%ISOlat1; %ISOlat2; %ISOnum; %ISOpub; %ISOdia; ]> In Cath Catharda The Civil War of the Romans An Irish Version of Lucan's Pharsalia An electronic edition Whitley Stokes Electronic edition compiled by Philip Irwin Benjamin Hazard University College, Cork The IRCHSS via the Digital Dinneen Project Second draft. 74360 CELT: Corpus of Electronic Texts: a project of University College, Cork
College Road, Cork, Ireland—http://www.ucc.ie/celt
2005 2010 CELT online at University College, Cork, Ireland. G305001

Available with prior consent of the CELT programme for purposes of academic research and teaching only.

 Manuscript sources Dublin, Trinity College, MS 1298, 376–390, 416–417 (olim H.2.7), for details see T.K. Abbott (ed.), Catalogue of manuscripts in the Library of Trinity College, Dublin (Dublin 1900). Dublin, Trinity College, MS 1326, 596b–601 (olim H.3.18), for details see T.K. Abbott (ed.), Catalogue of manuscripts in the Library of Trinity College, Dublin (Dublin 1900). Dublin, Trinity College, MS 1337, 596b–601 (olim H.3.18), for details see T.K. Abbott (ed.), Catalogue of manuscripts in the Library of Trinity College, Dublin (Dublin 1900). Dublin, Royal Irish Academy, MS 130 (olim 24.P.28), for details see Mary E. Byrne (ed.), Catalogue of manuscripts of the Royal Irish Academy (Dublin), fasc. 3, 383). Dublin, Royal Irish Academy, MS 740, 1–27 (olim C.VI.3), (ed.), for details see Gerard Murphy and Winifred Wulff (eds.), Catalogue of manuscripts of the Royal Irish Academy (Dublin) fasc. 18, 2245. Dublin, Royal Irish Academy, MS 1070, 221–435 (olim 24.P.17), for details see Elizabeth FitzPatrick (ed.), Catalogue of manuscripts of the Royal Irish Academy (Dublin 1940) fasc. 24, 2980. Dublin, Royal Irish Academy, MS 1192, fragments (olim C.IV.3), for details see Kathleen Mulchrone (ed.), Catalogue of manuscripts of the Royal Irish Academy (Dublin 1943) fasc. 26, 3233. Dublin, Royal Irish Academy, MS 1223, 2–22 (olim D.IV.2), for details see Kathleen Mulchrone (ed.), Catalogue of manuscripts of the Royal Irish Academy (Dublin 1943) fasc. 26, 3301). Dublin, Royal Irish Academy, MS 1237, section I (olim D.I.1), for details see Kathleen Mulchrone and Elizabeth FitzPatrick (eds.), Catalogue of manuscripts of the Royal Irish Academy (Dublin 1943) fasc. 27, 3427. Killiney, Franciscan Library, MS A.17, for details see Myles Dillon, Canice Mooney and Pádraig de Brún (eds.), Catalogue of the Irish Manuscripts in the Franciscan Library Killiney by (Dublin 1969), 35–36. Edinburgh, Advocates' Library, MS XLVI (olim Highland Society John M'Kenzie No. 10), for details see Donald Mackinnon (ed.), A descriptive catalogue of Gaelic manuscripts in the Advocates' Library Edinburgh, and elsewhere in Scotland (Edinburgh 1912), 201–202. Editions and Translations Whitley Stokes, In Cath Catharda: The Civil War of the Romans. An Irish Version of Lucan's Pharsalia (Irische Texte, 4th series, part 2). Standish Hayes O'Grady, The War of Pompey and Caesar: a fragment. Text and translation. In Caithréim Thoirdhealbhaigh I–II Appendix, Irish Texts Society 26, 27 (1929). Further reading E. G. Cox, Classical traditions in medieval Ireland, Classical Quarterly 3 (1924) 267–84. Alfred Housman (ed.), M. Annaei Lucani, Belli Civilis Libri Decem (Oxford 1926). Robert T. Meyer, Papers of the Michigan Academy of Science, Arts & Letters 44 (1959) 355–63. D. R. Shackleton Bailey (ed.), M. Annaei Lucani, De bello civili, libri X (Stuttgart 1988). S. H. Braund (trans.), Lucan Civil War, with introduction and notes (Oxford 1992). Jane Wilson Joyce (ed. and trans.), Pharsalia (Cornell 1993). Chris Martindale, Sarah Brown, Nicholas Rowe (ed. and trans.), The Civil War: Pharsalia or Bellum Civile (London 1998). The edition used in the digital edition Whitley Stokes In Cath Catharda: The Civil War of the Romans. An Irish Version of Lucan's Pharsalia Irische Texte Whitley Stokes and Ernst Windisch Leipzig S. Hirzel 1909 ix + 581

CELT: Corpus of Electronic Texts

All editorial introduction, translation, glossary, notes and indexes have been omitted. Editorial corrigenda are included non-silently in the electronic edition. Only the text of Stokes's edition is retained, and for this electronic edition the variants cited by Stokes are not reproduced.

Text has been checked and proof-read twice. All corrections and supplied text are tagged.

The electronic texts represents the edited text. Words are segmented in accordance with CELT practice, but this segmentation may not yet be complete.

Quotation marks are rendered q.

Soft hyphens are silently removed. When a hyphenated word (hard or soft) crosses a page-break or line-break, the page-break and line-break are marked after the completion of the hyphenated word.

div0=the adaptation; div1=the 21 headed sections; div2=the subdivision of the last section. The line-breaks and page-breaks of the printed text are marked.

Dates are standardized in the ISO form yyyy-mm-dd.

Names of persons (given names and surnames), groups (dynasties, tribes, peoples etc.), places are tagged. Numbers are tagged.

 900–1200 The text is in Middle Irish. Some words are in Latin. The witness list is in English. 2010-04-30 Beatrix Färber ed. Conversion script run, header updated; new wordcount made; file parsed; new SGML and HTML versions created. 2008-09-01 Beatrix Färber ed. Keywords added; file validated. 2008-07-21 Beatrix Färber ed. Value of div0 "type" attribute modified, 'creation' tags inserted, content of 'langUsage' revised; minor modifications made to header. 2005-08-25 Julianne Nyhan ed. Normalised language codes and edited langUsage for XML conversion 2005-08-04T16:00:39+0100 Peter Flynn ed. Converted to XML 2005-06-28 Benjamin Hazard ed. File parsed and HTML file created. 2005-06-28 Benjamin Hazard ed. File divisions, direct speech and milestone tagging verified. 2005-06-14 Benjamin Hazard ed. New header constructed; SGML file created; wordcount made; line-breaks verified. 1997-04-22 Margaret Lantry ed. Bibliography compiled and structural markup revised. 1996-08-19 Philip Irwin ed. Basic header created. 1996-05-23 Philip Irwin ed. Structural and content markup applied to text. 1996-05-23 Seosamh Mac Muirí ed. Word-division revised. 1995-05-12 Philip Irwin ed. File proofed (2). 1994-01-20 Nicole Müller ed. File proofed (1). 1993-11-30 Patricia Kelly and Aideen O'Leary data capture Text scanned.
Dublin, Trinity College, H.2.7 [1298] Dublin, Royal Irish Academy, D.IV.2 [1223] Dublin, Royal Irish Academy, C.VI.3 [740] Killiney, Franciscan Library, A.17
Do Chogadh Síuialta na Romhanach, dia n-goireid Gaoidheil in Cath Cathardha.

Sé h-istudha flatha ro gabhustar flaithius &ersir; forlamhus ar crichaibh &ersir; ar cennadhchaibh na cruinne domhanta a l-los neirt &ersir; niachais isin aimsir anall .i. flaithius alaind na n-Assardha, amail atbert in fili:

Righ na n-Assardha ria cach, do ghabh in flaithius fírgnath. fer co cas cluimh, co ceill n-gle, Assur mac Seimh maic Noé.

Ocus flaithius mor-uasal na Med. Ocus flaithius primhda na Pers. Ocus flaithius cruthglan na Callacda. Ocus flaithius gargmor na n-Grécc. Ocus in senadh ríghdha Rómhánach in sesedh flaithius.

Tosach &ersir; tinnscedal na h-airdrighi n-Assardha cebé ní is as gabhar, ó Nín mac Béil maic Ploisc do clannaibh Sem maic Noé maic Lámhiach. IS leis sen ro cumdaighedh in primhcathair airderc .i. Babilóin. Adhbhul méd na cathrach sin, cethar-ochair a cuma, cét n-dorus n- umaidhi fuirre. LX míle cémenn ina timthacmang. L cubat a tighe a múir. CC cubhat ina h-airdi. Da line lanmora do tighibh ar mullach a múir: imriadhaitis XX cetherriadh iter na da sreth sin re tighe in múir fós. IStudh flatha &ersir; indeoin forais &ersir; árus righ Nin maic Béil &ersir; righ na n-Asardha uili in cathair sin.

Nín mac Beil cétrí na n-Assardha &ersir; Tonus a rig dédhenach. Sé XX &ersir; cét &ersir; míle fad a flaithiusa.

IX m-bliadna cóicat for dibh cétaibh fad flaithisa na Med. Ochtur ro gabh ríghi dibh. Arbait a cétrí &ersir; Astighages a rí dédhenach.

Cir mac Dair, cétrí Pers didu, mac sen ingine do Astighages. is é ro athrígh athair a máthar. is leis ro toghladh in Babiloin, &ersir; ro h-orta a rí Ballastair, &ersir; ro tuaslaic do macaib Israel asin daire LXX i m-Babiloin, corus-léicc uadh do Ierusalem co n-adhmib tempail Solman léo .i. V mili lestur d'ór &ersir; ceithri cét lestur n-airgit.

Darius in rí dedhenach o Persaibh, dá rí décc a righi díbh. CC. XXX bliadna fot a flatha.

Cétrí gasraidhe Grécc immorro Alaxander mac Pilip, ardrí in domhain uili o Espain aníar co h-Innia sair, &ersir; o Etheoip andes co sleibhtibh Rifi fotuaidh. Is leisin Alaxander sin ro fáidhedh in cobhlach for in muir tentidhi do fhis in mesraighthi deiscertaigh, uair nír' folartnaigh leis fis in mesraighthi tuaiscertaigh namá. h-I cind a dá bliadan decc ro triall Alaxander insaighidh. Da bliadain XXX a oes intan ros-marbh neim isin Babiloin. Pilip immorro rí dédhenach na n-Grecc.

Tinnscedal in ríghflaithiusa Romhanta immorro ba saine modh leis &ersir; lasna h-ardflaithiusaibh romhaind, uair ni oc ardrighaibh tarrasair forlamhus na Romha iter. Ro ordaighset airigh in t-senaidh &ersir; lucht cemenn &ersir; gradh n-onorach acco do tobhach a císsa doibh a cinedhachaib coimighthibh &ersir; do indsaighi for finibh fodhaltaibh in domain do fhollamhnugud &ersir; do stíuradh in righrechta gebe tan budh adhlaic.

Decán iarum slonnudh fhir in ceime ba h-isle dona cemendaibh sin. Taísech dechnebhair eisséin; fer sein nó díghladh gach gaid &ersir; gach slad &ersir; gach sarugud do gnithi isin cathair ar medhón.

Cenntuir uasin décán, taísech céit an fer sin.

Trebhunn uasin cenntúir, taisech dá chét no tri chét eisséin.

Vicair uasin trebhunn, fer sin no congbadh feidhm in comit intan téighedh in comit do agallaim in rígh.

Comit uasin uicair, taísech aencathrach eisséin.

Taíssech uasin comit, da cathraig déc fáe sen.

Patric uasin taissech, fer lethlamha rígh nó impir eisséin, &ersir; bá h-é a modh, bretha &ersir; uirghill do dhenam tar éis in airdrigh intan ba h-emhilt in rí féin.

Rí uasin patric, tri ciniudha a ferann.

Imper uasin ríg, acht cena ní bíth in céim sin ic Rómánachaibh nocor' gabh Iúil Césair a los a lámha mar indeósus in scél inar nh-diaidh. In t-imper immorro, ardrí in domain eisséin uas chách &ersir; ní bid nech úasa.

Bá dá gradh immorro, ceim Consail &ersir; ceim Dictatóir. IN consul immorro aenbliadain dó ina céim &ersir; a atharrach i forcind na bliadna arna gabhadh diumus na méd menman é ar tenne a neirt &ersir; ar airdi a graidh. Da tecmadh comadh soirbh dó in bliadain sin ina consulacht no ordnighthe doridhisi isin ceim cétna do réir in t-senaidh &ersir; airicc in popoil. Unónius Brutus is é cétna ro gabh in ceim sin la Romhanchu.

IN Dictatóir immorro, cíamadh maith saich do gníedh, ní h-athraighthe asa céim co cenn V m-bliadan, &ersir; dá madh buidhech cách de intan sin ni h-athraigthe iter. Gurub eisséin céim is cadchasaighi bói leó-son cin co tarrustair nert impir forro.

Ro scail tra &ersir; ro lethnaigh in ríghe Románta fó ceithri h-airdibh in domain amhlaid sin, cor' fhás diumus &ersir; innócbáil inntibh siun féin de sin, cor' ergedar debtha dermara &ersir; cocadh cathordha iter araill d'áes na cemenn sin isna cennadchaib a m-bidis a sechnoin in domain imuich &ersir; araill isin Roim fein ar medhón ar méd a n-diumais &ersir; a l-los in neirt romoir ro-adhbhail ro gabhsat for ciniudhaibh &ersir; for cinélaibh na cruinne.

Tarrustar ríghflaithis na Romhán fri ré trí m-bliadan cóecat for díbh cétaibh fon innus sin gen imper gen aenrígh forro, acht lucht na cemenn n-examail sin ic stiurad a flaithisa occo. co n-dernadh leo-san fecht n-aen ann tri cindiudh in t-senaidh &ersir; tria comairle in popoil, uair iss í in dictatoirecht éncéim ba h-uaisle &ersir; ba h- onóraige búi occo.

Tríar comard do h-ordnedh léo intan sin, &ersir; in doman uile do roind eturru da tabairt ar áis nó ar éccin fó cís &ersir; fó cain na Romhánach. Ocus is aire ro ordaighset triar isin céim sin, ar dáigh cé bé dibh no ardadh a n- aigid in t-shenaidh co m-beith in tres fer ic sídh etarru &ersir; ardaigh na com-aentaighidís a tríur im ardadh in agidh na h-athardha, uair ní gnáth comann comáentadhach la triur iter.

IS iat immorro triar frisar' erbadh stíurad in céime sin acco-son annsin .i. Poimp Maighe &ersir; Marcus Crasus &ersir; Iuil Césair. IN Césair sin, Ferius ainm a athar, &ersir; do Rutaltaibh dó sén &ersir; do síl Il maic Aeniusa Troghianda dó didu a r-raind a máthar, &ersir; is aire sin do berthea dictatoirecht la Rómhánachaibh dó. Ocus is aire atberthea in t-ainm sin is Césair fris, uair furbaidhe é, &ersir; ro tescad brú a máthar ic á tabhairt uaithe. Inunn Césair immorro isin bérla Romhánach &ersir; tesctha isin Gaedheilg.

INghen ríghnaidhi ro-álaind icon Césair sin, Iulia a h-ainm, is í sin ro bo banchéile do Poimp Maighe .i. don tres dictatóir ro h-oirdnedh ann.

Ro comroinnedh iarum ciniudha in domain iter in triar sin. Ro erbad am iartardesscert in domain o Easpain aníar &ersir; ciniuda na h-Aiffrici uile do Poimp Maighe.

Ro h-ordaighedh iarum do Césair riarugud íarthuir tuaisceirt in domain .i. tíre Gallia &ersir; indsi Bretan &ersir; lebartíre lethanfhoda Lochlann.

Marcus Crasus, is dó do radadh forlamhus na h-Asia &ersir; airrthir in domain.

Do cuatar iarum dréchta dermára do rosluógh na Rómha &ersir; d'óccbaid na h-Etáile léo docum na crich &ersir; na cenél dá cosnam. Marcus Crasus ro gab séin cinedha na h-Aissia sair, co rainic tír na Partecdha, &ersir; ro tobhaigh cís cecha cinidh ro gabh, &ersir; nír' fhaem crodh ele uatha acht ór uile, uair becc leis a mhuirigin imurchuir ar sluaighedh, &ersir; mór a tarbha íar torachtain dia tigh. O 'tcualatar na Partecda sin ro thinóilset a slóghu co m-batar a n-énbaile. Focressá comairle léo cinnus do gendais frisna Romanchu, inn gialfaidís dóibh nó in frithtairisem friu. ISed ro cinnset, anadh i n-airis catha dóibh. Ro feradh didu cath crodha leth ar leth léo, cor' taethsat laéich lánimdha etarro &ersir; cor' sráinedh forsna Romanchu fo dheoid, cor' cuiredh a n-ár &ersir; cor' fhácsat a mergedha lá Partecdha.

Ro gabad annsin Marcus Crasus, &ersir; tucad i l-lámhaibh é docum airechta na Partecdha, &ersir; ised ro cinnset a comairle, a shaith óir do tabairt dó, uair do bí co sanntach ic á iarraid for fut in domain. Ro leghadh iarum lán crocain criadha do tinnibh óir léo, &ersir; ro doirtedh é ina linn leghtha i m- bél Marcus Crasus, co fuair bás fóchétóir ar loscud a inde do linn fíghthech in oir leghtha.

Poimp Maighe immorro ro gabh sén ciniudha íarthair desceirt in domain, ó Espain aníar, &ersir; ro fhácaibh dá taisech dá muintir i forlamhus na h-Espáine, Petrin &ersir; Affrín a n-anmannda. Ro tinntó féin docum na Rómha iar m-breith buadha &ersir; coscair do chách aen cosa rainic.

Sluaigheadh Cesair in inis Bretand

ISin tresbliadain nóicat for D C ó cumdach na Rómha ic Romuil, &ersir; isin sesedmad bliadain ria n-gein Críst ro ordnedh Césair a n-dictatóirecht la Romanchu co léghiónaibh lánimdaibh d'óccaib ansergachaibh na h-Etáile leisi n-garbhferann na Gaillia &ersir; tíro lethanfoda Lochlann, uair is áentir íat séin acht itertoidhecht srotha Réin roglain ic dluighi &ersir; ic deiliugud na dá ferann.

Ro gní sium catha móra isna tíribh sin, &ersir; tainic reimhe síar i crich Morrian &ersir; i n-inis Bretan. Nocho rainic nert na Románach remhe sin riam inis Bretan. Rainic Césair in glaic mara fil ann, &ersir; ro cumdaighedh .lxxx. long leis for a brú cor' imcuiredh in slógh indtibh tairis síar i caladhportaibh comfoicsibh crich Bretan.

Nir' bo soréidh dóson in turus sin, uair tainic anbthine mór andsin a cobhlach, cor' báidedh urmór a long, co ro guinset lucht in tíre didu sochaidhi dá míledhaibh traighthech, &ersir; ro marbadh a marcsluagh uile acht becc. Tainic doinenn dermair &ersir; ainbthine étualaing na gairbhshíne gemreta fáesin, &ersir; ro tinntó Césair a sluaghu, &ersir; ro léicc uadha a miledha dá sostaibh gemhretaibh. Ro erb &ersir; ro aithin dóibh DC long luchtmar lánfhairsing do denum occo comdis ellma in mara íat fó athgin in erruigh archinn. Ro fúirit sin uile dano amail aspert Césair. Ro fuirigh-sium fri ré in gemridh i Sleib Elpa, &ersir; tainic la tinnscetal na reithine errchaidhe co sochraidi moir leis ó chliamuin .i. PoimpMaighe , co tardadh a slogh leis isna .DC.aibh long sin i n-inis Bretan doridisi.

Ro gabh féin longport i n-airiur in chuain in aidchi sin &ersir; a longa for accarsoiti ina fiadhnaisi, &ersir; ro fháidh a marcslógh uadh do crechadh in tíre, &ersir; Labion trebhonn do Romhanachaibh rompo. Tainic fogluasacht doininde dermaire isin fairge isin aidche sin, cor' imir in anbthine for longaibh Césair co ro tuilbrisit LX long díbh do neoch nár' fetudh d'athlesugud riam. Ro bris lucht in tíre for in marcslógh &ersir; do faeth Labion léo.

Do rala do Césair féin ársin &ersir; do lucht innsi Bretan. Ro feradh cath crodha etarru, &ersir; ro sráinedh for Bretnachaibh in cath, &ersir; ro cuiredh a n-ár ann, &ersir; ro díghail Cesair a muintir uile forro don chur sin, &ersir; ro airg in tír man cor sin reimhe co sruth Tanai siar. Ro búi slógh mór do Bretnaibh for bruachaibh in t-srotha icá fritholumh, Cassobellanus ainm in taisigh búi léo. Ro saithit sretha móra do beraibh áthgéra occo i n-imbelbordaib in t-srotha in conair ro bo menmarc léo na Románacha do thecht. Atcíter fóss bona araill dona beraibh sin i traigh samhraidh, &ersir; is remhithir ré sliasait ferócclaich cech bun díbh, &ersir; bruit luaidhe umpu fó domain in t-srotha.

IMpóis Césair ón áth ar tabhairt aithne dó foran innell búi ann, &ersir; tic tar áth ele bui for in sruth, &ersir; taifnes slúogh Bretan uadh, &ersir; nír' scar lámha díbh cor' fhalaigh díden na coilltedh íat fair.

Tucait dano XL giall in aidhchi sin dó asin cathraig díanadh ainm Trinouantum, &ersir; tancadur lucht eólais esti sin leis cor' gabh cathraigh in taisich díar' bó ainm Cassobellaunus iar nh-gliaidh mair.

Ro gabh inis Bretan uile 'ársin, &ersir; ro sáe esti h-i tíribh Gallia.

Bui Césair ré ré V m-bliadan ic traethadh &ersir; ic tenngabháil in tíre sin iartharthuaisceirt in domain, &ersir; araisin batar cinedha dibh cen ríarugud frisin ré sin fóss.

 Adhbhar in Catha Cathardha annso.

Marbh tra in righan Iulia ingen Césair, banshéitigh Poimp Maighe i n-ecmung na réi-si &ersir; na h-aimsire, &ersir; tuc banchéile ele da éisi .i. in ben ro búi lá Marcus Crasus intan bui i ferannus, Corndelia a h-ainm.

Tainic forcenn dictatoirechta Césair ársin, uair ní bhúi nech isin céim sin lá Romhanacha acht co cenn V m-bliadan mine h-ordaigthea on t-shenadh doríse isin céim cétna. IS ed ro bo dir do Césair, immorro, toidhecht docum in t-shenaidh Rómhánaigh i forcenn na V m-bliadan do comairliugud a céime dó féin nó d'oirnnedh neich ele ind.

IArsin ní h-edh do righne siun iter, acht ó fuair sligid &ersir; asrus gabhála na tíre sin i r-raibi; uair ro bo omhan leis nech d'oirdnedh don t-shenadh dá éissi dá saighidh íat, &ersir; test gabhála na Gallia do beith fair-sein arná gabháil dó-son chena acht becc. Conidh aire sin ro fhuirigh siun re ré V m-bliadan ele do riarugud na ciniudh cétna, dar cindiudh én &ersir; dar sárugud in t-senaidh Románaig uile.

Fássaidh immorro tnúth mor &ersir; fich adhbul iter Poimp Maighe &ersir; Iuil Cesair annsin. Aslaichidh ársin Poimp Maighe for in senadh Románach a fuacra occo &ersir; a cinniudh comadh bidhbu in ríghrechta Romhánaigh dogrés Césair ar taidhecht dó a n-aigid a cinniudh sin.

Atracht ársin isin Roim adhbar essaenta &ersir; cath cathordha &ersir; cath budh uilliu inás do cinniudh isin t-shenadh aire sin. uair is é in cath cathordha cétamus, in cath dá comhérigh cách do innsaighidh araile do lucht na h- aencathrach. Ba cath cathordha iarum do fhás don esaentaidh sin &ersir; bá cath budh uilliu indás, uair ní h-edh amhain atrachtadar lucht na h-aencathrach i comérghi in catha sin, acht atrachtadar cidh in t-aes cairdiusa &ersir; caradraidh, co m-bídh in mac i n-aigid in athar &ersir; in brathair i n-aigid araile.

Batar tra cuissi imdha &ersir; adhbair or' cennaighthi imordaigh in catha cathordha d'érghi isin Roim &ersir; isin t-shenadh intan sin. IN cétna adhbar dibh .i. an t-adhbar ó tairnither &ersir; ó trascurthur cech popol nertmar cumachtach isin chruinne .i. dimus &ersir; innócbáil &ersir; in mét menman dá línadh ar mét a neirt &ersir; a fhlaithiusa &ersir; ar imad á innmusa, ar ní bidh modh ar saidhbris na Romhánach intan sin ar imad a n-óir &ersir; a n- airgid &ersir; a n-edach n-examail, &ersir; ar cáeimhe a cumdach do tighibh taitnemachaib &ersir; do cabrachaib cumdaighthibh &ersir; do grianánaibh solusaibh, do longaib &ersir; do libhernaibh, do cairptibh &ersir; do cetherríadhaibh, do chuachaibh &ersir; do cornnaibh &ersir; copánaibh &ersir; d'imadh cecha maithiusa archena, &ersir; ar mét forbaind a caithmhe bídh &ersir; lenna acco a l-lo nó i n- aidhchi. Uair ní raibhe do Románachaibh uile aenduine lásar' miadh a rádh co m-beith do tuaith nech budh ferr inás féin, co n- ordnitis doerclanna léo i n-ardclannaibh &ersir; i n-ardcémennaibh trénaibh dar cenn óir &ersir; innmhais, co ná rabhadar rechta nó cinnti senaidh ar coir occo, co m-bídh miscais mór &ersir; mídúthracht la cech oenduine isin cathraigh d'araile, cor' bá toil dóibh uile adhbar in catha d'fás etarru féin &ersir; eter a tuisechu dano, co tairsedh cach dib a midúthracht &ersir; a mi-innithim for araili.

Adhbar ele don cath cathordha, in flaithius do comroind iter tri tigernaidibh, uair i céin marus usce ós talamh &ersir; áer ós usce, &ersir; í cén bés in tésca utmall irchradhach &ersir; in grian glanruithnech forórdha for a r- rith nemhcumsgaigthech nemtairismech ic in ordugud láe &ersir; aidhchi, ní fuighbither comann comcubaid nó aentu fírtairisi iter lucht comroindti flaithiusa &ersir; ferainn dogrés ar bith ná ar doman riam na iarum.

Adhbar ele don cath cathordha, Marcus Crasus do marbad, uair amail tairmisces in slíabh dianad ainm Istmos comsiledh comramhach tonntáibhsenach mara Ioin &ersir; mara Éicc cena lecon a cenn araile, is amhbaidh sin ro tairmisc Marcus Crasus in cen ro bo béo in t-anbhthen esaentadhach atracht iter Poimp Maighe &ersir; Iuil Césair iartain.

Adhbar ele don cath cathardha, in airdríghan Iulia ingen Césair do écc, uair i cein no mairedh sen ic Poimp in comlepaidh nó thairmiscfedh comérghi a h-athar &ersir; a céile, connách lécfedh nech i cenn a chéile dibh.

Adhbar ele don cath catharda in borrfad mór aicnidh &ersir; in innóccbail inmedhónach ro búi i craidhi cechtarde in dá airdríg .i. Poimp &ersir; Césair. Ro búi do méd do cinedhaibh in domain ro clói Poimp &ersir; do mét fuair do deghtoici co n-ice sin nar' bo míadh leis nech isin doman do cudrumugud fris. Césair immorro, do bí do airdi a aicnidh sén nar' míadh leis fós nech isin doman do derrscnugud de féin, co nách frith acmuing coisc a móraicnidh male acht tre eitergleod catha namá.

Adbar ele don cath catharda fós in t-imfhuirech .V. m-bliadan imurcraid do róine Césair dar andeóin an t-senaidh Románaigh i tíribh Gallia, conid aire sin ro aentaigh in senadh uile acht becc má ríghadh Poimp &ersir; má dichur Césair dogrés.

Cídh fil ann tra, o ro érgidar na cuissi sin &ersir; na h-adhbair imdha in catha cathordha isin Roim féin iter dá primhthaisech in ríghrechta Rómhánta ro mescad &ersir; ro morbuaidhred in ríghflaithius Románach. Ro dluighedh &ersir; ro dianscáiledh smachtchain t-sídhamail na h-airdríghi fó cetharairdibh na cruinne, co n-derrnadh fót crithaig don uile doman ó tá in fail i turcaibh grian cosin inadh i fuinenn, &ersir; ó crichaib in cresa tentidhe andes co h-imellbordaibh in fhuarda adhfhuair oighreta fóthuaidh, conach frith samail na cosmailes in buaidhertha bithgairbh ro fhogluais in senadh Rómhánach &ersir; cricha &ersir; cenéla in domain intan sin, acht in cumusc &ersir; in combuaidhred innisit éolaigh &ersir; lucht úghdairrais do beith for na dúilib domantaibh i forbha &ersir; i forcenn in betha .i. intan tuitfit na renna roghlana asa sostaibh &ersir; asa n-inadhaibh fein, &ersir; intan díanscáilfes ler ádhbul adhuathmur na n-uisci n-ingantach dar dreich in talman, &ersir; intan bés imtuaircnech &ersir; imlesadh na n-dul cotarsna etarro fein ic á taifnech &ersir; ic á trenscaradh ón caradradh comcubaid &ersir; ón recht aicnidh a fhuilit, co laifiter uile i n-deilbh choitchinn cumuscda na maisi áenda écruta i m-bátar for dus.

Ni bá samail didu dá déine &ersir; da tinnesnaighi ro comérigh anfadh aicenta &ersir; robhurta rodímais, fích &ersir; forluinne Poimp &ersir; Césair ar marbadh Marcus Crassus, acht amal no cuirthea sliabh Istmos asan inadh ro gabh iter muir Ioin &ersir; muir Éic, &ersir; no scuchad ruadhbuinne robhurta &ersir; ilar tonn taebhuaine in mara cechtardha dochum araile fochéttóir dá éis.

Maircc tír &ersir; tuath, mairg popul &ersir; senadh, mairg rígha &ersir; taisechu iter ar' érigh inní atracht annsin isin Róimh .i. in cath cathordha. Bá maircc do lucht na Rómha &ersir; na h-Etáile, uair dosfancadar uilc mora triana bithin, air rob imda seancathair cadusach gan atreib acco de ar rob imdha tech cen muntir &ersir; múr 'arna múradh &ersir; ferond cen trebhadh &ersir; gart cen buain. Ba mairg tra don ciniudh doenda in cath cétna, ar ní bí díbh ciniudh ó nach tangas h-i foirithin Poimp Maighe nó Iul Césair don cath cathordha. Bá maircc do popal do chuir in cath, uair is fair ro sráinedh é. Bá maircc do Césair a comthriall, uair is trit tainic a bas. Amhail nó fásadh maith do cech enduine dibh don coccadh is amhlaid ro búi a shaint &ersir; a láinne acco uile, co nach frith léo aenduine no beith ic á tairmesc.

Ná dá ríghmilid rathmara rotrena sin .i. Poimp Maighe &ersir; Iul Cesair, ro bui écutrumus mór &ersir; derrscnugud dermair iter ord a flaithiusa &ersir; indram a n-aicenta &ersir; a n-aíssi. Poimp Maighe cétus, fer mórmenmnach, adhbhultren, ardchonáich, sídhamail, socomairlech é, co febhus tidhnacail, co n-airdi aicnidh. Acht cena bá foras-láech intan sin, &ersir; nír' bo thualaing gnimrad miled do frecra, acht a thairisi asa deghgnimradhaibh féin ro frecair fecht n-aill. Ocus bui do fhot a foistine &ersir; a deghtoici isin Róimh co n-ice sin conár' bó infeadhma fri frestal cocaidh na catha, acht a thairm &ersir; a clú mor ica irrdercugud fo cech popol. Ocus in senadh ic á adhradh ar a uaisle &ersir; ar a onóraighi léo, &ersir; ar febhus a tidhnacail, conach a cosmailius acht madh eóchrann darach dermhaire forsa n- gnáthaighidís faidhbh aesa madhma do tobhairt la gentibh dia n-idhbairt dona déibh i lógh coscair, co m-beith in dair dermair sin amhlaid sin ré ré cían co crinann &ersir; co féodhaighenn cen rúsc, cen duille, cen croicenn, cen toradh, co m-beidís a premha ar fogluasacht fuíthi. Indar-let co tuitfedh la fuasnadh na cétgaeithi do ticfadh, &ersir; ciamad imdha crann dosach deghdíghaind do cech aird uimpi is í a h-oenur ro adhairthea la cach ar a uaisle &ersir; ar a onoraighe leo. Ba h- amlaid sin do Poimp Maighe iccon t-shenadh Rómhanach.

 Tuaruscbáil Césair innso.

Cesair immorro, fer fergach forníata: caem, corpúr: merdána, mórmenmnach: diic, diumsach, dúrdoiligh, díanaicentach: tenn, tren, tarcaisnech, talchair: andiud, amnus, athghér, ansergach, allata, aníarraidh, airctech, airbhertach: nemhnair, nemmertnech, nemnech, naimdemail. Rí for righdhacht &ersir; mílid ar gnimaibh gaile &ersir; gaiscid, tuir catha ar calmadus, amhus ar éscaidhecht. I tuile a ratha &ersir; a aíssi dó intan sin. Ní tuilled buidhe fria nech, ní clú fás bai icc a irrdercus, acht a nert a lámha &ersir; a cruas a cridhe. Nis- fánic riam ní budh nar leis acht nemclódh a bidhbad h-í cath. Nir' coicill do caraid na do námaid, acht ó do érghedh a ferg nó métaighedh &ersir; nó tormaighedh a gnimradha gaile &ersir; gaiscid for cech ló.

Ní ardadh fris tren ar nách tísadh.

IS amhlaid ba loinn les techt cech conair no cingfed tre ráon slogh &ersir; tré todhail fhola, cor' bo h-í a shamhail, saighnen taithneamhach tentidhe tísadh a h-uachtar aeoir docum talman co m-bresmaidm foghair tréin tre imaltur na gaoithi glanfuaire &ersir; nell urétrom aerdha triasa tic co fordhorchaid soillsi in lae lánsoluis dona puplaibh imeclacha ata comhfhoicsi dó, co nach frithtairis fris trén no tairmisced co l-lae and ár dáine ic toitim anuas &ersir; arnaill ic tinntódh suas doridise, ar teclaim &ersir; ar tinól a thenti esrainti lesin soighnén.

Ba h-amhlaid sin do Césair didu, uair saighnén taitnemach tenedh ar soillsi &ersir; ar shochraidhecht &ersir; ar mét nó frithardad cách: toidhecht in t-shaighnén anuas docum talman .i. Césair do toidecht a féici &ersir; a h- uachtur in domain .i. asin Roim i tirib Gallia: Fordorchae soillsi in láe don t-shaighnén .i. Cesair d'fortamlugud for clú &ersir; for errdarcus Poimp Maighe. Ára móra 'con t-saighnén oc techt &ersir; ic tinntódh, ára mora la Césair for lucht na Gallia ic techt on Roim, ára mora for lucht na h-Etáile ic tinntódh a muigh na Tesáile. A thente esrainte do tinól lasin saignen, a sloigh &ersir; miledha loiscctecha do tinol la Cesair asin Roim &ersir; a tiribh Gallia &ersir; a h-inis Bretan docum in catha cathordha. Cúisi &ersir; ádhbuir in catha cathordha co n-ice sin. In scel fein innister 'nar n-díadh festa.

 Toghail dénna Arimin annso sís.

Ó ro scáich do Césair traethad &ersir; tenngabáil tíri Gallia &ersir; lochta Lochlann &ersir; innsi Bretan fri ré na .x. m-bliadan adubramar, imsáe reme docum na h-Etáile. Fuidhis léghaidhe &ersir; lucht slighedh úadh d'innsaighi in t-senaidh d'iarraid buadha forro &ersir; d'iarraid fuillidh consulachta uatha, uair ro scaich do riaruchudh na n-uile ciniudh ro erbadh fris. O 'tcuala ín senadh Rómhánach aní sén do rónadh cinniudh senaidh occo, tre furáil &ersir; tre aslach Poimp, co nach léiccfithea Césair maraon &ersir; a slógh isin cathraig tri bithu, acht damad ail lais a buadhugud on t-shenadh nó faicfedh a slóghu i sléibh Elpa &ersir; dodicsedh fein docum na cathrach.

O ro h-aisneded do Cesair sin ba derbh deimhin leis comadh d'imbert bais fair no bethea aca dedhail fria slógh, &ersir; ro cinn aici féin nach rachadh don Róimh tri bithu cin lín catha uime.

Tainic iarum Césair 'na reim rígh reimhe cor' tairmceimnig sair cech n-dírech dar senbennaibh snechtaidhi sléibhe uraird Elpa cosin uathadh slóigh tarrustair imaille fris .u. cét ar .d. míle, cor' gabh sossadh &ersir; longphort for brú srotha Rubicon i coicrich a feraind féin &ersir; tiri na h-Etáile.

Ro búi ac á thúr &ersir; ic á scrutain ina menmain annsin amail do génadh an cocadh &ersir; do béradh an cath. Atcondaircc Césair fís adamhra &ersir; aisling ingnadh intan sin for brú in t-srotha .i. adar-leis in Roim do toidhecht i n-deilbh mná da innsaigid, co cruth socarchain sirédrocht tre caburdorcha na h-aidhchi forscáthaighi furri. Foircsi broin &ersir; toirrsi for a gnúis. Trillsi liatha lánsochraidhi for scáiliudh &ersir; for esrethiudh ima cenn cumdachta. Doiti tarrnochta aicci ic frestal in catha. Crithomhan &ersir; imecla fuirri. Cned mor &ersir; accaíne ádhbul lée.

Ro gabh for a acallaim, idar leis, &ersir; itbert co forníata: Cia conair tiaghar in rém sea, a firu? ol sí. Cia leth berthai mo meirgi libh? Má seitche dlighidh nó senbés, anaidh sunn ic sruth Rubicon, uair ní dlegur techt tairis co frestal mergedh nó arm.

Ro driuch tra Césair co h- uathbásach imeclach ádhbul o inn co bonn, &ersir; ro cruadhaigh &ersir; ro chataigh a fholt 'ma cenn ré mét na graine &ersir; in uathfais dos-fainic. Ro gabh ic edurguidhe na n-dei n-adhartha 'arsin im soirbheochadh a réime, co n-debhairt: a Ióib uilecumachtaigh, ol se, a dée na Troghianda in ciniudha Ulecta, &ersir; a Romhaill righ- duiligh, &ersir; a tendti bidhbeoda ina tempull Vestallda, co m-bé for furtacht &ersir; bur foirithin malle frim! A innamail na cumachtach forordha i talmain didu, ol se, .i. a Róimh ro-uasal, co ro cungna linn, ar ni dot aimles na dot ingreim tiaghar in turus- sa, acht is dot saerad ó na tigernaighibh diumsacha domfuilet fuirri. Nach faici do milid diles féin .i. Césair, 'ar m-breith coscair dot naimdibh for tír &ersir; for muir. is é is cinntach ann, intí triallus ar scaradh .i. Poimp.

Ó tairnic do Césair inn edarghuidhe sin, ro lín robharta feirgi &ersir; lonnuis é trena túr &ersir; trena scrutan féin, &ersir; tainic co dían tinnesnach gona mileduib les do techt dar sruth Rubicon, amail is déne tísadh in leomhan Affracdha docum a námhat 'arna lonnugud &ersir; 'arna fergugud tresin esargadh do-bert féin da erball fair, ar innisit na fisidi conach erigh luinde in leomhain dogrés conas frithardann nech ele nó e féin, conidh edh dogní iarum intan atcí a námhait &ersir; nách innsaighi fair, esargudh dermair don mill móradhbul bís for a erball do gabháil dar a formna féin, co n- erigh a ferg trit-sin, &ersir; co scuich fochétóir dochum a námhat cen omun buille no urchuir fair.

IS amlaid sin ro fas ferg &ersir; luinne Césair don túr &ersir; don imradhugud doríne féin, co tainic fochétóir do thecht dar sruth Rubicon cona slóghaibh leis. IN sruth h-í sin a tobur becc siles a bunadh, &ersir; is é is coicrich do lucht na Gallia &ersir; do cathaibh na h-Etaile. Becc &ersir; mesurdha é &ersir; urusa a thocht i n-aimsir shamhraidh. Badur tri h-ádhbuir métaighthi aigi intan sin rainic Césair cuigi .i. aimsir gemhreta ann, &ersir; tres uathaidh arai ais ésci, áes ina gnáth tuile fleochadh isén dogrés. In tres adhbar didu, a lán do snechta sléibhe Elpa do siliudh ann la tinfedh na gaeithi in airdes cech n-dírech, cor' lín sen na tola tromtuile h-é, co rainicc dar bruach srotha Rubicon, cor' doirbh a thecht lá mét a tuile.

Ro coraigh Césair a marcslogh re h-ucht in t-srotha sin ón brúach có 'raile, &ersir; ro chuir a traighthecha re taobh, co rancadar imslán dar in sruth cen raon, cen bádhudh eich na duine don t- slógh ann don dula sin.

IC tabhairt a coissi do Cesair i m- bruach alltorach in t-srotha, is ann sin asbert Césair: Fácmaid andso ar síth &ersir; ar caradradh re lucht na Rómha, ar sé. Cidh fil ann festa acht in toicthiu do lenmain co toir iudicecht &ersir; etergléodh in catha moir etraind.

Seolaid Césair in aidhchi sin co nemlesc nemhshádhail, amal is déne do raghadh cloch a tailm nó saighet a fidhbac, co ruc a dirim slóigh &ersir; sochraidi leis do toghail dénna Arimin, cathair ísen bui í comhfhocus do fo mámus Poimp &ersir; in t-shenaidh Romhánaigh, co rancadur na slóigh in baile la dobhursoillsi na maitne muichi arna mhárach.

Do bí tromnélghal dorcha dubhcíach isin maidin i tús in láe sin. Búi do mét na cíach co rancadar slóigh Césair co tai tostadhach docum dénda Arimin, cor' sáidhset a mergedha for lár in baile, &ersir; nír' airghedar lucht in margaidh íat no co cualadar gláedh béccedhach na stoc sleschain slemhainsholus &ersir; na cornd comdírech &ersir; na cuislenn catha, análfadhach na n-ech, sétfedhach na miled, &ersir; scrédgaire na fagha faebhrach firgér, &ersir; geóin in morslóigh ic gabháil in margaidh.

Ro brissedh comsanadh popuil dénna Arimin desin. Tucadh dúscadh namhat &ersir; tidhuabairt echtrand &ersir; buaidredh bidbad for ócaibh in baile annsin. Do érghedar annsin lucht gaiscid án baile docum a n-arm, &ersir; ro gabhadh cloidhmhe maela mergecha &ersir; slegha cenncroma crithánacha, &ersir; scéith imellcrína arsaidhi, ar ní búi a ríachtanus a les occo fri ré ciana ar tinne &ersir; ar trebhurdaingne na smachtcána sída bói occo.

Tancadur for múr an baile 'ársin, &ersir; tucsat aithne for mergedhaibh na Romhánach. Bá súaithnigh a n-dath sen &ersir; ba urusa aithne forro, ar búi delbh aquili in cech taebh mergi díbh. Ar tri h-adhbaraibh do berthea in t-ordúgud sin for mergedhaibh na Románach. IN cétna fáth dibh, co tuicidh cach gurob do síl Ioib doibh, uair én coisrectha do Ioib inn aquil. In fáth ele didu, co tuicidh cách gurob comfocus in flaithius Romhánach do flaithius na n-déi, ar aisi an aquil én is airdi foluamhain for bith. An tres fáth co tuicedh cách tigernus na Rómhánach do beith ós na h-uilib dháinibh in domain, amail atá tigernus na h-aquili for na h-uilibh ethaidibh.

O ro aithnighedar tra na h-aquili aithinte &ersir; na mergedha Rómhánacha ic lucht dénna Arimin, &ersir; o ro tencsat Cesair ina éo ard áighthidhi i medhón in t-shlóigh, ro bidhgsat fochétoir &ersir; ro lín omhan &ersir; imecla ic faicsin Césair. Ro gabsat ic uchbadhaigh &ersir; ac egáini moir co tai tastach toithenach. Uch, ar cech fer díbh ina menmain, mairg dánad fót dúthaigh in feronn so, mairg do cumdaigh a chathraigh in alt in inaidh-sea .i. i coicrich na h-Etáile &ersir; tíre Gallia, uair cidh sídh bes in cech inadh bidh cocadh ann, &ersir; ní fólíth nach ro suidigh in toicthi i n-airther nó i n-descert in domhain sinn, uair cech longport &ersir; cech creich &ersir; cech sluoighedh ticfadh do innredh na h-Etáile bidh ocoinde a cétgress, amail tancadur popuil bruthmura na Cimbrecdha intan tancadur i n-aghaidh in t-senaidh Rómhánaigh. Is í so slighi tainic Anibhel co slógh na h-Affraice malle fris do toghail na Rómha. Is i in cétna fos tancadar laechraidh na Lochlaindi d'innrad na Roma. Cidhtracht acht cebe minca ro impodh in toici ríamh ar in Róimh is í so slige cech sloigh &ersir; conair cech catha dia saighid.

Rob' é sin tra imrádhugud &ersir; accáine incleithe cech aenduine fó leith i n-dinn Arimin, &ersir; nír' lámh nech díbh a claistecht sin uadha ar ecla Césair, acht siad 'na n-dirmaibh &ersir; na m-buidhnibh co h-utmall anfosaigh, co tostach tóethenach, fon samail sin, amail bís ealtadha anbosaidhi na n-en foluaimnech 'ar m-béin na fúardha nh-gemhreta friú.

Tainic lánsoillsi in lai fáe sin, &ersir; ro gabh Césair in baile 'arsin.

 Tocastal slogh Cesair.

Do róchtadur atinne adhanta feirgi &ersir; lucht aslaigh &ersir; urála in morcatha docum Césair annsin .i. ceithri trebhainn toghaidhi do Rómhánachaibh .i. Marcus Antonius &ersir; Puplius Casius &ersir; Celius &ersir; Cúrio a n-anmann. Ocus carait Césair árchena, do neoch ro bói isin Roim dibh 'arna n-athchur &ersir; 'arna n-innarba don t-shenadh Romhánach asin cathraigh ar a m-beith ac congnum la Césair &ersir; ic tacra tar a cenn isin chuirt Romhánaigh. Ba ferrdi la Césair innísin, uair nír' nár leis a n-dingnedh d'ulc lá lucht na Rómha 'ar n-innarba a muinteri doibh.

IN cethramadh trebhonn tainic co Césair .i. Cúrio, fer suilbhir sanntach essen, &ersir; féthium fírglicc: fer ro bo thenn guth &ersir; gnimradh isin Róim co n-ice sin, fer da tuc Césair tidhnaicci móra oir &ersir; indmais tarcenn gabhála aigi &ersir; tacra tar a chenn isin cúria Rómhánach, conid aire-sin ro h-innarbad asin cathraigh h-é intan sin co tanic docum Cesair.

O 'tconnairc in Curio sin na snima bátar i cridhe Césair ro gabh fora acallaim im nertadh in catha fair, &ersir; asbert:

A Césair, ol sé, in cén ro fétsum guth leat isin Roim do ratsum, cer'b olc lásin senadh Romhánach, ro gabhsum acut &ersir; ro tairmiscsium ríghi do Poimp, amail tainic dinn, in oiret búi comus &ersir; cumachta occaind isin Roim &ersir; ro bás ic lenmain fírinne innte. INtan immorro ro coiscit ar eicin rechta na firindi lasin senad, &ersir; ro aentaighset uile lá Poimp, ro fácsumne in Roim &ersir; dúthaigh ar n-athar &ersir; ar senathar fortsa, uair sáilemaitne do coscursu dár n-ordugud inar n-inadhaibh féin dorise. Déna calma iarum, bar Curio, intan atá Poimp nemfhuirighthi, innsaighedh h-é résiu thinoiles a muintir, intan is urlam &ersir; is furithi dít gach maith uair is minic fásus ircoit d'esnadudh &ersir; d'imfhuirech na n-dál n- urlumh dogrés, amail asbreth ba émh tar anem. Ocus araill ann dono, uair is dar cenn bloighi bicce don doman ro bádhais fria ré na .x. m-bliadan ic gnim catha &ersir; ic fulang docrach i tíribh Gallia is mórmó is córa duit cathugud calma tarcenn in t-shlóigh .i. darcenn na Rómha, uair in lá gébhusa in Roim is ann gébhus tú cennus na cruinne uile. Atát ádbair sonairti acut ara n-dénta duit comthriall catha fria Poimp Maighe &ersir; frisin Roim, uair inní is gnáth do denam do cech rígh acco son .i. in popul da oirdnedh &ersir; do buadhugud i l-lóg a coscair ní fuaraisiu sin, acht format caich friut- su chena ar t' febhus is ed beras gach ni dib sin fort.. IS infechtain iter dá leicter ar ais duit na ciniudha ro gabhais féin a l-los do cloidhimh. Ro cinn Poimp didu nach bíadh i comrainn flaithiusa frit ní cumgi siu comhroind na cruinne do gabháil uadha acht tre etergleód catha namá.

Ro gabh greim tra in gresacht sin &ersir; in láidhiudh do bert Curio for Césair, uair amail arduighes aicnedh eich i comhling retha is amhlaid sin ro métaiged menma Césair lá gresacht Curio fair.

Ro sáithit a mergedha la Cesair annsin, &ersir; do fhuacair do sluaghaibh uile éstecht ré guth &ersir; ré innsce &ersir; fria erlabhradh.

A aes cumtha, bar eisiumh, do fhuilngebhair mór d'étualang i cathaibh &ersir; i comhlannaibh ic clodh ar cinedhaibh tuaisceirt in betha malle frim fria ré na .x. m-bliadan so. Mór d'fhuacht ro fuilngebhair ó oighredh uisci sléibhe Elpa, &ersir; tar éis na coscur sin do cinnedh cen bhar lecon isin Roimh co brath &ersir; cen mo dín d'fághbail dam-sa ar muir ná ar tír. Ale, dá mad amhlaid tísaind-si don Róim ar clodh catha form &ersir; ar fácbáil mo mergedh lam naimdiu &ersir; me ac teichedh re lucht na Gallia, créd do géndais frim iter intan is 'ar m-breith coscair dam-sa as cach ciniud &ersir; 'ar n-imluadh don toicthin as cech sonmighi i n-araile itát ic triall ardaigh frim? Ticedh ass Poimp inar n-docum &ersir; senóraigh in t-senaidh maraen fris madh maith leis a h-aithle a sídha &ersir; a sádháilechta fada. Is derbh lem nách léiciub-sa a ríghi na a flaithius dó ní is sia cen a comroind fris. Ní ránic Poimp a áis trichtaigi intan do rónad in cétbuadud la Románu dó. Ní derb leis, dar lem, in onóir sin tarraid óenfecht do lecon úad dogrés cenco tic de imluad a fhlaithiusa ar a arsaidecht intan-sa.

Cid dam-bíu-sa ac á acaine cacha n- dernai d'anríghe &ersir; do drochsmacht frisin ré sin, uair is comhaithnidh do chách uile íat. Missi didu ní faghabhar cin dam la lucht na Rómha acht cen dedhail dam-sa ar a forcongur son ré mo mergedhaibh coscrachaibh &ersir; frim slóghaibh, &ersir; araidhe, masam cinntach sa airi sen nách lór dúibh mo buaidh do buain orum-sa am aenur, &ersir; tabhurthur luagh a saethair don t- sluagh búi maille frim. Ordnet in tigerna bus toil doibh forro mas ar mo daigh se indarbtar iat.

IN abraid rim-sa cena, a ócco, ol se, ca h-inat foistine bías ic ar senórachaib ar scur dá n- gaisced, &ersir; ca sosta sádhaile i suidhfet ar senmilid, ca fuinn fhérmura geltfuit ar n-almha &ersir; ar n-innile &ersir; ar n- echradha, ca tír trebhfaither linn fesin, ca múr &ersir; ca mórcathracha i n-dingínter leighes ar láechraidi intan bás adhlaic dóibh intan nonindarbtar asin Roim &ersir; asar n- dúchus féin, &ersir; do berar inar fiadhnaissi íat do miledhaibh Poimp?

Cidh fil and, a deghmuinter, ar sé, acht ó nách damhthur dligedh duinn, tóccbaidh for mergedha coscracha foraibh. Fo gnat for n-gnimradha gaiscid daibh co m-benum in domun uile don tí nách damh roind leithe dúinn. Beid na dei ic congnum linn, uair ni d'argain na Rómha tiaghmaid, acht is dá saeradh o na tigernadhaibh diumsachaib filet fuirri.

Aithesca Cesair co n-ice sin.

Búi fodhord mór 'con t-shlógh uile fri ré cían 'ársin, uair cer'bdar feochrach menmanna na miled sin, &ersir; cerbdar galach i n-aicenta, do cúaidh báidhe mor &ersir; caer condailbhi, &ersir; gradh a n-athardha dhoibh, co m-búi ac á tairmesc do áilgius in catha cathordha, acht araidhi dos-fic fallscudh feirgi &ersir; áilgius imberta a n-iaraind tre imaltur na fergluinne &ersir; tré omhan in rígh rogairg rodiumsaigh ro nert in cath forro andís.

IS annsin atracht aonóclach isin airiucht, &ersir; ro fhaisnés rún menman &ersir; aicenta cech énduine isin t-slógh uile, Lelius ainm in óclaigh, taisech imghona la Césair h-é, &ersir; ni lamhadh nech do muintir Césair slegh nó saiget do dibhrucud i n-imairic áigh nó i cléith comluinn remhe. Tuc a aghaidh for Césair &ersir; asbert:

A fhollamnaigh in ríghrechta Rómhánaigh .i. a Cesair, is dír &ersir; is dlighedh duinn itrasta briathra fíri do chantain frit. In fetair iter conidh ádhbhul a acaine &ersir; conidh mór a gerán i menmannaibh na míled-sa a fod atai ic fulang tarcaisne ó lucht na Rómha. Inn edh do beir fort-sa sin ar n-etairisine acut? Nír' comtig duit-siu on cena, air i cein cotuicfet leg. cotnicfat F. ar n-doidi sonairtini foga do cassad a cath nó a cliathaigh ni fodhemasu tarcasul neich fort dogrés. Ní espach linne iter in flaithius Rómhánach do discáiliudh fódaigh nach beith tarcaisne neich fort-sa. Not-lenfut-sa in slóg-sa cidh bé conair isin domun do dodhaing nó do shodhaing coso treóraighfe íat. Ní docra dóibh sin inna cech conair rot lensat cosaniu.

Ro badh amhra inmhain dúinn dá fétmais t' orcátu-sa do lenmain amail budh dúthracht linn, &ersir; cinnmit nách budh comcathordha iter duinn dogrés, &ersir; nach budh lucht aensídha in lucht gusa n-gresfet do stuic catha suin. Do berum ar m- briathra féra i fiadhnaisi ar n-arm n-gaiscid cidh i longaibh bronn ar m-bráithrech &ersir; ar n-aithrech, nó i n-innibh ar m-bancéile i n-ám tuismedha dóibh co forcongra foirnd clannadh na cloidhemh-sa, co n-dingnímís fort cen fuirech cen imresain.

Cidh íat delbha na n-dei &ersir; a tempuill fhurála foirnd do loscud bidh lasair tenedh a n-iarmartaighi, &ersir; cidh ann forcongra oirnd ordúgud do longpuirt for brú Tibiri Túscaide for lár na Rómha, bidh dána talcair do génum-ne do longport and. Cech múr &ersir; cech mórcathair atbéra do toghail rinn, &ersir; in Roim fein ina comairium, isat urlamha ar n-doitine d'imluadh a rethedh toghla &ersir; d'esrainiudh a carrac estibh aired bes cloch for cloich inntu.

Ro comaentaighset na h-uile buidhne bátar ann frisin aithesc sin, ar ba h-é rún craidhe &ersir; toil menman cech óenduine dibh a n-debhairt sium fri Césair, &ersir; ro tógaibhset iarum a lámha uile i n-aenfhábhull, &ersir; ro gellset uile comdís erlamha na dóidi sin do gnim na n-imairec catha ba toil dó.

Ní ba suaill inní fris. Bá samalta nuall &ersir; séselbhe na slógh sin i comhaentugud .i. feibh tísadh anfthine étualaing na garbhgaéithe gemreta a tír na Tragia do sonnradh co feradh a síanmuirnd &ersir; a sírfhoghruchud re cennaibh cnoc &ersir; tulach, &ersir; ré fedhaibh &ersir; re fidhnemhedhaibh sléibhe Ois, coro lád snim tenn timaircthech i m-barr uachtair na fidhbuidhe foltgairbhi, co n-esairged &ersir; co sráined ilar a cráebh n-dosach n-deghdhighainn &ersir; a n-gég lúbach lánlebur a n-glaccaibh araile, co n-éracht foghur fírgarbh &ersir; bresmaidm borb bráthamail isin aer tré imalltur na fidhbuidhe ic sírtoirnem sís, ic toitim &ersir; ic trénérgi na n-ait cétna doríse lá foghluasacht na gaeithe dos-fic fon samail sin.

