]> Duine deighmhisnigh Dái-bhíoth An electronic edition Domhnall Mac Taidhg Ó Dálaigh Electronic edition compiled by Margaret Lantry University College Cork. Professor Marianne McDonald via the CURIA Project. Second draft Proof corrections by Margaret Lantry 1256 CELT: Corpus of Electronic Texts: a project of University College Cork.
College Road, Cork, Ireland—http://www.ucc.ie/celt
1997 2008 CELT online at University College, Cork, Ireland. G402110

Available with prior consent of the CELT programme for purposes of academic research and teaching only.

 Manuscript source Dublin, Royal Irish Academy, MS 5, 362 (alias 23 D 4: see Catalogue of Irish Manuscripts in the Royal Irish Academy, fasc. 1). The edition used in the digital edition Láimhbheartach Mac Cionnaith Duine deighmhisnigh Dái-bhíoth Dioghluim Dána Láimhbheartach Mac Cionnaith Dublin Oifig an tSoláthair [Government Publication Office] 1938 283–286

CELT: Corpus of Electronic Texts

All the editorial text with the corrections of the editor has been retained. Variant readings and editorial annotations have not been reproduced in this edition. Variants may be entered in a future edition.

Text has been checked, proof-read and parsed using NSGMLS.

The electronic text represents the edited text. Compound words have not been hyphenated after CELT practice.

There are no quotations.

The editorial practice of the hard-copy editor has been retained.

div0=the whole text. Metrical lines and quatrains are marked and numbered.

Names of persons (given names), and places are not tagged. Terms for cultural and social roles are not tagged.

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

 By Domhnall Mac Taidhg Ó Dálaigh, an Irish bardic poet c.1200–1600 The text is in Classical Modern Irish. bardic poetry 2010-11-10 Beatrix Färber ed. New wordcount made. 2008-10-13 Beatrix Färber ed. Header updated; keywords added. 2005-08-25 Julianne Nyhan ed. Normalised language codes and edited langUsage for XML conversion 2005-08-04T16:09:30+0100 Peter Flynn ed. Converted to XML 1997-08-25 Margaret Lantry ed. Text parsed using NSGMLS. 27-May-1997 Margaret Lantry ed. Header constructed, structural mark-up entered and checked. Lineation checked and verified. 1995-96 School of Celtic Studies (Dublin Institute for Advanced Studies) ed. Text captured by scanning and proofed. Duine deighmhisnigh Dái-bhíoth

DOMHNALL MAC TAIDHG Ó DÁLAIGH cct?

 Duine deighmhisnigh Dái-bhíoth; mór fhuair d'ulc is d'fhíorláindíoth budh toirrseach le triath oile fa iath gcoimseach gConaire. Mór n-adhbhar ler chuir i gcéill mac Séamuis nar thuill toibhéim, pór glainshlisnigh, an mear mín, ar bhfear daighmhisnigh Dáibhídh. Do dhoirt Dáibhídh as mhaith modh a dhóchas i nDia Athar; do ghlac fírmhisneach nach fann slat do shídhshlisneach Sagsan. Do thuig i dtós a aoise triath Barrach—beart roghaoise— rosg mear as creachthóir ar chrodh gur neamhchóir seadh sa saoghal. Níor ghlac sé ó soin i-le ró sgíse im sgéal dá dhoilghe dá mbeath go mothuigh sé sin acht rothuil Dé do dhéinimh. An lá do-chluin cúis toirrse far dhéanta dhó doghoillse ní feas doimheanma ann air an mall soidhealbha sochruidh. Ní faicthear a bhrón go bráth, ní théid caitheamh 'n-a chonách marcach gruaidhmhear as ghlan cruth níor ghabh buaidhreadh an Barrach. Meinic fhuair-sean fheidhm docrach troid leathtrom gleo guasachtach, gidh eadh níor theith, níor thuill guth go breith gach bhoill don Bharrach. Iomdha troid 'n-ar toillead lais clú le misneach mheic Séamais fir cholgshnasda nach uar ail do shluagh bhorbghasda an Bharraigh. Fuair iar n-éag a athar dhil go lór imshníomha is aisdir fonn cathardha na síodh sean ag díon athardha a aithreadh. Tugsad aighthe i n-aoinfheacht air Goill is Gaoidhil Ghuirt Fhionntain fear séimh nach sochlaointe brígh an réidh dochlaoidhte Dái-bhídh. Do chuirsead Goill—is é a fhíor— le neart dá neimhdheoin Dái- bhíodh sduaidh chneasaolta go ngné ghloin i n-easaonta é orthaibh. Nó gur bh'éigean dó fa dheoidh dul 'n-a n-aghaidh dá aindeoin a bheith umhal do b'é a rún go ré an churadh do chlaochlúdh. Rug air—is ní hé do thuill— d'fhoirneart is d'iomad leathtruim aigneadh sídhe múinte mear cúirte a thíre gur thréig-sean. An ló nar ghabhsadar Goill úmhlacht mo chéile chumoinn téid ar dhíon an déadbhláith dil; ní gníomh éadtláith do fhoillsigh. Ní toirrse, ní trom lighe, ní meathtacht, ní meirtnighe do ghlac an ghéag fheardha fhir, acht méad meanma is misnigh. Gairid dó 'n-a dheaghaidh sin go bhfuair sé ar son a mhisnigh fógra síothchána sluaigh Gall gruaidh fhíochdhána nach anbhfann. Aoincheann Barrach na mbreath séimh beirthear leis—lán do dheighchéill— cuairt aithghearr le bhfuair a thoil go baincheann sluaigh na Sacsan. Fríoth leis aiseag a fhola; fuair Dái-bhídh dreach neamhdhona gnúis fheardha ar nar braitheadh béim maitheadh a ndearna doi-séin. Ní fhuil aonfhód tiar ná toir ná cíos i gcairt an Bharraigh nar fríoth le grásaibh Dé dhó rer chásaigh é fan am-sa. Do budh mó sa chách a chion ar ndol Dái-bhídh fa dheireadh ruire suairc nach saoibhthim gus ar cuairt go saoirching Séamus. Neimhiongnadh—dia do rath— roimhisneach Bhíocont Barrach 's nach fuil díobh obar nar fhéag síodh nó cogadh do choimhéad. Mar an gcéadna a chéile dil Oiléan óg aigneadh suilbhir gruaidh soidheargtha as séimh breath doimheallta a méin 's a misneach. Níor chuir-se i gcéill do neach go mbíodh cás trom ná tuirrseach ná anbhuain ar a gnúis ghloin fá chúis amhluaidh dá bhfaghaibh. Inghean Dái-bhídh—Dia dá díon— maith chongbhas aithne an Airdríogh; ní thuillfe ar neamh diúltadh dhi bean leis nach diúltar duine. Duine.