%ISOlat1; %ISOlat2; %ISOnum; %ISOpub; %ISOdia; ]> Droichead na bpeacthach páis Dé An electronic edition Unknown Electronic edition compiled and proof-read by Margaret Lantry University College Cork Professor Marianne McDonald via the CURIA Project. Second draft. 1519 CELT: Corpus of Electronic Texts: a project of University College Cork.
College Road, Cork, Ireland—http://www.ucc.ie/celt
1997 2010 CELT online at University College, Cork, Ireland. G402044

Available with prior consent of the CELT programme for purposes of academic research and teaching only.

 Manuscript source Dublin, Trinity College Library, 1340, 53 (alias H. 3. 19; see Abbott and Gwynn, Catalogue of Irish Manuscripts in Trinity College Library (Dublin 1921)). The edition used in the digital edition Láimhbheartach Mac Cionnaith Droichead na bpeacthach páis Dé Dioghluim Dána Láimhbheartach Mac Cionnaith Dublin Oifig an tSoláthair [Government Publication Office] 1938 66–69

CELT: Corpus of Electronic Texts

All the editorial text with the corrections of the editor has been retained. Variant readings and editorial annotations have not been reproduced in this edition. Variants may be entered in a future edition.

Text has been checked, proof-read three times and parsed using NSGMLS.

The electronic text represents the edited text. Compound words have not been hyphenated after CELT practice.

There are no quotations.

The editorial practice of the hard-copy editor has been retained.

div0=the whole text. Metrical lines and quatrains are marked and numbered.

Names of persons (given names), and places are not tagged. Terms for cultural and social roles are not tagged.

The n attribute of each text in this corpus carries a unique identifying number for the whole text.

The title of the text is held as the first head element within each text.

div0 is reserved for the text (whether in one volume or many).

The numbered quatrains provide a canonical reference.

