]> Cath Maige Tuired: The Second Battle of Mag Tuired An electronic edition Unknown Elizabeth A. Gray Electronic edition compiled by Margaret Lantry Second draft. Proof corrections by Nicole Müller Margaret Lantry 9 100 CELT: Corpus of Electronic Texts: a project of University College, Cork
College Road, Cork, Ireland—http://www.ucc.ie/celt
2003 2009 CELT online at University College, Cork, Ireland. G300010

The hardcopy edition is copyrighted to Dr. Elizabeth A. Gray, Harvard University. She has kindly given CELT permission to use it as the base for this electronic edition.

Available with prior consent of the CELT project for purposes of academic research and teaching only.

 You can purchase the book(s) containing this text via the ITS website (http://www.irishtextssociety.org/). Click on the link to the RIA shop. Manuscript sources London, British Library, Harleian MS 5280, 63a-70b (Catalogue of Irish Manuscripts in the British Museum, by Robin Flower (London, 1926) vol. 2, 318-319). Editions (including reviews) Whitley Stokes, [Story of Goibniu the Smith at Moytura], in Three Irish Glossaries (London 1862) 32. Whitley Stokes, The Second Battle of Moytura, Revue Celtique 12 (1891) 52-130, 306-308. Rudolf Thurneysen, Zu irischen Texten [3. Cath Maige Turedh], Zeitschrift für Celtische Philologie 12 (1918) 401-406. Vernam E. Hull, Cairpre mac Edaine's satire upon Bres mac Eladain, Zeitschrift für Celtische Philologie 18 (1929) 63-69. Brian Ó Cuív, Cath Muighe Tuireadh. The Second Battle of Magh Tuireadh (Dublin: DIAS 1945). Brian Ó Cuív, Lugh Lámhfhada and the death of Balar ua Néid, Celtica 2 (1954, pt.1 1952) 64-66. Elizabeth A. Gray, Cath Maige Tuired: The Second Battle of Mag Tuired (Irish Texts Society 1982). With English translation. Review of above: Fergus Kelly, Celtica 17 (1985) 185-186. Review of above: E. G. Quinn, Cambridge Medieval Celtic Studies 9 (Summer 1985) 99-101. Translations John O'Donovan, [translation: Story of Goibniu the Smith in Moytura], in Sanas Chormaic, ed. W. Stokes (Calcutta 1868) 123f. Henri d'Arbois de Jubainville, Une légende irlandaise en Bretagne. [The episode of Lug Samildánach], Revue Celtique 7 (1886) 230-33. Henri d'Arbois de Jubainville, Le dieu irlandais Lug et le thème gaulois Lugu, Revue Celtique 10 (1889) 238-43. Whitley Stokes, The Second Battle of Moytura, Revue Celtique 12 (1891) 52-130, 306-308. Henri d'Arbois de Jubainville, L'épopée celtique en Irlande (1892). Vernam E. Hull, Cairpre mac Edaine's satire upon Bres mac Eladain, Zeitschrift für Celtische Philologie 18 (1929) 63-69. Gustav Lehmacher, 'Die zweite Schlacht von Mag Tured und die keltische Götterlehre', Anthropos 26 (1931) 435-459. Arzel Even, La Bataille de Mag Tured, Ogam 2-7 [n.s. vol. 2] (Sept. 1948-1950) Secondary literature Eugene O'Curry, Lectures on the Manuscript Materials of Ancient Irish History (Dublin 1861) 247-250. Sir William R. Wilde, On the Battle of Moytura, Proceedings of the Royal Irish Academy 9 (1866) 545-550. Carl Marstrander, A New Version of the Battle of Mag Rath, Ériu 5 (1911) 227-231. Gustav Lehmacher, Die zweite Schlacht von Mag Tured und die keltische Götterlehre, Anthropos 26 (1931) 435-459. A. H. Krappe, Nuada à la main d'argent, Revue Celtique 49 (1932) 91-95. Mary M. Banks, Na Tri Mairt, the Three Marts and the Man with the Withy, Études Celtiques 3 (1938) 131-143. M. A. O'Brien, Varia, 5. Second Battle of Moytura, para. 132, Ériu 12 (1938) 239-240. Géorges Dumézil, Servius et la Fortune: essai sur la fonction sociale de louange et de blâme et sur les éléments indo-européens du cens romain (Paris: Gallimard 1943). S. Ó Catháin, [review] Studies 35 (1946) 124-5. Lugh [pseud.], [review] Ir. Eccles. Rec. 67 (1946) 69. Máirín O'Daly, [review] Ir. Hist. Stud. 5 (1946/47 (1947)) 89-91. Thomas F. O'Rahilly, Mag Tuired, in: Early Irish History and Mythology (Dublin: DIAS 1946) app. 4, 388-90. Arzel Even, Les Fomoire, Ogam 3 n.s. (1949) 10-14. Gerard Murphy, Notes on Cath Maige Tuired, Éigse 7 (1953/55, pt.3 1954) 191-198, 204. Brian Ó Cuív, Cath Maige Tuired, in: Irish sagas by Myles Dillon ([Dublin] 1959) no. 2, 24-37. Christian Guyonvarc'h, Le cró Logo ou 'enclos de Lug', enclos sacré ou parc à bétail? Ogam 13 (1961) 587-92. Jean Gricourt, L'"enclos" du dieu Lug, Latomus 20 (1961) 79-84. Elizabeth A. Gray, Cath Maige Tuired: Myth and Structure (1-24), Éigse 18 (1980/1) 183-209. Elizabeth A. Gray, Cath Maige Tuired: Myth and Structure (24-120), Éigse 19: part 1 (1982) 1-35. Elizabeth A. Gray, Cath Maige Tuired: Myth and Structure (84-93, 120-167), Éigse 19: part 2 (1983) 230-262. Tomás Ó Cathasaigh, Cath Maige Tuired as Exemplary Myth, in: Pádraig de Brún, S. Ó Coileáin, P. Ó Riain (eds.), Folia Gadelica: Essays Presented by Former Students to R. A. Breatnach, Cork 1983, 1-19. William Sayers, Bargaining for the Life of Bres in Cath Maige Tuired, Bulletin of the Board of Celtic Studies 34 (1987) 26-40. Tomás Ó Cathasaigh, Three Notes on Cath Maige Tuired, Ériu 40 (1989) 61-68. Kim McCone, 'A Tale of Two Ditties: Poet and Satirist in Cath Maige Tuired', in: Donnchadh Ó Corráin, Liam Breatnach and Kim McCone (eds.), Sages, Saints and Storytellers. Celtic Studies in Honour of Professor James Carney, Maynooth Monographs 2. (Maynooth 1989) 122-143. John Carey, Myth and mythography in Cath Maige Tuired, Studia Celtica 24/25 (1989/90) 53-69. Caoimhín Breatnach, Oidheadh Chloinne Tuireann agus Cath Maige Tuired: Dhá Shampla de Mhiotas Eiseamláireach, Éigse 32 (2000) 35–46. Rebecca Blustein, 'Poets and Pillars in Cath Maige Tuired', in: Joseph Falaky Nagy (ed.), CSANA Yearbook 6: Myth in Celtic Literatures. (Dublin and Portland, Oregon 2007) 22-38. The edition used in the digital edition Cath Maige Tuired: The Second Battle of Mag Tuired Elizabeth A. Gray First edition One volume. 141 pp. Introduction 1-23, Text 24-72, Translation 25-73, Notes 74-114, Index to Notes 115f., Index of Persons 117-137, Index of Places 138-141. Irish Texts Society Kildare 1982 Irish Texts Society [Cumann na Sgríbheann Gaedhilge] 52

CELT: Corpus of Electronic Texts

The present text represents even pages 24-72 of the volume. The English translation is available in a separate file.

Text has been proof-read three times.

The electronic text represents the edited text. Corrigenda provided by the editor in the printed text are silently included. Expansions and variant readings are not indicated.

Quotations are rendered q.

When a hyphenated word (hard or soft) crosses a page-break, the page-break is marked after the completion of the hyphenated word.

div0=the saga; div1=the section, corresponding to the paragraph in Stokes' edition. Lines are numbered according to the lineation of the printed text. Metrical quatrains are marked and numbered and individual lines of verse are marked. Metrical texts are embedded as separate texts in the relevant entries.

Latin words are tagged. Names of persons (given names) and places are not tagged. Terms for cultural and social roles are not tagged. Such tagging is envisaged in a future electronic edition.

 By the Irish scribe Giolla Riabach Ó Cléirigh, based on earlier texts. 1512 The text is in Middle Irish. A few words are in Latin. Witness list in the front matter is in English. mythology prose medieval saga Magh Tuired Moytura 2009-09-30 Beatrix Färber ed. Additions to bibliography suggested by Elizabeth Gray integrated; new SGML and HTML files created. 2008-10-03 Beatrix Färber ed. Keywords added; file validated. 2008-07-18 Beatrix Färber ed. Value of div0 "type" attribute modified, content of 'langUsage' revised. 2007-12-14 Beatrix Färber ed. Note inserted in header. 2005-08-25 Julianne Nyhan ed. Normalised language codes and edited langUsage for XML conversion 2005-08-04T15:47:28+0100 Peter Flynn ed. Converted to XML 2003-10-20 Beatrix Färber ed. Minor modifications to header, structural markup checked; file re-parsed. 2001-07-26 Beatrix Färber ed. Header updated, file re-parsed using NSGMLS; additions to bibliography. 2000-05-10 Beatrix Färber ed. File parsed. 1997-05-14 Margaret Lantry ed. Text proofed for the third time. 1997-05-07 Margaret Lantry ed. Text proofed for the second time. 1997-05-07 Margaret Lantry ed. Structural markup inserted. 1997-04-23 Margaret Lantry ed. Header created. 1993-10-13 Nicole Müller ed. Text proofed for the first time. 1993 Nicole Müller ed. Text captured.
London, British Library, Harleian MS 5280
Cath Maige Turedh an scél-sa sís &ersir; genemain Bres meic Elathain &ersir; a ríghe

Bátar Túathai Dé Danonn i n- indsib túascertachaib an domuin, aig foglaim fesa &ersir; fithnasachta &ersir; druídechtai &ersir; amaidechtai &ersir; amainsechta, combtar fortilde for súthib cerd ngenntlichtae.

