]> Colum Cille cecinit Fersaighecht an tempuil tall [Laud 615, p. 7] An electronic edition Unknown Kuno Meyer Electronic edition compiled by Benjamin Hazard Dara Mac Domhnaill University College, Cork The HEA via the LDT Project. Second draft. 1455 CELT: Corpus of Electronic Texts: a project of the Department of History, University College, Cork
College Road, Cork, Ireland—http://www.ucc.ie/celt
2005 2008 CELT online at University College, Cork, Ireland. G208004

Available with prior consent of the CELT programme for purposes of academic research and teaching only.

 Manuscript source Oxford, Bodleian Library, Laud Misc. 615, page 7. For full details see Brian Ó Cuív (ed.), Catalogue of Irish Manuscripts in the Bodleian Library at Oxford and Oxford College Libraries; 2 vols. (Dublin Institute for Advanced Studies, 2001-2003) 88–100. Secondary literature Anne O'Sullivan and Máire Herbert, The provenance of Laud Misc. 615, Celtica 10 (1973) 174–192. The edition used in the digital edition Kuno Meyer Colum Cille cecinit (Aus Laud 615, S.7) Zeitschrift für Celtische Philologie 9 Halle/Saale Max Niemeyer 1913 173–175

CELT: Corpus of Electronic Texts

The present electronic text covers Kuno Meyer's edition on pp. 173–175.

Text has been proof-read twice.

The electronic text represents the edited text. Text supplied by the editor is tagged sup resp="KM".

Direct speech is marked q.

CELT practice.

div0=the poem.

Names are not tagged, nor are terms for cultural and social roles.