 By an unknown Irish bardic poet. c.1200–1600 The text is in Classical Modern Irish. 2010-08-13 Beatrix Färber ed. Header updated; new wordcount made. 2008-10-13 Beatrix Färber ed. Keywords added; file validated. 2005-08-25 Julianne Nyhan ed. Normalised language codes and edited langUsage for XML conversion 2005-08-04T16:06:01+0100 Peter Flynn ed. Converted to XML 1997-08-25 Margaret Lantry ed. Text parsed using NSGMLS. 1997-05-15 Margaret Lantry ed. Text proofed for the third time. 1996-08-30 Mavis Cournane ed. Text parsed using SGMLS. 1996-08-27 Margaret Lantry ed. Header constructed, structural mark-up entered checked. Lineation checked and verified. 1996-08-27 Margaret Lantry ed. Text proofed for the second time. 1995-96 School of Celtic Studies (Dublin Institute for Advanced Studies) ed. Text captured by scanning and proofed. Droichead na bpeacthach páis Dé Droichead na bpeacthach páis Dé ród coitchionn—is cruaidh fínné; dá mbeith Dia ag cuma fa cheart cia bhus urra re h-imtheacht. Síol Ádhaimh ní iomdha dhíobh nach briseann aithne an airdríogh; bríogh 'n-a aithneadhaibh ní fhuil ag síol aithreamhail Ádhaimh. Níor fhiú Ádhamh go n-a chloinn a bhfuair Dia d'íoc an ubhoill más é an t-ubhall fo-deara sé d'fhulang a oigheadha. Gin gur ísligh a fhearg ruinn go dtáinig Críosd i gcoluinn gar a ghaol don uile fhear don taobh 'n-ar dhuine an Dúileamh. Ar cuairt ón gcomhairle móir táinig Críosd ar cionn tionóil; tug sidhe a hucht an Athar 's a lucht tighe ar dtearcachadh. Mar tháinig a-nall do nimh le briathraibh óighe is aingil do thogaibh ceo don chruinne eo tobair na trócuire. Iomdha riochd 'n-a ndeachaidh Dia nar chubhaidh re Mac Maria; sé saor an droichid dar ndín saobh an oifig ón Airdrígh. Do chuir ciseal fa gach cheann don droichead ler airg Ifreann; bia tráth is budh damhna déar; cia fáth cabhra an dá chiseal. A chlochadh an uair do b'áil Domhnach Páise an Príomhfháidh gur cheannaigh sé an uile fhear ní duine an té nach tuigfeadh. Na clocha-so mar do chuir 'n-a gcéidchiseal fan gcrannghail tug síoth Dé fa ghach dhuine fríoth é mar nach iarrfuidhe. 'N-a chiseal fa cheann eile do chuir aonchloch d'áiridhe; do bhí 'n-a luighe fan lia rí na n-uile 's ar n-aoinDia. Ceithre croinn do choisrig Dia sailghe droichid Mic Mairia; droichead é 's na sailghe sain daingne hé ná gach obair. I sgéalaibh na gceithre gcrann iomdha uirsgéal nach ionann; d'iomad sgéal n-iongnadh orra do-ghéan mh'ionnramh eatorra. Lán do tharthaibh gé tá a-bhus an crann dar chomhainm Pressus mó ná soin thall a thoradh crann gá bhfoil ar bhfuasgoladh. Ann sin do sáitheadh an chroch i ndeachaidh Críosd dar gceannach tortha uaisle i ngach am air crann as uaisle don fhiodhbhaidh. Móide mo mhuineachadh as an crann séanta Si-pressus; do-chím an-ois é ar m'aghaidh sé fan gcrois 'n-a cholamhuin. An crann tarsna a-tá ar an gcrois do chiseal failme Pharrthais tugadh ann leigheas ar locht; ní crann cheileas a chumhocht. Crann uasal re n-abar pailm, crann na mbuadh is é a fhorainm, crann gléasda na cruinne an crann, féasda na n-uile anam. Crann na hola an uair do chuir le síothcháin go síol Ádhaimh do mhaith sé a fhíoch 's a fhalaidh síoth Dé munar dhiúltabhair. M'anam ar chomairce an chroinn do chuir Dia d'íoc an ubhoill; dul ar a sgáth is díon damh madh síoth do chách madh cogadh. Míorbhuile croinn na croiche a n-áireamh ní fhéadfuithe; níor fhéad riamh neach gus a-niogh a leath nó a dtrian do thuiriomh. Na croinn far dhoirt Íosa a fhuil fa chéad is móide a míorbhuil —dul 'n-a gcaomhthach is díon dhamh— aonchroch dhíobh ar n-a dhéanamh. Do chruthuigh gach ní fa nimh d'fhoghnamh do dhís do dhaoinibh; mó an obair ar fhear dá fhuil; do thogaibh neamh ós néalluibh. Le fiochadh grás agus gaoil, don Choimdhidh gin gur chomaoin, do theilg sé a chlár dá chroidhe do ghrádh na sé sochuidhe. Na cóig doirse ór dhoirt a fhuil do cheannach cloinne hÁdhaimh sleagh 'n-a chígh, cló 'n-a bhonnaibh, 's a dó dhíbh 'n-a dhearnannaibh. Ar sgoltadh a chóig gcroidhe do dhúisigh Dia a thrócoire; do chuir sé an chóir 'n-a colladh is dóigh mé dá mosgoladh. Níor thoguibh an chóir a ceann Mac Dé nó gur airg Ifreann; cia as tóir ar fhearaibh dá fhuil? dleaghair cóir i n-a chréachtaibh. Rí na cruinne ad-chuala mé gur bh'í a dheoch dh'éis a oibre domblas aoi d'fhagháil mar dhigh; níor bh'fharáil caoi dá chloisdin. Ar sgarthain cáich ré chéile —mór an t-adhbhar aigmhéile— a-tá lá cúirte 'n-ar gcionn is lá nach fúigfe fuighioll. Éaraic páise Mhic Muire cia ionnmhus re n-íocfuidhe muna díol créachta do chuirp is síodh an éachta orrdhuirc. Slighe choitchionn na gcóig sruth páis Dé droichead na bpeacthach; droichead hí don uile fhear go dtí an duine fa dheireadh. An droichead a-dubhairt sionn do chách gidh conair choitchionn aon do chéad gér chomha bheag ad-féad dola is an droichead. Droichead.