]> Anocht sgaoilid na sgola An electronic edition Tadhg Óg Ó hUiginn Electronic edition compiled by Beatrix Färber School of History, University College Cork First draft. 1300 CELT: Corpus of Electronic Texts: a project of University College Cork.
College Road, Cork, Ireland.—http://www.ucc.ie/celt
2012 CELT online at University College, Cork, Ireland. G402237

Available with prior consent of the CELT programme for purposes of academic research and teaching only.

 Manuscript sources Dublin, Trinity College Library, MS 1318 (olim H 2 16); 15th century. Dublin, National Library of Ireland, MS G 992 (Nugent MS); c. 1577. Castlerea (Co. Roscommon), Clonalis House, Book of the O'Conor Don. This manuscript was written 1631 by Aodh Ó Dochartaigh. Dublin, Royal Irish Academy, MS 1 (oilm 23 D 14); 17th century, Co. Offaly? Dublin, Royal Irish Academy, MS 2 (oilm 23 F 16); O'Gara MS, 1655–59. Literature Pádraig Ó Macháin (ed), The Book of the O'Conor Don (Dublin: DIAS 2010). The edition used in the digital edition Osborn Bergin Anocht sgaoilid na sgola Irish Bardic Poetry Osborn Bergin Dublin Dublin Institute for Advanced Studies 1970 147–149

CELT: Corpus of Electronic Texts

All the editorial text with the corrections of the editor has been retained.

Text has been checked, proof-read and parsed.

The electronic text represents the edited text.

There are no quotations.

The editorial practice of the hard-copy editor has been retained.

div0=the whole poem. Metrical lines and quatrains are marked and numbered; page-breaks are marked.

Names of persons (given names), and places are not tagged. Terms for cultural and social roles are not tagged.

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

 By Tadhg Óg Ó hUiginn, an Irish bardic poet c.1400–1425 The text is in Classical Modern Irish. bardic poetry 15c 2012-07-06 Beatrix Färber ed. Queries resolved using information from the Bardic Poetry Database at the DIAS website; SGML and HTML files created. 2012-06-27 Beatrix Färber ed. Header created; file converted to TEI-conformant XML; markup completed; file parsed. 1995-96 School of Celtic Studies (Dublin Institute for Advanced Studies) ed. Text captured by scanning and proofed. Anocht sgaoilid na sgola

Tadhg Óg Ó Huiginn cct.

 Anocht sgaoilid na sgola, leabtha uadha a n-aontomha: do-ghéna lucht gach leabtha déra re hucht n-imtheachta. Iomdha ag loighe, lór do sgís, aréir san bhaile a mbímís: gion gur goire um nóin anocht loighe dhóibh iná dúsacht. Glóir an bhaile 'na mbíodh sinn_ a hionnamhail ní fhaicim, a Dhé, do neamhghlóir aniogh; seanmóir don té do thuigfeadh. Ionadh coinne ar chionn tSamhna do bhíodh 'gun aos ealadhna: aoinfhear amháin dá maradh, níor sgaoileadh dháibh dealaghadh. A lucht do bhí 'na bhaile, lér mian ceard is comhnaidhe, do bhí adhbhar far fhuath libh labhradh na gcuach do chluinsin. Do-chuaidh ar sgaoileadh don sgoil gach fear dána 'na dhúthoigh: ní thiaghair a toigh athar ó shoin d'iarraidh ealathan. Fada liom sgaoileadh don sgoil do-chonnarc re cois Fhearghoil: foide iná an sgol do sgaoileadh gan m'oide ag cor chomaoineadh. Oide d'iarraidh 'na ionadh, rob usa dhóibh deilioghadh: breath bhroide, a Dhé, dá dhalta, dá mbé ag oide iasachta. Mar táinig sgaoileadh na sgol a gcrích nÉireann tré Fhearghol, tig sgaoileadh sgoile Banbha roimhe d'aoinfhear ealadhna. Tuigid féin, fa fáth cumhadh, gur éigean dóibh dealughadh, sgol Dalláin ina dheaghaidh, d'andáigh as na hoideadhaibh. Do buaidhreadh do thuirse thruim an dámhsain Dalláin Fhorguill: níor anmhain dáibh níor dheadhail, amhlaidh don dáimh déidheanaigh. Sgola uaisle innse Fáil, a gcédchumha um cheann Dalláin: do ló sgarthana na sgol is mó a n-athchumha um Fhearghol. Moidhidh don bhrón bhíos fam thuinn ag aithne m'aosa cumuinn: a ndiaidh sgaoilte na sgoile biaidh m'fhaoilte 'na heólchoire. Mé a dhearbhráthair 's a dhalta, gearr dá éis budh ionanta: deithbhir mar oide ní fhuil, foide beithir gan bráthair. Dá dtugtha ré dheise dhamh, nó ní budh shia do shaoghal, bíodh mo shlán bheith mar do bhá, ar leith atám ó theasda. Tríocha bliadhan do bhí mé, nó ní as fhoide, dom fhínné, lán dom anáil ón uabhar, crádh d'fhagháil gurbh ionnfhuaradh. Do díoghladh do dheochaibh bróin mo threise 'na thigh chomhóil: má dho-rinne mé macnas, is tinne, a Dhé, an díoghaltas. Dom ullmhughadh níor áil lais mo bheith adhaigh 'na égmais: gur léig sé ar an énlaith inn, mé a n-énbhoith re hO nUiginn. Guth oram budh aimhleas damh ós íseal ris an ollamh, beag dtaraidh don té adéradh, dé am aghaidh ní fhuiléngadh. Ó aois leinbh do léigeadh rinn (Dia dhá íoc re hÓ nUiginn!) gach rún frithir dá bhfaghadh, gur mhithidh dún dealaghadh. An oideacht do-ním aniogh dá dhaltaibh d'éis an fhileadh, Fearghal Ruadh do-roighne soin, truagh, a Choimdhe, nach cosmhoil. Rinn onóra agus aoibhe dhamh re cois a chomaoine, liom a gcartaigh croidhe thinn tar dhaltaibh oile Í Uiginn. Ni shaoilim go bhfuighe an fear, dá mbeinn choidhche dá chaoineadh, d'éis an tsaothair fuair Fearghal, uaim a dhaothain doimheanman. An chumha go dtuga a treas, dénamh seice isé ar n-aimhleas: is é chráidheas an croidhe, mé ag áineas tar m'eólchoire. D'éis m'oide dhá ndeachadh dhíom do shealad éigin m'imshníomh, gearr bhíos an chumha so ag clódh, gríos is urusa dh'fhadódh. Gul ós aird ó nach áil linn a ndiaidh Fhearghoil Í Uiginn, truagh mo chuidse don chumhaidh a tuigse uam d'osnadhaigh. Feadh mo ré ní dulta dhamh don bhaile a bhfaca Fearghal: ní mharad na botha a mbeinn, gotha carad ní chluinfeinn. An leaba a mbíodh araon rinn dá bhfaicinn d'éis Í Uiginn, a dtéid thoram dom thuirse, léig oram go n-íocfainnse. Ionmhain both dhiamhair dhána aithnim d'éis a theasdála: a bhoth fholamhsa ar mh'aghaidh, comharsa níor chleachtabhair. Gan mharthain do mhac Áine, rug don éigse a hamháille: mar théid clár a taoibh thunna, do sgaoil fál na foghluma. Anocht.