%ISOlat1; %ISOlat2; %ISOnum; %ISOpub; %ISOdia; ]> Ionmhain triúr táinig dom fhios An electronic edition Lochlainn Óg Ó Dálaigh Electronic edition compiled by Beatrix Färber School of History, University College Cork First draft. 990 CELT: Corpus of Electronic Texts: a project of University College Cork.
College Road, Cork, Ireland.—http://www.ucc.ie/celt
2012 CELT online at University College, Cork, Ireland. G402217

Available with prior consent of the CELT programme for purposes of academic research and teaching only.

 Manuscript source Maynooth, Russell Library, MS 107; possibly written by Aodh B. Mac Cruitin in 1712. Dublin, Royal Irish Academy, MS 11 (olim E iv 3); possibly written by Aindrias Mac Cruitin in 1727. The edition used in the digital edition Osborn Bergin Ionmhain triúr táinig dom fhios Irish Bardic Poetry Osborn Bergin Dublin Dublin Institute for Advanced Studies 1970 81–84

CELT: Corpus of Electronic Texts

All the editorial text with the corrections of the editor has been retained.

Text has been checked, proof-read and parsed.

The electronic text represents the edited text.

There are no quotations.

The editorial practice of the hard-copy editor has been retained.

div0=the whole poem. Metrical lines and quatrains are marked and numbered; page-breaks are marked.

Names of persons (given names), and places are not tagged. Terms for cultural and social roles are not tagged.

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

 Lochlainn Óg Ó Dálaigh, an Irish bardic poet c.1550 The text is in Classical Modern Irish. 2012-06-26 Beatrix Färber ed. Queries resolved using information from the Bardic Poetry Database at the DIAS website; SGML and HTML files created. 2012-06-23 Beatrix Färber ed. Header created; file converted to TEI-conformant XML; markup completed; file parsed. 1995-96 School of Celtic Studies (Dublin Institute for Advanced Studies) ed. Text captured by scanning and proofed. Ionmhain triúr táinig dom fhios

Lochlainn Óg Ó Dálaigh cct.

 Ionmhain triúr táinig dom fhios, do sheinn oram tré áineas, triúr do shíol shírshleachta Bloid, líon mínleaptha an triúr tánaig. Do cheangal chonnartha leam suidhid fá seach im thimcheall, triúr goirmdhearcach gan ghlór searbh an pór oirbheartach óigleanbh. Fríoth dhamhsa urra ar gach aon, do chionn molta na macaomh, ón droing shaoir sheangmhálla shéimh, budh laoidh deaghdhána dhóibhséin. D'iath ó dTáil budh ceann cloinne Tadhg, sinnsear na saorchloinne, ag foghlaim oinigh 'na dhiaidh, oighir Domhnaill uí dheighBhriain. Budh iad eolaigh fhóid Mhumhan sluaigh ó gCais um Chonchubhar: ó Dhia dá thairngire atám, nach bia ainbhfine ar iomrádh. An treas cnú don chrobhaing ghloin Tadhg oile, oighre Mhurchaidh: ag riar dámh an eoil arsaidh budh lán beoil an Brianachsoin. Fán gCloinnse Chais budh coill dín trí beangáin a criaidh cheiníl: ní bhí acht file dá bhfoghail, na trí bhile buantoraidh. Trí seabhaic go séan seilge ar lucht déanta díbhfeirge: i mbáidh cheineoil, i gcomhaois, meireoin áigh a haonfhoraois. Trí beithreacha go mbuaidh gliadh a los cosnaimh múir Mhaicniadh; na trí comthaigh dá chéile, budh trí honchoin aigmhéile. Trí hurchradha na n-eo bhfis, trí sgealláin ubhaill óirchnis, trí blátháin déanta ar ndána, sgátháin bréagtha bandála. Trí húrchna is uaisle mogail, trí sreabha a haill fhíorthobair, pór ríoghchraobh go rún bhféile, súgh fíonchraobh na flaithréime. I Leith Chuinn ag cur chatha gearr go mbiaid a mbonnsacha, don druing áigh fhearchonta mhir 'na ngáibh gealchorcra gaisgidh. Trí comáin beartha an bháire ar laochraidh fhóid fhionnMháighe léigfid díobh ar dornchlaibh déad - do shíol gCobhthaigh budh coimhéad. Na hóigse ag tionól ré ar dtaoibh, budh tréad míleadh na macaoimh, each slaite ar bhreith gach Bhrianaigh mar eich aice óirshrianaigh. Mar theinte ó dteilgthear crithre, lasas a los aoindrithle, an triar fán mBanbha mbántais, damhna gliadh is gabháltais. Beith ar dtús ní toibhéim air, nós gnáth an ghlanóir uasail, 'na chaoir mholta mhianaigh thim, sompla don Bhrianfhuil bhraithim. Sé gealtaoibh chuanna mar chuip, sé colpa céimeann n-ordhraic, sé troighidh bhus taca i n-ágh sé glaca an oinigh d'fhadádh. Sé gruaidhe nach iarr adhaint, sé mailldearca móramhairc, ní dá n-aimhdheoin ní hiarrthar, trí sainbheoil go sídhbhriathraibh. Conchubhar taoibhgheal, dá Thadhg, ag díol sgol, ag riar ríoghbhard, ag soin an triar do thoghas fám riar ní fhoil mh'amharas. Go ndáile an Tríonóid don triar ré fhada ar úir na naoimhchliar; sgoith na bhfionnshluagh gan chleith gcroidh, bheith dá n-iomluadh is ionmhain. Ionmhain.