O 'tconnairc Césair na mórshluáigh do tairbhirt co mór ré h-áilgius in catha ro teclamait &ersir; ro tinolit cuigi fochétóir a uile shlógh &ersir; sochraide na beith fuirech na foscuchadh fair cen rochtain na Róma cen nó beith in conách ic congnum leis. Tangadur cuigisiun iarum annsin slóigh &ersir; socraidi na tíre 'cá m-bai gábháil fria ré na .x. bliadan remhe sin, &ersir; a mílidh féin didu bátar co h-anbháil esráinti i tíribh Gallia &ersir; isin Lochlainn &ersir; i n-inis Bretan ic riárachadh a popail &ersir; ic tabhach a císsa &ersir; ic coimét a smachta ríghdha do Cesair.

 Do tócestul slóigh Césair as cech crich &ersir; as cech cennadhach isin doman co n-ice in inadh i m-búi Césair.

Tancadar and aittrebthaidi in tíri im sruth Lemhaind &ersir; a m-búi do míledhaibh Césair ic forbais forro docum in catha.

Tancadar ann attrebthaidi in tíri im sruth Voghis &ersir; a m-búi do míledaibh Cesair ic forbhais forro dochum in catha.

Tancadur ann popul na Ruitenta &ersir; a m-bí do miledaib Césair ic forbhais dochum in catha.

Tancadur ann attrebthaidi in tíri im sruth Vari &ersir; a m-bí do miledaibh Césair ic forbhais dochum in catha.

Tancadar ann atrebthaidi in tiri im sruth Atax.

Tancadar ann atrebthaidi puirt Moneti.

Tancadar ann atrebthaidi traga cunntabartaigh mara Toirrian.

Tancadar ann atrebthaidi Nemetis.

Tancadar ann atrebthaidi in tiri im sruth Satir &ersir; a m-bí do muintir Cesair.

Tancadar ann atrebthaidi in tire Taruelli.

Tancadar ann atrebthaidi in tiri im sruth Bitis.

Tancadar ann atrebthaidi Parisi &ersir; in tíri im sruth Secana.

Tancadar ann popul na Setonda.

Tancadar ann popul na Leucdha.

Tancadar ann popul cathrach Belga &ersir; a m-bí do miledaib Cesair ic forbhais docum in catha.

Tancadar ann popul na Nerueta.

Tancadar popul na Vangeta.

Tancadar ann popul na Vatabecda.

Tancadar ann atrebthaidi sin sruth Cinga.

Tancadar ann atrebthaidi in tíri baile i comruicet sruth Rodain &ersir; sruth Arimin leg. Arar ac dul isin muir moir, &ersir; a m-búi do miledaib Césair ag forbais docum in catha.

Tancadar ann popul na n-Gébhenda.

Tancadar ann popul na Treuerda.

Tancadar ann popul na Ligurdha.

Tancadar ann popul na Teotonecdha. is acu sen nó idpraitis fola daini i tempol Ioib &ersir; Mercuir &ersir; Mairt.

Tancadar ann popul dianadh ainm Bardi, popul íat sén lángnáthaighitis filidhecht &ersir; duana molta do dénam. Is assin iderar baird &ersir; bairdne isin Scotic, &ersir; a m-bi do míledaib Césair ic forbhais docum in catha.

Tancadar ann popul na druidecda, popal iat sén da fognaitis fesa &ersir; faistine &ersir; no gnáthaigtis taiscélad for réthaibh rend &ersir; rétlann, &ersir; is ed atbertis trena fesaibh demhnacdaibh anmanna in lochta ba marbh isin mesraighthisea do breith tresin tendtigi fodes &ersir; a tabairt i corpaibh ele isin mesraighthi descertach. Druide anmanna na popul sin, &ersir; Druis ainm a cathrach. Is assén atberar druí &ersir; dráidhecht isin Scotic.

Tancadar ann popul na Caecdha.

Tancadar ann attrebthaidi cathrach Rémais na rígh, &ersir; atrebthaidi in tiri im sruth Réin, &ersir; a m-bí do miledaib Césair ic forbais forra.

Anmanna na crich &ersir; na cinél asa tancus d'forithin Césair, &ersir; asar' tinóilit cuigi a milid fein bátar annsén co h-anbhail esrainti isin Roim &ersir; i tíribh Gallia &ersir; i n-inis Bretan &ersir; isin Lochlainn ic ríarugud a popul &ersir; oc tobhach a císsa &ersir; a smachta righa.

O darochtadar na sloigh imda sin co m-badar i l-longport Cesair, &ersir; o tanic danatus &ersir; ledmige comtrialla in catha ina menmain tre tairisniugud a nirt &ersir; a calmatuis na slogh ro-imda daroctadar ina n-docum, ro tindscan fochétoir i cend séta &ersir; imdeacta iar slightibh na h-Edaile docum na Roma, gur'bo lan inn Edail uile in aidhchi sin da clu &ersir; da scelaibh, guro línsat a sloigh &ersir; a sochaidi na cathracha &ersir; na caisteoil badar comfoicsi doib isinn Edail.

Ro doilbit sceoil bregi imda sechnon in tíri 'arsin a l- lus Cesair, acht ceana ger'bdar goacha na h-aisneisi ro eirghidar omuin &ersir; imegla fira a cridib &ersir; i m- menmannaib in popuil Romanaig trena m-bithin. Ba brec inn aisneis no bid for imdechtaibh Cesair accó, air adberad fear dib sosad &ersir; longphort do gabail do i comfogus feda Meuania. Atberad fear aili longphort do gabail dó i commur srotha Nair &ersir;, srotha Tibir. Atberad fear aile: ni h- inann meass is coir for Cesair intan sa etir, for se, &ersir; intan boi isin Roim fecht eli, air mó &ersir; miletu, feochru &ersir; firdoilgi, dermairi &ersir; dimsaighi intan sa é ar clodh lochta in iarthair dó, &ersir; dano filet immaille fris uili sloigh &ersir; sochaidi na crich &ersir; na cennadach o ta sruth Rein co Sliabh Ealpa. Atbered fear ele dibh dilsi fogla &ersir; airgni cathrach na h-Edaili &ersir; tempola dea do tabairt do dona h-ectrandaib &ersir; dona cinudaib comaidhchibh badar immaille fris.

Cid fil ann tra acht gach fer dib no aisnedeadh scela Cesair d'araili do bered fen fuillead friu, &ersir; na tuscairnti no doilbtis fein no bid a n-omhan &ersir; a n-imegla forro amail bad neach ele no beith ica n-aisneis doib. Ocus ní namma ro fogluais in bidgad sin &ersir; in t-aduath daescurslogh na cathrach, acht ro fogluais cidh iter in Curia Romanach fein, gu ro facsat sruithi &ersir; seanatoraigh na cathrach a n-istuda flatha &ersir; a sosta sadaili la h-omun Cesair, gur'bo aenmaidhm teichidh doib i n-aenfecht asin Roim amach, iter occ &ersir; sen.

Ocus ro aithnedar lucht in t-senaidh cinti &ersir; coraighthi in catha dona consolaibh Roman, ic fagbail in baili doib.

Ro boi d'imarcraidh egla forro conna fededar ceta inada inilli no indsechtais nó ceta inada essinnilli no faicfidis, acht ro gabsat in conair ro greiss tiudfuabairt an techidh &ersir; in tindenais iad, co tancadar 'na sreith dluith degfoda asin cathraigh immach, co m-benad gach dirim sloigh &ersir; sochaide dib re araili.

Neach no biadh ic a forcsi intan sin, ni gebad delb eli dib acht feib no betis tigi &ersir; cumhtaighi na cathrach ic raen &ersir; ic rotuitim i n-aenuair, nó feib no bedis adanta tened trichemruaidhi ic uliloscud in baili da n-eis, re met in deinmni &ersir; in dasachta bui forro ic deirgi na cathrach amail bad h-í aensaileachtu slanti no beth doib facbail na Roma. Ni bui samail na seseilbi sin acht amail tisad buaidred na gaethi descertaigi dar in Affraic andes co fogluaiseand libraini lebargorma in mara mortonnaigh, co m-bristi seolchrainn sithfota araili longa dib la casanfadh in mormara, guro nertad for in stiurusmann &ersir; for lucht na lungu archena snamh for tonnaibh in mara asin luing amach, co m-bedis uili for acombádhudh &ersir; in long slan dhanéis. IS amlaid sin ro facaib Poimp &ersir; in senadh in Roim la tiudfuabairt Cesair.

Gid for techadh in catha dacuadar is cuigi ro techad ann. Nir' bó ailsedach tra ro teceadh andsin, air ce nó beth in bean ic togairm a ceili ann, nó in mac ac togairm a athar, nó in t-athair ic togairm a maic, ní airisfed neach fri araili dibh. Sochaidhi dib dia m-ba descin dedenach a n- descin for in Roim andsin, uair ni táncadar for cula doris docum na Roma. Is follus for suidhichthibh na Roma conad docra &ersir; conad doidngi congbail in cadusa inas fogbail in ratha. Mor ní do cenelchi don lucht ro facaibh in cathraigh ro facad annsin. Mor do ciniudaib in domhain do rochtadar in cathraigh sin 'arna clodh la lucht na cathrach fein. Ro bo righda a met na cathrach ro dilsigseat na Romanaigh in la sin, ar dia comtiassad in ciniud daenda in aenfaball da saigidh no taillfitis uili i n-aenfecht for larmedon na Roma.

Ba follus a n-anadh fein for na Romanchaib in la sin, uair na muir deroili no gnáithigtis do denum i timchell a longphort i crichaib eachtrand no andáis co nemsnimach ina medhon, &ersir; a m-bidbaidh do gach leth umpu. Ni ro ansat immorro cidh fri re n-aeinaidchi ar righmúraibh rodaingnibh na Romma, acht ro facsat i n-aenla i la cloisteacht Cesair amain. Acht ata ni cheana, ní ba nár do cach in techeadh tindeasnach sin do denum &ersir; fear amail Poimp do techead and.

 Dearbairdi in Catha Catharda.

ISin ecmung na rea sin &ersir; na h-aimsire sin ro faillsighit dona Románchaib faistineada &ersir; remtirchanta na n-olc ro badar arcind doib, air ro línadh in neam uasu &ersir; in talamh futhu &ersir; in muir do gach aird umpu do taidbhsibh ingnaitighibh, ingantaibh &ersir; do derbairdibh dermaraib, F. ic tairngire &ersir; ic taircedul in Catha Catharda do gnim acco.

It e inso na h-airdi aitchesa doib .i.

Ro artraigset isna h-aidhchibh sin accó renna anaichinti na ro artraigset in nim remi sin riam, &ersir; nar' artraigh barsamail re met &ersir; re n-imat &ersir; re n-urgrain.

Atconncadar dano clar gorm glainidi na firmaminti neamda do bith 'na h-aencorthair lassar &ersir; tened os a cind.

Atconncadar araili rind ann co ruithnibh roedrochtaibh &ersir; co trillsib tendtidib for esrediudh ass, in retlu mongach insin, &ersir; ni ro artraigh sen riam acht la cumscugudh flaitiusa, na clodh catha, nó la bás airdrigh. Ro tirchanait in triar sin don cur-sa isin Roimh, air ro cumscaighead Poimp re Cesair asa flaithius, &ersir; ro srainead cath mor maigi na Tesaila for Poimp beos. Is triana acais in catha sin fuair Poimp bas &ersir; fuair cidh Cesair ara cind.

Atcondcadar athainni tenntidi &ersir; locharna lasamnacha &ersir; ilbrectad dealb n-ecsamhail na saignen taitnemach sechnón in aeoir as gach aird. Doraitni ann aensaighnen dib ro dercsaigh de uilibh tenntib nimhi aircheana ar met &ersir; solustacht &ersir; dene. Ro gab sen asin tuaiscirt atuaidh docum na Roma. Ro tecluim &ersir; ro tinoil ina h-uili teinti aerda leis guro bloscastar im ceand na Capitoli rigda &ersir; tempuill Ioib isind Roim. Ised ro tircanadh tritsin: Cesair do tidecht a tuaisciurt in domhain do gabail na Roma.

Ro artraighset ann na retlanda aidhchidhi i m-midi medonlae. Atceas ircra eisci acco i lansoilsi na .xu.

Atconncadar fordorcad for ruithnib solustaib na greni i certmedon lae, &ersir; ba met na dorcadad i sein gonar' sailseat la gona lanshoillsi do taithneamh tre bithu doib.

Rosceastar sliabh n-Ethna sruaim tened trichemruaid isin t-slis ba comnesa do tír na h-Edaili, gu ro lae ar daini &ersir; cethra ann. Ro artraigh ann dano fordath fuilidhi for saebcori mara Turrein fri h-eadh lae go n- aidhchi.

Ro scailead &ersir; ro fodladh i n-dib blogaibh lassar in tenead bithbi no bith i teampull Uesta na bande. Is ed ro tircanad trit-sin, in flaithius Románach do roind i n-dó etir Poimp &ersir; Cesair.

Ro erig crith mor &ersir; fogluasacht fircalma i fothaibh &ersir; i slutraigib in talman, guro fas talamcumscugudh trenadbul de, &ersir; ba h-e met in talamcumscugtha sin, gur croithestair slíabh n-Elpa uadh ina m-bui da moilib sena sneachtaidi i m-madmandaib a sliabh &ersir; i n-glaccaibh a tulach, guro tuitseat i n-aenfecht de for fíadmaighibh &ersir; for fanglenntaibh na tiri ba comneasu dó.

Ro erig commbogad ainbtini dermairi dona frith samail nó cosmuillius riam i crisluch mara Turrein, guro línsatair ruadbhuindi robarta &ersir; barruactar a tonn tulgorm taebedrucht clethi na da n-ardsliabh filet impi do gach leith .i. sliabh Cailp isinn Edail &ersir; sliabh n-Athlaind i crichaibh Aiffraici.

Atcítis dealba &ersir; imaigni na n- déi adhartha ic cai &ersir; ic derfadhaigh and. Atcítis tolada mora alluis ac siliud a slesaibh &ersir; a fraightibh gacha tighi isin Roimh, ic fiugrad in morsaethair no foidémtais 'artain.

Tainic airmchrith mor i n-uilibh templaibh na n-déa isin Roim, conna roibi slegh nó claideb no caithsciath for alcuing intib nach drocair fri lar talman.

Atcitis na h-ethaidi aidhchidi acco ic foluamain, F. i soilsi in lae seachnon na cathrach .i. in écthach &ersir; inn iatlu &ersir; in bubo. Ticdis ois &ersir; allta ecendsa na n-dithreb comfogus co n-dentais leptha &ersir; cubacla doib for larmedon na Roma gach n-aidhchi. No feartais coin &ersir; cuanarta &ersir; meic tire na h-Etaili ualla mora sechnon na cathrach gach n-oidhchi. No labraidis na ceithri tre glor n-daenda acco, uair innister isna sdairib intan bui araili Románach ic gresacht a ogdaim &ersir; a eri arba fair, ro labair in t-ogdam fris co n-debairt: Cid tai dom trengresacht, a oglaich? ol se, uair is taescu atbelat na Románaig innas domelat ina fil d'arbannaibh acco.

Ro tusmit geni torotharda imda isin Roim intan sin, co met cuirp, co n-ilar lam &ersir; cos &ersir; cend, co linadh oman &ersir; imegla a maithri fein ica teancaisin.

Atcluintea comtuaircnech na cnamh i m-medon na comrar i n-uilibh adnaictib na cathrach gach n-oidhchi. Atcluintis allgotha aighthidi &ersir; ardgairmneach aduathmar i fedhaib &ersir; i fidnemedaib na h-Edaili, &ersir; ni faicte cuich do gnith insen.

Atcite na foiscti &ersir; na fantaisi &ersir; na h-allcailli ifernaidi i n-imtacmung na Roma gach n-aidchi, gu ro facsat lucht na margad &ersir; aitrebaidi imectraca in baili a treba &ersir; a tegdasa re h-uathbas &ersir; re cridenbas na taidhbsi donarfas doibh.

Atcithea in badb catha gach n-aidhchi, &ersir; a h- aithinni giuis for derglassad ina láimh &ersir; a trillsi natharda nemidi ic dresechtaigh immo cend ic aslach in catha for na Romanchaibh.

Atcluintea isin aidhchi acco fogurnuall na stocc, tulguba na sgiath, fidren na foga, glonnbemneach na claideb, geoin na cath ic comruc, &ersir; ni faicthea cid do gnídh inni sin.

Atcluinte accó allcailli Sill ic taircetal in catha catharda.

Atconncadar araili aeghairi badar i m-bruigibh srotha Aniein inti Mairr ic togbail cind asan adnacul. Is ed ro tircanad trit-sin, samail in catha catharda ro gníead etir Mairr &ersir; Sill do gnim doridisi ic Románchaib.

Ro gabsat sagairt na n-dea &ersir; na m-bandéa ic uchbadaigh &ersir; ic golgairi sechnon na cathrach &ersir; ic edarguidhi na n-dea ic iarraidh edrumaighthi na plaighi-sin forro. Is ed no ráidheadh gach fer isin Roim: atathar ic comallad faistini Sibill banfatha innossa dona Romanchaibh, ar iatt, ar is edh ro tircan Sibill banfaith, discailiud in flaithiusa Románaig ar trill.

Ro as aduath mar &ersir; imegla isin Roim la taidbsin na n-derbairdi sin inti, &ersir; focres comairli ic lucht na cathrach cidh do gentais do sin. Is ed ro cindset iarum, lucht fessa &ersir; eolais do tocuiriud cucu a tir Tuscia, ar ba gnath lucht ceirdi draidechta do bith inti sein, &ersir; ba bes do Romanu dano faithi in tiri sein do tocairiud ina n-docum in gach am no tomaithead egendail forro.

Tucait intan sin dano faithi Tusceta cucu, co m-badar isin Roim. Atbertsat na Romanaig riu ara fiastais doib trena fessaib draidechta ceta moruilc ro tircansat na derbairdi dermara ro artraigset acco. Badar da primfaith derscaigthecha lasna fathaib, Aruns &ersir; Figulus a n- anmann. Is e ro bo uaisle &ersir; rob urrunta dib, &ersir; ro bo sine arai n- aisi, Aruns. Luca ainm a baile duthaigh. Badar tri h- ernaili do IX n-earnailibh na draídechta leis, ar is iad IX n-ernaili na draidechta annso, F. .i. a ceathair dib i comidecht na ceithri n-dul n-domunda .i. teneadh &ersir; talam, usce &ersir; aeoir. An cuiced ernail taiscelad for ruithnib saignean: in sesed ernail taiscelad for innib anmanda i tenntib: in sechtmad taiscelad for foluamain én, in ochtmad taiscelad for gothaibh én, in nómad taiscelad for rethaib rend &ersir; retlann. IS iad tri h-ernaili badar la h- Aruns dib sin .i. taiscelad for cumscaigthibh saignen &ersir; for foluamain en &ersir; for innibh anmanna.

IS ed ro raidh in fear sin frisna Románchu intan sin, tor teneadh tricheimruaidhi &ersir; breo tulcha do denum acco, &ersir; ina tusmit do genib toratharduib isin Roim d'uili-loscud isin tenidh sin. Ro forcongart forro dano lustred &ersir; imtocell a cathrach do denum, delba &ersir; imagni na n-dei do tabairt ina timcell leó.

Tancadar iarum uile aitrebaidi na Roma 'na n-drongaib &ersir; 'na n-dirmaib ina timcell co sagartaib &ersir; go m-bansagartaib na n-dea &ersir; na m-bandea immaille friu.

Cein badar lucht na Roma ic imtocell a cathrach fon samail sin, ro theclaim Aruns ina fuair do tiruarsnibh saignen seachnon in baili, &ersir; ro can cetla &ersir; tincetla druad forro, &ersir; ros-infolaig i fudomuin in talman 'arsin.

Tugad araili tarb torachta tiugformnach ina docum dia idpairt dona deib. Do rinnscain dano Aruns iarum teachta na h-idparta do gnim frisin tarb .i. fin do dail i tollaib a cluas &ersir; edir a da adhairc &ersir; i fidisibh a srona. Ro imbir fair dano cach ada aili ba dir do imbirt for tarb idparta. Ro gab in tarb for imresain moir fri timtiribh na h-idparta 'arsin, &ersir; nir' degardi leo-sum esen. Ro marb Aruns fein in tarb iarum. Ni dat srotha fola fordergi, amal is gnath do tepersin a h-eirscibh urtescthaibh ro snigset asa crechtaibh, acht linnti dubfola duaibsighi co faircsi neamglaini &ersir; nemidechta moiri forro. Ro gab aduath mor in faith ic tencaisin na n-ilgnéa doraitni for innibh in tairb, ar inneoch nar'btar banglasa dib robtar dubglasa, &ersir; ba mi-airdi leis-sium sin uili.

Ro scail &ersir; ro fodail inni in tairb i n-dib bloghaibh. Ro taisealb in cetbloigh dibh do Poimp &ersir; don t-seanudh &ersir; in m-bloigh n-aill do Cesair gona miledhuibh. Ba mactad mor leis ind abairt do rigníset na bloga sin na n- inni, ar ni dernsat inni riam rompo abairt bad nemadhu indas, ar in rand ro taiselbad do Poimp dib ro gab for serg &ersir; digbail, for crapad &ersir; for feodugud, ro thruin, ro traig &ersir; ro thairind fri talmain, gonar' artraigh brigh nó calmatus inti. Rann Cesair immorro, ros-lín borrfad &ersir; indocbail í, ro fás &ersir; ro inforbair, ro att &ersir; ro inboilg, go n-dernai aenmoil trein tomaithmigh dona h-uilib badar inti.

O ro thenc Aruns na h-airdi aichtidi sin &ersir; na taircetla moruilc badar a coimidecht na h-idparta, do rinnscan nuall &ersir; nemeli mor do denum frisna deib co n-debairt: A deu firénnacha fororda, for se,is infechtain masa ada nó masa dir dam-sa na nithi tircantai do aisnéis dona poplibh rom- tochuirseat ina n-docum. Air cid duit-siu, a Ioib, ro airdergius-sa in idpairt-se do denum do deachadar na demna iffernaidi gu ro linsat inneda tairb na h-idparta.

IS mor in imecla fil forni de sin, go na lammait aisneis na n-olc tircantar duind, acht forír chéna bidat mo na h-uilc innas amal ata in ecla forni. Nir' bo sirsan chena nach brec gacha canam uili, &ersir; nach airdi doilbthi ro facaibh Tages faith for innibh na n-anmanda.

IN Tages isin dano, da m-beith neach no iarfaighead, is e ro aircestar in ealadhain draidochta. Ni bui athair nó mathair occa, acht a focbail beo fo fotaibh in arathair chena.

Taischelta Aruins Tusceta co n-ici sin &ersir; a tircanta tre innibh anmanna.

IN primhfaith eli immorro bui leo .i. Figulus, i tucsin dala na n-déi &ersir; derritiusa nimi ro bui sen, &ersir; a frichnum &ersir; i feghadh na firmaiminti &ersir; i r-rethaibh rend &ersir; retlann, go na frith i tiribh Egipti riam, neach bad coimeolach fris i sudighthibh nimi. Is inti sen bad lía lucht na h-ealadan sin, fobithin ar is glaini &ersir; is nemnellaighi in firmaimint doib inas do lucht in talman arcena.

Ro chuaidh in fer sin i m-munighin a feasa fáthachda. Ro gab ic tenccaisin na firmaiminti sirglaini solusta &ersir; renn ruthenda in nimi blaith brecnellaigh uasu da gach aird cein co nos-dercai amal ba lor leis. Is ed asbert frisna Románchu: Fil nechtar dá neche forsna coraigthibh-sea atcim-sea, ol se .i. ata seachran mor for cumscugudh firmaiminti &ersir; na rend osin tir-sea seach gach tir, go na filet ar taiscelta-ni ar coir inti, nó masa tre imaltur na Faithi tic in morbrecthadh adcim-sea, is apaigh &ersir; is urlam ac na doibh dith &ersir; dilceann &ersir; delarugud in ciniudha daenna do denum i traiti. Na dei adhartha fris, for se F. cia ret tresa tic in morplaigh-sea iter .i. in talamcumscugud do gnither and .i. inn e in talumh oslaicfes a inni do slugudh cathrach &ersir; caistiall inn uili domhuin cona n-attrebtaidib leo, nó inn í tromdlai derfadhach na dilinni ferfas for dreich in talman doridisi do uili-bádhudh claindi Adhaim, nó in ba faelscud saignen tenntidi &ersir; brotha aeoir doraga do forloscud in domhuin, nó inn e in talam tromfoideach diultfas a fas &ersir; a ith &ersir; a inforbairt, co na leicfea a toirthi trit, go n-aibelat na h-uili daini la gortai.

Ni fedar-sa cia h-ernail plaighi bias and, nó cia teidm tresa tic, acht cena ro fhedar co m-ba scur saegail sochaidhi in plaigh isin F.

Fil gne n-aill dano forsna taisceltaibh-sea .i. dia m-bad i n-Aquair uscidi no beth rind sadal Saduirnn intan-sa ro bad digal dilinni doberta do dilcenn in domuin. Dia m-bad i Leomhuin lasamhnach no beith in grian intan-sa is bruth aeoir &ersir; forloiscti no adannfad in domun. Acht cena dar lem ni h-olc dibh-sin fil ann etir, acht is e rind Mairt morcathaigh fil i Scoirp and, &ersir; na renda da ticfad cosc a brotha sen .i. rind Ioib nó Uenir nó Mercuir, ni fil rind dib i comfogus dó etir, úair ata Ioib i fuiniud i trath-sa &ersir; Uenir i comfocus greine fo thalam, &ersir; ni tainic Mercuir i turcbail gu sé, gu ro lín bruth nemi Mairtin aeoir uili, fobith rind aile ní fil i comfocus do acht rind Orioin claideabhthaircetaigh nama, &ersir; cidh esen is fuillead n-urbada thirchana fos.

IS mairg ní, ol se, ic a filet na renna-sa taircetul isna suidigthibh i tat .i. confad catha, coimérgi curad, faelscudh imberta arm i lamhaib laech, comtulcadh miledh mear mormenmnach &ersir; lath gaili, scur sida &ersir; caincomhraic, comhtocbail cogaid etar cardiu, tochastal tuath n-eachtrand, robarta fergi righ rogarg rodimsach i r-rae catha &ersir; imairic, falbaighi colann saerclann fo cossaib con &ersir; cuanart.

Cid da m-biu-sa 'ga cleith, ar se, ar do ragha fo deoidh inní tircantar and .i. in cath catharda. Atragat moruilc isin Roim trena bithin sen, ar biaidh gach tren a l-los a nirt &ersir; a calmatais inti. Ni coimetfaither dligheadh nó firinne innte occo. Molfaither don mac marbad a athar &ersir; don athair marbad an maic ann. Tathaeirfither immorro do gach aen cocelas do cairdes nó do caratrad isin aimsir sin. Mor m- bliadan bias in Roim amlaid sin .i. noco tair tigernus aenrigh fuirri, &ersir; dar lim ni ferr son la Romhanu innas in cath catharda.

Taircetla na n-druadh Tusceta co n-igi sin.

Ba lór tra do urail omain &ersir; imegla for lucht na Roma i tarfas do tircantaibh in catha co n-igi sin, acht tainic doib adbar uathbais nar'bo luga innas sin, air ro inaitcestar spirut deamnata i n-araili sruthmathair soicheneoil isin Roim, conas-tuc for dobur &ersir; for dasacht. Ro gab iarum in dasachtach sin for taircetal na n-olc cetna dona Románchaib. Ro innis &ersir; ro aisneidh doib uili aircetla in catha catharda o tus co deredh, &ersir; is amlaid ro aisneid &ersir; h- i ag imacallaim frisin spirut n-deamnata i fiadnuisi lochta na Roma uili.

Ba follus dona Románchaib ferg &ersir; luindi na n-dea n-adartha do bith friu fein intan sin, air do radsat na h-uili duili domunda comartha foillsi &ersir; tircanta demni in catha catharda doib.

O ro comgabsat uili grith ina menmannaibh conid ic taircetal ar n-dermair &ersir; raen madmann catha ro badar na h-airdi aduathmara sin donarfas doib, F. ros-lecset fri bron &ersir; dubha &ersir; torsi, F. etir saer &ersir; daer. Ro dicuirseat a n-uaisle &ersir; a n-ardfhlaithi a cumtaighi rigda &ersir; a n- erreda onorda dib. Ros-eitseat uile o eirreadaibh dereoilibh i comartha duba &ersir; toirsi. Badar co tai taithenach ic dicelt in broin sin &ersir; a galar inmedonach i cridi gach aen duini dibh, &ersir; arai ni ro cuirset os aird beos, amal bit muindtera na righ n-onorach intan tiagait a tigernai bas ic duba infoilgidi for tus airet ro fetar dichlid in sceoil.

Ro cuadar a mna &ersir; a maithreacha, a milidh &ersir; a lucht gaiscid, a sruithi &ersir; a senóraigh i templaibh na n-dea &ersir; na m-banndéa. Ro scailset a fultu intib &ersir; ro tuaircset a n-ochta da n-dornaibh. Ro gabsat ac dubha &ersir; ic derfadaigh, ic comgeran &ersir; ic comacaini annsin i fiadhnaisi delbh &ersir; altori na n-dea adarta.

 Bethu Cait annso sis.

Bai aenfer isin cathraigh fornar' laessat na cumscaigthi mora sin, Brutus a ainm, consol togaidi da Románchaib é, fer galach mormenmnach, &ersir; ni tairnead a aicnedh gid mor d'ulc fogabad, ni metaigead a menmain dono cid mor maithiusa no tidnaiced in toictiu dó. Tanic in fer sin ic abardorcha derid na h-aidhchi co teach bráthar a máthar .i. co teach Cait, da fis &ersir; da comairli fris cia h-airimbirt do gentais i frestal in catha .i. in la Poimp atreistis docum in catha, nó in la Cesair, fa inn urnaidi do gentais co festais cia dib forbad raen, air gib e dib bad coscrach ro bad laind leis a sidh-sum d'fogbail, ar ní ro badar do Romanaibh da consul bad comtig da cudrumughudh friu.

IS í immorro comairli ba toil don ti sin .i. Brutus, gan ergi doib re neach etir acht urnaidi co festtais cia de na da tusech bad coscrach ann, air ba nemada leis beith i fur in catha i muirfead in mac a athair, nó in t-athair a mac, nó in brathair araili, &ersir; dano nir' miadh leis coimaentu lasin lucht mibesach ut badar ic triall in cogaidh catharda ardaigh a n-anfaladh do dighail, ar niptar seitrigh a n- digalta i n-aimsir sidha nó caincomruic.

Do riacht iarum Brutus guros-imluaidh in comairli sin i fiadhnuisi Cait. IS amlaid bui Cáit intan rainic-sium ina docum, co dubhach dobronach neamsadail neamcodultach 'ca thur &ersir; 'ca scrutan cindus no bedís coraighthi na cathrach &ersir; urtrialla in popuil &ersir; in t-senaidh Románaig i frestal ind etualaing moir bui ic tomaithim forro. IS ed so frecra do bert for in aitheasc ro raidh Brutus fris:

IS fir, tra, ol se, conid nemhadha mor do neoch comtriall in catha catharda. Acht ceana cuich folilsad gan omhun fair a nert &ersir; a lamha da fordingi dia tencad renna nimi &ersir; in firmaimint fein ic tairneamh &ersir; ic toitim for tonnclar in tálman ina fiadnaisi. Ni mo ro faelusa tuitim na Rómha do tencaisin gan cungnum le. Ro bad dermair in dimbaidhi dam-sa bith am aenur i n-uaingius &ersir; ciniuda ectrand in domhain d'fogluasacht lasin comtocbail-sea do rala isin Roim. Ni h-ed sin bias and etir cena, acht do ber-sa m' fheidm catha in conair do bera in seanadh uile .i. la Poimp, air is é nach tainic i n-aigid na Roma amail tanic Cesair; &ersir; araill ele ann dano, da m-bém maraen ic congnum la Poimp, ni do fein taisealbabas in coscur beras, acht bid duinni, &ersir; bid lugaidi a dimmus-sum sin 'ar n-gabail righi doridhise.

Aithesc Cait annsin.

Ro aentaigh Brutus iarum frisin aithesc sin brathar a mathar. Adracht borrfad a aicnidh, &ersir; ro fas diaillsigudh in catha catharda ina menmain, cona bui da Románaib aenduini lasar' lainni gnim in catha catharda innás.

A m-badar and iarum trath etarscartha dorcatais derid na h-aidhchi re bansoillsi tossaigh in lái, co cualadar beim bascraind fri dorus in lis acco. IS ed bui annsin bean bui la Cait ina ocbaid fecht n-aill, Marcia a h- ainm, &ersir; ro tussim in bean sin tri maccu do Cait fri ré teora m- bliadna. Do rala araili ferchara do-sum isin Roim, Hortensius a ainm: ni tusmitea clann do sein etir. Ba doilig mor la Cait sin, &ersir; is ed do roni: do bert a mnái fein do tusmead clainni do, ar ba combrit i. Ro tusim iarum in bean tri macu do fri teora bliadna. Tanic Hortensius 'arsin co targaid in mnái cetna do Cait do tus mead fuillid claindi do. Nathó, ol Cait, fil do met m' onora-sa isin Roim condat clanda dam ind ocbad Románach uile, &ersir; air is tussu ric a lés claind bid in bean leat airet bas toil duit.

Marb Hortensius i cind rea iersin. O ro scaigh la Marcia teachta a adnacail &ersir; a cepoc cainteach, tainic co dérach dobronach co teach Cait intan co n-ecmaing in imagallaim intan sa, &ersir; mac a sethar .i. Brutus. Ro gab ic agallaim Cait &ersir; ic a iarraidh fair a l-legon ica frestal &ersir; ica fritalam amal gach cumail bui aca, air atbert-si na dechaidh a h-airi re commamdacht uad, acht ro bad lor le do maith uadh intan ro scribabtha a h-ainm i n-airenuch a h-adnacail co m-bad commám Cait atbertha fria.

Atbert dano nach ic iarraidh socra nó sadaile ro bui, air is re h-ucht catha &ersir; re coimeirgi cogaid moir do deachaidh, acht dono bith ica frestal-sum, &ersir; ica fritalamh gach conair ro-sn-imluaidfed in toictiu tre airimbirt in catha moir. Atbert dano nar'bo nár do-sum a beith-si ina farradh ig a coimideacht, cid for longais no beth, &ersir; Cornelia a bansetigh i farradh ind airdrigh Poimp.

Ro cloed menma Cait trisin edarguidhi sin, &ersir; ro cetaigh do Marcia comaitreib fris. Nir'bo adbclossach forbannach daronnadh in caingean sin Cait &ersir; Marcia. Nír' sirit cuir nó fiadhain léo acht Brutus a aenur. Ni ro iarfaigit faithi nó fisidi uaithibh, amal is gnath i m-bainsibh. Ni ro h- ingabad geis leo, &ersir; ni ro h- adradh ada. Ni bui cumtach baindsidhi for fir nó for mnai dibh, ar bai forcsi broin for in mnai 'ar n-éc a celi. IN fear dano ní laghu doraitni bron fair, air on cetuair ro fairigh imluad &ersir; comtocbail in cogaidh moir ni ros-foilc &ersir; ni ros-fothraic, ni dernai glanadh a gnusi nó tonach a lamh, acht bui co taidhiuir toirrseach 'ca thur &ersir; 'ca scrutan cinnas no saerfadh in cathraigh do lamhaibh a bidhbadh, air ni r' airimmir neach in cogad sin riam, acht ar grad nó ar miscais neich eli acht Cait a aenur. Mad eisein immorro, is do saerad na cathrach, &ersir; do dín na h-atharda, &ersir; do coigill in ciniuda daenna uili ro imluaidh in cogad, air ní bai isin bith i comaimsir fris aenfer bad togaidiu bestatu innas.

Ba da besaibh am, cach ní fa tibred láim da forba &ersir; da cur co forcend. IS ed no bidh a uili sním &ersir; dethitiu inditen na h-atharda. Ba derb &ersir; ba deimin leis nach ar a daigh fein do radad isin domun é, acht ar daigh gach neich cotn-icfad do lesugud and. Ni teicheadh a comairbirt bith dar teachta tre bithu. Ba lor leis do biudh inní no scaradh fri accurus. Ba lor leis do éduch dín a ball ar fhuacht &ersir; ar nochta. Ba lor leis do tighib a dín ar doinind &ersir; ar ainfini. Ba da besaibh can commamdacht fria setig acht i n-aimsir coimperta nammá. Ba h-athair &ersir; ba ceili don cathraigh é cein ro mair inti. Ni bui isin Roim aenduini nach fuair a soludh. Bui ic adradh firindi &ersir; ic fregra gnim socraid airet ro bo beo. Ni ro mill a tol frecur a deggnim uimi.

Scélach Cait &ersir; luchta na Roma co n-igi sin.

 Slóiged Césair isin Etail annso sís.

INtan immorro do batar na h- airmberta sin isin Roim do dechaidh Poimp cona dirmadhaibh slúaigh &ersir; sochaidhe leis a clithardiamraibh tíri Campan, cor' gabh sosadh &ersir; longport a múraibh na cathrach dianadh ainm Capua. Cathair sin ro cumdaighedh isin Etáil lé h-ócclach do muinntir Aeneasa maic Anacís, Capis a ainm, &ersir; ro taitin co mor fria Poimp in t- inadh sin, &ersir; ba maith leis beith ic frestal catha ann, uair ba daingen &ersir; bá díthoghlaidhe é. Slíabh Apeinnin ara cula, sliabh is airdi &ersir; is accairbhi do shleibhtibh in domain. Cuan mara Torrian don leith tess don t-sliabh sin, &ersir; cuan mara Adriatecda don leith atuaidh, &ersir; inis and for muir ina h-ircomhair fothuaidh, &ersir; inis Pisse ina h-ircomair fódhes.

Ocus srotha imdha ic siledh as isin muir cechtar do dá taebh .i. sruth Medhúir &ersir; sruth Crustumium &ersir; sruth Sapis &ersir; sruth Isauir &ersir; sruth Sena &ersir; sruth Aufid &ersir; sruth Eridain ac tebirsin asin t- slis tuaiscertach de. IS iat so na srotha tebirsinnit asin t- slis descertach de : sruth Tibhir &ersir; sruth Rutuba &ersir; sruth Vultuirn &ersir; sruth Sairn &ersir; sruth Liris &ersir; sruth Sileir a comfhocus Salerna, &ersir; sruth Macra i comfhocus cathrach Lúna, &ersir; intan ro soichter ar mullach in t-shleibhe sin atcíther bruighi na Gallia uile as, &ersir; dar lé nech is fáe thís atáit benda sleibhe Elpa, &ersir; ní raibhe fos isin doman sliabh ba faide inás, ar ro gabh ar tús o Etail co h-innsi Sicil for muir Torrían, co tainic ruadhbuinne in mara cechtardha tarsin m-bloigh medhónaigh de co fil isin Etail indiu indarae cenn de. Sliabh Apennin a ainm, &ersir; in cenn n-aill i n-inis Sicil, &ersir; sliabh Peloir a ainm. Ocus ba h-innill le Poimp beith a comhfocraibh in t-sleibhe sin, ac estecht re scélaib Césair &ersir; ic furnaidhi in catha.

Césair immorro ro lín bruth &ersir; ailgius imerta na n-arm a menmain &ersir; a aicnedh, &ersir; nir'bo fáilidh leis amal fuair cricha na h-Etáile rea aghaidh cen acfuing t-shloigh innti dó do frestal catha ar techt dá ríghaibh &ersir; da taisechaibh esti ar a ingabháil-siumh féin, ar roba lainde leis accaidi do gabhail a l-los a lamha &ersir; tré todhail fhola inas tre sídh &ersir; tré caencomrac, &ersir; ro bo ferr leis doirsi &ersir; múir a cathrach do brisedh &ersir; do díanscailed nás a leccan ar ais inntu.

Lucht cathrach &ersir; caislén na h-Etáile, cér'bó cinnti léo, &ersir; cer'bo deimhin na gébhdais fria Césair intan do rachad ina n-dóchum, arái ro gabhsat acc daingniugud a múr &ersir; ac córugud a taibhledh &ersir; ic frestal in catha, &ersir; ni fhedadur ca comairle do gentais, ar do bí do mét gradha Poimp occo co nárb áil léo nech ele do ríghadh acht sé, ó do ratsat briathair fris, &ersir; búi do méd écla Césair orra naro lamhsat cen a ríarugud. Ocus ní búi a samhail acht comtogbáil in mormara intan tecmus in gaeth andes dia saighidh, co m-búi aghaidh a h-anbhthine &ersir; dírim a tonn uile ar aen-conair lesin n-góeith sin, co tecaim in gaeth anair docum in mara cétna, co m- berend in anfine ina coimidecht féin &ersir; imbolgadh na cétgaeithi isna tonnaibh fós arái. Ba h- amhlaid sin do lucht na h-Etaile, ar ro bátar leithriata uile fri Poimp ar tus cein co táinic Césair, &ersir; cia tainic sin, ba h-é a n-dúthracht-sum fos cungnum lé Poimp.

INtan iarum doríacht Césair lármedhón na h-Etaile co n-ilar a t-shloigh &ersir; a shochaide, cech uile fer ro ordaigh Poimp a ríghi &ersir; a toisighecht &ersir; a cennus cathrach &ersir; caislén isinn Etáil ro fhagsat íat &ersir; ro teichset fo clithárdiamraibh in tíri ar omhun &ersir; ar imecla Césair. Ocus ba díbh sin Libon tuisech na n-Eutruscda &ersir; Termus taisech na n-Umbreta &ersir; Sill mac Sill &ersir; Varus ó dind Auximon &ersir; Lentulus a cathraig na h-Esculi &ersir; Scip a cathraig Lucerie.

Do rala ann éntaisech na dechaidh isin comblosc teichidh sin lé cách .i. Dómit taisech cathrach Corpin, &ersir; ní raibh isin Etáil cathair búdh daingne na budh doilghe do toghail inás .i. sruth mor re toebh &ersir; droichet tairis fá comair na cathrach imach. INtan itconnaircc Dómit sluóghu Cesair ina n-drongaibh &ersir; ina n-dírmadhaibh ic ascnam ina dóchum tar magbrugaibh na h-Etáile &ersir; ro tencastair gristaitnem na n-arm n- aichtidi n-urnocht ós cennaibh in t-sléigh re lainnrighi &ersir; re saighnénaigh na gréine glanruithnighi ic taitnemh seoch imellbordaibh in talman, ro teclaim &ersir; ro thinóil sluoghu na cathrach leis do scannrad &ersir; do scailedh in droichit, &ersir; do gabháil na h-abhonn frisna h-echtrannu iartain, uair robo coscar ádhbul leis da fhuirghedh se Césair cidh, re h-edh énláe.

Intan iarum ro thenc Cesair in comtriall sin ina aghaidh is ed atbert: IS mor in docenélaighi do gníat lucht in tíre rinn, ar sé: ni lór léo a cathracha &ersir; a caisléin do gabhail frind no co fileat ic tairmisc na sligeadh coitcindi umunn.

Ocus ro fhaidh a marcachu roime iarsin do tarrachtain in droichit cen díscáiledh &ersir; ro fhaidh a traighthechu ina n- deghaidh amail is déne do fhétadar. Ro lacsat na marcaigh a n-aradhna da n-echaibh oc díanascnam in mhuighi, &ersir; ní búi a samail acht amail tísad casairneach &ersir; slogh síne tarsin magh re déne &ersir; re tennesnaighi, &ersir; re dlús &ersir; re forleth ro cingset docum in droichit.

INtan iarum rancadar bord in t-srotha, ro laiset frais fuiligh fírgarbh do shleghaibh slemna slíptha slisgéra &ersir; do shaighdibh a fidhbacaibh rompu tar in sruth anunn, cor' tuitset i cennaibh &ersir; i cathbharraibh, i corpaib &ersir; i cathscíathaibh, i n-ochtaibh &ersir; i n-urbruinnibh a námhat, feibh is dlúite ro taitset braenghal fherthana forro, &ersir; bátar and co torracht Césair i cenn in droichit cucu, &ersir; nír' ansat ris eter ó do ríacht, acht ro teich Dómit cona muintir cor' dúnsat doirsi a cathrach da n- éis. Tainic Césair cona slóghaibh tar in sruth anunn, &ersir; ro gabhsat for toghail na cathrach fochétóir. Intan iarum rangadur lucht na toghla cusna múraibh medhonacha itcíat na doirsi ic á n-oslucud &ersir; slóigh in bhaile ina m-buidhnibh ina n-dóchum, &ersir; a tigerna féin Dómit i l-laim léo do Cesair, air is é ro aslaigh forro frithbert ris &ersir; comérgi ina aghaidh. Deisidh iarum Dómit i fiadhnaisi Cesair, &ersir; ba ferr leis bas d'imbert air inás beith ina bethaidh, &ersir; is ed búi oc iarraid a marbhtha ar in rígh. Nató, ar Cesair, acht beir buidhe do bethad frim-sa don cur-sa. Érigh imshlan amail tangais, bess budh móide bás tairisi lé cach misi dot lecon-sa slán. Cidh edh bás láinn let athgniomhugudh catha im cenn-sa arís, is tol dam-sa a denam duit. Do biur-sa mo breithir fírinne fris, madh tusa bus tren, nach cuinnéoch-sa comain in lóghaidh so fort arís.

Ro legead Dómit asa láim iarsin, &ersir; do gabh Césair in cathair, &ersir; ro bí inti in aidhchi sin.

Poimp Maighe, immorro, ní fhidir sin Domit do gabhail, &ersir; is ed ba menmarc acco, foirithin sluoigh do cur ina dóchum 'arna márach, &ersir; ro gabh immorro for acallaim &ersir; for nertadh a slóigh docum in catha in aidhci sin, &ersir; is ed ro ráidh ríu, ro bo cóir doibh calma do dénam ina n-atharda féin fri Frangcaib &ersir; fri Lochlannaib &ersir; frisin m- brédaigh sloigh echtrann tarrustair i farrad Césair. Ocus itbert fos cor' córu doibh-sium maith do dénam inás do muinntir Cesair, ar is iat búi for fírinni, &ersir; in lucht ele for góe, &ersir; dano rob ferr a tigerna ina Césair, &ersir; is mó do chonách fuair co n-icce sin. Ocus ro ráidh fós nar'bó adhbar médaighthi menman do Césair in senadh do fácbhail na Rómha leis, ar ní h-ar a omhan-sam ro fhacsat h-í, acht ar gradh a tigerna feín, &ersir; bá lainn léo a lonmhain cé bé conair do dechad rompu, ar ba maith a comain forra ac tidhlucud séd &ersir; mhain dóibh, &ersir; didu nír' fácaibh isin doman cinedh na tuc fo cánachus odá cricha in fhuardha atuaidh co cathraigh Siene fodes. Is inti sidhe nách cuir in grian nach foscadh cuirp fotuaidh na fódhes, acht a taispénad ós cleithi na cathrach. Ocus ro ráidh didu nár' fácaibh adhbar catha do Césair, do ciniudhaib in domuin acht mini dernad cath fri Rómhánach féin, amal do róine intan sin.

Ro gab Poimp oc gresacht a muinteri fón samla sin. Na sloigh immorro, ni tucsat nach n-gair da forgell a n- débhairt, &ersir; ní ro métaigh nech díbh leisin aithesc ro ráidh, &ersir; ní ro gellsat ris maith na saith do dénam, ar ro lín omhan &ersir; imecla Césair iat ré scélaib do cloistecht nama S.

O ro airigh iarum Poimp a n-imecla mor sin for a shlóghaibh ro atharraigh longphort &ersir; tainig roime tar bruighibh nan Apulda cosin cathraigh dianadh ainm Brundusium. Cathair í sein ro cumdaighedh la Teis mac Éig maic Neptúin, ar taidhecht dó ó inis Creit 'ar marbad in Minádúir inti. Ocus is ann ro boi in cathair sin i n-imiul tuaiscertach na h-Etáile .i. rinn ger fil asind Etáile imach for in muir n-Atriatecda, &ersir; da benn cumga do thír isin rinn sin h- imach fós, &ersir; congbat bloigh moir don muir etarru. Slíabh cairrcidhe acarbh do cech leith dibh: inis clochach aimréidh ina n- ircomhair forsin muir airm i comraicit a cinn docum araile. Slighe cumang do longaibh etir in dana bernuidh sin &ersir; in innsi i crislach in mara moir imach.

Ro gab Poimp sosadh &ersir; longphort icon cathraigh sin &ersir; a longa fora n-ancairib isin cuan ina fiadhnaisi, &ersir; is í comairle do róine annsin, ín mac ro bo sine da cloind .i. Poimp Séxtus &ersir; maithi a munteri do chur uad i n-airthiur in domain do thinól a sloigh &ersir; a sochraid ina dócum do fhrestal in catha. Ocus tucad iarum a mac dá shaighidh, &ersir; ro raidh fris: Dó duit, a maic, ar sé, &ersir; tinóil mo sloígh im dóchum, &ersir; tabhair let na poipliu attrebhait im sruth n-Eofrait &ersir; im sruth Nil, &ersir; tabair let na Cilecda &ersir; lucht na h-Éghepti, &ersir; tabhair let poipliu na Pointi &ersir; na h-Armeni &ersir; tabhair let tuatha sléibhe Rifi &ersir; lucht na Sceitia, &ersir; cá dú da n-airemh, ar sé, acht roithid do shaighthin cecha popail isin oirrthiur dá rucus buaidh &ersir; coscar &ersir; ar a fhuil smacht mo ríghi, &ersir; tairset uile let um dócum.

Tucaid a mhair &ersir; a urrigh dano da saighidh, &ersir; atbert friu: Dó duibh, ar se, co h-inis Eper &ersir; í crichaib Greg &ersir; Macidonda &ersir; tinóilid a slóghu &ersir; a socraidi libh im dail-si céin bem a sidh &ersir; a n-uainges fria ré in gemhridh, ar dar lium-sa ní bía Cesair a comthriall cogaidh arís co h-aimsir t-shamraid &ersir; sosini.

Ocus do rónsat iarum in drong sin amail ro forcongradh forra. Ro scáilset &ersir; ro taithmhighset a longa cromcenna cocuasta ón traigh, &ersir; ro gabhsat for a sét mór muiridhe dochum na crích &ersir; na cennadhach cosar' fhaeidit iat.

Cesair immorro, ro gabh sin cricha &ersir; cathracha &ersir; caisléin na h-Etáile roime cech conair rainic, &ersir; rob urlum leis gabháil na Romha acht co roised dá saighidh, &ersir; ro bo lór do conách &ersir; do coscur la cech righ ele isin doman sin Mad Césair immorro, nír bo coscur leis ní da n-gebha da m-beith fordail na frithbert fris.

IS aire sin iarum tainic fochétóir for lorg &ersir; for slicht Poimp dá dichur asind Etail, ar cia tharrustair in tír uile ina urrlaim intan so ba crádh craidhe leis Poimp do beith a n-imell do h-imlibh na sa traigh da traghannaibh. Ocus nír'bó ail leis esrais eludha d'fhághbáil da longaibh docum in mara moir asin cuan cumang i rabadar, conidh h-í comairle forsa tarrla, clocha &ersir; cairrgi na sliabh comfogus do tarmimchur leis, &ersir; a cur uile isin m-bráighit cumaing bui eiter in cuan &ersir; in fairrgi moir, ar na faghbaidís longa Poimp cai na conair éludha docum in mara. Ocus bá dímhain dítharbhach in saethar sin cena, uair mar nách faicenn nech cleithe na uruachtur sleibhe Erix na sleibhe Gauir da sluicti i fúdomain mara Íoin nó mara Eicc, is amhlaid sin nach facthus &ersir; nach frith tarbha cloiche nó cairrgi dibh dar' laeiset muinter Cesair isin muir iarna m-bathadh uile i fúdomhain &ersir; i fírichtur inn aigeoin adhbhuil fírdomain ir' cuirit íad.

O 'tcondairc Cesair in mórsaethar sin do dul do dímhain, is í comairle do roine, eocraind dermára na fidhbadh badar comnesa do do teclaim leis, &ersir; a cengal &ersir; a comacumal dá ceile, co n-derna droichet &ersir; clíatha dermhára díbh &ersir; rathanna romora tarsin cuan cétna, co ticdís na catha coirighthi ina reimim imtechta cen anadh cen tairisium ón bruach có araile de. Do róine fós túra trebhardaingne &ersir; airdgnima caelaigh &ersir; taibhledha imgona ós na rathannaibh sin fós ic frestal imairic imdibhraici díbh re foirnibh na long. Ocus ní búi samhail dona h-urtriallaibh sin acht in corugud do rónadh la Xerxes, la rígh in domain ó na h-Asardaibh fecht n-aill.

Da ní nemgnáthacha do rónta leis-sin .i. a longa ic seóladh for tír &ersir; a marcshlogh oc imthecht for muir. Ocus is amlaid do rónadh na neithe &ersir; na gnímha mora sin leis .i. feoin &ersir; luthi uretroma do innell fó na longaibh co rabhadur ar fut shléibhe Athoin, &ersir; do rónadh clárdroichet comfuaighti for sin muir leis, óda inis Seston i crichaib Eorpa co h-inis Abido a n-airiur na h-Asia, co m-bitis a marcslógh ic imrum in mara forsin droichet sin. Ba h-amlaid sin iarum búi in droichet do rónadh la Césair intan sin.

Ó thairnic immorro in saethar sin leis ro fhaéi in aidhchi sin for brú in cuain. Poimp immorro, o 'tcondaic side in cuan do gabháil fair, ro gabh co snimach toirrsech ic a scrutain ina menmain cinnus do beradh a longa &ersir; a slóghu leis asin cuan cumang i rabhadur. IS i iarum comairli ro cind .i. na longa budh éolchu &ersir; budh daingne acco, &ersir; is mé do gnáthaighidís muir do chur a tus t-shligedh roime docum in droichit, &ersir; có n-dernadís slighidh dóibh féin &ersir; dona longaibh ele trit cen airiugud, cen forclúinsin do muintir Césair.

O ro scáiledh in droichet, tainic deredh aidhchi fáe sin, &ersir; atracht Poimp &ersir; ro forcongair ar a muintir imtecht &ersir; a longa do téltogh léo asin cuan, co tai tostadhach taethenach, &ersir; cen seinm stuic &ersir; cen gáir comairc, &ersir; cen duine do labradh ré céle co ristis 'sa muir moir.

Tancadur iarum docum na long, &ersir; gerbmór a saethar ic impódh a n-angcairedh, &ersir; ic tocbail a seolcrand,, &ersir; ic tarraing a téd ac cur a lestur ó tír, ní clos guth na gáir na gresacht uatha. Ocus ro gabh Poimp ic edarguidhe na n-déi n-adartha cur' léiccedh dó an Étáil do facbháil ó nar' leíccedh dó beith innti. Ocus atracht ascal mór &ersir; fodhord dermair isin muir iarsin, co clos fona crichaib comfoicsibh slisbualad &ersir; comtuairgnech na tonn tulgorm re slesaibh &ersir; re h-ochtaibh &ersir; re bruinnibh long luchtmur &ersir; libharn lebhargorm na loingsi lánmoire ic ascnam in mara.

Tancadar lucht cathrach Brunnuis iarum &ersir; drechta móra do míledhaibh Cesair faru docum in tragha lesin n-geóin sin. Ocus itcondcadar a cobhlach uatha h-imach, &ersir; tancadar ar tír laim riu co rancadur braighid cumaing in cuain, &ersir; intan tancadar na longa a comfhocus do tír ac in braighid sin, ro shínset muinter Césair corrána iarnaidhi uatha forsin loingis, co ro fhastadair dá luing dibh, &ersir; ro marbhsat fochétoír foirenn na long sin, &ersir; ro tairngit na longa fein léo for tir. Ocus do dechaid dobhursoillsi na maidne muiche fáesin, &ersir; ba mór in fháilti le Césair a tarla dó annsin .i. fordergad for muintir Poimp in cédfecht imárainic atturru, &ersir; ba mór a athméla leis a techt cen fis dó asin cumang i rabhadar.

O do rala coir na gaeithe dochum in cobhlaig sin Poimp do ascnádar na bárca bronnfairsinga i craescrislach in mara moir, &ersir; ro gabsat lucht na loingsi for tencaisin na h-aibheisi eocharguirme &ersir; in ruadhbuinne robhurta &ersir; cnocthonn cithanfthinech mara Ioin do cech aird umpu, acht Poimp a aenar, uair mad e side nír' toirnd a rosc ic féghadh na h-Etáile airet co facaidh cnoc da cnocaibh no sliab da sléibhtibh.

O ro fholchait árdslébe na h-Etáile forsin airdríg, atrochair a shuantoirrthim codluta i l-lipting a luinge fair. Tárfás fís imeclach uathfásach dó annsin ina codlad .i. in ardríghan ro bo marbh uadha féin .i. Iulia ingen Césair, do érghi asa h-adhnucul ina fhíadhnaisi adar leis, &ersir; is ed asbert fris: A grianbroghaibh ifirn tanac-sa dot agallaim-siu, ar sí, &ersir; do fhaisnés scel duit.