Ceitri catrachai i rrabatar og fochlaim fhesai &ersir; éolais &ersir; díabuldánachtai .i. Falias &ersir; Goirias, Murias &ersir; Findias.

A Falias tucad an Lía Fáil buí a Temraig. Nogésed fo cech ríg nogébad Érinn.

A Gorias tucad ant sleg boí ac Lug. Ní gebtea cath fria nó frisintí an bídh i lláimh.

A Findias tucad claidiub Núadot. Ní térnádh nech dei ó dobirthe asa idntiuch boduha, &ersir; ní gebtai fris.

A Murias tucad coiri an Dagdai. Ní tégedh dám dimdach úadh.

Cetri druíd isna cetri cathrachaib-sin. Mórfesae baí a Falias; Esras boí hi nGorias; Uiscias boí a Findias; Semias baí a Murias. It íad-sin na cetri filid ocar' foglaindsit Túata Dé fios &ersir; éolas.

Gnísit íarum Túadh Dé caratrad fri Fomorib &ersir; debert Balar úa Néit a ingin .i. Ethne, de Cén mac Díen Cécht. Gonad í-side ruc a ngen mbúadha .i. Lucc.

Tángatar Túad Dé i morloinges mór d'indsaigid Érionn dia gabáil ar écin for Feraib Bolc. Roloiscset a mbaraca fo cétóir íar torrachtain críce Corcu Belgatan (.i. Conmaicne mara andíu éat-sen), cona pedh a n-aire for teiched cucu. Gu rrolíon an déi &ersir; an céu tánic denaib loggaib an ferodn &ersir; an áer robo comfocus dóib. Conid as sin rogabad a tíchtain a nélaip cíach.

Fectha cath Muighe Tuired etorra &ersir; Fir Bolc. Ocus maite for Feraib Bolc, &ersir; marbtair cét míle díib am Eochdaig mac n-Eirc immon rígh.

Isen cath-sin dano robenad a lámh de Núadad .i. Sregg mac Sengaidn rophen dei hí. Go tarad Díen Cécht an liaigh láim airgid foair co lúth cecai láma &ersir; Crédhne in cerd ag cungnam fris.

Cid Túath Déi Dononn dano derocratar go már isin cath, im Edleo mac n-Allai &ersir; am Ernmas, am Fhíoachaig &ersir; im Turild Bicreo.

Do neoch immorro térná de Feraib Bolc asin cath, lotar ar teched de saigid na Fomore gor gabsad a n-Árainn &ersir; a nd-Íle &ersir; a Manaidn &ersir; a Rachraind.

Baí imcosnam flathae fher n-Érenn iter Túad Dé &ersir; a mná, ar nirb' inríghae Núadoo íar mbéim a láime de. Adpertutar ba cumdigh dóip ríge do Pres mac Elathan, díe ngormac fesin, &ersir; co snaidhmfed caratrad Fomure fria an ríge de tabairt dó-sin, ar ba rí Fomore a athair, ed ón Elotha mac Delbáeth.

Is amlaid-so íarum arrícht compert Bresi.

Baí didiu ben díib láu n-adn oc déicsin an marai &ersir; an tíri do tichc Máoth Scéni .i. Éri ingen Delbaíth; go n-acui an muir fo lánféth amal ba clár comrédh. A mbuí and íar sin, co n-facai ní: dus-n-árfas ess n-argait isin fairce. Ba már lee a méd, acht nát arthraigestar a delp díi; &ersir; dobert sruth na tuinde riam decum tírei.

Co n-acqu íarum pa duine ba ferr delph. Mogg órbuide foir goa díb gúaillib. Brat go srethaib dí órsnáth imbe. A léne go nd-indledhaib de órsnáth. Delc n-óir ara bruinde go forsannud de líic lóghmair adn. Día gelgáe airgide &ersir; dí semcradn snastai indib de crédumae. Cóicroith óir uara muin. Clodib órduirn go féthaidib airget &ersir; go cíchib óir.

Ispert an fer frie, Innum-bioa-ssae úar coblide laut? Ní rud-dálus ém, ol in phen. Tic frisna dáulta, ol é-sium.

Consernad dóib íarum. Cíich an pen íarum an tan as-n-éracht an uher. Cid cíi? ol é-sium. Tátham déde rocoíner, ol in bean. Scaradh friut-sa quibindes a comairnecmar. Maccáema Túath(a) nDéa dom nemét íar mo cáenghuide &ersir; mo ét did-siu amal atom-cota-siu.

Didigestar do broc din déde-si, ol séi. Tíscais a ór(s)nasc n-óir dia méor medhóin &ersir; debert ina láim, &ersir; aspert ria ná tésied úaide i creic iná i n-aiscid, acht de neoch diambad coimsie die méor sin.

Is deitheden eli dom-sae, ol in pen. Nát fetar cía dom-fáinec.

Níbo hainfes det andísin, ol séie. Dit-ánic Elothae mac Delpaíth rí Fomore. Béra mac diar comruc, &ersir; ní tartar ainm dó acht Eocha Bres (ed ón Eocha Cruthach), ar cech cruthach atcícher a n-Érinn —eter mag &ersir; dún &ersir; cuirm &ersir; coindeil &ersir; ben &ersir; fer &ersir; ech—is risin mac-sin dobiter, co n-epérthar as Bres dó ann sin.

Is íar sin luidh an fer doridisi ina fritheng, &ersir; doluid an phen dia hadphai, &ersir; depreth de an compert airderc.

Bert in mac íarum, &ersir; debreth dó a n-ainm atbert Elatha .i. Eocha Pres. In tan ba láun a sechtmad athséoltai ina mnáa, buí forpart cáeictigesi forin mac; &ersir; rofuc a n-arthrach-sin go cend a secht mblíadan, go roucht forpart .xíííí. mblíadan.

Is den cosnam-sin boí eter Túaith Déu, dobreth flaith Érenn don mac-sin; &ersir; dobert .víí. n-aidirie di trénferuib Érenn (.i. a mátri) fri hasic na flathae úad má fofertis a mífholtae fesin. Dibert a máthair tír dó íar sin, &ersir; don-gnít dún les uaran tír .i. Dún mBrese. Ocus ba hé an Dagdhae dogéne a ndún-sen.

Ó rogeb íarum Bres ríghe, ronaisceatar Fomoraig (.i. Indech mac Déi Domnann &ersir; Elathu mac Delbaíth &ersir; Tethra, trí ríg Fomorach), a cíos for Érinn—cona boí déi do cléthe a n-Érinn forsna béth cíos dóib. Dobretha dano na trénfirae a foghnam dóu .i. Oghmae fou cúalae connaidh &ersir; an Daghdo 'na ráthbhuide, gonadh sé rocladh ráth mBrese.

Ba toirsich dano an Dagdo ocund obair, &ersir; atcliched daul esba isin tech, Cridenbél a ainm, a béolae di suide asa brundie. Ba pec la Crichinphél a cuid fesin &ersir; ba már cuid an Dagdae. As inn atbert, A Dagdae, dot inchaib na trí mírionn bes dech dot chuid tapraither dom-sae! Doberedh íarum an Dagdae dó cech n-oidhche. Máru immorro a mírionn an cáinte .i. mét degmuce ba hed an mír. Ba trian immorro de cuid an Dagdhua na trí mírenn-sen. Mesai de bláth an Dagdhae dinnísin.

Láu n-ann didiu bai an Dagdai isin clad co n-acai an Mac n-Óc cuige. Maith sin, a Dagdai, or in Mac Óc. Amin, ol in Dagdae. Cid deghníe drochféthol? ol sé. Táthum a damhnai, ol é-sium. Cridenbél cáinte gaphas álgas dim gacae nónae imna trí mírionn as dech dim cuibrind.

Tátham airlei deit, ol in Mac Óc. Dobeir láim ina bossán &ersir; gadaig trí scildei óir ass &ersir; dobeir dóo.

Tapair-si, ol sé, na trí scitle-si isna trí mírinn deog láei do Cridenbél. Is ed íarum is sruitium bioas fort més, &ersir; asdofe ant ór ina broinn co n-epili de; &ersir; níba maith a cert do Bres íarum. Atbértar frisin rígh, Romarb an Daghdae Cridenbél tre luib éccinéol derat dóu. Ispérae íarum an rí de marbad. Isbérae-sa fris, Ní fíor flathu deit, a rí óc Fénei, a n-udbere. Ar dom-ringarta ó gabass mo uopair, &ersir; aspered frim, Tidnaic dom, a Dagdai, na trí mírinn ata dech dot cuibrionn. Is olc mo trebad annocht. Docoat-sai dano de sin, minam-cobradis na téorai scillice fúar andíu. Dus-radas form cuid. Dorautus íarum do Cridinbél, ar is edh is dech bhuí ar mo bélaib, and ór. As dae íarum ind ór a Cridenbél, co n-erbailt de.

