]> A chnuic thoir re taoibh Ealla An electronic edition Gofraidh Fionn Ó Dálaigh Electronic edition compiled and proof-read by Margaret Lantry University College Cork Professor Marianne McDonald via the CURIA Project. Second draft. 1626 CELT: Corpus of Electronic Texts: a project of University College Cork.
College Road, Cork, Ireland—http://www.ucc.ie/celt
1997 2008 CELT online at University College, Cork, Ireland. G402087

Available with prior consent of the CELT programme for purposes of academic research and teaching only.

 Manuscript source Dublin, Royal Irish Academy, MS 743, 657 (alias A iv 3: see Catalogue of Irish Manuscripts in the Royal Irish Academy, fasc. 18). The edition used in the digital edition Láimhbheartach Mac Cionnaith A chnuic thoir re taoibh Ealla Dioghluim Dána Láimhbheartach Mac Cionnaith Dublin Oifig an tSoláthair [Government Publication Office] 1938 192–195

CELT: Corpus of Electronic Texts

All the editorial text with the corrections of the editor has been retained. Variant readings and editorial annotations have not been reproduced in this edition. Variants may be entered in a future edition.

Text has been checked, proof-read and parsed using NSGMLS.

The electronic text represents the edited text. Compound words have not been hyphenated after CELT practice.

There are no quotations.

The editorial practice of the hard-copy editor has been retained.

div0=the poem. Pagebreaks, metrical lines and quatrains are marked and numbered.

Names of persons (given names), and places are not tagged. Terms for cultural and social roles are not tagged.

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

 By Gofraidh Fionn Ó Dálaigh, an Irish bardic poet (1320–1387) c.1340–1387 The text is in Classical Modern Irish. bardic poetry 14c 2012-06-21 Beatrix Färber ed. Header modified. 2010-11-18 Beatrix Färber ed. New wordcount made; conversion script run. 2008-10-15 Beatrix Färber ed. Header updated, file validated. 2005-08-25 Julianne Nyhan ed. Normalised language codes and edited langUsage for XML conversion 2005-08-04T16:08:02+0100 Peter Flynn ed. Converted to XML 1997-08-25 Margaret Lantry ed. Text parsed using NSGMLS. 1997-05-22 Margaret Lantry ed. Header constructed, structural mark-up entered and checked. Lineation checked and verified. 1995-96 School of Celtic Studies (Dublin Institute for Advanced Studies) ed. Text captured by scanning and proofed. A chnuic thoir re taoibh Ealla

GOFRAIDH FIONN Ó DÁLAIGH cct.