Innis iarum, ar Poimp.

Is etromugud pían lé fuil i n-ifrinn uile, ar sí, in cath cuiri-siu &ersir; Cesair, ar comroinnfit iarum in drem ro so uaibh-si i n-ifrinn uile a piana ré fuil ann. Atáthur ac cur long &ersir; lestur a purt imurchuir srotha Stix .i. ic Carón i frestal in catha cetna, ar ní rainic a h-aencath riam dá fis comlín a ría uaibh-si don chur sa. Bá mor ámh do conách-sa, a Poimp, ar sí, a cén fá bancéile misi duit, &ersir; ro prap tucais mnai ele im lepaidh-si. Is fó lem-sa sin cena, doigh ó cuirfither in cath sa do ragha-sa dum shaighidh- se &ersir; bemait cen deghail dogrés 'ársin.

Lá sodhain diusces Poimp asa codlud, &ersir; ba h-adhuáth mór leis in fís itcondaic. Araisin do roine brígh m-beic di, &ersir; ní ro thairmísc ime in comtriall búi roimhe ina menmain. Ocus tainic fordorcha na h-aidhchi &ersir; diredh lái fáesin, &ersir; ro gabhsat cnaturbarca in cobhlaigh cuan &ersir; caladhport i crichaib na Gregi.

Cesair immorro, o ro folaigh in muinchinn muiridhi in cobhlach air, &ersir; ó tarrustair a aenur isin Etáil, ro gabh ac gerán &ersir; ac acaíne móir ar a doilgi leis can slan a menman do tharrachtain for a naimdibh. Araísin ro leicc reithine ina aicned, &ersir; búi ac a túr &ersir; ac a scrúdan ca h-acfaing loin nó gébhadh dona slóghaibh imdha batar faris. Ocus ro fhaidh uadha túisech da túisechaib, &ersir; Curio a ainm, &ersir; léghión do míledaibh faris d'iarraid loin sair co h-inis Sicil, &ersir; tainic fein fa cosmailes sídha &ersir; caincomraic docum na Rómha remhe, &ersir; a dirmadha slóigh &ersir; socraide co deaith nemsnimach ina farradh, cen frestal airm na mergedh, &ersir; cen airmeirt debtha na imairic acco. Ocus ba h-omhan imecla batar lucht cathrach &ersir; caislén na h-Etáile ic á fethemh, &ersir; nír'bó láinne leisium cena a n- gradh aicce inás a fuath &ersir; inás a oman orra amlaid sin.

IS í so slige ro cinn Césair don Roim, do cathraigh Angsúri &ersir; seoch in fidh mór i m-búi tempull Déain i frithsét na slighed forsa tíaghar o Roim co h-Alba Longa. Ocus ro gabh iarsin ic fechsin na Rómha uadha do mullach cairrgi móire búi ós cinn na cathrach. Ba lainn lé Césair annsin, ar ní fhaca som h-í fria ré .x. m-bliadan roime. IS olc ro fácsat do maithi tú, a Romh, ar se Césair; ca cathair isin doman budh coir do cosnam intan na tibirthi cath icat cosnam- su. Bennacht for na déibh fodera nach iat do bidhbaid bunaidh tancadur dot cosnam frisin lucht ro fhácaibh tú amhlaid sin. Maith a n-dernaidh in toice frit, do muinter féin cugut dá n-eis.

Tainic Cesair isin cathraigh 'arsin, &ersir; ro gabh omhun mor lucht na Rómha roimhe, uair dar léo do génadh cech olc ro fhétfad innti, &ersir; dar léo is tre smúitcéo díadh &ersir; tre corrthair lasrach no láefedh in cathraigh uile. Ocus ní h-edh sin do roine- sium cena, acht bá nairidhi leis na lé lucht na Rómha fein in bidgad ecla ro lín íat i fhiadhnaisi na cinedh n-echtrann bátar maille fris.

Ro gabh Cesair fein in lá sin cech ceim cádhusach &ersir; gach gradh anórach búi isin Roimh uile, ótá ceim dictatorachta co deochain &ersir; ó deocháin co decan, ar do cuádar lucht na ceimenn sin uile le Poimp, &ersir; nír' ordaigh-sium nech ele a ceim díbh sin acht sé féin. Ocus tainicc iarsin docum ind innimthighi a raibhi innmus na Rómhánach, &ersir; ro h- oslaiced leis h-é, &ersir; do radadh a uile innmhusa as tar sárugud Metill, trebhonn do Romhánchaibh. Ocus ba h-ádhbul a mét a tucad leó as annsin. Mór m-bliadan remi ro bás ic á tinól, mór do chuachaibh &ersir; do cornaibh &ersir; do copánaibh tucad as, mor do cloidhmibh &ersir; do cathbharraibh tucad as, mor do sleghaibh nemi &ersir; do sciathaibh scellbolgachaibh, mor do tinnidhibh óir deirg &ersir; d'airget &ersir; d'fhinndruine do radadh as, mor do cristall &ersir; do criadhumha &ersir; do legaibh lóghmura do radadh as.

Cidh fil ann tra acht do radad asin innimthigh in lá sin le Césair aneoch d'innmus do bertsat na Rómhánaig ó Anibhal Affracdha &ersir; ó Pilip Gregach &ersir; ó Pirr ó ríg na Eperdha, &ersir; ó Medhaibh &ersir; ó Persaibh, &ersir; ó poplaibh na h-Aisia &ersir; ó inis Créit &ersir; a h-inis Cipeir. Ocus do rat Cesair in t-innmus sin uile i rathaibh rígh &ersir; i tidlaicibh &ersir; tuarustolaibh &ersir; alón slighedh dá amhsaibh &ersir; dá míledaibh &ersir; do maithibh a sluaigh aircena.

 Tóchestul sluaigh Poimp annso sís.

IN n-airet tra bui Cesair ic gleod na caingean sin isin Roim ro teclammait &ersir; ro tinoilit a sloigh &ersir; a sochraidi catha docum Poimp as cech crich &ersir; as cech cathraigh &ersir; as cech cennadhaigh isin doman forsa tarrustair a chain &ersir; a smacht &ersir; a forcongra &ersir; a recht rígh. Sochaide tra tainic isin tinól sin docum in ardrígh .i. Poimp.

Tancadar ann cinedha na Gréigi búi 'na comfocus fóchétoir.

Tancadar ann atrebthaidi Phocis &ersir; Ampisia.

Tancadar ann attrebthaidi Cirra &ersir; Nisse, da cathraigh Sléibhi Parnais.

Tancadar ann cineda tíri Boetie.

Tancadar ann aitrebthaidi srotha Cepeis &ersir; srotha Dirce.

Tancadar ann cineda innsi Pise.

Tancadar ann na cineda atrebait im sruth Ailp.

Tancadar ann cineda na n-Arcadecdha &ersir; na Tracinda.

Tancadar ann cineda na Tresportecdha &ersir; na Dríopecdae.

Tancadar ann aitrebthaidi cathrach Sealla.

Tancadar ann milidh toghaidhe na h-Athaene.

Tancadar ann fairni long a cathraigh Salamina a crich Eghipte.

Tancadar ann cineda cétacha indsi Créit.

Tancadar ann atrebthaidi innsi Corthína.

Tancadar ann atrebthaidi cathrach Oricon.

Tancadar ann cineda na n-Atamdha &ersir; na n-Encolda.

Tancadar ann cineda indsi Colcisi.

Tancadar ann atrebthaidi srotha Absirt &ersir; srotha Pén.

Tancadar ann na Tesálda &ersir; na Hémonda.

Tancadar ann cineda Polloe &ersir; Conóe.

Tancadar ann atrebthaidi srotha Strímoin &ersir; srotha Peucen.

Tancadar ann cineda na h-Idáile &ersir; na h-Arispe.

Tancadar ann cineda sléibhe Pithane &ersir; srotha Mairs.

Tancadar ann cineda srotha Pactolóin &ersir; srotha Herm &ersir; gainem ordha uile fogabhur isin t-sruth sin.

Tancadar ann cineda na Frigia &ersir; tíri na Troe.

Tancadar ann cineda na Siria &ersir; srotha Oroint.

Tancadar ann atrebthaidi cathrach Minnos &ersir; cathrach Damuisc.

Tancadar ann atrebthaidi indsi Gaza &ersir; indsi Idim.

Tancadar ann na Tirecda &ersir; atrebthaidi cathrach Sidóin.

Tancadar ann atrebthaidi Penicie, &ersir; is accu sidhe ro h-airicit litri artus.

Tancadar ann atrebthaidi cathrach Tairs &ersir; sléibhe Tauir.

Tancadar ann cineda na h-Antuaighe &ersir; cathrach Ége.

Tancadar ann na Silécdha.

Tancadar ann cineda airtheracha in domuin uile.

Tancadar ann atrebthaidi na h-Innia &ersir; srotha Gaing.

Tancadar ann popoil na m-Braghmanda. Is iat sin tíaghait da n-deóin féin isna tentibh da loscud in uair tic senórdhacht cucu.

Tancadar ann atrebthaidi na Capodóci &ersir; na h-Arméine.

Tancadar ann cineda callidi na Coatrecdha.

Tancadar ann popail tiri Arabie. Ba machtnugud mór léo sin foscaigthe na crann do chur fó thuaid don gréin daigh is fodhes cuires acco-sam.

Tancadar ann na h-Oirestecdha &ersir; na Carmanda. Ata da faide fodhes ítat-sen na faicet acht blogh becc don t-shechtarrét tre bithu.

Tancadar ann na h-Etiobgha &ersir; atrebthaidi in tíri asa tebrenn sruth n-Eoffraic &ersir; sruth Tigir a h-entobur.

Ní tancadar tra na Partecdha isin tinol sin, uair nír' míadh léo cungnam lá Rómánacha, o ro marbhsat in tres taisech is ferr do bí isin Roim .i. Marcus Crasus.

Tancadar ann popuil na Sceithia &ersir; na Lacdemoni.

Tancadar ann cineda na n-Ircanda &ersir; na n-Eniocecdha &ersir; na Sarmata.

Tancadar ann atrebthaidi sléibhe Rífi &ersir; atrebthaidi srotha Tanais i coicrich Eorpa &ersir; Aissia.

Tancadar ann lucht innsi na Colach &ersir; atrebthaidi srotha Alis.

Tancadar ann na cineda aitrebat ic na Gaetlaighib Meotonda.

Tancadar ann na cineda atrebat i comfhocraibh coloman Alexandair Moir i n-imell airtherach in domain.

Tancadar ann na Sidonda &ersir; cineda Arimasbe.

Tancadar ann cineda na n-Áiret &ersir; na Marsagetecdha.

Tancadar ann cineda na n-Gelonna ón fhuarda atuaidh.

Tancadar ann uile cinedhaigh na n-Affracdha o poplibh na Mureta iar n-iarthur co crichaibh na h-Eghipte iar n- airthiur.

Cidh fil ann tra acht cidh mór do slóghaibh ro tinóiled la Cir mac Dair oc rig na Pers do gabháil in domain léo, nó ic Xerxes oc ríg na n-Asardha, nó ic Aghmemnón Mor mac Adir, ic ríg Grég, oc techt do toghail Trae, nó ac cech ríg ele icár' tinóiledh morsluag riam, ni ro tinoilead in comlín sin do cinedhaibh in domain lé rígh ele díbh, &ersir; ní frith ic sen nó ic senchaid na ic columhain criadh ná a liubhur annálta in comhlín sin do cinedhaibh &ersir; do ríghaib do timorcon d'énríg ac frestal éncatha riam, &ersir; ni raibhi i n-énlongphort isin domhan ríam in brechtardeliugud ro bui isin longphort sin Poimp do shaine gloir &ersir; gotha &ersir; gnímha, do shaini gnáthaighi &ersir; bés &ersir; berla, do shaine ergna &ersir; aigenta &ersir; inntlechta, do shaine cuma &ersir; céme &ersir; comairci &ersir; do shaine airm &ersir; erraidh &ersir; écoisc, do shaine athurrdha &ersir; crich &ersir; cenél.

Bá mór in toice do Poimp in t-imad slóigh dí-airmithi sin d'fhaghbháil i cenn catha leis, &ersir; nír'bo lugha in toice do Césair a fhaghbhail uile i n- éninadh for lár énmuighi na Tesáile dá clódh &ersir; do breith coscair díbh uile i n-énló inás budh écin dul do saighidh cecha cinedhaigh díbh ina crich n-dílis fein.

Tóchestal slóigh Poimp co n-ice sin.

 Toghail cathrach na Masilecdha annso sís.

O ro siacht tra la Césair gleod cecha lesa budh adhlaic dó isin Roimh amail fá lor leis, tuc a dírma sloigh leis asin cathraigh immach do tairmcéimniugud tar senbennaibh sneachtaidhibh Sléibho Elpa síar docum na h- Espaine cech nh-díruch. IS é adhbar imma n-dechaid in réim sin: da urrigh do muintir Poimp bádar ina h- urrlámhus, &ersir; dréchta dérmára d'óccaibh na Rómhánach ina fharradh: Petrin &ersir; Aiffrin a n-anmann, &ersir; is ed ba menmarc leis-sium a n-díchor asin Espain uile muna gialldais dó.

Cech cathair &ersir; cech caislén seoch a ticedh ar fut na h-Etáile nó idhnaictís do-sum geill &ersir; eteri ar a omhan &ersir; ar a imecla, no co rainic cathraigh na Masilecdha i forbha &ersir; i n-imell in tíri. Do Grégaibh do bunadh lucht na cathrach sin, Poicis ainm a cathrach cén do bátar isin Gréic, &ersir; ro toghladh in cathair sin forra, &ersir; do dechatar isin Étáil iarsin, co ro cumdaighedh cathair leo inti a n-imell in tíre for ur in mara, Masilia a h-ainm.

Ro búi snaidm caradraidh atarru &ersir; Poimp cona tréiccfedh nech a chéile díbh airet nó mairdís. Maith tra ro congbudh uatha sum in caradradh sin, uair cía rainic Césair cona slóghaibh ina n-dócum ní ro lensat do mícomhull na do cédludh a ceneóil Grecdha, &ersir; ní moidi ro impódar ar Poimp.

IS í comairle do rónsat iarum, techta do chur uatha docum Cesair, &ersir; gésca pailme do breith cuigi i comartha sídha, dá fhis in fetfaidís tré ceilg na tré caencomhrádh bruth a fheirgi &ersir; a aicenta do toirnem &ersir; a n- étlódh cen giall dó.

Tancadur tra na techta sin co n-desedar for inchaibh Césair, &ersir; is ed ro ráidhset ris: A Césair, ar siat,is ed fogébhthar in bhur lebhraibh airissen &ersir; annálta fein lucht na cathrach so do coméirghi libh docum cecha cinedha eireochus inbhor n-aghaidh isin domhan; &ersir; is ed sin ro maidhsem dúinn cosaniu, &ersir; ní congnamh libh ac denam cocaidh inmedhónaigh atraibh féin.

Ar t' fhírinni riut-sa, na furáil tré écin orainne inní náro gnáthaighebhair dúinn cosaníu, uair atá do lór slóigh acut inar n-écmais-ne, &ersir; nocha n-inann indtinn ata ocoinde immon cath catharda &ersir; ac cinedhaibh aili in domain uile. Ni bu sirsan on cena, uair dámadh inand duthracht dúinn ní cuirfithe dogrés in cath cathordha.

IS í so ar toisc-ne cucut, mása sídh no caencomrac is toil let do dhénum, fácaibh do shlóigh ina longphort annso, &ersir; tair féin linne co n-derntur do frestal &ersir; do frithólum acoinne; &ersir; intan do ragha Poimp ticfa chucaind fon innus cétna, &ersir; léicc in cathraigh ina h-istudh coitchenn atraibh fon samhla sin.

Más é airrdercugud fillet tocht a crichaib Espaine, ní h-ardaigh dáine mar sinne is cubaidh duit do slóighedh do tairmesc. Ni h-ór na h-airget na h-innmus ata acoinn-e annso, &ersir; ní soraidh dúinn féin imairic catha do gnim. Ocus is misti dontí leis a ragham i cenn catha, uair budh air bus ráen da m-bem-ne maille fris, &ersir; ní fhuil maith isin domhan acoind acht comull caradraidh amáin.

Aráe sin, mas ed is cinnti let-sa ar n- gabháil-ne ar écin, &ersir; dul for ar múraibh, &ersir; doirsi ar cathrach do brisedh, is nempoindighi deit a triall, uair cía do loiscthi ar tighi foraind-e, &ersir; cía ro soisedh dún beith ic sugud na criadh &ersir; ic ól ar fhola féin lé tart &ersir; lé h- ítaid, &ersir; ic tomhailt ar cloinde &ersir; ar m-bancéile lé gorta, is tuscu ro fhaemomais-ne sin inás do ficfámais tar in m-breithir do rat-sum re Poimp, &ersir; do bermais gialla ar écin duit.

Ocus ro érigh ruithengris ádhbul &ersir; ruamnadh romór a n-gnúis &ersir; a n-aigid Césair d'fhiuchudh na feirgi fírgairbhi atracht ina mhenmain don aithesc sin ro ráidhset na Masilecda fris.

IS ed isbert iarum:Is dimain dona deóradhaibh Grecdha, ar sé, inní do beir bréic umpo, ar cía beith tinndeithnes orum-sa docum na h-Espaine ní h-uatha sumh rachad no co toghlur a cathair forra. IS coir dáibh-si chena, a degmuinter, ar sé Césair ré sloghaibh, deghmenma do denamh don turchairthe catha so do rat for conach féin ar sligid díbh. Uair amail tostas &ersir; taethmaighes a h-aenur in gáeth gailbhech mona fhaghbha friththairisem fría, &ersir; amail téid bruth na tente romór ar cúl mina fhaghbhuid ní cnaighid nó loiscid, is fon samla, sin cena téid gal &ersir; gaisced na laech &ersir; na lath n-gaile ré lár mina fhaghbhuid naimdiu nó bidhbhadhu do frithtairisiumh friu i ré catha nó imairic.

Ro bo éidigh dam-sa, ar sé,inni aderaid rium do dénam, mo shlóigh d'fácbháil &ersir; techt am aenur ina cathraigh, &ersir; inní ara táit inggabhail is ed do gebhait .i. cath. Do bert-sa mo breithir rígh fris na dedhelum don cur-sa comba derbh &ersir; combá demhin léo nach fuili n-énaimsir frium-sa rí na taisech is ferr conách catha ina mé.

Tancadar na techta da tigh lesin athesc sin. Césair immorro ro impó side a slóghu don t- sét sliged ar a rabhadur, &ersir; do taet cum cathrach na Masilecdha. Cidh íat son didu, nír'som omhnach imeclach, &ersir; nír'sam cennais cairdemhail, &ersir; nír'som mín muinterdha in imbeirt do rónsat ic frestul na slógh. Nir'bó frestal carat for carait, nó muinteri for tigerna sin, acht frestal námhat for námhait &ersir; bidhbad for bidhbadaibh in frestal &ersir; in frithólum do bertsat forra. Ro dúnait &ersir; ro dlúthdaingnighit doirsi na cathrach leó do sonnaibh &ersir; do sabhthaibh, do genntibh &ersir; do glasaibh &ersir; do thédaibh &ersir; réfedhaibh &ersir; re slabradhaibh, cona raibhe isin múr uile inadh budh daingne ná budh díthoghlaidhi inás. Ro línaid acco a n-istudha debhtha &ersir; a tuir trebhurdaingne do laighnibh lethanglasaibh &ersir; do sleghaibh slinngeraibh &ersir; do shaighdibh finna forórdha &ersir; do corránaibh áithibh iarnaidhibh &ersir; do clochaib tulamais &ersir; do chairrgibh cenngarbha.

Atracht a n-glasláith &ersir; a n-aes óccbhaidh 'na n-drongaibh &ersir; 'na n-dírmadhaibh for taibhledhaibh an bhaile, co n-dernsat fál catha &ersir; coroin a dlúith díthoghlaidhi díbh, uillind fria uillind &ersir; dóid fria doíd &ersir; gualaind fria gualaind immórtimcell in múir. Ocus ro tocbad scellbolg do scíathaib órcobhradchaibh áille forra co m-benadh bile in scéith fria araile dibh ina n-imtachmung, cor'ba lór d'áibhnes a thaidhbred intan sin beith ac á féchain re h-áengile in mhúir aelta iar n-íchtur &ersir; lé h-ilbrectradh n-dath n- éxamail na cathsciath cumdachta iar medhón, &ersir; le ruidhedh gnúissi na míled &ersir; le taidligh na cathbarr ós biledhaibh na scíath iar n- uachtur.

O 'tcondairc Césair íat fón n-innell sin, is ed do róine, sosadh &ersir; longphort do gabháil i tulaigh aird dobí i comfhocus don baile, &ersir; fosudhmagh comlán ina mullach uile, &ersir; tulach ele ba comard riasin issin leith ba nesa dóibh don cathraigh. Ocus is ed ba menmarc le Cesair, comlínadh criadh &ersir; fót do tabhairt iter in da tulaig sin co roistís a shloigh leis isin cathraigh tara múraibh anund. Arái ní h-edh sin do roine, acht ó tairnic leis ordugud a longphuirt, &ersir; ó ro toccbaid a pupla &ersir; do rónadh botha leis na slóghaibh do rónta clais dermair leis í n-imthachmung na cathrach don leith ó tír dí cor' gabh in clais sin ó imell an longphuirt co caladh in mara sís, &ersir; ro léiccedh tobair &ersir; fhuarána &ersir; srotha fíruisci in muighi uile isin clasaigh sin leis, co snigdis uile seoch in cathraigh isin muir co na faghbaidis lucht na cathrach díl a tarta no a n- ítad d'uisci, &ersir; cidh teichedh do thísadh fútha cona fédfadis techt conair ele acht a cenn in longphuirt. Ocus do rónta da dúncladh dímóra leis ré dá taebh na clasach on longport co muir. Ocus ro tócbuid tuir &ersir; cnuic debhtha aige do criaidh &ersir; d'fódaibh ós airenach na cladh sin co m-bidís na slóigh ic glíadh &ersir; ic imdíbhrucud díbh for lucht na cathrach.

Cinco dernadais na Masilecdha do maith ríamh acht saethur a commór sin d'furáilemh ar muintir Césair ba lór do tócbhail a clú &ersir; a n-oirdercais co bruinni m-brata, uair ní raibhe imfuirech ic lucht éncathrach isin Etail uile im gialladh do Césair acht occo a n- aenur.

IS í airmeirt ar a tarla Cesair, lúthech catha do dénam aigi do díscailedh na múr &ersir; do dul ar in cathraigh ass. Ros-faidh iarum a slóghu fóna fedhaibh &ersir; fona cailltibh bádar i comfoicsi dóibh do buain adhbair na lúthighi catha sin do caelach &ersir; do clárach &ersir; do sonnaibh &ersir; do sabtaibh &ersir; do shailghibh. Ocus ro trascradh na caillti léo, &ersir; ro cuirit a n-eocrainn dermára for lár, &ersir; ro tarrngid &ersir; ro tairbhirid for righthibh laech &ersir; for guaillibh míledh &ersir; a nertaibh damh &ersir; assan docum in longphuirt.

Ocus nír'bó lór lé Césair fós a tucsat léo, &ersir; tarrustair fidhnemhedh dlúith dorcha i farrad in longphuirt ina fhiadhnaisi, &ersir; ní lamhadh nech a tadhall, na crann da crandaibh do buain, fábithin ba fidhnemhedh coisrectha dona déibh adhurtha o thus in domain h-é, &ersir; ba h- ádhbhul a adhuath &ersir; a urgráin. Dath fola doendai for cech n-aen crann ann. Ní lamhadh én na h-ethaid a aidi na adhbha do dénam i m-barr crainn da crannaibh. Ní loisced tene íat, &ersir; ní trascradh gaeth. Draigi &ersir; nathracha &ersir; ainmidhi neime in cech aird &ersir; in cech airchind de.

Ro forcongair Césair for a muintir in fidhneimedh sin do buain, uair bá gar focus dóibh é, acht cena nír' lamhsat na slóigh dul dá buain, fá dáighin do sháilsat cech béim do beradh cech fer díbh docum in crainn combad ina ballaib fein do tecémhadh.

O 'tcondairc Césair a n-ecla mór sin for a slóugh, ro gabh féin tuaigh móir ina láimh, &ersir; ro gabh for esargain na n-darach ba h-airdi leis itcondairc isin fidhnemhedh sin, &ersir; ní ro scar ría co ro chuir ina loighi for lár, &ersir; atbert iarsin: Scuchaidh fón caill, a óccu, ar sé: leicet aithber na dei form-sa minab toil léo a buain.

La sodhain atrachtadar uile lé forcongra in ardrígh, &ersir; ní dechaid omhan na n-dei chena díbh, acht ba mó ecla Cesair forra, &ersir; is lugha ro lamhsat fuirech a breithre, &ersir; ro cúiredh léo in fidhnemhedh do lathair fochétoir. Ba h-é dlús &ersir; tighi ro tuitset na crainn co tairisedh in crann i n-airdi 'arna buain dá bun ar dlús &ersir; ar imad na crann ele do cech aird futha.

Ba maith leis na Maisilecdha in gnim sin do denam lé Césair, uair dar léo no aithfidis na dei acétóir ar Césair denam in gnima sin, acht ní raibhi a snim sin fair-sium, acht co roisedh leis in ni fó dard láimh do denam.

Ro tinóiledh ina docum féin &ersir; óccdaim &ersir; assain na crich comfhocus, co ro cumscaigthi in lúithech catha sin ón longphort docum na cathrach, ar ní ro cuimgedh a dénam í comfhocus don cathraigh.

Ó thairnic leis teclaim &ersir; tinól na n-adhbar sin uile, tucad propretóir da muintir 'na dócum, Decius Brútus a ainm, &ersir; ro muin &ersir; ro tecaisc dó amail do génadh in lúithech catha, &ersir; ro forcongair fair-sem ic imshuidi na cathrach&ersir; in dá míled &ersir; tri catha déc .i. .x. cét ar .xx. cét in cech cath &ersir; ceithri léghióin do slóghaibh imaille fris, &ersir; cen dedhail ria noco ná fácbadh cloch ar cloich inti. Ocus téit féin ré toisc &ersir; re túrus a crichaib na h-Espáine cona sloghaibh leis, ar nír' míadh leis lucht aencathrach isin domhan do toirmesc a sluaigid ime.

Ocus dorónadh iarum in lúithech catha sin do cumdach ac Brútus, amail ro ordaigh Cesair, &ersir; ró timairgid a roibhi do rothaibh &ersir; do fénaibh acco a n- éninadh, &ersir; ro coraighid cláraigh &ersir; sailghi &ersir; eochrainn dermára ina srethaibh comarda forra anuas, &ersir; ro cumdaiged duma dímor do chriaidh &ersir; do fódaibh forra sin fós, &ersir; gnímh cláraigh &ersir; caelaigh do cech leth imme na ro scailedh &ersir; na ro scandradh ní ó céile dhe. Senistri imdha &ersir; doirsi debhtha fair. Inadh infhoilighthi ann fein ina medhón dona h-asanaibh &ersir; dona h-óccdamaibh no beitis ic fogluasacht na fén &ersir; na lúthighi catha batar fae, &ersir; dona míledaibh no betis acá n-gressecht. Ocus ro cumdaighset fós dá thor trebhurdaingne ósin dumha móir sin d'fhoidibh do imscainnir estib tarcenn in luchta nó bétis íar n-íchtur ann.

O 'tcondaic iarum Brutus ar tairsin in t-shaethair sin ro línadh &ersir; ro h-eagradh é do glére laech &ersir; d'óccaibh fon armgaisced, &ersir; ro h-innledh a h-assain &ersir; a h- occdaim do tarraing &ersir; d'fogluassacht na fén &ersir; na lúthighe batar fóe, &ersir; tucaid lucht a n-gresechta ina farrad, &ersir; ro greissit uile iarum i n-énshíst &ersir; i n-énfhábhall.

Lá sodhain trá do berar fogluasacht fírcalma &ersir; urrach allmarda écíallaidhe, &ersir; borbtharruing brathamail forsin lúithigh catha léo óda imellbord in longphuirt co comfocus múir na cathrach.

O 'tcondcatar na Masilecdha intshamail tulcha dermaire ic faelsnam tarsin faithche dá saighidh, &ersir; o 'tcualadar ruamghail na roth &ersir; dresernach na clíath &ersir; toranngair na clár oc á cumscugad, &ersir; fothrom na fén ica foghluasacht, &ersir; allgotha na n-anradh, &ersir; flescbemnech na slat &ersir; na n-echlasc i lámhaibh na laech ic a n-díanbrostugud &ersir; oc gresecht laighiudh na n-dam &ersir; na n-ech &ersir; na n-assán, &ersir; o 'tcualatar didu sétfedhaigh &ersir; analfadaigh na n- anmanna n-inndlighthech &ersir; comtuarcain a cos fria fosadhclár na faithche icc ascnam ina n-dóchum, ro gabh crith &ersir; omhun &ersir; imecla íat. Indar-leo fá talamcumscugud coitchenn tainic i fótaib &ersir; i fidhisibh in talman uile. Bá machtnugud &ersir; ba h-ingnad mór léo cen múr na cathrach do trascairt co lár leis.

Do ríacht immorro in lúithech catha sin i cenn na faithche &ersir; ní ro gabhadh rís nocor' suidigedh é slis re slis ré múraibh in bhaile. Bui d'imarcraidh airdi ann seach na muruibh, co m-bá sís nó thuitidis na h-airm os cinn in lochta no bídís ar na h-inadhaibh ba h-airdi ná céile ar taibhliudh in baile. Ro cathaighset tra muinter Cesair &ersir; na Masilecdha co ferdha sétrech iarsin, acht cena ba sonairti dibrucudh muinteri na Masilecdha inás díbhrucudh muinteri Cesair, ar badur fortamhlaigthi &ersir; ba cobhsaidhi na h-inadha debhtha i rabhadar, &ersir; didu batar a trelmha diubhraicthi urlumha occo d'imarcraidh fós. IN lethgóe no laitea asin trelamh díbh sin do níd sligid dé fén tresin cathcléith arm no bidh ar inchaibh muintiri Cesair. Nó mairedh a nert urchuir ann ar tolladh dheissi nó trír díbh. In cloch nó in carracc tulamais no laitea asin trelum díbh sin do múiredh triar no ceathrar roimpi feibh tísadh carracc dérmhair do mullach mórshléibhe do níth cuarcumaisc iter fheóil &ersir; cnaim do cech corp cusa roisedh.

Ó 'tcondcatar muinter Césair na frestlaidis lucht na cathrach a n-diubhrucud, do chuatar a ruadhbolgánaibh a slegh remur rodírech &ersir; i n-urdornaib a cloidhem, &ersir; ro scuchsat i comfhocus dóibh. IS amhlaidh tancatar, &ersir; coróin dlúith da scíathaibh ina timchell, &ersir; cathclíath dá n-gaeibh ós a cennaibh, &ersir; cách díb og díden araile, &ersir; inni occá m-bíadh in scíath ic diden in neich oc ná bídh. Do cuatar for dimain trelmha díbraicthi lochta na cathrach ann sin, ar ní bendais na h-urchuir re muintir Cesair iter, acht is tara n-eisi do tuitidis ara n-imfhoicsi do lucht na debhtha.

Ro scuirset na Maisilecdai iarum da trelmaib dibraicthi, &ersir; ro gabhsat for frestal a namhat do clochaib tulamais &ersir; do laighnibh lethanghlasa &ersir; dá n-doidibh &ersir; dá righthibh féin. Acht cena bá brigh bhecc le muintir Césair sin, ar ro scarsat nerta na trelumh fresna h- urchuraibh, &ersir; ro scenndis na clocha &ersir; na h-airm do cennattaibh na lúirech &ersir; do tulaibh na sciath &ersir; do círaibh na cathbharr &ersir; do taibhledhaibh in luithigh catha &ersir; dona cathclíathaib slegh, feibh ro scenndís cetha cloichshnechta do gnimaibh cloch no do cumdaighibh cláraigh.

Do ratsat araill do muintir Césair cliatha caelaigh mora ós a cennaibh &ersir; scratha fót tairsibh anechtair, &ersir; ro gabhsat for toghail in múir do réithibh toghla &ersir; do sleghaibh íarnaidhibh. Ocus ro h-adhannadh bruth &ersir; brígh i cridib na Masilecdha desin, &ersir; bá báigh brathar tairisidh do rónsat in-aigid a m- bidhbad. Atraghat a n-oenur fecht inan dóchum. scailtír &ersir; combruiter na cathcliátha sin léo do beraibh iarnaidhib &ersir; do tenntibh lethloiscthibh &ersir; do molaibh carracc n-dermair, co cuiredh ár na laechraidi batar futhu.

Scíthaightir lámha muinteri Cesair iarsin, &ersir; scuirid a cliatha catha dermára díbh, &ersir; téid a saethar i mudhu. Ocus facbhaid in cathraigh &ersir; imtighid co dubhach dobrónach docum a longphuirt. Cér'ba lór do maith lé lucht na cathrach fortus dídin a cathrach &ersir; comhéd a múr, araisin, ó 'tcondcatar in sluagh ele ic fácbhail in inaidh catha &ersir; oc saighidh a longphuirt, tancadar fochétóir asin cathraigh amach, &ersir; tucsat athennedha tenedh &ersir; lócharnda lasamhna léo, &ersir; ro adhainset tinidh in cech aird &ersir; in cech airchind don lúithigh catha, co n-dernadh aenbréo tenedh de iter clárach &ersir; caelach &ersir; cloich, &ersir; conár'bó airdi a dethach inass a lasair. Ocus ro scuapadh dono lé h-athaigh na gaéithe in lasair sin fa longphort muintiri Cesair, coro loisced blogh mor de, &ersir; ro impódar na Masilecdha co subhach somenmach docum a cathrach, &ersir; ba sámh a codladh inn aidhchi sin.

Tallsat muinter Césair a céill annsin do conach catha tíre, &ersir; is í comairle do rónsat, a toicthi mara do innsaigid &ersir; do taiscéladh dá fhis in budh ferr a conách catha long. Ro fornit iarum co dian tinnesnach a longa léo do tarrachtain do leth én muir do toghail na cathrach. Ní snimach tra ro h-ordaighedh cuma na long sin. Ni denta delbha na rinnighecht forra. Ni deligthe acht a rusclána ria fidradh, &ersir; ní búi decair na deliugud etarru &ersir; crainn na caille acht cromadh ar a cláraibh sin namá, &ersir; ba lor le muintir Cesair sin acht co m-bedis cobhsaidhi re cathugud estib.

O tairnicc cumdach in cobhlaigh romóir sin leó, ro léigit a longa occo le trethan srotha Rodain docum in mara moir, cor' gabsat port isin cuan i fiadhnuisi na cathrach in aidchi sin.

Cíar biat occbaid na Masilecdha immorro, in aidhchi sin, nir'bó tost dóibh, ar ro scibait a núalonga léo &ersir; ro trebhurdaingnighid a senlonga, &ersir; ro fornit &ersir; ro forlínaid íat do gléire gasraidh in bhaile, eter shen &ersir; ócc, co rabhatar co furnaithi urlama isin port cétna.

O tairnic dobhurshoillsi na maidne muiche 'arna márach, &ersir; o 'tcondcatar dellraid &ersir; saighnénraid na gréne glansoillsi 'na ruithnibh bristechaibh re mórtonnaibh in mhara, &ersir; ó ro chuatar cith-anfhethna na h-aidhchi for cul co tarrla in muir ina clár comréidh taethéglidhi for cinn in catha, atrachtadur milid mercalma mertrena &ersir; foirne forníata in cobhlaig cechtardha, &ersir; ro gabhsat for uracrad na long luchtmur &ersir; na m-barc m-bronnfhairsing &ersir; na libhurn leburgorm o fhochraibh in tíre. Ocus desidar ina suidhe ar sesaibh na long, &ersir; tucsat smachtbann imruma forra for cnaturbárcaibh in cobhlaig asna cuanaibh amach, co clos fóna crichaib comfhoicsibh tarmghal na lestur lánádhbul &ersir; escal in mórmara oc a trentuargain do basaibh na ruádhrámha i r-righthibh na laech, co rabhatar na longa lánmora ar crithnugud &ersir; ar combocadh, iter tairrngi &ersir; clárach, otá a m-bruinne co h-errais.

Ro córaigset muinter Césair a cobhlach ar taidhecht asin cuan immach. Tucsat a libherna &ersir; a minlonga i medhón a cobhlaigh, &ersir; tucsat na longa bá mó occo &ersir; ara rabhadur tri sretha no ceithri sretha no cóic sretha do rámhaibh ina timcull amuich &ersir; amach, i leith risin muir moir &ersir; re cnes in catha.

IN taisech toghaidhi ro búi occo .i. Brutus, is ann ro ordaigh a luing fén i n- airenuch in cobhlaig re h-ucht a bidhbad. Ba h-ádhbhul méd na luingi sin, airdi h-í naid longa in cobhlaig uile: tuir móra &ersir; iduis debhtha uossa. Sé sretha do rámhaib uirre, mór &ersir; adhbul a fat ón t-sreith uachtaraigh díbh co muir.

O ro comhfhoicsigh dona cobhlaighibh arsin co ná bí acht énbhaing imramha etorra, ro gabhsat mílid &ersir; laithghaile in cobhlaig cechtardha ar gresecht &ersir; ar nertadh a slóigh co m-beidis co ferdha seitrec i n-aghaidh a namat.

Tucsat gaire móra ós aird la sodhain. Cíar bhó adhbhul síatghal inn imramha &ersir; comthairmnech na ráma ní clos ní díbh lé méd in uaill aerdha atracht uaistibh ann. Tucad in spaing sin tra co díchra dúthrachtach léo, &ersir; ní ró ansat di cor' tolgsat in cobhlach i slis araili. Búi do treisi ro comtuairgset co rócuirset na longa fora cúla dorísi co rancadur a m-bruinnedha i n-inadhaibh a n-errais.

IS annsin iarum atrachtadar na forne dona sesaibh &ersir; ro tharlaicset saithe bodhbha &ersir; cetha nemhe etarru do shaighdibh a fidhbhacaibh &ersir; do beraibh biraigthe &ersir; do laighnibh lethanlebraibh, coná facus in t-aer seachu cein badar os aird &ersir; conna faccas in mhuir trithu o ro thuitset isin n- edarfolum búi iter in dá cobhlach.

Tucad bann ele arna cobhlaigibh co n- dechadar araill dona longaibh cechtardhaibh imásech araile. Do róine cuarcumuisc don muir &ersir; combuaidhred futhu. Na tonna no cuirtis longa muinteri Cesair dibh no impaitis fochétoir ó longaibh na Masilecdha, coná bí samhail in mhara fúthu acht intan tecaim in lán mara ac diraim 'na ruadhbuinne robhurta i n-aigid na gaeithe. Acht atá ní chena, bá soirthiu dona Masilecdhaib cur in catha annsin inás do muintir Césair, ar robtur athlumha étroma a longa, &ersir; bá soirbh a stiúradh &ersir; a n-dírugud &ersir; a n- impódh, &ersir; ba sodhaing saighidh &ersir; inggabháil námhat estib. Longa muinteri Cesair immorro bátar troma, úra, inmalla iat sén, &ersir; nirb' urusa a n-dírugud inás a n-impódh, acht chena nír' cobhsaidhi cathugud ar tír na estibh .

O 'tcondairc in taisech toghaidhi .i . Brutus in n-abairt sin fora m-batar longa na Masilecdha cuigi &ersir; uadh, ro gabh for acallaim a stiurasmainn, &ersir; ro ráidh ris slis a luingi do córugud re bruinnedhaibh long na Masilecdha, &ersir; do róine in stiurasmann amhlaid sin, &ersir; ro coirighedh na longa fá comnesa dóibh in innus cétna. Na longa do roichedh cuigi iarsin ní h-uatha no impodh, acht nó fostaighthi leó-sum do corránaibh íarnaidhibh, &ersir; nó cengaltai do shlabhradaibh slemonríghnibh. Ocus ro dluthaighidh in cathugud íarsin, &ersir; ro foilghid in t-edarfasach bui don muir eter na da coblach &ersir; ro congbhaid &ersir; ro comfuaighid longa in cobhlaig cechtardha slis re slis &ersir; bord fria bord, conar'bo comfoicsi don fhir díbh a comguaillidhi imruma féin inás a bidhbaid don leith anaill. Ocus ní ro fhoghainset a n- urchair náit a n-díbraicthi dóibh ó h-oin anunn. Ro cumascit na lámha leo, &ersir; ro claechlait na bémenna, &ersir; ro tuairgid na cathbhairr, &ersir; ro cuadur for imbeirt a scíath &ersir; for taithbémendaib a cloidhem, &ersir; ro gabhsat co sesmhach sírthairbhertach oc frestal &ersir; oc frithailemh brathbémenn a m-bidhbad tar imellbordaibh na long.

Atorcradar sochaidi dibh annsin i cessaibh &ersir; i crólighibh &ersir; i crislaighibh a long fein, &ersir; ro shnighdis srebha &ersir; sruthána na fola flannrúaidhi a corpaibh na curadh &ersir; a h-innibh na colg n-dét, co m- bídis 'na caebaibh rothiugha &ersir; 'na n-uanfadhaibh cró for barr-uachtair na tonn mór mara. Ocus ro imdhaigh in t-ár iarum &ersir; itrochradar na colla díchennta iter na longaibh isin muir, conach cuimgidis na slabhrada iarnaidhi a n-acomhal ré dlús &ersir; re h-imat na corp cirrthe &ersir; na colann croderg etarru. Ocus no thuitidis na láich lethmharbha isin muir, co m- bídis araile díbh ac ól a fola féin maille is in serbshaile in glasmara, &ersir; no bidis araill ele for a n-anfadh &ersir; for a n-imbádhudh co faghbaidis a n-oidedha le sesaibh &ersir; le cláraibh na long lánbristi oc ráen &ersir; ac rotuitim forra anúas. Ní téighedh béim na h-urchur for dimáin no imraill isin gliaidh sin cen cnes curadh do chirrbhadh nó cen clár luinge do ledradh, &ersir; a tecmadh isin muir díbh is i corpaib laech do tairistis.

IS annsin ro láa curudha &ersir; latha gaile in cobhlaig cechtarda for tocbháil a fedhma catha &ersir; for imdúgud gnim n-gaiscid for na slóghaibh. IS annsin ro indsaighsat dá luing do longaibh na Masilecdha cur' íadhsat in luing ócláigh do muintir Césair, Tághus a ainm, &ersir; ro roinn Tághus foirenn a luinge ar dó .i. lethfoirenn i n-aghaidh cecha luinge díbh. Ocus atracht féin ina inadh féin .i. i lipting a luinge, &ersir; ro gabh for comfrithailemh in dá stiurasmann dá dheis &ersir; dá clí. Fecht ann do rat a imill for falmaire indara long díbh &ersir; ro gabh co sétrech sírcalma ic á fostadh. Fornit in da stiurasmann in dá shleigh i n-énfecht ind, co tarrla indara slegh díbh i n-imell a droma &ersir; araill i cleith a ochta for comair a craidhe coro comrithset a dá slinn a forfholamh a chléibh. Tarrustair ina shesam, &ersir; ni fhidir ca crecht díbh tar a snighfedh a fhuil artús. Ro dún a bél &ersir; ro inbholg a anál &ersir; ro scendset in dá shleigh í n-énfecht as, cor' mebhdadar dá buinne ruadhfhola for a shlicht, corob amhlaid sin fuair bás.

Ro dhírigh Gelón mílid do Masilecdhaibh a luing docum muinteri Césair. Maith fer ón in fer sin, na raibhe lámh budh fherr do stiuradh luinge i n-aimsir anfaidh. Ní raibhe fer budh eólchu for rithim leg. reithini na for anfine. Ro búi dá treisi &ersir; dá sétrighi ro stiur in fer sin a luing curo bris comuaim &ersir; comhdlúthugud luinge a bidhbad re bruinde a luinge. Acht chena ro dírigh óclách do muintir Cesair in sleigh seimnigh dá saighid-sium, co tarrla i mullach a ochta ind go rucc urrainn trit cor' fhácaibh a anmain &ersir; sé ic tennadh na stiure cuigi d'impódh na luinge.

IS annsin ro gab Giair, mílid do Masilecdhaibh, bord luinge Gelóin &ersir; sé ic tidhecht a bádhudh intan ros-tócaib ón muir súas co m-bui a ucht-bruinne fria bord na luinge. IS ann innsmais in fer do muintir Cesair in gáe ind, cor' gabh ina luing trit, co raibhe for bangánaigh esti, &ersir; in góe ac a fulang.

Da óclách shaerclannda do Masilecdhaibh batar isin cath, dá bráthair derbha íat. do aen lamhnadh ro tuismit araen. ní bí deccair na eterderrsgnugud delbha etarru. Búi dá cosmhailes, ná h-aithgnedh nech fer seoch a cheile díbh noco-ros-dedhail bás &ersir; corob cuimniugud cuma dá cairdibh dercadh indara fer dibh airet ro bo beo ó fuair araile bás. Amail batar in diassin ann doroich long muinteri Cesair bord fria bord risin luing i rabhadar, co n-derna clethrámh cumaisc dá rámhaibh. Sínes indara fer díbh a láimh deis asin liphting i m-bí cor' dún a glaicc im bord luinge a bidhbad. Nochtais óclach do muintir Cesair fot láimhe laich da cloidhemh, &ersir; do bert ruchall tarsin láimh, coro thesc in righidh ar dó, &ersir; cor' fhácaibh innglaicc i lenmhain na luinge. Sínes in Masilecdha an laim clé do tarrachtain na laime tescdha. Formis an t-óclach cétna béim comadhais do cloidhemh dó, cor' letrastair in láimh clí ó bún na gualann de. Acht chena, cía ro letradh lamha in laeich sin, co ná búi tuailgius a airm na a scéith do congbáil, níró léicc cruas craidhe dó time ná teichedh do dénam, &ersir; ní dá fholach fo shesaibh na luinge do cuaidh, acht tainic ar inchaibh a lethemain, &ersir; cech beim &ersir; cech forécin nó fhuirmhithea a fer dia muintir ticedh sium eturru co m-bá h-ind féin no tecmadh. Ocus o ro rathaigh airdhena bais ina dóchum &ersir; a fhuil oc snighi ina linn for slechttaibh na slegh &ersir; na cloidhem asa chorp, ro gab for a anáil &ersir; do bert urtócbhail miled fair, &ersir; ro ling a n-airdi, &ersir; ro léicc béim n-asclainn de i luing muinteri Cesair, cor' urchoidigh a truma dóibh, ar nír thualaing imberta arm forra.

Ro línad a long ársin do spairtibh cró &ersir; do collaibh curadh, co ro scáilset a comuamanna &ersir; co ro línad do serbhsháile in glasmara, &ersir; co ro tollait a h-ábhair, &ersir; co ro slugaid a fúdomain &ersir; a fírichtur in oicéin, cona foirinn, &ersir; ro reith in ruadhbuinne romhórrobhurta fo shamhail saebhchoire ina h- inadh da h-éissi.

Mór do ernailibh bais ingnáthaigh anabhaidh do fhuaradur saerclanna in lá sin.

Fecht n-aen ann ro lá fer do muintir Cesair lámhcorrán iarnaidhi uada d'fastudh na luinge Masilecdha, &ersir; ised do rala i Licid láechmilidh do Masilecdhaibh, &ersir; do tarraing in corran F Licit leis tar bord na luinge immach. Tarrustair a muinter féin for dá colpadhaibh &ersir; ro gabhsat ica imtarraing imme, co ros-roinn in lám-corrán íarnaidhi in díb m-bloghaibh, &ersir; ruc in m-bloigh ó cris suas leis, &ersir; ro fhácaibh in m-bloigh ó cris sís isin luing, &ersir; ro thuitset a inne &ersir; fochull a bronn isin muir. Ocus ni búi scibudh anma na bethad ina leth inichturaigh, &ersir; in leth uachtarach immorro búi sein for anamthaigh fria ré cían. Fobíthin is ann ro badar na baill beóthacha &ersir; istudha na h-anma .i. áe &ersir; inchinn &ersir; craidhe &ersir; ubhall braighet. Ocus o ro batar iarum lucht na luinge na Masilecdha uile co tairbertach for lethbord na luinge oc fostódh Licit &ersir; ic cathugud fria muintir Césair, ro cuaidh in bord sin na luinge fáe in muir rompu, &ersir; ro impó in bord ele forra, &ersir; tainic a long tar a mullach, &ersir; nír cuimciset lúth a cos nó a lámh, &ersir; in saile ic a formúchad i crislach a luingi noco fuaradur bás.

Tarrustair araile ánradh for imbádhudh ann, &ersir; búi in fer sin co setrech sírcalma ic snamascnam na tonn don drumcla dar aile. Isi conair a tuc in anfin e, airm inar, comraicset dá luing lánlúatha fó énbaing imruma isin cobhlach. Is ann dos-rala sum for barr uachtarach na tuinne iter dibh brainibh in dá long sin co n- dernsat cnámbrétaigh &ersir; desi fodhailti dá cnamaibh &ersir; dá uilib inmedhónachaibh etarru, &ersir; nírsat airmisc dá bloiscbeim na m-bruinne ic comtuargain sin, &ersir; intan ro scuchsat na longa for cúla uadha atrochair-sium isin muir, &ersir; is cuma no scended in serbhsáile tar a créchtaibh &ersir; no tobrúchtadh slímradh a inde &ersir; a inathair &ersir; fulradh a craidhi ina liaibh dubhfhola &ersir; ina lomannaibh cró tar a bélaib sechtair; &ersir; fuair bás amhlaidh sin.

Drong mor do Masilecdhaibh do batar for a n- ocharbádhudh fos, &ersir; ro scuchsat i n-aenfhabhull docum na luinge Masilecdhae ba comnesam dóibh, &ersir; ro righset a lámha i n-aensist &ersir; i n-aénuair ina bord, &ersir; ro gabh in long for crith &ersir; for utmaille desin, &ersir; adaghat iarum in fhoirenn, &ersir; gabhait ic imscothadh a lamh díbh dá claidhmibh, coro lensat a n-glacca i m-burd na luingi &ersir; dorochradar a cuirp tamhnaighthi i fúdomain in mara fo a n-urcomair.

Ocus ro chuaidh scithlim mór for a n-armaibh in airet sin. Ro mebhdadar a laigni &ersir; a craisecha ina n-innsmaib. Ro mebdatar a slegha &ersir; a foghadha foebhracha i tollaib a suainemh, &ersir; ro mebhdatar a cloidhmhe ina n-imdhornaibh &ersir; a corrána ina cromthaibh.

Arai sin ro thimthir a n-gal curadh &ersir; a m- bruth níadh armu elo dóibh, ar no imredh cách dib for araile na rámhada &ersir; na sesa &ersir; stiura na long, &ersir; nó bristis na longa féin léo, fá comair a cláraidh do díbhrucud dá naimdibh.

Na h-abaighi &ersir; na cuirp cirrthi nó bidis isna longaibh nó for uachtur in mara ina fochraibh no tescdais iat &ersir; no díbhraicdis iarsin. No tairngidis sochaidhe díbh na h-armo no bídis ic congbail a n-inne &ersir; a n-inathar inntu astu féin, &ersir; no cuirdis a m-bassa for a crechtaibh airet no bídis ic dibhrucud in airm nó ic fuirmedh in beime.

Frith airecc ingnadh &ersir; elada fírglicc le muintir Cesair annsin .i. ro h-adhnait coinnle cíartha &ersir; lócharnda giusta léo, &ersir; nó cuirdis ar derglasadh íat fó slesaibh &ersir; fo bruinnibh &ersir; fo eraisib long na Masilecdha. Ocus nó lastais fo chétoir na senlonga lasamna 'arna m- bréoad do pic &ersir; do geirid &ersir; do céir. Ba truagh tra ro bas isin cobhlach arsin. Téighedh an fer díbh ar teichedh a loiscidh isin muir dá bádhudh, &ersir; ticidh in fer asin muir ar teichedh a báidhte isin luing for lasad dá loscud, &ersir; ní bí ecla báis ar nech dibh acht in bás ó tinnscnadh écc.

Cidh íat in lucht ro búi for ocharbadhudh díbh, nír'bo meirbh a feidm isin gliaidh sin, ar do bídis araill díbh ac tinól arm na long bá comnessa dóibh, &ersir; bídis araill ele ic imairecc in catha frisna bidhbadaibh tecmhaitis for imbádhadh dóibh. Ocus intan na faghbadais airm ele nó bidis ic imtescad in t-sháile etarru, &ersir; nó íadhadh in fer ann a lámha tar a bidhbaidh co téighdis maráen a fhúdhomhain in mara. Bá fó leis a bádhadh fein acht co m-báidhedh a námhait leis.

Ba lámh arrachta le Poicc in airet sin isin glíaidh sin. Ócclach amra do Masilecdhaibh esin, &ersir; onfisech amra nois &ersir; fer túir &ersir; íarrata cech neich no báitti for muir, &ersir; fer no clechtadh techt d'' fhogluasacht angcaire cech tan tecmadh i lenmhuin i n-íchtur oicéin. No dúnadh in fer sin a dóidi imon fer do muintir Cesair, co m-beredh leis co grían in mara é, &ersir; nos-fácbadh ann, &ersir; ticed féin a n-etarfhásach in cobhlaig anís, &ersir; ro teilgedh a anál, &ersir; no bheredh fer ele dá naimdibh leis fon samail sin. Fecht n-aen and chena ro sháil- sium tidhecht a n-etarfholamh in cobhlaig anís, &ersir; ní h-edh tainic iter, acht do rala fó drumlorgaibh na long, &ersir; nír' tócaibh cenn o h-oin alle.

Drong ele da m-bí forsin imbádhudh no fhastaidis rámhadha na long n-echtrand, coná léigdis teichedh na indsaighi dóibh, &ersir; ticdis fós for scáth a long fein combá h-inntu no benadh in béim nó in t-urchur no fuirmhithi for bord no for bruinne na luinge.

IS ann atracht Tirrén trenfer do muintir Cesair a m-bruinni a luinge, &ersir; ro gabh for togbail a ghnim gaiscid ós aird &ersir; for calma do denam isin cath. Ocus itcondaic Ligdamus láechmilid do Masilecdhaibh innísin, &ersir; taibhleoir toghaidhi esséin, &ersir; do bert ubhall mell luaidhi ina thabhull, &ersir; srethais uadh for Tirrén é, co tarla an t-ubhall luaidhi i fossadh a édain, co ro combris a édan ón araidh co'raile, &ersir; cor' cuir cechtar a dhá shúil taracenn i a-énfecht amach. Sochtus Tirrén 'ar m-bein a radhairc fair, adar-leis is dorchata bais dos- ranaic, &ersir; o ro airigh immorro bríghi bethadh do beith ina ballaib ro raid re muintir Césair: Cóirigh m' aghaidh, ar sé, rem naimdibh co ro dibraicer iad feibh dibraicti-si, &ersir; co ro tochaither in iarsma anma fil indum ré básugud mo bidhbad, &ersir; fri díden mo carat, ar ní théit mo menma frim bethaid o h-oin amach.

O ro scáich dó sin do rádha do bert a aghaidh for na Masilecdha, &ersir; fóceird urchur n-amarais forra. Araidhe an imrall do rala airm a m-bí Arg, ócclach socheneóil do Masilecdhaibh &ersir; sé ina sessam a lipthing a luinge. Do rala in t-shlegh día saighi seoch bile in scéith &ersir; tar bernaidh na lúirighi, cor' gabh i maethlach á brond ó imlinn sís. Do rochair Arg for in sleigh, co n-dechaidh fod lámha láich dia crund i n-deghaidh a glasiaraind trena druim síar sechtair.

IS ann ro búi in senóir athair Airg a m-bruinne na luinge cétna, &ersir; ní raibhe do Masilecdhaibh mílid bhudh shonairti inás i n-aimsir a óitedh. Ocus o 'tcondaic a mac ac toitim tainic ina dhóchum for a t-shrengtrascarnaidh &ersir; for a tuitmennaigh tar sesaibh na luinge lánfhada cosin lipthing i m- bí a mac, &ersir; fuair fora anfadhaigh é, &ersir; ní dhernai cai na h-écaine uasa, acht ro sín a lámha re thaebhu, &ersir; ro cruadhaigh &ersir; ro cátaigh a corp, &ersir; tainic temhel &ersir; fordorcha for a roscaib. O 't-condaic Arg a athair i n-imfhocus ro thócaibh a cenn &ersir; a ucht co h-anbhann amhneirt ó bord na luinge do íarraid póicci fair, ar nirsa tualaing laburtha fris, &ersir; ro tarraing a laim n-deis cuigi do dúnadh a shúl. Acc iter ón, ar in t-athair, ní h-edh bías ann, a maic, acht is missi is taisci rachus docum écca. Is amlaid atbert sin, &ersir; do rat irclann do cloidhemh ina luing bronn fein, cor' gabh urrand trit, &ersir; ro ling isin muir acétóir ina diaidh, ar ro búi do teindeithnes écca fair ríana mac nár' fholortnaigh aenbás dó.

