]> Orgguin trí mac Diarmata Mic Cerbaill The stories about Maelodrán An electronic edition Electronic edition compiled by Beatrix Färber Mavis Cournane University College, Cork Professor Marianne McDonald via the CELT Project Second draft 2560 CELT: Corpus of Electronic Texts: a project of University College, Cork
College Road, Cork, Ireland—http://www.ucc.ie/celt
2004 2008 CELT online at University College, Cork, Ireland—http://www.ucc.ie/celt G100037

Available with prior consent of the CELT programme for purposes of academic research and teaching only.

Hardcopy copyright lies with the School of Celtic Studies (Dublin Institute for Advanced Studies).

 Manuscript sources Oxford, Bodleian Library, Rawlinson B 502; p 82b–83a & 134b. Oxford, Bodleian Library, Rawlinson B 512; fo. 115va 24–116ra. Dublin, Royal Irish Academy, MS Stowe, D 2 1 (olim MS 1225, The Book of Uí Maine) 23vb–24r (first story only). Editions Kuno Meyer, The death of the three sons of Diarmait mac Cerrbeóil, Hibernica Minora, Oxford 1894, 70–81 (based on Rawl. MSS). Vernam Hull: The Death of the three sons of Diarmait mac Cerrbeóil, Zeitschrift für Celtische Philologie 25 (1956) 91–99 (based on Book of Uí Maine). Gearóid S. Mac Eoin, The death of the boys in the mill, Celtica 15 (1983) 60–64. (Edition of passage containing the murder of the boys). Translations Kuno Meyer, The death of the three sons of Diarmait mac Cerrbeóil, Hibernica Minora, Oxford 1894, 70–81 (based on Rawl. MSS). Secondary literature Pól Breathnach (Paul Walsh), A story of Diarmaid mac Cerbaill: Mullinoran and other place names, Irish Book Lover XXVIII (1941/42) 74–80. Liam Price, The history of Lagore, from the Annals and other sources (with a genealogical table showing the relationship of the branches of the Síl Aedha Sláne), [in Hencken's account of Lagore Crannóg], PRIA LIII, 53 C (1950/51) 1–247. Gearóid S. Mac Eoin, The death of the boys in the mill, Celtica 15 (1983) 60–64. The edition used in the digital edition Fingal Rónáin and other Stories David Greene First edition vi + 89 pp. iii Contents, v–vi Editor's Preface, 45–47 Introduction, 48–54 Text, 55f. Notes, 57–85 Vocabulary, 86f. Names of Persons and Animals, 88 Names of Places and Peoples. Dublin Institute for Advanced Studies Dublin 1955 Reprinted 1975 Mediaeval and Modern Irish Series 16

CELT: Corpus of Electronic Texts

The present text represents pages 48–54 of the volume.

Text has been checked and proofread twice.

A centered dot in the hardcopy edition has been rendered by a hyphen in the electronic edition.

Hyphens have been inserted: after h- in anlaut except in 'hua'; and after nasalisation. When a hyphenated word (hard or soft) crosses a page-break or line-break, the break is marked after the completion of the hyphenated word.

Personal names, group names and place names have been tagged.

 Possibly in the Old Irish period. 700–900? The text is in Old and Middle Irish. Some formulae are in Latin. histor Kings' Cycle prose medieval 2008-09-27 Beatrix Färber ed. Header modified, keywords added; file validated; new wordcount made. 2005-08-25 Julianne Nyhan ed. Normalised language codes and edited langUsage for XML conversion 2005-08-04T15:28:25+0100 Peter Flynn ed. Converted to XML 2004-04-17 Beatrix Färber ed. Addition to bibliography; minor changes to header. 2001-06-27 Beatrix Färber ed. Tagging of personal names, group names and placenames. 2001-06-26 Beatrix Färber ed. Hyphenation streamlined 2001-05-23 Beatrix Färber ed. Header created; file parsed using GNU Emacs, insertion of sup tags. 1997 Mavis Cournane ed. Provisional header created; structural markup applied. ? Staff at the TITUS project ed. First proofing of text. ? Desmond Durkin (TITUS Project) ed. Text keyed in. Orgguin trí mac Diarmata Mic Cerbaill la Maelodrān i fothauch muilinn Mic Dīmmae

