%ISOlat1; %ISOlat2; %ISOnum; %ISOpub; %ISOdia; ]> Gaois Ailbhe i n-inghin Domhnuill An electronic edition Gofraidh Fionn Ó Dálaigh Electronic edition compiled and proof-read by Margaret Lantry University College Cork. Professor Marianne McDonald via the CURIA Project. Second draft. 1910 CELT: Corpus of Electronic Texts: a project of University College Cork.
College Road, Cork, Ireland—http://www.ucc.ie/celt
1997 2008 CELT online at University College, Cork, Ireland. G402122

Available with prior consent of the CELT programme for purposes of academic research and teaching only.

 Manuscript source Dublin, Trinity College, MS 225, 1 (alias C. 1. 3.: see Catalogue of the Manuscripts in the library of Trinity College, Dublin, compiled by T.K. Abbott (Dublin 1900)). Dublin, Royal Irish Academy, MS 3, 137 (alias 23 L 17: see Catalogue of Irish Manuscripts in the Royal Irish Academy, fasc. 1). Dublin, Royal Irish Academy, MS 766, 99 (alias 3 C 10: see Catalogue of Irish Manuscripts in the Royal Irish Academy, fasc. 19). The edition used in the digital edition Láimhbheartach Mac Cionnaith Gaois Ailbhe i n-inghin Domhnuill Dioghluim Dána Láimhbheartach Mac Cionnaith Dublin Oifig an tSoláthair [Government Publication Office] 1938 330–334

CELT: Corpus of Electronic Texts

All the editorial text with the corrections of the editor has been retained. Variant readings and editorial annotations have not been reproduced in this edition. Variants may be entered in a future edition.

Text has been checked, proof-read and parsed using NSGMLS.

The electronic text represents the edited text. Compound words have not been hyphenated after CELT practice.

Quotation marks are temporarily retained.

The editorial practice of the hard-copy editor has been retained.

div0=the whole text. Metrical lines and quatrains are marked and numbered.

Names of persons (given names), and places are not tagged. Terms for cultural and social roles are not tagged.

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

 By Gofraidh Fionn Ó Dálaigh, an Irish bardic poet (1320–1387) c.1340–1387 The text is in Classical Modern Irish. 2012-06-21 Beatrix Färber ed. Header modified. 2010-11-11 Beatrix Färber ed. New wordcount made. 2008-10-15 Beatrix Färber ed. Header modified; keywords added; file validated. 2005-08-25 Julianne Nyhan ed. Normalised language codes and edited langUsage for XML conversion 2005-08-04T16:10:19+0100 Peter Flynn ed. Converted to XML 1997-08-25 Margaret Lantry ed. Text parsed using NSGMLS. 1997-05-28 Margaret Lantry ed. Header constructed, structural mark-up entered and checked. Lineation checked and verified. 1995-96 School of Celtic Studies (Dublin Institute for Advanced Studies) ed. Text captured by scanning and proofed. Gaois Ailbhe i n-inghin Domhnuill

GOFRAIDH FIONN Ó DÁLAIGH cct.