Do bo cruaidh &ersir; do bo comnert tra ro feradh in gléo sin muinteri Césair &ersir; Poimp i n-eccmais a tigerna máráen, acht chena ro eterdelighset ratha na rígh etarru, &ersir; ro fortamlaigh conách catha Césair for toicim Poimp. Ocus ro tuit iarum in cath leth ar leith, &ersir; ro sraeined inn irgail ar lucht na cathrach, &ersir; ro loitedh a laith gaile, &ersir; ro cirrbait a curaidh &ersir; ro trascraid a treoin &ersir; a taisigh, &ersir; ro maeltamnaighid a mílid, &ersir; ro báidhedh ermór a long, &ersir; ro mudhaigh in tine araill díbh, &ersir; do neoch nar' báidhedh &ersir; nar' loisced díbh ro lingset muinter Cesair tar a m- bordaibh intu, &ersir; ro gabhsat for a foirnedh do glére laech, &ersir; ro díchennatar a fhuaradur do laechaibh lethmarbhaibh &ersir; d'óccaibh for anamhthaigh intu, &ersir; do cuadur dono sceólanga uathati do Masilecdhaibh a nirt a n-imrama &ersir; a luas a long, &ersir; rucsadur a longa lethbristi dá longbothaib léo.

Bá lór truaighi tra cloistecht re lucht na cathrach ársin, lé méd a n-uchbhadha &ersir; a n- éccáine, &ersir; re h-imat a núallghubha &ersir; a n-golgaire ic faicsin a muintiri ic teichedh ina n-dóchum. Ba deithfir doibh ón chona, ar rob imdha mac cen athair ann, &ersir; athair cen mac, &ersir; siur cen brathair, &ersir; ben cen caemchéile isinn uair sin occo, &ersir; ro gabsat a mná &ersir; a senóraigh ina m- búidhnibh &ersir; 'na sésibh for in tráigh ic tabhairt aithne forsa tabhradais múrtonna in mórmhara do collaibh &ersir; do cennaibh carad &ersir; coicéile dochum tíre dá saighidh. Batar dodelbha na gnúisi sin, &ersir; ba docair aithne forra &ersir; no bídh in ben ic póccad in fir do muintir Cesair i r-richt a fir féin, &ersir; nó bídis indána athair ic debhaid &ersir; ic cathugud imon aencorp dar leis la cech fer díbh fa h-é corp a maic fein ro cosnadh annsin.

Décius Brútus immorro, taisech cobhlaigh Césair, ba slán sonairt leis a menma ar maidm roime for na Masilecdha, ar is esium cétfher leisar' brised cath longda ar seilbh Césair. Batar a muinter immorro co h-uchfadhach écaintech mar do scaradar risna Masilecdha, &ersir; nírbhó écaine cen adhbar sin, ar robtar imdha cuirp cirrthi &ersir; táibh tolla &ersir; laích londa ledartha &ersir; óicc athgaeiti acco, &ersir; rob imdha fuile &ersir; crechta díleighis forra. Acht cena nocha cumann cath la firu. Do rónsat brígh bicc desin, ar is rompu ba raen.

Tucsat a cobhlach i cuan &ersir; i caladhport na Masilecdha &ersir; ro scipait &ersir; ro tirmglanaid a longa léo, &ersir; ro laiset curpu &ersir; colla &ersir; caeba cro &ersir; cropairti fola &ersir; cnámredhaigh a m-bidhbad dar imellbordaibh a long isin muir. Ocus ro gabhadh in cathair léo, &ersir; ní ro leiccset nech ele innti na aisti co tainicc Césair asin Espain ina n-dochum, &ersir; co ro traethadh in cathair uile leis ar torrachtain.

IN adhaigh sin immorro ba sámh ro tocaithed léo-sum 'ar cur shnima in catha dibh &ersir; 'ar tuitim a námhat i r-ré imairicc léo.

Conid remscél do remscelaib catha moir na Tesaili co n-icci sin. Toccail <term type="city">cathrach</term> na <pn type="city">Maisile</pn> ainm an scceoil sin.

 Scéla Césair at- fiadhamar sísána coleicc. Sloigedh na h-Espaine.

AIRED TRA ROBÁS ic gnim na n-imairec sin isin Etáil ro gabh Césair i n-oraibh imechtracha in domain uile i crichaib imcíana na h-Espaine ic forbhaisi for Petrin &ersir; Affran, for da urraigh na h-Espaine fria lámhaibh Poimp. Cin cor' dermára na h-ára do bertha etarru don turus sin ro fhás anáebh mór &ersir; cumscugud conaich &ersir; toicthin dona taisechaib desin. Ba h-aentadhach a caradradh na n- airrigh sin, Petrin &ersir; Affran, &ersir; ba setrech a combág i n-aghaidh Césair. Ocus ba h-urusa dóibh comtriall catha &ersir; cocaidh, ar robdar línmura a slóigh, &ersir; bá saidhbir a socraidi, uair ro bí slógh ádhbul do óccaibh Etalda fá mámus feisin, &ersir; ro comérighset dírmanna imdha do churadhaib na h-Espaine maille riu .i. tuatha na n-Asturda &ersir; na Vectonda &ersir; cinedha na Celltiberdha.

Do ruachtadur iarum na slóigh sin docum n- éninaidh, cor' gabhsat sosadh &ersir; longphort oc in cathraigh dianadh ainm Ilerdha, i n-airis catha do Césair. Cathair iséin ro cumdaighedh ar tulaigh urísil ar brú srotha Sicoir. Stuaghdroichet cloiche dar in sruth sin, &ersir; intan ba tuili geimridh and ticed an t-uisci tairis. Tulach urard bui i comfhocus na cathrach, &ersir; is inti ro suidighit mergedha muinteri Poimp, &ersir; ro h-ordaighedh a longphort. Ocus ro gabh Césair longphort i tulaigh ele nár ba h-ísle ina in tulach sin enech um inchaibh ríu. Ní búi eter na dha longphort acht sruth Sicoir namá. Edh radhairc romoir do réidh muighi for cúl longphuirt Césair, sruth Cing a timchell in mhuighi sin co commúr srotha h-Iber co tíaghaid araen isin muir móir.

An cétlá tra ima comrainicc dóibh dona slóghaibh ní dernad cath na h-irghal etarru, ar ro bí a feidm &ersir; a monor ac rim a mergedh &ersir; ac comairemh a cath &ersir; ic taispénadh a túath &ersir; a tinól, &ersir; dono ba h-aimlesc &ersir; ba h-imnár leis na braithribh &ersir; la lucht na h-áencathrach imfhorrán catha atarru féin i fiadhnusi na cinedh n-echtrann.

O tancadur dorchatu deiridh in láe do bert Cesair a slóghu leis cor' claidset clasach dermair dondara leith don longphort muinteri Poimp, &ersir; tuc imad di-airmhidhe do laithib gaile don leith araill, conach bí conair éludha occo acht enconair amhain .i. dochum thulcha dermaire búi i comfocus dóibh etarru &ersir; in cathair Ilerdha.

O tainic soillsi &ersir; mochdedhóil na maidne muiche ro forcongart Cesair for a míledhaibh comadh iat is túsca do roisedh in tulaigh sin. Ocus o 'tcondcadar muinter Poimp innísin ro indsaighid a m-buidhne co dian denmnidech, co n-gabhsat in tulaig ar tus, ar is dóibh ba comnesa h-í &ersir; didiu bá sodhaing a slige dá saighidh, &ersir; ba lánddhodhaing immorro slige muinteri Césair, ar is ar écin ro ascnaidis na h-oicc fa n-armgaisced &ersir; in cnoc d'faen forra. Ní cumgadh nech dib a lamh do tócbháil in aghaidh a námhat. Arai ba h-íat a slegha ba lorga fosaighthi doibh &ersir; tul scéith in fhir do bíth fá deóidh ic congbháil in fhir do bíth roime, &ersir; ní cuimgedh nech dibh impódh a frithing na conaire cétna ar uamhain a bidhbad da tuargain ina diaidh.

O 'tcondairc Césair in tendta mor sin ar á muintir, fáidhis a marcslógh uadh do debhaidh don leith ele for muintir Poimp, cein co rancadur a coisidhe slán tar dograing na sliged.

Do dhaingi na conaire &ersir; iterdelighthi na crich &ersir; na feronn is ed ro tairmesc in cath co n-uicce sin. Ocus anfine aer immorro ro tairmisc o h-oin amach, uair medhón erraigh ann intan sin, &ersir; ro snighset snechtai dérmara lá tús in gemhridh roime, cor' línsat sléibhti &ersir; maghréidhe na h-Espaine. Ocus ro cruadhaigh &ersir; ro thécht in talam fúthu, &ersir; ro tairmisced siledh na nél lé sicc &ersir; le reódh fri ré in gemhridh &ersir; tosaigh in erraigh iartain. Lesin cétadhnadh éscaidhe do gnít ar sin n-equinoctus errchaidhe, ro derg &ersir; ro ruamnaigh in t-aeor oirrtherach inbaidh co n-duargaibh in grian ina popol teindtide tar colar turgabhála suas. Ocus ro téigh &ersir; ro inbhoilcc in grian roimpi uile neóllu uiscidhi inn aéoir fhuasnadhaigh ó táit crícha na h-India íar n-airrther co m- bátar 'na mothar dlúith dorcha dubhchíach ós cinn na h-Espaine, conad inbecht má ro soillsighidís in cobhés etarfhásaigh do rala iter aeoir &ersir; talmain, &ersir; ro taitin lethcircall uainecdha na stuaighi nime isna nellaibh ársin.

Ro faiscit iarum tre bruth na gréine, cor' shilset 'na cethaibh &ersir; 'na frasaibh &ersir; 'na tólaibh tromferthana for tíribh na h-Espaine. Ro scailset didu snechtadha na sléibhti &ersir; na tulach bátar i comfhocus Ilerdha na h-ardcathrach lé h-imad in uisci &ersir; le h-elltesaidhi na h-aimsire errchaidhi, cor' snighset 'na srebhaibh &ersir; 'na sruthánaibh co m- bátar 'na n-aibhnibh &ersir; 'na lochaibh lánaidhbhlibh for clármuighibh cobhsaidhi in tíri.

Srotha bunaidh in tíri ro teibrinnset co cían dar a m-bruachaibh ar cech leith, &ersir; ro sceinn in díle sin tar múraibh longphuirt Césair do cech aird, co rabhadur na botha &ersir; na pupla, &ersir; na scéith &ersir; airm na laechraidi, &ersir; lointi na slógh for snam &ersir; dírramh sechnón in longphuirt lásin tola uisci rainic iat.

Nír' fhétsat na slóigh crech na h-aircthi do denam isin tír air sin, &ersir; ní fuaradur a n-echradha conair ingelta nó fér nó geltadais, &ersir; ro foilghidh na slighthi &ersir; na comréidhi forra, coná faicdis conair acht mullaighi na cnoc &ersir; benna na sliabh.

IS annsin tainic in teidm is tosach do cech teidm &ersir; is adhbhur do cech morolc .i. in gorta. Cén co raibhi acht forbhaisi bidhbadh forra, ba h- ádhbhul méd a n-adhilgnighi, ar nír'bhó malairt le fer díbh a indmus uile do bronnadh ar becc tuara, &ersir; didu búi in fer sanntach ann ic fulang na gorta dá deóin 'ar creic a bicc ló in ar indiub romór.

Is dodelbha etorthach ro batar muighe Ilerdha .i. na cathrach, intan sin ar forbairt in uisci tar cnocaibh &ersir; tar cailltibh na crich ar cur air a n-ós &ersir; a n-allta &ersir; a n-almha &ersir; a n-echradh. Ocus ní fes lá seoch aidhchi intu, &ersir; ní raibhi a samhail, acht amail indister in t-uardha oighreta do beith cen aitreibh anmanna &ersir; cen taircsin toraidh.

Acht chena ba lór leisin toicthin bidhgadh becc &ersir; frithbert foill ar conách Césair; &ersir; nír' léiccset na déi adhartha loccadh don rí, uair gér' mór in tóla &ersir; in gorta rémhthechtach do chuaidh ilconach do Césair ina deghaidh, uair ro foirset na dei dó indus na bá gnáth. Ocus ro gabh in t-aer dath croderg fair lé fuinedh néll na nóna in aidchi sin, &ersir; ro taitin grian a h-uile tesa isin maidin arna márach, &ersir; ro gabsat na h-uiscedha for tanugud &ersir; tírmugud desin, &ersir; ro tinnscainseat na cnuic &ersir; na caillti turcbáil a cenn, &ersir; ro gab in tír uili a tirmugud.

O ro scib iarum tuile srotha Sicoir dona muighibh comfoicsibh co tarrustair a comard fria bruach, dognitor cretach curach le muintir Césair do barrghur t-shoilech do fhualoscaibh in muighe, &ersir; ro fortuighid &ersir; ro daingnighid iat do shechedhaibh assan &ersir; óccdam fó indtamail na curach gnáthaigther lé cinedhaibh na Uénetecdha for sruth Paid, nó lé h-aitrebhthaidib na h-Éghipti for imdoimnibh srotha Níl, no lé lucht innsi Breatan for muincind mara Icht. Ocus ro tescait na caillti comfhoicsi léo, &ersir; ro léicidh uisci in t-srotha móir for srebhaibh &ersir; for minsrothaibh becca ass.

Do gníther clardroichet comfuaghthi tairis. Bá cían on bruach ro gabhadh a tinnscetal in droichit, uair bá h-uroman leis na slóghaibh in forbhairt in t-srotha arís tarsin magh sin.

O 'tcondairc Petrin &ersir; Aiffrin na h- airberta móra sin do thecht fo laim lé Césair, ro fácsat a longphort &ersir; cathraigh Ilerdha cen díden cen coiméd, &ersir; ro shínset cona slóghaibh do techt i n-imechtur Espaine do iarraid sochraide sluáigh &ersir; d'esnadhudh in catha co léicc.

O ro tenc Césair na longphorta folmha &ersir; na tulcha fássa tar éis in t-shlóigh, ro forcongair for a míledhaibh lenmain a m-bidhbad cen saighidh atha ná droichit, acht techt fá comair tar in sruth. Do rónadh fair-sium sin, &ersir; do frecradh co nemlesc h-é. Ocus ní co h-imcomaircech ro cúadhus ann. Ro cuadar co sanntach nemimeclach d'innsaighi a m-bidhbad tar in sruth in conair na cingfidis co réidh tara n- ais da m-bad forra budh ráen, .i. tar cinndruim srotha Sicoir.

Ro eidsed a n-armu la sodain. Ro dicuirset an usce asa m-ballaibh. Da ronsat rith rodichra a n-diaidh an namat airsin. Tennaid a marcsluagh gu tairredar for dirmandaib dedenacha munteri Poimp' gur'bo cuntabairt leo sein in techeadh do gentais rompo fa in n-anadh do cath friu.

Badar da tulaigh arda fora n-inchaibh &ersir; gleand cumung etarru go n-eiscir uraird dara lar: inad daingen sin, &ersir; ba derb la muntir Poimp da ristais é na cuingebtais milidh Cesair a fostud. O tuc Cesair da airsin ro raidh rea slogh: Do daib, ar se, &ersir; na furnaidid re for corugud, acht ascnaid amal is deni cotn-icfaiti co tistai eter bar naimdibh &ersir; in t-slighidh cumuing cusa saiget. Imsae iarum gona sloghaibh fochétoir co tanic eter a bidhbada &ersir; in t-inadh inill gusar saigseat.

Tainic dereadh in lai faesin, &ersir; ro suidigit longphuirt co comfochraib i comfocus eturru lasin slogh cectarda. Ni bui do dedail eturru acht in clais becc do gnith i timcell na longphort leo. O ro tenc cach araili dib, &ersir; o ro aitgnedar na maic a n-aithreacha &ersir; na h-aithri a maccu &ersir; na braithri araili do cechtar na da leithi, is annsin ro tuicset a lanolc ar in cath catharda. No spraictis a claidhbhi eturru i comarta forfaelti si, ar ni lamhdais comrath nó imagallaim ar omun na righ, &ersir; dano ba nos bes coitcind la Rómánu can mileda da righ cotarsna da tigid a longphort inaraili ce no beth do met a caradraidh nogu m-bad sidh eter na tigernaibh fortus. Araisin ro fortamlaigh &ersir; ro inforbair grád a comnesta i cridibh muinteri Cesair, &ersir; da cuadar 'na n-drongaibh &ersir; 'na n-dirmaibh i longphort muinteri Poimp.

Ni bui milidh Romanda la Cesair do na bui cara eicin isin longphort sin da coibhnestu nó do cliamhain nó da comdalta nó da fir aencluichi no aentighi isin Roim. Ro urmais gach fer a carait accó iarum. Ro iadhait righthi na laech dar slesaibh &ersir; dar braighdibh araili andsin. Ro eamhnait na poga eturu. Ro silset a n-déra for a n-armaibh re mét na faelti, &ersir; dano la h-omun in imclaidbidh frisna cairdib ar trill.

Ba sidh tra eder na slogu cectarda desin, &ersir; bui cach dib i longphort araili ac feis &ersir; ag fleduchudh in aidhci sin. Ro ben cotlud na h-aidhchi sin forro, gach fer ica aisneis d'araili a comlund frisna .x. m-bliadna reimi sin. Ger'ba cairdemail tra in comraicti sin ni ro cumciset fritbert frisna faithib &ersir; frisin toictin ni ba siriu. Air o 'tconnairc Petrin in sidh &ersir; in cairdemlacht búi eter na sloghu, &ersir; o 'tconnairc muntir Cesair co di-airm for lar a longphuirt, do bert a moghadhu &ersir; a muintir &ndot;-dilis fein leis &ersir; imsae futhu. IN fail i fagbad in días carat i n-aeninadh dibh do beredh dedail claidib eturru. Ro gab dano ic gressacht-laidiudh lochta in longphuirt uili &ersir; ica urail forro comergi catha in aghaidh a carat &ersir; a coicele, &ersir; ní ro an dibh no gur' indcland gradh in imairicc &ersir; faelscughudh imberta na n-arm i cridhi gach curad &ersir; i menmain cach miledh acco.

Ni bui a samail acht anmanda feochra altaidi bis for cennsacht &ersir; pettacht fri re no gu tecaim. blasacht fola doibh, co n-ergend a m-bruth &ersir; a confud 'arsin, gon na fetar a cennsughudh no frithgabail friu. Ba h-amlaidh sin dano badar munter Poimp co enirt elltesaidhi for tus no co facadar na taesca fola a cneasaibh na curad. La sodain adracht confad a n-aicenta &ersir; bruth a n-gaili co n-dersat nemgradha mora &ersir; torathra dermara .i. ro gabsat for tuarcain &ersir; for trascradh na laech badar i comroinn bidh &ersir; lepta friu inn- uair reime.

Ger'ba mor a cneat &ersir; a n-acaini ic cétnochtadh a claidem is garuair co tainic miscais &ersir; migradh a carat doibh &ersir; lainde a l-l-edarta &ersir; mian a mudaighthi. Ro erig geoin mor isin longphort desin. Tucad ár imfarcradach for muntir Cesair and. Balach ro impaiseat munter Poimp docum a tigernadh andsin. Tucsat cinnu a carat &ersir; a m-braithreach &ersir; a tustidi leo i commaidmib &ersir; ic taisbentaibh dacum a taiseach. Ro mol cach im araile dib na gnímrada do ronsat.

Cesair immorro, ger'ba mor sloigh ro malart, ba conach mor les in t-imaireach do gnim uathu-som for tus. O ro forbtigead in fell la Petrin &ersir; la h-Affrain ni ro lamsat beith ina longphort la h-omhun Cesair, acht ro tennsat na scothaigh madma &ersir; tecid docum cathrach Ilearda dorísi iat. Ro cuir Cesair a marcsluag i frithset na conairi foracind &ersir; tucc a mileda traichtheach ina n-diaidh &ersir; da n-dib lethibh guros-timairc i forudhchnoc urard bui for lar in muighi. Ni ro scail na sloghu uatu nogo n-dernai classaigh comdomhain ina timcell, conna cuimgeadh each nó duini dib techt tairis, &ersir; conna roicheadh sruth nó fuaran nó firusce da saighid.

O 'tconcatar iarum asrus a n-eccradh &ersir; sligi a n-aideda d'fagbail do Cesair &ersir; gan conair eluda acco, ro soet a n-oman &ersir; a n-ecla i feirg &ersir; i luindi léo. Ro marbsat a n-eochu, air ní gnath a tarba do slogh o tairic a n-imsaidhi, &ersir; dano ba ferr leo a mudhughudh innas a somain for a naimdib. Tancatar arsin co h-allmarda anaceill docum a m-bidbad do cur a comlaind rompo &ersir; da marbad fein, ar ba brigh bec leo fulang gacha h-aidedha acht na h-abaldais la gorta &ersir; itaidh.

O ro tenc Cesair iad 'na remmim roretha co dichra duthrachtach docum buird na clasach,

ro ráidh re miledhaibh: Na h-imridh-si for n-airm forra sút, ar sé, acht scibaidh ón clasaigh co léicc co n-deach a ferg for cúla &ersir; coro islighea a n-gal, ar ro bo h-e mian a menman &ersir; áilgius a n-aicenta innossa a m-bidhbaid do fhaghbhail do cathugud ríu, &ersir; ro bo deóin le Césair immorro a m-beith for in abairt sin co tancadur dumacha deridh in láe fáo sin &ersir; fuinedh neoill na nóna.

Lá sodhain ro ísligh a ferg &ersir; ro tairnit a n-aicenta ó na fuaradur frithbert friú, amail bít curaidh créchtnaighthi, uair is moidi a n-gal sin a cuirp do treghdadh airet bít úra a letartha &ersir; ata nua a créchta. Acht cena mina fhaghbhait frithbert nó cathugud friu, toirnit a n-aicenta ar seccadh a cru &ersir; ar cruadhugud na fola &ersir; ar tirmugud na crécht.

IS amhlaidh sin ro imir a n-ítu forro sum iarsin, conidh edh do rónsat, in talam do claidhi fócomhair oc iarraid uisce ann, &ersir; ní h-edh amáin ro claidis do rastlaibh &ersir; do corránaibh, acht ro claidis dá claidhmibh &ersir; dá n-armaibh arcena. Ocus tochailter in forudh-cnoc ara rabhadar léo co rainic a comard risin fosadhmagh forsa rithidís na srotha, &ersir; ní dernta a crichaib na n-Asturdha ríamh claidhi budh comhdomain ríu-sin, &ersir; isin tír-sin gnáthaigther na sléibhti do tocail ic iarraid méne óir intu, co múchait na sléibhti fecht ann lucht a claidhi, co na tecait for cúla dorísi co brath.

Ocus cér' ba mor in saethar sin muinteri Poimp do cuaidh for dímhain, uair ní frith siledh srotha ná bonadh tobair léo, &ersir; ro ansat iarsin don claidhi sin, ar ro bátar scíthaigthi do tochailt in talmhan &ersir; do scoltadh na carracc. Bá moidi a tirmach &ersir; bá h-aidhblithi in- ítu in saethur mór sin do dénam oc íarraid uisce. Ocas ní dernadh tomultus bídh léo, ar dáigh comadh lughaidi in-ítu. In fail i faghdais caeba críadh uiscide nó fóda fliuchaidi no bídis ocá n-dornfháscud ós a m-bélaibh, &ersir; in t-inadh i tecmadh buaidhrén ottraigh no bóchuire dóibh ba cosnum &ersir; ba h-imtarraing dóibh uime. No ibhdis annsin in uisci na h- ibhdis am ele tar cenn a m-bethad gidh edh no gellta dóibh aré, &ersir; dá saildis a m-bethaid nís ibhdis.

Drem díbh ic déol na lárthach &ersir; na cethra inbanna do arrastair occo, co faisctis na fola tar a rinnibh sú ro scardais a m-beóil friú. Ocus no bíd araill ele dibh ic comhtuargain bharrghair na crann &ersir; fér n- digainn an talman ardaigh a sugha do ól.

Ba trogh tra ro bátar na slóigh sin' ar ro boí do mét a tarta cidh neimh no doirtea for na h-uiscibh ina fíadhnaisi nach lughaidi no ibhdis íat acht co cetaighedh Césair doibh. Ro gabhsat iarum a n-inde &ersir; an inmedhónacha ar faelscudh forra, &ersir; ro tirmsat a m-beoil, &ersir; ro cruadhaighset a carbait &ersir; ro tartsat a tenctha, &ersir; ro tachtait féithe a m-braighet &ersir; cuislenna a scamhán &ersir; doirsi a n-dimecháin, &ersir; ni ticedh tinfedh anála tar a m- beolaibh.

No bidis a n-gena óbéla frisna nélaibh ic ernaidi tepersen usci estibh. No gabhdis for slucud an aeóir intan do tecmadh indfhuaradh na h-aidhchi cuca, &ersir; ba dodhaingiti dóibh fulang in mortarta na srotha fíruisce do dechsain gnúis fri gnúis friu do cech aird impu, &ersir; cen a leccon da saighidh, ar is amhlaid do bátar, &ersir; sruth Sicoir dondara leith díbh &ersir; sruth Iber don leith araill.

Lasna dédhenachu tra do rónsat gialladh do Césair dar cenn a m-bethad. Ro láeset iarum a n-armu i n-eninadh díbh, &ersir; tainic Affrin rompo i longphort Césair, co n-desidh etir dib cosaibh don ríg, &ersir; a buidhne lethmarba maille fris.

Do róine glor aititech frisin ríg, &ersir; arai sin ni dernai irlabhra budh aithis dá míadhamhlacht nó budh tatháir do taisech do dénamh, &ersir; is ed so asbert: A Césair, ar se, da madh nech budh tharriu ináisiu do cloidhfedh sinne is taisci nó imbéramais féin bás foirn inas ticfamais d'iarraid loghaidh fair, &ersir; ní mebhail linn fer mar tusa do tidhnocol ar m-bethad duind. Ní fírén duit fích t'aicenta do beith frinde, ar ní do comérghi it aghaidh do ratadh taisighecht duind, &ersir; ro bámar isin céim i fuilim re siu ro éirígh in cocadh mór-sa etrut-sa &ersir; lucht na Rómha. Na bídh ceist íarthair in domain fort festa o ro giallsum-ne deit. Ocus erigh fesin do gabháil in airrthir, &ersir; tabhair énaiscid m-bicc uait duind cena .i. cen ar m-breith sa sloighedh don chur-sa, uair isar scítha énirti, &ersir; ní maith ar conach catha dar limm, &ersir; is aire sin nach coir ar cumasc risin slógh is maith conách catha.

Ocus ro aentaigh Cesair frisin aithesc sin Affrin, cor'bó réill forbhailtechus &ersir; rethine mor ina gnuis, &ersir; ní ro dighail fair a munter do marbad, &ersir; ro cedaigh doibh anadh tareis in t-shloighidh moir amal conaighset fair. Ocus ro daingnighset snadhmanna a sidha etarru, &ersir; ro reithset muinter Aiffrin ina n-drongaibh &ersir; ina n-dírmaibh docum na sruth &ersir; na n-abhann batar comnessam dóibh, &ersir; ba h-anmesurdha tra ro turnat a n-ítu sin. Ro buaidhred na linnti leo lé tresecht &ersir; lé sanntaighi ro cingset docum na sruth. Tucsat drong ele díbh a n-ochta for na bruachaibh &ersir; a m-belu forna h- aibnibh. No bídh do met in buindi usci no suightis cucu na fagbad a n-anala conair seacha innund nó immach, go m-ba h-adbar bais doib-sium sin. Ni coisceadh sin a tart beus, &ersir; ní ba lughaidi gal a m-braighet beus, air giamtar lana na brondanda bat itadaigh na braichti. Ocus do scibset ó na h- uiscib

'ar sin, &ersir; tancadar a nerta &ersir; a m- briga fein doibh. Tangadar araill dibh d'agallaim a carat i longphort Cesair in n- aidhchi. Ro cuadar araili co scailteach easraiti da trebaib &ersir; da cathrachaib fein.

Cesair ro caidh sén remi d'innsaighid Uairr .i. righ eli buí ó Romanaibh isinn Espain fos, gur giall Uairr fo chétoir do, &ersir; co tuc-som da legion da slogaib leis uadh .i. dá míli .x. fear n-armach. Co tainic remi 'arsin docom a munteri fein ro facaib ic togail cathrach na Maisili i c- crichaibh Etaili, guro croth an cathair leis, &ersir; co n-dernad a ogdilcenn o h-uilib indmasaib. Ro tidhnaic Cesair a m- bethaidh &ersir; a sairi don tiru airsin sloigh do arrasair inti.

Conid remscel do remscelaibh catha moir na Tesaili co n-igi sin. Sloigheadh <ps><sn>Cesair</sn></ps> isin <pn type="country:Spain">Espain</pn> ainm in sceoil.

 Martra Munteri Uilt

Do rat in toictiu a aghaidh n-alaind re Cesair in airet sin, &ersir; ro cungain in conach leis ic togail cathrach na Maisilí &ersir; ic inriud na h-Espaini. Acht cena ba sain frisin do rala do dreachtaib da sloghaibh i tirib ele isin doman. Ar gach aird isin cruindi i comraictis mair &ersir; arrig munteri Poimp &ersir; Cesair no bid comtogbail an catha catharda eturru, &ersir; ni scartais gan gliaidh.

Do rala intan sin dano Antoin airri maith do muntir Cesair co n-droing slogh immaille fris ic crichaibh na Curecta, airm i comerget murtonna in mara Adriatecda re h-imelborda innsi slisfoda Soloin. Do riacht Ochtaib, taiseach ucingeadh &ersir; murtaidhi munteri Poimp, ina dochum co sloghaibh roimda leis gur gab in n-insi fair. Ba daingean ditoglaide an t-inad i tarla Antoin, &ersir; nir' lamad a indsaighidh ind. Nir' cuimgead a togail gen conas toracht inni discailes cach n-daingean &ersir; innres gach n-inill .i. in gorta; air bui do cumga in inaidh ro gabad forsna sloghaibh conna fagbaidis a n-eachradha ingealta and. Bui dano da terca in bidh dona miledhaibh co m-bidis ic comtomailt na fér immaille fria n-eachuib.

At-cuala Baisil sin, airri esen dano do munter Cesair. Tainic coná socraidi d'foirithin Antoin, gur' gab isin bruach eli fo urcomair, air ní ros-leicc in muincenn muiridhi docum n- aeninaidh fris. O do rat Antoin aichni for mergedhaibh munteri Cesair &ersir; for signib na shlogh n-aentadhach boi 'ca t- sur &ersir; 'ga scrutan ina menmain cinnus no fuicfead an inadh i r-raibi &ersir; no innsaigfead a munter gan forcloisteacht da naimdib badar ic imsuidi fair.

Da roignit iarum airimberta ingnathaichi leis andsin .i. ro coraigit aigi troisdi imlebra adbulmora &ersir; spairri sithremra taibh re taibh, &ersir; tundada folma fo a cennaibh do gach aird. Ro cenglaid &ersir; ro glinnit sin do slabradhaibh slemunrighnibh &ersir; do refeduib gormdubhaibh glasiaraind, go m- badar 'na n-aenratha romoir for ur in traga. Inad infoilgidi air medhon inti fo urcomair imruma, conna roichtis dibraicti lucht in ramgnima &ersir; nar' badar forréli na ramai dano. Fobith is ed no raetis in cubéis don muir no bidh etir da sreth na tunna. Do ronsat tri rathanna dib sin.

Ro airighset munter Poimp for Antoin cona sloghaibh ailgius facbála na h-insi acco &ersir; saint innsaighthi a munteri isin bruach araill. Tancadar iarum 'na cathaibh coraightibh do coimet na port airet ro ba traigh in muir. Tancadar iarum dumacha derid in lae 'arsin. Ro gab in ruadbuinni robarta ic asccnam &ersir; ic dirram for urtrennaib in traga, co n-dernai ocian imdomain re h-edh n-athgairit don conair for a n- imthightis na catha in uair remi.

La sodain do cing in lan mara fo na rathannaib adubramar go m-badar for fogluasacht &ersir; for ogursnam for ur na h-innsi. Tuir arda &ersir; iudusa debhtha fortho. At- conncadar munter Poimp sin. Ro gabsat for fairneadh a long fochétoir. Do riacht a tuseach .i. Ochtaibh, ina n-dochum. Ro gab 'ca fostud &ersir; 'ca n-imfuireach céin co scibtis na rathanna o tir &ersir; co n-gabtis na sloigh for ceill gan a forcloisteacht, amal bis selgairi ic fos a con cein co roicheat na fiadha for reidh. Ro comfoicsigset cabardorcha tossaigh na h-aidhchi fui sin, &ersir; ro facbadar muntir Cesair in n-indsi, &ersir; do cuadar uili for na trí rathannaib, &ersir; ro gabsat co sandtach seitreach ic ascnum in mormara &ersir; ic dubhimram inn oiccéin.

Ba machtad mor la muntir Poimp in cucht imrulaiseat, acht ro dercsat na moli mora for fogluasacht, &ersir; ní facadar seoladh nó imramh fortó. IS amlaid bui Ochtaibh &ersir; innell infolgidi aga for a cind-som i cumung in cuain in conair ro cingseat munter Cesair .i. refidh rodaingni &ersir; slabraidh imgarba iarnaidhi dar in muincinn muiridhi for a cinn &ersir; cind na slabrad sin i cuibriuch &ersir; i cengul do cairgib in murraisc Ilirecda do gach leith.

Do roctadar munter Cesair docum na slabradh. Ro lagait na slabraid la muntir Poimp cein co n- dechaidh in cetraith &ersir; in raith ba nessu tarrsu. Ro tennait immorro &ersir; ro tairrngit re h-uctbruindi na ratha dedenaichi gurusscracad se &ersir; guro teanntairrngeadh fo chétoir docum allbruaich cairgidi búi for brú in mara.

La sodain ro taifnigseat munter Poimp a l-longa o tir, &ersir; ro teascsat a refeda. Ro scuchsat on purt amal is deni no cingfidis coin renna fri fiadh. Do ronsat aensreith dib gu m-benadh gach long fri araili acco i timceall na ratha don leith on muir. Ro linsat in slogh arall bruichi &ersir; allporta in traga &ersir; benna na sliab &ersir; na carrac os a cind.

Ro airigh Ubulteus sin: ba h-e-sen taiseach &ersir; stiurusmann na ratha ro fostad and. Ba h-ingnad leis in gairiughudh &ersir; in comdortad da ronsat a namait do muir &ersir; do tir fair. Ro rathaigh iarum na slabrada uriarainn do bith ic a fostud &ersir; ic a fuireach fon muir. La sodain ro gab for imbirt a claidib forto, acht cena nír' cumaing tescad na slabrad re codudrigni in glais-iarainn &ersir; re urairdi na tonn muiridhi uasu.

Ro gabsat ic cathughudh co ferda setreach fria naimdib 'arsin. Ni ba sodaing doib-sium in cath cena, air ni fedadar cia dona sloghaibh frisa laefidis a n-ochta nó frisa saefidis a n-dromand. Arai sin da-ronsat calma mor, &ersir; ro cuirseat sochaidhi docum báis rompo, &ersir; ni dernsat a coimlín riam calma bad uilliu innas a n-dernsat, air niptar comslana na D leo-sum ic catugud frisna h-ilmilibh badar do gach leith dibh.

Ro laighset landorca na h-aidhchi forro 'arsin, &ersir; ro scuiredh in t-imaireach leo do gach leith, acht cena ni ro scuchsat munter Poimp uaitib-sium, acht badar 'na cathchliathaibh oraightib &ersir; 'na faltaighibh bodba umpu do gach aird i frestal a n-arm &ersir; a n-edigh da comroind, &ersir; a n-ilach coscair do cur isin maidin muich arna marach.

O ro scuirsead in t-imaireach &ersir; ro tost in slogh cechtarda ro gab Ubulteus for accallaim &ersir; for nertad a munteri co n-debairt: Denaid comairli cruaidh, a ogu, ol se, air is garit in re comairli legar daib, air ni bia for comus fein foraib acht innocht amaín. Acht cena ni gabta do neoch amal saeghal n-gairit aigi in fedh frisi fetfad a rogha bais do brith, &ersir; ni mo is moladh don tí no sailfeadh fod saegail aigi a marbad dar cend a enigh ina don ti lasmbad cinti a tuitim in uair sin fein, &ersir; dano is senbriathar la cach IS denta ail d'egin. IS eigin daib-si bas d'fagbail amarach gen cob ail daib, air ni fil conair teichidh nó asrus eloda agaib, &ersir; bar namait do gach leith umaibh.

IS mor in conach daib cena da n-dernta cruas, immat &ersir; febas bar fiadhan .i. maithi munteri Poimp &ersir; Cesair, &ersir; Antoin cona miledaibh for muir in for fiadnaisi am, &ersir; Baisil cona trenferaibh for tir, &ersir; Ochtaib cona anradhaibh i n-aireniuch insi Soloin. Bid fiadhnaisi léo uili na dernsat daini riam dar cend a m-brethri nó ar grad a tigerna samail in dinginumni do maith, air ata do dili ar tigerna linni co n-gabam amal míconach mor duind gan ar mna &ersir; ar clanna &ersir; gan ar senoraigh do comtoitim sund immaille frind fein. Bennacht foraibh. Gabat bar namait delb deglaech dhib. Furailidh cest bar commiledh dar bar n-eisi ar a n-dingentai do nemtimmi ina fiadnaisi gurob failidh leo gach socaidhi uaibh ticmail i n-egin eturru.

Triallfait-sium bar m-bregad-si &ersir; taircfidit anacul &ersir; síd doibh. Ro bad folith linni on immorro, ar bes da tairctis sidh duind ni sailfidis na bad uaman nó dercaini do berad fórn ina n-dingenmais ina fiadnaisi. IS mor in logh maithiusa daib a rad do Cesair cumba dith muntire leis sibh da n- derntai maith. Missi féin imorro, a degogu, air se, ro cinnius mo bethaidh, &ersir; gid acmaing riachtana asso fogabaind robad nemail lim, ar rom-lín ailgius fogbala bais, air ní fedadar maith in bais acht in lucht bit i comfagus do, daigh ni legat na dei a fis don lucht eli .i. gomad somillsite leo in bethu i m-bit.

IS airisin iarum inbaid bas toirrseach sibsi d'airliuch bar m-bidbad amarach, impaidh frib féin &ersir; imred cach uaib bas for araili, na dernat bar namait bar commaideam &ersir; na cuiret bar n-ilach coscair.

Ro togaib in t-aithesc sin tra aicenta na n- oglaech &ersir; menmanna na saerclann, co tainic saint a n-aideda doib, &ersir; gur gabsat do laim a taisig nemtimmi do denum &ersir; a marbad fein ar grad a tigerna &ersir; na berdais a m-bidbaid a commaidem iarsin. Ocus is e medh ro gab greim in gressachtlaidiudh sin do bert a taiseach fortu, ge ro badar ar tus co ciamair taidiuir toirseach ic fegad na rend, &ersir; bidgad &ersir; uruaman deridh na h-aidhchi &ersir; tossaigh an láe foraib gu mor, aráisin ro ergedar menmanna na miled &ersir; aicenta na saercland lasna forcetlaibh firduilgibh ro asneidh an deglaech doibh conid edh ro fas de sen gur'bo foda leo in adaigh &ersir; gurbo denmni léo mochsoillsi na maidni do tarrachtain fodaigh a fergi d'imirt for a m-bidhbadhaib.

Ba comair fuirigh doib-sium on ar inbaidh solusta samraidh intan sin &ersir; athgairdi na h-aidhchi and. Nir'bo cián doib iar sin guro foilgid retlanna nimi forro, &ersir; guro erigh in grian ina cruindmill cro &ersir; ina pupul teindtidi os dreich in talman doibh. Ro comsoillsigh iarum in cuan do gach aird &ersir; do gach aircinn umpu. At-conncadar a naimdi ina n-imiull crobodba do gach leith umpu .i. cinniudha aithisacha na n-Isterda for imblib in tragha &ersir; for cairgib an chuain ina fiadnaisi. Coblach ucinged &ersir; munter Poimp &ersir; popuil na Líburnecda ina leithcircull natharda don leith o iath &ersir; o muir dib.

Adracht iarum in taisech toghaidhi sin .i. Vulteus, cona degmuintir leis. Ro gabsat co h-obunn a n-edguda catha &ersir; imairic umpu. Tucsat druim caich fri araili dib fein, &ersir; a n-aighthi uili fria naimdib do gach leith.

O 'tconncadar munter Poimp iad co comsanntach comduthractach docom inn imairic tucsat socht for in cathugudh fri re. Ro gabsat ic taircsin sidha &ersir; caradraidh ceilgi doib dus inn isligfedh a n-aigned nó in tairnfed a fearg, &ersir; gombadh moidi gradh a n-anmand leó gach fuireach no leicfithea doib ina m-bethaid.

Ba fuileach a freacra o muntir Cesair, ar ní frith guth nó glor uaithib, acht ro laeseat cetha neimi forro do beraib bodba &ersir; do clochaib taball, &ersir; do saighdibh a fidbaccaibh guro tuitseat 'na frasaibh &ersir; 'na tolaibh tromfertana i ceannaibh, i corpaib, inn octaib, inn urbruindibh na miledh, a tulaibh na sciath, i cennataibh na luireach &ersir; i crislaighibh na long, comtar ili erimda oig athgaiti, &ersir; milidh marbta, &ersir; laich lonna leadarta, &ersir; curaidh crectnaighti, &ersir; troich trascairti, &ersir; laith gaili 'arna n-guin la muintir Poimp desin.

Do ratta gairthi mora acco 'arsin, acht céna ni ro cumscaighseat sin menmanda munteri Césair on cinniudh da ronsat. Ní tainic timmi nó techeadh nó enirti aicenta doib re h-ilar na n-anforlann &ersir; re h-imad na n- echtrand &ersir; re comgairiugud a m-bidbad do gach aird impo, acht badar 'na m-barainn bodba &ersir; na cipi catha &ersir; na cair comdlutha i m-medhon a namat, &ersir; cach ic a comtuarcain annair &ersir; anníar, anneas &ersir; atuaidh da n-deis &ersir; da clí.

Ro fuilnged co ferda leosom in cathgléo sin. Ro frestlait a namait co nemhimeglach leo. Ní ro dechsat iarmairt da n-anmannaibh, air ni dechaidh a suil fri a m-bethaidh &ersir; cinti leo bas d'fagbail ar ro cuirrseat a comlunn rompo re n-ég. Ro imirseat co setrech for a naimdib cumtar lána na longa ba comnessu doib da corpaib cirrti &ersir; da collaib croderga, garbo cubur fola &ersir; gur bo uanfad cro barruachtur garbthond in glasmara impó do gach leith co reitfitis carpait &ersir; cetharreidh for in cessaigh comdluta ro fas &ersir; ro inforbair i crislach in coblaig do clarud na long lanbristi, do bretaigh &ersir; do blogradaigh na sciath scellbolgach, d'fidrad na ruadrama, do cranduib snasta na slegh &ersir; na saiget &ersir; na foga faebrach, gurba annsa na longa d'fogluassacht tritu &ersir; tarstu.

O 'tconncadar munter Cesair na h- ara mora sin, &ersir; o ro folortnaigh doibh, ircuirseat rompó dan naimdibh. Ro coiscset do marbadh a m- bidbad, &ersir; imsae cach fri araili dib fein ardaig na bertais a namaid a commaidim. Is annsin isbert a tuseach .i. Uulteus, o guth mor, &ersir; ro cuir a eirred da uctbruindi la rad in n-aithisc: A ogu inmaini, ar se, scuchaidh cucum-sa &ersir; imbredh bas form deglaech egin uaib doneoch is dingbala dam d'imirt bais form &ersir; lasa becc brigh a anma fein, air is urdalta dó co faigbe a aidedh lim-sa fo cetoir.

Ni h-imcomaircech ro freccrad an fer sin la a muintir. Ni d'aeinfer ro leicced bas d'imbert fair, acht gach fer no soicedh e no saided in claideb ind. Ro gab somh for radh maitiusa &ersir; for a commoladh uili, &ersir; tuarccaibh an laim co lan-opunn, &ersir; do-bert beim co fuirmidh don claidib aithfaevrach bai ina laim don fir dibh rucc a cedguine, gur ro tesc a cenn da culmuneol, conid in n-aeinfecht rainic a cenn ocus a colann i rumh na rata romoiri i raibhi. Torcair beim n-asclaind de-sium fein ic fuirmedh in beime sin, cur scar a ainim fria corp, &ersir; co fuair bas fon samail sin.

O 'tconncutar a muinnter-sim sin, imsaei cach fri araile dib, &ersir; do gniat ind aonor a cuid fein &ersir; cuid im bidbad don cat gur gab cach for commarbad &ersir; for comhmuduccud araili dip. Cona bai a samail acht amail innister isna faiblib in coimeirgi &ersir; in commarpadh do ronsat sil Caitim maic Agenoir, no na fir druidhectae ro artraiccsett do Iasson mac Essoin in n-insi na Colach arna n-infas a detaib na nathrach nemcotaltaige bai ic coimet an croicinn ordai.

O 'tconncatar muinnter Poimp iat for an abairt sin icca comtuarccain fein, ro scurset a lama dib, ar ba mactad mor leo an ernmas do ronsat .i. coiccill da naimdibh &ersir; a commarbad fein. Ro gniadh co garb an galach sin occo. Ba nertmar ro imbir an bas a brigu forru. Ni focertiti imroll leo. Ni tabrad neach ann in n-athbuilliu d'araili. In n- aeinfecht &ersir; i n-aenfaball no trascairti gach fer dib &ersir; no trasccradh &ersir; no ghonadh cach araili. No marbad &ersir; no marbhtha, no freccratis ocus no fuirmitis an beim. No bhidh do deinmne an bais occo co curtis a n-ochta urnochta fo ogib na claideb. Atrochratar annsin na mic lasna h-aithrib &ersir; na h-aithri lasna maccu &ersir; na braithri la araile. Ro tuitsetar iarum cenn i cenn &ersir; taeb re taeib i ruma na ratha iarsin, go ro linsat ar-ruadbuinne fola &ersir; a n-uanfad cro an muir impo, co n-derna aenclar crodercc di. Ba foruallach forniata, ba tremait tarcaisnech an feogad do bertsat na fir sin for a m-bidbadaib icc faghbail bais, ar nir' bo mied leo a airechad da m- bidbadaib forru comad lainni leo betha ina bas.

Ba h-ainiarmurtach tra in galach sin muinnteri Cesair ettorru fein, ar airm i m-batar na D laech acht becc ni terna eludach bethadh no ainfer innisin sccél dip, acht attrochratar comthuitim for lar na rathae i rabatar. Ni raibe isin bith riemh lucht aenlunga fuair in n-imforcraidh urdurcais no clua no molta dara n-eisi.

Ro tencsat muinter Poimp iet arsin ina n-dumada dímora do collaip ruste ruamanta for lar na ratha. Tainic a n-gus &ersir; a n-aiccned forta. Ro eirig tróige &ersir; triamainiu mór ina cridib ic a n-decsain. As edh ro raidset gurbo h-ingnad adbul, &ersir; gur'bo machtnughud mor leo daoine isin doman do cartain a tigerna fon samail sin .i. iet fein dia marbad fein ar a seirc. Ro tairrngedh iarum an raith docum tiri occo, &ersir; ro h-adnaicit cuirp na laecraidhe leo i n-inis Soloin fo fochlaidhiph na caladh.

Conid remscél do remscelaip catha moir na Tessaili co n-icci sin. Martra muintir<sup resp="WS">e</sup> <ps><fn>Vuilt</fn></ps> ainm an scéoil.

 Aidid Curio.

Nirsa timmiu innasin an t-imairecc irgaili ro fas i c-crichaib na h-Affraici iter muinteraib na rig cetna. IS amlaidh tarla sin .i. airri da airrigib ro cuir Cesair co n-da leigion da mhiledhaib immailli fris, d'iarraid loin dó co h-inis Saird ocus co h-inis Siccil for muir Torrein, amal atrubartmar remainn, Curio a ainm inn airrig. O rainic Curio co h-inis Siccil as fair deisidh lais techt i cricha na h-Affraici d'iarraidh indmais indti &ersir; da scarad fri nert Poimp ica m-bai i forlamus co n-icci sin.

Ro taithmigh iarum a longa a murrusc deiscertach insi Siccil imach, &ersir; ro toccbait a fáinbreiti siuil forta, &ersir; ro gabatar co menmnach la fiugair na gaeithe indes ic mall-ascnam in mara do cum criche na h-Affraici gach n-direch, gur' gab cuan &ersir; caladphort i comfocraib sencathrach na Cartagini isin Affraic.

Tainic Curio fo tir annsin, &ersir; ro gab longphort for bru srotha Ticcir edh imcian o chuan an mara suas. Cein batar na sloig ic suidiugud i l-longpuirt, tainic Curio co n-úathad da saenmuinntir leis do remughad &ersir; d'airddecsaini tulaig uraird bai os cind an longphuirt. Bend sleibe moir ocus garball clochda &ersir; cairrci cenngarba imda osin tulaig sin. Ba h-uraibinn an t-inadh sin, &ersir; ba h-inadh fairccsina isin tir uile é. Ro gab Curio acc siubal gacha cnuic d'araili ann iarsin, co torracht ainfer do lucht in tire ina dochom. Saigis Curio coir comraid fair, &ersir; freccrais an t-occlaech affracda é. INdot eolach isin tir-si, a occlaigh? for Curio. Am eolach on am, ol se. An fil senchus a dind &ersir; a cnoc &ersir; a cathrach let? for Curio. Ata amal ro faccsat ar n- aithri &ersir; ar senaithri linn dano, ar an t-occlach. Caide ainm na tulca-sa i tam immorro? for Curio, &ersir; ainm na cairrci-si for ar cul? Carrac Anteus ainm na cairrcci tra, for an t-oclaech, &ersir; Tulach na Gleca ainm na tulcu-sa for a tai. Cidh ni dia filet na h- anmanna sin fortha? for Curio. Man bad eimhilt lat ro inneosainn deit uili do leir, for an t-óclaech affracda. Innis commin, for Curio.

Coraidh ingnad bai isin tir-si gan athair, gan mathair daenna occa, ol se, acht a geineamain a crislach an talman cene. Anteus mac Terrae a ainm. Ba mór a nert inn fir sin. Ni cumcedh duine na daoini coimleng friss. Innuair ticced dith neirt do nos-leicced 'na ligi fria lar. O no thaidhledh a thaeb an talmain ticced a nert fein do, co l-linta do calmatus dermair é o mhathair bhunaidh .i. on talmain . Acht ni riccedh somh a les com-minic sin iter, air ni fogbaithe neach no fuilngedh a nert cena. Atrocratar acaide in tire leis, &ersir; nach long no taidhled in cuan-sa this ni tintadh slan uad; gurro fasaigedh in ferand-sa uile do na lamta a tadall do muir no do tir.

O ro fasaigedh in tir immi is ed ba tuara do, feoil oss &ersir; fiadmil &ersir; mathghaman &ersir; leoman do neoch no marbadh fein ic cuairt in fasaig cach dia. IS edh ba tegdais &ersir; ba leaba ligi do, uamdorus dilenn mór fil isin carraic-si thall. Ni bidh tugha no craibredh no pell no brothrach no breccan no crocenn anmanna fui isin lepaid sin, acht a thaeb frisin talam nocht cenae. Ticced calmatus mór do-som desin co m-ba nert nua ar gach lo leis tre tadall a mathar bunaidh .i. in talam. IS uadh sin atberar Carracc Antei frisin carraicc &ersir; Uaim Antei frisin uama fil inti.

Rainic tra clu &ersir; urdarcus in uilc sin fo cethair-aird an domain fa deoidh. Rainic in clu cetna co h-airm i r- raibe in t-anclund &ersir; ind ail bratha &ersir; in fer nach fuilngti comlund, in milid merdana mormenmnach, in t-occlaech ard allata andiarraidh .i. Hercuil mór mac Ampitrionis. O 'tcuala Hercuil ieram in n-ainceis-sin icc indredh na h-Affraicci, ni ro damhair do can a innsaiged, fo bith ba h-e a bes, gach inad isin domun i cluinedh torathar no olc difulaincc do bith tocht da saigid occus a dichor ass.

Tainic ieram fo test in torathair. Cien gairit bai no co toracht in tir-si &ersir; gur' sir an ferann uile, &ersir; co tainic for fuillecht in coradh docom a leabtai. Ni bai Antei i fus annsin, acht bai i c-cuairt in ferainn amal ba gnath bes do. O na fuair Ercul é, deisidh ina suide i m- mullach na tilca-sa for a filti-si sund. Nir'bo cian in urnaide dó ann intan atconnairc in coraidh seachai docom a uamha, &ersir; ualach mór fair do cesaib &ersir; do croicnib mathgaman &ersir; leoman. Taidbris Antei for Hercuil, &ersir; do bert da aire é, ar ba ferrdha denam an laich atconnairc.

Teit iarum dia uama &ersir; cuirid a eire ossfeola de for lar, &ersir; gabaid for ongad-comailt a cuirp do ola &ersir; do neithib inmaraib eli, &ersir; do methrad slemunrighin, co nar'bo sleimne lam for iascc no aigred ina for gach m- ball de. Do rocht Antei iarum co h-airm i m-boi Hercuil isin tulaig-si, &ersir; foccrais cor gleaca fair. Ba h-adma eolach Ercail isin ceird sin, ar ro ghnathaigh co mor a denam i cluichi oenaig Olimp. Atract Hercuil &ersir; ro cuir a arma uadh, &ersir; ro cuir dano de for lar ina farrad croicenn in leomain bai imme, .i. leoman ro marb- som fein i fidneimed Neimi.

Scuchais cach go araili dib iarsin, &ersir; snadmait ar-righthe, &ersir; do berat combloscc calma, gur' ben tul-etain caich fria araile dibh amal bloisccbeim comlad rigduini fria h-ursaind.

Ro sinset occus ro naiscset a n-doiti rigremra romora dar braigtib occus dar muinelaibh occus dar formnaib araili. Ba comrac dá coimtren sin. Ba borp an buaidredh- mesccadh. Ba ferrda an fasccud-tarraincc do bert cach for araile dib. Ba h-ingnad mor &ersir; ba machtnugud adbul la gach fer dib nech isin domun da freccra amlaid sin. Air atar la gach fer dib ni boi fer a frestal isin bith. Ro gab Hercuil ic coiccill a neirt co mor ina aghaidh, &ersir; ni dernae acht a congbail cena fris. Ro gab Anteus immorro icc airimirt a brig gan dichell ina aghaidh sium, co tainic a allus, &ersir; gor' luathaigh a anal, &ersir; cur tercaighsett a seitrigthe gleaca .i. a cuir.

O ro airig Hercuil sin ro duin a dá doitrigid im cael a droma, &ersir; tucustair tendad &ersir; tarraing- drutad tren-talcair fair, gurro dlúthaigh a bruinne fria bruinne, &ersir; go ro cuir a smeich dar a muinel, &ersir; co tuc glun ina gabal do, gur ro bris a ferda uili, &ersir; tuc urcur fo comus dé 'arsin co tarla ina lige for lar uadh.

O ro tadaill a taeb in talmain ro suig co h-athlam a allus fo cétóir, &ersir; ro atnuauigh a briga, &ersir; tucc clisedh calma fair, gorro scail rigti in miled imme, &ersir; ro eirig co seitreach dar Hercuil. Ba saeth mór la Hercail sin, &ersir; ro saoil nach claefedh iter e. Immacomrainic doib doridisi. Ba doidngi do Hercuil commór don cur sin e innas don cur reimi. Ni fuair riem baramail an comlainn sin. Ni bai uair bad cora da easccairdib subachus inas in uair sin ar nertmaire in cuingid comlainn tarla ina agaidh. Araisin forerigh Hercuil co ferrda in coimleng tanaisi fris, gur gab for a énirtniugud commor. O ro airigh iarum Anteus a briga &ersir; a nert ic traethad leiccid fein asa deoin e docom lair, go ro eirig fo cetoir cona brigaib nuae ann.

Do beir Hercuil aicne fair 'arsin, conidh tre tadall in talman ticctis a brigha &ersir; ticced a calmattus do. Ro gap Hercuil co seitriuch for a farrach, arsin, no cur' triall Anteus a leiccin fri lar dorisi. Frithailis Ercuil co h-athlam é, occus dúinidh a dá doitrigidh imbe, &ersir; nos-toccaibh i n-airde co nar' tadaill a cosa in talmain iter, &ersir; asbert friss: Fuirigh it sesom amlaidh sin, for Hercuil, ar ni leiccfither duit tadall in talman festa. Toit cuccum-sa i l-let-sa. Iss ed sin asbert Ercuil, &ersir; toccbaidh ind airdde co h-opunn é &ersir; faiscciditer a rightea &ersir; a taeba, co n-derni smirammair da cnamaib immedhon a croicind, &ersir; ni ro leicc co lar e no gur cuir a chride ina lommannaib fola &ersir; ina cubarcaepaib cro dara beolu sechtair.

Fuair Anteus bas la Hercuil don gleic sin isin tulaig-si, conid desin atberar Tulach na Gleca di o sin anall.

Is uasal in t-ainmniugud sin tra, for Curio.

Fo gabar ainm as uaisle di-siu ina sin, for in t-occlach affracda .i. Tulach inn Athlongphuirt ainm eli di.

