersir; ca drochciall dobeir ort mo grendugud-sa do chomlond rit? &ersir; an faicend tu Tit, mac Aeniasa, mac rig na Cailidoine, ar toitim lind, &ersir; Ipimedon gruadsolus &ersir; Capaneius &ersir; Partanopeius &ersir; maithi Greg archena do thoitim lind? Et o raraid-sium sin, tug urchar dochum Theis cor-ben a mbili n-uachtarach a sceith. Tibis Teis gen gairi imi sin, &ersir; raidis: A anmanda na nGreg, ar se, fhoslaigid doirrsi adfhuathmara ifirn, co cuirer Creón chugaib ind. Et doteilg an sleig mor Marathonda bái 'na laim do Creon, cur-ben a n-eislind a chuirp tre berna a luirigi, co rug mili arrindi trena chnes. Tuitid Creon do goin an gaisgedaig sin can atharrach can atheirgi do, &ersir; raidis Teis: An tibri anois, ar se, cedugud comloiscthi ar chorpu na nGrec &ersir; inad adnacail doib? Et ber-si let sin, ar se, ad chintaib fein, &ersir; rod-aidlecthar cen cur-dligar a denam. Is andsin tra rotimsaigid na tuatha Tiabanda &ersir; oirechta na hAithine 'ma Teis, mac Eig, mic Neptuin. Et rocreidsit do uili &ersir; rachindsed a chumthanus andsin, &ersir; rashnaimsed sith suthain aterru, &ersir; rugsad leó Teiss isin cathraig, &ersir; roeirgedar mna &ersir; maccaeim an baili d' anorugud &ersir; d' admolad an gilla sin, &ersir; robai isin Teib re hed na haidchi sin.

Cid tra acht ba hairdri ar gasraid Grec Teis dar eis Adraist o Traicia a tuaigh co muir Repalia bhu dhes &ersir; o cind sleibe aird Olimp &ersir; o sruth roglan Re ? anoir co rind mara hAidhriadh siar. Na mna immorro rogabad la Creon rofhosclad dibh la Teis .i. Airgia ingen Adraist &ersir; Ismene ingen Eidhiph. Roan immorro ingen Eidhip isin Teibh. Et docuaidh Airgia co Larisa. Et ua truagh scith imsnimach a scaradh na mban sin ri aroili. Et rouai Airgia andsin co cumtach, toirsech, dercaintech. Et ní airmit scribhenna feis re fer di dar eis a cetmuintire co nd-erbailt fo deoidh do chumaid Poliniceis. Et rogabh a mac .i. Tesanndrus mac Poliniceis righi na Tiabanda, conadh e in sechtmad righ XX rouai ag togail Troe maraon re Grecaibh in Tesandorus sin.

Imtusa immorro an bantrachta Gregda risa tainig Teis an turus sin, raadlaicsed co hanorach &ersir; co huasal curpu a carad &ersir; a caemceilead, &ersir; dochuadar da trebaib &ersir; da tigib asa haithli co caeinteach easbadach. Airim thrá ar-marbad andsin do rigaib &ersir; da daescursluagh diairmigthi. Ní chuimnigid na sgribenda &ersir; scela discrirthecha deiligthi ar-fagbad beó and. Ní sud consirther. Conad ní da ngnimaib &ersir; da scelaib &ersir; da n-imteachtaib conuigi sin. Sella. Sella. Sella.

FINIT