Is menann, ar an rí. Tíscaither a tarr fon cáinte dús in fuirestar ind ór ann. Mani fuirestar con bebau-sa. Dia fuirestar, immorro, bieid pethai did.

Íar sin tallaid a tarr fon cáinte go fuiresta na téorai scilte óir adna brú, &ersir; anachtae an Dagdae.

Tolluid an Dagdae ina obair íarum arauhárach, &ersir; tánic an Mac Óg cucai &ersir; atbert-side, As gar go rois ch'obair; &ersir; ní cunghis fochrec go tucaither det cethri Érenn. Ocus togai díib dairt mongduib nduib ndénta aicentaig leo.

Is iar sin dogéniu an Dagdae a oupair go forcend, &ersir; asbert fris Bres cid nogebad i llóg a sáethair. Frisgart an Dagdae, At(g)na-sa fort cethre Érenn, al sé, de teglomath a n-óenmaighin. Don-gníth an rí anndísin amal aspert, &ersir; togai díb an dairt aspert an Mac Óc fris. Ba héccomhnart la Bres annísin. Deménair-side ba ní pudh móo dogegadh.

Boí dano Núadae oga uothras, &ersir; dobreth láim n-argait foair lioa Díen Cécht go lúth cecha lámha indte. Nír'uo maith dano liaa macsium sen .i. le Míach. Atréracht-sim don láim &ersir; atbert, ault fri halt di &ersir; féith fri féth; &ersir; ícuis fri téorai nómaidhe. In cétna nómaid immus-curid comair a táeib, &ersir; rotonigestar. An dómaid tánisde immas-cuirid aro brundib. An tres nómaid dobidced gelsgothai di bocsibnibh dubhoib ó rodubtis a ten.

Ba holc lia Díen Cécht an freapaid-sin. Duleicc claidimh a mullach a meic go rotend a tuidn fri féoil a cinn. Ícais an gillai tre inndeld a eladon. Atcomaic aithurrach go roteind a féoil co rrodic cnáim. Ícais an gilde den indel cétnae. Bissis an tres bém co ránic srebonn a inchinde. Ícais dano an gille don indell cétnae. Bisius dano an cethramad mbém co nderba a n-inchind conid apud Míoach &ersir; atbert Díen Cécht nach-n-ícfad lieig badesin ont slaithie-sin.

Íar sin roadhnocht lia Díen Cécht Míoach &ersir; ásaid cóic lube sescut ar trí cétuib tresin athnocul fo líon a altai &ersir; féthe. Is íar sen scarais Airmedh a prat &ersir; decechlaid na lube-sin íarna téchtai. Tosárluid Díen Cécht &ersir; conmesc-side na lube cona fesai a frepthai córi manis-tecaisceth an Spirut íar tain. Ocus atbert Dén Cécht, Mane pé Míoach, méraidh Airmeth.

Gapuis trá Bres an flaith feib do-n-indnacht dó. Buí fodhord móar imbe lie máthrui la Túaith Déi, ar níbtar béoluide a scénai úatha. Cid menic notístais, níptar cormaide a n-anáulai. Ní fhacutar dano a filidh iná a mbardai nó a cáinte nó i cruitire nó i cuslendaib nó a cornairie nó i clesomhnaig nó a n-ónmide oga n-airfide aru cinn isin techlug. Níco lotar dano a comramai a ségonn. Ní facutar a trénfiorai do fromadh fri eggnamh liesin rígh acht óenfer nammá .i. Oghmai mac Étnae.

Ba hé ord fris mboí, tobairt connaid don dún. Doberidh cúoail cech lái a hIndsib Mod. Noberiud an muir dá trien a cóile airi fó uhíth ba hénirt cen bieadh. Ní taprad acht éntrian, &ersir; nofiuradh an slúaigh ón tráth co 'role.

Ní roan trá fochnom nó éraic dona túathaib; &ersir; ní tapradis séoit na túaithe a foicidh na túaithe oli.

Tánic an file fecht ann for óighidect do tichc Brese, (edh óen Corpre mac Étoíne, file Túaithe Déi). Ránic a tech mbic cumang ndub ndorchai; sech ní raibe tene nó indel nó dérghaud ann. Tucthae téorai bargenui becai dó atéi turui for més muhic. Atráracht íarum arnauháruch, &ersir; nírbo pudech. Oc techt taran les dó as ind itbert: Cen colt for crib &ersir; reliqua. Cen cholt for crib cernene; Cín gert ferbu foro-n·assad aithrinde; Cen adhbai fhir ara drúbai dísoirchi; Cin díl daime reisse, (m)ropsen Breisse!

Ní fil a maín trá Bresi, ol sé. Ba fír ón dano. Ní boí acht meth foair-sim ónd úair-sin. Conad sí sin cétnae hóer dorónadh a n-Érinn.

Íar sin trá dollotar Túath Déa a hóentai do agallaim a ngairmic .i. Bres mac Eladna, &ersir; condioachtutar cucae die n-áraighib. Tobert dóib tasiuc na flathae, &ersir; níbo sofoltach friu di sin. Gádhuis im anuth fris co cend .víí. mblíadnae. Rut-bioa, ol iont oirecht cétnai a hóentai, acht docuí forsan ráthai cétnu comge cech toraid tairfénat frit láimh eter treb &ersir; tír &ersir; ór &ersir; argat, búar &ersir; biad &ersir; díolmaine do cíos &ersir; éruic conice sin. Robor-biaa, ol Pres, amail atberthei.

Is airi gesu dóib an dául: co tarcomlat-sim trénfiru ant sídho .i. na Fomore fri gapáil na Túath ar écin acht go tairsed les doqhloíte. Fa scíth lais a ionnarbad asa ríge.

Decomlai íarum dechum a máthar &ersir; imcomairctair dí cía bo can a cinél. Is derb lium, ol síe, &ersir; luidh riam docum na tilchu dia n-acu a n-es n-aircit asin muoir. Luid remhi docum na tráchta. Ocus dobert a máthair ind órnasc dofácbhud lei dó, &ersir; dobert-sium imma méor medónuch, &ersir; ba fomhais dóu. Ar nach duine dotarfert-sí eter crec &ersir; aiscid. Ní raibe díib diambad imairgide cusan laithe-sin.

Lotar rempuo íoairum con ráncutar tír na Fómore. Ráncutar mag mór co n-airechtaib iomdaib. Ant oirecht ba socruidie díobh dollotar cucau. Immafoucht scélu díb isin oirecht. Atpertutar ba de fheraib Érenn. Itbert friu íarum an rabhutar coin ocu, ar iss edh ba bés isin aimsir-sin slóg téged a n-oirecht alale, comcluiche do tócbháuil. Atát coin lenn, al Pres. Fochartatar íarum an coin cocluiche, &ersir; bátar lúaithe coin Túath nDéa oldáte coin na Fomore. Focres forrai dano dús a mbí leo eich ri comrith. Atbertatar-sam, Atád, &ersir; bátar lúaithe aldát eich na Fomore.

Focres forra dano dús a mbí leu nech padh calmai fri láim imbertai cloidib, níd-fríth leu acht Bres a óenar. An tan denu argaib-sium a láim cosin cloidiub, aithgin a athair and órnasc imma méor &ersir; friscomhairc cíoa bo cúich en láech. Friscart a máthair daru cenn &ersir; atbert risin ríg ba mac dóu hé. Atcuad dóu an scél n-uili amal derurmesam.

Fa brónach a athair fris. Atbert ant athair, Cisí écin det-bert asin tír hi forgabais? Frisgart Bres, Ním-tucc acht m'anfhír &ersir; m'anúabhar fesin. Dius-riubart die sétaib &ersir; maíneib &ersir; a mbiadh fesin. Níd-tallas cíos no éric díb cosindíu.

Dúaig sin, al o athair. Pa ferr a rrath oldás a rríghe. Ba ferr a nguide oldás a n-éguidhi. Cid dia tutchad diu? ol a athair.

Dadechad do cuindchid trénfer cugaib-si, ar sé. Nogébainn in tír-sin ar éigin.

Ní rogaba la hainbfír immorro mani gaba la fír, ol sé.

Ceist diu: caidhe mo airrle-si luat? ol Bres.

Faíthius iar sin cusan trénfer, co Balor húa Néitt, co rígh na n-Innsi, &ersir; co hIndech mac Dé Domnand, co ríg Fomoire; &ersir; nos-taireclamat-side do neoch buí ó Lochlainn síar do slúag doqum n-Érenn, do astad a císa &ersir; a rígi ar éigin foruib, gur'ba háondroichet long ó Indsib Gallad co hÉrinn leo.

Ní tánic doqum n-Érenn drem bud mó gráin nó adhúath indá in slóg-sin na Fomoiridhi. Ba combág ogond fir o Sgiathia Lochlaindi &ersir; a hInnsib Gall immon slógad-sin.

Imtúsa immorro Túaithi Dé is ed imma cesnaidther sund.

