]> Mairg théid tar toil a athar An electronic edition Cormac Mhac Taidhg Bhallaigh Ó Dálaigh Electronic edition compiled and proof-read by Margaret Lantry University College Cork Professor Marianne McDonald via the CURIA Project. First draft, revised and corrected. 1509 CELT: Corpus of Electronic Texts: a project of University College Cork.
College Road, Cork, Ireland—http://www.ucc.ie/celt
1997 2008 CELT online at University College, Cork, Ireland. G402063

Available with prior consent of the CELT programme for purposes of academic research and teaching only.

 Manuscript source Dublin, Trinity College Library, 1340, 26 (alias H. 3. 19; see Abbott and Gwynn, Catalogue of Irish Manuscripts in Trinity College Library (Dublin 1921)). The edition used in the digital edition Láimhbheartach Mac Cionnaith Mairg théid tar toil a athar Dioghluim Dána Láimhbheartach Mac Cionnaith Dublin Oifig an tSoláthair [Government Publication Office] 1938 121–124

CELT: Corpus of Electronic Texts

All the editorial text with the corrections of the editor has been retained. Variant readings and editorial annotations have not been reproduced in this edition. Variants may be entered in a future edition.

Text has been checked, proof-read and parsed using NSGMLS.

The electronic text represents the edited text. Compound words have not been hyphenated after CELT practice.

There are no quotations.

The editorial practice of the hard-copy editor has been retained.

div0=the whole text. Metrical lines and quatrains are marked and numbered.

Names of persons (given names), and places are not tagged. Terms for cultural and social roles are not tagged.

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

 By Cormac Mhac Taidhg Bhallaigh Ó Dálaigh, an Irish bardic poet. c.1200–1600 The text is in Classical Modern Irish. bardic poetry 2010-11-18 Beatrix Färber ed. New wordcount made; conversion script run. 2008-10-10 Beatrix Färber ed. Header modified; keywords added; file validated. 2005-08-25 Julianne Nyhan ed. Normalised language codes and edited langUsage for XML conversion 2005-08-04T16:06:55+0100 Peter Flynn ed. Converted to XML 1997-08-25 Margaret Lantry ed. Text parsed using NSGMLS. 1996-09-22 Mavis Cournane ed. Text parsed using SGMLS. 1996-09-20 Margaret Lantry ed. Header constructed, structural mark-up entered checked. Lineation checked and verified. 1996-09-20 Margaret Lantry ed. Text proofed. 1995-96 School of Celtic Studies (Dublin Institute for Advanced Studies) ed. Text captured by scanning and proofed. Mairg théid tar toil a athar

CORMAC MHAC TAIDHG BHALLAIGH Ó DÁLAIGH.