 A chnuic thoir re taoibh Ealla fa dtáid aicme Oilealla, giodh 'mud bhruach do hoileadh inn, fuath dot oirear im inntinn. Is tú cnoc na ndéar dhúin-ne, a thulach ard fhéarnúidhe; is mó théid ar dhéaraibh dhamh t'fhéaghain iná ar mhéid meanman. Ní guth oram dimbríogh dhuit, a Chláraigh Ealla orrdhruic; a-taoi ar n-am chrádh, a chnuic thoir, do bhaoi i ndán duit a dhéanaimh. A Cláraigh, is tú an tulach mar thuit an Fionn Forbharach; mo ghrádh nó gur thuit red thaoibh, a chnuic a-tám do thathaoir. Mac Diarmuda—dia do chor— do tairngireadh go dtiocfadh dá lot ar bhrú do bhearna; is tú cnoc na cinneamhna. An lá tugadh thort a ndeas an chreach ler ceileadh m'áineas fríoth basgadh id chuim, a chnuic, is trasgradh do chloinn Chormuic. Don turbhaidh thug ar an dtóir i n-ucht Cláraigh i gcéadóir marbhthair 'gun ghéig gach nar ghabh gabhthair an mhéid nar marbhadh. Díobhraigis duine don tóir mac ríogh Mis—mairg dar chusbóir— gur bháidh inn tar a déis dairt d'éis an áir thinn do thabhairt. Éanghoin duaibhseach na dairte ní feas fear a díobhraicthe; torchair lé flaithbhile Fáil achd ré n-aithrighe d'fhagháil. Aithghin an té thorchair ann achd an flaith Fathadh Canann níor thuit tiomchall do ghleanna, a chnuic fhionnchlann Oilealla. Ar ngabháil ghiall an domhain dó go hÉirinn n-éarlamhaigh 'mud chaomhachadh, a chnuic thall, do thuit caomhFhathadh Canann. Do thuitsead re taoibh th'imil Fathadh agus Féidhlimidh; tugais d'Éirinn, a chnuic, cor 'nar thuit Féilim is Fathadh. Féidhlimidh mac mheic Domhnaill fuair goin 'n-a guin anfhorlainn ar an bhfánaidh uaid i-le, a Chláraigh, 's a ruaig roimhe. Fathadh Canann ceann an tsluaigh ar an uillinn uaid sor-thuaidh do thuit ar gcaithimh a chleath, a chnuic, le maithibh Muimhneach. Bean Oilill airdríogh Mumhan —toisg dá dtáinig mórphudhar— rug Fathadh—ní feis gan bhrón— leis ar athadh 's ar éalódh. Táinig is an gcnuc ad-chí i n-a aghaidh an t-airdrí; do bhaoi brath 'gun fhoirinn air gur laoi is Oilill cath Cláraigh. Caoga mac ríogh na rosg mall leathtrom é d'Fhathadh Canann gér chalma neart flatha Fáil 's na seacht gcatha 'n-a chomhdháil. Gá dú achd fuair Fathadh Canann bás ann d'éis a mhórtharann; ní dhó gér dhluigh a chaoine as mhó fhuil ar n-éagcaoine. Do bhí i ndán i n-a dhiaidh soin an dara gleo ar ghurt Cláraigh; an céadchath níor theo gér the iná an gleo éachtach eile. Fear croidhe náraigh neimhmin mac na flatha Féidhlimidh; fachain anfaidh d'fhás ar loch bás Í Charthaigh i gClárach. Dursan leam a los Fhéilim na tréidhe tá ar seinÉirinn; milleadh fás a craobhchall gcuir bás a saórchlann 'ma sliabhaibh. Re bás an churadh Con Raoi ar Sléibh Mis—mana déarchaoi— bás an fhéil chreachnáraigh dhuinn ar Sléibh seanChláraigh samhluim. Ar Sléibh Fuaid fuair a roghuin Cúmhsgraidh Meann mhac Conchobhair; do thuit ionnshamhail an fhir ar fhionnaghaidh chnuic Chláirigh. Diarmuid ar Beann Ghulban Ghuirt do thuitim re péisd bpríomhthuirc cointinn is géirrinn dá ghoin Féilim ar chnoicbheinn Chláraigh. Muircheartach Mór mhac Earca is Féidhlimidh finnEachtgha fríoth a n-árach leath ar leath im Chlárach is im Chleiteach. Rí Éireann dar bh'ainm Dá Thí marbh ar Sléibh Alpa an t-airdrí fríoth oilbhéim re samhluigh soin ar coirrShléibh challghloin Chláraigh. Trí meic Tuireann—tearc nar chaoin— tuitsead im Chnuc mac Miodhchaoin; mó chaoinim do thuitim thoir ar maoilinn chnuicfhinn Chláraigh. Créad fa mbeinn ar bruach t'imil, a chnuic thall, d'éis Fhéidhlimidh? san chnuc thealghlas nó gur thuit níor dheaghlas rut, a rochnuic. A chnuic. Do shíol Bhriain do bhuing Teamhraigh lucht marbhtha mheic Thoirdhealbhaigh; tug fhás ar orchradhaibh slóigh bás Conchobhair i gCaolmhóin. Go dtorchair tighearna an chnuic Art Ó Caoimh cneas mar bhánchuip fríoth an-allan bruit is ba it fharradh, a chnuic chéadna. A Chláraigh, ceileabhradh dhuit; ag súd mé uait, a ardchnuic, fear nach seachnann comhlann cleath go Domhnall gcleathchorr gCairbreach. Gé taoi, a ThéaGhaimh, a chnuic thiar, eadrainn is an fhionn foiltfhiar go hEoghan dleaghair dola leomhan Bhealaigh Bhóromha. A chnuic thiar ga dtá Buadhach, is tú an dumha deaghdhuanach; samhail Chrot gCliach ar chaoimhe an cnoc ós iath Fhormhaoile. A chnuic ós chionn Locha Léin gá bhfuil Tadhg na dtreas n-aigmhéil, gar dhuit is dóigh mo thochta, a chnuic mhóir, a Mhangarta. Sealbh dhíleas Domhnaill Í Chaoimh tú, a chnuic uaine an fheoir bharrchlaoin; mo chean duit tre robhaidhbh rath, a chnuic dan comhainm Clárach. A Shléibh Luachra don leith thuaidh i riacht Mór mín an bhanshluaigh, id ghoire 's dóigh mo dhola tre Mhóir Mhoighe Mhucromha. Freagarthar linn líon ar slóigh do shlóigheadh go Sliabh Si-óin; Mhíchéal oirn bhus fhear garma seadh 'n-a mhoirn ní míotharbha. A chnuic.