Do-lotar meic Diarmata meic Fergusa Cearrbeoil fechtus n-aili hi tīr Laigen for creich conas tāraigh Maelodrān hua Dīma Chrōin. Do-ratsat meic Diarmata con rubatar, uair dia cois ro boī, uair nī tārraid a gabair ō deoraid (.i. ōn gilla). Luid-side didiu for in n-gabar dia tārachtain-seom. Ro reith in gabar fon sluagh co rubad in gilla. Do-scind dano in gabar fo gairm Maelodrān, conid ro gab a taeb friss iar fācbāil in gilla. Gabthi dano Maelodrān for a gabur &ersir; cotn-amaisc ar in sluag &ersir; do-beir tofonn foraib. Ro rāthatar meicc Diarmata riam dochum in muilind co n-dechatar co m-bātar im carr in muilinn isin fothigh. Do-luid chucu iarson fothigh. Ro boī caillech ic blith isin mulend. Ad-raī a n-guin la toescad in muilinn. Lēc aire, a chaillech, lēc aire! ar Maelodrān.

Dos comart trā uman mol, ar bātar occai ind fir, co torchratar leis trī meic rīgh Hērenn .i. trī meic Diarmata, dia n-ebairt Ultān: A muilinn ro milt anba di thuirinn; nība comelt for serbainn a ro milt for uībh Cerbaill. In grān meles in muilend nī corca acht dergthuirend; ba do gēscaib in crainn māir fotha muilind Maelodrāin.

Do-luid Diarmait fessin fecht n-aili do dīgail a macc for Laidinu, cu m-boī ic Loch Gabur co feraib Ēirenn imbi. Ocus at-rub(air)airt do-bērad slān fri Laidinu ar Moelodrān do tidlacan dō i n-giallcertai. As-bertatar Laigin amal bidh a h-aengen nā tidnastis ce no marbdaiss. No bīth Maelodrān coa m-brostad dia tignaccal.

Menum thucaid-se ragh-sa m'oenar &ersir; nī bia slān dūib-si dom chinn-sa.

Ba fīr ōn. Luig-sium co m-boī issint sluagh for brū Innsi Locho Gabur. Lottur in rīg do ōl co mbātar issin innsi. Anaid-sium chaidthi forsin phurt. Antar dono don immramh. Tēit-sium issin lestar &ersir; luid-sium issin n-innsi. Con-tolat in rīgh. Boī-sium fri dorus in rīgtighe.Luid dano Diarmait amach oenar do dhul for aīnsuide cen fis do neoch, co comarnaicc fri Moelodrān i n-ddorus ind tighi.

Toboing dlaī lat dam, ar Diarmait. Tó immorro, ar Moelodrān. Do-beir tēora dlaii doo: dloī di ūrnenaigh, &ersir; dlaī do fomthonn &ersir; dlaí do athrathai luaid. Ac so at lāim mo cloigem, ar Diarmoit. Ro n-gab Maelodrān.

Fē frit, a gilla, ar Diarmait, rom goin dlaī, rom loisc dlaī, rom tesc dlaī. Amai, a gilla, cia h'ainm-siu? Nīm ragbais fri baithis samlaid in tan (nī)nād aithgēn mo ainm. Nó in fuil ainm n-aile lat dam and nā rāithfi? Maelodrān ua Dīma Chrōin sund, di Scorbraige Lagen, iar marbad do mac &ersir; do bēin do cind dīt fesin ind-or-so—la gabāil a cind chucai. Do riar duit, a Maelodrāin, ar Diarmait. Do riar-sa uaim-si dano, ar Maelodrān. Tiagait dib līnaib iar cōra issin tech. Tair-siu edrum &ersir; crann, a Maelodrāin, ar Diarmait.

Amail do-chuaid Maelodrān issin n-imdaid, ro gēsi a brū na mnā .i. Mugain ingen Chonchraid māthair chlainne Diarmata.