Cid ni da ta side dano? for Curio.

Ni ansa, for in t-occlach affracda .i. Scip Affracain co n-ocbaid na Roma immailli fris ro suidigsiot longphort immon tulaig-si &ersir; 'mo bruigib in t-srotha-sa tis airm a suidhigter for longphort- sa innossae. Nach faicci fein slicht na tochalta &ersir; inad in fail &ersir; buna na cuailled &ersir; aite na m-machad &ersir; torainn in morlongcphuirt fós ann? IS as so ro creachadh occus ro h-indredh inn Affraic uili leiss, &ersir; ro delaraigedh a slóig &ersir; ro croth in tir uile.

Amae, a occlaig, for Curio, cia h-ainm in cathair lethrainte mor ut tall ar ar n-incaibh. Inni in Cartagin í?

IS isi on eiccin, for in t-occlaech affracda.

Cid edh ni fo cainblath forraccaib Scip í? for Curio.

Ro ba menmnach linmar cidh iter occbad in baili sin, for in t-occlach affracda, &ersir; ro mudaigit uile la Scip iat, &ersir; ro trasccrait muir na cathrach leis, co fil fon m-blath atcithi-si.

Tainic faeilti mor ocus sonairte aiccnid do Curio de sin, ar ba celmaine maith leis a teccmáil isin longphort as ar' cloedh inn Affraic la Scip. Tainic iarum co subach somenmnach docom a muinntire, &ersir; deisidh ettorra ina longphort.

Bai airri togaidhe fri lama Poimp for in n-Affraic in tan sin, Varus a ainm. Ro cuala side Curio do rochtain isind Affraic. Ro tinoilit fo cetoir leis a milidh &ersir; ina m-bai d'occbaidh na Roman uili ina fochair tes. Bai ócclaech lanmaith dano i r-righi ic na h-Affracdaib fein in tan cettnae sin, Iuba ainm in rig sin. Ni bai for Affraic riem ri bad uilliu ferann inas, ar bai fo a mamus o turccbail greiniu, &ersir; o sleib Athalaint innair co crichaib na h-Aissia sair, &ersir; o bord tuaiscertach mara Torrein atuaid co crichaib deiscertacha an teintide fo des. Ba h-escara bunaidh do Curio in fer isin, ar ro fobair Curio a aithrigad som an tan bai cumachta &ersir; commas isin t-senad Romanach occo.

O 'tcuala Iuba iarum a beith-siumh isin Affraic, ro tinoilit a sloig da saigid do digail a ancride for Curio, &ersir; dano bai do troma &ersir; do teinni na rige Romanda for in Affraic gurbo lainne leis congnam icc denam eissídha na Romanach innas icc denam a sida.

Do roctatar iaram sloig imda ilarda re h-edh n- atgairit do saigid Iuba annsin. Do rochtatar amh annsin na h-Autolapecda. Do rochtatar na Numecda. Dorochtatar ann na Getulda daine sin na gnathaigit dillata fothu iter. Do roctatar ann popuil duba na Muretae. Do rocht ann popul na Marmarda. Do rocht ann popul na Nasamonda. Do rocht ann popul na n-Gartamantecda. Do rocht ann popul na Matarcta. Do rocht ann popul na Masili, &ersir; lucht na h-Affraici uile arcena.

Tainic tra Iuba ri na n-Affracda cusin t-socraiti móir sin gur' gab longphort i n- imel in maige i m-boi Curio. Tainic Vair in t-airri cona sochraiti leis, gur' gab longphort isin cinn aile don maig cétna. O 'tclos do Curio in t-sochraite mor sin do taidecht ina docom, rus-lion oman &ersir; imeccla re h-imat na slog do dechatar in n-aires catha dó, &ersir; ar a med ro ba menmarc leis ancraide a aithrigtha do digail do Iuba fair, &ersir; dano nir'bo tairisi leis toct i n-imclaidbed catha a n-agaid a namat lasin m-bretaig sloig tarla ina farrad, air ni do miledaib bunaidh Cesair iatt, acht commascach sloig ro tecclamait a cathair Corpin &ersir; asna caistiellaip aile ro gab Cesair isin Ettail.

Araisin ni ro airig neach for Curio an crithoman sin do beith fair, acht do roini do degglor &ersir; do danacht aiccnid &ersir; do sonairte urlabra i fiadnaisi a slogh, conar' sailset nach smuainedh eccla ina menmain. IS i ierum comairli ro túir ma menmain, danacht do denam &ersir; a slog do breith leis gan fuirech docum a namat, ardaig na beith acht oen comairli occo o ro soistis aít inn imairicc .i. an cath do gnimh.

La sodain ro cind ar an comhairle sin, &ersir; ro eit a arma, &ersir; tucc a slogha fon arm-gaiscced leis asin longphort immach for lar-medon in maige. IS annsin do rola airri na h-Affraice doib .i. Vair, cona muinntir eineach i n-inchaip for in muig &ersir; se icc saigid in longphuirt i m-boi Curio. Atar leis is ann fogebad é. Immacomrainic doib annsin &ersir; ferthair gleo ainmin etrocar ettarra, cur raemid for Vair cona muintir docum a scor, co ro tuairccsett muinter Curio na drommanna doib gan anadh gan impodh, nocur tairmiscset daingne in longphuirt iatt.

Ro h-indised do Iuba do airdrig na h-Affraici sin. Ba faeilihd leiside gan cosccur Curio do breith ina eccmais fein, &ersir; gan maidm catha fair noco roised-sium ina docom. IMsaei Curio co cosccur mor &ersir; co failte dermair da longphort fen in n-aidce sin. IS i comairli do roini Iuba ri Affraici, taidecht ind aidce sin fo cetoir cona slógaib leis asin longphort amach, &ersir; imsaei reimi co taei tostach taithenach, co rainic fanglenn mór bai ind eitermedon an muighe, co n-derna costadh catha annsin, co tainic dobursoilsi na maitne muiche arna barach.

O tainic iarum cetsoilsi in laei cuicci, ro ordaig a sloga &ersir; do roine catha coraigte dib &ersir; ro indill co h-infoilgide i n-glacaib in glennai &ersir; i m-mamannaip na tulach batar imbi. Ro cuir a marcsluag &ersir; Saburra tanaisi rig na Nimdecda rempo docom longphuirt Curio do saigid debta for lucht in longphuirt &ersir; da m-breccad leis docom na cathetarnaide ro coraig in ri fora cind. Ni bai samail na ceilge sin ro ordaigh-siumh acht amal do gnither selg na n-aspiti i crichaib na h-Eigipti tes. Cineli nathrach sin, &ersir; lecca logmara ina n- incaib, &ersir; a n-aitriubh fein i scailpib carracc &ersir; i n-uamtollaib talman. In cu bís fo tograim do beir a erball isin fochlae talman i m-bi nathir dibh. O 'tcí in nathir fosgadh in erbaill do beir a cend dar in foclla immach. Glacaid in cu de fordorus na fochlai a scornaigh i l-leith anníar da n-neim, conid fon innas sin bregthar asa aiti .i. IS fon samail sin dano ro cuir Iuba ri Affraici uathaichi marcsluaigh do celgad Curio &ersir; da thochuriudh asa longphort docom in t- sloigh moir ro innill for a cind.

Nirbo cealg gan conach in celg sin tra. Ar ro urail Curio for a marcsluagh teacht isin aidchi remi asna scoraib seachtair guro taistlitis redhi an muighi resin slogh araill. O ro thaithni cetsoillsi na maidni muichi iarum ro forcongair for a sluagaib uili ergi, &ersir; dataegat asa scoruibh seachtair, &ersir; tuargabsat idna catha forro, &ersir; do tennat a n- deaghaidh na marcach isin magh.

O rainic marcsluag Curio gu lar an muighi do rala Saburra &ersir; marcsluagh na n- Affracda focétoir cucu. Fossaigit immaireach n-ugra forro nogur rainic Curio cona muintir uili da saighidh. La sodain faemait na h-Affracda teiced ceilgi rompo docum an glenna i m-badar na catha coraighthi for a cind.

O 'tconnairc Curio cona muntir sin, ro gabsat co dichra duthrachtach ica slaighi 'na n-diaidh, gur rancadar larmedon in glenna. Co cualadar glaedh-beccedaigh na stocc slescamm slemansolus &ersir; fogurnuall na cornn &ersir; na n-adarc &ersir; na cuislenn catha, &ersir; co facadar na h-oincoin obeli &ersir; na mergeda ailli eiteacha &ersir; gristaithneamh na n-arm n- áichthide n-urnocht os na cathaibh coraightibh do gach aird &ersir; do gach airchinn dib anair &ersir; anníar, annes &ersir; atuaidh rompo &ersir; ina n-diaidh, co n-dernad crotimcill &ersir; amdabhach nemi &ersir; buaili bodba do cathaibh na n-Affracda immon n-gleand uili 'na mortimcell, co na bui accó cae nó conair no cindis ass mani cláitis in talmain fothu, no mana dictis for foluamain isin aeer uastu nó mani cindis i cend a cetcomlín do miledhuibh foa n-armgaisced co rún a marbta uili la gach n-aenfear dib.

Sochtais Curio ic faiscin in anforlaind. Sochtait a munter uili dano. Ba nemada ind abairt da ronsat arsin. Nír' urmaisedar maith nó saich do denum. Nir' thriallsat tecedh no imbualadh nó gnimh catha do denumh re méd ba tapad &ersir; ba h-uathbas léo in comlinad &ersir; in comegur do bertsat a m-bidbaidh for in glenn do gach aird impo gan a faiscin, gan a forcloistecht co n-igi sin.

Ba deithbir dona míleduib cena cia nos-linadh in cridenbas amlaid sin, ar rosn-imbir cid iter in n-uathgrain cetna for graigibh eciallaidibh na n-echradh badar leo, cona tainic nach sonairti aignidh nó nach metughudh menman doib frisin comgair cumaisc atcualadar do nuall na stocc &ersir; d'fothrom na n-echradh &ersir; d'fogurmuirnn na miled, d'fidren na saigheat srubderg, do scretgaire na foga faebrach, do drongair na luireach lineach lancuir, da comtuaircnigh na sciath scellbolgach, do comcoicedul na claideb cruaidgér claslethan, da comgeoin na sochaidhi ic comtriall inn imairic i n-aenfecht &ersir; i n-aenfaball uili. Ro traigset &ersir; ro truinset echrada muintire Curio ic cloistecht frisin morborbgair sin, co n-derna eocho trethi timmi triamain i seitfedca anescaidi dib, cona frecraidis a sporad nó a m-brostud.

O 'tconncadar immorro na h-Affracda for in fabairt sin iad ro comgairset in aenfecht forto. Ro scucsat co neam- imcoimairceach cucu, eter coissidi &ersir; marcach, curo crithnaigh an talam fo cossaib a n-echradh, co n-derna luaithreadh &ersir; denngur dona maghraenaibh ro cinniseat, gur fasadar dobur-neoill dorca dubciach uasa &ersir; do impo imaltar in dendgair os analaib na n-each &ersir; na n-anrad ic dianascnam na sligeadh do saighidh a namat.

Ro timcellait na Romanaig desen &ersir; da ronad circull bodba impo d'ogbaid na h-Affraici, cona bui asrus eluda accu. Ro gabad co comtrom do gach aird dib for in esarcain 'arsin do saighdibh a fidbaccaibh, do liagaib lam, do crunnclochaibh tabull, do slegaib slinnleathnaibh, da craiseachaib crandreamraib, do laignibh leathanlebraibh, do manasaib miled, da loirgfeirtsibh laech, do claidbibh claslethna carad, do beraib bodba birguirt rinnaithi.

Ro badar luireacha dluithi dianscailti desin, &ersir; cathbairr caema coimbristi, &ersir; sceith scoiltidi, &ersir; taeib tolla &ersir; cuirp cirrthi &ersir; oig athgaithi, &ersir; troich trascairthi &ersir; laeich londa ledarta, &ersir; milidh marbta, &ersir; colla curad i cossair cro. Ro cuired cach i ceann araili dona Romanchaib annsen co n-dernad aenmell dibh etir na h-Affracdaibh for lar in gleanna. Ro sonnait, ro dluthait, ro dingit, ro daingeantuairgit iad 'arsin, co na cumgadh neach dib imirt a sceith nó imluadh a claidib no sadud a sleighi nó luth a lamh.

In fer imeclach dib for a n-urailedh in t-omun immel in imairic d'fagbail ic saighidh immedon a munteri ni roichedh in conair no indsaighedh noco m-bidis cruiseacha &ersir; claidbi a munteri fein comtarsna trit, conna bui acco 'ar sin acht fulung a marbta, air ni cuimgidís imbirt a n-arm isin crobuailidh cumaing i m-badar &ersir; gen go n-imbridis a namait a n-armu forro no taethsaidis do comfuasmadh &ersir; do comtuaircnigh a n-arm &ersir; a n-uchtbruinde fein fri araili. No bidis na h-abaigi &ersir; na cuirp cirrti, &ersir; na firecta fuathaidi ina comseasam frisna beoaib eturru, air ni bid acco conair no taetsaidis co lear ar a daingni ro dluthdingset a m-bidbaidh cach i cend araili dibh.

Bá digbail faelti immorro co mor do na h-Affraicdib na faccadar in diach do bertsat a n-airm fein for na Románchaib annsin. Air ro badar imda srotha fola &ersir; caepa cro &ersir; cnamradhach &ersir; lamha leoiti &ersir; leithcind letarda &ersir; inni &ersir; inathraighi ic na Románchaib ic a tuindsium fo traigthibh isin gliaidh sin. Nir digladar na h-Affracda athrigadh Annibail no indred na h-Affraici nó a n-anfalta uili riam for na Romanchaib co n-igi sin. Dia-fris cena, is ingnad in gnim do rala andsin .i. in t-ár do ratsat námait na Roman forto, a maissi &ersir; a foghnum sin do bith don righ Romanach .i. do Poimp.

Ro soillsigh &ersir; ro diglae in t-aer os na sloghaibh 'arsin, air ro scuap in gaeth dib inn dobarnellgail n- dendgurda bui uasú, ó ro linsat na sritidi fola flannruaidhi &ersir; na sruthlinti cro in talmain fothu, go m-badar 'na n- aibhnibh dergruada fuirri, gonar' erig luaithredh nó dendgur i n-airdi dí.

La sodain atconnairc Curio na h-ara mora sin, &ersir; a muintir uili gan elodach innisin scel dib do bith acht comtoitim docom bais an aonfecht ina fiadhnaisi. Nir' fulaing a aignead do bith ic a fegad &ersir; gan acmaing a foritni aigi. Ro leicc go nertmar nemleasc docum lair é. Ro mebaidh cromaidm da cridhi 'na cliabh, &ersir; dos-fanic bas i m-medhon a miledh. Atrocartar a muinter do gach aird immi, conna terna aenfear innisen scel dib as sin.

Maith in fer ro tuit annsin eturru-sum .i. Curió. Ni ro as isin Roím riam a comaesa adbar bad ferr innas meni millead fein, &ersir; mina treigeadh in seanadh, &ersir; meni creacadh in Roim &ersir; in rígrecht re Cesair darcenn óir &ersir; indmais. Do rala do-sum andsin a threcudh don atharda ro treic, &ersir; a corp saerclanna soceneoil co corpaib a muinteri leis do bith gan onoir cainti nó adnaicti fair i crichaib aineoil fo cossaib con &ersir; cuanart &ersir; sinnach &ersir; serríach &ersir; én &ersir; etaidi ingnathae na h-Affraici.

Conid remscel do remscelaib catha moir na Tesaili co n-igi sin. Aidead <ps><sn>Curio</sn></ps> ainm in sceoil.

 Aideadh Aip.

Ro comét in toictiu co cudruma na da tuiseach sin .i. Poimp &ersir; Cesair, eter sonmighi &ersir; donmigi frisin re sin. Tainic la Kalni Enair fuisin, &ersir; tossach bliadne nui. Is ed on aimsir i n-denta atharruch consul &ersir; maer &ersir; airrigh &ersir; ordaighthi cogaidh &ersir; sloghaidh la Romanu dogrés. Ro battar dá consul togaidi la Romana antansin dano .i. Lentulus &ersir; Agellus a n- anmand. Is ed bui re a consulachta co n-igi sin in la sin, arai sin is iad da roine tinol in t-sloig &ersir; caingni in t- seanaidh &ersir; ordaighthi in rigrechta in la sin beos.

IS ann ro tinoileadh in mor-coinni sin isinn Eipir

i c-crichaibh na Greicci Mori, ar nir' lamsat tadall na Roma la h-imeccla Cesair. Do ronait tra ordaigthe móra isin coinne sin la Romanu. Ro cinnsett in n-airdrige do Poimp airett bad beo. Ro ordaigsett mair &ersir; airrig fria lamae for cendadachaibh in domain do tobach a cisa &ersir; do tinol a slog docom an mor-catae doneoch batar fo a mamus som dibh cettus .i. ilcinélu na h-Affraici &ersir; sluaigh imda na h-Aisia &ersir; inn airthir uile. ar ro gab Cesair fortamlus in domain o Roim siar.

Ro scailed iarum an coinne sin na h-Epiri leo &ersir; ro cotar uile d'oenlaim i l-lenmain Poimp docum an mórcatha acht oeinfer namma .i. Apius airrig do muinntir Poimp. IS i comairli ro smuain Apius, techt da fiarfaigid d'faidib et d'fissidib cia dona rígaib da m-biad maith no saith in coccaid moir sin, co congnad som lasin fer badh ferr conach catha dibh.

IS i conair ro coid da fiarfaigid sin, co cert medón in domuin .i. co tempul Apaill i sléib Paruais. IS e freccra fuair la bansaccairt Apaill, co b- fuigbed a din ar guasachtaib in catha moir sin, &ersir; co m-biad cumsanadh on coccad dó i n-glinn an t-slesa Eboecda.

IS edh rucc-som as sin co n-gebad rige i tir na h-Eboi. Arai ni h-ed sin boi de iter, acht antan boi-sium for in muir Eboecda ic saichthin in tire, tainic ainbtine mor do, cu ro brised a longa &ersir; cur' baided e fein, gur rucc an tonn muiride a corp docom tire, &ersir; co ro h-adhnacht e i coimglind tire na h-Eboi, curo comalladh faistine Apaill amlaidh sin.

Conid remscél do remscélaib catha moir na Teasaile co n-icci sin. Aided <ps><sn>Aip</sn></ps> ainm an sceoil sin.

 Echtra Cessair.

CEIN bas icc gnim na mórchaingen sin in cach aird bai Cesair icc gabail na h-Espaine &ersir; iarthair in domuin, co tarnacair leis, &ersir; co ro riarsat uile e, &ersir; co tancatar i tocustal in morcatha. Tainic reimi iarum a crichaibh na h-Espaine do breith a slog leis i n-diaid Poimp do cosnam airthir an domuin fris. Do bertsat a milid dilsi frithbert amnus do-som annsin, ar ro triallsatt impodh fair, &ersir; do coidh doraith occo a facbail uile, ar romed les a saethair catha &ersir; ar lagat a tuarustail. Ba foruallach a freccra na fer sin o Cesair. Araisin ro fostait co firglic leisium iat, &ersir; o ro cindsett airisium ro dedlad friu lucht tuscairnte na comairle &ersir; auctair in deilighthi &ersir; inn impoid, &ersir; ro dicennait i fiadnaisi Cesair for lar in longphuirt.

La sodain o ro daingnigh Cesair a shluagha ro cuir Antoin reme, tuisech da muinntir &ersir; forgla a sloigh leis, &ersir; ro forcongair forra co ristais isin decmadh lo co cathair Brundais for bru in mara Adriateccda inn imel tuaiscertach tire Letha, &ersir; asbert friu guro tinoiltis cucu na h-uile longa fogebtais for sruth Idauir &ersir; for sruth Tara &ersir; for trágaib cathrach Leuca &ersir; cathrach Sip &ersir; for cuanaib in mara Adriateccda uile i comfochraib slébi Gargain, co m- betis ellma inmara urlama occo d'asccnam in marae Adriatecda estib do cosnam na Greicce &ersir; in airthir fri Poimp.

Eisim fein immorro tainic don Roim co n-uathadh da miledaib immailli fris, gur ros-oirdnestair fein é fein i n-uilib ceimennaip cadais na Roma o decan co dictatoir. Tainic as-side co h- ardchathraigh aili na h-Etaili .i. co h-Alba Longa, guro forbtig inte uili ada a consulacta amal ba gnáth.

Tainic as-sidhe co cathair Brundais i coinni Antoin cona muintir. Ni tancatar side immorro in ellma sin iter co cathair Brundais. Ba h-eimilt la Cesair a n-urnaide ann. IS fair deisid leis iarum, tuc a coblach for in muir Adriateccda, &ersir; ro asccna cona slógaib gur' gab cuan &ersir; caladphort isin Epir i crichaib na Greicce Moire.

In Epir isin cennadhach isin Greicci. Is di as ainm Canonia. Is fria at-berar Molosiam. Is inti bai in senad Romanach &ersir; Poimp antan sain.

Tainic Cesair dano i tír annsin, &ersir; do suidhigh a longphort ann oinech i n-inchaibh do longphort Poimp itir sruth n-Genais &ersir; sruth Aipi. Is i sin cetchrich in ro comraicset a l-longphorta 'ar maidm sida ettorra, &ersir; ba h-e imfoicsi i m-batar i l-longphort co cluinedh cach dip glor araile &ersir; co faiced cach fer araile i cechtar na da longphort. IS ed ro fairigh an cath annsin, Antoin cona miledaib gan torrachtain docom Cesair. Ba snim &ersir; ba deinmne mor la Cesair gan na sloig sin do torachtain in a docom. Ro faided litri &ersir; scribenna uad docom Antoin do spraic fair &ersir; da etarguide co tisedh co h-ellam cona slógaib leis docom in catha.

Ba h-ed annso tothacht na scribenn sin .i. Timmarnad bethad &ersir; imcomarc slainte o Cesair, o rig in domain, da tuisech tairisi &ersir; da muintir dilis .i. do Antoin cona miledaib. A Antoin, ol Cesair, cidh imma fuirgi na Fathi &ersir; in conach? ar as urlamh go maith duin acht co tisaid-si cuccainn. Ni docair duit taidecht co h-ellam im dail. Ni i n-Affraic no i n-Espain no i n-inadaip imciena in domain atu accut tobuch no accat tinnenus, acht is a crichaib comfoicsi na h-Etaili inn imfocraib dam can tir coccaid, gan muir n-guasachtaig ettrainn. Tabair do th' aire nach edh asslaigmit fort, tect i n- dail cathae 'nar n-eccmais fein, acht atam acut togairm do taidecht linn docom an catha &ersir; meisi fein remut i n-dail in catha.

IS ingnad an ni fil ann .i. meisi do taidecht i crichaib mo bidbad gan eccla form &ersir; atar-linn is oman lat-su taidecht im longphort-su. Ale, na tairmisc cid dom muintir fein tidecht im docom, ar masi an aichne fein doberim-si fortu cemad ainbthen an muirro bad lainne leo saighid m' arm-sa inas anadh im eccmais. Ni éttum can galar &ersir; can accaine ar cride do aisneis duit. Ni comthrom ro rainn-sium an doman iter .i. an seanadh uile &ersir; meisi &ersir; Poimp conar sochraittib isin Epir namma &ersir; in Etail uili occut-su it oenur. Dechasu fein at masa choir amlaidh sin.

Aitescca Cesair fri h-Antoin co n- icci sin, &ersir; ni anadh Cesair dib sin, acht na techta druim ar druim uaidh co h-Antoin. Aráisin ni tainic Antoin fos. Ba brisedh aiccnid mor la Cesair sin, &ersir; iss í comairle ro scrut .i. intan tainic in tres uair don aidhchi atracht asa leabaid &ersir; tainic a oenar reimi co tráigh in mara sis, co fuair luing m-bicc ann &ersir; tetréfed rofada esti i l-lenmain do tir, &ersir; tigerna na lungae i m-bothan cumang curcallacda for ur an trágha. Benais Cesair beim bascraind i n-dorus in tige sin. Frisccart tigerna mesarda in tige dó, Amiclas a ainm. Cia dusces an trat-sa sinn? for Amiclas, cia sailes nach maith uainn? Ni fil toisc nach duine frinn mana tisedh nach combaiteach do tuinn no do carraic cuccunn.

ISs edh sin asbert, &ersir; atract asa leabaid &ersir; ro cuir refead lasamain fon coccladh, &ersir; ro fursainn í, &ersir; ro oslaic in dorus re Cesair can oman can imeccla fair. IS follus maithus &ersir; nemsnimh na bethadh mesarda as sin. Air ge ro batar longphorta slog in domain i n-athfoccus don tigh-sin, ni ro lae tigerna in tige i snimh no i n-deithitin, uair ni rabattar cruidh no innmassa occo.

Tainic Cesair isin tech 'arsin &ersir; asbert: A occlaich, ol se, as maith in turcairthe tarla cuccut da n-derna a n- abrasa frit. Fogeba conach mor &ersir; bethaidh n-airegda occum-sa da fagbur uait a n-as ail dam. Cidh connaige form? for Amiclas. Taidecht lim isin lunga m-bicc-si this dom imorcur i crichaib na h-Édaili, ol Cesair. Ni sodaing anni connaigi form, for Amiclas: air atait airdena ainbthini for in muir, &ersir; ni tarla coir na gaethi immaille frind dano. Acht arai mata morsodethbir agut-sa bidam urlum-sa lat, amal atberat do beoil. Ni misse nod-fuirega acht mení diultat na gaetha nó in muir tu.

La sodain tucsat a lungu lanbic for in sal serbglas, &ersir; ro gabsat ic mallascnam in mara eocairguirm Adriatecda edir Epir &ersir; Edail. Frith ainbthini adbul &ersir; edualang dermair de sen. Ni frith for muir ríam etternam as guasacht bad samail don guasacht sin .i. bith isin lunga lanbicc for in muir lanmoir. isin ainbtini édualaing. IS neimtim ro fuilngeadh la Cesair in guasacht mor sin cena. IS beag ro h-ísligheadh a glor nó a aicneadh ic fulung in morgabaidh sin.

Badar for anamtaigh amlaidh sin fri re na h-aidhchi co maidin, guro cuir in tond urcur dib isin maidin muich 'arna marach ic calad na h-Eperi dorisi. Ba samail righi can frithbert, la Cesair a cos do tadhall in tiri in uair sin. Imsae da longphort 'arsin &ersir; Amiclas leis, &ersir; nir' scar-sen fri munterus Cesair airet ro bo béo.

Tainic raethini mor isin muir 'arsin la tosach lae. O 'tconnairc Antoin cona slogh sin ro taithmighseat a m-barca benncaela brondfairsinga &ersir; a l-liburni luchtmura leburgorma a cuan cathrach Brundais amach, &ersir; ro gabsat ic snamhram in mara Adriatecda docom na Eperi gach n-diriuch. Dosn-imairc in seol seach tragaib insi Lesb, gur' gabsat port i caladh na Nimpretar i crich Eperi.

O 'tcuala Poimp immorro a sloigh uili do torrachtain in áit aeninaidh docom Cesair, ba derb &ersir; ba demin leis na biadh a scarad don cur sin acht tre edergleodh catha eigin. IS i comairli da roini iarum, in airdrighan Cornelia co righnaibh an longphuirt immaille fria do cur uadh for muir amach co h-inis Leisb fadaigh cib é diliugudh doneadh in toictiu eturru som &ersir; Cesair i l-ló in morcatha co m-beth in airdrighan &ersir; romná na rigraidhi i n-inudh inill in n-inis Leisp 'na cumsanadh.

Ro bo leasc la Poimp la Cornelia in dedail sin. Ro bo truagh tím triamain tadiur toirseach a comhradh &ersir; a n-imagallaim in adhaigh rena scartain, gan cotlud, gan cumsanadh co m-maidin muich, gur rucsat a munter &ersir; a fiallach grada in n-airdrighan leó arna barach co h-inis Leisp, &ersir; nir' cumscaigh si asin indsi sin nogur cuireadh in cath mor.

Conid remscel do remscelaib catha móir na Tesaile co n-igi sin. Echtra <ps><sn>Cesair</sn></ps> ainm in sceoil.

 Aideadh Sceua.

O rancadar longphorta na righ sin i n-athfogus &ersir; i n-imfochraib d'araili, ro cuir cach dibh suil dar a sochraidi &ersir; da ronta taisbenta slogh &ersir; each &ersir; arm acco. Ro raidseat a milidh fri Cesair teacht rompo d'argain na Greci &ersir; do gabail a mur &ersir; a caisdiall &ersir; a cathrach, &ersir; da tisadh Poimp cucu da cosnum friu no fobertais gan diceall é. Ba nemtní la Cesair sin cena, &ersir; ro cuir seach laim gach ní acht innsaighidh Poimp, air ro-fidir da cloedh Poimp robad leis in Greic &ersir; an doman uile. Ro ób gach comairli do berta do acht saighidh in morchuil &ersir; rochtain co fithceallacht na faithi &ersir; na toicten &ersir; gu h-oenguasacht coitcinn in domhain uili .i. co lathair in morcatha.

Tuc iarum a catha coraighthi fon idhnaibh aigh leis re tri la diaidh a n-diaidh co saidedh a mergedha ar in ard os cinn longphuirt Poimp i n-airis catha do Poimp cona slogh. Atberedh Poimp nach praipidi ticfadh don cath gemadh laind la Cesair é no gumbadh urlum aigi fein gnim in imairic amal bad soneirt leis. Cesair immorro, o na fuair a frecra im cath a l-longphort Poimp , imsae cona sloghaibh do argain tiri Grec &ersir; da crothad-creachadh a dind &ersir; a cathrach &ersir; a caistiall

Imsae iarum for tus docom denna Diraich, cathair sin a m-bid Pirr mac Acil i traigh in mara Ionda i n- imul na Greici. Do landaingnib an domain uili h-i. Aelen clochda cairrcidhe sin, &ersir; in muir Ionda do cach aird uimmi acht oen cosescrach ind namma. Ni lama saer immorro nó saethar daenna ro daingnigh in dind sin, acht clochalla glassa gaibtheacha, &ersir; cairrci bunaidh bithbuana bennarda o tossach an domhain &ersir; o aimsir dileand do gach leith impe, gurbo annsa a togail cencombeth degslogh ica dín edir.

Ro seol Cesair a míleda tre garbacdaib doidngibh drislechaibh na Greci docom in baili sin. O 'tcuala Poimp sin ro coid side cona sloghaibh for redib in traga laimh re muir guro coraigh a scuru &ersir; a longphorta ic dind Diraich resiu rainic Cesair ina imfochraib edir. O ro airigh Cesair in baili do gabail do Poimp remi, ro bui ica scrutan ina menmain cissi comairli dogénad. Rogab ic forcsi &ersir; ic fordescain in tíri uad for gach leith.

IS e smuaineadh da róni, caissel comdaingen clochda do denum leis tarrsna in tiri uile on muir co araill do gabail &ersir; d'imsuidhi for Poimp cona slogaib isinn inadh imcumung i m-bui. Ni dumada criadh nó fót amain da ronta andsin la Cesair, acht ro tairrngit &ersir; ro teclamit cuigi clocha ocus cairrci na crich comfoccus. Ro scailed &ersir; ro scainnred cuicci muir &ersir; morcaisléin in leithe comfocraib don Greicc uile. Do gnither cumtach direccra dimór la Cesair dib sin .i. artt-caisel lethan landaingen bad annsu do togail do rethedhaibh togla no don nach luithiuch scailte caislen isin domon uile. Do ronta tuir arda &ersir; iudusu imairicc &ersir; tighe trota imda uassa tuas. Ro claided lethanclais landomain dondara leith do on cinn co araill. Ba h-adbul a mett in t-saethair sin. Do gnid Poimp cona slógaib imircedha &ersir; aitherraige longphort ina medhon. Na h-aibhne &ersir; na srotha no turcbaitis ann, boi d'fot an cumtaigh co n-dibdaitis na srotha sin &ersir; co teigtis fo talmain dorisi ina medon. Ocus antan teiged Cesair do chuartugud in t-soethair sin ni roiced i n-oenlo on cind co araile de noco m-bidh aidce longphort i medon ind eitir a da forcend.

Ni ro cumdaighit isin domhan riemh muir bad barsamail don caisil sin. Nir'bho menmarc itir muir na Troi no na Babiloine do cutrumugud fris. Na bad ingnad la neach cenae in morgnim sin do rochtain la Cesair re h-edh n-athgairit, ar gerbo h-adbul an soethar robtar imda na h-oibridhe, ar boi d'imat slógh Cesair ocus do menmnaige a miled, cidh edh do berad somh monair co n-dingéntais tir shoimtechta do mhuincinn mara Torrein ota inis Seston i crich Eorpu co h-inis Abido i purt Affraici, no co tibratais in muir mór ina ruadhbuinde robartae, co n-dedladh murrusc na h-Epiri re tiribh Gregi no ciped inad isin domun bad lainn leo do chumscugud in inad bad ferr ro soised leo. Ocus ni biadh frithbert friu imma denam.

Ro gab Cesair sosad ocus longphort i n-imfogus don daingen sin. Ro h-ordaigit forairedha ocus lucht faircsena in cach aird don mur uathu for slógh Poimp. Poimp, immorro, ni fitir side itir in gnim sin do denam la Cesair co tairnic a daingniugud amal bad lor. O ro airigh immorro Poimp in m-bloigh tiri i m-boi do imsuidhe fair &ersir; do fordúnadh imbe, tucc a dirma slóigh ocus sochaide leis a h-innillib denna Diraich co n-derna srethbuidne ordaigthe ocus catha coraigthe dib laim frissin caisil, ardaig co scailte &ersir; co tanaighte slógh Cesair do gabail in caisil friu. Ocus as e méd do ferann ro gabsatt catha Poimp 'arna corugadh uillinn fri h-uillinn re taib in caisil .i. an meid do tir fil o imel na Roma co cathair Arictea isin Etáil, no in mét ferainn imteitt sruth Tibir o muraib na Romha co muir Torrein acht co m-badh co direch no gabadh gan filledh gan fordul ann.

IS ed a tomus coitcend sin uile .i. da mile ar fichit do milib ceimenn, nó .IX. leugada ier tomus francach.

Batar muinter Cesair tra &ersir; muinnter Poimp agaid in agaid amlaid sin fri re cien, gan gnim catha no imairicc ettorra. IS edh fotera sin, teidm galair moir ocus plaig difulaing do taidecht i l-longphort Poimp .i. diangalar d'adhmilled a n-eachraidh for tus co n-aipiltis araill dib &ersir; a mirenna feoir ina m-beolaib &ersir; araill aile i m-medon a n-erma, co m-ba h-annsu da marcachaib a n- imdhiten forru ic tarblaing dib re h-am in tedma. Ro lobhsatt apaighe na n-echradh isin &ersir; ro linsatt aier in tire do brentaid ocus miboladh.

Ro tuit neim an aieir truaillnide sin for uscip ocus for aibnib in tire beos, gur ro fas teidm dermair do dainib in longphuirt tre ól na n-uscedh sin ocus tre sughadh-boltnugud in aeoir. Ba h-e dermaire in tedma co na taircedh da cairdip na mairb anapaighe d'adnacal, co m-bittis mesc ar mescc frisna beoaib i m-bothaib an longphuirt, gur' bo tormach don teidm sin beos. Bai do teinne in tedma fo deoidh occo co m-ba h-onoir mór ocu da cairdib a cuirp do cur dar longphort immach amain.

Acht ro congain co mor leo imfoicsiu in maru doib, arro scuabsat garbgaetha in glasmara mortlaidecht ocus brentaidh inn aeoir uatha. Ro linait na cuain doib dano do longaib cennaig 'arna linad do ilar fina ocus d'immatt gacha bidh arcenai a cennadachaiph na h-Aissia ocus ind airthir uile, cona bai terca bidh no maithiusa leo.

Slóg Cesair immorro, cen co raibe teidm galair forta, dos-fainic teidm nar'bo sodhnge d'fulang .i. in gorta ar scithlim a l-loin uata, ocus dano ni tanccatar guirt in tire ina n-aipche fein beos doibh. Ni ro fhétsat dano crecha no airccne do denam i ciana, acht bith ic coimet in daingin ocus icc imsuidhi for slógaib Poimp. Ocus ba h-e met an gortai co m-bittis ic coimhithi in feoir ocus in duleabaid immaille fria a n-echradhaibh fein ocus co m-bittis ic tomailt na luibhi n-anaichintae na ranccatar miessai daennai reimi sin riem. Arai sin ni ro fagsatt a l-longphortai no a n-inadha imsuidhi ger'bo difulaigg í doib.

Poimp immorro, o tainic suntaige ocus seitreacas da slógaib ar n-dul an tedma uathib, is i comairli do roine, an tir imchumhaing i m-boi d'faccbail ocus fobairt in caisil do ronadh da imsuidhi. Dia fris tra is inrigh do ronadh in fobairt sin la Poimp, ar ni i taidhe folaigh no i n- dorcaib ciach no aidque do ronadh í, acht i fiadnaisi a bidbad i midmedon in laei. Nir'bo mied leis techt for sligid ele dar in caisel, acht tre sleghaib ocus tre claidhmhibh a namat ar n-dith a curadh ocus ar cur a n-air.

Ar a aisin ro bai occ togha in inaid bad ussu dó d'fobairt isin caisiul. IS fair deisid occo a fobairt ic caistellaib Minuic. Ro dírigh iarum co follus a dirma slog &ersir; sochaide leis ina cathaib cengailti cobsaidhe coraigte docom an inaidh sin don caisiul. Ro seinnit a sturgana &ersir; a cuirn comhairc ocus a n-adurca furfoccra ocus a cuislendai cathai ind aeinfecht ocus a n-aenfabhall. Tuccad úarduscadh namat leo for lucht coimeta ind inaid sin don caisil. Do cotar sidhe focetoir for a n-iudusaip debtha ocus for a toraibh trota.

Ro gabsat ic fordescain in muighi uathu, co facatar cucu na meirgedha aille eitteacha ocus na h-onchonu obeli ocus na delbae aquili ocus na bratacha srollda os na slegaib ocus na muighe lanu do scellbolccaib scieth ocus do dairib slegh ocus d'feraib armtha. Ro truinset som &ersir; ro traighsett deiside.

Ros-lin bidgad bais ocus aduath ecca conar' bo h-eiccin da m-biodbadhaib a n-airm d'imbirt forro. Ro comfoiccsigset slóigh Poimp don caisiul, ocus tuccait caindli ocus locarna giusta for derglasadh fo cosoip fulaing na n- iudus ocus na tor troto, co m-batar for crith ocus utmailli ic tuitim fri lar, conar' h-anadh re díbhraccad no re h- imbualad intip.

Ranccattar muinter Poimp for mullach in caisil iarsin, co facattar edh a forccsi don tir moir uatha for cach leith. Acht ata ni chena, in t-inad nar' chosnatar in mile buidhén, &ersir; ina m-boi do muintir Cesair uili ann dano ro sluag Poimp, ro cosain aen occlaech do muintir Cesair sin, ocus do roini a aenar a n-imforcraid maithisae uile. Ar incein boi-sium ina sesom, ocus a airm for congbail ina laim, nir' leicc duini do slog Poimp secha, &ersir; ro tairmiscc a cosccur im Poimp fein.

Sceua a ainm in occlaigh sin, ocus milid togaide do Románchaip fein in fer sin, ocus gaisccedach geslach é, ocus boi i g-coimitecht Cesair amal gach milidh isin t-sluagh nogo rainic Cesair do gabail aittrebthaide srotha Rotain i crichaib Gaillia fecht n-aill. Doroini Sceua calma mor ic gabail na cinedh sin, &ersir; ro cinn forsna miledhaib bai ina farradh uile no gur' giallsat na cineda do Cesair. Do ronadh iarsin tuiseach cett ic Cesair deisiom, ocus bai ina langradoip o soin immach gan dedail fris riem gusan la-su. Deghocclaech da tigernae fein in fer sin. Fer tairberta é do denam cacha h-uilc ocus cacha maithiusai no furailed a thigernae fair. Ni fitir co m-badh meste do ní da n-dingenad acht co n-erbad a thigerna friss.

O 'tconnairc in fer sin a muintir ic airimbirt teichidh re slógaibh Poimp, ro gab icca cairiugud ocus ica n-gresact co mor. Cia leith imaiges in t-oman sib, a occa? ol se. IS anaichnidh do muintir Cesair cusindiu ind aiste trialltai .i. teiched. A mogada dochraidhe ocus a ceithri doerclanda, ar se,is granda daib teiched do denam ocus gan for cru do todail beous. Nach nár daib gan for cuirp d'airimh etir corpaib for n-aesa comaind ocus for commiled intan bias Cesair ic denam onora adhnaicthe duin. Cen co n-derntai maith ar grad for tigerna no for n-einigh, tabrad cid iter in fherg foraib calma do denam, ar ro imbir Poimp tarcusal mor foirn intan ro innsaigh ind inadh i m-bamar-ne sech cech inad isin caisiul uile.

Dar mo breithir cenae ni ragha in la-su ass gan todail fola a muintere-sium co h-imda ina cinaid side. Mo cen-su bas da m-beith Cesair i fiadnaisi mo gnim. Ni fil do conach form-sa in fer sin im fiednaisi. Atchifi Poimp immorro i n-dingen do maith, ocus molfaid mo gnimrada intan dofaethus. Cuiridh for n-ochta fri h-armu for namat &ersir; denaidh maith air doforficfa foirithin i n- ellma, daig atchife Cesair luaithredh na m-marcslogh &ersir; atcluinfe gaire in catha. Doraega annsin fer ar n-digailtene ocus sind fein icc faccbail bais alainn 'ar n-denam maithesa isin chath.

Ro eirig Sceua co ferrda annsin for mullach in iudusa, ocus ro gab for denam calmo móire. IS cumma no diubraiced crunna ocus clocha ocus curpu ind fienlaig marbtha do mullaigibh na n-iudus ocus na tor trota i g-cennaip a bidbadh, ocus do beired idhlanga mora i n-airde, ocus no tomaithed forta co minic a leiccen fein cona armaip ina cend. Ro gab acc srainedh araill da naimtib uad do clethaib &ersir; do cuaillip ceindbiraigti na tighe trota ocus araill aile do sabaib ocus do sonnaib ocus d'fianglassaib sithremra cona n-irellaib iairn imma cennaib.

Ro gabsatt drecta móra do muintir Poimp ic dreim fri h-uachtar na n-iudus ar sin. Atconnairc Sceua iat ocus ro noct a claideb cruaidgér claislethan asa imtiuch bodba, ocus ro gab for imscothad a crob ocus a l-lamh diph, co tuititis ina tortib tamnaigthibh i g-cendoiph a commiled fein, co combrutis a cinnu ocus a curpu ocus a scietha ic tuitim fortha, ocus co m-bitis na craisecha comtarsnae treotha som dano.

IS cuma iarum no imscothad a l-lamha da claidib ocus no comtuaircced a cinnu ocus a cnama do clochaib ocus do cairrcib tulammais. ocus no comloisced a fultu ocus a n-ulcha &ersir; tugen a n-gruad ocus a l-lecan do locharnaibh lasamna ocus d'aithinnib giuis ocus do beraib lethloiscctibh.

O ro eirgetur tra cuirp &ersir; apaige ind oesa marbtha co m-batar 'na carnaib &ersir; 'na n-dumadaibh dermara re taeb in caisil, cona roiched Sceua imbualadh fria bidbadha sechu no tarsu, tuccustair idlaing curadh de asin inad i m-boi, ocus ro ling co neimlesc feib as doiniu no lingfedh in leoman Affracdha dar srethgaibh sealga, co tarla ina sesom e i certmedhon catha a bidbadh. Ro gabh ica imbirt forta asa medon 'arsin, &ersir; bai ica comthuargain ara aghthib ocus ara culaib, dia deis &ersir; dia cli. ISS edh no saigedh gach conair i faiced tairisium fris. Gach conair no beired a aghaidh no maidedh reimhi.

Ro bernad ocus ro formaeladh a claideb 'arsin ar cnamaib curad &ersir; ar fiaclaib fer ocus ar medhibh miledh ocus ar tulaib sciath &ersir; ar slabradaib lúirech ocus ar cir-ciomsaib cathbharr, co nach gnim claidib boi leis ocus co nach tesccad no leod no lettradh do gnidh, acht comairt ocus brúdh ocus brisedh ocus basugud.

O 'tconncutar a bidhbhaidh for in abairt sin e icc dith na slog do ronsat crobuailedh imme da cach leith. Ro daingnigsett ocus ro dluthaigsett iatt, &ersir; tuccsat in cath cruadh inaigte a n-aeinfecht fair. Do ronadh cath nua nemhghnathach andsin .i. na h-ilmile acc cathugud frisan n-aeinfer. Ro laesett uili ind oenfaball a slega fair. Ni deachaid slegh imroill dib, acht ro ansatt uili ina curcais comaird i cnes an curadh ocus i n-drolaip a luirige. Ni ro leicced a cend do toccbail dó 'arsin, acht ro gapadh for a essorccuin as gach aird do diubraicthiuh slegh ocas saighett &ersir; d'fuasmadaib laigen a l- lamhaib laech ocus do braithbeimendaib bidbad, co n-derna bretaig m-briste da sciath for a inchaib ocus bruara mina menbaighthe da cathbarr immá cend, &ersir; simnecha rebta &ersir; scabur-tana tollscailte da luirig imma táebu, cona bai ní ic congbail a inne nó a inathraig ann, acht an clethcur sleg seimnech sithremar batar comtharsna trena cnes.

Ba dasacht mor sleg no saighett do diubragad fair o sin suas, ar ni antais ann acht toct ina rith for slechtaiph na slegh occus na saigett aile trit. Acht is edh ba qomhnert ocus ba coimtig doib cuicci, rethi togla, no trelam scailte múr da trasccradh, daig ba múr daingen díthoglaide eisiom dar cend Cesair ic fostad Poimp.

Ro la Sceua arsin urcor da scíath uadh &ersir; ro gab ic coimgnimh inn imairicc da deis &ersir; da cli, &ersir; a clethcur fogha faebrach comtarsna trit, conach delb doenna bai leis, act amal ba bledhmhil do torathraibh in maru é. Bai co h-attuirseach athscith iaram ic cur neith da armaib as ocus se icc toga cia dia naimtib no indsaigfedh do comtuitim immailli fris docom bais. Ni bai a samail intansin acht amal innester ind elifaint Affracda do beith intan diubraicther isin cath í do ilar arm, &ersir; crothaidh eiste na h-armu sin gan nach crothodhail fola na n-diaidh ar aiccnedh cnamaige bis i curp na h- eliphainti im thodail fola. Ba h-amlaid sin do Sceua dano, air gé ro threghtaisett na h-armu a chorp ocus a cholann dianechtair, araidhe ni ro thraighedh ocus ni ro tairnedh a nert no a menma no a brigae inmedonacha trit- sin, ocus gér b' imdha sleg &ersir; saighett trit ni ro imretar uile bas fair frisin re sin beos.

IS annsin ro diubhraic occlaech do luct na Creti saiget fair. Ro gab an t-shaighett seol áighthidhe, &ersir; tainic co h-inneldireach cuicce, ocus nir' saoil neach a tochur mar do rala, ar is edh dos-feccaim-si, i m-mullach a sulu cli do Sceua, gur thregtustair a incinn immedon a cinn. Tairrngid Sceua an t-saigett co h-opunn asa chind ocus do bert an suil iar m-brisedh a fremh leis immach for corranaibh na saigte. Cuiridh urchur uad for lar dib ocus do beir fuirmidh dia sail ina cenn, gur ros-folaigh fon talmain maraen.

Ni bai a samail annsin acht amal indister in mathgaman feocair do beith arna guin ocus domeil a déda frisin n-gai dia g-crechtnaigter, co cuir ina m-blogaib briste ass é. Ro ghabh an fuil ocus an incind ic coimshiledh dar agaidh Sceua annsin. Tuccad ilach mor commaidhme imme iarum ic slog Poimp, ar ni bad lainde leo Cesair fein do crechtnugud in uair-sin ina fiadnaisi ina Sceua.

IS annsin atbert Sceua friu: A cathardha inmaine, ar se, tabraidh coiccill damhsae festa, ar as lor i n- dernsaidh frim. Ni recair a les fuilled crectnaighthe form, acht na slega filet acum fulang do tarraing as mo crectaiph. Denaidh comairle maith form .i. taid cucum &ersir; beirid me i m-bethaidh libh i l-longphort Poimp, gurbo deismirecht im impod for Cesair la cach impodh damh-sa fair &ersir; riarugud Poimp dam re n-ecc.

Ro creit ócláech maith do sainmuintir Poimp sin, bái for a inchaibh isin cath. Aulus a ainm in occlaigh sin. Tainic Aulus cuicci da breith cona armaibh leis. Tucc-somh fuasmad da claidib fair, co tarla i m-bun a thengadh, gur' gabh a chuilfeite trít. Ro eirig menma Sceua de sidhe, &ersir; is edh asbert: Gach aen shailis mo tigerna do treccad dam-su, ar se, ticced i l-le co tuccur in diach-su fair. Madh ail do Poimp sidh d'faghbhail on claidib-su, leiccedh a mergeda fri lar ocus slectad do Cesair. As deimin na fuigbhe mo sid-sae fris-sin adiu. Inne for n-aiccned fein ro sailsiupair ocum-su, a muinter Poimp? ar se. Dar ar m-breithir, ni lainde lib-si riar Poimp &ersir; an t-senaid do denam innas lim- sae bas d'fagbail dar cenn Cesair.

La sodain atconncutar muinter Poimp tromnellgal mor &ersir; luaithred ceo dermair os cennaiph slogh darsan mag ina n-docom. Atar-leo ba h-e Cesair cona buidnib tainic ann. Ro maeladh forra-sumh a h-inadh inn imairicc desidhe, &ersir; ro faccsat ait na scainnre do Sceua. Atrochair Sceua 'arsin o ro tairinn a ferg ar scuchadh a bidbad uadha, &ersir; ro scar a ainim fria corp, ocus nir'bo bas ar midlachus sin, acht ba bas ar gnimaib gaile ocus laechdhachtae, damad d'escairdibh cetamus no berad cosccur ocus manbadh ic gnim imairicc in catha cathurda fogabad bas. Ruccad a chorp la a muintir 'arsin, ocus ro bensat armu a bidbad asa thaebaib, &ersir; ro idhbrattar a arm-somh fein do Mairt .i. do dea in cathae.

Ge ro maeladh tra for slógh Poimp don leith sin ni moiti ro tairis don cathugud beos, amal na scithaighter in muir mor cidh formaelad do bertar for ni da tonnoip o beinn cairrcci no o slis alla no airdshleibe, ar ni tairis in muir do grés ica tuarccain da tromtonnaib cidh cian connicce. Ba h-amlaid sin dano do Poimp icc togail in caisil sin, ar tainic roime docom an daingin boi i forba in caisil i fochair in mara ic muintir Cesair.

Ro ordaigh slógh lanmor i l-longaib icca togail, &ersir; a coisidhi ocus a marcslog for tir, &ersir; ni ro an de noco n- derna cathbernadha comlaithre mora and, &ersir; co rucc a sloga uile tar-su isin mag mor. Rob anmesardha ro scailitt na slóigh sin fon magh ar n-dul dar in caisil immach amail as deiniu, &ersir; as anmesardha scailis tuile srotha Paid dar a bruachaibh co lethann dar na crichaib comfaicsib.

Cesair immorro ni fitir side in n- imairecc sin do denamh itir noco tairnic a gnim &ersir; co tuc aichne for in teine caismberta ro h-arladh icc lucht in coimeta ar n-dul do Poimp cona slogaib dar in caisil immach. Tainic-sium reimi fo cetoir co h-airm ar'harlad in teine ocus atconnairc na clíathbernadhae mora oslaicte ocus slichtlorg na slóg ocus na muir 'arna muradh. Ocus atconnairc dano longphorta Poimp co subhach sidamail for reidibh in maige ina fiadnaise.

Ba brisedh mor menman ocus aiccenta do-som in cumsanadh sin do beith for Poimp. Nir' léicc a ferg do ernaidhe re a slogha gan fobairt longphuirt Poimp, ar ba fo laiss cidh ár no láthe for a muintir acht combuaidredh na failtedha ara batar isna longphortaib. Imsae ieram cusin uathad sloigh tarrusair maraen fris i m-mulluch longphuirt Torquait bai i comfoccus do focetoir, tuisech maith do muintir Poimp eside. Tinoilis Torquait a muintir i n- aeininadh fo cetoir la h-airiugud Cesair cuige amal as deiniu ocus as neimleiscce no tinoilfitis n-aeireada seolbrata a long ic airiugud guasachta muiride ina comfoccus nó icc soadh gaithe forru.

Ni mo innás dar muraiph longphuirt Torquait innunn ráinic Cesair intan ro rathaigset luct mórlongphuirt Poimp e. Ocus ro eirig Poimp 'arsin &ersir; ro doirt na catha cengailte coirigthe druim ar druim d'foiritin Torquait. O ro airigh Cesair sin ro impo co h-opunn a l-longphort Torquait immach, ocus ic sodh dó is edh dos-rala cusin uathadh bai ina farradh i g-cend na cath i m-boi Poimp. Ro lin omhun ocus imoccla ocus cridenbás mór a muintir-sum desidhe icc aisgin in anforlainn ocus inn étualaing adbuil .i. ilcatha Poimp ina n-agaid chuca ocus luct longphuirt Torquait ina cathais coirigthi for a culu.

IS i comairli do ronsatt iarum, gan fobairt in anforlainn iter, acht tanccatar ina reimim &ersir; ina techtae eissiumail laim frisna cathaib imach. Ocus robtar lanbuidhig do rochtain a n-anmann leo in drong nar' mudaigedh diph. Ba deithbhir doib-siumh on cena, ar da leicced Poimp da miledhaib slan a claideb d'imbirt forra somh no biadh scur for in cath catharda tre bithu ocus ar na h-uile olcaibh ro asatar isin Roim trit on lo sin amach. Ocus amae nir dichait esbaid muintire Cesair iter ge ro coiccled dhoiph, ar ro tuitsett .l. ar .iiii. mili laech &ersir; da cenntuir ar fhichit dhibh isin fobairt sin o tus co deredh.

IS ed tuc for Poimp in coiccill sin do tabairt doibh, ar ba dimbag leis na cinedha comaighthe d'faicsin ic básugud na Roman ina fiadhnaisi, ocus nir b' ail leiss dano a catha do scailedh co dicra for in m-becc slóig sin, o nar shail Cesair ettarra, ar ba deimin leis na tiucfad Cesair la h-uathad miledh da fobairt-sium dogrés. Tainic Poimp iarum reime da longphort co subhach somenmnach ar m- breith do an coscuir sin do Cesair.

Conadh remscel do remscélaib cathae móir na Tesaili co n-icce sin. Imairecc na h-<pn type="country:Epirus">Epiri</pn> &ersir; Aided <ps><fn>Sceva</fn></ps> ainm in scceoil sin.

 Tuaruscbail na Tesaili.

Cesair immorro, o ro airigh in n- anfen mór ocus in duaibsighe do ralae do ocus da shlógaib isna muigib sin na h-Epiri &ersir; denna Diraich, is i comairle do roine, in tir sin uile d'fagváil ocus tir aile d'innsaigid dus in badh ferr a chonach catha indte. Imsae iaram cona slógaibh leis guro ordaigh a scuru ocus a longphortae for clarmaigib tire na Tesaile allanair.

Ó 'tcuala Poimp sin ro tinoilit a righ ocus airrigh ocus maithe a slóigh cuicce do denam comairle cinnus do genad. Is i comairle do bertsatt dho, o ro tubastar Cesair, techt d'innsaigidh na Roma ocus na h-Ettaile, uair na raibe sluagh bidbad ic a gabail fris. Acae om, ol Poimp,ni dingén-sa in comairle sin iter. Ni rag-sa dogréss docom na Roma amail do coidh Cesair. Ni faicfither mo dul-sa di tre bithu acht ar lecon mo shlóigh da tiribh ocus ar cor cestu an morcatha dim. Damad ail dam-su cathugud ar lar na Roma ni tiucfainn eiste amal tanac. Ni ceist lim-su cena mo dul fein gusin Scitia tuaiscertaigh no cusin teintidhe fo deas, acht co m-badh adhbhar cumsanta ocus sídha don Roim. Inn edh ba coimtig dam-su ann side in tan isam coscrach toct do denam coccaid isin Roimh &ersir; me do teichedh eiste fecht aile ar daigh na beith eccumsanadh coccaidh innti.

O tairnic do inn aisneis sin ro seol a mergedha rena slógaib dar sleibtib na Candavi sair gach n-direch, gar' gab sosadh ocus longphort isin Tesail i n-aeintir fria Cesair. Ba h-adbor ugra ocus ba damna margliad sin, ar as annsin ro cinnset na faithi in cath mor do tabairt.

Ni do tuarusccbail ina tire sin na Tesaili do bertar sisana colleicc.