 By an unknown Irish monastic author. 900–1200 The text is in Middle Irish. Annotations are in German. religious poem medieval 2011-01-30 Beatrix Färber ed. New wordcount made. 2008-10-03 Beatrix Färber ed. Keywords added; file validated. 2008-07-19 Beatrix Färber ed. Value of div0 "type" attribute modified, 'creation' tags inserted, content of 'langUsage' revised; structural markup modified, file reparsed. 2007-12-18 Beatrix Färber ed. File converted to XML. 2005-08-01 Benjamin Hazard ed. File parsed and HTML file created. 2005-07-27 Benjamin Hazard ed. Header constructed and bibliographical details compiled. 2005-07-23 Benjamin Hazard ed. File converted to SGML and proof-read (2); new content mark-up applied to text; structural mark-up inserted. 1996-07-30 Dara Mac Domhnaill ed. Text captured by scanning; file proof-read (1); content mark-up added to file. Colum Cille cecinit: Aus Laud 615, S. 7. Fersaighecht an tempuil tall go mīn is go mall gan lūas, innis-siu sin is nā ceil is inmhain sin ar nimh thúas. Mairbh an domuin go nguth ngnāth ó sin amach go bráth mbūan, fersaighecht lúath is leō is locht, dobeir sin sprocht ar an sūan. Ge lūath guth gadhair gloin glē og tafann fīadha ar bith cé, is lūaithe an urnaigthe sund ag tabairt anma a hiffurn. Gerb imdha ēighemh isan cath isin mhaidin ar Muigh Rath, lia ēighemh a n-ifern fá nāi ga argain don urnaichthi. Sīrghabāil na salm 'masech ocus bīaide na clēirech, re demhan is mór a fúath ge mall gabar īat go lūath. Itaid ráidh terc dona cléirchib is cáidh, amail muilend bīs 'na rith nī dhēnann don ith acht cáith. An tenga ag gabáil na salm in t-aignedh 'sa t-olc agarbh, is hī an chaindel gan tumadh nach gabhann re fursunnad. Mairg fer ngrāidh dā nach tabair in dā lāimh, in lāmh timsaighess an crodh, 's a lāmh eile 'ga scāiledh. Mairg fer ngrāid risnach ceisd an deoch ibhess don linn mheisg, in deoch sin ge milis leis, is hī desgaidh an dīmais. Mairg fer ngrāidh cuires fa choim in lāimh dá linann a bhroind, dī muna bīatha bochta bidh pían dó, bidh bithgorta. Bidh olc bīas a n-ēire sunn antan raghus don aifriunn, an sagart santach selbach celgach fergach mōrmenmnach. Dá mbīa ag fursannadh caindel 's ag lūagh lēighind co hanghuidh, ga múchadh gu coimsi cain ag būain tsoillsi don anmain. Maircc dána bēs bithagra, maircc nāch rīaraigh a līatha, nī maith borb ré cairechadh, beridh sleamuin a fīacha. ēirgidh in fīachach fāthach go gnāthach is go glētheach, dā síre tír n-ard nērenn nocha n-ēirghinn in t-ētheach. Is mē Colum Cille ō Nēill, dūthrigim cobair d'ēirinn, gach olc thiucfas rena slūagh nocha lim-sa nách lāntrūagh. Mé Colum Cille na clog 's am aontadhach re heaspoc, nī gnāth dam suidhe re slūagh nogo rab duine rothrūagh. Mē Colum Cille gu becht mac Feidlimidh na naoimhfhert, nīr lág re sechtmuin am corp ni nosāsadh bocht aoinfhecht. Nem abus ocus nem tall in Coimdi cia da tabrann, as é as nemdaidh uile dā nem d'faghbāil d'ēnduine. Madh hē in doman thall chara, bí a péin abus gēin mara, madh bus let as gaire dochum nime nī ragha. Gach sen, gach sagart salmach, is de bus tarbach a tress, acht manbad toiscce doghēbadh anadh do léghadh na bfers. F. Mē Colum Cille gan feall, romchar Rī na rend gan chess, gairit lem gacha dardaoin beth ag mo Rīgh ac rīm ferss. F. Cethri ar fhichit co fír ar bēlaib mo Rígh rofeas, bindi leam ceól áoinfhir dībh iná a fhuil in bar tīr ag rīm fers. F. A Bāithīn mhóir bághaigh bháin, aithin dáibh dénad a les, mar doníad cuirp do níamhadh dénad don Rígh ríaghladh fers. F. Do chabrus Fīnnachta fīal do bí thīar a lén rofess, d'fhágus hē a Temraig na rígh, maith mo ghnīmh ac rím na fers F. Do chabrus Cairbre gan scís ón lon chráes do bí 'na chnes, ōn ló dofhūarus a fhis dofhōires lé criss mo les, iss edh fodera sin go fiadhnach, m'fheabus don Rígh ag rīagladh fhers. Fersoidhecht. Geinfidh Adhamnán 'na cill, bid cléirech glan grind rofes, saorfaid banchuire fhear Fáil ac rér a mhāthar 's gá les, is bīaidh ga himchur gan dīamair re secht mblīadnuib, mar do feas, nogu toir ōn Rígh 'na dhāil na mná do shaoradh gan ces, bīaidh sé 'na abaidh co fír a ní ag rímh 's ag ríaghladh fers. Fersoidhecht. Nindidh Lāimhedón dar leam ag réir Brighde gan fheall tres, is é doní a comna a nDún, maith a rún ag rīaghladh fers. F. Cainnech is Comgall, dīas fhīal, soir síar 'gam ríar mur rofes, a guide an Ardrīgh go cīamair ga pīanud ag rīaglad fers. F. Clanna dīre a n-agaid Pādraig lāidir in duine re tres, domarb Pādraig clanna díre, fūair ōn Rīgh ag rīagladh fers. F. Ní fregēra talam tūar tiugfa ūair bid trūag in treas, m'aigned-sa go hecht ga thúr, bid terc crann ūr &ersir; meas, nocha bía saltair ga lēgadh a carcair nō ag rīaglad fers. F. Racha a mblicht ōna būaib, nocha bīaidh ith thúaidh nā thes. nī gēbtar sailm a ndamlīag, acht sgairb is brēg ar son fers. F. Gan sechtbairgen rēill re cobair, gan foghail dōib féin rofes, āenta shoisgēla go fír recha ūathaib gan gnīm fhers, nocha bía cādhus farír! a n-ārus na naomh do fes. F. Sáiréochuid Goill &ersir; Gaoidhil nī bía gnīm éinfhir ré leas, teithfidh gach cuire fon coill gan fuireach a cill re tress, nocho bía eaccnaidh mo núar a n-ecclais acc lūagh na fers. F. Budh troma easboc ar cill ná gach rí re lind rofeass, tiucfaidh na ndāil saoth is imnedh, trāethfuidh īascc inbher is ess, ní airémhad naomh ná feathal, budh sāebh a treathan ré tres, ní cretfid Athair na ndūl acc tochailt mhúr &ersir; less, trūagh lium a mbladhmand budhchēin a n-anmanda a pēin rofeass, budh beacc a foghnamh don Rígh, budh terc don díne acc rīmh fers.Hier steht unten auf S. 9 die folgende Schreibernotiz: A Íosa, is mōr an donus dūin a lághad atā don tsaoghal aguinn &ersir; mēid ar sainnte chuige &ersir; fōs nī fuil a fhios aguinn nach é ar les beth folum ar egla an díomuis. Fearsoidecht.