]> A chros thall ar an dtulaigh An electronic edition Gofraidh Fionn Ó Dálaigh Electronic edition compiled and proof-read by Margaret Lantry University College Cork Professor Marianne McDonald via the CURIA Project. Second draft. 1673 CELT: Corpus of Electronic Texts: a project of University College Cork.
College Road, Cork, Ireland—http://www.ucc.ie/celt
1997 2008 CELT online at University College, Cork, Ireland. G402088

Available with prior consent of the CELT programme for purposes of academic research and teaching only.

 Manuscript source Dublin, Royal Irish Academy, MS 743, 678 (alias A iv 3: see Catalogue of Irish Manuscripts in the Royal Irish Academy, fasc. 18). The edition used in the digital edition Láimhbheartach Mac Cionnaith A chros thall ar an dtulaigh Dioghluim Dána Láimhbheartach Mac Cionnaith Dublin Oifig an tSoláthair [Government Publication Office] 1938 196–199

CELT: Corpus of Electronic Texts

All the editorial text with the corrections of the editor has been retained. Variant readings and editorial annotations have not been reproduced in this edition. Variants may be entered in a future edition.

Text has been checked, proof-read and parsed using NSGMLS.

The electronic text represents the edited text. Compound words have not been hyphenated after CELT practice.

There are no quotations.

The editorial practice of the hard-copy editor has been retained.

div0=the poem. Pagebreaks, metrical lines and quatrains are marked and numbered.

Names of persons (given names), and places are not tagged. Terms for cultural and social roles are not tagged.

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

 By Gofraidh Fionn Ó Dálaigh, an Irish bardic poet (1320–1387) c.1340–1387 The text is in Classical Modern Irish. bardic poetry 14c 2012-06-21 Beatrix Färber ed. Header modified. 2010-11-18 Beatrix Färber ed. New wordcount made; conversion script run. 2008-10-15 Beatrix Färber ed. Header updated, keywords added, file validated. 2005-08-25 Julianne Nyhan ed. Normalised language codes and edited langUsage for XML conversion 2005-08-04T16:08:05+0100 Peter Flynn ed. Converted to XML 1997-08-25 Margaret Lantry ed. Text parsed using NSGMLS. 1997-05-22 Margaret Lantry ed. Header constructed, structural mark-up entered and checked. Lineation checked and verified. 1995-96 School of Celtic Studies (Dublin Institute for Advanced Studies) ed. Text captured by scanning and proofed. A chros thall ar an dtulaigh

GOFRAIDH FIONN Ó DÁLAIGH cct.