Tri h-anmanna atat 'ca sloinded fon domun furre Emathia ainm di, o Emathas, ri maith ro gab fuirri fecht n-aill. Parsalia ainm aili dhi, o Parsalos, sencathair uasal fil innti. IN Tesail immorro a h-ainm bunaidh, tír daingen dodaing olc ainmin accarb imdorcha innill in tir sin, ocus carracbenna sliaph n-urard n-imaimreidh impi da gach leith .i. sliab Peil ettorra ocus in turccbail samrata. Sliabh Oiss allanair ettorra ocus in turcbail geimretta, co nach taitnit ruithne greine innte i tosach nach lae isin bliadain. Sliab Exrim allaness di ettarra ocus tes n-greine. Sliabh Point allaniar di etorra ocus in fuinedh, cona taitnit ruithne greine innte i n-deredh nacha laithe tre bithu. Sliab Olimp don leith atuaidh ettorru &ersir; in t-uarda. In lucht aittrebait fo taibh deiscertach in t-sleibe sin, ni benand in gaeth atuaidh friu, &ersir; ni faicet in seachtarréte tre bithu. As becc réa don lo taitnes in grian innti sech na slebte aile atrubartmur.

Tír arar' digbait renna in lae &ersir; na h-aidci amlaid sin, ba cubaid in cath mor do gnimh indte.

Atát cathrachae imdha isin tír cétna sin .i. cathair Parsalos i m-bai Aicil mac Peil, ocus cathair Philcce, as innti side ro cumtacht in Airg .i. an long i n-deachaid Iason mac Essóin arceann in crocainn orda co h-inis na Colach. IS innte atá cathair Teleos &ersir; cathair Dorion &ersir; cathair Tracci &ersir; cathair Pretio -- da cathraigh Hercuil maic Ampitrionis sin -- &ersir; cathair Melibeus -- is inte-sede ro foilgitt saigde Hercuil 'arna ecc -- &ersir; cathair Larissa &ersir; cathair Argos -- is innte sede ro ben Agaue a chend da aenmac fein .i. do Peint.

Tir i n-dingénta olc mar sin, ba cubaidh in cath mor do gnim innte.

Atat srotha imdha &ersir; aibhni adhuathmara isin tir-si fos. As dib-side sruth Eas, &ersir; sruth Inaich &ersir; sruth Achiloin forsatat insi Eichnidh, sruth Maill &ersir; sruth Speirch, sruth Amprissos &ersir; sruth Anauir, sruth Aspidain &ersir; sruth Eniph, sruth Asoip &ersir; sruth Pheula, sruth Melax, sruth Tituros &ersir; sruth Péin. IS edh innisit senchaidhe na Tesaili conadh a sruth Stig i n-ifern theprines bunadh an t-srotha sin. Tir i snighfedh an sruth sin ba cubaid an cath mar do gnim innte.

Atait popail indha anaichenta dano isin tir sin .i. popul na m-Bebricda &ersir; popul na Lelegitam, popul na n-Eolda &ersir; popul na n-Dolopecda, popul na Magnecdha &ersir; popul na Mineta, popul torathardha na Centauri &ersir; na n-Ech-cumusccda .i. each &ersir; duine a cummascc aenpersainne inntip. Ba dib sidhe dano na h-Each-cumasccda airdirce .i. Monica eningnech &ersir; Retheas rocalma. IS eside no tairngedh na crunna fa h-airde isna cailltip cona fremaibh a talmain ocus no telgedh urcar a riara dhibh. Ba dib Neis centauir dano. Is esside ro triall comrac ar eiccin re mnaei Hercuil, ocus abhand etturra &ersir; Ercuil, cur ro marb Hercuil do urcur shaighti é dar abainn innund. Ba dib dano Ciron centauir, aide Aichill maic Peil. IS amaid fuathaighit na h-asdrolacdha a deilb-somh isin firmimint nemda &ersir; boga co saigitt innilte fair ina laim for comhair renna Scoirpi immach amail no beith ica guin. Tir i n-geinfitis na torathair sin ba cubaid an cath mor do gnim innti.

Isin tir sin na Tesaili ro artraigset dano sila &ersir; adbair in catha &ersir; in coccaid for tús riemh. Is innti amh ro riadad ech for tus, &ersir; tuccad srianglomur ina beolu, &ersir; ro coidh marcach fair. Is innte do ronadh long ocus lestur in mara for tus riamh do sirthain in domain ocus na crich n-ectrann n-anaichnidh estibh. Itonas dano, ri Tesaile aicce ro bervadhlegad mein oir ocus argait for tus i tinnib, ocus as leis ro h- ordaighedh monadh peinginne re creic ocus re cundradh for tus riem. Is innti dano ro taiscced &ersir; ro cistigeadh ór &ersir; indmas for tus.

Isin Tesaili cetna dano ro genair in nathair neimnech airdirc .i. Pithon, curro folmaigh &ersir; curro diláithrigh rempi an doman no curo marbh Apaill mac Ioib í. Is innte ro tusmit clannmaicne Aloe torathair .i. Zethus ocus Epialtes cona m-braithrib. Tri bassa a bisech som fein ar gach lo. Cubat lamha immorro &ersir; bas forbairt cach maic da macaiv re gach mís, curro lin dimus ocus ardmenma iat, conadh í comairle ro lúaidsett sleipte in domain do corugud os cinn araile, ocus toct d'innsaigid nime ocus a ríghi do gabail, co ro mudaigit do saignenaibh teintidib iett ic triall in morsaethair sin. Tír i n-geinfittis na moruilc sin ba cubaid an cath mór do gnim innti.

Conadh remscel do remscelaib catha moir na Tesaile co n-icci sin. Tuarusccbail na <pn type="country:Thessaly">Tesaile</pn> ainm in sceoil.

 Faistine ind arrachta a h-ifern.

O ro ordaighset na dá airdrígh sin .i. Poimp ocus Cesair, cechtar a da mórlongphort for lar aentire na Tesaili, ba cinnte &ersir; ba deimin la slógu in domuin uile batar ina farrad na dedeltais asind imforrain gan cath, &ersir; tucsat uile da n-uidh &ersir; da n-aire gorbo comfochraibh comfocus doib uair na h-etrana &ersir; in deiligthe, &ersir; trath scuir saegail na sochaide &ersir; aimser in guasachta romoir .i. la in morcatha.

Ro ardaigit &ersir; ro tennait &ersir; ro daingen-toccbait aiccentae saerclann, &ersir; menmanna miled occo som de sin i fúr in catha Ro trasccrait immorro &ersir; ro truinit &ersir; ro tairnit, ro crithnaighit &ersir; ro utmallaigit menmandae muadhlaech &ersir; midlach &ersir; daesccursloig docineoil re cridhenbas in catha &ersir; re h-uathgrain inn imbualta &ersir; ar eccla an bais.

Morthúr &ersir; scrutain &ersir; smuained snimach sodeithbir &ersir; comairle ciulanach ro túrsit menmanna na slog sin isna h- aidhchibh resin cath. Mac ro bai icon airdrig, ic Poimp, isin longphort, Poimp Sext a ainm in maic. Is i comairli ro greis in t-oman fair, toct da iarfaigid d'fathib &ersir; d'fisidib cinnus no bhiadh digleodh in catha moir, ocus cia dona airdríghaibh forsmbadh raen é.

Ni do tempul Ioib no Apaill no dei aile no bandei ro cuaid Poimp Sext d'fiarfaigidh na scél sin. Ni do taisceltaib rend no retlann no reatha saighnen no gotha én ro iarfaigh iat, ar ro sail a fhis cinnte d'fogbail o bandruidib in tire i m-boi .i. o ammaitib na Tesaili. Ar ba comfochraib comhfocus do morlongphort ro battar a cathracha &ersir; a caisteoil. Ba h-adamra ingnathach immorro a cerd &ersir; a n-elada na m-bandruad Tesaltai. Ni bidh isin domun ni torathardha na faillsightis a n-demna doib &ersir; gach ni ba h-ingantae ocus ba dícreidmiche ina cele is edh ba h-ealada doib. Ar batar linmaire lossae neimnecha &ersir; luibe denma draidechta isin tir sin na Tesaili ina i tiribh in domuin o sin ammach.

Ar intan táinic in bandrai airderc Medea ingen Eta rí na Colach la h- Iassón mac Essóin isin Greicc, &ersir; prímammait in domain isidhe, ar ai fuair a h-imarcraid ammaitechta &ersir; tincetla druadh &ersir; luibe neime i tir na Tesaile. Na h-inadha isin cruinde dano in ba gnaitchiu elada draidechta do denamh .i. cathair Mempis, &ersir; tir Egipte, in Babiloin &ersir; cricha na Callacda, do gnithe an imforcraidh sin uile acc na h-ammaitib Tesaltaibh, ar no imbritis a m-brechta druadh forna duilibh domunda cona leicctis a richta fein forra. No fotaightis in aidce &ersir; nó cumbrigtis an la amal no rictis a les. Ni leicctis in n-aer no in firmimint ara cummus fein, ar no fostatis an firmimint da rith domunda antan ba toil doib. Do bertis torne &ersir; ainbtine isin aer &ersir; neolla braenachu &ersir; fordorcha dar grein isin aimsir ba soilsi a saighnenrad &ersir; ba reli a ruithne.

No scailtis na niullu &ersir; na tola tromfertana intan ba h-aidbli iat. Do bertis tonngail &ersir; ainuthen aran occian ar lar na feithciuine. No tairmmiscctis na tonna dano &ersir; no isligtis in ainbhthen intan ba gairvi in gaeth for in muir. Do bertis na longa for lainseoladh i certagaidh na gáithe for in muir. Do gnitís marbhucht tairismech dona buinnibh garba folcmara fograchaib &ersir; dona srothaib rotrenaibh riathordaibh. Do gnitis clarmhuige coimreidhe dona slebtibh ro-ardaib. No íslightis sliav Olimp co n-artraightis na neoill uasa. Ingnad mor esidhe, ar ata do airde slebe Olimp co fil a uactar &ersir; a forcleithi osin aeor fuasnaidhe suas &ersir; conid foi taitnit na neoill tre bithu. In fer teit oentadall ina mullach ni cluinenn ni iter ina diaidh 'ar m-buaidredh a eistecta la blosctorman retha na n-airdrennach &ersir; la fogarmuirn na firmimint ic impodh.

Do gnítis na h-ammaite cetna snechta na Scitia do scailedlegadh i n-uacht in geimrid gan tes greine no teinedh do beim friss. Do gnittis in lan-mara d'impodh for culu i n-agaid neirt inn occiain &ersir; inn éscai. Do gnitis moil nemcumsccaicthe in talman do cumscugud co faicthe 'na rith ima cuairt í. Do bertis fordorchu for dreich éscai co n-urailtis co h-eiccnech fair comfaicsiugud do talam co faisctis a druct &ersir; a uanfadh tremit for feraibh nemhidibh in tire do dhenamh a n-ilcerd n-draidhechta diph.

Cidh fil ann tra acht cach anmanna isin domun uile doneoch ercoitiges do duine, eter leoman &ersir; mathgaman &ersir; loiscenn &ersir; tigir &ersir; viper &ersir; colubir &ersir; nathir neimide arcena, no bidh eccla na n-ammaite sin &ersir; na n-urtrach forra, &ersir; ni fognadh ni doib todail a n-neimhi ina n-agaid, ar ba feochra &ersir; ba demhnacdha neime na Tesalta inas neimhe cach anmanna dibh.

Gerba h-imda tra ammait aingidh ica h-adradh isin ealadhain sin i tir na Tesaile, ro bai aen ammait ann ro derrscaigh dibh &ersir; da tabratis uile aitite &ersir; uaisle. Scairb caillighi fesguirmi forgrainne isidhe, Erictó a h- ainm, sai ammaitechta í. Do gnítis airci druadh &ersir; brechta nua uaith fein ar cach lo. No teghedh-si a n-iffern &ersir; i m-bruigibh srotha Stig &ersir; i teghdaisib Pluton rí iffirn gach tan ba tol dhi. Is ann no bid a h-aite &ersir; a h-aittrebh &ersir; a leabaidh lighe, i scailpibh carrac &ersir; inn uaim-tollaibh talman &ersir; ina adhnaicthibh marbhhh.hh added to fill up the line

Ni tathaigedh-si airecht no cathraigh nó aitedha daenda eistibh sin, acht mana thisadh in dorcha ciach no fertana nó aidhce. Do teglaim &ersir; do thinol a l- luibe neimneach &ersir; a trelamh n- druadh fona crichaibh batar comfoicsi dhi, &ersir; in gort airthe for a saltradh-si intan sin, nó in t-achad can ar, ni ásadh a fer no a n-arbar fri re cian ina dhiaidh. Ni cuingedh ni d'faistine tre bithiu acht o demnaib iffirn. Do gnitis sidhe a frecra lasin cétbricht fochetoir, &ersir; ni lamtais urnaide in aithbrechta uaitho iter.

Mor n-gnimh n-adéittigh do gnidh an t-arracht sin isin tir i m-boi. Intan no bitho icc losccud na marbh i comfoccus di, ticced-si cucu co tinoiledh cnamha a n-apaige &ersir; luaithredh na corp &ersir; sméróiti tuthmura in tellaigh le, &ersir; no tairrnghedh na h-aithinne a lamaib na tustighthe no bittis icc losccudh cuirp in mairbh beos. In fail i fagbadh dano na curpu rena losccud inn eturbaegul fora fuataib no tairrngedh da meraib a suile a cloiccnib, &ersir; no tesccadh-scomadh da fiaclaibh a n-ingne dibh, &ersir; no beredh utlach-brossnada mora do slisnib na fuat le.

No gabad corpu na crochairedh asa crochaib isin aidhche, no tesccadh da fiaclaib snadmann na n-gad &ersir; na n-goistedh no bitis ica fostadh ina crochaibh. No bhidh si ic creim &ersir; icc scripadh na croch leo da h-ingnibh &ersir; da fiaclaibh. Fecht ann no bid-si ar banganaigh a cuirp in crochaire &ersir; a fiacla i l-lenmain ina feithib &ersir; i cenglaib a cuirp, &ersir; in corp no bidh can onoir adnaicte fair isin crich as tuscu ro soicedh-si cucce inat allta &ersir; ethaitte in tire. Araidhe ni imred-si lamha fair no co reptais na maic tire &ersir; na h- allta é, &ersir; co tinoiledh-si a m-mirenda lethcoccantae asa m- braightibh le.

Intan ba h-adhailc di fuil daine m-beo dochom na draidechta, teged-si isna cathaib &ersir; isna h-ergalaibh co m- bidh ic frithailimh na fola a crectaib na fer re síu no siled a cru for lar. No tairrngedh dano a naidhena becca beoa tre bronntaeba na m-ban torrach immach. Intan dano na fagbadh apaige urlamha fria less no mharbadh fein daine di. Ni h-immirthe for duine earnail bais na h-imred-si fortha. No spelad i fultu &ersir; i n-ulcu cona laim clí dib intan bitis na daine ic éc. Intan téighed cara di bas ticcedh-si docom a cuirp co m-bidh acc poccad a bhall. No foslaiccedh craes in mairb 'arsin, &ersir; no bidh ic coccnamh a thengadh, &ersir; no canadh a bricht druadh ina brágait, co n-dernadh tectuirecht ettarru &ersir; demna iffirn.

Mor dho gnimradaib doidngibh duaibseachaibh aili nach airmither sund do roine in uathammait &ersir; in t-arracht Tesalta sin .i. Ericto, isna tirib examlaib i m-bid. O 'tcuala mac in airdrig .i. Poimp Sext, in caillich n-duaibsigh sin do beith i c-comfoccus do, tainic trath medoin oidce asin longphort immach da h-iarraid, &ersir; uathadh do tairisib a muintire immaille friss. Ro gabsat 'ca túr &ersir; 'ca h-iarraidh i n-uamtollaib talman &ersir; i r-relgib idhol in tire, co cualatar a garbdordan i scailp cairrci i n-ucht slebi Eimh os cinn cathrach na Parsali suas, &ersir; si ic denam tairmisc annsin na ructais na dei adarta in cath mor ocus immargal na da n-airdrigh .i. Poimp &ersir; Cesair, dochom tire aili uaithi-si immach, ar nir' sáil a daethain do corpaib rig &ersir; d'apaighib saerchlann d'fagbail co brath acht mana fagbad isin oengliaidh sin coar' tinoilit ilcinela in talman. Arai tra ro lin a menmain &ersir; a h- aiccned uile saint fogbala cuirp Poimp &ersir; cuirp Cesair co tuccad in diach &ersir; inn imlot bad laind le fein fortha.

Tainic iarum mac in airdrig cona muintir da saigid, &ersir; atconncattar ina h-arracht áightige aduathmar i n-ucht na cairrci. Ba granna in turcairthi atconncas annsin, in ammait aingidh Ericto Tesalta, edón Caillech dhochraidh doidelbda dicoll, os i cael corr cruaidrengach. Aghaid glasban etlaide inalcaille le, co cuirri gruaide, co tuilli oile, co luimi lecon. Glennshuili locliatha linnaca ina cinn. Sron cuasach, cicar, croimremur, tulgorm, tanaidhe, urchrom, urgranna aice. Blaescbheol duvglass duaibhsech firuathmar fodrecda le. Garbeccur grainemail do birfiaclaibh barrglassa bunodra i cechtar a da drant. Mong roliath roinnidi na scuaip aimreidh forscailte imma cend. Lama lacremra litarrda aice. Cruib garbae glaissfethacha leo. Meoir cromma ceindremra for a garbglacaip. Ingne aithgéra odurbhuidhi in seabaic fortha. Medon crapach cuislennach aici. Sliasta accaelae ibraide, &ersir; da glun garba glicurda le. Da coiss colpthae fiarcamma finnfadacha fotha. Da lethansluasait delecha forméracha ica fulang. Grainniu delbaibh domuin a taidbred. Mesu isí fein inas a forcsi.

Rot-bennachat do dei adurtha, for mac inn airdrígh. Tincais in caillech co forniata fair &ersir; ni freccart iter é. Dot accallaim tancammair-ne, a deigben út, ar atcualamur conadh molad ocus conad maissi do mnaib na Tesaili uile do geineamain-siu dib, &ersir; atcualamur dano co ticc dit remhaisneis cach neith ticfa isin domun; ocus cach ni as ail let do thairmisc dano, ni leicci a torractain immonair tre bithiu. Bennacht fort, aisneid duinn scur in catha moir-si trialltar sunn. Bidh a fis occot, ni drochhduine sires fort anni-sin, acht mac airdrigh in domuin .i. Poimp Sext mac Poimp Maige.

Bídham tigerna fer an domain da ternar &ersir; m' athair co cosccrach asin cath. Cid ann do faeth-sum dano; bid am croaidh-si for a uile fhorb da eis, &ersir; as maith do neoch mo command amlaid sin. Is mór traethus mo menmain cenae gan scur deimin in catha d'fis damh, &ersir; amae as maith a fulang occom cidh drochcelmaine atcluinim asa loss. Acht is ed aenni ierrmait fortsu, na tí duin olc na h-innessa dun rena torrachtain. Furail for na deib nemdha a n-innisin duin, nó coiccill doib side &ersir; asslaigh for demnaib ifrinn inn aisneis dun. Furail for in Écc fein tidhact a h-ifern da foillsiugud deit cia slogh uainn as imforcraide beras leis docom ifirn don cur-sa, uair atacumang-sa sein uile. Cidh mor saethor sin dano as dingmala do degmhnai mar tusa a snim do tabairt fris.

Cid tra acht ro taitin co mór fri h- Ericto cloistecht a cluaighthe &ersir; a h-airrderccaighthe amlaidh sin, &ersir; ro gab coir comraid frisin n-gilla, co n-ebert:

IS fir, a occlaig, for Ericto,in dara ni ro tomaithissi duinn .i. co fil remfis na todocaide do leire linn. As doigh da m-bdais mincaingne foilli fodhalta doberta-sa cuccainn do genainn-si a tairmesc re h-ed eiccin. In caingen lasa tancais immorro .i. etergleod in morchatha- sa Poimp &ersir; Cesair, ro cinnset na faithi &ersir; na dei adartha &ersir; in toictiu sein cian mór uadh, &ersir; as daingen dicumsgaighthe ata etergleod in morcatha-sa oca arna ordughud co cobsaidh cinteach o tosach domuin ocus o cruthughad denmae na n-dul. Uair do reir rechta na toicten ata tinnremh in cinedha daenna uile ocus leiccmitne fen forn co fiadnach conadh treisi don toictiu inas duin. Acht cenae damadh lor lat-sai uaim-si tochmi na mórgnim-sa do rem-innisin duit, ni fuicciub-sa ernail nach faistine i tír nó i muir nó i muigh no i g-caill nó i g-carraic nó inn aer nó inn ifirn nach cuairteoch uili noco m-beri-siu fis fire lat.

IS lor lim-sa uait-siu omh, bar in gilla, scur &ersir; etergleodh na mórchaingni-si d'faisneis dam.

Bidh gar uair dait-siu on, ar in caillech, uair toduiscfet-sae duit-si corp mairb eiccin it fiadhnaise innossae fen ocus do bér anmain ind a h-ifern co n-innisi fein duit-si cach ni iarfocha de.

IS maith lem-su sin, ol seisium.

La sodain ro delb-si duibnell dorcha draidhechta impi &ersir; imsaé uathaidh d'iarraid apaigh mairb eiccin &ersir; a cuathan este, &ersir; is edh atberedh: a deu nó, ol si, as gairit co m-ba h-imda cuirp saerclann &ersir; abaige airdríg fo esonoir isin tir-si ce túsa innocht icc iarraid abaigh innti. Ráinic iaram inadh cinnte ar' cuiredh ár isin tir &ersir; cuirp imda can adhnacal ann.

O rainic isin armach fo cetóir ro teichset ass na h-uile fael &ersir; allta &ersir; ethaide bator ann re mét a h-aduaith &ersir; a h-urgraine na h-ammaite ráinic ann ina n-docom. Batar mor n-anmann inn iffern ina freiscisi in uair-sin, uair ni fetatar cia dhibh do bertai d'aisneis scél in morcathu dissi, uair da tuccad si immonair anmanna in locta ro marbhait isind ármuigh uile do todusccadh tria tincetlaib druadh, ro soisedh le, &ersir; ni biadh frithtairisiumh fria imbi.

IS annsin ro tog-si araile aenabach fencbel fuataighe urcrechtach agedbán mór asind armaigh sin, &ersir; delligh a menmain fair. Ro coirigh delan immo brághaitt &ersir; ráe imgairit as, &ersir; corran-bac cruaidhrigin for a cinn. Ro gab-sí an corrán sin ina laim ocus ro tarraing in n-apach ina diaidh le dar cairrcib cruaide cendgarba, &ersir; dar cnoefoitibh corraca, &ersir; dar bernadaib brisde belshalchu na sliged, no co rainic le é cusin inad i n-gnathaigedh a h-ammaitecht &ersir; a draidhecht do denamh .i. uaimscailp urgranna aduathmur inn accomul cairrci slébhe Eimh.

Fualascaige imda &ersir; fidhneimedha firdorcha &ersir; craebchaill comdigainn &ersir; doisiubair dluthbarracha im dorusbel na h-uamha sin, conar' thaitin ruithen greine no nach solsi ele riamh inte, acht solsi do gentae do tincetlaib druad no tre brechtaib ammaitechta. Coiccrich coitcenn tire na m-beo &ersir; thire na marb .i. nadh pianta na n-anmann inn-ifern in uaim sin.

Ro coirig ina faenlighe inn iarthur na h-uamae í, &ersir; Poimp Sext cona muintir ina fiadnaisi. Ro gab a h-errad imtechtae &ersir; ammaitechta impi in uair sin .i. lend fuataige ilbreac co taitnem cacha datha treimpi. Tuc a da glaic immo moing n-glais n-garbleith, co ro scail a scuapfolt roinnidi rogarb dara slinnenaibh siar sechtair. Ro coirigh craebcoroin cummaide do nathrachaiph neimide do timorgain in fuilt sin immo cend, &ersir; da nathraigh derscaigtecha for leimnigh &ersir; for banganaigh a forcipul a bairr.

Ro lin oman mor ocus imecclae Poimp Sext cona muintir i ca faicsin for in abairt sin, &ersir; o ro airig sisi sin ro impo a h-agaid co gruamda ortha &ersir; asbert friu: Cret in gne omain taitnes foraiph, a óccu? ol sí. Cuiridh bar m-bidgadh. &ersir; bar n-imecla uaib. Do bértar ainim inbar fiadnaisi isin marb-sae, co m-bia fein ic imacallaim fribh &ersir; ic aisneis firinne duibh, &ersir; dano cid iat alcailli ifirn fein cona ilpianaib no taspentais daib nir'bo coir daib-si a n-adhuath no a n-urgrain, nó a n-imeccla forib &ersir; meisi immaraen frib.

Ro impo frisin abach iarsin, &ersir; ro gab occ imbirt a h-ammaitechta fair .i. ro doirt linn fola fichtighe imma ucht &ersir; imma urbruinne for tús, &ersir; ro chomail neime escaidhe co h-imda foi 'arsin, súgha foreiccnecha no faisctis a brechta druad-si fen asind escca. Ro tuill-si frissin dono cach aidhmilledh aile &ersir; cach airicc urcoiteach ro bai for lesugud le. Uair cach gein torathardha &ersir; gach súgh neimnech &ersir; cach duil duaibsech &ersir; gach udhim aidhmillti aili o tossach dhomuin riem ni bidh uiresbaidh na urchra neith dib fuirri-si in tansin.

Ni testa fuirri amh cuvur uanfadhach na con confadh. Ni testa fuirri innedha na linche, edhon ceneli nathrach sein, &ersir; intan aipgiges a sotha ina bruinn tescaid a cuilena a bruinn da n-ingnip co teccait fein &ersir; inde a mathar leo triana broinn imach. Ni teastatar fuirri dano na h-ifne snadmacha, ceneli nathrach sin fasait a smeraib na m-marb, &ersir; a n-aittreabh inn adhnaicibh na m-marb dogrés. IS e met a neime co m-mudaighit na daine do tinfedh a n-anala. Ni testa fuirri in t-eiccne ercoitech .i. ceneli bratan sin commet traiged ann, &ersir; fostaid in luing fo lainseolad for lar in mara. Ni testatar fuirri dano suile na n-draicce, &ersir; na clocha biti in netaibh na n-aquili &ersir; na g-corr n-grian, ar bíd do tesaidecht na n-en sin co lasfatis a nit fotha mana tucctais clocha fúaraighthe inntib do mesrugud a tesaidechta. Ni testa fuirri dano nathracha eiteacha tire Arabia &ersir; trágha Mara Ruaid. Ni testa fuirri trusca na nathrach adharcach a crichaib na h-Affraici. Ni testa fuirri dano luaithredh na fenici a h-airther in domuin. En ingnathach sin &ersir; da bliadain fot a saeguil. Do gni fein teine di i forcend na rea sin, &ersir; lengidh isin teine co loisccther ann, co n-ásann en nua asa luaithredh doridisi.

Ro commaiscc tra Ericto ina h-uile trealmha neimide sin for in apach, &ersir; ro tuilli friu dano na h-uile luibe neimneacha batar isin Tesail fein &ersir; na lossa forar' laisi fen brict ic a n-geinemain asin talmain fo cetoir. Tuargaib garb dordán mór &ersir; fogurmonguran eccubaid esaentadach fuirri 'arsin do ail &ersir; do etarguide na n-demna ifernaide do tabhairt anma di isind apach bai ina fiadnaisi.

IS mórfogur tra isa cosmailes ro taitne isin nuallan draidhechta sin Ericto. Ro taitnetar amh ann amastracha na con &ersir; donala na fael &ersir; gerana na m- bufa &ersir; grechach na n-echtach &ersir; beicedach na n-alta &ersir; fetguire na nathrach &ersir; torman na tonn &ersir; fogurdresachtach na caillted &ersir; bresmadmanna na n-gaeth &ersir; torman na nell.

Ro ainmnigh-si co suaicnidh isin eturguide n- draidechta sin anmanna locta cadhais &ersir; cumachta ifirn &ersir; tuseach a pian. Ba dib-side in Bas fein &ersir; Pluton mac Satuirn ri na n-dorcha &ersir; Ecates agedhbhan a rigan, &ersir; Cerbir craesfoslaicte dano doirseoir na n-dorcha, &ersir; Caran cnesodur immurcurthidh srotha Stig i n-ifirn, &ersir; tri dasactaide ifirn, edon, Alecto &ersir; Dissipone &ersir; Megaera, &ersir; na tri Parci ifernaide bite icc snim saeguil gach aen duinne isin domun .i. Clothae &ersir; Lacessis &ersir; Atrapos a n-anmanna.

O tairnic de tra in eturguide mór sin ro taidbreastar for in apach &ersir; si icc seitfedhaigh &ersir; ic analfadaig &ersir; ic uchfadaigh dermáir, &ersir; cuvur mor &ersir; uanfad imdha imma bel &ersir; imma sroin &ersir; imma gnuis uile, atconnairc fosccad na h-anma for foluamain os cinn an cuirp, ar nir' lamh a fagbhail ar eccla na cailligi, &ersir; ba lesc le tocht i carcair cengalta &ersir; i cuibrigibh imcumcaib in chuirp mairb &ersir; se co h-inarmaighe ina fiadnaise .i. aenda secdha sithrighte, &ersir; a ruiscc obela, &ersir; a bel cocuasta craesfoslaicte, &ersir; crechta letarta fata fiartarsna mora tairis.

Ba h-ingnad lasin caillig ind adhleiscci sin do lamachtain eter innagaid a cumacht no a draidechta. Ro lin ferg &ersir; lonnas í iarsin, &ersir; ro ghabh nathraigh m- bí ar bolgán ina glaic, &ersir; tucc tri forguma di for in corp, &ersir; ro gab icc bagor co mor for demnaib ifirn &ersir; icc imcainedhh friu.

Táinic tesaidecht isin corp 'arsin, ocus ro reth in fhuil ara cuislennaib, &ersir; ro crithnaigsett a feithi, &ersir; ro boccsat a baill; &ersir; tucc clisedh fair co tuarcaibh ind aeinfecht o talmain é gan crapad coisi friss, gan fuirmedh uille no lama fri lar, can imresain eirge, noco tarrasair na colamain coimhdirigh ina cert-sesam i fiadnaisi Poimp Sext cona muintir. Arai sin ba gné bhais beus bai fair, ar ro mair caite &ersir; baine inn ecca ina ballaiph. Tucc buille ar a abra 'arsin, &ersir; ro tenc for na firu. Ni ro saigh immorro comradh forra, &ersir; ni ro labair guth friu, ar ni tuccad do do glor, acht freccra gach neith no fiafraigte de amain.

Isbert an caillech Tesalda friss: Do ber-sa logh maith duit , ol si, dia n-apra firinne frim don cur-sa, ar madham buidech-sae dhit do ber d'onoir adnaicthe fort, conach lemat ammaite nó urtracha isin domun do thodusccud doridisi d'aisneis nó d'innisin scél doib co deredh in betha. IS menic bis forscath mor &ersir; conntabairt for aisneis na faithe aile, ol si. Na dena-sa amlaidh sin iter, acht tabair anmanna suaichenta forsna neithibh atbera, &ersir; innis co cinntech na h-inadha &ersir; na h-aimsera i n-dingentar iat.

Ro scuch inn athfoccus do 'arsin, &ersir; ro can brict druadh ina beola. Ro maidh a cai for in n-apach trúagh tursech ieram, gor' muid a déra dar a gruadaibh, &ersir; ro tinnscain labra friu, co n-ebert: A dhaine maithe, ol se, ni ranac-sa inn imdoimhnibh ifirn iter dar sruth Stig innunn, airm i finntar feib &ersir; reimes cach duine &ersir; airm i tát na Parci ifernaidhe ic snim na saegal. Ar intan ro basa ac triall tairis innunn as ann rom-gairmedh cuccaibh-si o bruach in t-srotha, co nach fil lim-sa de sin a fhis cia fot no cia gairde saeguil neich isin bith. In ni atconnarc immorro &ersir; isa fis fil occom innesat daib-si co leir.

Atconncas amh esaentaidh adbail &ersir; deabaid dermair eter allcaillibh na Roman uile inn ifern. Atconnarc cumscaigte móra léo i fúr in cathasa Poimp &ersir; Cesair .i. na maithe icc faccbail na n-deghinadh don luct as ferr indát marbtar isin cath-sa &ersir; na h-uilc icc faccbáil a n-drochinad don lucht as mesa indáit marbtar isin cath cetna. Atconnarc faircsi broin moir for maithib na Roman inn ifern ara doilghe leo in cath-sa do chur. Atconnarc faircsi failti moire for a n-olcaibh ar a febus leo in cath-sa do chur, ar sailit éttromugud a pian &ersir; comrainn a ciulan friu do rochtain cucu na cintach roimda marbtar isin cath.

Atconnarc dobron mór for Silla inn ifern &ersir; geran adbal aici frisin toictin ar daigin a maic .i. Silla a ainm side, &ersir; marbtar e don cur-sa isin cath. Atconnarc dobron mór for Scip Affracain i n-ifirn ardaig a úa .i. Scip esidhe, &ersir; dano do faet side isin Affraic tre bithin an catha-sa fos. Atconnarc anfailte mór for an fellsamh, for Cait, ardaigh a úi .i. Cato Iudicensis do faeth tria bithin in catha-sa. Atconnarc failte mor &ersir; subaige n-dermair for Brútus inn ifern. Ba h-e adbar na fáilte moire sin, ar as eisiumh fessin ro cuir Tarquin diumsach a flaithes na Roma, &ersir; as e a ua .i. Brutus aile, mairbfis Cesair isin Roim.

Cid fil ann tra acht atconncas co dobronach anfailid inn ifern cach aen isa mac &ersir; isa ua marbtar inn imairicc in catha moir-si. Attconnarc co subach somenmnach cach aen da fil laghad occus éttromugud pian do rochtain na cintach cucu. Atconnarc Pluton mac Satuirn ri na n-dorca occus tire na m-marb ic tinol a riaghaired &ersir; a piantori &ersir; a drong n-dirmmand n-deamnach da saigid, &ersir; atbert friu im fiadnaisi-siu: Daingnigter for slabraidh &ersir; for n-glais &ersir; bar n-geibenna lib, ol se. Géraigter bar m-beara &ersir; var g-corrána &ersir; bar faebair. Glinnigter bhar slegha &ersir; bar tuaga occus bar n- uird esoircne anmann. Arlaidhter bar teinte londa loiscctecha. Aithighter bar clocha &ersir; bar cairrci cendgarba. Oslaicter bar n-uamdoirsi pianta &ersir; riagta, &ersir; na h-inadha pianta na ro h-oslaicit riam occoib oslaiccter don cur-sa, ar ni tancattar a h- aencath isin domun riam cuccuib, &ersir; ni targa a h-oencath isin domun doridisi, coimlin a targa in bar n-dail a h-immairecc in morcatha-sa Poimp &ersir; Cesair.

Atconnarcus muinter Plutoin co subach somenmnach de sin, &ersir; siat uile co h-urlamh i frestal esairgne &ersir; imlesta ina ria do cintachaiph cucu assan cath mor-su. IS adbar dubaighe dermaire duit-si sin amae, a maic ind airdrígh, &ersir; ber in coimdhidhnad m-becc-sa let arai .i. atconnarc-sa Plutón fein ic ordugud inait pianta fo ercomhair Cesair inn ifern. Atconnarc-sa inad cumsanta immorro fo ircomair Poimp &ersir; a da mac i tulaigh na trocaire i n-grienbrugib ifirn. Ar cen co fagbat na h-airdrigha a n- airlech isin cath mor-sa, mo nuaran as gar uair co roiset maraen a n-inadha urdaltae inn iffern.

IS mór bar n-onoir-si ann cena as denta daibh saint da saigidh. IS e deiliugudh in coccaid moir-si dona rígaib, indara fer dib do marbhad isind Egipt &ersir; a adhnacal i sruth Nil a n-Eigipt, &ersir; in fer aile do marbad isin Etail &ersir; a adhnacal i sruth Tibir isin Roim. Tusa fein immorro, a maic an airdrígh, na sir form-sa faistíne do denam duit, ar fogeba faith bus tairisiu lat innússa do innisin do tinnriuma duit .i. an t-airdri t'athair fein do ragha do t'accallam 'arna marbad. Acht acc-so aeinni atberim-si fribh, na denaidh tairisi don Eoraip nó don Affraic nó don Aissia, ar ni fagbaim-si isin domun uile rann is innillium duib inas in Tesail.

Ba santaigi-te la mac in airdrígh in cath do tabairt isin Tesail sin. Ba fir don faith ind ebairt cena, ar ger'bo h-eisinnill doib in Tesail, ba h-eisinnilliu dhoibh ranna aile in domuin innas. Ar ro marbad Poimp fein isin Aisia, &ersir; mac da maccaib inn Affraic &ersir; in mac aile inn Eoraip.

O tairnic tra don apach na scéla sin d'aisneis doib ro bai co tostach taethenach attruagh atturseach ina sesam ina fiadnaisi, &ersir; se icc urnaidhe bais on cailligh, ar nir' lam a ainimm deiliugud fris noco comarleicced an caillech dhi. Tainic in caillech Ericto rempu iarsin darsin uama immach, &ersir; doroine tor teinedh dermaire indorus na h-uama, &ersir; ro cuir an apach da loscudh fair.

Ro fáccaib annside e, &ersir; tanic fein maraen re Poimp Sext docum loggphuirt Poimp Maige a athar, co rancatar in longphort &ersir; na scuru i crepuscul na maitne muiche trath etarscartha lae &ersir; aidque.

Conidh remscél do remscélaib catha móir na Tesaili co n-icci sin. Echtra <ps><sn>Poimp</sn> <fn>Sext</fn></ps>, &ersir; taircetla <ps><fn>Ericto</fn></ps> <on type="people:Thessalians">Tesalta</on>, &ersir;<lb n="4306"> faistine inn arrachta ifernaidhe ainm in scéoil sin. IS é sin dano reimscél deidinach catha na Tesáili. Conidh comairem .x.u. remscél co n-icci sin. Scéla immorro &ersir; turtechta &ersir; eitirdeilighthi in catha móir fein, &ersir; tinnriumu na laechraide inn ellach inn imairicc moir i m-muigh na Tesaili fein, is iat atfiadur sisana fodhesta.

 Cath mor muighe na Tesaili innso.

IAR CLOSTECHT NA CRUADHCELMAINI CATHMAITTI sin ro raidhiustar Ericto aingidh imarsaidh iffernaide, nirbo soinmeach airerda immorro ruccadh ass in adaigh sin resin morcath i l-longphortaibh fer n-domuin. Ina m-battor d'uamdoirsib iffirn i tir na Tesaile ro h-osslaicit in adaigh sin iat. Do berad a tlachta folaig &ersir; a n-dicleithe druadh do uilib aittib demnacdaib in tire inn adaig cetna. Tanccatar foil &ersir; foluaimnigh &ersir; anmanna feochra fuirechra &ersir; daescarsluagh demnacda in tire uile, co m-batar i n-dithrebaib na Tesaile inn adaig sin ic urnaidhe in morcatha arna barach.

Ro tuitsett sceith &ersir; slegha na cruinne uile da n-aidlennaib isin aidche cetna. Atcesa ann saignena roimdhae &ersir; caera teintidhe ic tuitim a fraigtibh na firmaminte nemda, co n-imtacmaictis in talamh i mórtimcill na dá mórlongphort. Ro comdoirtset tri ruadbuinne robarta in betha fon domun inn aidche sin .i. muir Caisp &ersir; muir Ruad &ersir; muir Torrein, co ro comtuairgset a morthonna ina m-ba coimnesa doib do murruscaib cairrcide &ersir; do bennaib all &ersir; airdsliap in talman, co closs fona crichaib batar comfoicsiu doib mongar in mórmara &ersir; escal inn occiain &ersir; garbconghair na m-bledhmil &ersir; na muc mara &ersir; na ron &ersir; na rinnach, na tollcenn &ersir; na corrcenn, na milmór &ersir; na libedhan &ersir; ilpiast anaichnidh inn occiain arcena.

Ro blosccnuallsat ceithre primgaetha in betha fon domhan in adaigh cetna .i. an Stefir iniar, in Voir atuaidh, inn Euir anair, inn Auster andes. comma rainic comtuargon &ersir; imlessadh doib for lar tire na Tesaili gor' fas teintech &ersir; toirneach &ersir; ainbtine imforcradach isind aer desin, cur' fas crith &ersir; talamchumscugud i fotaib &ersir; i slutraigibh in talman, cur ro fogluaisset inn uile coimtinol demnachdha bai isin Tesail a h-uamtollaib i talmuin, a dithrebaibh a cailltedh, a scailpib a carrac, a glacaib a tulach, a fanglenntoip a cnoc, a mamannaib a sliab, curro comhgairsit i n-aeinfecht &ersir; i n- oenfaball im dib mórlongphortaip na da airdrig sin .i. Poimp &ersir; Cesair, gor bo lor d'adhuath &ersir; d'urgrain &ersir; do cridenbas dona slóghaibh a n-eistecht.

Re siangail &ersir; re sibsanaigh na m-bufa &ersir; na loisccend. Re donalaibh &ersir; re h-amustraig na fael ocus na con ocus na cuanart ocus na mac tire. Re coimhcnedaigh ocus re barann beicedhaigh na n-os ocus na n-alma ocus na n- allta n-eccennais. Re h-ardglaedaig ocus re h-ardgairmnibh na parti ocus na l-leoman ocus na mathgaman. Re gothgail graccallaigh na n-en ocus na n-etaide ocus na foluaimnech arcena. Ra garbhgortgholgrechaig na n-gelt ocus na n-gribh n-ingnech , na n-ammaite ocus na n-urtrach ocus na m-badb m- bélderg &ersir; na fantaisi foltscailte ocus na n-drong n-dirmann n- demnacdha ocus diabhaliasccaigh inn aeoir arcena os a cinn, nir' leicced lochad no tatham no tinnabrad d'oenduine i cechtar na da mórloggport airet batar na h-ammaiti for an abairt sin ina timcell.

Intan immorro atractatar luathghoetha adhuarae imluatha ocus glasneoill utmalla etarbhuasacha na maitne, ro ansat na h-urtracha da n-aidhmilltib, ro tairinnset a trethan ocus ro coisccset a congair ar uaman &ersir; ar ureccla solsi na maittne da t-tarractain. Ro tuilset na slóigh iarumh lasin tai moir sin, ocus atrocair a suantairtim cotalta for in airdrigh, for Poimp.

Tarfas fis ocus amra ocus aislingte do-som isin cotlud sin .i. indar leis a beith fein co maithibh na Roma imbe ina suide rigdha i n- oenach na m-buad for lar na Roma, ocus slógh tire Letha uile ocus luct na Roma uile, eter occ ocus sen, do beith isin oenach imbe, ocus siat uile co fogurgairibh moraibh ocus co nuall ocus co éiselbi adbail ac denamh a buad-som ocus ic toccbail a clua ocus a urdarcais os rigflathaib in talman &ersir; os degferaib derscaigtechaib in domuin, feib as glormaire ro batar imme isin oenach mor do ronadh do i l-laithib a rígtha isin Roimh ar clod do na murthaidhe &ersir; na meritrighi rígh na Pointi ocus locta na h-Espaine treuillige iar n-iarthar.

Bhess is edh ro bai annsin menma snimach urecclach in airdrigh do cúartugud na maithis mor fuair fecht aili &ersir; in toictiu do taisbenad na Roma inn aislingi do, ar nir' leigset na faithe do a faicsin innas aile. Nó dano is ac taircetul tromgaire n-doinmeach in morcatha arna barach ro taisbenait na gairiu subacha soinmecha sin do Poimp ina cotludh, ar isedh is gnath anfoilti do taircetal tria failte na h-aislinge &ersir; na fisi aidhcidhe co menic. Tainic mochneoill na maittne foisin, &ersir; ro gabh solsi ind lae ic fortamlugud for bansolsi na retlann &ersir; na renn aidhchide. Da festais fir an domain cena rob adbar dubha occus dobroin dermair doib maitin in laithi sin d'faicsin, daig ni ro tairic oenla riem tareis na Dilenn don cinidh doennae samail in ro tairicc in la sin doib .i. an dith ocus a mudugud inn ellach in mórcathae eiter Poimp &ersir; Cesair for muigh na Tésali re h-ed an lae sin namma.

IS techt tar aicned immorro, ocus is feidm os nirt, ocus as onfaisi occiain, ocus as iarraidh fhorais i fudomain ocus is decsin radhairc i r-reodoirce, ocus as gabail re muir lain icc linadh, ocus as triall eiccne for airdrigh, ocus as techt i cath gan congaibh airm, ocus as seoladh ind agaidh gaeithe, ocus as cuindgidh freabta i fritagaidh ecca, ocus as airem ar immatt eccintech d'oenduine isin domun fobairt aithrisi no aissneisin for cathugud in lai sin, ar is ed is gnaithciu ann aisneis imforcrach do tabairt for gnimradaib na cath aile icca n-innisin. IS deimin immorro na fagaibtear isin bith oentenga oenduine da tised a taithmet nó a tuarusccbail gach a n-dernadh do morgnimaib ann, ar nir' furail no imforcraidh staraide cacha cineda isin cruinne do cumma &ersir; d'ordugud gnimscélradh in oencatha ina m-batar ilcinela an talman o or co h-or. A suim immorro, &ersir; a n-aird &ersir; a n-airdirc triallfaidter sunn a tecclaim co cert &ersir; co commair doreir amal frith iat i fis &ersir; i foglaim &ersir; i finnfoclaibh filedh &ersir; inn ealadhnaibh augdarda na n-augdar Romanach buddein.

La sodain tra táinic lansolsi na matni da saigid, &ersir; arai ní ro artraigh in grian doib beus biucc, uair leiscce &ersir; admailli &ersir; ainesccaide atract in grian os tonnaib inn oicciain do taitnem dar colair turcbála suas isin maitin-sin innas in cach maitin reime riem, ar bai da neimdeini ro taitin grian frisin talam an la sin. Atar la cach curbo seachna solsi, &ersir; curbo h-ercra greini rob ail ann, ar ro suigh &ersir; ro tarraing in grien da saigid isin maitin sin uile tromnellgala dluithi doburda duibciach deridh na h-aidhchi &ersir; fraisnella fannscailti fuasnadacha na firmaminte uile, &ersir; dano ni d'furtacht na d'altrom a l-lassar no a teintidechta no a tesaltactu sin, amal atberat na fisecda, acht as da m- beith ina clarcolbadaibh gorma glasgarba &ersir; 'na m-bratachaib duba doscailte ettarra &ersir; tir na Tesaili. Ar nirbo lainn lasin grein a ruithne sirglana solusta do taitnem frisin tir sin, ar aidbli in moruilc ro ba cinnte do denamh innte .i. dith &ersir; dilgend in cinedha doenna iter Poimp &ersir; Cesair.

Araisin tra gerbo lesc ainesccaid inmall an eirghe sin atract fo deoidh in grian ina h-ubullmhioll cró &ersir; ina crunnpupall teintidhe os dreich in talman, curro fortamlaigh a solsi for bansolsi na rend &ersir; na retlann, co ro lin glennta &ersir; cnuca &ersir; caillte &ersir; tuaithtemracha in talman. O ro airigset slogbuidne mor-longphuirt Poimp in t-eitirdeiliugud sin in lai &ersir; na h-aidce atrachtatar eirge athlamh aeinfir la mochdedol na maitne muiche. Ro eirig geoin mor ocus fogarmuirn &ersir; fothromh &ersir; fogluasact &ersir; fodord adbal isna longportoibh desin.

Do dheochatar na slóig co m-batar ina m-buidhnib &ersir; ina sesib ic geran ocus icc uchbadaigh ar fot na faithchi &ersir; na n-urdhom &ersir; na n-imdhorsi im puplib inn airdrigh. Ba sedh a n-aenguth &ersir; a n-aenradh uile, cudhnodh &ersir; tinnenus in morcatha can fuirech gan esnadhadh co brath dar in lasin amach. Do gapsat ic aisc &ersir; ic tobeim co mor for in n-airdrigh, for Poimp, ar imfuireach in catha do. Atberte frisium a beith lesc &ersir; a beith meta ocus a beith imecclach &ersir; a beith ic fulang tarcaisne co mor o cliamain .i. o Cesair, &ersir; conidh aire no fuirged in cath ar eccla socraite imar sud do dedail fris &ersir; a scarad fein re rigflaithius na Roma 'arsin. Dia fris tra as truag inn abairt ro ba for slógud in longpuirt annsin amh .i. a m-beith ic saint &ersir; ic ailges im tabairt an catha an lucht ac nach raibe do saegul acht madh co h-am tabarta in catha nama. Cid iat ríghfhlaithe rathmara &ersir; popul in airther dano nirsat luga a n-acaine inas gach drong aile ann im tinnenas &ersir; im cudnodh in catha ara foti leo beith inn ecmais socrachta i tire ocus a n-atharda budéin.

O 'tcuala airrigh &ersir; uaisle,flaithe &ersir; fuilngidh, consuil &ersir; comairlidi in t-senaid Romhanaig in gearan mor sin ic rígaibh &ersir; ic rodhainibh in longpuirt im fuireach in catha moir sin is i comairle do ronsat, techt i pupaill Poimp dia asslach fair accaine na n-airdrig do coscc &ersir; in cath do tabairt in la sin fen.

Maith co n-icci in la sin ceana in t-airecht ro coid isin pupaill sin .i. rigflaite na Roman. It e annso anmanna na n-ardflaithe &ersir; na n-airech ro cotar isin pupaill sin .i. Cata mor Iudicensis &ersir; Brutas in primconsul &ersir; Sill mac Sill, &ersir; Scip mac Scip maic Scip Affracain, a cathraig Lucinae, &ersir; Tuil Cicer, in primretoridh aentenga ón na sulbuiri latianda can samail gan baramail ina h-aimsir fríae. Tainic ann Decius consul &ersir; Curio consul &ersir; Cetegas consul &ersir; Drusus consul &ersir; Grachas consul &ersir; Camill consul &ersir; Marcellus consul &ersir; Torquatus consul &ersir; Lucius consul &ersir; Lucilius consul &ersir; Lentulus consul a cathraig na h-Esculi isin Etail, &ersir; Agellus consul &ersir; Domitius consul a cathraigh Corpin isin Etail, &ersir; Libon consul tusech na n-Eotrastacda &ersir; Tarnius consul tusech na n-Umbreta &ersir; Fabius consul &ersir; Varus consul o dinn Auximon, &ersir; Antonius consul &ersir; Octavius consul &ersir; Marcellinus consul &ersir; Iunius consul &ersir; Quintus consul &ersir; Scevola consul &ersir; Marius consul &ersir; Lelitus consul &ersir; Aruns consul &ersir; Altus consul &ersir; Agellinus consul &ersir; Affranius consul. Gneus Pompeus &ersir; Sextus Pompeus da mac an airdrigh, &ersir; maithe na Romhan arcena, &ersir; drong-dirmanna mora do degrígaib an domain immailli friu.

O 'tconnaic in t-airdri Poimp iat isin pupaill is edh ro raidh friu: Cidh ro fogluais na maiti-si i tradh-sa a mucha-sa do lo o puplib &ersir; o leabtaib &ersir; o n- dergadaibh, ol se.

Gerbo h-imda fer frestail gotha &ersir; urlabra dó isin pupaill, araidhe sin tra ro togsat &ersir; ro ordaighset co h-oentadach aoinfer da freccra &ersir; da accallaim &ersir; d'asslach in catha fair &ersir; do frestul gotha &ersir; urlabra daracenn uile .i. an t-shai forcti &ersir; in t-ollam uasal oirdnidhe &ersir; an cainnell airechta &ersir; in abis fesa &ersir; an fisid foglama &ersir; in indeoin forais &ersir; an forus breth &ersir; an dromcla gacha dana &ersir; inn eochair foslaicthe gacha h-ealadna, in primretorca on . i. Tul Cicer, in aen tenga as ferr glor &ersir; aslach &ersir; innsci &ersir; urlabra ro bai in aenaimsir fria gan fodurd, can format, can imresain fria imbe. Beo ocus tend, trén ocus toccbalta cach cuis ocus cach caingen lasa congnadh ce madh etrom anbfann anarrachta a adbar. Marb immorro &ersir; tlaith &ersir; tuitmeach ocus trascairte gach dail no daeradh ocus gach caingen no cairigedh, cemad scel firen fiadhnach fasaigte forglithe no beith ica furail fair. Inbaidh immorro ba iudic breithe eisium fein in gleod do genadh ni ticfad do bretheamnaip in betha uile a tollad no a tathair dar a eisiu. Consul ro-uasal e on, ocus ro coiscc mor do coccad &ersir; d'imresnaibh na Roman beus airet ro ba beo tria gaeis a gloir &ersir; a labra ocus a urlabra &ersir; a nirt a lama &ersir; a claidim &ersir; a cruas a cridhe, ocus ar imat a miled ocus a socraide disli budhdein, conarb ingnad ocus nar' decair fer a maithiusa in fhir-sin do freccra righ ocus d'asslach comairle caich fair ocus d'aisneis ocus d'innisin ruin na socaidhe do. Ba saint ocus ba duthract lais ar da adbar aslach in catha for Poimp .i. ar na maithi do cur in dala ina leth im furail in catha, &ersir; dano ba lan-lainn leis fein rochtain na Roma i traiti ar mett ocus ar aidble a édala 'na h-aenaigib ocus 'na margadaibh ocus 'na dalaibh.

IS edh inso asbert ieram: A uasail ocus a oirdnide ocus a oenri, ol se, da festa-su eim ni suaill sodhethbiri ro fogluais na maiti-si i trath-su it dochom, ocus madh cet let atfiadu-sa duit in toiscc imo tancatar.

Abair uait biucc co cloamar, for Poimp.

Do fetaraisi fein, a airdri, conidh cian ocus conidh fota atát na maithi-si isin coccad-sa immailli frit-su inn ingnais a muintire ocus a ferann, a cathrach ocus a castiall ic fulang docra ocus merten mara ocus tire as gach crich im-araili i freastal in morcatha sa fil ettrat- sa ocus Cesair. IS ed rob ail leo, crich &ersir; scur ocus foircenn da beith for na docraibh sin doib, ocus ni faicet scur aili forro acht tre etergleod in catha moir eiccin. Inni as scor do cra ocus do bethadh dibh ann, is edh as tol doib-sium a gnim can cairde, can fuireach, can failliugud isin laithi-si indiu fein. As e a n-aenglor uile -- ocus atat acat atach imme, iter riga &ersir; airecha ocus amsu ocus anrada ocus occbad ocus dóescursluag -- leicc eturra ocus Cesair do clodh, ocus fulaing doib a clodh it fiadnaisi. Atberatt fos contat mora ocus condat maithi cummaine na toictin fort-su cusindiu. Ni becc leo uait-si daracenn sin uile airbert dit uaitib namma ocus tocht i cenn catha co Cesair. Atberat fos conidh romor in lucht fuirigh ocus foslongphuirt as ail lat-su it farradh .i. an cinedh doenna uile, ar ni cien fuilengus Cesair doip can clodh da leicci-siu da shaigidh iatt. Ata ar aill aile ann dano mana coir dait-siu tinnenus in imaireicc do clodh Cesair. Ar a mett as nar ocus as mebul lasna cinedhaib ro cloaisi can fuirech gan fosugud occo acht a clodh icc tocht tairsibh namma, beith duit co fata ocus co h-adhmall ic clodh Cesair can srainedh catha focettoir fair. Atait righa imdha it tinol-sa no fobartais fein freccra Cesair im cath cen co betha-su i cinn-comair friss eitir. Ale cia leith ro cuaidh in clu mor-sin ocus an borrfad ocus an brígh dermair ocus an danatus adbul ro bai occat-sa eitir masina queist fil fort cuisi &ersir; caingne in t-senaidh Románaigh do lecon i l-leith na n-dea ocus na toictin. Ni cumtig duit-si on cena. Arbertait-sium a n- arma leo docom in catha &ersir; a mergeadha mana aentaighi-siu friu, ocus nach ba nar lat-su andsidhe gan a furail ar eiccin forra Cesair do clodh ocus gan h' aentaidh fein d'fagbail docom an catha remi? Ocus dano mas ar ar n-daigne ocus gurab duinn-e gnisi in t-imfuireach sin, occus d'ar les, leicc ocus cetaig duinn saigid Cesair isin aimsir ocus isind inadh bus lainni linn fen, ocus bidh aran maig-si na Tésaili ón isin lo-sa inniu. Ale cidh imma tairmiscci-si claidhmhi in domuin itir o telccadh fola Cesair, ar as urlamh iat uili friss. Itat in slóg uili icc gabáil a n-arm ocus ic bertnugud a n-urcor. Ocus as inbectain leo fuirech re a mergadhaibh gan imtecht rempo docom in chatha. Dena tinnenus, iarum, a degduine, ocus geib t'arma, ocus coirig fein do shloghu na ro scuchat uait do socraite ocus na rot-facbaiter inn uathad muintire for lar in longphuirt.

Ar n-glor-ni aile sud, for Cato mor Iudicensis.

IS e cidh aenglor na sochaide, for Brutus ocus for na maithe archena.