 Gaois Ailbhe i n-inghin Domhnuill ainnre 'mun mbinnghil mbarrdhuinn, inghean shaor dhealbhdha Dhomhnaill craobh ghormfhuinn Leamhna labhraim. Geall gaoise is oinigh Ailbhe 'gun mhnaoi-se oirir Uidhne; ní dá méin tre mhéin Shaidhbhe; Ailbhe í ar chéill 's ar chuimhne. Sadhbh inghean Domhnaill Daoile, finnbhean a horlainn Áine, ceannchadh neamh—gá ní as bhuaine?— bean Muaidhe 's do-ní náire. An bhean 'n-a mnaoi as fhearr inmhe do bhean geall do ghnaoi Ailbhe; gan ghrádh neith ar chraoibh Choinnle coimhdhe do dhreich shaoir Shaidhbhe. Inghean Domhnaill Óig aghar tar gach móid ag a moladh díoladh a duain d'éis fhileadh re cineadh géis Cuain Choradh. Éisdid sluaigh innbhir Uidhne rer nduain d'inghin a n-oidhre; éisdid sluaigh iarthair Aidhne duain Saidhbhe ó iarrthair oirne. Céim anshógha ní hionráidh tar fréimh Anóra d'fhaghbháil; bacadh uilc díorma daghshluaigh anbhuain ríoghna Guirt Gabhráin. Inghean Mhéig Carthaigh Cliodhna carthair fa mhéid a meanma do sia don toigh bean Banbha nó targha a-noir teagh Teamhra. Dáil a cruidh cian ó thalluinn, dáil a sguir sgiamh don choinnill, a ndáil uman gceird chumaim cáir urraim don deirg dhoinnfhinn. Gnúis niamhdha ranua roigheal ag banua Iarla Uladh; do Shaidhbh is cáir a gcuireadh cuireadh gairm ar mhnáibh Mumhan. Rug ó gach mhnaoi buaidh bronnta fuair ghnaoi—ní gnaoi as nar theannta; do-ní sgol do réir rompa bronnta ag féin Dor go ndearnta. Re taoibh a dtabhair d'airribh 's a bhfaghair d'aoibh ón ainnir sgíos ó chuaird ar gach choinnimh bhíos ar choinnil shuairg Shaingil. Táin do ghnáth i nglas chongna do láidh bas mar bhláth n- abhla; do thuill san eing an ealbha ar chuirr sheaghla sheing Shadhbha. Do ráidheadh re a dreich ndeighgil "do sheich t'áireamh i n-Albain; gé fríoth riamh olc ó a n-airgnibh gan mhian Cairbrigh ort d'argain." Mac Dé ní dóigh dod thréigean; is é as ghlóir do ghlac ndíggeal; is dóigh dá mbé ort éigean éideadh bocht Dé dod dhídean. Fial an bhroineach réidh ríobhan nach léir tar th'oineach éanar; dá ndearnta ag dáimh ibh d'aoradh baoghal libh dháibh a dhéanamh. Re linn mhná bhrogha Bhóinne ní thora lá achd lá gréine, maidean reoidh fa mhagh Máighe eoin áille ag car le chéile. Sa mhoigh mhín aibhnigh ealaigh 'n-a tír ghloin aingligh iodhain sreabh chaol 's a cuan 'n-a choraidh ó bhonnaibh craobh n-uar n-iobhair. Sruth go mín, eas ag turnamh, teas i sín, suth i bhfoghmhar, crodh fan mbragh, iasg i n-innbhear, damh ag inghear riasg roghlan. Mionn súl áille gach ubhaill ó Dhún Máighe go Manainn; a-nuas do sóigh le soininn cnuas mar fhoirinn óir d'abhaill. Druim re fiodh foghnaidh dhúinn-ne miodh chuill i gcornaibh uaine; caithtear an lá geal gréine re chéile is fleadh mná Muaidhe. Tír bhar sluaigh-se i seilbh Sadhbha fuair-se deilbh 'n-a deilbh dhiongna, lucht ar leith fa bhuaidh dealbha, meanma an tsluaigh ar chleith Cliodhna. Eala Cuain lochbhuig Luimnigh do thuair fhochruig dá hanmain; fuath dhí ní bhia achd ga biodhbhaidh, ionmhuin le Dia í amhlaidh. Mo chean don mhoill úir iodhain nar thúir doirr achd doirr Deamhain; a crodh gé do-chí ag buidhin guidhidh sí a ndol gan deabhaidh. Ráidhte dhúinn d'fhuighlibh aobhdha ris an suilbhir n-úir n-óghdha: "ní fhuilc achd adhbhar ríoghna t'íorna fhannghlan fhuilt órdha. Uathadh bean i mbia t'úire, ní lia fear mar fhear n-Áine; mór bhur n-éad re clú a chéile tú is do chéile, a ghéag Gáille. Súil Banbha fa bean d'Éibhear ret fhear, a fhabhra míondubh; an teach i mbí is barr Gaoidheal dá maoidheamh ann rí is ríoghan. Fuair an ríoghain-se robhladh do fhíoraidhbhsigh uaill ndeaghbhan; sí céad nó dá chéad fionnbhan ní hiongnadh dhí méad meanman. Gaoth dhaith ar ndruim na foirne, flaith i gcuirr gacha cairbhe, lucht loingse ó Lios na Beirbhe d'fhios deilbhe soillse Saidhbhe. 'Ma súil gcuirr-se do cumadh a coimse do chlúimh mhalldubh; im rosg mhall Sadhbha ag silleadh filleadh mong n-abhra as andubh. Gnúis réidh gheal i n-a goire dá nar bhean béim ná bine abhra mná Moighe Ruidhe duibhe tá i ngoire gile. Buaile clúimh as lór liobhra súil mhór uaine fan abhra dlúthmhong cheart 'n-a dá colbha comhla dearc súlchorr Sadhbha. Gan locht cuma ar craoibh n-Aise truma a taoibh, truma as deise, crios mar soin budh díor dhi-se 'n-a cris-se fhoil díol deise. Treabha as lór daingne is dlúithe far Saidhbh-ne ag slógh na críche; gach treabh dá treabhaibh bláithe snáithe geal feadhaigh fíthe. Gasradh ghlan ógbhan uimpe tres an magh bhfódghlan bhfinnte; ag dul don romhaigh reimpe eillte ag cur omhain innte. Inghean Méig Carthaigh choirnghil tar nach barrthair ar bhiodhbhaidh mar do bheath le géis nGabhraigh cabhraidh neach d'éis a hionnlaigh. Dlighidh sí anáir óighe d'fhagháil óir is í as cáidhe; is lia náid na laoi saoire aoine re Dia ag mnaoi Mháighe. I dteach nDé do ria an ríoghan Dia lé i leath ris an saoghal; do-ní is gan chleith nGlaoi i ngábhadh crábhadh neich do bhaoi i mbaoghal. Inghean Domhnaill Dúin Luimnigh ag foghluim 'gan úir fhinnghil; cian ó bhaois airrdhe amhlaidh cabhraidh gaois Ailbhe an inghin. Gaois. Gaois Domhnaill Óig a athar i n-Eoghan an airm cheannghlais; bláth is mil re a ré is raitheas —níor bh'é sin flaitheas Fearrghais. Gaois Dunlaing ag díon Buadhaigh cách do shíol Domhnaill daoraidh taoiseach cuaine úir Éibhir féinnidh Uaine an chúil chraobhaigh. Art Ó Caoimh do char bandál a aoibh dhamh 's a dhaonaigh fíon le túr 'n-a theagh mhiodhfhuar diombuan greagh i n-úr aonaigh. Cóir Ó Donnchadha a-déarmais do chomhthogha im Bhóinn mbraonghlais Tadhg Sionna ós gach mugh maoidhim giolla a Brugh aoibhinn Aonghais. Ar feirg nDé díneadh mei-se Míchéal aingeal dá n-éada; sinn don aingeal 'gar n-aithne daingean linn d'aithle éaga. Gaois.