]> Ní fada ón Fhódla a táth a dtuaidheamhain An electronic edition Fearghal Óg Mac an Bhaird Electronic edition compiled and proof-read by Margaret Lantry University College Cork Professor Marianne McDonald via the CURIA Project. Second draft. 1620 CELT: Corpus of Electronic Texts: a project of University College Cork.
College Road, Cork, Ireland— http://www.ucc.ie/celt
1997 2008 CELT online at University College, Cork, Ireland. G402132

Available with prior consent of the CELT programme for purposes of academic research and teaching only.

 Manuscript sources Dublin, Royal Irish Academy, MS 78, 10 (alias 23 O 25: see Catalogue of Irish Manuscripts in the Royal Irish Academy, fasc. 2). Dublin, Royal Irish Academy, MS 732, 147 (alias 23 N 3: see Catalogue of Irish Manuscripts in the Royal Irish Academy, fasc. 18). Dublin, Royal Irish Academy, MS 79, 156 (alias 23 O 27: see Catalogue of Irish Manuscripts in the Royal Irish Academy, fasc. 2). Dublin, Royal Irish Academy, MS 80, 11 (alias 23 O 28: see Catalogue of Irish Manuscripts in the Royal Irish Academy, fasc. 2). Dublin, Royal Irish Academy, MS 274, 9 (alias 24 C 11: see Catalogue of Irish Manuscripts in the Royal Irish Academy, fasc. 6). Secondary literature Pádraig Ó Macháin, Poems by Fearghal Óg Mac an Bhaird, Celtica 24 (2003) 252-263. [Survey article about Mac an Bhaird's oeuvre with further literature.] Lambert McKenna, 'Poem to Aodh Ruadh Ó Domhnaill', Irish Monthly 48 (1920) 481-485. The edition used in the digital edition. Láimhbheartach Mac Cionnaith Ní fada ón Fhódla a táth a dtuaidheamhain Dioghluim Dána Láimhbheartach Mac Cionnaith Dublin Oifig an tSoláthair [Government Publication Office] 1938 370–373

CELT: Corpus of Electronic Texts

All the editorial text with the corrections of the editor has been retained. Variant readings and editorial annotations have not been reproduced in this edition. Variants may be entered in a future edition.

Text has been checked, proof-read and parsed using NSGMLS.

The electronic text represents the edited text. Compound words have not been hyphenated after CELT practice.

There are no quotations.

The editorial practice of the hard-copy editor has been retained.

div0=the poem. Page-breaks, metrical lines and quatrains are marked and numbered.

Names of persons (given names), and places are not tagged. Terms for cultural and social roles are not tagged.

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

 By Fearghal Óg Mac an Bhaird, an Irish bardic poet 1592 (see P. Ó Macháin) The text is in Classical Modern Irish. bardic poetry 16c 17c Aodh Ruadh Ó Domhnaill Red Hugh O'Donnell 2008-10-14 Beatrix Färber ed. Header updated; keywords added; file validated. 2005-08-25 Julianne Nyhan ed. Normalised language codes and edited langUsage for XML conversion 2005-08-04T16:10:58+0100 Peter Flynn ed. Converted to XML 1997-08-25 Margaret Lantry ed. Text parsed using NSGMLS. 1997-05-28 Margaret Lantry ed. Header constructed, structural mark-up entered and checked. Lineation checked and verified. 1995-96 School of Celtic Studies (Dublin Institute for Advanced Studies) ed. Text captured by scanning and proofed. Ní fada ón Fhódla a táth a dtuaidheamhain

FEARGHAL ÓG MAC AN BhAIRD cct.