Ro lae socht mor ocus snimh adbal for in airdrigh desin, ocus ro cuir fair co mor, ar nír' lainn leis an cath do cur ocus nir' sodaing do taidhecht inagaid in primretorca ocus a innscni ocus a asslaig co n-aentaidh na maithe uile immaraen fris. Ocus ro airigh-sium na faithe ocus an toictiu ocus in conach d'impodh fair trit-sin, conidh edh ro raidh fo deoidh: Cidh fil ann tra, ol se, acht madh edh sin bus lainn la cach uile, mana reccat a les formar misi do shetugudh comairle rompa. Cid fil ann tra cidh da m-biu-sa im aenar ic fuirech na faithe, acht tíagat as biucc co fesarata conach catha isin laithi-si indiu eiccin. Forclim-si immorro comba esin in la oirrderc i m-bia scur saeguil na sochaidhe, acht damad í mo comairli-si dano no fiasta ann ro clofinn-si Cesair gan ar gan airlech. Do-berainn co fomamaighté d'athnuadhugudh in t- sidha ro mill. Dia friss, as dall an t-aiccnedh don lucht lasar' ferr fuil do thodhail ic gnimh in catha catharda inas Cesair do clodh can ar, can airlech gan telccud fola itir. Ro forbthighsium-ni urmor ar cotach don cath ocus don coccad cusindiu. Ro bensam amh na tire ocus na muire for Cesair. Ro aslaigh-sium dano gorta for a muintir co filet ic slait na n-gort n-anabaidh sechnón tire na Tesaili cach lai. Ro furail-sium fortha conidh mó as mian ocus is toghu ocus is duthracht leo taidecht da marbad fein cucuinn-e innas i fuireach mar tat. Araisin masa lainne la cach cathugud inas clodh gan cath, ocus mas ferr leo a conach do cur i n-uct na toicthin ocus i fidhcellacht na Faite ina congmáil ime, cidh dambiu-sa m' oenar na n-agaid uile imme. Acht mad óenní do-rat in toictiu dam-sa chena, in rigrecht Romanach do stiuradh ocus d'follamnughadh cusin laithi-si indiu. Atci fein dono conidh mo ocus conidh ferr indíu innas in la tuccad im laim-si é. Ditned fein festa é, ar ni bia a soladh no a doladh damh-sa o sund imach, ocus dano cipe fasus do chathugudh in lai-si fos fuacraim-si ocus atcuirim cona bia a moladh no a tathair damh, ar ni gabaim a maisi nó a domaisi im leith o sunn amach. Deitber dam- sa on, ar ro fetar-sa co cinnte cona bia maith eitir de, acht madh olc uili. Ar inti clofes ann bidh miscnighthe la cach, ocus bidh tathairthe o feraib in talman inti clofiter ann: as fis ocus is follus conidh messam cach main.

IS aire sin bad lainn &ersir; bad saint ocus badh rogu carthanach lim-sa co tegmad in cétga no diubraicte isind imairecc-sa triam cenn-sa comtarsna acht comad soer mo muinter tar m' eisi gan a mudughadh.

IS ed sin tra ro aisneid Poimp, ocus o tairnic dhó a faisneis ro cetaig do cach a n-arma do gabáil ocus eirge docom in catha, amal bis stiurusmann lunga luchtmuri lanmoire cusa teccaim gaeth rothren a n-aghaid a h-imtechta, ocus bidh ic seitriugud ocus ic fulang co fata inn agaidh na gaithe noco furailenn ocus noco n- aslaigenn treisecht na trengaithi fair fo deoidh in long do lecon co laindirech la nert na gaithe in conair gabas 'ar n-dith a neirt ocus a chalmatais.

Ba h-amlaid sin do Poimp ic fosadh- congmhail stiuire an flaithiusa ocus in ríghrechta Romanaigh in agaid aiccenta an-b-fosaig ur-etruim fuasnadaig a muintire airet co tainic de, ocus o nar' cumaing a n-imfostadh ro cetaigh doib a n- arma do gabail, amal leiccius marcach a srian la h-ech rott.

Cidh tra acht is neimimcomaircech ro freccradh in forcongra sin la h-anradha in domain isin uair-sin. Ro scailit inn oenfecht &ersir; inn oenfabhall docom a m-both &ersir; a caprach &ersir; a pupall.

IS garb an crith &ersir; an comboccad ro bai isin longphurt annsin. Ro gabsat for tuarccuin a n-ochta &ersir; a n-urbhruinne. Ro soiset a n-aiccenta &ersir; a n-derbha do sochaidi moir dibh. Ro bansat a n-aighthe &ersir; a n-gnúisi. Ro dubhglassatar a m-beoil lasin tuairgnigh &ersir; lasin uctbualadh &ersir; lasin n-geoin moir &ersir; lasin n-grithghair adhbal ro bai ic slogad in longpuirt, ic gabáil a n-echradh, ic eitiudh a n-arm, ic seinm a stoc, ic comgairm a comarc, ic sleman-cainnligh a sciath, ic slipadh a claidem, ic limad a lorcfertas catha, ic trothadh a tuagh, ic melbleith a craisech, ic athinnsmadh a slegh ocus a l-laighen, ic tarraing thennadh a suainem, ic stuaghboccadh a m- bogadh, ic sinedh a sreng, ic linadh a saigetbolg do raignibh a saiget, ic daingniugudh a n-dillat, ic áithiugudh a spor, ic glinniugudh a srian, icc tairrnged ocus ic fosughud a crua imdhaingen iarnaidhe fo cosaib a n-echradh, ic innell ocus ic imluadh a n-adhelge arcena ocus a n-arm catha o sin amach.

Is annsin dana ro gabsat righ ocus ruirigh ocus rodaine an longpuirt for eitiudh a n-arm. Nirbo deidbliu in geoin sin .i. drongair na luirech lineach lancuir ic a slislecon im cneschorpaib na curadh, ocus figair sibsanach a m-bil-chimhas inichtarach ica n-imcomailt frisna h-asanaibh iarnaidhib, ocus masladach na claidem claislethan coilgdírech ar shlesaibh na laech, globeimnech na minn righda ro-etroct ic a cengult osna cathbarraib cumhtaightibh, sreangal na luireach ocus na sciath &ersir; na sciathrach ica suidiugudh for muinel-braightibh na miledh ocus for rightaibh na righ rodiumsach, crithnugud &ersir; boccadh-bertnugudh na slegh slinnlethan &ersir; na laigen lethangorm ocus na craisech crandremar crofairsing ica n-gabail re gelguaillibh na n-gasradh n-gaisccedhach inn airius in morcatha.

Ro gab iaram in t-airdri fein ocus in flaith forglide .i. Poimp Maige, a catharm catha &ersir; a erred imaricc imme .i. ro gab da braici breaca buailtecha do sinsnath uretrom uainegda im dibh coscolptaib dho, co n-gabtais o innaib a traiged co remhar a sliasat. Ro gabh dá assan a certcomhat do breacsrol blathetrocht tarsu i muigh anechtair. Ro gab dá asan coema corcurda do croicnib leoman arna lansuathadh tarsu sin fos. Ro gab dá asan imthroma imdluithi iarainn tarsu sin fos. Ro gabh dá scaburassan ailli uretroma do electair .i. do thinni commascda airgit ocus credhuma, tarsu sin uile anechtair. Ro gab tonaigh seim sreabnaide snathcháil siretroct do sita oeingel i custal a gelcnis dó. Ro gab tairsi sin inar imetrom orcimsach do srol rígda a tirib Siria, cona stuaghlubaibh airgdidib, cona cnaipip oir deircc fri h-iadad &ersir; fria h-oslaccad ann. Ro gab inar suairc suata sofilltech sreabnaidhe do croicnib ferb tairsib sin. Ro gabh dá breclamainn boccmine biannaide immo dib gelglacaib ocus im innaibh a lamh. Ro gab tarsu sin uili luiriuch dluith drolach dualach degfigthe derscaigthi d'uriarann do glaisiarann cruaidh cotat-rigin arna legad ocus ar na h-athleagad fecht for a sé. Ro gab sciamhluirig n-imetruim n-electarda do commusc oir &ersir; airgitt óengil tarsu imuich anechtair do somaisi a erridh ríghdachta inn airdrig. Ro gab cathcris comdluta immo taebu cona bordaibh ordha fris, cona dunadh do licc logmuir, cona tuaghmilibh rinnta d'or &ersir; d'airgett on ur co araile de, co n-gabad in caithchris sin do o fanaib a arann co h-ard a formna. Ro gab a armlama flatha i forcipul in cresa sin eter a uillinn cli &ersir; a taeb .i. claidem cruaidh coilgdírech aithger ailtnide blaith-slipta bricht-faebrach stuagmar sithrigin sohfillteach cona eltaib snaidtib slemonsoilsib do raighnib na lecc lógmar, cona mindruimnib mineccair do snath óir or-loiscti imma urdorn, cona inntech coemcumtaighe do cnaimh aoingel elifinte, cona dib caelspeltib blathmaetha biannaide ettarra-sein &ersir; a eo, cona mintruaill edrochtglain forordhai tarsu amuigh anechtair.

Ro gabh a corrchathbarr cirach clarda cruanchumtaigthi dar maelat drolach, linech a luirige imma cenn, cona dib remartinnib imcoimsib iernaidib, co forbrechtradh airgit aeingil forra dar a muinél siar sechtair ass, cona sronlainn imdaingein iarnaidhe, co forbrechtradh oir deirg fuirri, dar aghaid in airdrígh ass, conarbo sogonta ocus narbo soidercctai oenball dia curp nó da cendagaid acht mana dirged in toictiu soigett no beran dar trealmaib timtirechtai a anala no a feghtha cuicci.

Ro gabh a inncomarta a imperechta .i. a minn ríg, uasa sin uili imma cenn. Minn oir buide eisside, &ersir; bil-cimsu oir deirg fris co sreith cristail &ersir; gem coem carrmoccail ina mórtimcill ann. Coimhrinnadh comcoitcenn do dhelbaib en &ersir; ethaiti &ersir; anmann n-anaichentae n-ingantach fair osin amach, co n-dib benncobraib blathsnaidthibh do leccaib togaidib tire na h-Innia airtheraige uasu co n-deilb uvuill Affracda, cona cairchi ciuil ann for inn cacha benncobair dib, co m-ba binnither teta mendcrot binufhoghroghudh na n-ubullcairchi- sin ic a fogluasacht la cach ceim no cinged in t-airdri fein &ersir; la h-ardluth a eich.

Aeingem socarchain solusta do derscnaig do gemcumtachaib an domain inn airenach a aigthe an innchomurta sin, co m-ba comsolus la ocus adaigh in gach inad conuargaibthe e.

Tuccait cuicci a dá shleigh ailli innelta órcrai cona n-dib cael-crannoip comfata coimdirge do cedir neimhcrin inntu, cona n-airiallaibh airgdidhe fothu, cona semmannaip creduma trena m-braigtibh. Ro h-erbait da righmilid d'imurcur na sleg sin la taebu inn airdrigh gach conair imma cingfad isin cath. Tuccad a comla catha for a inchaip .i. a scieth croderg aelenda orcobradhach. Ba ditiun dá coicc cathmhiled i cró catha. Brechtar- breacad do bolg semannaib finndruine etir ecclanna oir fuirri. Slat chotat condualach ina h-imtacmung cona loss imcael imthrom iarnaide fuithe, cona taulimlinn tailc tuinigthe d'or derg daigerda, cona cobradaib coimeccuir d'airget oeingel, co forbrecad oir buide fair, cona sciathrach linidi lanurlam eli. Stuagdruimne rinnta roimda do ilcinel cach tinne isin bith, arna coimecur tre indtlechtaibh ollamhan &ersir; tre aiccentaib suadh for leirg droma in sceith sin. Ro h-erbait ochtar ríghmhiled re cotut-congmail in sceith sin ar incaip Poimp inn imforran &ersir; inn imargail in catha moir.

Tuccadh cuicci iarsin each midhach merdana moraiccintech, lonn luath luthmur leimnech leabarmongach, tenn, tailc taiblebar torannclesach, airdcond allata eterbuasach uchtletan, gobcael cosremhar, bolccsroin baisletain bolccshuilech, cona cetair crua iarnaide foi, cona srianglomur airgdide friss, cona suidedillait ordha for a muin. Ro cing Poimp indorus a pupaill for in each-sin d'ordughadh aslogh ocus do córugud a cath.

Ba feidm adbal d'oeinfer isin domun triall cosnama na cruinne frisin uair-sin, ara righdacht fein &ersir; ar airde a aiccnid ocus ar febus a tidnacuil &ersir; ar aidbliu a innmais &ersir; ar imat-linmuirecht a h-socraiti &ersir; a tinoil. Ar batar uile ilcinela in talman o Sléibh Elpa sair co n-icci inn Innia airtheraigh acht na Pairteccda nama, &ersir; ilcinela na h-Affraici o Roim budhdhes co crichaib in tentige, ar aenachadh ina farrad in uair- sin. Neach atcifed iat annsin ni sailfedh nech n-uresbaidh for in cined doennu can a m-beith isin t- socraiti moir sin immaraen re Poimp. Ro ba doca leis gan aeinfer socraiti i farrad Cesair inas acmaing frestail in tinoil moir sin aicci.

O do deisidh Poimp for a ech iaram, ro tenc, &ersir; ro mid, &ersir; ro mor-dech uadh for slógad an longphuirt ic tinol a mergedh &ersir; ic comgairm a comarc. Ro leicc a fuatan foerma don eoch allata airdermach allmurda bai foi docom rigbuidean na Roman airm i m-batar ina m-broin badba &ersir; ina cipi comdluta &ersir; ina coroin dluith dithoghlaide inn aironach in morlongphuirt. Ro leicced sraitslige lethan lanfairsing do, gor' gab a inadh imtechta eitir na ceithri .xx. senatoraib for larmedon catha na Roman. Ro bai ica comairle friu cinnus no ordaighfedh a sloga.

Tanccatar a túsigh conaire &ersir; a eolaigh sligedh cuicci, ocus asbertsatt fris: A ardflaith &ersir; a aenri, for siett, atait sligthe salcha dochra do-imtechta ocus conara cumcca ettrat ocus inn imreidh .i. mamtulca sleibi Ois &ersir; fanmothair glenna Bebis. IS lor deit-si, a deigri, do catha do cengal &ersir; do corugud iar riachtain deit for maigreidib maige moir na Tesaili allamuig da imreided in glenna.

Dentar amlaid, for Poimp, treoraiged in t-sliged co seitreach remainn iarum.

Ro gapsat rempu la sodain dar leithcenn sleibi Ois &ersir; dar lar glenna Bebis immach docom maige na Tesaili gach n-direch. Tancatar miturusa móra &ersir; airrdhe aighthidhe aduathmura doib ic tabairt a n-aighthi for an Tésail. Tuccait tromcetha móra teinedh &ersir; toirnighe doibh ina n-agaid, co m-bitis na saignena tentide for foluamain os a cendaib fo delbaib columan mor &ersir; sparti &ersir; troisti n- adbal, cona leicctis a rusca d'osluccud doib, &ersir; conat comgeontais in conair for a cingtis. No láetis na saignenasin a círa do cathbarraib na curad &ersir; a cobradha da sciathaib &ersir; a n- elta da claidhmibh &ersir; a slenna da slegaib. Atcitis delba na m-biast &ersir; na nathrach neimide for foluamain os a cennoip. Atcitis na saithedha beach &ersir; foichedh for foluamain imma mergedhaib uasa &ersir; is invechtain no toccbatis na mergedha sin o talmain, acht siett 'na m-bratachaib marbda merbhlighthi re crannaip na sleg sin, co fortuightis cinna na laech, &ersir; a m-braengal dhér &ersir; ciamaire ic siled eistip noco rancatar in Tésail.

Ro triall Poimp 'arsin idbairt dona deibh, ocus tuccad tarbh torav tiughfhormnach taeipslemain da shaigidh, ocus intan rob ail a bualadh imsae for dasacht fo maigib na Tesaili &ersir; ni thoraig for cúlaibh doridhisi, conach frith nach n-idbairt occo dona deiph 'arsin.

Nirbo h-amlaidh sin do Cesair, immorro, acht rainic leis fobail gach idhbairt fo tarat laim isin lo sin. Tuccait taidhbhsina imda doibh isin lo cetna. Tadbas amh do droim dibh, sliabh Pind &ersir; sliab n-Olimp do beith ic coimrith docom araile comma rainic comrac a n-aein-inad doib. Tadbas do dreim ele dib dano sliab Eim do sluccadh-badudh isin talmain sis co m-bai i comharda frissna glendaibh batar imme. Tadbas do dreim dib dono srotha cro &ersir; fola do beith ic snige dar lar glenna Bebis. Tancatar dorchatae dermarae doib isin glinn cetna conat coimgeonadh nech dibh agaidh araile. No artraigtis foiscte &ersir; fantaisi na carat batar marba reimi-sin doib isna dorchoib sin.

Ba faelid iet-som dona h-airrdibh sin, ar indar-leo is edh ro tircansat doib co m-beitis i traiti ic airleach na carat m-beo batar i farrad Cesair. Becc a ingnadh cena buaidred cetfaide for in droing sin .i. an lucht ic nach raibe do saegul acht edh risi roistis i comfocraib longphuirt Cesair nammá. Ba soideithbir do miledaib in catha sein aichni for a airrdibh, ar gach aird isin doman i m- boi duine do lucht na Roma do rat aichni for a airrdibh &ersir; no bidh co toirsech dubhach dobronach, ar ni fitir cia linmairecht da cairdib do faetsad i cath mor maigi na Tesaile isin lo sin. Masat fira na forcetla dano do reir cumni na senori, do rala in la sin fisid firamnus i tulaig Eugan eiter sruth Appoin &ersir; sruth Timaip i crichaib na Veneti.

Ro gab ic taidbred inn aeoir uasa cred do foillsigedh dó in saignen nó in rith renn nó in dath greini, acht is edh asbert: Dia friss cidh innso? ol se. Ni tartamar-ni barsamail in lai-si riam. Atathar icc denam mórgnimha éiccin ann. Ni fuil a samail acht amal bidh isin uair-si fen no beitis buidne Poimp &ersir; Cesair i comrac.

Cid fil ann tra acht as derb-deimin nar, delb in t- aicnedh riemh oenla ica m-beitis airrdena in lai-si. Deithbir on, ar ni tainic deis na Dilenn oenla no cutrumaighedh frisin laithi-si im dith &ersir; im dilghenn, im marbadh &ersir; im mudhughadh in cinedha doenna, &ersir; da m-beitis fiside &ersir; fireolaig ica feccadh in gach aird imeachtraigh secnon an domuin, ni raibe ann aird no inad asna bad forreli na h-airrdhe aigthidhe adhuathmarae ro batar isin aer os cinn na Tesaile in la sin.

Dia friss tra roba derscaightech na daine sin &ersir; ro bu ainmesarda a nert &ersir; a smacht &ersir; a cennacht &ersir; a cumachta. Ro bo fortren fata fairsing forlethan, a flaithius &ersir; a forlamhas, a nert &ersir; a recht &ersir; a rigi, intan ro linadh cruinne in talman fotha &ersir; an muir ina timcill &ersir; in nem &ersir; an t-aer uaistib do sighnibh &ersir; do derbairrdibh a cath &ersir; a cosccar, a n-olc &ersir; a n-aidedh, ocus antan as urgairdiugud menman ocus airpeitiud aiccnid la h-uile dainib in domain co coitcend beith icc innisin a scel ocus a cosccur ocus a n-aided in locta sin doib ina fiadnaisi o sin cusinniu, ocus as doig ni ba luga bus airpeitiud fos &ersir; bus urgairdiugud co bruinne m-bratha ocus co forcend in betha.

La sodain rancatar na sloig dar glend Bebis immach, &ersir; ro gabsat a m-belgip belsalchaiph ocus i m-belataib imcumcaib in glenna co forscailti for fairsingiugud fo cetoir for tetib &ersir; for tulcaib, &ersir; for tuaitemrachaib in talman, &ersir; for rennaib reidip roglanaibh, ocus for cnocdruimnibh comardaib clair maighe moir na Tesaili.

Ro thatni grían-taitnem na greine i tuile a delraidh ocus a ruithne friu, curbo milled da forcsin &ersir; da radharc. Ro curit annsin bollsairedha &ersir; callairedha &ersir; ardmair &ersir; armainn &ersir; aes furocra o Poimp for tossachaib na sliged d'imfostadh &ersir; d'imfuireach na sluag re taisbenad a socraiti ocus re corugud a cath ocus re h-airem a m-buiden ocus re h-ordugud a n- imtechtae. Ro bai imfuireach mór forru-som annsin ic rim a miled ocus a mergedh, ocus ic taispenadh a tuath &ersir; a tinol, &ersir; ic glinniugudh a comairle im corugud a cath.

Ro coidh an t-áirdri Poimp fein, &ersir; drong adbal da ardmaithib immi d'ordugud a slogh ocus do corugadh na cath annsin. Ro ba deiglin taburta catha immorro do ríg aili in lucht ordaigti ro boi immailli ro Poimp annsin.

IS e so amh ordughadh do ronsat .i. ro h-airmedh leo for tus a socraide n-dilis buddein &ersir; tinol an t- senaid Románaig &ersir; teglach Poimp cona maithib, ocus ro h-ordaighit occae ceitre catha &ersir; ceitre .xx. cath do gleiri miled &ersir; curadh cengailte fo n-armgaisged &ersir; dá .xx. mili traighthech i fosugud na h-irgaili ocus a n-uct inn imbualta &ersir; a tuinigti an catha.

Tuccad Lentulus in consul &ersir; ceitre legiona lanmora do raignib laech lanchatut immaille fris i m-beind cli an cata. Tuccad Doimit tuseach cathrach Corpin isin Etail cusin lin cetna immi i m-beind deis in catha. Tuccad Scip mac Scip Affracain &ersir; mórthinol na Cilecda immi i n-airenach a etermedoin in cathae cetna. IS e an Scip sin bar Affraici dar eis Poimp iertain. Tuccadh scellbolcc dluth doscailte do sciathaib gacha dathae isin m-bith, co m-bidh corranbac in sceith for araile im mórtimchill in cathae. Tuccait a eitedhae catha imme arsin .i. dc. marcach isindara h-eiti dibh &ersir; .dc. isin eiti araill.

Poimp fein immorro cona senatoraib &ersir; cona consulaip ocus cona centuribh &ersir; cona thuseachaibh &ersir; cona trebannaibh ocus co n-ardmaithib in t-senaid arcena immaraen friss ina m-broin moir marcsluaig inmalla forustu for cert-druim in catha moir sin.

Rígh immorro &ersir; tuisig, flaithi &ersir; forlamhaidhe, cuingid &ersir; coraid in domain batar maraen re Poimp nir' cumcetar rimh no airem a socraiti re n-imatt &ersir; re a línmairecht. Nir fetad catha do denamh dibh, acht gach dirim imo flaith, &ersir; cach curi immo coraidh, &ersir; gach tuath immo tuiseach, ocus gach buiden immo ruirigh &ersir; gach roslogh i morig fein for leith amal ro gabsat in mag, acht ro boi oensmacht forra o Poimp .i. na remtiastais in morcath ro h-ordaigedh inn airis imbuailte in catha moir.

Tancatar iaram dronga aidble dib im slógadh na Capatoci &ersir; im marcshlógaib insi Point don dara leith dona Romanchaibh ettarra, &ersir; sligti uisccemla in tire ocus locsrota Eniph. Tanccatar immorro don leith aili dib for reidib in maigi moir na h-uili ri ocus tuseach tancatar i toiritin Poimp cona mórsochraidib leo .i. lucht in airthir uile ota in Innia sair, ocus occbadh na h-Aisia &ersir; slog na h-Affraicce ocus fir na n-innsedh do muir Torrien.

Ro asccnatar rempu iarom fon samail sin ina ceim cobsaid &ersir; ina reimim forusta inmalla imtechta for certammus longphuirt Cesair cach n-direach. Nirbo h-obadh augra immorro in ceim sin. Mairg rig &ersir; sluag cena ro innsaigh da deoin in net n-gribi-sin &ersir; in lasair teinedh ocus in neim nathrach ocus in fochla leoman &ersir; in saebhchoiri icc sluccad ocus in teidm dígla &ersir; in damna áigh &ersir; an t-ágh urlamh ro h-innsaiged annsin .i. longphort Cesair, &ersir; anraid na h-Eorpa &ersir; iartair in domain maraen fris ann.

IS edh do eccaim do Cesair dano in la sin, beith tria tecmang &ersir; tre turcora conaigh airechtus mór do beith aicci co maithib a muintiri imme forsan faithchi forreid bai for lar an longphuirt. Ar is ed ba gnaithbes gabala longphuirt la Romana dogrés .i. múr do claidhe ina thimcell &ersir; faithchi urfolam fo ercomhair airechtais for larmedhón in longphuirt. Bai in la-sin dano airechtus for larmedón a longphuirt ic Cesair, uair rob ail lais drechta mora da muintir do cur do buain arbann cuicci fo glasgortaib in tire, ar nir'bo saidbir loin lucht a longphuirt-siumh intansin.

Batar a n-eich &ersir; a n-echradha urlama in imtechta occo, &ersir; a mergedha toccbalta forra fo comair na sligedh &ersir; inn imtechta docom glasgort an tire.

A m-batar ann ic forcsi &ersir; ic midemhain for lergaibh lebra lainreidhe in maigi moir for a n-agaid, con-facatur in magh fata forfairsing barclan do slogaib ocus siat ic mall-asccnam ina n-dochum gach n-direch.

A m-batar ann dano ic fordescain in maigi cetnae confacatar na h-eltadha aighthidhe adhuathmara os na slógaib, ocus na h-onchona craebhacha cróderga craesforlaiccti, ocus na h-aquili imluatha ilbreca eitecha etarbuasacha, ocus na mergedha ailli allata inncaela eirblecha iarlepra, &ersir; na bratacha snathcaine sreabanncaela sroil, &ersir; na fannbreiti fata fannscailti do shítta &ersir; do siric ocus do sinsnath, co n-delbaib mathgaman &ersir; leoman &ersir; nathrach ocus ilpiast anaichnid inntibh uili, co m-brechtradh druadh &ersir; idhal &ersir; aincreidmech ina n-uamannaib do métugud a n-adhuatha ocus a n-urgraine.

A m-batar ann iarom ic forcsin in maige cetna co facatar na dairedha dluithi digainne dergruada cona lasraibh tenedh os a cennaibh ic dirged da saiged .i. ruadcrandgal finnfota inneldirech na sleg semneach slindgerglan, ocus na n- gonfainne niadh, &ersir; na laigen lethangorm, &ersir; na craisech crainnremar crofhairsing ic a cruadhcongmáil re gealguaillib na curadh, cona cennoip solsib saignenta forru, co l-lasair taitnem teinedh os na cendaib sin.

A m-batar ic forcsin in maigi cetna confacatar na h-amdabcha adhuathmura aighrete gacha datha, &ersir; na crobuailte bodba fo aendeilbh timcill ic snamasccnam darsin mag da saigidh .i. buailte cengal &ersir; ocus cath-caraiti curadh do sciathaibh aillib aengelaibh, ocus do sciathaib engachaib uaineccdaib, &ersir; do sciathaib dubhdorcaib deilgnechaib, &ersir; do sciethaib imelchaini aladbreacca, &ersir; do cromsciathaib odraib aighthidhibh, ocus do sciathaibh breacbuidhi buaballdaib, ocus do crannsciathuip corcurdaib, ocus do sciathaiph breachtnaighte cacha datha isin doman osin amach.

A m-batar ann ic forcsi in maige cetna confacatar na cetha ana imtroma &ersir; na casracha ana imluat ha &ersir; na cethae dluithe degtroma i fritseoladh na sluag ina n-agaid amal silti snéidhi snechtaide, nó amal clumha coilctech re gaeith .i. in cuvur-uanfadh anal-utmall etarbuasach ic tepersain cun anadh gan urespaidh a gingobaiph &ersir; a h-eocurbelaibh na n-ech n-allmarda n-airdermach, &ersir; na serrach sulchruinn sronfairsing seitfedach, &ersir; na midach mórmongach nertmar n-diumsach ic meilbleith a fiacal ocus ic fosheinm a n-glomar ocus a srianmirenn ara luinne leo a fuirech nó a n-imfostadh gan a lecon doreir a menman ocus a móraigentae isan magh.

A m-batar ann ic forcsin in muighi cetna co facatar edh a forcsi &ersir; a radairc don muig mor barclan do shlógaib &ersir; do grinnib ocus do leigionaibh, do buidnib, do drongaib, do dhirmannaib, do miledaibh, do cathaib, do cuirib, do cetaib .i. sloig na n-insi &ersir; na h-Affraici &ersir; na h-Aisia &ersir; inn airthir 'na poiplib deilighthi &ersir; 'na cinedaibh scailti scamhanta. Gach ri cona socraiti, ocus gach córaidh cona curi, ocus gach toisiuch cona tuaith fein ime, can rimh gan airem gan airdmes forru, acht amal ba barclan in mag uili dip.

A m-batar ann ic forcsi in maigi cetna co facatar da saigidin lebarbroin lanmoir lethanfota d'óccaib fon armgaisgedh ocus a n-ucht uili friu i fairsingi achaid, ocus a n- dlus fidbaidhe, ocus a met cathrach no caisteoil .i. an senadh righdha Romanach arna n-ordugud &ersir; arna corugud .i. na h-ocht catha ocus na ceithri fichit cath do curadaibh cengailte ocus na da .xx. mile traigthech 'na tri lorgaibh, druim ar druim, co m-beradh gach lorg fri araile dib ina m-buaili bodba ocus ina cro catha &ersir; ina n-innellaigh, cona tuighi do clethcoilltibh aigh, ocus d'fidbadaib neime, &ersir; do slegaib crainnleabraib snasta slinnsolsi uastib, cona sonncaistel cotat comdaingen do cuarsciethaib cetraimteachaib ocus do chlarsciathaibh aladaib uachtarfairsingaibh moraib ina timchioll, comba lor d'urgairdiugudh a n-aisgin indara fecht re h-imat dath n-examail a n-arm &ersir; a n-ecradh &ersir; a n-otgadh, re gristaitnem &ersir; re gleordealradh na greini ina certagaid friu, re somaisi na mergodh &ersir; na minn rigda roietroct, &ersir; na cathbharr cruan-cumhtaighthi, &ersir; re geildergi gruadh na miled amal cnaim oeingel elifainti iar na tumma i corcur, &ersir; re solusruidedh na saerchlann soicineoil os bilib na sciath ar n-ergi na ruaidgrisi romoiri sin in aigtibh na n-anradh n-astarach re h-annaime a n-imtechta &ersir; re cumga na crobuailedh cathae i m-batar ic mallascnam in maigi fonnglais foruaine darar' cingset. In fecht n-aill immorro ba lor d'uathbas &ersir; cridenbas a forccsi re h-aduath na n-arm &ersir; re h-uathgrain na sochaidhe ocus re fostacht a ceime ocus re treisecht a tocimme ocus re h-admaire a n-innill; re n- aidble ocus re n-imatlinmuirecht fodein ocus re met ro gapsat fotha don muigh reidh rofairsing forsa rabatar, ocus dano risna h-ammaitip aerdaip ocus risna h-eltadaib adhuathmuraib do duibenoip dorchaidhib batar ina n-urlenmain ic urnaidhe a fola ocus a n-apaige n-escoman d'fagbail gan uiresbaid in-ellach in morcatha ocus inn otharligib na n-anradh isin armaig 'ar trioll.

La sodain tra doeccaim menma slóig Cesair forra, ocus gabait co feithmech fuireacur, &ersir; co sanntach sodeithbhirech ica sirdecsain. Ro airigh Cesair fein sin dano, ocus tucc a agaidh forsin magh, ocus ro dech uadh in morsocraitisin Poimp, ocus tucc da uidh annsin co tucsat na dei do inní ic a m-bai siriarraid reime sin .i. a daethain catha ocus irgaile d'fogbail. Ocus o 'tconnaic asrus a fogbala aicci ge rancus a les anad re comairli ocus re h-imradhadh mor do denam re h-ucht in turcairti tarla ann. Araisin ro gab-som for neimhsnim do denam de ocus ic a cur for dail m-bicc &ersir; for neimfni.

Acht cena o ro airigh ina menmain in guasacht romor i n-imfoccus dó .i. a dith fein nó dith Poimp i traiti isin lo sin fein co cinnte, &ersir; nachfitir a deimin cia dib diar'bo foicsi maith no saich, ro la socht mor fair, ocus as suaill narbo nar leis a n-derna do dánacht gloir ocus do boccacht urlabra asa conach cathae co n-icci sin. Ar ro lae a menmu i cumtabairt dermair ocus inn imresain adbail ic tur brethnaigthi ettorra fein ocus Poimp, ar intan do beired da aire mét soinmigi ocus soconaigh Poimp ros-linadh oman ocus imeccla in catha do srainedh fair fein.

Intan do beired da oidh, immorro, a degtoictin fein ocus a conach catha ni leicced nach snimh no nach n-ureccla fair. Nirbo cian do Cesair for in abairt sin antan ro ling a detlacht ocus a danatus fein ann, gur' baidh ocus gur' dibustar inn uamun ocus in cumtabairt ro bai ina menmain. Ocus ro éirigh i medon in airechtae ocus ro spraic a laim forsna slogaib do thai ocus d'urestecht friss, ocus is edh asbert friu:

A degmuinter, ol se, as sip ro tairbir in doman fum-sa cusindiu. As sib mo toicthi ocus mo conach ocus mo dei adartha. IS frib berim a buide gacha maithiusa fuarus riem. Do riacht anois cuccaib inní ic a fuilti iarraidh ocus togha co fata ocus co menic anallana .i. in cath mor, ni h-e riccthí a les d'iarraid festu acht an conach do cosnam a l-loss bur lamh &ersir; bur n-arm, ar is in nertaib bur riged ocus i cruas bur cridedh &ersir; i m-bonnaibh bur n-guailled? ata mo conach-sa no mo dochonach, ocus mo métugud no mo lagdugud co brath isin laithi-si in morcatha.

IS essidhe an la ro gellsapair dam-sa icc tonnaib srotha Rubicon intan ro atcurius a sidh for in senadh Romanach ocus for Poimp. IS e an la cetna-sa dano isa sailecta inar' gabsam ar n-armae ocus ima tuarccaib-sium ar coccad ocus ar n-eissidh o tosach uile. IS e in la cetna-sa dano in la frisi n-urnaigsium-ni do tabairt duin na m-buadh ocus na somiad forfemid Poimp &ersir; an senadh do denam duinn ar n-ar torrachtain don Roim o gabail na Gaillia ocus in iarthair uile. IS e in la cetna-sa dano do bera tighi ocus crodh &ersir; clanna, mna ocus muinteri daib, ocus denaidh calma ann. IS e in la cetna dano do bera feranna forfairsiunga daib fri fulang bur senndatadh ocus bur senordhachta, &ersir; denaidh calma ann. IS e an la cetna dano do bera scur ocus crich ocus forcend ar bhar soethraip ocus ar bar sloighedaib, ocus denaidh calma ann. IS e an la cetna dano do bera lucht an domain fuib tria bithiu, na lemhtar athcath no aitdeabaid daib in cein mharthai, &ersir; denaidh calma ann. IS é an la cetna dano do bera cach fuibh ocus sibh os cach, &ersir; denaidh calma ann. IS e an la cetna bus fiadhu forgill &ersir; bus íudic breithi etram-su &ersir; Poimp dus cia uainn bus firencha tuarccaib in coccaid-seo, &ersir; bidh follus do cach sin as inti clofitir ann, &ersir; bennacht uaim-si foraibh-si narab misi sin.

Masa dam-sa dano ro soichsiubair in Roim fechtus aili co n-armaibh ocus co teintib, ocus masa dam do ronsaidh gach maith riamh sechnoin an domain, denaid inndiu cathugud seitriuch duthractach damh, ocus dedhlaidh sib féin, ocus meis frisin cair &ersir; frisin míclu liít in senadh forain .i. co m-badh sinn badh cintach ann cusindiu. Ocus dano cenco n-derntai calma ar mo daighin-si, denaidh cid eiter ar bur n-daigh fein, co m-be bar sairi ocus bar commus féin agaibh, ocus rige for cach. Ocus cidh amhus, no oicctigern, no cathardha becc dinnim dereoil do gnethe dim-su, no cipe ni fodalta eili isin bith, dar mo breithir, i fiadhnaisi m' arm, ni fil a obadh occom-sa acht co b-fagbaithi-si deigbethaid namma.

Ata araill aile ann dano. Na loccadh ocus na forlaighed foraib-si itir an t-imat adbal &ersir; in t-socraiti di-airmidhe ut atcithe chuccaibh, ar is uathad dib-sin as luct gaisccid nó engnama acht sgolaide Greccacha &ersir; lucht foglama leaburda ocus saerealadhan a n-urmhor, ocus as ing mas eol doib a n-airm d'imurcur. Madh a n-imluadh immorro i n-agaid miled ni combtig co m-badh eol daib. Ni aile da lot dano .i. ni lucht oenbérla iat, ocus ni tabair cinedh dibh aichne for glor araile, ocus teichfit a n-urmor lasna cétgairibh i cétuair, ar ni duthract leo anadh fri calma do denamh is incath. Bidh uathadh accaibh-si immorro ro sia cathughad cathurda do gnim, acht beith ic díthiugud na cinedh n-echtrand sin, &ersir; ni cath cathardha eissidhe, ar as namait &ersir; as bidhbaidh bunaidh do Romanchaibh iat. Ocus o ro fetabhair a m-beith amal atbeirim-si frib, tabraidh bur n-agaidh for tus for in morsocraiti sin locta in domain, &ersir; narab d'anadh occo cena, ocus na damaidh cathugudh no comlann doib, acht eirgid trempu gan fuireach ocus trascraidh remaibh iat, ocus denaidh fodhail ocus brígh m-bicc dibh. Ar teichfit remaib fo cetoir, gorrabh a fiadhnaisi la cach 'arsin conadh becc m-buada nó m- buadhnaisi badh denta do Poimp de, cidh menic tisadh don Roimh 'ar clod cinedha dib sein.

Ni h-inann ocus tisaidh 'ar clod na Gaillia ocus lochta Lochlainne ocuus insi Bretan.

In sailti-si fein dano in mor a brígh la lucht airrthir Assia atat annsud cipe uainn-i bes i cennus na Romha nó i r-righi in domuin, ocus ni mor itir ón ar, dar mo breithir-si, is lainbecc da fuil bad dutracht lasin occlach do lucht na h-Armmeni do thodail ass ic cosnamh ríghi na h-Etaili do Poimp secham-sa, ar as becc nach coimhmisccais leo sinn uili 'nar Romanchaib.

Acht cena is bes coitcenn fon doman uili conidh misgaisiu lasna tuathaibh na tigerna clechtait forru innat na tigernada aili, conadh airisin sáilim-si nach diliu leo sút Poimp itussa fadhein.

Mad misi immorro tuc mo conach damh mo teccmáil alt in lai-si eter lamaib tairisi mo muintire dichra duthrachtaige fadein, ocus deghaichne caich ic arailiu uainn, ocus fis a n-deglamaigh-sium accum-sa isna cathaib crodha ro cuirsit maraen rim ic gabáil na Gaillia &ersir; iarthair in domain.

Ni fhil uaib milidh nach tabair mo cluassa aichne for builli a claidim nó for fidren a fogha ic a diubraccudh cen co taidhli mo roscc a taidhbred fein.

Atcimsi foraib dano na comarthadha ocus na h-airrdena na tardsat breicc immum riam, &ersir; as follus dam &ersir; as cinnti lem co clofidhe for m- bidhbada tresna h-airrdhenaibh atcither damh foraib .i. atcim gruamdacht in for n-gnusib, &ersir; urspraic in for n-aigtibh, &ersir; tomaithemh romor in for rosccaibh.

Atcither dam innossa fein im menmain na srotha cro &ersir; fola ic snighi im fiadnaisi, &ersir; mededha maelderga na saerclann ic saltarnaigh forru, &ersir; maithi an t-senaidh for anamtaigh &ersir; for ochursnam ina cru fein ocus ina fulradh.

Amae atúsa innossa ic lainmilled noith immum fein comor .i. sib-si for dasacht icc iarraid bar leicctiu don cath &ersir; misi ica for fostadh. Cidheadh ar ai mataidh-si ocus logaidh dam-su in fuirech sin, ar ni ar for misccais fostaim- si sib, acht ara mett as uraibnius menman dam bith ica for n- accallaimh re febus na sailechtan fil lim.

Nach faicthi me ar crith &ersir; ar comboccadh re mét mo degsailechtan, ar ni tartsut na dei riamh maithius mar so i faicsi duinn intan na fil etrainn &ersir; cach maith duthraicmit fein d'fagbail acht inn rae-machaire becc-sae nammá.

Biad-su fein innossa co l-langairit ic scailed ocus ic tidnacul daip-si ina fil do chrodh i l-longphortaibh na righ ocus na tuseach ocus na tuath n-echtrand atat annsud.

IS cinnti iarum loighidhecht in coccaid-moir si d'fagbáil indíu nó a pian dano, &ersir; dia m-bad í a pian badh urlam, tabraid-si ar bur menmain a fuilengmais-ne do cenglaibh, do cuibrigibh, do crochaib, do cestoip.

Décidh lib amal no bretfatis mo baill-si ocus no berta mo cenn-su for cathairib in oenaig isin Roimh. Napadh ingnadh lib-si sin, ar dalta do Sill Poimp, &ersir; ni ro coiccill side do duine riam, ocus ni mo no cocceladh Poimp.

IS e for snim-sa fil form-sa desin cena, ar, dar mo bréithir, i fiadnaisi na cath i comrac imberaid an lam-sa fein bas form-sa, manip me cloes in n-irgail-si, ocus, a dei adurthae, cena inte bhus uille tarbha do chach gurab é cloes ann, &ersir; inti na digéla ara comchathardhaib arna clodh a teccmail i cinn catha ris reime.

Ni h-ed sin do róine Poimp frib antan tarraidh imcumhang na Eperi foraib, acht ro mudaigh can díthcel i tarraidh da bur muintir ann.

Madh misi immorro, bennacht uaim foraib-si, a occa, na h-imridh neach uaib a lama for an lucht teichfius remaibh, acht gurab é gabthai amal comcatharda dhaib inti teichfius remhaib ann.

Na tabraid coicill d'athair nó do brathair, nó do carait no do comfhuilidhi airet beiti a n-aighthi foraib, acht buaidridh iatt, &ersir; geibid na claidhmi dar a n-aigthib doip, &ersir; gach oen airisfes frib gabaidh amhail dergnamait é, &ersir; cidh cara fire bes ann clanntar an claidemn ina loing m-bronn amail bidh namha uathanaichnidh no teccmadh frib.

Denaidh eirge do ghabháil bar n-arm festu, ol Cesair, ocus étid co h-oponn siph &ersir; innsaigid bar n- inadha catha &ersir; comlainn, ar ni riccim-si a les bar n-ordugud. Ni h-aichenta damh for n-inadha catha ina daib fein. IS menic ro coraigsiubair sibh isna h-inadaib sin docom catha docair maraen frim-sa cusindiu, ocus intan ro sia agaib co dul asin longphort immach innossa na saigidh docom a dorus itir ardaigh na scailter &ersir; na tanaighter for coirighthi catha ic techt tar doirsib imcumcaib an longphuirt &ersir; dano na teccat for m-bidbhaidh co h-opann o bur cúl chuccaibh, ar ni da saigid atát dorsi an longphuirt. Trasccraidh fuibh iaram fal na leiti-si as nesa doib-siomh don longphort, &ersir; denaidh cessaigdroicet comdaingen fo for cosaib de, &ersir; linaid clasacha in longphuirt do múraibh ocus do criaidh na clodh filet impo, cor-risat na sloigh ina coirighthibh catha inn oeinfecht for reid in maighi dar in longphort immach. Na dechaidh a bhecc d'iarmairt don longphort-sa, acht cosnaid co cruaid &ersir; co seitrech in longphort lansaidbir co lain-imat cacha maithesa ann asa teccatt in slógh troch ut da bar saighidh.

Aitiuscca Cesair co n-icce sin, &ersir; is inbechtain ma tairnic leis deredh a imacollma intan ro eirgetar in slogh uile eirge n-aeinfir inn aeinfecht dochom a m- both &ersir; a caprach &ersir; a pupall, d'étiudh a l-luirech &ersir; do gabail a n- gaisccedh &ersir; d'airitin a n-arm, &ersir; do thochaithemh a prainne laithidhi re techt i cenn mórgnim &ersir; mórsaethair inn imbualta &ersir; erghaile in catha moir.

Ba maith leo-som in celmaine do rala doib annsin .i. a n-armu &ersir; a m-biada do teccmail co coimhirlam da saighid.

Gabait iarum na slóig ic tocaithem a prainne laithidhe co h-enda etarbuasach an-b-forusta annsin: araill dib ina suide, ocus araill aile co h-urchrom eccobsaidh os a m-bordaib, ocus a n-urmor uile ina sirsesam ar dorsibh a pupall ocus ar belaibh a m-both.

Cesair féin immorro ni ro fogluais asin maigin i tarrustair e, acht tuccad prainn mesardha do, &ersir; ro tomail re h-ed n-athghairit í .i. a teora laechmírenna d'feoil geisechtaige la teora deogha fina Falernecda immaille friu.

Tuccsatt a fianlach frithalma a arm timcell catha co Cesair gurrus-etestair é forsin tulaig i m-medhon in mórlongphuirt. Ro gap iaram da assan aeingela iarnaidhe imma dib sliastcolpthaibh. Siat glanta gleorda glainidhe. Siat niamdha nemmergidhe cona m-bondbaigib dilsi degfuaighthe druimlethair fotha, cona cassnaithchib caiti cruaidhsnithib coimtenna columdai ic imfostadh a n-uruachtar &ersir; ic cassadcengal a cuarbel im certmedon da sliasat inn airdrigh. Tuccad a comgha cnis &ersir; a corpditin catha imme .i. cathluirech dluith drolach dualach degfigte derscaighte d'úriarann.

Ba din doiti, ba coimet cinn, ba comga cuirp, ba h- anacal anma, ar ni cumgad rind no faebhur a tolladh no a tesccadh. Deithbir disi on ar fuair a h- urgnamh co h-ollomhda augdurdha, &ersir; a fobairt co frichnamhach firglic a l-lendaib inmara olarda itharda ola indara fecht ann do boccadh &ersir; do righniugadh, do suntugadh ocus do sofilltiugud a adbair. In fecht aile immorro no foibrigti do crúadugadh &ersir; do chaitiugud a drol a grethaib gleorda glanusci &ersir; a sruthlintibh lindglanaip linduaraibh &ersir; a h-aibhnibh aillib ochurglassa firtuaiscirt Lochlann i coicrichaib ammritib etoirtechaib ind uarda adhuair aigreta bathuaidh. gurbo menmarc la Cesair nach boi i m-mórsocraiti Poimp oenarm catha no coemsadh aendrol da drolaib do tesccad.

Tuccad a caithchris cathae &ersir; comlainn im Cesair dano. Clarchris columdha glaeta glolethair sin do druimlethar teora n-daimseicheth n-dartada arna n-acomal &ersir; arna n-daingendluthachadh do glaed &ersir; do sechim &ersir; do bitumin. Clarland cummaide credhumha i comfhata &ersir; i coimlethan in creasa sin 'arna comdluthachad friss. Clar airgit oeinghil co n-aireccur oir forloisccthi fair da somaisi iar n-imechtair. Fiartarstnana orda &ersir; airgidhe, &ersir; cach treas tarstnan de iarann aithlegta oeingel 'arna coimeccur on burd co araile de. Fiacalcorrana croma creduma isin dara cind de. Stuagluba umhaidhe dar braigdibh na corrán sin isin cinn araill re h-iadhadh ocus ro h-oslaccadh im cnes ind airdrig, co n-gabadh in caithcris sin dó ó filltibh a occsall co l-lethan a les.

Ro cuir Cesair a claidem orduirn inóenaigh uadh annsin, &ersir; ro congladh a cruadhclaidem comlainn for a cliu i forciupul an cressa sin .i. claidem cruaidh corr-cotut claislethan colgdha coilgdírech cona croseltaibh comdaingni comtairisi de iarann secda sithrigin sechtlegta fair, co cetheora traigedh toimside trenmiled o ta a urdorn co a ind. Teora basae laoich ina lethet. Do raighnibh &ersir; do togaidib &ersir; d'firdingnaibh na lann laingér lanchruaidh lainrigin lancotut Lochlannach in claidem on frisna geibed iarn na cruaidh do cruaidhiph na cruinne, na tinne do tinnib in talman, na crann, na cnaim, na carrac, na daingen do daingnibh an domain uili.

No stuaglubadh Cesair in claidem sin inn aimsir ainesa, co tibead a inn re a urdurnd. No sceinnedh-lingedh in claidem ina coilgdírgi cetna doridisi re brafad sula no re luas menman duine, acht cena ba iar cein máir no tairised don cressnughadh ocus don crithnugudh no gabad fair ic asccnam ina dirghi fadein. Ba cosmail &ersir; ruitne greini fri h-usce a taitnem ocus a taidhbredh airet no bid for a crith.

Mairid in claidem sin fos i n-aigrecht athri &ersir; senathri ina set maic &ersir; úi &ersir; innúi, ic sil Iuil Cesair inn inniumthigh na Roma. Cach imairecc catha cusa tocaibther é ni congabur fris.

Ro gabad immo cend dano dar maelat a luirighe seachtar corrchathbharr círach crúandathach serigh sronach sogabaltae do iarann aithleghtha orchumtaighthi, cona sronlainn imlethain iarnaidhe, co cumtach credumha fuirri dar agaidh an airdrigh ass, co n-ditned a srona ocus a beolu, co n-gabad i comarda fria a smeich.

Ceithre remurbuinne iarnaide ass dar a culu sectair, co cethra uvullmellaibh cruinni cruaidhiarainn for a cennaibh co n-gaptais na clobuinnedha sin o brud in cathbharra co bil an cresa boi immo do dhín ocus do dhitin a muineoil ocus a formna ar beimennaib na claidem ocus na loirgfhertus catha inn imtruastadh ocus a n-imforran an catha moir.

Da clobuinne caiti cethardruimnecha do iarann aithlegta cona n-inneoin-traigthibh tanaidib tuinighthi fothu i coimlenmain na luirighe for cechtar a da gualann, co cennaibh dlochtanacha dedhailti forta fri h-ocharchimsaibh an cathbairr cona tortromadh a troma for cond ind airdrígh ocus co n-ditned a bragait ar beimennaib na claidem da gach leth. Caelchorrana cruaide cnes-tsaidthe &ersir; minslabraidh segda seimi seic-rigne ic fuaigel ocus ic imfostad in cathbairr sin i n-drolaibh na luirighe for cach leth, cona bai cumang a n-dedhailti no co n-deiligti do reir a aiccenta &ersir; a ailgesa iat.

Ro gabad a inncomurtha impirechta imma cenn iar n-uruachtar .i. a minn righ. Minn airgit oingil essidhe co mineccur oir deirg fair. Sreth-linedha certa coiri comarda ina mórtimcill and do mairgreit &ersir; do cristaill ocus do carrmoccul &ersir; do lecaib togaidhib tiri na h-Innia airtheraigi arna tairmimurcur-sen i cropaiph en &ersir; ethaiti dar in sliab teintidhi a Partus Adaim co tir na h-Innia, cona cathairib credhumae fothu, cona snatheccur oir forloiscti ic a n-imfostadh. Ceithri bennchobair aeingela findruine uasu. Drumlorga don tinni corintecdai eatarru, tinni cumuscda sin do choimhlegad na n-uile tinne, eter iarann &ersir; stan &ersir; luaidhi &ersir; uma &ersir; or &ersir; airget, co n-deilb nathrach neimidhi for in drumluirg sin. Bai do beachte &ersir; do bertnaigti &ersir; d'urspraicemlacht ocus do beoamlacht a innill atar la gach fer no teccmadh ar agaid Cesair as cuicci no lingfedh la gach ceim no cingfedh an t-airdri, gur vo métugud urgraine do-som sin.

Tuccait ina docom dano da craisech cennglassa ceinnlethna croremra co n-ocht slightib seimi slemanrignibh do brichtbuinnib neimhi arna sádudh i slesaib a slend, co slipadhcainnledh socarchain solusta saignentae fortae, co taitnem-taidhlig etroicht glain aigreta innta, co r-rinnaithi eoa for a n-innaibh, co n-aithgeri altan for a n-uillib, cona n-dib sabcrannaibh comfata coimreide coimdirgi coimremra inntu, co na n-dib n- iriellaib imdaingnib iarnaidhib fotha.

Balclan gelglaici Cesair i tacmaisi crainn gacha craisigi dibh. Sect semann-clui uriarainn co remet medoinmeoir miledh in cach seim arna sadudh co cert comard tre cro-innsma gacha craisigi dib.

Tuccad a guaileiri catha co Cesair annsin .i. cuarsciath amlach aladhbreac engach-bommanach uammannach uainecdha imelchruaidh ochtcobradach, cona sciathrach imcoimsi ecclannach imlethan do croicnib leoman 'arna lansuathad le, cona h-imelbord imdaingen iarnaidhe ina h-imtacmac, cona lethanloss inncael uiriarainn fuithi, cona socht focobradaibh cuasta corpchruinne cenncorra ina crobuailidh comaird comeccair immon fossadh- cobraidh moirmedonaigh, amail mintighi im rightheach, no amail tulcha urisle im ardchnoc.

Slatbuindedha coimremra coimthenna coimdirghi credumha co n-urcbalaibh allmurdha inta 'arna lecon co laindiles re lergaib droma in scéith, co n-gabtais co forscailti fiartarstna o cathairibh na cobradh for cach leth, co luptais a n-enna dar in m-bordbil iarnaidhe sin isin leth araill.

Delba loiscenn &ersir; leoman &ersir; draicci &ersir; grib n-ingnech &ersir; nathrach neimidi &ersir; anmanna n-ercoitech 'arna rinnadh co h-adhuathmur ind etarfasaighibh na crosbhuinnedh cengail sin ro batar tairis.

Brichtscribhenna briste catha 'arna scribadhrinnadh ind do lamaibh druad &ersir; idhal &ersir; arracht &ersir; ammaiti &ersir; ancraitmech, cu m-ba lor d'uathbhas do bidbadhaib timcaisin fair i r- rae catha no imairicc.

Mad cathcliath comhlainn immorro do congmail ina agaid, ni bai i n-aenaimsir fris fer folilsadh.

Étiudh cathae Cesair conicci sin.

Cid iat sloig Cesair dano, nirbo erisi in abairt an airet sin, ar in cein boi-siomh fein ic airitin a arm ro eitsiut in slog uile iat frisin re sin .i. ro gabhait assana uaigti imdluithi iarnaidhi im cois-sliastoib curad occo ocus luirecha dluithi drolacha deghfhighthi d'uriarann im cnesaib, &ersir; corrcathbarrae coema cruan-cumhtaighthi im cennaibh, &ersir; caithcreasa clardhae columda brecrinnta bolgacha tenna tailci tairismecha im taebu. Ro cengailti lannclaidme aithgéra ailtnidhi i truaillib togaidhib for a cliu.

Ro toccbait dairedha digainne derg-ruadha do slegaibh slipta slemonchruaidibh &ersir; do chraisecaib ceindlethnaib &ersir; do mhanaisib dirgaibh druimnechaibh re gelguaillip curadh os a cennaib.

Ro coirgit leibenna dluithi daingne dithoghlaidhi do sciathaib caemae corcurderga a timcell gacha tuinti sloig diph. Tanccatar fon tochim-sin &ersir; fon tuaruscbáil docum Cesair airm i m-bai for in faichthe forfairsingg i m-medon in mórlongphuirt. Cach tuath &ersir; cach tinól ocus gach tocustal dib ina cathbuidhein dluith degcoirigthe for leith, ar nirbo miadh no maisi nó menmanradh la morslogh dib a sochraidi curadh do cummusc for slogh aile cenco taidhbred Cesair co suaichnidh iat &ersir; co n-ordaighedh fein gach degairecht dib ic a inad catha.

Ba mor in t-adbur metaigti menman do Cesair, anraidh na h-Eorpa d'ascin fon samail sin chuicci as gach aird da longphort, ar robtar imda aghmura na degslóigh do dechatar ann .i. airecht indrigh allmurda argdha ardmenmnach allata innsaigtech Almaine. Fianna ferrdha fuilecha fergacha forusta forrancha firduilge forniata Franc. Milid mera muirnecha merdana mormenmnachae Morian. Sluag serig seitrech subhach sommata so sochineoil soerclanda Saxan. Buidhne bailci beoda briscci brigacha bunata bagacha baranda Bretan. Anraidh occa fureacra aistreacha antronta aduathmura na h-Espaine. Gaillmilid garga guinecha gaiscedhcha grenn-fholtacha na Gaillia. Laechraidh lonn létmech luthmur lista lainmer leaburmongach Lochlann. Oclaich ailli innelta escaidhe uretroma utmalla airdgnimacha na n- insi &ersir; airir inn occiain fuineta &ersir; iarthar-tuaiscirt an talman.

