%ISOlat1; %ISOlat2; %ISOnum; %ISOpub; %ISOdia; ]> Fingal Rónáin An electronic edition Unknown David Greene Electronic edition compiled by Beatrix Färber Mavis Cournane Audrey Murphy University College, Cork Professor Marianne McDonald via the CELT Project Third draft. 3810 CELT: Corpus of Electronic Texts: a project of University College, Cork
College Road, Cork, Ireland—http://www.ucc.ie/celt
2000 2010 CELT online at University College, Cork, Ireland. G302011

Available with prior consent of the CELT programme for purposes of academic research and teaching only.

Hardcopy copyright lies with the School of Celtic Studies (Dublin Institute for Advanced Studies).

 Manuscript sources Dublin, Trinity College Library, MS 1339, olim H. 2. 18, Book of Leinster, 271–273. For details see T. K. Abbott and E. J. Gwynn (eds.), Catalogue of Irish Manuscripts in the Library of Trinity College Dublin (Dublin 1921). Dublin, Trinity College Library, MS 1337 olim H. 3. 18, 749–754. Oxford, Bodleian Library, Rawl. B 502, 124b50 (text in Appendix A). Bruxelles, Bibliothèque Royale, MS 4641, p.18) (text in Appendix B). Editions Kuno Meyer, Fingal Rónáin. How Rónáin slew his son, Revue Celtique 13 (1892) 368–397. Text from Book of Leinster p. 271, with readings of MS 1337 (olim H. 3. 18), p. 749, and transl. Translations Kuno Meyer, Fingal Rónáin. How Rónáin slew his son, Revue Celtique 13 (1892) 368–397. Text from Book of Leinster p. 271, with readings of H. 3. 18, p. 749, and transl. Rudolf Thurneysen, Sagen aus dem alten Irland, Berlin 1901 [Ronans Sohnesmord]. repr. Leipzig und Weimar 1984; repr. as 'Keltische Sagen aus dem alten Irland', Wiesbaden 1987. [German] David Greene & Frank O'Connor, In: A golden treasury of Irish poetry, A.D. 600 to 1200. London [etc.] Macmillan 1967: Is úar gaeth (20. Rónáns lament). Select bibliography David Greeene, In: Myles Dillon (ed.), Irish Sagas, Stationery Office 1959: pp. 167–181. (Thomas Davis Lectures, 1955). Republ. Cork, Mercier, 1968 (repr. 1970). Tomás Ó Cathasaigh, Varia III: 'The Trial of Mael Fothartaig', Ériu 36 (1985) 177–180. Tomás Ó Cathasaigh, 'The Rhetoric of Fingal Rónáin', Celtica 17 (1985) 123–144. Erich Poppe, 'A Note on the Jester in Fingal Rónáin', Studia Hibernica 27 (1993) 145–154. Erich Poppe, 'Deception and Self-Deception in Fingal Rónáin', Ériu 47 (1996) 137–151. Sheila Boll, 'Seduction, Vengeance, and Frustration in Fingal Rónáin: The Role of Foster-Kin in Structuring the Narrative', Cambrian Medieval Celtic Studies 47 (Summer 2004) 1–16. Kaarina Hollo, 'Fingal Rónáin: The Medieval Irish Text as Argumentative Space', in: Cín Chille Cúile: Texts, Saints and Places. Essays in Honour of Pádraig Ó Riain. Edited by John Carey, Máire Herbert and Kevin Murray (Aberystwyth 2004) 141–149. Jürgen Uhlich, 'Some Textual Problems in Rónán's Lament I: Two Quatrains Concerning Echaid's Daughter (Fingal Rónáin Lines 180–7)', Ériu 56 (2006) 13–62. The edition used in the digital edition Fingal Rónáin and other stories David Greene First edition One volume. vi + 89 pp. Page iii Contents, pp v–vi Editor's Preface, pp 1–2 Introduction, pp 3–12 Text, 57–85 Vocabulary, 86–87 Names of persons and Animals, 88 Names of Places and Peoples. Dublin Institute for Advanced Studies Dublin First published 1955 Reprinted 1975, 1993 Mediaeval and Modern Irish Series 16

CELT: Corpus of Electronic Texts

The present text represents pages 3–12 of the volume.

Text has been checked and proofread twice.

The electronic text represents the edited text.

Direct speech is not marked in the printed edition.

Hyphens have been inserted after mutated words with h- in anlaut and after nasalisation. When a hyphenated word (hard or soft) crosses a page-break, the page-break is marked after the completion of the hyphenated word. Hyphens before line-breaks have been eliminated, with the words written in full before each line-break.

Macrons have been replaced with fadas, where necessary.

Personal names and place names have been tagged.

