]> Esnada Tige Buchet The Songs of Buchet's House An electronic edition Unknown David Greene Electronic edition compiled by Beatrix Färber Audrey Murphy University College, Cork Professor Marianne McDonald via the CELT Project First draft, revised and corrected. 4100 CELT: Corpus of Electronic Texts: a project of University College, Cork
College Road, Cork, Ireland.—http:www.ucc.ie/celt
2000 2008 CELT online at University College, Cork, Ireland. G302013

Available with prior consent of the CELT programme for purposes of academic research and teaching only.

Hardcopy copyright lies with the School of Celtic Studies (Dublin Institute for Advanced Studies).

 Manuscript sources Dublin, Trinity College Library, MS 1339, olim H. 2. 18, Book of Leinster, 270a 45–271a 46. Dublin, Royal Irish Academy, MS 535, olim 23 P 2, al. Yellow Book of Lecan, 113a–114b4. Oxford, Bodleian Library, Rawlinson B 512, fo. 122ra8–122vb15. Dublin, Trinity College Library, MS 1319 olim H. 2. 17, 463–4. Oxford, Bodleian Library, Rawlinson B 502, fo. 73rb31–73va49, shorter version varying in wording and omitting the rhetorical passages. Oxford, Bodleian Library, Rawlinson B 502, fo. 50ra1, metrical version derives from the prose. Editions Whitley Stokes, The Songs of Buchet's House, In: Revue Celtique 25 (1904)18–38; 225–227. The Esnada Tige Buchet. Texts from Book of Leinster (270a) and Rawlinson B. 502 (fo. 73a), with variants from Yellow Book of Lecan, Rawlinson B 512, and H. 2. 17, T.C.D. translation, and Glossarial Index. Mary Hayden, The Songs of Buchet's House, In: Zeitschrift für Celtische Philologie 8 (1912) 261–73. Edition of Poem from Rawlinson B.502, p. 87a–88a. Translations See under Editions Secondary literature O'Rahilly, Buchet the Herdsman, in: Ériu 16 (1952) 5–20. The edition used in the digital edition Fingal Rónáin and other stories David Greene First edition One volume. 89 + vi pp. v–vi Foreword, pp 27–28 Introduction, pp 28–31 Text, pp 31–41 Appendices, pp42–44, notes. Dublin Institute for Advanced Studies Dublin 1955 Reprinted 1975 Mediaeval and Modern Irish Series 16

CELT: Corpus of Electronic Texts

The present text represents pages 27–41 of the volume.

Text has been checked and proofread once.

Length marks (macrons) have been retained in the master file.

Hyphens have been inserted after mutated words with h- and n- in anlaut. When a hyphenated word (hard or soft) crosses a page break, the break is marked after the completion of the hyphenated word. Hyphens before line-breaks have been eliminated, with the words written in full before each line-break.

Personal names and place names have been tagged.

 By one or more unknown Irish monastic author(s). The story belongs to the later Old Irish period. c.800-900? The whole text is in Old Irish. Editorial text containing English occurs in the appendix. saga prose medieval Kings Cycle 2008-10-05 Beatrix Färber ed. Header modified; keywords added; new wordcount made, file validated. 2005-08-25 Julianne Nyhan ed. Normalised language codes and edited langUsage for XML conversion 2005-08-04T15:55:51+0100 Peter Flynn ed. Converted to XML 2000-09-20 Julianne Nyhan ed. Place names and organisational names marked up. 2000-09-19 Owen Dunford ed. Personal names marked up. 2000-09-19 Beatrix Färber ed. Header created. 1996-10-04 Mavis Cournane ed. Text parsed. 1996-08-29 Audrey Murphy ed. Structural markup added. 1996-08-29 Audrey Murphy ed. First proofing. 1996 Staff at Titus Project ed. Text capture. Esnada Tige Buchet