Fē amai, ar in ben, cid erchōit do-taed issin n-imdaid? Fear do-rat rīghi duit-siu, a bhen, ar Diarmait, .i. Maelodrān hua Dīma Chrōin. Maith in loech, ar in ben, atta-chualumar. Cōir gnīm dō nārot geogna a m-baegal &ersir; rot anacht. Ro mbia-som lōgh in anacail, ar is ferr in-dās in guin. Cid do-gēnam di sund? ar Diarmait, ar nīro ansem in fer ar in sluag. Nī ansa, ar si-si. Celtair Maelodrān; con-gairther iarum ar rīg &ersir; ar ruirigh ar aenaib chuconn, ocus nascar foesam Moelodrāin forru amal bid chuconn dāladh.

Do-gnīther, cu m-bātar a lāma uile taris resiu matain beth. Is amalaid dono do-cuaid-sium cu Laigniu ar a bārach ocus deceelt chorcra corrtarach Diarmata co n-delg ōir acus a dī gabair cona n-allaib &ersir; a mullān ōir derc araib sechtar. Cor immorro &ersir; faesam rīg Hērenn .i. Diarmata mic Fergusa Cearrbeoil fair-sium. Ocus as ē ba cathmīlid &ersir; ba tuairgnid catha la Diarmait ō sin. Finit.

 Aided Maelodráin

Loīch ro bātar do Laignib .i. Mac Connaid &ersir; Marrcān &ersir; Maelodrān. Is de ro chēt: Nī thaet didiu de in cocad fri h-Ossairge, cen Mac Connaid for eoch ān, cen Marccān, cen Maelodrān. Maelodrān ua Dimmae Chrōin ro bī in fer isind mōin; tūirid na cholaind aile nīcon rubae oenguine.

Comaithig immorro do Maelodrān Huī Māil ocus ba h-olc immorro a chomaithcess doib. Is de ro chēt: Huī Māil trīcha cēt ba hed a līn; nocon &fdot;ārgaib Maelodrān acht trī nōnburu dīb. A n-as-rubart fodesin: Is cumma lim-sa huī Māil ocus muilenn oc blith grāin; it fāilte huī Māil fria &ndot;guin is cōir cach brō fria tuarcain.

Athechda rī hua Māil immorro. Do-fuc Maelodrān a ingin. Luid-si didiu fecht do thig a hathar do chom&fdot;is a m-māthar bae i n-galur. Ro aslacht a h-athair fuirri-se brathtecosc a fir dō.

Maith, ar in ben, fil mo dāil-se fris i-nnocht. Acht a-taat teora h-uarbotha lais ocus nī fetar-sa ciasu adba dīb i fifa i-nnocht, acht ro-fetar-sa a n-as maith duib. Tucthar lib lān mo chlera-sa do thenid sinnaig ocus at-bēr-sa is ē m'ētach-sa fil ann ocus biat-sa ina diaid et lāifet-sa in tenid im diaid, &ersir; toīt-si iarmo ⋅licht.

Ba fīr ōn. Tiagait co m-bātar immun n-uarboith. Con-gairet fair. Innat-&fdot;ail tall, a Maelodrāin? Cosmail mo bith, ar Maelodrān, ocus nā marbaid for siair. Nos léicebh chucaib. Mo chen di, ar ind ōic.

La sodain lomraid a c(h)enncho&ndot;graim na m-mnā &ersir; do-beir immo chenn fesin &ersir; luid secco samlaid. Robbar bia imned, ar ei-sseom, i-fecht-sa lim-sa. Mo ben-sa &ersir; for n-ingen fēin ro marbsaid.

Ocus ros fuabair coro lā a n-ār in tan sin. Do-gnī iarum Maelodrān &ersir; Aithechda cōrai dib līnaib.

