]> Táinig ceo tar an gcreidimh An electronic edition Eochaidh Ó hEoghusa Electronic edition compiled and proof-read by Margaret Lantry University College Cork Professor Marianne McDonald via the CURIA Project. Second draft. 1666 CELT: Corpus of Electronic Texts: a project of University College Cork.
College Road, Cork, Ireland—http://www.ucc.ie/celt
1997 2008 CELT online at University College, Cork, Ireland. G402080

Available with prior consent of the CELT programme for purposes of academic research and teaching only.

 Manuscript source Dublin, Royal Irish Academy, MS 1, 21 (alias 23 D 14: see Catalogue of Irish Manuscripts in the Royal Irish Academy, fasc. 1). Dublin, Royal Irish Academy, MS 782, 251 (alias 3 C 18: see Catalogue of Irish Manuscripts in the Royal Irish Academy, fasc. 20). The edition used in the digital edition Láimhbheartach Mac Cionnaith Táinig ceo tar an gcreidimh Dioghluim Dána Láimhbheartach Mac Cionnaith Dublin Oifig an tSoláthair [Government Publication Office] 1938 168–172

CELT: Corpus of Electronic Texts

All the editorial text with the corrections of the editor has been retained. Variant readings and editorial annotations have not been reproduced in this edition. Variants may be entered in a future edition.

Text has been checked, proof-read and parsed using NSGMLS.

The electronic text represents the edited text. Compound words have not been hyphenated after CELT practice.

Quotation marks are temporarily retained.

The editorial practice of the hard-copy editor has been retained.

div0=the whole text. Metrical lines and quatrains are marked and numbered.

Names of persons (given names), and places are not tagged. Terms for cultural and social roles are not tagged.

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

 By Eochaidh Ó hEoghusa, an Irish bardic poet c.1200–1600 The text is in Classical Modern Irish. bardic poetry 2010-11-18 Beatrix Färber ed. New wordcount made; conversion script run. 2008-10-10 Beatrix Färber ed. Header modified; keywords added; file validated. 2005-08-25 Julianne Nyhan ed. Normalised language codes and edited langUsage for XML conversion 2005-08-04T16:07:41+0100 Peter Flynn ed. Converted to XML 1997-08-25 Margaret Lantry ed. Text parsed using NSGMLS. 1997-05-22 Margaret Lantry ed. Header constructed, structural mark-up entered and checked. Lineation checked and verified. 1995-96 School of Celtic Studies (Dublin Institute for Advanced Studies) ed. Text captured by scanning and proofed. Táinig ceo tar an gcreidimh

EOCHAIDH Ó hEOGHUSA cct?