Boí coire fēile la Laigniu, Buchat a ainm. Tech n-oeged fer nH-Ērenn a thech in Buchet. Nīro díbdad teni fo a choiriu ō ro gab threbad. Ingen do Chathaír Mór mac &Fdot;eidlimthe, do ríg Laigen ina h-ucht .i. Ethni ingen Chathaīr. Dā mac deac ar &fdot;ichit la Cathaīr. Tictis-side do oīgidecht &ersir; do acallaim a sethar. Do-meltis oīgidechta fichtib &ersir; trīchtaib. Ba robec leo-som ón co mbertis aisceda. Ba menic didiu a timgaire, uair do-bered fer díb h-eochu &ersir; in fer eili in seisrig &ersir; fer eili scoī dona buaib, coro &fdot;āsaigset maic Cathaīr fo deoid, connā fargabsat leis acht .vii. &mdot;baī &ersir; tarb, bale i rrabatar na .vii. n-árge. Luid-seom iarum dia accoíne fri Cathaír. Senóir díblide side in tan-sin. Et as-bert Buchet: A mmo chóir Cathaīr, co torecht ruacbath uas H-Ērenn íath? Ad coimse mo chrod dot chainmacniu; cen chinta fīra fallsigthe fó, ar ba fíu mo brugas-[s]a cach mbrugas cona bēsaib brugad an-bít. Bid anim mór mo dīth do Chathaīr crīch. Macne Chathaīr ro chloīset mo brugas búar (.i. Ros Rúadbuillech, Crimthand Cétguinech, Dáre Trebanda, Lōscán Án, Echaid Airigda, Bressal Enechglas, Fiacha Foltlebor fortbia cách.) Buchat nī bia feib ro mboí ríam co rrí ailethuaith nād rosset h-uí Feidlimthi Find.

Is and-sin fris-rogart Cathaīr a n-as-bert: Fír, a Buchat, basa brugaid bíata dám. Buaid do gal, do gart, do gaisced, do gen fāilte fri cach n-óen it midchuairt már; Acht com-messind-se mo maccu, nī di&ndot;gentais do chride chrád. Nert nī dernaim Rith nī rordaim Lēim nī rol&ndot;gaim Rodarc ní cían cu&ndot;gnamar. Rīge do-ru&mdot;alt-sa .l. &mdot;bliadan &mdot;búan; Acht con-messind, do-fessind do Buchat a búar. Ním thā-sa cumang duit, a Buchet, acht a aithe.

Luid Buchet for teiched uadib assin tír .i. fut na h-aidchi co matin i ngait, co mbaí i Cenannas na ríg a-tuaid. Ocus ba bec ind immirgi rucad ann .i. .vii. &mdot;baī &ersir; tarb ocus se-sseom &ersir; a chaillech &ersir; ind ingen .i. Ethni ingen Chathaīr. Bátar i mbothīn bic and a-tuaid &ersir; ind ingen oca timthirecht.

Buī Cormac matan moch fecht and i Cenannas iar &ndot;gabāil rīge, co n-accai in n-ingin oc blegon na mbó. A cétblegon i llestar for leith, a &ndot;deadblegon i llestar n-aile. Adas cid dano oc búain na luachra, &ersir; medón in tuimm luachra lee i n-airbir fo leith. Oc tabairt ind usci dano assa ur int ⋅rotha issind ara lestar, a n-aill assa medón issin lestar n-aile. Ro iarfaig fecht and int ī Cormac in n-ingin: Cia taí, a ingen? or Cormac. Ingen bachlaig thrúaig sund ūt, olsi.

Cest, cid ma ndēnai-si in n-usce &ersir; in luachair &ersir; in t-ass do chomraind?

Fer ro baí i n-airmitin riam, or sī, dia mberar a medón na luachra &ersir; in t-iar&mdot;blegon, &ersir; dam-sa a n-aill connā raib-seom didiu cen airmitin do neoch fo-gēb-sa. Dia fagbaind-se dano airmitin bad moo, ro mbiadsom.

Is dōchu a fagbáil duit, or Cormac. Cia dia tabar[r] ind airmitiu? Buchet a ainm, olsi. Buchat Lagen ón? or Cormac. Sé immorro, or si-si. In tussu ind Eithni Thoeb&fdot;ota? or Cormac. Is dóig, or si-si.

Iar sin trā do-chuas co Buchat dia cungid. Nīs tarat-side, ar nírbo leis acht la h-athair a tabairt. As-berat trā is ar ēcin rucad si chuca-som dadaig, &ersir; ní foí leis acht in n-aidchi sin, &ersir; at-rullai úad, &ersir; issin n-aidchi sin do-rala ina broinn in Corpri Liphechair mac Cormaic (.i. ro char Liphe &ersir; i lLiphechair ro h-alt etir a māithre &ersir; a athre). Ocus níra gaib Cormac in mac coro luigset Laigin corbo leis. Ocus robo i-si iar sin ba rīgan i fail Chormaic. Nīra gaib immorro can a tindscra do Buchet. Is ed do-rat Cormac dó, an ro-siacht a radarc di múr Chenandsa, etir boin &ersir; duine &ersir; dam &ersir; ech. Co cenn sechtmaine for-rēimdes a mbreith la Buchet dar Rigi fa-dess na rucc d'indilib i crích Lagen a-ridisi.

