]> Foraire Uladh ar Aodh An electronic edition Maol Sheachluinn na n-Uirsgéal Ó hUiginn Electronic edition compiled and proof-read by Margaret Lantry University College Cork. Professor Marianne McDonald via the CURIA Project. Second draft. 1645 CELT: Corpus of Electronic Texts: a project of University College Cork.
College Road, Cork, Ireland—http://www.ucc.ie/celt
1997 2008 CELT online at University College, Cork, Ireland. G402119

Available with prior consent of the CELT programme for purposes of academic research and teaching only.

 Manuscript source Dublin, Royal Irish Academy, MS 3, 124 (alias 23 L 17: see Catalogue of Irish Manuscripts in the Royal Irish Academy, fasc. 1). Dublin, Royal Irish Academy, MS 703, 54 (alias 23 H 8: see Catalogue of Irish Manuscripts in the Royal Irish Academy, fasc. 17). Dublin, Royal Irish Academy, MS 488, 13 (alias 23 N 12: see Catalogue of Irish Manuscripts in the Royal Irish Academy, fasc. 11). Dublin, Royal Irish Academy, MS 270, 118 (alias F iv 4: see Catalogue of Irish Manuscripts in the Royal Irish Academy, fasc. 6). Dublin, Royal Irish Academy, MS 252, 319 (alias F vi 2: see Catalogue of Irish Manuscripts in the Royal Irish Academy, fasc. 5). The edition used in the digital edition Láimhbheartach Mac Cionnaith Foraire Uladh ar Aodh Dioghluim Dána Láimhbheartach Mac Cionnaith Dublin Oifig an tSoláthair [Government Publication Office] 1938 317–320

CELT: Corpus of Electronic Texts

All the editorial text with the corrections of the editor has been retained. Variant readings and editorial annotations have not been reproduced in this edition. Variants may be entered in a future edition.

Text has been checked, proof-read and parsed using NSGMLS.

The electronic text represents the edited text. Compound words have not been hyphenated after CELT practice.

There are no quotations.

The editorial practice of the hard-copy editor has been retained.

div0=the whole text. Metrical lines and quatrains are marked and numbered.

Names of persons (given names), and places are not tagged. Terms for cultural and social roles are not tagged.

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

 By Maol Sheachluinn na n-Uirsgéal Ó hUiginn, an Irish bardic poet c.1200–1600 The text is in Classical Modern Irish. bardic poetry 2010-11-11 Beatrix Färber ed. New wordcount made. 2008-10-10 Beatrix Färber ed. Header modified; keywords added; file validated. 2005-08-25 Julianne Nyhan ed. Normalised language codes and edited langUsage for XML conversion 2005-08-04T16:10:09+0100 Peter Flynn ed. Converted to XML 1997-08-25 Margaret Lantry ed. Text parsed using NSGMLS. 1997-05-27 Margaret Lantry ed. Header constructed, structural mark-up entered and checked. Lineation checked and verified. 1995-96 School of Celtic Studies (Dublin Institute for Advanced Studies) ed. Text captured by scanning and proofed. Foraire Uladh ar Aodh

MAOL SHEACHLUINN NA n-UIRSGÉAL Ó hUIGINN cct.