Buí Núadhae doridesi tar éis Brese a ríge for Túaith Déu. Buí mórfleg ocu-side di Túaith Déi a Temraig a n-inbaid-sin. Boí dano oruli ógláech og saighid de Temraid, Samhildánach a ainm-side. Bótar dorrsaidi for Temraig a n-inbuid-sin, Gamal mac Figail &ersir; Camald mac Ríaghaild a n-anmonn-sidei. A m-boí-side and, adcí a ndírim n-anetarcnaidh na docum. Ógláech cóem cruthach co n-imscigg ríog a n-airenuch na buidne-sin.

Atbertatar risin dorrsaid ara n-indiset a Temruich a tíachtai. Atbert in dorsaid, Cía fil and?

Fil sunn Luch Lonnandsclech mac Cíein meic Díen Cécht &ersir; Ethne ingine Baloir. Dalta siden Tailltine ingine Magmóir rí Espáine &ersir; Echtach Gairuh meic Duach.

Rofíoarfaig ion dorsaid do tSamhilldánuch, Cía dán frisa ngnéie? al séi, ar ní téid nech cin dán i Temruid.

Déne mo athcomarc, ol sé. Am sáer. Friscort an dorsaid, Nít-regaim i leas. Atá sáer lenn cenu .i. Luchtai mac Lúachadhae.

Atpert-sum, Atum-athcomairc a dorrsoid: am gobhae. Frisgart ion dorsaid dóu, Atá gobae liond cenai .i. Colum Cúaolléinech téorae núagrés.

Atpert-som, Atom-athcomairc: am trénfer. Friscart in dorsaid, Níd-regoim a les. Atá tréinfer lend cenu .i. Oghmae mac Ethlend.

Atbert-sum diridesi. Atom-athcomairc, ar sé. Am crutiri. Nít-regaim a les. Atá crutiri lenn cenai .i. Auhcán mac Bicelmois, ara-n-utgatar fir trí ndéa i sídoib.

Atpert-sum, Atom-athcomairc: am níadh. Friscart an dorrsoidh, Nít-regam e les. Atá níad lionn chenu .i. Bresal Echarlam mac Echdach Báethláim.

Atbert-sum íarum, Adum-athcomairc, a dorsaid. Am file &ersir; am senchaid. Níd-regam i les. Atá file &ersir; senchaid cenai lenn .i. Én mac Ethomain.

Atbert-sum, Atom-athcomairc, ol sé, Im corrguinech. Nít-recom e les. Atáut corrguinidh lionn cheno. At imdou ar ndruíth &ersir; ar lucht cumhachtai.

Atbert-som, Atom-athcomairc. Am liaich. Nít-regam a les. Atá Díen Cécht do liaigh lenn.

Atom-athcomairc, al sé. Am deogbore. Nít-regom a les. Atá deogbaire linn cenau .i. Delt &ersir; Drúcht &ersir; Daithe, Taei &ersir; Talom &ersir; Trog, Gléi &ersir; Glan &ersir; Glési.

Atbert, Atom-athcomairc: am cert maith. Nít-regom e les. Atá cert lind cenu .i. Crédne Cerd.

Atbert-som aitherrach, Abair frisind ríg, al sé, an fil les óeinfer codo-gabai ina dánu-sae ule &ersir; má atá les ní tocus-sa i Temraig.

Luid in dorsaid isin rígtech íar sudiu co n-éicid dond ríogh uleí. Tánic ócláech io ndoras lis, al sé, Samilldánach a ainm; &ersir; na huili dano arufognot det muntir-si, atát les ule a óenor, conedh fer cecha dánai ule éi.

As ed atbert-som go rocurit fidhcelda na Temrach dia saigidh-sium ann sin, &ersir; gou rug-som a toichell, conad and sin dorigne an cró Logo. (Acht masa i n-uamas an catha Troíanna rohairged in fidceall ní torracht hÉrinn and sin í. Úair is a n-áonaimsir rogníadh cath Muigi Tuired &ersir; togail Traoí.)

Rohinnised íar sin thrá do Nuadaitt annísin. Tuléic isin les, ar Núadha, ar ní tánic riam fer a samail-sin isin dún-sa.

Dolléig íarum an dorrsaidh seca, &ersir; luid isin dún, &ersir; síasur a suide súad, ar bo suí cacha dáno é.

Focairtt íarum Ogma an márlícc, a rabatar feidm cetri .xx. cuinge, trésan tech co mbuí fri Temair anechtair. Do cor álgusa for Lucc ón. Ducorustar Lucc for cúla co mmbuí for lár an ríghthighi; &ersir; docorustar an mbloig bert riam amach a táob an rígtigi combo slán.

Seindter cruitt dúin, al ind slúaig. Sephaind íarum ant ógláech súantraige dona slúagaib &ersir; don rígh an cét oidqui. Focairtt a súan ón tráth co 'raili. Sephainn golltraigis co mbátar oc caeí &ersir; ac dogra. Sephainn gendtraigi co mbátar hi subai &ersir; a forbfáilti.

Imrordaid íaram Nuadai, ó't connuirc ilqumachta ina óclagi, dús an cáomnacair dingbáil na daíri díb fo mbátar lasna Fomoiri. Gnísit íarum comuirle im dálai and óglaích. Is sí comuirle arriacht Núadha: cáemclodh suidi frisin n-óccláech. Luid Samilldándach a suide ríg, &ersir; atréracht an rí riam co cend .xííí. lá.

Imma-n-árladair dó íarum fria dá bráthair .i. Dagdo &ersir; Ogma for Greallaig Dollaid íarnamárach; co n-accartha cucu a bráthair .íí. .i. Goibniu &ersir; Dían Cécht.

Blíadhain lán dóib immon rún-sin in lín-sin, conadh de sin dogarar Amhrún Fer nDéa fri Grellaid nDollaid.

Co n-ocarthai cucau íar sin druíd Érenn &ersir; a lege &ersir; a n-aruid &ersir; a ngoboinn &ersir; a nbriugaid &ersir; a mbrethemain. Imus-n-agallatar dóib a ndícleth.

Rofíarfaig iarum don corrguru .i. Mathgen a ainm dús cía cumang gonánacair. Atbert-side focichred slébe Érenn trí gritai fona Fomori go tocrad i mmulloch fri talmain. Ocus doadbastae dóib dá príomslíab décc tíri Érenn do bith fo Túatha Dé Danann og imbúalad díb .i. Slíab Líag, &ersir; Denda Ulad, &ersir; Bennai Boirche, &ersir; Ruri &ersir; Slíab Bládmai &ersir; Slíab Snechtae, Slíab Mis &ersir; Blaíshlíab &ersir; Nemthenn &ersir; Slíab Maccu Belgodon &ersir; Segois &ersir; Crúachán Aigle.

Imcomaircidh dano den deogbori cía cumagg conánocair. Atbert-side dobéradh dá prímloch déc na hÉrenn ina fíadnoisi &ersir; ní fugbidis uisce indtib, cid íotae not-gabad. At íad-sou éat-side .i. Dercloch, Loch Lumnig, Loch n-Orbsen, Loch Rí, Loch Mescdhae, Loch Cúan, Loch Láeig, Loch nEchach, Loch Febail, Loch Dechet, Loch Ríoach, Márloch. Aross-cích(er)sit do díb prímaibnib déc ina hÉrenn .i. Búas, Bóann, Banna, Nem, Laí, Sinond, Múaid, Sligech, Samaír, Fionn, Ruirthech, Siúir, &ersir; decélaigter ar Fomorib ulie cona foighbid bando indtib. Targébu deogh firu Érenn ce bet go cenn secht mblíadnae isin cath.

Atbert dano Figol mac Mámois a ndruí, Firfit téorai frasae tened liom-sou a n-enech slúaig na Fomhore, &ersir; pérut dá trian a ngaili &ersir; a ngascid &ersir; a neirt estib, &ersir; arnenas a fúal ina corpoib fodesin &ersir; a corpaib a n-ech. Nach anúl dot-légfet fir(u) Érenn bod formach golie &ersir; gaisgid &ersir; nirt dóib. Quía bed isin cath go cenn secht mblíadnae, níbot scíthae a cách.

Atbert an Daogdae, An cumang arbágaid-si, dogén-sou ule am áonur. Is tusai an Dagdae! or cách; gonad de rot-lil "Dagdae" ó sin é.

Scaraid íarum asin comairlie go comairsidis die téoru mblíadan.

Ó roindlid íarum airicill an catha amlaid sin, luid Lucc &ersir; Dagdae &ersir; Ogma go trí déo Danonn, &ersir; doberot-side grésa an cathae do Lugh; &ersir; roboth sect mblíadnai oca foichill &ersir; ag dénom a n-arm.

Is dei aspert fris, Arfolmais cath mbrisi. Conid dei atpert an Morrígan fri Lug, Diuchtrai cein cuild ansaim slaidither truasfidir troich tarret brothlach mbodhmhou indraither túatha do-agath-diuchtra cein .d. c.

Boí Figol mac Mámais an draí og taircetal an catha &ersir; oc nertodh Túath nDéa, gonad and atbert, Firfidhir nith na boto tria agh tithris muir ninglas nemnadbeo brogoll brofidh airideu doifid Lug Lamfhadae. Brisfid bemionna uathmara Ogmae orruderc dó iar-beo rig. Soifider cisai, nófither bethai, ticfithir airim ethae, maigfithir blicht túatha. Bithsaer cach ina flaithmaigh. Cenmair tairgebai bith bioas bithsaer cách niba daer nech; a núadha focichart-de rind nith, &ersir; firfider nith. f. n.