 Ní fada ón Fhódla a táth a dtuaidheamhain cách is nuaileabhair dá fhógra i n- aonaighibh; gearr go snadhma sí ris na saoirfhearaibh rí don Ghaoidhealfhuil go mBanbha bhraondairigh. Ní fada cobhair ó chlár ThéiMhidhe —glár céillidhe re n-oghair gach aonduine; a-táid dá ghairm go Gort nGáirighe, do nocht gach fáidhfhile d'ainm ar n-Aodhai-ne. Ó leargaibh Fhinne go Cliaigh gcroibhiodhain biaidh an Ghaoidhealfhuil ime mar gach aoinfheadhain; badh fogus dóibh teacht a dtuaidheamhain; ní badh tearc nuaidheabhaidh um Bhóinn mbraoin-ealaigh. Eachtra bhus díoth siar fan saoraghaidh le triall I chaomhLughaidh fríoth na fáidhleabhair; bearthar le móirfhear amhla ar Éinleighin slóigheadh céimrighin tre Bhanbha mbáinleabhair. Uaitne na sgol le bhfuil gach fáidhfhile do thuir Gháirighe ar gcor cuairte an chlúmhaile do-gheibhthear a labhra ó leic Laoghaire ag reic ar n-Aodhai-ne re hadhbha nÚghaine. Beid ag a fhréimh um Ráth bhFearadhaigh géill dá leanamhain iar gcách do chomhfhoghail tathamh ar thonnaibh an fhóid fhuineadhaigh; orraidh Í Mhuireadhaigh re cóig comhadhaibh. D'fhior Dúine nach dáigh as a choirm- thighibh toirnfidhir glúine cháigh mar as com- hchubhaidh; flaitheas na Banbha re teas tuillfidhir cuirfidhir na habhla theas fa thromchumhaidh. An t-éasga lán nar loigh fa ainbhfine an ghoil dá tairngire do Chlár choillMhidhe dearbhar le hearla na gcraobh gcumhraidhe Aodh ag furnaidhe na Teamhra toinnghile. Go hUisneach, go fád mbraonach mBreaghMhuighe, go haonach ar dTeamhrai-ne a-tád dá thairngire na haibhne um Chliaigh 's um Chruachain gcollbhuidhe; le buachaill ghormDhuibhe biaidh ar mbuidhnei-ne. Is é Aodh Ruadh don Bhanbha as bharamhail abhla an fhaghabhair uadh ar a duilleadhaibh; dearbhthar re húr gach ghormfhuinn ghroighiodhain Ó Domhnaill d'oireamhain do Mhúr Mhuiread- haigh. Cia san talamh trágh nar tiormuigheadh? fa chlár bhfionnLaighean faghadh umhlughadh; Siur agus Máigh ag gréin dá ngeimhliughadh a cháir dá deimhniughadh ar fhéin Urm- humhan. Do dhearbh gach tráigh um an mBúill mbeannfholtaigh, a shúil re seangochtaibh an chláir Chon- nachtaigh; a rogha nuachair dhí ní diommoltair, rí nach iomarcaidh ar Chruachain challdartaigh. Flaitheas Uladh nachar aomh d'ainbhfine anar dá thairngire d'Aodh Oirnidhe; annamh iath nach ba dóigh dá dheirbhfine; re triath seinMhidhe ní badh cóir coimhrighe. Do chách a-niodh ní badh fáth fíorchóire ráth na síothBhóinne fa fhior a fháidhchéille is cóir do-róine Éire aoinchéile do chéile laoichfhréimhe Bóinne bláithréidhe. Suidhfidh i ráth Néill ós Bhóinn bhileadhaigh —ní cóir d'fhileadhaibh an chéim do cheiliomhain; ar dtileadh cláir na Teamhrach thoireamhain budh neamhghuth oireamhain dá dáil dheirionaigh: ní fhuighe doghruing fa Dhún bhFearadhaigh Ó Domhnaill ag leanamhain a ghlún ngeinealaigh. Léigfidh Éire a rún le cleith Chraobhruaidhe dá dhreich thaobhnuaidhe do thúr a shíorghlóire; biaid go dearbhtha ó soin 'n-a sáimhríghe na tealcha cláirMhidhe i moigh mhíonBhóinne. Nocha bia fa Raoilinn fear fionghaile ná ar feadh fionnmhaighe aoibhinn na hAlmhaine san taobh thiar achd folta fiodhbhaidhe gan triall iorghaile fa Chorca callbhuidhe. Nocha bia ag slógh mhór muighe mínEanaigh achd fíneamhain uile dá hól ar na haoigheadhaibh; na laoich as lia duais do na deoradhaibh ní bhia re a ngleoghonaibh guais ar Ghaoid- healaibh; beid na cúig slóigh calma i n-aonaighibh san adhbha chlaondairigh ós Bóinn bhraoin- ealaigh. Táin gacha críche faoi ní fillfid- hir; ní lingfidhir títhe cláir Chraoi Chon- chobhair; créad fa mbiadh comhla re cuirmthighibh? ní cluinfidhir rian foghla a fonnchalaidh. Dlighthear do Bhóinn gan éara an fhuinead- haigh, do-ghéana Ó Muireadhaigh cóir idir chineadhaibh; le rígh a gcabhra geall gach geinealaigh ceall gach seiniobhair san Bhanbha bhileadhaigh; leithbhreath le báidh ní bhéara Ó Fearadhaigh; éara um ealadhain níor bh'áil ar fhileadhaibh. A críoch ó Dhia ag teacht ar gach thairngire, ní bhia neart ainbhfine ar fíoch a fonnmhuighe; fan bhfairche sídhe gcruithghil gcallbhuidhe faghluidhe gach tíre cuirfidh i gcomhnuidhe. A mhaoir um Chliaigh is um ráth ríMhidhe ar ríbhile as ghnáth i ngliaidh gan ghuail- lidhe; ler ngéig ós fhiodh an Fhódla d'áiridhe gach fáidhfhile dá fógra a-niodh dar nuaibhile; ní chluinim cóir uirre ag aonduine achd aoghaire slóigh ar dTuinne Tuaidhei-ne. Brian agus Conn ag crádh ar n-uaillei-ne dá nuaibhile fa fál le fonn mbraonDuibhe; minic ba tréan ortha gach éinfhile na féinnidhe toghtha nachar éar aonduine. Dreach shubhach le bhfolchair gach fáidhfhile le honchoin nGáirighe tulach TéiMhidhe Mág Aonghusa as dáigh dar ndídin- ne ríghgile cláir chaomhRossa is ar gcéilei-ne. Dúinn a-nois is eagal ar neamhghloine; Peadar neamhdhaidhe ar gach n-olc dar n-ionghuire fáidh roinnfeas rem anam a urnuighe abhall chumhraidhe danab oircheas ionmhuine. Ní.