Esnad tige Buchet dona dámaib (.i. a gen gáre ass frisna dāma): Fo-chen dúib, bid maith dúib linni, bud maith dano dūn-ni lib-si.

Esnad in choīcat láech cona n-ētaigib corcraib &ersir; cona n-erredaib, do airfitiud in tan batis mesca na dáma.

Esnad dano in choīcat ingen for lár in tige ina lennaib corcraib cona mongaib órbuidib dara n-ētaige &ersir; a n-esnad oc airfitiud int ⋅luaig.

Esnad in .l. chruitte iar sin co mmatin ac tālgud int ⋅lúaig. Is de sin a-tá Esnada Tigi Buchat.
Appendix A

Is ann didiu ro boí Cormac h-ua Cuind i Cenannas riasiu no gabad ríge nErenn, ar nīro léic Medb Lethderg hi Temraig iar n-écaib a athar .i. i fail Airt ro boí in Medb Lethderg do Laignib, ocus ar-robert-side in rīge iar n-ēcaib Airt. Ba hé domsad na rríg didiu Cenannus. Conid iar ngabāil ríge do Chormac ro clas lais in Temair .i. ferand Odrāin sin .i. bachlach dona Dēssib Breg. In tan didiu ro both oc claide na rátha Temrach la Cormac ad-rand a theora ēigme ass. Cid éigi? or Cormac. Éigim dochraite, or sē, fothugud do ríg Hērenn form thír &ersir; form thalmain co bráth.

In tan didiu ro bás oc intādud inti ro ēig-seom béus. Oc techt inti do ⋅olud do Chormac do-bert Odrán a druim frisin comlaid.

Cid sin? or Cormac.

Nácham ⋅áraig, ar Odrán.

Is an&fdot;ír do ⋅ārugud, ol Cormac. Nī ba messi do-gēna, acht manim léicther ind ar lóg .i. do chomthrom do argut &ersir; accnabtha nónbair cecha nóna céin béo-sa i mbethu &ersir; tír bes chutrumma fri[t] tír hi tóeb in tīri-se fri athigid chucum-sa.

Is maith, ar Odrán. A-taat dā port mathi frind a-ness amne, ar Odrán.

Ci a n-ainm? or Cormac .

Odra Temrach, or sé.

Bī-siu and dano, or Cormac, Odor eter Odraib.

Is de a-tā Odra Temrach.

Appendix B [From BB 128b32 ff. (B), with readings from LL 386b2 (L)]

Nicc, nīm thā sealb saerorba dom mac mūc[h]na mithisi bias for mīraind mearaigthi etir drungu derbfini cen chundrud gen comarbus cen raind ōs raī rāmodaig itir na t[h]uaith turclochaig ar a mēd is mīnāire tuistin clan[n] fri coibdelchu. Misi Cathaer curata cond na Banba bogbraisi; con-tuiles a n-aenadbaid misi is Eithni(?)oirdnide is finnind fial foltbuidi aidhci Luain ar lānmeisci co ndearnsam dāil ndorchaidi (mé) &ersir; Eithni(?) ālachta. Diar tuistin nīr thogaidhi, mac nār maith re mōrmarthain is fiu ēgaib aithissi olc a beith re buanugud dāig nī biu mā, Nig.

Appendix C [Rawl. B 502, fo. 50ra1-50va18]