Cenmotha dano inn ail nemcumscaighthe &ersir; an t-uchtcnoc airdshlébhe &ersir; in t-all gaibthech glasmara &ersir; in murtonn móranfaidh, &ersir; an breisim bratha, &ersir; an buinne dilenn, &ersir; an diliu ic tuili, &ersir; in linn lacha icc linadh, &ersir; an ruadbuinni robartae ic rith, in crobuaile catha sin, in sithmuine sluagharmach, in damrad dichell dur-dhoiligh dasachtach .i. trenfir tenna tairisi tatlaighti an talman &ersir; cruaidhmhilid cuartaighte na cruinni re cois Cesair, óccbaidh ainnsercc ainmin anacardach na h-Etaili sein, ocus righamsach romer rotren rodiumsach na Romanach fein ro batar do certleth re morsocraiti Cesair for faighthi in mórlongphuirt i muigh na Tesaili in uair-sin.

Atracht Cesair &ersir; drong mor da mhaithibh imme d'ordugud na slog sin &ersir; da n-airemh &ersir; do corugud a cath. Nirbho h-adbal itir imat a sloig-siumh a n-agaidh na socraiti di-airmidhe ro bai icc Poimp da innsaigid, ar ni raibe siumh uile do socraiti coimlin ina m-boi do Románcaib amain i farradh Poimp. Ar rob í so nuimir sloig Cesair &ersir; airemh a socraiti in la sin .i. ceitre .xx. cath do curadaibh cengailti &ersir; do miledhaib foglama gaiscidh &ersir; tricha míle traigtheach acht becc, &ersir; deich cét in cach mile dip-side, &ersir; aeinmili marcach.

Do-roine Cesair techta óencatha dibh-sin uile ina tri lorgaib druim ar druim, dluithi, daingne, doscailti. Ro coirig a n-etedha catha impo .i. D. marcach isin dara h-aircend dib &ersir; an coimlin cetna isin aircenn araill. Tainic fein cusin tuinti trenfer tarrusair immailli fris ic ordugudh na slogh, gur gab a inadh catha &ersir; comlainn itir raignibh a righmhiled inn airenach a etarmhedhoin in catha moir-sin. Ar ger'bo corp óenchatha uili iat-somh, araaisin is amlaid ro bai gach rí &ersir; gach roduine ocus gach tuisiuch togaidhi &ersir; gach flaith forglidhi dib co maithib a miled &ersir; a degmuintire dilsi &ersir; a trenfer tairisi ina crobhuailidh timcill immi budein da imdegail ar a escairdip &ersir; fri h-ursclighi inn agaid a bidbad daracend inn imforrain in catha moir.

'Arsin tra ro forcongairt Cesair fein forru o guth mhor fogluasacht fon samail sin a n-agaid a m-bidbad dar slisbord in longphuirt immach. IS nemlesc ro freccradh in forcongra sin la h-anradha Eorpu in uair-sin. IS mer, is dian, is discir. is dasachtach, is dicell, is dicuinn, is deinmnetach, is tren, tenn, tulborp, tinnesnach in tulscan trenrethae tuccsat asinn inad sin immach do saigid a namat.

Cemadh Cesair gach aenduine dib, no cemad ic iarraidh airdcennassa na Roma no imperechta in domain do fodein no beith gach aeinfer aca, ni sanntaige &ersir; ni dichra &ersir; ni duthrachtaige no raghdais docom innas amal rocotor annsin, gur rucsat 'na n-urgluinib leo ina m-boi do gharrdhaib &ersir; do puiplib ocus do bothaib bronnfhairsiunga beloslaicti etarrae ocus slis an longphuirt, co n- dernsat cesaig-droichet fo a cosaib d'faltaibh in longphuirt &ersir; do muraib a clod, gur rancatar ina n-oenbroin aentadaig oen catha can dedhail, gan scailed, gan scainredh forta noco riachtatar dar clarmagh na Tesaili dar longphort immach, co ro dirighset uile co h-oponn inn oenuair &ersir; a n-aenfhabhull i frithagaid Poimp cona socraidi gach n-direch.

Poimp immorro, o duruacht side edh forcsena for longphort Cesair, ni ro impo a agaid &ersir; ni ro tairinn a righrosg, acht beith ic midhemain &ersir; ic mórdecsain for in longphort.

Nirvó cian in forcsiu do-somh cena intan atconnairc in sruthleccad sloigh lanmoir dar lethbord in longpuirt imach da saigid .i. lucht an iarthair &ersir; occbadh na h-Eorpa, &ersir; na h-eltadha ilbreca imluatha uasta .i. na mergeda iairlepra erplecha eiteacha, &ersir; na h-onchona corpchaela craesderga &ersir; na bratacha lethna lebra lanscailti, &ersir; siatt for meirbliugud, &ersir; for fiarlubgail &ersir; for foluamain lasna aithechaibh aerdaib, &ersir; la sithlaicc &ersir; la fidren na fanngaithi dus-fainic.

Atconnairc dano na dairedha dluithi digainni dergruada do slegaibh fota faebracha os a cennaibh, &ersir; a n-englumma aigh ocus a n- innech urbadha &ersir; a tinfas bodbae re bonaibh na sleg sin do tuagaib tana togadaibh &ersir; do biailib imlethnaib oenfoebrachaibh, &ersir; do bogadaibh bircennaip benncrommaibh &ersir; d'fogadaib feta fogablaigi &ersir; do beraip bodba birguirt-rinnaithe.

Atconnairc dano taitnem &ersir; taidhligh &ersir; taiblenaigh na circhathbharr cumtaighte ocus na minn righroedroct ocus na n- glasluirech n- gleordatha, &ersir; na n-inar n-orchimsach, &ersir; lainnrech na lethansciath lanmor ic a n-imurcur for uillennaib na n-anradh, occus ar rightib na rigmiledh, &ersir; ar guaillib na n-galgat n-gaisccedhach, &ersir; ar cle-corpaib na curadh comnart

Atconnairc dano solustaitnem na saigetbolg socarchain arna suidiugudh for slesaip na soerclann cona fothaib clardaib fotae, cona forclib finnargait forta, cona m- belbordaibh credumha fríu, cona cruinnchimsaib coimfighthi do ilcenelaibh gacha partainge isin bith arna coimeccur co frichnamach firglic firamnas inn ochurdruimnib a n-uamann da cach leith, cona toimsib, techtaide do raignibh na saiget sainighthi arna n- ordugud inntu &ersir; do neoch na tailledh isna saigetbolgaibh dib batar ina topnasgoib cengailti for a caithcreasaibh na curad cona cennaibh corranda cruaidrinnaigthe forna saigtibh sin ar na foibredh aruilibh dracon ocus leoman &ersir; a neimib nathrach 'arna fothraccad a l-lennaib legtae in oir forloisccti, cona fethcrannaibh snasta slemnaigti inntib, cona fidradaibh brecrinnta forta, cona snathcenglaib seimrighnib sitaidhi leo, co lasfadh in t-aer i n-aimsir a n-diubraicte dib.

Ba h-i toimtiu Poimp for tus ica tencaisin fon toichim sin, co m-ba do buain glassgort na Tesaili no ragdais amal ba gnath leo gach dia reimi. O 'tconnairc immorro na buidne niatae naimdide &ersir; na dirmanna aigh, &ersir; na h-ogo armtae &ersir; na caithcliatha cengailti coirigthe can fuireach, gan essnadadh, ic dirgad ina certagaid cuicci, tainic socht ocus imuamon aiccenta &ersir; cumsccughadh menman do, &ersir; ba celmaine móruilc do-sumh sin, ar ni tarla do turcairthi catha nó imairicc riam cuicci ni no cloechlodh a menmain no a aiccned, no do beradh nach n-urecclai fair.

Arai sin ni ro leicc-sium co forcsinach fair in uruamon mórsin, acht ros-folaig ocus ros-diamlaig in meiti ro cumaing. Tanic iarum for in foghurcosta ard-aibinn allata aird- ermach tarrustair fai i timcill a slogh &ersir; a muinntire, &ersir; ro gab for a n-accallaim &ersir; for urail degaiccnid forta &ersir; calma do denamh, co n-ebairt friu:

A degmuinter, ol se, is e so an la ic a fuilti iarraidh co fata. IS e so an scur ro sirsiubair ar in cath cathardha. Na bidh dicell occaibh festa, ar ni fil ni aili ann do gnether act dul i muinighin na n-arm ocus an iarainn. Cach fer accaibh iarrus rochtoin co a crodh ocus co a muintir sired a l-loss imberta a claidim i trat-sa rochtain dia saigid, ocus gabaidh occaibh for n-uile maithiusa do bith i m-medon etraibh &ersir; bur namaitt for lar in maigi-si na Tesaile i trat-sa fein, &ersir; in dream occoinn as seitrige coisenas iat a l-los na n-arm as leo ragtait asin maig-si anos-sa.

&ersir; as coraite duinn-e a cosnam co seitrech, ar issind ata for fir, &ersir; as linn coingenat na dei adarta. Ar damad edh bad ail leo-sidhe mo flaithius do bein dim-su &ersir; righi an domain do tabairt do Cesair, do bertais bas dam-sa, ar asam senoir cena, ocus dano ni fil d'feirg na n-dei frisin Roim ocus fri poiplib an domain co coimetfatis meisi doibh damad form badh raen.

Dar lim-sai dano tuccus lim accmaing maith tochair docum in maigi-siu indíu. Tuccus lim amh maithi an t- senaidh Románaigh uile doneoch as béo dibh, ocus ina n-deachatar bas dib dano da mairtis indiu is lem-su no cuingéntais, ar is me ata for fir. Tuccus lim dano cineda dí-airmhidhe airthir an domain ocus lucht a cathrach &ersir; a caistiall, conar' tinoil oenri ar amus oencatha riemh tinol a barsamla. Ar atat airm an domain uili, ota in poil deiscertaigh cusin poil tuaiscertaigh, immailli frim-su i trat-su cenmotha dano drecta uaiti ocus sceolanna terca filet do lucht iarthair an domain i f-farradh Cesair annsud, &ersir; nach faictisi fein nach filet side lin for fobarta-sa, &ersir; dar lim-su as edh as denta friu, a lecon cuccainn inar n- ucht &ersir; benna an catha do diabladh ina timchill cona raibe asrus eluda occo, &ersir; bidh lor uathad uainn-e d'imbirt lamh forthu 'arsin, ar ni fil la Cesair slógh folartnaighes dar n-armaib uili.

Biaid drong mor linn immorro ic na bia feidm aili isan cath acht a n-gaire catha do tabairt namma i cumma chaich. Ata araill aile ann imman coir daib calmae do denamh .i. tabraidh ar for n-aire &ersir; cretidh co daingen co fil an senadh Románach uili i trath-su, etir mnai &ersir; fer &ersir; occ &ersir; sen, ica for nertadh &ersir; ica for n-etarguide im calma do denam do coimhét a saire doib, &ersir; da n-etrain for cumachta Cesair.

Ocus da m-beith accam dano asrus etarguide foraibh ina n-diaid-sin, nirbo ró nó furail lim me fein com' clainn &ersir; com commaim do luigi foen fo for cossaibh da for nertadh ar ammus maithiusa do denamh.

Araill aile ann dano 'man cóir daib calma do denam, ar mana cloiti-si in n-imairecc-sa remum-sa indiu, biad-su im deoradh &ersir; im loingsiuch ó sunn immach. Bidh ascaid cluichi la Cesair sin, &ersir; bid nairi dermair daib-si. INNí aile bad doigh ann immorro gorab túsca bas i m- belaibh-si innas mo bheth indíu im senoir ic foglaim foghnamha do duine aili, &ersir; me i n-airdrige an domain cusindiu.

Ro toccbatar na h-aithescca-sin Poimp tra menmanna na miledh &ersir; aiccenta na n-occlaech atcualatar iat, &ersir; atract nert &ersir; fergluinne na righflaithi Roman ic a n-eistecht, goro linait uile iatt do saint ind imbualta &ersir; d'faelscudh imberta na n-arm, &ersir; rob ferr leo n-aeinfecht do dail ina m- belaib innas an ní bad oman no bad uireccla re n-airdrígh d'foghbáil co brath.

'Arsin ro gapsat na catha cechtarda co coimdichra comduthrachtach ic gressacht a muinteri do saigid araile, ar ro bai an ferg &ersir; omun a n-delighthi re a conach ic gresacht muinteri Poimp docom in catha. Ro boi immorro sailechta na ríghe &ersir; ailgius fogbala in conaigh ic gresacht muintere Cesair ina n-dail, cona boi dichell na ailsecht ic slógh dibh ic saigid araili, &ersir; ni ro ansat don reimim roretha sin ro gabsat forru nogor' comfoiccsigset for aenre machaire, cona bai acht edh inurchuir eaturra.

O ro comfoiccsig iaram dona slógaib cechtarda cona bai acht edh athgairit a n-imdiubraicthi etarra, ro reccratar a lama da saighetbolgaib finndruinighthi. Ro innletar a saighti snasta sruibgérai for srengsnáithib ciarthaib cotatrighnib a fidbac. Ro coirighsit a coirrmera coilgdirgi i l-lathrib a taball tul-amais &ersir; i suaineamnaiph siti soidiubraicthi a fogad feig faebharglan, &ersir; a m-bir m-bodba, &ersir; a sleg snaidti slinngergorm. Ro tennsat a traighthi re tulpartaib an talman. Ro boccbertnaighset a trealma diubraicthi asa n-guaillibh. Ro dhirighset radarca a roscc rinnger rinnsholus rena n-urchuraib do saighin a m-bidbad.

Tuccsat aichne for aighthib na n-aichenta fo a n-ercomair isin cath. Ro aichensat amh a n-aithri &ersir; a senaithri, a m-braithri, &ersir; a macu, a clemnu &ersir; a coicceliu for a n-inchaibh ann. O ro aithgensat immorro a cairdiu &ersir; a coicceliu &ersir; a comfuilidhe i cinncomair friu, ro shocht forta, &ersir; tainic caer chonnailbhe doibh ic faiscin na fircarat ar agaidh na n- urcor i n-airenach in catha.

Ro congbattar iarum a l-lama sinti fon dhiubhracad. Ni ro cuirset cor dibh, acht amail tarraidh in tultapadh íett, ar nir' leicc in nairi doib impodh o a n-inadhaibh catha, &ersir; ni ro leicci in baidh doib dano gnimh inn imairicc i n-agaid na n-aichenta.

Ro batar fri re cian icon imdecsain sin for lathair in catha, &ersir; ni ro diubraic neach araile dib, acht a fogadha fuirighthi urlamha for a meraib, &ersir; a l-lama sinti oc irnaidhi na h-imgona, ar ni ro cumaing nech dib a arm do dibracad ria n-araili.

Fota badh coir na lama sin cenae d'fostadh &ersir; d'irfuirech can a l-lecon lasna gnima do ronta ar trill dibh. Ar as garuair gur' cuirset na lama sin docum bais in coimlin na fetfadh in cined doenna d'foccbail i n-oenaimsir co brath doridhisi cidh co sidamail no beitis o sin ammach, can cath, can coccadh, gan marbadh duine ettorru. Ar iss edh innisit auctair na Roman féin, conidh maithiss ro bai, &ersir; conidh aithisscel aisnesen flaitiusa na Roman riem dareis an catha sin, ar ni raibe less no cathair no caislen isinn Ettail nar'bo lan don occbaidh Romanaig co n-icci an la sin. Batar fása immorro a n-urmhor o sin amach, &ersir; ni ro linait riam.

Cach cath &ersir; gach coccad, gach ár &ersir; gach airlech ocus gach easbaid dano do ratad isin doman riem, as co cath in lai sin no cuirthe ar bharamail. As friss no samhlaighthe gach olc, &ersir; ni ro samladh sumh fri h-olc aile riamh. Nir'bo h-ingnadh iarumh cemadh ainesccaidh la neach imlúadh a lam ann docom in catha sin. Araisin tra frith neach no imluaided a lama re cach ann. Dia friss cena, ro ba mór in mire, ocus rob adbal in miciall, &ersir; ro ba dana in dasacht don oenduini ro derlaic a arm &ersir; a lama d'imluadh &ersir; d'imbeirt re cach isinn uair sin, ocus Cesair fein cidh iter can a armu d'imbeirt ann. Crastinus a ainm an fir sin, occlaech derrscaigthech do sainmuintir Cesair eside.

IS annsin iarum ro dírigh Crastinus a geilmer gaiscid i suainem in lethga letartaigh ro bai ina laim, conus-tuarccaib i comarda fria cluais, gurros-bocc ocas coros-bertnaigh, gorros-croith ocus coros crithnaigh, curros-cass ocus curros-certaig, go ro la rot rourcuir di ocus a fidren bodba ocus a siangaran aigh eiste, co tarla 'na seol neime ocus 'na h-innell urbadha í sech bil in sceith, dar brollach na luirighe, i m-mullach a ochta don fir bai for a inchaib isin cath araill, co n-deachaidh fot ferlama da crund cruaidh cethardruimnech for slicht a glaisiarainn trena druim siar sechtair ar tregdad a cridhi ina certmedon.

Cidh seitrioch foruair as can anmain foraccaib. Nocurb athair gan clainn, immorro, ocus nocar cenn cen chuiri, ocus nocur túisiuch gan a buidin, ocus nocurb urfoccra fogla for fann in t-urcur sin tarlaic Crastinus, ar ni boi for ti diubraicthe do shluag Poimp no Cesair aenduine nar' aithris in urchor sin.

IS annsin iarum ro sinnitt a n-organa aigh, &ersir; a cuirn comairc &ersir; a caismberta catha leo .i. a stuic ocus a sturgana ocus a n-adurca furfhoccra, ocus a cuislenna catha, gur ro buaidredh an t-aer leo do glaeidhbeicedhaigh na stoc slescam slemonsholus, d'ardgairmnigh &ersir; d'fogurnuall na n-adurc, do buiredhaigh ocus do comghair na corn &ersir; na cuslennach.

Ro eirgettar tra aiccentai na n-anradh &ersir; menmanna in morsluaigh leosin, ocus tuargaibset gaire móra os aird. Ni ro toccbait reimi-sin no ina n-deghuidh isin doman gairi a m-barsamla sin. Deithvir on, ocus sloig na cruinni domanda uili ic eighmigh inn aenfecht ar in aenmuig-sin. Ro lin mac-alla na gairi sin mothra ocus caillti, fedha occus fidhneimhedha, tulchae ocus sleivti, aibni ocus essu, allu ocus inberai in tire uili.

Ro siacht a m-bresmaidm ocus a fuamannai ocus a freccurtai co fircleithi sleibi Olimp in conair on cusna rancatar goethu no toirni na nell uretrom etorbuasach inn aeoir fuasnadhuigh riamh. Ro freccrait na gairi-sin &ersir; na nualleigmhi cetna i comhglendaibh slebhi Heim, &ersir; inn uamhannaip imdorcaibh shlebhe Peil, &ersir; i m- bendaib bitharda sleibi Pinn, ocus i caircibh cenngarbae sleibi Paing, &ersir; in all-cnocoip agadlethnaibh slebhi Oeta, ocus in n-uiliph diamraibh ocus ditrebaibh na Tesaili arcenae.

Ocus ba h-adbur urecclai dano dona slógaib con-uargaibhsett na gairi sin fein eistecht re a freccurtaibh doridhisi asna h-inadaip sin ina n-docomm, ina m-bui do graigibh &ersir; d'almaib ech ocus indili, ocus do tretaib torc ocus mucrad, &ersir; d'ailbinibh oss ocus alltu eccennais, ocus do damraidh diceill dásachtuigh i foithrib na Tesali.

Tanccattar inn aeinfecht lasna gairib sin co m-batar for dobur ocus for dasacht i timcill na cath for lar in muighe, co n-derna fot crithach don muigh fo a cossaibh, ettar daini &ersir; alma ocus innili, cona bui a samail acht mad talamcumsccughadh tisedh ann, co ro rainset ratha ocus cathracha &ersir; caisteoil &ersir; tempaill dea &ersir; relci idal ocus cumtaighthe cloch &ersir; claradh in tire lasin toranncrith mor sin, gor'bo moiti ba difulaing doibh cloistecht re fogurmuirn in muighe fos, cona búi a barsamail acht amail bad bann don brath do berta isin uair sin ind.

La soduin ro cotar na slúaig for a trealmaib diubraicthi, &ersir; ro gabsat ica n-imluad do cechtar in da leithi. Batar di- airmidhe re n-airdmes iat-sen. Robtar imda amh ic a n-imluadh etarrai fogadha faebracha &ersir; bera bodhbha biraighthi &ersir; cuailleda cendloisccthe ocus saighti foibrighthi fororda occus mulclocha glac &ersir; liacca lamh &ersir; uvuill-mill iarnaidhe &ersir; pluicmill luaide &ersir; crundchlocha taball.

Ba h-e tricci &ersir; imluas inn imdiubraicthi leo conach bui nach tairisimh for a n-urcoraib occo, no nach n-uiresbaid, acht a m-bith ina n-dluithneoll dubdorcha isin aer uassaibh can tolladh, can tanughadh airet batar na sloig for a trealmaibh diubraicti, co ro dicleithset solsi ind láei forru ind airett batar na dorchata dermara sin dar na cathaibh &ersir; dar maigib na Tesali uile fothu, amail niullu fleochuidh, no amail dobur n-dubciach, nó amail dall-fedha i foghamhar, co tuititis iarom 'na frasaibh neimhi &ersir; 'na tolaib tromfertana i cobradhaiph na scieth, ocus i tulaib na starga ocus na m-boccoiti, &ersir; i n-drolaib na luirech &ersir; i corraib na n-dillat, i cennaip ocus i corpaib na fer &ersir; na n-each, comtar ile fuile forta &ersir; crechta &ersir; cnedha &ersir; letarta dileighis.

Nir b'inann duthracht la lucht na n-diubraicte-sin cena, ar ba se duthracht dreime dib cona dibhraictis urcor n-imroill isin cath, can guin carat no esccarat de. Dream aili ba se a n-duthracht guin a n-escarat nama. Drem aile ba ferr leo co taethsad a n-airm dimain asa lamhaibh isin talamh gan guin carat no escarat dibh.

Acht cena ni boi a cummus-sin leo-som, ar ni fer d'airithe no aimsed neach and, acht a n-airm do diubraccadh isin aer os na cathaib co tuititis for na slogaib amail ro ordaigedh an toicthiu no an t-urcor iat. Acht cena as mo ro fairrgit sluagh Poimp desin ina sluagh Cesair, ar as dluithe ro batar &ersir; as lugha ro soichtis na h-airm an talam treotha.

In crobhuailidh bodba dano ro ordaigh Poimp, co m-maithibh in t-senaidh immi in n- airisin ind imbualta &ersir; i tuinighthe in catha moir ro tairisetar a n- inadaib a coss for lar in cathae, ocus ro dluithigsit co daingen iet. Do ronsat amdabaigh n-doscailti dib &ersir; scellbolg do sciathaib ina timcell &ersir; uasaibh, co m-benadh bili in sceith ria araile dib. Indar-lat cona bai ní badh eislinn doib acht a n-airm fen dia crechtnugad ar a rodlus ro innletar iat, ocus as inuectain dia coemsaitis a lama do luth no a n-armu d'imirt i n-agaid a m-bidhbadh isin rodlus i r-rabhatar fos co reithfitis carpait ceithirreidh foraib.

Morsocraite in domain immorro do dechatar i toirithin Poimp .i. ciniuda na h-Aissia &ersir; na h-Affraice, &ersir; lucht na n-innsedh do muir Torrein. Ni ro dluithighset re socraite in t-senaidh Romanaig, acht batar co h-edluith esraiti uathu for leith. Araidhi ni ro saigset ind imairicc fos biucc, ar bói tincoscc o Poimp forru cona remtiastais in crobuailidh moir i m-batar na Románaig i frestal na h-ergaile.

IS annsin ro innsaigsett eitedha catha Cesair &ersir; a marcsluagh ocus a mergeda &ersir; tosach a shloigh co sanntach in lathair i n-ucht muintere Poimp. Ro leicced marcslog muinteri Poimp ina n-agaidh side dia fubtad &ersir; ro fosaigset imairecc n-ugra forru.

O 'tconcatar dano socraiti Poimp sin ni ro cumhgadh a n-imfostadh, acht ro meabaid sruithleccadh da saigdeoraib &ersir; da n-occmiledhaiph etromaib &ersir; da n-oes occbaid &ersir; da n-glaslaith, cois ar cois frisin marcsluagh, cur' gabsat a n-inadh imairicc fir ar fir i l-lathair in catha friu.

Ro feradh an cath co ferrda annsin iaram, &ersir; atrochratar sochaide re h-edh n-athgairit annsidhe. Ro airig Cesair airsidhecht muintire Poimp 'arsin, &ersir; rob omhan lais sodh da marcsluagh &ersir; da mergedhaib &ersir; do thossach a sloigh rempu ara deiniu ocus ara dighaire &ersir; ara edlús ro innsaighset a muinter an cath, &ersir; ara rodhlus tangatar muinter Poimp.

IS edh do roine iaromh, ro coirigh co obann a cathai coisidhe ina stuaigh bodhbha i timcill a marcsluagh ocus a mergedh &ersir; lochta in tosaigh, conach soiti asa n- inadhaib iat.

Ro cothaig iaram in n-imairecc ina h-inad amlaidh sin, &ersir; ro dedhail Cesar brotlom sloig romoir for leith uadh, ocus ro chuir co tinnisnuch uadh iat i timcioll in catha, co tancatar da lethtaibh dochom slúaigh Poimp in conair na ro shailset a taidhecht etir ina n-docom &ersir; in t-imairecc for congbail ina inadh fein fos.

Ro scuchsat co seitreach da saigidh &ersir; ro doirtset co dana forta iat, cona rainic o marcshluagh Poimp impodh da frestal intan ro clannsat muinter Cesair a craiseacha crannremru i m-bruinnib &ersir; i n-ochtaib &ersir; a n-aiblenaib a n- each, co l-lingtis in arda na h-eich, co tecmaitis na marcaigh foena fothaibh &ersir; fo a cossaib. Ni h-aitheirghi no leiccti doiph, acht no scartitis muinter Cesair a cinnu da claidhbibh dib.

Ni ro gabadh nach n-eisimul o muintir Poimp .i. o na coisidhibh batar ettarra, acht ro comtuaircit uili, ar ni ro leiccit a córugud no a n-ordugud doib don leith dia tancus cucu. Bai immorro da deini &ersir; da tricci ro tuairgit intan no bid an fer dibh acc triall a aighthi d'impodh for a bidbaidh d'ferthain comlainn fris ni roichedh leth-impodh lais antan no chlandadh in fer do muintir Cesair in craisigh ina cnes no do beired rucaill don claidem dar a muinel co n-eiscced a cend da cuil-meidhe.

Nirbo fota ro bai an cath can dul do lethleth annsin, ar ni bhói ic socraiti Poimp acht fulang a marbtha, &ersir; muinter Cesair a n-aenar ic gnim inn imairicc, ar rainic coimdilsi ann etir longaib bronn na sochaidhe ocus claidhme muintire Cesair.

Ro treiccsett na cineda barbarda &ersir; in t- socraite a naire annsin, &ersir; ni tucsat da n-oidh, ocus ni ro cuimnighset a n-inadha catha do congmail, acht ro impodh a marcsluagh i cend a coissidhi, ocus tuccsat uile a n-aigthe for aenleith 'arsin, etir coissidhi ocus marcach, ocus ro coimdilsighset na dromanna do muintir Cesair.

Nírbtar feich obtha la muintir Cesair sin, ar ro ghabsat co sanntach dian-dichra dluith- denmnetach ic a tuargain ina n-diaidh ic clandadh a craisiuch ina corpaib, ic sadhadh a slegh ina slesaib ocus ina n-airnip ocus i fasaib a taeb, ic coimgerradh a cos ocus a caeldromann, a méidedh ocus a múinel da tuagaib &ersir; da claidhbip, ic brud a formnadh ocus a cloiccend da n-gunfainnip niadh ocus da loirgfertsibh catha.

Rob ainmesardha in t-ar tuccadh annsin. Ni raibe modh no mesair forar' marbad ann. Nir'bo h-ingnad sin cena, ar gérbo linmar lúthmur data deglamaigh in lucht marbta ro bai ina n-diaidh-siumh ni tainic dhibh airlech in neich do fetfaidthe do marbad ann don th-slúag ro teich dibh ar a n-imat ocus as a n-dlus ocus ar reidhe in muighi. Acht cena ni h-asslach fuaratar, ocus ni maithom n-anacail ocus ni trocaire ro dechad forra, acht lor a n-aiccnidh ocus a menman do tuitim dib lasin slógh ro bai ina n-diaidh.

IS amlaid sin ro taipnedh socraite Poimp don muigh.

Ranccus iarsin cusna buidnib medonchoib ocus cusanu tenn ocus cusan tairisi ocus cusin laim ar culu ro bui ic Poimp .i. in brainech bodba ocus an t-innell aigh ro h- ordaighedh n-airis inn imbualta ocus i tuinighthi an chatha moir, airm i r-rabatar treoin ocus tigernadha, treabaind ocus tusigh ocus commiti ocus cennturi, conssuil ocus comairlidh &ersir; cuingidhi na Roma &ersir; lucht gaiscid an t- senaid Romhanaigh, ocus teglach Poimp impo.

Ocht catha &ersir; ceithri fichit cath do mhiledaib armtha &ersir; dá .xx. mile traigthech &ersir; .x. cét in cach mile dhibh-side ina corugad oencatha, &ersir; Lentulus consul co ceithriph leigionaibh lain-imdhaibh imaille friss i m-beind cli in catha, &ersir; Domit tuseach cathrach Corpin cusin lin cetna ina beind aile, &ersir; Scip mac Scip maic Scip Affracain co moirthinol na Cilecdha immi i n-airenach a etermedoin in catha cetna.

O ranccatar muinter Cesair in cathfhal neimhi sin, ro coirighset co dlúth-daingen immo tigerna iat ina n-aenbroin oencatha. Ro gabh cach a inad imbuailti ann, amal ro coirigit iat o thosach, ocus ro h-ordaigit, ocus tuccsat a n-aighthi uile a n-óinfhecht ar an cath mor sin muintire Poimp.

Ba gairbiu ina gaeth, ba deiniu ina seitedh teinedh, ba troma ina tuile, ba treisi ina ruadbuinne roburta, ba merburba ina tot murtonn in mormara ro h-ucht alla no airdsleibe, in tolg &ersir; in tulscan &ersir; in ruathar roimher roithren roborb roidhiumsach ruccsat i cenn na caithetarnaidhe sin ro bai ic muintir Poimp.

Nirbo luth re letredh doib-sium on cena, &ersir; nirbo turrac gan tubha, &ersir; nirbo reim gan freassabra, ar ba cruaide ina carrac, &ersir; ba daingni ina dair, &ersir; ba tairismighi ina tulach &ersir; ba fostu ina sliabh in fothughadh &ersir; in cothughadh ocus in fossughadh &ersir; an fairisiumh do ronsat muinter Poimp for a cinn.

Ro fuirgeadh conach catha Cesair annsin, &ersir; ro tairis an t-ag ann. Ro fosaighedh an ergal &ersir; an t- imairecc ann. Ro congbadh an cath ina inadh. Ro timairgset impo &ersir; ro ansat occa for a scath ina m-boi do slógaib co h-anbail enda easraiti for scailed ocus for scainnredh fo maigib na Tesaili da gach aird dibh. Ar ni socraiti eachtrand nó ciniudha comaighthe no buidne barbardha ro gniset an cathugud annsin etir, acht firmuinter diles &ersir; senáes gradha Poimp ocus Cesair .i. milidh merdana mormenmnacha &ersir; gasraid gaisccedhach an t-senaidh Romanaigh adiu &ersir; anall, na h-aithri &ersir; na maccu, na braithri &ersir; na clemhnu, na carait &ersir; na coiceili, ucht re h-ucht &ersir; a n-agaid araili.

Rancatar na catha cenn i cenn annsin cona raibi dlug diubraicthi no edh urchuir ettarru. O immarainic doib iarum ro lupsat na latha gaile, &ersir; ro cromsatt na catha cechtarda annsin ic slaigedh a sciath &ersir; i fochlithar a starga ocus a m-bocoiti. Ocus ro cuas leo dano i n-urdornaib a claidhemh claislethan coilgdíriuch &ersir; i rúadhbholgánaibh a sleg snasta &ersir; i m-muinighin a manaisi &ersir; a l-laigen lethanchenn, &ersir; a craisiuch crófairsing crainnremar, cu ro coirighset co comard a r-renna bodba biraighthi docom araili, co m-ba samalta re sraitsligidh crandcha comairdi eter da lini lanfotu do tighibh taeibhshlemhnu &ersir; do caprachaib comdluta claraidh inn aen na rigbaili romor in clardroichet comard comdluith coimreidh coimdiriuch dorighnedh do ruadh-crandgail na slegh slinngorm leo, eter na da scellbolg dluithe deghcoirigthe batar do clarscíathaib moraib aladhbreacaip da gach leith dibh adiu &ersir; anall.

Co cingfitis ríghna rotroma, nó seisi sloigh romoir, no assain fo n-eiredaibh fortha on aircenn co araill don cath cechtarda can scainredh gan fannughadh, can fescred fortha ar a cruas &ersir; ar a caiti ro congbait a n-iriella i n-dornoib na n-deglaech, &ersir; ar a sonairte ro saidhit &ersir; ar a daingne ro dingit a slenna &ersir; a fograinne i cnesaib crechtnaighthi na curadh comnart do cechtar in da leithi, go ro dailit luirecha tonnaidh ocus deocha dianbais i m-beolaibh sochaidhe ettarru, gurro trasccrait ilmhile re h-edh n-athgairit for in lathair sin leo.

Do ronait ochra ammalta i cosmailius bili bernaig do bordaibh in catha cechtarda 'arsin, uair gach airm i m-bitis na treinfir talchara &ersir; na milid mormenmnacha &ersir; na h-erredha aigh &ersir; na galgata gaisccidh in n-airenachaibh na cath no bristis bernada mora, &ersir; no bertis tolga aidbli isin cath for a n-inchaib, co n- ascnaitis airenaighi na cath i n-glacaib araili amal renna mara for tír no tiri for muir.

No mudhaigtis dano treinfir tabarta na tolg sin focetoir i crislaigibh na cath n-eachtrann, co n-dunta in scellbolg sciath daraneisi co tairsedh riaghail dromann an sceith for airenaigibh na cath isin coir cetna doridhisi.

Ro bai cach uile co coimdichra fo coimfeidm isin cath o sin immach, ar ro cotar uile airenaigi inn imairicc, &ersir; occbaidh inn imbuailti for imbirt a claidem &ersir; a l-laigen &ersir; a n-gunfainni niadh &ersir; a l-loirgfertus catha ann.

Ro cotar na curaidh ba coimnesamh doib da culaibh for a slegaib senta &ersir; for a ruadhgaib remra romora &ersir; for a manaisib fata faebracha, &ersir; cach oen nach rainicc imbualadh no imguin occo ro gabsat for tuargain a m-bidbad da trealmaib diubraicti darcenn a carat &ersir; a coimmiled, co m- ba samalta re h-aireccur cetha cloichsnechta for cumhtaighibh cloch no claraidh comtuaircnech na liacc lamh &ersir; na cloch n-glaice, &ersir; na crunncloch as na taiblib, &ersir; na n- uballmell iarnaidhe dar tulaib na sciath &ersir; dar lannaibh na luirech &ersir; dar circhimhsaibh na cathbarr.

Ba samalta re h-ordaibh urshlaide for inneoin trici &ersir; treisi, bailce &ersir; brigmaire beimonn na claidem claislethan &ersir; tuairgnighe na tuagh n-daingen n- defaebrach &ersir; tromsliustan na lorgfertus catha dar bilib na sciath, dar formnaib na fer, dar leicnib na laech, dar ochurchimsaib na n-assan iarnaidhe in gach cern &ersir; in gach cuil don cath.

Ba samalta re bolgaib sidi icc seited bolgfadhach &ersir; seitfedhach &ersir; uffolgach na n-anradh ic urgabhail a n-anala &ersir; ic a telcon doridisi, re tricci na m-beimenn &ersir; re dlus a n-imbualta &ersir; re h-aidhbhliu na fedmann no fuilngitis in gach aird don cath.

Ba samalta re solusnellgail ciach ica toccbail in n- airde re teas n-greini a tus laithi solusta samhraidh in brat- nellgal oeingheal atracht uasu do cailc na sciath scamanta 'arna scris d'faebraip na tuagh &ersir; na claidem &ersir; arna seitedh inn urarda do sheitfedhaigh &ersir; d'analfadhaigh na laechraide &ersir; na fer fortren ic fulang na n-anforlann &ersir; ic imluadh a n-gnim n-gaisccidh isin cath.

Ba samalta re saignenaibh tentidhe tre nellaibh urettroma aeoir sidedha na saiget solustae, gristaitnem &ersir; taidlenach na tuag &ersir; na claidem &ersir; na n-arm n-aith n- urnocht ica n-imluadh &ersir; ica n-imclaechladh os cennaib na curadh, a rigthib na rigmiled, &ersir; a l-lamaib na laechraide, re luas na m- beimmenn &ersir; re bailce inn imbualta &ersir; re h-imfoicsi na toccbal &ersir; na tairnemh.

Ba samalta re h- imaithigedh &ersir; re siubal na saithe m-bech os a m-bechlannaib i l-ló ainli inn imaithiged imdluith imfoccus no bidh immosech suas &ersir; anuas os a cennaib, .i. cobrada na sciath &ersir; cira na cathbarr &ersir; slenna na sleg &ersir; cinn na craisech &ersir; faeburoghadha na tuagh &ersir; blaga na claidem combriste ic diansceinmnech &ersir; ic dianleimnech i n-urarda suas &ersir; ic prap-tintodh anuas ina frithseol cetna doridisi 'arna combrudh uile tre airsidheact na n-anradh i m- medon in mórchatha.

Ba samalta re slamaib snechtaidhe ic snighi no re tuighe rigbaile romoir ic a scuabadh ina dluithibh deilighthe re gaith roitrein amal ro snigset monga &ersir; fuilt &ersir; ulchae &ersir; trillsi na trenfer do corraib na tuagh &ersir; d'uigib na claidem &ersir; do cennaib na craisech &ersir; do slennaibh aithi ochurgera na slegh sliptha &ersir; do rennaib na ruadhghai.

Ba samalta re sruithlinntip abannshleibi ic siledh tre caraidh cloch srotha &ersir; srebana na fola flannruaidhe ic tepersin tre drolaib na luirech a cnescorpaib na curad isin cath.

IS dichra neimhiarmartach ro feradh an cath iarsin. Ro ba neimneach in comrac, roba cruaidh in comthuargain &ersir; in coimhchrectnugudh &ersir; in coimcherpadh &ersir; in coimcheppad do ronsat curaidh in catha cechtarda ic gabail a fedmann catha forru.

Ní rabatar gairi catha occo osin immach.

Ni ro sinnit stuic na sturgana no adurca aigh nó cuirn comairc no cuslenna catha leo, o rancatar a fedmanna catha for na curadaibh occo, ar ro bai a n-obair &ersir; a feidm ic a fulang.

Atcluinti ann cena neithi imdha agmura adhuathmura aili. Atcluinti ann am tulguba na sciath &ersir; clobeimnech na claidem &ersir; fidren na fogadh faebrach &ersir; scretgaire na slegh slipta &ersir; sibhsanach na saighet.

Atcluinti ann briscbruar &ersir; bresmadhmann na n-arm n-aichtidhi n-urnocht ic a m-brudh &ersir; ic a minugudh i l- lamaib na laechraidhe.

Atchluinti ann fetgairi na slegh ic a sadudh &ersir; feoil-beimenna na tuagh ic a tairnemh &ersir; sustgal &ersir; urshlaide na loirg-fertus catha ic a n-imluadh.

Atcluinti ann coicetal na claidem claislethan coilgdírech re tulaibh &ersir; re bilibh &ersir; re bordaibh na sciath scellbolgach, re drolaib &ersir; re dualaibh &ersir; re slabradhaib na luirech, re claraibh &ersir; re cimsaib na cathbarr, re fiaclaibh fer &ersir; re cnamaib curadh &ersir; re muinelmeidhibh miledh.

Atcluinti ann cubranach &ersir; bolgfarnach na fola flannruaidhe ic tepersin 'na taesccaibh &ersir; icc snighi 'na sruthanaibh a h-aladaibh &ersir; a crechtaibh na curadh ar slechtaib na n-arm.

Atcluinti ann srengal na luirech ic a m-blogadh &ersir; ic a m-bretcadh, &ersir; echrais na n-anradh ic a n- imbirt, masladach &ersir; tusledach na trenfer trascairte, &ersir; lecraide na laech ic furmiudh na m-beimenn, &ersir; cnetach na fer ic a fulang.

Atcluinti an claignech na cenn ica claidhbed, &ersir; ruchtgal na muinel &ersir; na meidhedh dar éis na cenn, &ersir; faisbedgarnach na m-bruinnech &ersir; na m-bronnann daréis a n-inne &ersir; a n-inathraigh, &ersir; carnfadhach na curadh ic etarscaradh re n-anmannaib &ersir; ic blasachtaig bais.

Atcluinti ann bodurfuamann compur na triath &ersir; na trenfer ic tuitim i crislaigaibh a sciath, &ersir; blaidredhach na sciath ic a scoltad fotha.

Atcluinti ann uchbadhach &ersir; accaine na n- occlaech ocus seitfedach na senoiri &ersir; geran na n-galgat &ersir; cuadan na curadh &ersir; muirni na miled &ersir; uilg tuilg na trenfer ic dith a nert, &ersir; ic sarughad a n-glond gaisccidh &ersir; ic fortamlughadh co forranach forta, &ersir; ic fulang a n-anforlainn romoir.

Atcluinti ann allgotha móra arda allmurda na n-uasal &ersir; na n-airdrig &ersir; na n-armann ic fubtadh a m-bidbad &ersir; ic gresacht a muintire im calma do denam.

IS annsin ro gab Cesair dano for toccbail a gnim rigda os aird isin cath o 'tconnairc a fedmanna catha for cach. Ro lin bruth &ersir; brigh, &ersir; faelscadh &ersir; dasacht &ersir; confadh &ersir; mire menman &ersir; aiccentae é o' tconnairc in cath ic a congbhail ina agaid, cona bai a samail acht amail innister in Badhbh catha do beith cona sraighlibh fuilidhibh ina laim i timcill na cath ic aslach inn imairicc for na slógaib. Ba h-amlaid sin do Cesair trena muintir &ersir; ina timcell, ar ni fagbaiti nach n-uresbaidh fair i tús nó a n-deiridh, no i m-beind no i medhon no i cúil nó i ceirn nó i n-aird nó in-aircinn nó inn airenach don cath, acht atar le lucht cach inaidh dib-sin as ettarra a n-aenar no bidh, &ersir; se gan anadh gan airisemh o tus co deiredh in catha, ic drud &ersir; ic dinge &ersir; ic dluthughadh na slogh isin irgail, ic nertadh na nía, ic laidedh na laech, ic gresacht na n-galgat, ic muilliudh na miledh, ic brosdad na m-buidhen, ic urail inn anta, ic tennadh in tairismhi, ic aslach na h- innsaigthe; co tabradh som fuilled morneirt &ersir; calmatais i m- menmandaibh a miledh &ersir; a n-aiccentaib a óccláech tresin n-greasachtbrostad sin, ge m-ba dichra duthrachtach no beitis reimi ic slaigi a n-escarat &ersir; icc airlech a m-bidbad.

No bidh can airisemh dano ag adhmoladh a n-imbualta, &ersir; icc brethugudh for a n-gnimaibh gaiscidh, ocus ic mes a m-builled &ersir; a m-bemenn, &ersir; ic sirtincaisin a claidemh, dus cia dib isa claidem ba cróderg uili d'fuil no ba dercc rinn no faebur nammae, nó cia dib no laccadh a feidm catha, no cia no tennadh ara omun-sumh &ersir; ara uráilemh, nó cia dibh isa claidem no ferad in crecht, nó cia do beradh an beim co furmiudh, nó cia no fuirmedh in beim da m-bítis a righthe for comboccadh &ersir; for crithnugudh o dornchor in claidim co a gualainn.

In drem ann dano isa claidhbhi no maelta nó isa h-airm no briste no dhailedh Cesair focetoir a n-daethain airm gan uiresbaid doib. In drem ghonta nó bidh icon imbualad &ersir; a sreabana cro &ersir; a taescca fola ic tepersin dar a crechtaibh dos-roichedh Cesair ocus no druidedh a bassa fri belaibh a n-alad noco roichedh uadh a n-daethain sop ocus inrech da n-étaighib inntu.

In dream dno uilimarbta ann, immorro, no brostaigedh mileda úaru ina n-inadhaib, &ersir; na milidh na freccratais a gut-som nó a forcongra fochetoir immi sin no gressadh-sum &ersir; no imáinedh reimhi iat de urlannaib a sleg noco n-gabtais áit inn imairicc.

No mhuinedh &ersir; no suaicentaighedh na saerclanna &ersir; raigne na Roman dóibh. No tairmisccedh impo daesccursluagh &ersir; daine dinnimhe dereoile do marbadh. No asslaighedh &ersir; no urailedh fortho immorro lucht cadais &ersir; ceimend n-onorach &ersir; sil righ &ersir; rodaine in t- senaidh do mudugadh, ar as trena n- díthugudh ro sail-siumh righi &ersir; flaithius d'fogbail do fein &ersir; da muintir.

Do ghnidh buidechus mor &ersir; do beiredh moladh adbal for in dreim no diubraictis cinnu a carut co forníata uatha ar tabairt aichne fortha, &ersir; siat fein ar na n-dicendadh-side ar son escarat, ar ni finntais sochaidhe dib cia frisi fertais a comlann, ar no ditnitis na sceith &ersir; na luirecha &ersir; na cathbharra iat, conidh arna marbadh &ersir; arna fodhbughadh do beirtis aichne for cennaib a carat &ersir; for a collaibh nochta ina fiadnaisi.

Ba h-aicher ainmin anacarthach ainseircc ro feradh in caitgleo-sin muintire Poimp &ersir; Cesair. Rob amhnus inn imguin. Roba tric in t-imbualadh. Rob imluath inn imdeghail. Roba garb in galach. Roba mor miceill. Roba borb brathamail in commarbadh &ersir; in comhmudughadh ro bai for maigh na Tesaili an uair-sin leo.

Mor corp saerclannda soicineoil do comartatar claidhmhi claislethna curadh ettarra. Mór laech luthmur laimtenach ro letrait do laignib lethanglassaibh etarru. Mor cnes curad ro cerbbait do saigtibh snasta a sithbacaibh etarra. Mor taeb treinfer ro tollait do slegaib slipta slinnlethna etarra. Mor n-dromcla n-deglaech ro daingin-tuairgit do liaccaibh lamh &ersir; do loirgfertsibh catha eturra. Mor milidh merdana mórmenmnach ro mudaighit do manaisibh murnechaibh etarra. Mor fer firduilech foirniata ro foirrgit co forranach tre imforcraidh in eccomlainn etarra. Mor m-buiden m-brigach m-borrfadach ro fostait i m-buailibh bais &ersir; inn ithlannaib ecca etarru. Mor n-airdrígh n-uasal n-oirdnidhe forar' h-imredh midhiach ettarru. Mor n-deighfer fial forusta forbfaili ro chotar d'aittib urgranna anaipche ettorru. Mor n-occlaech alainn agedchain, &ersir; mór senlaech sirduilech? serbsrón do rochratar i n-othurligib ecca ettarra. Mor rig rogarg rodiumsach, &ersir; mor tuisech tenn talcur tairismech isa meic &ersir; isa h-úi &ersir; isa carait &ersir; isa comshloinntigh ro comhdigbait immailli friu fein ettarru.

Ro fasatar ocus ro forbretar iaram cuirp &ersir; cinn &ersir; colla na Románach sochenelach i m-medhon in armaigh iarsin, co m-batar 'na carnaib &ersir; 'na cnoctulcaib comarda &ersir; 'na n-druimnibh &ersir; 'na n-dumadhaibh dimóra ann can cummusc daerchlann no daescurslógh no daine n-dereoile forra, acht madh fir-frema dilsi na Roman fein amain do neoch as rigda &ersir; as saire &ersir; as soichenelciu tainic riam dib im sil Reim &ersir; Romail &ersir; Iuin, Uuilt &ersir; Mair &ersir; Mairc &ersir; Meteill &ersir; Sill &ersir; Scip &ersir; Caitt &ersir; Cuir &ersir; Camill &ersir; Catrin &ersir; Corpin: im sil Faib &ersir; Vair &ersir; Antoin &ersir; Luig &ersir; Lucil &ersir; Torquait diumsaigh, &ersir; im sil na rigflaithe Romanach arcena &ersir; na n-deigfer n-dingmála ro chinsett o Aeneas mac Anacis &ersir; o Asccan mac Aeneása anuas cusin aimsir sin in air moir i muigh na Tesali.

Acht cena gérbo imda cuirp deglaech &ersir; colla saerclann ina faenlighi for muigh na Tesali isin uair-sin, araisin roba suaichnid airerda corp inn oenocclaigh ic fagbail bais ettarru, &ersir; as allata mormenmnach ro cuaidh docum n- écca .i. Doimit tuiseach cathrach Corpin isin Etail. Lainfear gradha &ersir; cuingid comairle don airdrigh .i. do Poimp, eside, intan tainic Cesair for tosach a shlogaid isin Etail. Ro fobair an fer sin a caistiall do congbhail ina aghaid &ersir; gan gialladh do etir &ersir; gan a ríarugudh, co n-deachaidh Cesair ar eiccin for an caistiall, go rabatar a aittrepaidh &ersir; Domit fén for a commus. Co tucc Cesair a sáiri dó, &ersir; gur' leicc imshlan uadh é dochom a tigerna fein.

Tarla Cesair annsin cuici dano &ersir; Domit for anamthaigh ina freslighi isin ármaigh, &ersir; crechta letarta fata fiartarstna mora tairis &ersir; tregmadhae doimne difhulaing &ersir; mersce dileigis ann, &ersir; se fein ic a imbirt ocus ic a fothraccadh isna linntip dubfolae &ersir; isna h-aibnib cro batar fo cosaibh na curadh isin chath.

Tencais Cesair fair, &ersir; anais os a cinn isin cath, &ersir; asbert fris: Sirsan duit beith amlaidh sin, a Doimit, ol Cesair; as failidh linn do scaradh re coimitecht &ersir; re comairle Poimp, ocus in cathughad do gnim darteis festu.

IS failid lim-sa dano, for Domit, tocht saor docum bais amal teigim, &ersir; Poimp ina tigerna damh, &ersir; t'facbail-si dar m'eisi gan clodh catha for mo cairdibh beos.

IS inuechtain ro fogluais a beolu frisin m-becc n- urlabra-sin intan ro línsat dorcata an bais a rusca &ersir; dus-fainic in suan suthain &ersir; dubchotludh iarnaidhe inn ecca, &ersir; ro scar a ainim re a corp, &ersir; fuair bas ar maig na Tesaile amlaidh-sin.

IS truag tra ro bas isin cath 'arsin.

Rob imda ann fuaim saigte re setnaigh saerclann, &ersir; fuaim claidib ic a clannadh i corp, &ersir; fuaim sleigi ic a sadudh i slis, &ersir; fuaim tuaighi icc tesccadh treinfir, &ersir; fuaim biaili ic brudh bidbadh, &ersir; fuaim luirgi re luirigh, &ersir; fuaim cloichi re cathbarr, ocus mell dar mallainn miledh.

Rob imda ann dano sceith ic a scoltadh, &ersir; targa ic a tesccad, &ersir; luirecha daingne ic a n-dianscailedh, ocus asana iarnaide ic a n-athcuma, &ersir; cathbairr ic a combrudh, ocus caithcreasa ic a cruaidhletradh, &ersir; claicne curad ic a claidhmedh.

Rob imdha ann dano meidhi maelderga, &ersir; eirrsci omha úirtescdha, &ersir; aladha obela oslaicthi, &ersir; crechta urae ainmesardha &ersir; tregmada doimne dileigis, &ersir; letartha fata fiarcamma, &ersir; fuasmada garbta gaibtecha, &ersir; beimenna tuitmi, &ersir; builledha marbta, &ersir; gona bais.

Rob imdha ann dano cuirp cirrthi, &ersir; cnis cerbta, &ersir; taoib tolla, &ersir; laich lonna letartha, &ersir; lama leonta, &ersir; cind combristi, ocus oicc athgaiti, ocus milidh marbta, &ersir; galgata gonta, &ersir; anraidh 'arna n-airlech, &ersir; colla curadh i cosair cro.

Rob imdha ann dano fir i faenligibh, ocus aighthi frengbana fuataite, &ersir; gnuisi galgat icc glassadh, ocus baill basda ic bidgarnaig, ocus suile ic a saebad, ocus beoil bana ic blasachtaigh, ocus meidheda saerchlann ic snighi, &ersir; scamana tescta ic tobruchtaigh, ocus cinn chruinne i coimrith, &ersir; ruip reptha ic ruchtaigh, ocus uchtbruinnedha echda ic a n-urtoccbail, ocus cridhedha tolla ic tepersin, ocus lama letartae ic leimnech, &ersir; bonnchosa bana barbardhae ic brebgail.

Rob imda ann dano deghlaeich ic dula re h-aididh n- anapaigh, ocus drochdhiach ar degduine, ocus airrlech namhat ar collaib righ.

Rob imdha ann dano aidedha ecnecha anaichinta, ocus ernaile imdha étualaing ica n-imbirt for anradaibh.

Robtar ile na h-asrusa ecca, ocus robtar saini na sligthi bais ro batar re curadaib an catha &ersir; re n-occaibh na h-imgonai annsin, uair drong mor ann &ersir; as amlaidh no bitis ic gnim in imairicc, &ersir; na slega &ersir; na claidhmhi comtarsna trempo.

Drong mór aile ann dano, &ersir; as amlaidh no bitis ic gnim in imairicc, &ersir; iat 'na suidhe &ersir; a cossa 'arna tesccadh fotho i comarda fri bordchimsaibh a l- luirech.

Drong mór aili ann dano, ocus as amlaid no bitis, ocus iat 'na sesamh ocus a n-inathraighi for ochursnam re a cosaibh, ocus iat icc tuinnsiumh ocus ic saltarnaigh fortha.

Drong mor aile ann dano, ocus is amlaid no bitis, ocus siat 'na sesam ar tesccadh a l-lamh ocus a m-ball dib co talam, &ersir; iat icc suinnenaigh a m-bidbadh da n- gúaillibh ocus da cosaibh, ar ni bidh cumang imghona no imbuailti aili occo.

Drong mór aili et cetera, ocus claidhmi a m-bidbad arna clannadh ina cráesaib ocus iatt ic comhchoccnamh na claidem ocus icc atchur a n-anmann imailli friu dara m-belaib seachtair.

Drong mór aile et cetera, ocus iat ic fuirmiudh in beime ocus iat fein ic comthuitim docomh láir leis.

Drong mór et cetera, &ersir; iat ic tobruchtadh fo cassail i m-bronn &ersir; arm a namat i n-áinfhecht dar a m-bruinnibh sechtair.

Drong mór aili et cetera &ersir; a taescca folu &ersir; a sreaba cro icc snighi asa corpaiph, &ersir; ni praipiti no antais don imbualadh fos noco b-faccbadh a fuil ocus a nert ocus a n-ainim i n-aeinfecht iat.

Drong mór aili et cetera, ocus iat ina lighi co landluith re lar, &ersir; airm a namhat &ersir; a slegha saidhti trena corpaibh, co n-gabtais in talam-tuinide trempo.

Drong mór aili et cetera, &ersir; a l-lamha dessa icon imbualadh ocus a l-lamha cléa icc congbail a n-inni &ersir; a n-inathraigh inntu.

Drong mór aili et cetera, &ersir; iat fein ic dul docum bhais, &ersir; iat ic aichne a n-inaid catha do congbail da macaibh &ersir; da m-braithribh dar a n- eisi.

Drong mor aile, ocus as amlaidh no bitis, o tecmaitis a caruit ocus a coibnestu i cindcomair friu, intan ro soiched co a n-airlech ocus co fodbadh occo, no diubraictis cinnu a carut i ciana uatha, co m-badh lughaiti badh nar no badh meabul leo fodbadh na corp, o na tabairti aichni for a cendaibh occo.

Drong mór ailiu ann dano, is ed do beiredh an t-ircar doconaigh doib, co m-bitis ic airlech &ersir; ic fodbadh corp a n-aithriuch fodein, ocus o na taircced leo cind a n-aithri d'folach do bertis testa an talman do lucht a fiadnaisiu nach cuirp carutt itir no bitis ica fodbadh occo. Uair sochaide cusa tarla i cinncomair friss isin cath mór-sa maighe na Tesaili a athair no a mac no a brathair no a cliamain no a com-chatharrda.

Conidh airisin ro faccsatt auctair na Roman ocus lucht cummae in sceoil-si comraic an cathu can a n-aisneis ocus gan a n-innisin, co suaicnidh. IS tre cell &ersir; tre comairli dano ro faccsat na h-auctair cetnu righpersannu na Roman can suaicintugudh a n-gnimradh isin cath, fobith na bad leabur cuimnighthi folad da clannaibh daneis an scél-su, na ro eirged misccais ocus miduthracht ina cridhibh etarru fein, intan atcluinfitis a n-aithri ocus a m-braithri do commarbad araili i comraictib in cathae sae.