Boí tegdas den Dagdae a nGlionn Edin antúaith. Baí dano bandál forsin Dagdae dia blíadhnae imon Samain an catha oc Glind Edind. Gongair an Unius la Connachta frioa andes.

Co n-acu an mnaí a n-Unnes a Corand og nide, indarna cos dí fri Allod Echae (.i. Echuinech) fri husci andes alole fri Loscondoib fri husce antúaith. Noí trillsi taitbechtai fora ciond. Agoillis an Dagdae hí &ersir; dogníad óentaich. 'Lige ina Lánomhnou' a ainm an baile ó sin. Is hí an Morrígan an uhen-sin isberur sunn.

Itbert-si íarum frisin Dagdae deraghdis an Fomore a tír .i. a Maug (S)cétne, &ersir; ara garudh an Dagdae óes ndánu Érionn aro cend-si for Ádh Unsen; &ersir; noragad-si hi Scétne do admillid ríg na Fomore .i. Indech mac Déi Domnann a ainm, &ersir; dohérudh-si crú a cride &ersir; áirned a gailie úadh. Dobert-si didiu a dí bois den crú-sin deno slúagaib bátar ocon indnaidhe for Ádh Unsen. Bai "Áth Admillte" íarum a ainm ónd admillid-sin an ríog.

Degníth íerum lesin óes ndánou ind sen, &ersir; docachnotar brechtau for slúagaib na Fomore.

Sechtmad rie Samain sen, &ersir; scaruis cách oroile dóib go comairnectar fir Érenn uili a llá rie Samain. Sé tríchaid cét a llíon .i. dá tríchad cét gech trin.

Foídes íerum Lug an Dagdae de tascélad forsna Fomhoraib &ersir; dia fuirech go tíostaeis fir Érenn den cath.

Luid íerum an Dagdae go loggfort na Fomore &ersir; cunges cairde cathai forrai. Dobreth dó amal conanoic. Degníther lite dó lasna Fomori, &ersir; ba dia cudbiud ón, oir ba mór serc liten lais-sium. Nos-lintar core cóecduirn an ríog dóu a ndechotar cetri ficet sesrai do lemlacht &ersir; a cubat cétnai de men &ersir; béoil. Doberthar gabair &ersir; cóerig &ersir; mucau indtie, &ersir; nos-combruithiter lei. Nosdórtiter a nderc talman dóu, &ersir; atbert fris noimbérthau fair bás mono tomledh ule; ar dáig ná berud écnach Fomore co rocaithed a sáidh.

Gabois íer sin a léig, &ersir; ba himaircithe go tallfad lánomain ina lige foro láur na léghie. It é didiu mírionn fordu-rauhotar inde: lethau tindei &ersir; cethromthu bloinge.

Is ann adbert in Dagdae, Fó bioath ind so má rosaigh a broth an rosaig a blas. An tan immorro noberid an lég láun ina béolu, is adn adberedh, Nís-collet a mícuirne, ol in sruith.

Dobert-sium immorro a mér cromm tar domain an dercu fo derid iter úr &ersir; grioan. Dolluid cotlud foair íerum ar caitem a liten. Ba méidithir scabol tige a bolc fair, gon tibsid im sodain na Fomore.

Luid úaidib íerum co Trácht Aebae. Níruho herosai trá den láech imdecht lie méit a bronn. Ba drochruid a congraim: cochlíne go bac a dí ullend. Inor aodhar imbe go foph a tónai. Gabol gicca rothach feidm ochtair ina diaid, go mba lór do clod coicríce a slicht 'na degaidh. Gonad dei dogaror Slicht Loirge an Dagdai. Is ed denucht lebar penntol. Dá bróicc imbe di croicinn capoild &ersir; a find sechtoir.

A mboí íerum og imdect co n-acu an n-ingen foro cind go ndeilb nderscoighte. Sí cáemtrilsich. Luid menmo an Dagdai díi, acht náruho túaloigg lia a proinn. Gabois an ingen fora cáinedh, gabais an ingen for imtrascrad fris. Fucerd cor de go ráinec go bac a tónai hi tolamh. Dos-n-éco go handíaraid &ersir; atbert, Quid ro-mba dam, a ingin, ol sé, dom cor dom conair cáir? Is airi ro-mba det: gonum-rugae ford' muin luet conam-rabor a ticc mo athar. Cúich athair? ol sé. Ingen-su ém, ol sí, d'Indech mac Dé Domnann.

Duscaru aitherrach &ersir; slaithe go léir, gorolín na futhorbe imbe do caindiubur a pronn; &ersir; nos-égnither gondo-ruccoud fora muin fo thrí. Atbert-sum ba ges dóu breth neich lais nád ebérad a ainm fris. Cía hainm-si didiu? ar sise. Fer Benn, ar é-sium. Imforcraid n-anmo son! ar sise. Atraí, nom-ber for mhuin, a Fir Benn. Ní hedh mh'ainm ámh, bar é-sium.

Ceist? ar sí. Fer Penn Brúach, ar é-sim. Atraoí nom-bir ford' muin, a Fir Benn Brúach, ar sise. Ní hedh mh'ainm, ar é-sim. Ceist? ol sise. Nos-tic díi ule taris. Tic-sí didiu for sliocht-seom and co n-epert, Atraí nom-ber ford' muin, a Fir Benn Bruaich Brogaill Broumide Cerbad Caic Rolaig Builc Labair Cerrce Di Brig Oldathair Boith Athgen mBethai Brightere Trí Carboid Roth Rimairie Riog Scotbe Obthe Olaithbe. Drennar rig d-dar fringar fegar frendirie. Atraoí, nom-ber di sunnae! Ná himber cuitbiud form ní bos móu, a ingen, al sé. Bid atégen tacuo, al síe.

Is íarum gonglóisie asin derc íar telcodh a prond. Sech ba hairi sin boí furech na hingene dó-som go cíoan móir. Atraoí-sium íerum, &ersir; gabaid an ingen foro muin; &ersir; dobert téorae clochau ina cris. Ocus dofuit cech cloch ar úair aire—ocus atberud batar íat a ferdai derocratar úad. Lingthe an ingen foair &ersir; doslais tara tóin é, &ersir; lomortar a caither frithrosc. Gondric íerum ion Dagdae frie a bancharoid, &ersir; dogníead cairdene íerum. Atá a llátrach for Trácht Eoboile áit a comarnachtar.

Is and sen atbert an ingen fris-siem, Ní ragae ám den cath cipé toucht, al in phen. Ragat écin, ol in Dagdae. Ní rogae, ol en ben, ar boam cloch-sou a mbéulai gech áthau nod-ragau. Bid fír, or ion Dagdae, acht ním-gébou dei. Ragat-so go trén tar cech n-alich, &ersir; biaid látraoch mo sáulu-sau i ngech ailic go brath. Bid fír, acht bud síos consúfiter cona aicither. Ní rago torm-sai gom m-árail maccu Tethra hi sídaib. Ar bon rail-sie daruch i ncech áth &ersir; i ngech belaig not-ragai. Ragat écin, al in Dagdae, ocus bieid látrach mo bélo-sai io ncech dair go bráth. (Co n-epert as eth látrach béluo an Dagdai.) Atbert-si íerum, Légaitir na Fomore a tír, ol síe, ar táncotar fir(u) Érenn ulie go háeninodh. Atbert-si dano noríastrabadh-sí no Fomore, &ersir; docachnopad forrai, &ersir; arin-imreth-somh ceird marbthaig na gíce forro—ocus nogébad-si a hóenor nómad rann forin slóug.

Tecoid íerum na Fomore co mbátar a ndichmaid a Scétne. Bátar fir(u) Érenn immorro i mMoigh Aurfholaigh. Bátar íerum ag imnesie cathai in dá slúag-so. An cauth arfolmotar fir Érenn de tabairt dúdn? al Pres mac Elathan fri hIndech mac Dé Domnann. Dobiur-so inoen, ol Indech, cumbat minai a cnámhae mina érnet a cáno.

Buí comairli lia firu Érenn im nemlégodh Logai isin cath, ara coime. Go nderochtor a noí n- oide die comét .i. Tollusdam &ersir; Echdam &ersir; Eru, Rechtaid Fionn &ersir; Fosadh &ersir; Fedlimidh, Iubor &ersir; Scibar &ersir; Minn. Ecol leo íerum mochscélie den óclaích ar imot a dán. As airie nár'télgsit din cath.

Rotinálid trá maithe Túath nDé Danann go Luch. Roimcomhoirc a gaboinn .i. Gaibne, cía cumong conánocuir dóib.

Ní anse, al sé. Gé bet fir Érenn isin cath go cenn secht mblíatan, gaí detáet dia crunn ann nó claidem memais ann, tarcéba arm núa úam-sai ina inoth. Nach rind degéno mo lám-so, ol sé, ní focertar imrold de. Nach cnes i ragae noco blasfe bethaid de íer sin. Níbo gníthe do Dulb gobhae na Fomore annísin. Atú dom cor do cath Muige Turedh anosa.

Os tusai, a Díen Cécht, or Lug, cía cumogg conicid-si ém?