 A chros thall ar an dtulaigh as damhna dam dhéarchumhaidh, tú urlamh gidh bé len báidh, is é ar dturnamh do thógbháil. Is tú, a chros an mheic mhuirnigh, thug mé a-nocht go neamhshuilbhir; a dhluthchros fa dtú ag tuirrse, tú mhúchfas mo mheadhair-se. Tú chuimhnigheas dúin-ne a dhol dá ndeachadh mh'aire dh'Eoghan; mo bheith mar tú, a chros-sa, is cáir do b'usa thú gan tógbháil. Truagh bhar gcuimhnioghadh cumhadh gidh cruthach do chórughadh; tú ós ar gcinn-ne, a chros Eoghain, m'inmhe ar a los laighdeobhaidh. Ag dul seochad san slighidh déara go lár léigfidhir; 'gat aithne, a chros, badh corcra aighthe bas an bhantrochta. Gidh cúis athtuirse anba, maith an mhaise shaoghalda do cheathra druimne donna leathna cuibhdhe codroma. A mheic dar cumadh an chros 'n-a lóchrann sheasmhach sholas, fuarais chrois bharrghloin bhláthmhair; marbhnaidh re cois commámthair. Is cros fhir do b'fhearr daghdhuas an chros ad-chiu eadarbhuas; loise na ceirde do cheil an mheirge croise ad-chíthir. Ní fiadhnaighthe i bhfogus di an chros-sa ná i gcéin uaithe; gidh bláith an mionn í is urchra sí ar cionn cáich 'n-a comhartha. A chros ós chionn na leirge, tuar leoin dar lucht aoincheirde, biaidh fros le bonnfhabhraibh dhe a chros d'ollamhnaibh d'aithne. Cúis a tógbhála ós talamh cros adhbhair an ollamhan an crann-sa dá ghruadh ghairthe budh tuar almsa is urnuighthe. Beannacht ar anmain an fhir isa chros do-chiu ar mh'aighidh; fearr iná tuile tuirse guidhe ar an seang séaghainn-se. A-tá an chros ler cráidheadh mé ar deilbh do chroise, a Choimdhe; ar a los go dtí dod thigh an tí dan cros an chrois-sin. Bheith ar chúl chroise Eoghain dom athtuirse oisgeolaidh; díon ar shlógh é agus gidh eadh ar brón, a Dhé, ní dídean. Tuilleadh cádhais don chill naoimh cros mhinghréasach an mhacaoimh: slógh fa chádhas don chrois-se budh lór d'árus eaglaise. Adhbhar ollaimh fhear Mumhan gion go bhfuair ainm ollamhan gan phearsain mar é d'ollamh, a Dhé, d'easbhaidh fhuaramar. Ní dhearna ar ndol a oidhre fulang mar ar bhfulaing-ne fear dar chomhainm Cathbhaidh Draoi ón Mhodhairn lachnaigh lionntaoi. Ní hiongnadh an fáth 'ma bhfuil ar gcomhráithne re Cathbhaidh; truagh bás an druadh a-dirim truagh an cás 'ma gcuimhnighim. Gidh bé damhna fo-deara sinn d'éagcaoine a oigheadha ní ar son an druadh bu-dhéine truagh fa a dhol ar ndeirbhéile. A-tú 'ma a bhreith don bhás rug ris an bhfilidh ag formad; truagh mh'éad re hoighidh an fhir éag fa a oidhir don fhilidh. Do-chuaidh do chumhaidh a mhaic; do b'é an mac fa mór éaraic Geanann Gruadhsholas fhuair eol nach cualadhas uaidh d'aithcheodh. Truagh leam-sa loighe Chathbhaidh ar fheart Gheanainn ghníomharthaigh dar ghéis ar loighe ar a leic a chroidhe d'éis a éinmheic. Téid Cathbhaidh fa ceann forais tar éis Gheanainn Ghruadhsholais i dtalmhain tre Gheanann nglan; ní leanam amhlaidh Eoghan. Cosmhail, a Dhé, damhna ar gcaoi mei-se agus Cathbhaidh caomhdhraoi; gidh eadh ní comhthrom gcumhadh an conchlann fhear n-ealadhan. Dámadh comhthrom ar gcumha 'mar saormhacaibh súlchara —teasda Cathbhaidh—créad do-bhir Gafraidh gan éag fa a oidhir? Cathbhaidh mar do-chuaidh reamhainn d'éag do chumhaidh chaoimhGheanainn, mó a fhachain gá dás gan dol an t-athair ór fhás Eoghan? Truagh gan fhóirithin aga mar do bhí ag bás Chearmada ar n-a ghuin do láimh Logha do mhuin áigh a iomghona. Comhrag do-chuala idir Lugh is Cearmaid na gcleas lúthmhar; Cearmaid milbhéal ba marbh dhe d'arm rinnghéar mar an rinncne. Rún an Daghdha i ndiaidh a mheic sgaradh le hÉirinn n-oirrdhreic; triall tar muir do labhradh leis go bhfaghbhadh luibh a leighis. Téid do thaisdeal an domhain, fágbhais Éirinn n-iorgholaigh gur chuir an Daghdha dá dhíon ar a mhuin damhna an deighríogh. Cearmaid le athair n-éachtach táinig sleamhain sláinchréachtach mar bhláth na slat dá ghruaidh ghil dar lat ní fhuair a oighidh. Ciodh na ba déanta dhamh-sa, gémadh aisdreach oram-sa, réim an Daghda, a Dhé, ar n-a dhol dámadh tarbha é d'Eoghan. Mo mhac-sa ó nach mé an Daghdha súil le éirghe is éadtarbha; ní faghair dar mbuain a broid an bhuaidh do chabhair Cearmoid. Muireadhach mhac Eoghain aird, Cearmaid—gidh cia do theasairg— do-chuala ar ndol don dís ghloin a-rís a gcor i gcorpaibh. Truagh nach tabhair d'fhurtocht oirn an lus fhuair inghean Loghairn nó aiceacht an Daghdha dhamh d'aithteacht a anma i nEoghan. Mac i n-ionadh an athar do b'oircheas é d'ordachadh; a athair 'n-a oidhre dhó, a Choimdhe, as fhachain iarghnó. Ní fhuilnginn an uair do mhar do mhéad ar n-annsa d'Eoghan choidhche gé do-near a-nois an fear dá oidhche im éagmhais. Mar tú dá bhás ní bhiadh mé dámadh neach eile a oide; cúis as ar fhoide, a Dhé, a dhol is mé do b'oide dh'Eoghan. An t-Eoghan-sa is éigin dún déanamh seach an bhfionn bhfoltúr; tairnig a sheal gá dám dhó gidh eadh gá dál as deacra. A chros.