Cathaīr cenn cōicid Banba ō tā in rīgrad rochalma, huī Ceinselaig na cēt fled &ersir; sluag lāngarg Lagen. Dā mac ar thrīchait ro thecht in rī donarb āil anrecht, ocus oeningen aca Eithne thuachail Toeb&fdot;ata. Tucad Eithni, ard a blad, ar fer n-aurdairc dia h-altram, ar Buichet na sluag sētach, ar in &mdot;briugaid &mdot;bōchētach. Nī mūchtha tene na thaich i ndūn Buchet con briugaid, na rē con &fdot;ir &fdot;ial &fdot;assad, acht a bith for bithlassad. Seacht n-āirge cond oen&fdot;iur &fdot;ial nā tuc d'oegedaib anfiad; secht fichit bō, ba buan blad, in cach āirge, nīrb ingnad. Seacht &ndot;doirsi for a thich the ind laīch nār h-annsa d'aichne; in cach dorus no bīd ben hic frithālim na n-oeged. Secht teinte na thig thēcrach hicon lāech cen lūathēcnach; oegid imda im cach tenid hic fiur &fdot;ial ind ardenich. Meicc imda hi[c] Cathaīr na crech hic aithigid na oentech, sluag adbal cach oen&fdot;ir dīb do doenib as cach degthīr. No thictis dar cach trethan d'acallaim a n-ardsethar, no chuingtis na laech mo-le ascada mōra meincce. In fer nā fagbad aiscid do chlaind rīg in rogaiscid, do-nīd ordd iar tocht as-tig nārbo maith risi[n] muintir. Na &fdot;uaitged albīn dia buaib nō na h-eochu fri oenhuair, nō in seisrig iar lō din leirg dar andēoin Buchit brattdeirg. Do-thēged Buichet buird Breg no accaīned a imned hi fiadnaisse Chathaīr chōir &ersir; e-side senōir. Nī chumgim-se do chobair, ar Chathaīr in chrechdolaid, acht a cheist immum chride mannurtha do mōrthige. Ēlaīd h-uadib i n-aidche in fer firēn fur&fdot;oirbthe, cia riacht Leth Cuind maīn ar teched clainne Cathaīr C. Hiss ē leth ruc-sum a rēim co Cenannas tria choemchēil, co rīgdūn Cormaic Cnuicc Brain meic Airt meic Cuind Cētchathaigh. Ro bae i mboith bic isin dūn Buchet 's a ben cen baethrūn, is ingen Chathaīr ro chlecht cen tathaīr coa timthirecht. Nī lamad techt hi Temraig annsin h-ua Cuind cassherlaich la Meidb Leithdeirg Laigen lir fri athmnaī in rīg Airtt Oen&fdot;ir. Siist ar marbad Airtt na n-ech —ropo beoda in banLaignech— ro gab fēin co talchar tenn rīge aurmōir na h-Ērenn. Iar sin [ro] gaib Cormac cruaid rīge for Banbai bratruaid, claidid, caem a dath, rāith romōir na rīg Themrach. Tic fer bunaid in baile diarbu dual a degaire, trāth ro claided in rāth ruad ro Cormac is ra chaemsluag. Atnaig a thrī ēigme as, int aithech mōr meramnas, co clos fo thīr Breg na mbenn cach ēigim triana h-ardchenn. Cid ēige, a aithig engaig? ar Cormac a cloen Temraich, innis dūin cia scēl scaīle nō cia ēcōir ēcaīne? Dochraite hic a imbirt forn, ar int aithech abratgorm; port rīg dom baile co brāth nī mmun-aicces int ardrāth. Hic sādud in tige tricc do-nī int athech narb ainglicc trī h-ēigme fon cōir cētna co rodīscir, rodētla. Trāth do-cuaid Cormac na cor isin sārthech ro solad tic a-rīs cen recht, cen raind, in tres fecht fer ind feraind. Do-nī trī h-ēigme co h-ard co rochruaid is co rogarg i ndorus in tige te do sīr&fdot;uacra a sāraigthe. Cid h-ēigi, a aithich? co prap at-bert fris h-ua Cuind Cormac, is a druim fri comlaid cōir in tigi rīgdai romōir. Mo ⋅ārgud duit-siu co derb co fuachda &ersir; co fīrserb, nī flaithius duit, nī recht rīg, brith m'[&fdot;]eraind uaim i n-an&fdot;īr. Bēra uaim-se, ar in rī rot, do chomthrom d'ōr is d'argot, cuit nōnbuir, is nī do rath, cach n-aidchi a tich na Temrach. Na dā rāith-se rind a-ness, hit chomfocus co comdess, Odra Temrach arna taill beir h-uaim i nn-inad t'[&fdot;]eraind. Gēbat-sa sain, ar nī suail, i nn-inad m'[&fdot;]erainn innuair, ar toeb do chātad cen chrād, at-bert int aithech Odrān . Odrān a mMaig Breg in buair eter Odru Temra thuaid; hē sein in fogur dia fail int Odor eter Odraib. Iar sain do-riacht Cormac cas ōn chlaenrāith co Cenannas co facca sē in n-i[n]gin