Ní anse, ol síe. Nach fer géntor ann, acht mona bentor a cedn de, nó mani tesctar srebonn a inchinde nó a smir smentuinde, bodh ógsláun lim-su 'sin cath arabhároch.

Os tusai, a Crédne, or Lugh frie cerd, caide do cumong isin cath?

Ní anse, ar Crédne. Semonn a ngaí &ersir; dornclai a cloidim &ersir; cobraid a scíath &ersir; a mbile rusia lim-sai dóip ule.

Os tusa, a Luchta, or Luog frie a sóer, cía cumong rosta 'sin cath?

Ní anse, or Luchtai. A ndóethain scíath &ersir; crand sleg rosiae lem-sai dóib ule.

Os tussa, a Oghmau, ol Lug frie a trénfher, caide do cumong isin cath?

Ní anse, ol síe. Digguháil and ríog lia dingbáil trí nónuhar dia cairdib, la gabáil in catha go trian la firu Érenn.

Os tussa, a Morríghan, ol Lug, cía cumang?

Ní anse, ol sí, ar-rosisor; dosifius do-sseladh; ar-roselus, aros-dibu nos-ríastais.

Os sib-sie, a corrgunechai, al Lugh, cía cumang?

Ní anse, ar na corrguinidhgh. A mbuind bánai forra íarn' trascrad trienar cerd-ne, go romarbtar a n-aiscid; ocus dá trian a neirt do gaid foraib, lie forgabáil aru fúal.

Os sib-sie, a deoguhairi, or Lug, cía cumong?

Ní anse, ar na deogbore. Dobéraim-ne robhar ítadh foraib, &ersir; nemfhogbáil dige dia cusc dóib.

Os sib-sie, a druíde, ol Luog, cía cumong?

Ní anse, ar na druíde. Dobérom-ne cetha tened fo gnúisib no Fomore gonar'fétad fégodh a n-ardou, corus-gonot fou cumas iond óicc bet ag imgoin friu.

Os tusai, a Corpri meic Étnai, or Luog frie a filid, cía cumang condoid isin cath?

Ní anse, ol Corpri. Degén-sai gláim ndícind dóuib, &ersir; nus-óerub &ersir; nus-anfíalub cona gébat frie hócu trie bricht mo dána-sa.

Os siuh-sie, a Uhé Culde &ersir; a Dinand, or Lug fria dá bantúathaid, cía cumang connai isin cath?

Ní anse, ol síed. Dolbfamid-ne na cradnai &ersir; na clochai &ersir; fódai an talmon gommod slúag fon airmgaisciud dóib; co rainfed hi techedh frie húatbás &ersir; craidenus.

Os tussa, a Dagdai, ol Lug, cía cumang connic for slúag na Fomhore isin cath?

Ní anse, ol in Dagdae. Dugén-sa leath fria feru Érenn eter cáemslecht &ersir; admilliud &ersir; amaidichtai. Bud lir bomonn egai fua cosaib gregai a cnáimreth fum luirg an fecht-sie, áit a comraicid díabulnámod for raí Muige Tuired.

Ruaicill trá Luch cách ar uair díb fria a ndánoib ón mud-sin, &ersir; rus-nert &ersir; rus-aicill a slúag combo menmanrad rígh nó roflathua la cech fer díb fon cruth-sin.

Rosernatai trá an cath cech láei eter fine Fomra &ersir; Thúatha Déa, acht namaá ní bótar rígh nó ruirig oga tabairt, acht óes féigh forúallach namá.

Ba ingnad trá liasna Fomore alaill tárfas dóib isin cath. Botar cloíte a n-airm-sie .i. a ngaoí &ersir; a cloidme; ocus an romarbad dia feruib-sium ní ticdis íernabháruch. Níba edh immorro de Túathaib Déa: ar cía noclodis a n-airm-sium andíu, atgainidis amuhárach fo bíth roboí Goibnenn goba isin cerdchai ag dénam calc &ersir; gaí &ersir; sleg. Ar dogníth-side na harma-sin fria téorai grésai. Dogníth dano Luchtaine sóer na crondo fri téora snasau, &ersir; ba féith an tres snas &ersir; ata-indsmad hi cró an gaí. Ó robídis arm de isin leth ina cerdchai dobidcet-som na cróu cusna crandoib, &ersir; níbo hécin aitherrach indsma dóib. Dugníth dano Crédne cerd na semonn fri téorai gréssai, &ersir; dobidged cró na ngáu díb, &ersir; níbo écen tairbir remib; &ersir; noglentais samlaid.

Is edh dano doberiud bruth isna hógaib nogontais ann, comtar ániu íarnauhárach: fo bíth roboí Díen Cécht &ersir; a dí mac &ersir; a ingen .i. Ochttríuil &ersir; Airmedh &ersir; Míach oc dícetul foran tibrait .i. Sláine a hainm. Focertdidis a n-athgoíte indte immairlestis; botar bí notégdis esde. Batir slán a n-athgoíte tre nert an dícetail na cethri lege robátar imon tibrait.

Tánic didiu frisna Fomore annísin, go tudciset-som fer n-úadaibh de déscin cathai &ersir; cosdotha Túath nDéa .i. Rúadán mac Bresi &ersir; Bríghi ingene in Dagdai. Ar ba mac-side &ersir; ba úa do Thúaith Déa. Atcuaid íerum gním an gaphonn &ersir; ant sáeir &ersir; an cerdou &ersir; na cetri lége rouhátar imon tibrait do Fomoraib. Rofaíded-som afridisie fri marbod neich den óes dána .i. Gaibniu. Tothloigestar gai ó ssoide, a semonn ón cerdai, &ersir; a crand ónt sóer. Debreth íerum amal asbert. Baí dano ben and fri bleth arm .i. Crón máthair Fíanluig; is í rus-meil gaí Rúadáin. Dobreth dí Rúadán didiu an gaí ó máthri, conud de sin doberar "gaí máthri" de garmnaib beus a n-Érinn.

Immesoí didiu Rúadán íer tabairt in gaí dó, &ersir; geogoin Goibninn. Tíscais-side an gaí as &ersir; fochaird for Rúadán co lluid trít; &ersir; co n-érbailt ar bélaib a athar a n-oirecht na Fomore. Tic Bríc &ersir; cáines a mac. Éghis ar tós, goilis fo deog. Conud and sin roclos gol &ersir; égem ar tós a n-Érinn. (Is sí didiu an Prích-sin roairich feit do caismeirt a n-oidci.)

Luid trá Gaibniu fon tibrait &ersir; ba slán-side. Bai ócláech lasno Fomore .i. Octríallach mac Indich meic Déi Domnann, mac ríg Fomore. Atbert-side frisna Fomore aro tabroidis cloich cech áinfir leo de clochaib Drobésa do cor ar tibrait Sláine a n-Achad Abla fri Magh Tuired andíar, fri Loch n-Arboch antúaid. Lotar didiu, &ersir; doberod cloich cech fir forin tiprait. Gonud de atá Carn Ochtríaldaig foran carn. Ainm n-aild dano din tibroid-sin Loch Luibe, ar dobered Díen Cécht ind cech losa rouhótar a n-Éri.

Ó tánic trá airis an cathai móir, atrárochtor na Fomore asa scoraibh sechtair &ersir; derónsud catha daiggne dítogladai díb. Ní rabhu trá airich nó fer egnnamae díob cen lúirig friae chnes, cen catbarr fora cend, cin manaís muirnig 'na deis, gen cloidim tromgér fora cris, gen scíeth daiggen fora formnai. Ba "bém cinn fri hald," ba "lárum a net natrach," ba "haigedh go tenid" cor fri slúag na Fomore isin ló-sin.

Robtar íet-so ríg &ersir; toísich rouhátar og nertadh slúaig na Fomore .i. Balor mac Doit meic Néid, Bres mac Elathon, Tuirie Tortbuillech mac Lobois, Goll &ersir; Irgold, Loscennlom mac Lomglúinigh, Indeach mac Dé Domnann rí na Fomore, Octríallach mac Indich, Omna &ersir; Bagnai, Elotha mac Delbáeth

Atrachtotar Túatha Dé Danann don leth eli, &ersir; dofágaibsid a naíe céli ag comét Logai, &ersir; lotar do oiris an catha. In tan íerum segar an cath, conselu Lug asa coimét a mboí ina cairptech, gombo hé baí ar inchaib catha Túath nDéa. Roferud trá imairec áith amnas and so eter fine Fomra &ersir; firu Érenn. Boí Lug og nertad fer n-Érenn co roferdais go dícra an cath fo dégh ná beidis a ndoíri ní bod sírie. Ar ba ferr dúoib bás d'fhogáil oc díden a n-athardho indás beith fo doíri &ersir; fou cís amal rouhátar. Conid and rocan Lug an cétal-so síos, for lethcois &ersir; letsúil timchell fer n-Erenn.

Arotroi cat comartan! Isin cathirgal robris comlondo forslecht-slúaig silsiter ria sluagaib sioabrai iath fer fomnai. Cuifecithai fir gen rogain lentor gala. Fordomaisit, fordomcloisid, forandechraiged, fir duib: becc find nomtam-. Fó! Fó! Fé! Fé! Clé! Amainsi! Noefit-man-n ier nelscoth-trie trencerdaib druag. Nimcredbod catha fri cricha; nesit-mede midege fornemairces forlúachoir loisces martal-tshuides martorainn trogais. Incomairsid fri cech naie, go comair Ogma sachu go comair nem &ersir; talom, go comair grioan &ersir; esqu. Drem niadh mo drem-sie duib. Mo sluag so sluag mor murnech mochtsailech bruithe nertoirech rogenoir et-dacri ataforroi cath comortai. Arotrai.