Fecht ann, bae Maelodrān ic fothrucud hi tich Aithechdai ocus bae for menmain dō-side a marbad-som. (Nī bae dano Dubchrōn gilla Maelodrāin ann in tan-sin.) Mus lēc fer dīb aigen lāin grīscha moa sūili &ersir; moa aigid &ersir; clannaid Athechda a gae fodessin ind (.i. in Charr Mailodrāin) co m-baī triit conarro marbsat samlaid. Benait iarom a chenn de &ersir; do-berar hē for a dērgud &ersir; bratt dar a chenn. Do-rooig Dubchrōn for Dubglais .i. for a gabair-seom. Tairli&ndot;g, a Dubchrōin, ar cāch. Nīthō, ar Dubchrōn. Cate Maelodrān? A-tā inna chotlud; sit, sit, ar nācha n-dūsca! Tairli&ndot;g &ersir; tair sin tech. Nī dōig limm a chotlud acht mā beind-se coa aire. Gataid in &mdot;-bratt dia aigid, ar se. Gattair de. Fīr, a Maelodrāin, ar sē. &ersir; dixit: Deithbir dond aigid cid bān cond-rānic fri faeburdān; imma-rulaid ilar lām in cenn fil for Maelodrān.

Do-bert Athechda a mnaī-seom, ar nī ba hī h-ingen Athechdai ba ben do Maelodrān in tan ro marbad. A llā-sin hi cind bliadna bae Athechda for a dērgud &ersir; ro bae ic dēcsin na cairre ar a h-alchaill (.i. in charr Belaig Duirgen. Is ī no marbad in trīchait m-buiden dia figran &ersir; dia aureil &ersir; dia liugu co lār, .i. no bīd isint ⋅ligid &ersir; gabul fo brāigit. Nach oen ar-thiagdais secce, meni fācbaitis nī lee, nos luaded demun &ersir; no linged foitheib co cuired a n-ār.) Bae Aithechda dano coa dēiscin na cairri. Bliadain lān cosin laithe-se ó ro marbus-sa Maelodrān diit, a charr ucut. Fē amae, ar in ben, nī mu-taet ar do beolu. Dia n-dīglad nech iarna ēcaib, mēite combad Maelodrān bad dōchom dō i n-Hērind.

La sodain commo-faccatar Maelodrān iarsind aurdrochut ina n-dochum. Iss e-seom sōn, ar in ben. At-raig Aithechda dochum in gae. Luaithiu con-rānic Maelodrān, conos tarat tria Aithechda conid ro marb de. Ic dul do i-mmach, is ann as-bert: Imlech Ech, imma-rēidmis ar cach leth; ce ron maīdi nech ron bī nīrbo dū do Aithechdai.

Ro adnacht-som didiu i n-Glind Dā Locha, dia n-ebrad: Lige Maelodrāin is glē i n-glind fri gaīthe cluä; lige Maic Connaid, nī chail, con linn i Tigh Mo Chuä.

Appendix A [From E. iv. I, 85b (E), with readings from Rennes (R) and Book of Ballymote 358b 3 (B)]

Mōin Gai Glais, canas ro h-ainmniged? Nī ansa. Glas mac Lainde Luaithe mic Logha Liamna, nia sin Fhiacha Sraiphtine; is dō sin do rinde in gaba in gaí do thecosc. Do luid a-ndes Cūldub mac Dein dia Samna do chuingi gona duine égin, guro goin Fidrad Dāime Duibe a quo Ard Fidraid. Luid Glas ina iarmōracht co tarlaic fair in t-sleg do-rōnud dō tre druīdecht, co n-dechaid tre Chūldub isin mōnaig. Nī frīth int sleg iarum, acht aentuarascbāil fos-fuair Maelodrān mac Dimma Crōin dia n-geodna di Ethachda rí hua Māil iar m-beith Maelodrāin bliadain i talmain, dia ro chan-sumh in rann-so: Imlech ech im Mōin da Ruad ar cach leth; ge ro maíde nech rot bí ní bo dú, a Ethachdai.

Ba sī sin in Charr Belaig Durgein &ersir; is sí ro marb in .xxx. buiden. Amlaid no bíd &ersir; gabal fo brāigit &ersir; nīs luaidhed nech acht deman. Hi cēin bes int sleg sin fo dícleith &ersir; a rind bo des ní forbrisfiter for nert Leithe Cuind ó Laignib. Is dóib ro canad inso ...