ann dalta Buichet na mbuaball. Hic techt ar cenn uisci uair a aithli bleogain a buair, dā lestar hi llāmaib lē —nī līnad hīat ar oengnē. Ind ara lestar, ba lēir, a h-imleib srotha sorēid, lestar aile tria &fdot;otha, a medōn in mōrsrotha. Tēit do buain luachra luimmi di[a] h-aite is dia h-ardmuimme, his ros rann co derb ar dō ind ingen, nī h-immargō. Imbel na luachra for leith inna h-airbir chaem cen chleith medōn na luachra hi llige ar a muin na maethgile. Ros airiuch rī Temra thair iar n-ēirge moch san matain; cach a nderna ō dub co dub ro buī in rī coa rāthugud. Ro iarfaig Cormac cen chrād, A h-ingen ālaind imslān, cia dia rainni, rāid rinn sain, int uisqi, in lacht, in luachair? Fer ro buī hi rromaithius riam, ar inn i[n]gen &fdot;ēta &fdot;ial, Is dō trialltair sunn co se roga cach na rainnim-se. Inn ē Buchet Lagen lān sain? ar Cormac na comdāl. Is hē, ar h-Eithne, luaitir lat. Na-cualammar, ar Cormac . Ocus tusa fēin co fīr in tū ingen ind arddrīg ingen Chathaīr chrīchi Breg Eithne Thoeb&fdot;ata thuachel? Mēid ro thoimsis fēin ro fess m'ainm is m'atharda ndīles, a rī Gaedel is Gall ngot nī gētam th'airdmess h-orot. Nī rabai-siu cen maith mōr, cen churnu ocus cen chomōl, ar Cormaccen a chor de, hi lluag h-onōra th'aite Tuc a aire sin n-ingin rii Gaīdel in glasinbir, grād na h-ingine cen ail tucad co mōr dia menmain. Ro chuinged ind ingen h-uaid cosin n-aite ros imluaid. Noco dīm-sa dlegair sain, ar a h-aitte, ach dia h-athair. Nī thuc Buchet in flaith fīr do rīg h-Ērenn in n-ingin no co ros fuc ar ēcin ar ae ciarb ordd anhētig. Acht leth na h-aidche h-uaire nī rabae in ben bratt(h)uaine hicond rīg-sin co rath mōr co ndechaid h-uaid ar ēlōd. Hinn aidchi-sin, nī h-olc lenn, nī fitir cāch co coit(h)cenn, do-rigned rī na n-ech n-ard, Carpre Liphichair lāngarg. Hi l-Liphichair na lerg ruad tuargabad flaith na findsluag eter a māthre mīne is a aithre i n-ardrīge. Is de sin ro len in laech int ainm aurdairc nach i&ndot;gaeth dar cach &mdot;bānchlad co mbechaib Cairpre lāmchar Liphichair. Cuingid a-rīs in rīgain Cormac, cenn ōs chaemrīgaib, do-nīat a curu moa le do deoin athar is aite. Nīrb āil d'Eithni toebgil trell techt a-rīs co rīg n-Ērenn co tuctha a h-ellam h-uile do Buichet bān barrbuide. Tucad ellom anb&fdot;ōil ann d'ingin Chathaīr, nī chēlam, nī thucad ellom amlaid do mnaī i nhērind h-echadbail. Cach a faiccfed fēin, ferr de, do druimm Chenannsa caeme, co cenn sechtmaine, nī suail, ar fut Maige Breg barrhuair. Eter ōr is argat sain eter thrēoto ocus tānaid, eter dam is duine is ech, a car h-uile for oenleth. For-&fdot;ēmid Buchet na mbō immāin trīn na tucad dō co tard Cormac lasin crod cethirn uad dia idnaccol. [I]s ed tuc Buchet a buar co cōiced Lagen lindhuar co rīgdūn &mdot;Buichet &mdot;bledach in ro chlecht a chētenech. Ó thuc leis a thāinte a-tuaid Buchet co mbīd sorthan sluaig, ni thānic oen&fdot;er bad &fdot;err do rēir oeged na h-Ērenn. Mo-chen dūib, is dūib bas maith, at-beired fēin in fīr&fdot;laith; ferrde dūin imma sech sain, oībniti in tech for tīchtain. Trī gāire thall na thig ōil ō thōcbāil a chorn comōil, co faicced cāch thiar is tair in grian i-mmuich iar matain. Gāir in choīcat laech ar leith ba lōr d'oebnius ar oensreith, i mbrattaib corcra co cert hic cluichi 's a[c] cliaraigecht. Gāir in choīcat ingen ann i mbrattaib h-uaine, atmam, cuiri na ngrianān co ngrād sianān acco is andorddān. Gāir chōicat chruittire cōir hic airfitiud inn ardslōig, isin tich iarna thomus co ticed lae lān⋅olus. In laech dia ro lensat sain pudar a thecht fo thalmain; mōr d'einiuch do-rigne ōs raen sin chrīch ro chosain Cathaer. &Cmacr;. Eochaid Eolach, fuair in fer ardsenchas inse Gaedel, augtar inn eolais co n-aeb, sluindfes cert clainne Cathaer. &Cmacr;.