Ros-láisiud na slúaig gáir mór oc dol isin cath. Conráncotar íer sin, &ersir; rogab cách for trúasdrad a céile díbbh.

Mór do cóemaib derochrotar ann a mbúailie báis. Mór ant ár &ersir; an lechtloide roboí ann. Roboí úall &ersir; imnáire and leth for leth. Buí ferg &ersir; borrfad. Ba himgae réun folu tar gelcnius móethócláech ann íerna léudh do lámaiuh létmiuch oc teicht a ngáuhad ar imbnárie. Ba hamnas muirn &ersir; saitoi na curud &ersir; na láth ngali ic immdítin a ngáe &ersir; a scíath &ersir; a courp ind taun nus-bítis a céli ica trúastrud denaib gaíb &ersir; denaib cloidbiuh. Amnas dano an tarneuch ruboí and sechnón an cathae .i. gáir na láechraidí &ersir; presimb na scíath, loindreuch &ersir; fedgairi na cloidhim &ersir; na calc ndéd, cairchiu &ersir; grindegur na saicidbolc, sían &ersir; etigud na foghaid &ersir; na ngabluch, &ersir; priscbémniuch na n-armb.

Es bec trá ná comráncatar inn a mméur ocus a coss ocin imtúarcain; co tuislitis assa sessam lie slimreth na foluo fou cossaib na míliodh, co mmbentaeis a cinno díob ana suidip. Conúargabud cath crótdae, créchtocch, bróineuch, fuilech, ocus rurássa unnsenn hi crobaiph bídbad ann-side.

Derocair dano Núodai Aircetláum ocus Maucha ingen Ernmoiss lie Balur uí Nét. Duceur Cassmóel lie hOgtríallug mac n-Indich. Imma-comairnic de Luc &ersir; di Bolur Birugderc esin cath. Súil milldagach le suide. Ní ho(r)scailtie inn sóul acht i rroí catae nammá. Cetrar turcbaud a malaig die shól conu drolum omlithi triena malaig. Slúoach do-n-éceud darsan sól, nín-géptis fri hócco, cíe pidis lir ilmíli. Es de boí inn nem-sin fuirri(r) .i. druíth a adhar bótar oc fulucht draígechtae. Tánic-seum &ersir; ruderc tarsan fundéoic, co ndechaid dé en foulachtae fuithi gonid forsan súil dodecaid nem an foulachta íer sin. Condrecat íerum Luc. Is (n)ann isbert Lucc: Odeo cietoi fir bic ciabith imbá inlá biu fo ló marbu duit. Balor dixit, Foriathmaigi alfois filiu fon' fola immusriad riadha fo comrac sil silme amsil amnus fen. Lug-dixit, Is tu torat-Lughdech lisbertac totsili dotoirrse pu mo cloidim dotgart mo tuili mo cerdae cles tuatha. Bid olc de cuanaib fal Fomoiri fo tuili fo trethan duib fo tonnae lia ciptuccai conaib dinn. Niberaid mes na blicht. Niberaid arith ith niberaid eraig aigthe. Aic! Aic! Fe! Fe! Ni focen tis-sta naithech nes bretach bithmaru inarbraind beg antetru tromma fortaibsin troga forlica lim. Os me Lug namfadbid oldam dilaim denaith duilem fordiacimdes gene os-gene nomnasaid mo carp-nitaidlibthi tres ceptucas atbrothru fo tonnaib lirdib. Linaid tethru trestuath commilae mara melli cr-i cruaid. Caramain bith aithis for farmnaib dea. Tetrais tuli maru luadaib. Cloidem cosst-druad menmaind logha luaithe gaithe donal druag frasaib tenid ten'al leom-laindr-greine gili escie.

Tócaib mo malaig, a gille, al Balor, co ndoécius an fer rescach fil ocom acallaim.

Tócauhar a malae dia deirc Baloir. Fucaird Luc íer sin líic talma dó, co ndechaid an súil triena cend. Conid a slúag bodessin derécacha. Co torcair four slúag na Fomore conda-apatar trí nónuhair díb foua tóeb; co mboí a mullach frie bruinni n-Indig meic Dé Domnann co sescaind a loim foulae tara béola-side.

Congarar dam-sae, ar Indiuch, Lúoch Lethglass .i. mo fhili. (.i. lethglass é ó talmain go mulluch a cinn.) Totáed 'na docum. Finnta dam-sa, ol Indeach, cía rotollae form-sa in n-orchur-sai.

Cía erna isan cath conn conacherna cid riun- ramid aratoruad ann rie cach gid form memais aratorad (.i. ara tuate) afrecol.

Is ann isbert Lúog Lethglas, Aisnes cie fer, snedcuruch, serig, slechtach, lathcorauch latras ailig nesomain a tailm tatbem bag brissius derc, toraich drech dorig buadgalaigh Baluir tnuthgal-tinnfhir.

Is ann isbert Lug na bríatra-sa sís, aga fregrae: Rola fer nachadais nachadcaru nandidceil nachidceala cerdaib errad. Is me, Lug lonnbemnech, mac Qind mac Ethlend is mo brighfas firgal-dercaib damus cath co fergaib mor- memais foirb Fom-ib maraib coraid míadach ciptuctai tuath es mratach ealluch. Is lidh troig dodob-comci corud cathminn-n ar roi, roínfimni nert traetf-er f- fercc fesaib dea nidur fulriudai f- ar fodb fesmai dorngalaib a cath.

Is ann ispert Lóch, Cengmai cichsimiu cetaib Fomoiri ferdae nihinnist-imon fosem feocraib drongaluib drongaib catbuiden bairnnech cethern cengmai duibh dobortig dounith nimtorbae rind nimairic nimthimomna teitbe lorae loghae línn uaib Fomoiri fri hEalg. Friscart Luch, Bid go dait, ar Lug, ar bid doi uaig do forndiuire ragad e-ad doncath irach atogena- galeng abar rae rig Fomoiri trentuich f- Neíd. Is ann ispert Lúoch, Bid go det, a Lugh lethsuanaigh fonel nithed moenrain-ib fria far tiachta fri taig intretresa tet martaib frilerg intatlia lethcruidh slogaib srothaib saothnu allaib maraib níthuib. Ni tadhna len luaith tumme ferc f- neocroide iar nár sirslanaib echaib nitadled armuriu laigniu fri uaraib oldama nidad tu-s buadaich fri foepra fichid cath ceol- cufil sudighud fria. Nach doich duo iariaich dianath doncath irriaich sudf- luachair dercmaighi fulriutha d-magh médiu.

Tánic in Morrígan ingen Ernmusa anduidhe &ersir; boí oc nertad Túath nDéa co fertois an cath co dúr &ersir; co dícrai. Conid ann rocachain in laíd-se sís: Afraigid rig don cath! rucat- gruaide aisnethir rossa ronnat- feola, fennát- enech, ethát- catha -rruba segatar ratha radatar fleda fechatar catha, canát- natha, noat- druith denait- cuaird cuimnit-. Arca alat- ide sennat- deda tennat- braigit blathnuight- tufer cluinethar eghme ailit- cuaird cathit- lochtai lúet- ethair snaat- arma scothait- sronai. Atci cach rogenair ruadcath dergbandach dremnad fiachlergai foeburlai. Fri uab- rusmeb- renarmársrotaib sinne fri fur foab- líni Fomoire i margnaich incanaigh copraich aigid fiach dorar friarsolga garuh dálaig formdes- rodbadh samlaidh dergbandaib dam aimcritaighid connaechta sameth donncuridh dibur fercurib fristongarar.

Romebhaid íerum in cauth íer sin, &ersir; roslechtait na Fomore co muir. Dorochratar comtuitim Ogmae mac Ealauthan an trénfer &ersir; Indeouch mac Dé Domnaund rí na Fomore.

Áilis Lóch Leuthglas for Lucch a anacul. Mo trí drinnroisc daum! for Luch.

Rod-bie, our Lóch. Dingébat-sa fochail Fomore d'Érinn co práuth; &ersir; a ngébas di teungae, íocfaid fri diaid mbeuthaud ar cach n-aingceus.

Aunauchta Lóch íerum. Is ann cachain "In Dáil n-Asdadha" do Gaídelaib. Gébaid foss findgrinde, descca doine doman tuircebat ceth-torel aurblathaib ticfait ioth sceo mblicht, morad indber, armesaib marcainib dossuib drongaib darach ocridhiu icribcedhaib celar bron berar failti fira fomcichet grian glessaib saorcaomaib. Sinaib serntar fir fletigib ailtiu astath-f-comfercca cridhiu. Celid Fomoire fairrcce, findcasrao, sitt bitha banba echtguidi echtrann, &ersir; suthaine feraib finncluiche forbarsed ondiu, cobrath, bid sid ar Fomoire ind Ere.

Asbert Lóch dano dobéradh airm di naí cairptip Lochca ara anacul. Asbert dano Lucc ara n-ainmniged. Friscart Loch cond-epert, Luachta, Anagat, Achad, Feochair, Fer, Golla, Fosad, Cráeb, Carpat.

Ceist: cíe hanmanna na n-aradh robátar inn immorro? Medol, Medón, Moth, Mothach, Foimtinne, Tenda, Tres, Morb.