 Mairg théid tar toil a athar ar a ghoin gidh bé as bhreitheamh; eagail a fhearg uan d'fhiochadh, criothar dhearg fan buan beithear. Dlighid clann umhla d'aithribh; an umhla an t-ann nach foighthir cuimhne gaoil dóibh ní dlighthir; sirfidh cóir taoibh is troighthigh. Ní sgaoilfe síoth dar snadhmadh; go bhfríoth dar dtaoibh-ne turbhadh do-ghéabhtha i mbais Dé a dhearbhadh dá ndearnadh sé ar crois cunnradh. Gur guais deaghail re díoghain fuair do chneadhaibh fan gcánaidh; a searg mar sin ná saoilidh fearg fhaoilidh fhir an álaidh. Súil linn aga ar n-a oighidh; madh fada sinn ar slighidh cóir do dhearg cíogh dar gcobhair ní fhoghain fearg ríogh righin. A bhiodhbha as ní hogail, glas ar a dhiomdha druididh; maith do-cháidh críoch an chogair síoth cogaidh cáigh do chuidigh. Leanfaidh chóir na ndealg ndomhan an leanb ag óigh do hoileadh; dana ó luing na bhfear bhfaladh aghadh ar thuinn cneadh gcroidheadh. Téid ar each croinn ler chaomhain an fear do choill an gcánaidh; rug a ghaol ar ghuin aoinfhir; saoilidh gur shaor fhuil Ádhaimh. Faill sa taobh thinn nír thugtha; a ghaol do fhill dá n-eachtra sreabh chiuin don fhuil-se an ochta cuisle bhactha an riuidh reampa. Dáil san aongha ní fhuighbhe —caomhna cáigh is dá cuibhdhe; bheith dhí gan fhior gan oidhre ciodh far dhoilghe trí thairnge? Do dháil a fhuil go humhal, a ghuin ní tráigh gan toradh; mairg fhear do-cháidh dhá gcuireadh fuigheal áir na bhfear bhfaladh. Bíodh gur dlighidh ar ndaoradh síodh san slighidh dhar seoladh; gidh bé thall díon nar díoladh ríoghan ann re díol deoradh. Oiltir lé aonmhac óighe ler saoradh na sé líne ní ghabh sein díol, a dhaoine, aoighe ríogh go gcneidh gcíghe. Gur bhac a fhíonfhuil d'iarraidh glas ar a dhíoghail dúinidh, rug sein an bhfeirg re fánaidh neimh álaidh dheirg an Dúilimh. Mór re a íoc teinne an tairnge síoth rinn-ne gé do-righne; nír dháil rí duais budh doilghe guais t'oidhre i gclí dar gcinn-ne. Tug an cíogh i n-a gceanaibh a ndíon mar rug do roghain; trí thráth i n-uaigh dot oidhir doiligh fhuair các do chabhair. Fuair tríonn créachta nar chubhaidh; a n-éarca do dhíol dlighidh; do dhearg sé teallach troighigh d'oidhir Dé ceannach cinidh. Síoth im chion féin nach fuighinn a-né as críoch d'fhior a fhulaing i nguin fir fríoth dar bhfoirinn; do thoirinn sin fíoch th'ubhaill. Tug t' oidhir seal dar séana; ar dteacht do shoighin shíodha, bíoth gan éacht ríogh do rádha, gníomh dána créacht an chíogha. Feis chabhra cáigh do cheangail an fáidh ler snadhma sloinnidh; tig sin 'n-a suirghe dhaingin fuighle an aingil ribh roinnidh. Crú an taoibh—ní beag an baoghal— ar ngaoil do bhean a bádhadh; fada sibh uam it éanar gér dual féaghadh fhir áladh. Long cíghe im choinne cuirthear coinne ar sídhe go snadhmthar; go buain t'oidhre dhar n-iomchar tiomchal cuain oirn-ne is anfadh. Ar chneadhaibh ní cóir cuimhne ó ndeachaidh sláin 'n-ar seilbh-ne; slán ó ghuin an fear foirne; ná lean oirn-ne fhuil th'eidhre. Cuirfidh i gcéill far gcabhair Muire dá mbé ar mo bhuidhin dalta glún don óigh th'oidhir; cóir troigidh ar gcúl cuiridh. Suirghe do-chóidh 'n-a chéile fuighle as ar dhóigh ar ndín-ne; cionnus libh liamhain óighe is t'iarraidh cóire i gcneidh cíghe. A réalta eoil ar n- ealbha ná déana chóir far gcomhdha; leig síneadh id dhigh diomdha, iomdha id thigh fírfhear foghla. Fáth as ar dhéanta ar ndearadh Éabha led ghrás do gabhadh; iomdha ar neamh tí do tileadh nár thileadh dhí achd fear faladh. Fag síodh a fhaladh uadha an cíogh do tolladh trín-ne; gach guin eile mar fhóire t'óighe as luibh cneidhe cíghe. Páis t'oidhir do thaobh toile do shaor ón oighidh t'fhine; do fhear tú t'fhuil don uile do bhuille sguir crú an chridhe. Tairg ríghtheach Dé gan dúnadh; bíthear do réir na ríobhan triall go hóigh ar gach aoinfhear; dóigh aoigheadh riamh gach ríoghan. Ní mó d'fholtaibh trí thairnge— gontair an cíogh dar gcoimhdhe; cóir do-gheabh sé ler seilbh-ne, fear na seilbhe is é an t-oidre. Mairg.