 Foraire Uladh ar Aodh; ní hadhbhar eagla d'aontaobh bheith d'Aodh ag comhfhaire a gcroidh taobh re a fhoraire ag Ultaibh. Do leigsead Ultaigh uile taobh re hAodh an fhoraire; fuath suain 'ga dheaghoireacht de sealoidheacht ní fhuair impe. Doras oslaigthe Uladh tarla ar sliocht na seanchuradh fian Toraighe i dteannta Gall; bearnta foraire a bhfearann. Baoghlaighe iná a bhearnadh dhí dá bhfuil aisde agus innte críoch Chonaire is Chuirc Chaisil puirt fhoraire an Aodhai-sin. Innbhear Bóinne agus Banna is gach fonn dá bhfuil eatorra feithidh—gá foraire as fhearr— beithir romhaighe Raoileann. Dún Dá Leathghlas na learg nglan Dún Sobhairce Dún Dealgan do-ní ag comhfhaire na gcath foraire na dtrí dtulach. Dírim do mhuinntir mheic Airt go Baile an Iobhair orrdhairc go Rinn Sibhne dhóibh ar ndul 's nó go róigh imle Uladh. Leathaidh ar phobal Phuirt Rois 's ar chaladh gCairrge Fearghois; 's ar Thráigh mbinncheolaigh mBaile imtheoghaidh an fhoraire. Ó Chúl Raithín na ród nglan ní fhuil soir go hAird nUladh port dá roimhéad ná caol cuain gan choimhéad d'Aodh re haonuair. Ó Aird Uladh an fheoir mhaoith go Beinn nÉadair mheic Éadghaoith gan fhoraire ó Aodh ní fhoil raon maraidhe ná marcoigh. Ar Mhág Aonghusa uile tairgfidh ó tá an fhorfhaire drud i ngoire ghlanshluaigh Ghall 's a bhfoighe d'anbhuain d'fhulang. Ar sgáth chóigidh chlann Rosa fuilngidh Aodh Mág Aonghusa cian uadha a ghníomha goile síona fuara ag foroire. Siobhal oidhche 'n-a éanar is é as fhearr do fhuiléangadh 's a lámh um chaolgha nó um cholg dá chaomhna lámh le leathbhord. Síodhuidhe Beinne Boirche fuilngidh ar feadh geamhoidhche gan cheann fa theach do thabhairt fa cheann gcreach i gcontabhairt. Fuilngidh madh fada an adhaigh gan bhais do bhuain d'aradhain; fuilngidh le hanbhuain an fhuinn i dtuighnigh adhfhuair iaruinn. Mórán baoghail beagán suain iomchraidh Aodh an airm rionnfhuair; béas na gcuradh riamh roimhe do mhian Uladh d'fhoroire. Cóir do chuireadar Ulaidh eatorra agus Allmhuraigh; tugsad geall ar dheighthreoir dhó an feithmheoir do b'fhearr aco. Mág Aonghusa na n-arm ndéad ar tí an chóigidh do choimhéad méidhe an ghaothmhara do ghabh aonchara fhéinne Uladh. Íbh Eachach na n-abhall bhfiar idir fhiodhbhaidh is oirshliabh idir fhairrge mhín is mhagh; gá tír as ghairde ó ghábhadh. Guaissealbhach Ghleanna Righe gabhais ar a gáibhthighe greim do chaoimheirr an chóigidh 'n-a heing aoibhinn urchóidigh. Ar sgáth shíl Eoghain do an Mág Aonghusa i n-eirr Uladh; aibche sa chách a chosnamh ar sgáth mhaicne a mháthar-san. Cóigeadh mheic náraigh Neasa dídnidh do dhruim bhráithreasa; an gort 'ga leithchineadh leis feithfidhear gan tocht thairis. 'N-a bhráthair aca uile a-tá rí Ó Rudhruidhe tuar conganta le cloinn Néill 's 'n-a bhronndalta ag droing díbh-séin. Cú Chuluinn na gcleas ngoile mar sin do fhréimh Rudhruidhe; díon an tsluaigh-se ar-aon orra; dá ghaol uaisle eatorra. Cineadh mheic Fhachtna Fháthaigh ba díbh-séin a dheaghmháthair; na slata do fhuaigh Eamhain aca fhuair a oileamhain. Mac Deichtine dearc uaine dar bh'ainm Cú na Craobhruaidhe 'n-a thiomchall-san do thuill bladh ag iomchosnamh fhuinn Uladh. Coimhdheas do thír is do thuinn do feithtí le Coin gCuilinn do ghrádh chombráithreach na Con do chlár fhonngháibhtheach Uladh. Do cuimhnigheadh uair oile comhaltas chlann Rudhroidhe; níor léig faghail na feadhna i n-aghaidh a n-oileamhna. Níor luigh ar leith a mháthar, do-ní seacha soláthar; níor shanntuigh an frosmhagh fionn ag cosnamh alltair Éirionn. Do chloinn Eoghain amhlaidh sin do-ní cosnamh an chóigidh Aodh go hionChon na hEamhna an chaor iothmhar fhíneamhna. Mág Aonghusa an earla thruim ní lamhthar lucht a leathtruim folt na ndual snáthfhailgheach saor 'n-a mháthairleath uadh d'éantaobh. An uair nach aithrighid soin a ghaol Í Chonaill Chearnaigh gaol na ríogh do fhréimh Chonaill do shíol Néill ní neamhchomhaill. An uair chuirid i n-a chionn ceithre hollchóigidh Éireann folt claon ar chur na n-idheadh Aodh 'n-a Lugh dá leithchineadh. Lugh nó Cianmhac an Cháinte, nó Naoise a fhear éanpháirte slat dá ndleaghair corrDhruim Caoin d'fhearaibh comhluinn Mhac Miodhchaoimh. Tairrngeartach Teamhrach Midhe, leannán lochta ar gceirdei-ne, taisdealach Trágha Dá Bhan, gaisgeadhach ágha Uladh. Abhartach aonaigh Tailltean, síodhuidhe nach seachaintear, caisgidh fhaghla dá fhine, taisgidh anma Eimhire. Coiléan caomh Caithreach Fhíona, croidhe gan fhuath n-eissíodha, rún faobhrach ag faicsin chean, aonroth gaisgidh na nGaoidheal. Coimhéadaidh cloinne Rosa, Aodh mac Airt Mhéig Aonghusa, sleagh glaisbheann i n-a ghoire fear fairseang foroire. Foraire.