Cíe hanmanna na ndeled bátar 'na lámaib? Ní anse. Fes, Res, Roches, Anagar, Ilach, Canna, Ríadha, Buaid.

Cíe hanmanna na n-ech? Can, Doríadha, Romuir, Laisad, Fer Forsaid, Sroban, Airchedal, Ruagar, Illann, Allríadha, Rocedal.

Ceist: cíe líon ind áir? for Lucc fri Lóch. Ní fedar cía líon do aithechaib &ersir; do drabarslúag. Mad an líon d'oíctichernaib &ersir; d'airechaib &ersir; do ánradaib &ersir; do maccuib rígh &ersir; do airdrígaib Fomore rofetar .i. triar trí fichit .l. cét fer, .xx. cét trí cóicait .íx. cúicir cetri .xx. míle, ochtar ocht fichit móirseser cetri .xx. seiser cetri .xx. cóicer ocht fichit, dias cethrachat im húa Net nóicait. Is hé sin líon ind áir dorochair di airdrígaib &ersir; do airdticernaib na Fomore isin cath.

Mad a llíon immorro di aithechaib &ersir; di drochdoiniu &ersir; di dáoscarslúag &ersir; d'áos cecha dánae olchenae diloutar a comoidecht an mársluaig—aur dideochaid cech ánrad &ersir; cech ardtoísech &ersir; cech airdrí de Fomorchaib cona sochraide din chauth, co torcradaur adn uili, a soír &ersir; a ndaoír—nís-n-áirmium acht úothad di modhagaib na n-airdrígh namáu. Iss ed adn so aun líon roáirmios di suidhiu amal attconnaurc: secht fir secht fichit secht cét secht cáocae .l. di cétaib cét .xx. fichi cét cét .xl. immon Saub n-Úanchendach mac Carpri Cuilc, mac-sidhe moga di Indeuch mac Dé Domnadn (.i. mac moga rích Fomore).

Mad a ndochair adn chena de lethdoínib &ersir; di crandasctib fíanlaich, di neoch nád roacht cridiu cathae—co roháirmither renda nime, &ersir; gainem maurae, &ersir; lóae snechtae, &ersir; drúcht for faichthi, &ersir; bommadn eghae, &ersir; féur fo cossaib greghae, &ersir; groigh meic Lir la máurainfini—ní háirmidter-side iter.

Íar sin dono fríth báoccul Bresi meic Elathan dóip. Atbert-sidhe, Is feurr m'anacul, ol sé, oldáss mo guin.

Cid ann-side biass de? aur Lucc. Bid sírblechtach báe Erenn, ol Pres, díaenom-aunastar-sa. Comarfas-sa díar ngáothuib, or Lug.

Is de sin luid Lug co Maoíltne Mórbrethach co n-epert pris, An n-anustar Bres ar bithblicht do búaibh Érenn?

Nach anustair, ar Móeltne. Nád cumhaicc a n-óes nach a n-indoth, ce choni a mblicht airet beat bí.

Atpert Lug fria Bres, Ní ed annísin not-anuig; nád cuimgi a n-óes nach a n-inddoth, ce chonis a mblicht.

Atpert Bres, Forbotha rúada roicht Maíltne.

An fil n-aill nut-ain, a Bres? ar Lug.

Fil écin. Abair fri bar mbrethiomain bibsiutt búain cech ráithi ar m'anocol-sa.

Atbert Lug fria Móeltne, An n-anustar Bres ar búain n-eta cech ráithi di feruib Érenn?

Is ed imma-n-airnicc lind, or Maoíltne. Errach fria har &ersir; sílad, &ersir; tosach samraid fri foircend &ersir; sonairti n-etha, &ersir; tossach n-aipchi foghamair fri forcend aipchi n-etha, &ersir; fria búain. Gaimred fria tomalta.

Nís-tessaircc annísin, or Lug fria Bres. Forbotha rúada roicht Maíltni, or sé.

Is luga dot-essaircc, or Lug. Cid? ol Bres.

Cocon ebrad, co sílfad, co chobibsad fir Érenn? Is íar fis an tréde-siu, manad-anustar. Abair friu, Mairt a n-ar; Mairt hi corad síl a ngurt; Mairt a n-imbochdt.

Roléccad ass didiu Bres triasan celg-sin.

Isan cath-sin didiu fúair Oghma trénfer Ornai, claidiomh Tethra rí Fomore. Tofoslaicc Ogma in claideb &ersir; glanais hé. Is and sin roindis an claideb nach ndernad de, ar ba béss do claidbib an tan-sin dotorsilcitis doadhbadis na gnímha dogníthea díb in tan-sin. Conid de sin dlegaid claidme cíos a nglantai íarna tosluccad. Is de dano forcométar brechda hi cloidbib ó sin amach. Is aire immorro nolabraidis demna d'armaib isan aimsir-sin ar noadraddis airm ó daínib isin ré-sin &ersir; ba do comaircib na haimsire-sin na hairm. Is don cloidibh-sin rochacain Lóch Lethglas in láid-si: Admell ma Orna, uath cath, cule leccla, fristethaind tuind formna f-roir is ress ningalne amtri locha lochaurbe imlias luch loeg trimchim am trichtaigh tighi fuaibne mifualang tighe tethrae toetrau dobert mor fodriru Fal Fomhoire foenda for Balur benn bas-alan Fomhor-lelgi mac Ethne uili aoinfecht ferse colom cathram-ransi fodb fersamhle fersi cetharslichd fhid serbh armarmíadh. Ainm aili fes- fuil tethr- hitus faidter fuirtbe mong diafurbidh f-ruiris ilur fuil- Oghme.

Loutar a ndiaid na Fomore dano Lug &ersir; an Daghdou &ersir; Ogma, ar cruitire an Dagda ro-n-ucsad leo, Úaitniu a ainm. Rosaghad íerum a flettech a mboí Bres mac Elathan &ersir; Elathan mac Delbaíth. Is ann boí in crot forin fraighid. Is sí in cruit sin ara nenaisc na céola conarofhograidhsetor tria gairm co ndegart in Dagda in tan atbert ann so sís, Tair Daur Dá Bláo, Tair Cóir Cethairchuir, Tair sam, tair gam, Béola crot &ersir; bolg &ersir; buinne! (Dá n-ainm dano bátar foran cruit-sin .i. Dur Dá Blá &ersir; Cóir Cethairchuir.)

Doluid an crot assan froig íerum, &ersir; marbais nonbór &ersir; tánuicc docum an Daghda; &ersir; sepainn-sie a trédhi fora nemthigthir cruitiri dóib .i. súantraigi &ersir; genntraigi &ersir; golltraigi. Sephainn golltraigi dóib co ngolsad a mná déracha. Sephainn genntraigi dóib co tibsiot a mná &ersir; a macraith. Sephainn súantraigi dóib contuilset ant slúaigh. Is de sen diérlátar a triur slán úaidib—cíamadh áil a ngoin.

Dobert an Dagda diu laiss tria gém na dairti dobreth dó ara sóethar; ar in tan rogéssi a gaimmain rogeltatar cetri Érinn uili do neoch bertatar Fomore díp ina cíos.

Íar mbrisiud íerum an catha &ersir; íar nglanad ind áir, fochard an Morrígan ingen Ernmais do táscc an catha-sin &ersir; an coscair móair forcóemnochair ann do rídingnaib Érenn &ersir; dia sídhcairib, &ersir; dia arduscib &ersir; dia inberaiph. Conid do sin inneses Badb airdgníomha beus. Nach scél laut? ar cách friai-se ann suide.

Sith co nem. Nem co doman. Doman fo ním, nert hi cach, án forlann, lan do mil, mid co saith. Sam hi ngam, gai for sciath, sciath for durnd. Dunad lonngarg; longait-tromfoíd fod di uí ross forbiur benna abu airbe imetha. Mess for crannaib, craob do scis scis do áss saith do mac mac for muin, muinel tairb tarb di arccoin odhb do crann, crann do ten. Tene a nn-ail. Ail a n-uír uích a mbuaib boinn a mbru. Brú lafefaid ossglas iaer errach, foghamar forasit etha. Iall do tir, tir co trachd lafeabrae. Bidruad rossaib síraib rithmár, Nach scel laut? Sith co nemh, bidsirnae .s.

Boí-si íarum oc taircetul deridh an betha ann beus, &ersir; oc tairngire cech uilc nobíad ann, &ersir; cech teadma &ersir; gach díglau; coníd ann rocachain an laíd-se sís: Ni accus bith nombeo baid: sam cin blatha, beti bai cin blichda, mna can feli, fir gan gail. Gabala can righ rinna ulcha ilmoigi beola bron, feda cin mes. Muir can toradh. Tuir bainbthine immat moel rátha, fás a forgnam locha diersit- dinn atrifit- linn lines sechilar flaithie faoilti fria holc, ilach imgnath gnuse ul-. Incrada docredb- gluind ili, imairecc catha, toebh fri ech delceta imda dala braith m-c flaithi forbuid bron sen saobretha. Brecfásach mbrithiom- braithiomh cech fer. Foglaid cech mac. Ragaid mac i lligie a athar. Ragaid athair a lligi a meic. Cliamain cach a brathar. Ni sia nech mnai assa tigh. Gignit- cenmair olc aimser immera mac a athair, imera ingen ...