 Táinig ceo tar an gcreidimh; móide feidhm 'n-a faoisidin, teirce a-cách an creideamh cóir, beigsheadh ag cách san chanóin. An creideamh ó chloinn Eabha do-chuaidh dá chion tuigseana muna chreideadh Muire mhór an creideamh uile ar n-iompódh. A-tá mei-se is ní mé a-mháin le feadh m'aimsire i n-urláimh; 's an líon tarraing i dtá sinn go lá a tharraing ní thuigim. Tualaing gach duine ar domhan glóir a anma d'ardoghadh; déana féin, a dhuine, dhuid nach fuighe péin ná peannaid. Dom shaoradh ar Dhia na ndúl do chaithfinn mh'aigneadh d'iompúdh; a-tám nó go dteagmha dhamh gan ghrádh gan eagla an Athar. Ní lugha do loit Éabha a clann is cúis aithmhéala; maith do bhábhar muna bheath; ar chaith Ádhamh is aithreach. Lasfaid na clocha is na croinn, lasfaidh an fhairrge iomainn; dlighid leinibh oirchill air toirrchim dheiridh an domhain. An crann chuirthear 'n-a chuaille is é, a dhuine, as diombuaine; ní fhuil acht préamha an chroinn chuir fa chloinn Éabha agus Ádhaimh. An focal badh nár le neach is mairg nach téid 'n-a thaithleach; do-chí Rí nimhe a námhaid ó 'd-chí fhine an fhanámhaid. Olc an tslighe go Dia dhamh bheith ar thoradh mo theangadh; ní mhaithfeadh sé a n-abraim d'ulc gion go n-abraim é acht d'ábhacht. Naomhuidhe ar an éag ní fhuil idir óg agus arsaidh; don leanbh is gabhtha ar a ghuth ní dearbh go marfa a-márach. Tiocfa lá bhus aithreach d'fhior deachmhadh na gcnó do chaithiomh; ní leat acht ní, a dhuine, dhe; ná bí uile don eitne. An breac as lugha san líon do-bheirthear d'oidhre an Airdríogh; cnú bhuidhe dá mbia 'sna cnoibh ní fhuighe Dia san deachmhaidh. Do rochtain Ríogh na glóire bronndalta na banóighe tiocfa lá far dhéanta dhuid gach lá dá n-éadfa an éanchuid. Gach éigean dar fhulaing sibh gion gur hurusa a n-áirimh beid a dhaoine do ló an Luain nar mhó san aoine d'anbhuain. Do Mhuire ní bhí buidheach dá bhfreagra an chlí chomhuidheach an chalann nach uair-se d'ulc nach uaisle an t-anam d'fhurtocht. "An lá fá mbearthar an bhreath" is ionráidh re Dia ndúileach "ní tú bhus mó cuid don chloinn, ní ró dhuid acht a ndíoghluim." Leanfaidh Críosd ar chloinn nEabha na heacha is na háirgheadha; tar ceann a gcaithimh i bhus is gearr go gcaithir cunndus. Rachaid mar théid an tuile gach dúil chriadh dá Cruthuidhe; do badh oirchilleach dhamh druim re magh dtoirrchimeach dtadhaill. Biaidh, a Chríosd, an gcéin mharas neach gach éanlá i n-amharas; is rioth, a Dhé, don duine ar bhioth ché 'n-a chomhnuidhe. Is tú bhus aigne, a Dhé, dhúinn re hucht aingil an iomthnúidh; iomdha fear aimhleasa ann feadh th'aighneasa 'mun anam. Éad le dtéid go teagh nimhe cóir don fheadhain fhúigfidhe; go bhfaicear cách 'n-a ndá gcuid ní fhaiceabh fháth an fhormaid. Sgéarad, a Choimdhe, rem chloinn mar sgaras cnú re crobhuing; mé mar dhéis ar ndol a gráin, mo chrodh tar m'éis dá fhágbháil. A n-áireamh ní badh éidir damh a lán dá leithéidibh; beanaidh tú call as an gcnaoi an chnú as a barr mar beantaoi. Do ním-se mar do-ní Pól gidh eadh ní fhóbraim iompódh; rugas geall Phóil ar pheacthaibh gearr do-chóid im chuideachtain. 'N-a gciontaibh ar chloinn Éabha ní iarrfadh acht aithmhéala; braithreas dó ris an duine mó tháirfeas dá thrócuire. Dá saoileadh Dia m'fagháil as do mhaithfeadh dham a ndearnas; ar ndéanamh na n-uile olc do-ghéabhadh duine ó dhúthrocht. Is ionann fuil dá bhfuil sinn mei-se agus inghean Iaichim; lór guidhe na n-ógh eile Muire ógh is áiridhe. Breath do bhreith ní dlighthear dhamh idir íseal is uasal; ní bhiú ag meas an té as táire, ní feas nach é as iomláine. I luach a ndearnabhar dhó gach ní fhuarais ó Íosa beir a bhuidhe gidh bé thug gur bh'é, a dhuine, do dhearlag. Gur ghin Athair na n-uile gan neamh d'fhagháil d'éanduine; do bás gan chabhair 'gá chloinn bás 'n-a aghaidh gur fhuluing. Do fhéadfadh dámadh áil lais gan bheith d'Íosa 'n-a éagmhais; faicsin Dé do badh dána is é i ngaisdibh gabhála. Is mairg duine ar nach bí i-bhus eagla na breithe bhéaras; ar gcaoine a-tá gan toradh lá na ndaoine do dhealoghadh. Eagail leam lá na meidhe go dtiocfa fam thairngeire fáth aithmhéile dhamh-sa ar ndul, bainchéile fhallsa ag dhamh. Seoid na cruinne is cleas meallta; ní fhuil cúis a gcoigealta; dá bhfaghainn céad dá gach chrodh méad a n-aghaim is eagal. Ionadh an chuirp ó chianaibh ag curp eile an aithbhliadhain; ní bhí acht uain an tí nach tig don uaigh ag an tí tháinig. Ní tháinig do thigh nimhe neach d'fheabhas a aithrighe dá bhfuair bás don uile fhear nó gur fhás Muire maighdean. Inghean Anna is Mac Muire, lóchrainn na sé sochuidhe, ní thánaig is ní thiocfa cáraid mar an gcuidiochta. Táinig.