 By (an) unknown Irish monastic author(s). The story belongs to the Old and Middle Irish period. c.700–1100? Text is in Middle Irish. Part of the appendix is in Latin. Notes are in English. 2011-07-26 Beatrix Färber ed. Header modifie; file updated. 2010-04-16 Beatrix Färber ed. Conversion script run; header updated; new wordcount made; file parsed. 2008-10-05 Beatrix Färber ed. Header updated; keywords added; file validated. 2008-07-25 Beatrix Färber ed. Value of div0 "type" attribute modified, content of 'langUsage' checked; minor modifications made to header. 2006-06-15 Benjamin Hazard ed. Minor corrections made to text; file reparsed. 2005-08-25 Julianne Nyhan ed. Normalised language codes and edited langUsage for XML conversion 2005-08-04T15:55:40+0100 Peter Flynn ed. Converted to XML 2000-09-21 Beatrix Färber ed. Text parsed using GNU Emacs. 2000-08-29 Beatrix Färber ed. Header created; content markup applied. 1996-10-04 Mavis Cournane ed. Text parsed. 1996-08-29 Audrey Murphy ed. Structural markup added. 1996-08-20 Audrey Murphy ed. First proofing. ? Desmond Durkin (TITUS Project) ed. Text keyed in. Incipit Fingal Rónáin

Rí amra ro boí for Laignib .i. Rónán mac Aeda, &ersir; Ethni ingen Chummascaig maic Eogain do Dēsib Muman na &fdot;arrad. Co rruc mac do .i. Mael Fothartaig mac Rónáin, mac is amru tānic Laigniu riam. Is immi con-ēirgitis fri dāla &ersir; dúnada &ersir; cluichi ocus céti &ersir; tressa ocus dībircthi. Ba hé menmarc a n-ingen ocus lennán a n-ócban uli Maíl Fothartaig.

Marb a máthair. Baí Rónán cen mnaí fri hed cían.

Cid na tucai mnaí? or a mac. Ropad ferr duit ben it arrad.

Ad-fiadar dam-sa, ol Rónán, a-tá ingen chóem la h-Echthaig (.i. rí Dúin &Sdot;obairche an-túaid).

Nida céili ingine ém, or in gilla. Nach ben &fdot;orusta do-bēre?

Ba córu lim duit ol-dás scintline ingine.

At-rós a thairmesc, co n-dechaid coro foí lee a-tuaid ocus conda tuc lais i-lle. Do-chōid Mael Fothartaig immorro co mbaí ar cuairt i n-desciurt Lagen. Tic-si a-túaid.

Cade do mac-su, a Rōnāin? or sī. Ad-fiadar dam-sa a-tá mac maith lat-so.

A-tá immorro, ar Rónán, mac as dech fil la Laigniu.

Co&ndot;garar dam-sa didiu, conom ragba ocus co rragba mo muntir ocus mo maíni ocus mo ⋅ēotu.

Do-raga immorro, ar Rōnán.

Tic-side iar sin ocus feraid fāilti móir frie-si.

Rot bia grādugud, or in gilla. A n-at-chotfam-ni do &Sdot;ētaib &ersir; maīnib, is duit ragas ar grādugud Rōnāin.

Is maith lim-sa, or sī, mo les do dēnam duit-siu.

Ócben chóem ina h-inaltus-si. Ros faīd chuci fo-chĒtóir dia athchungid (.i. Maīl &Fdot;othartaig). Nīro lam ind ócben a rād, nā ros marba Mael Fothartaig, coro bāig-si frie a cend do béim di acht mani aprad. Fecht and baí Mael Fothartaig oc imbirt &fdot;idchille fria dā chomalta .i. Dond ocus Congal, dā mac a aiti; it eat no bítis imbi do grés. Gaibid ind ócben chucu co m-boí oc imbirt fidchille friu. No thriallad a rád; nī laimed, no imdergtha impi. Airigit ind &fdot;ir a n-í-sin. Luid Mael Fothartaig uaidib.

Cid ass āil duit-siu do rād? ar Congal frisin mnaī.

Nī dam ass āil, or sī, acht do ingin Echach rop áil Mael Fothartaig na cardess.

Nā h-apair, a ben, or Congal. Bia marb dianat chluine Mael Fothartaig. Do-gēn-sa do les-su féin fris-seom chena, mad áil duit.

At-beir ind ócben frie-si.

Is maith lem, or si-si, ar ro-lēma-su a rād ind aithisc acht co comrís fēin fris; ocus dēna mo les-sa iarum friss.

Do-gnīther. Foid ind ócben leis .i. la Mael Fothartaig.

Maith tra, or si, nī dingne-su mo les-sa a fecht-sa. Is ferr let in fer ucut t'oenur. Bet marb-so dano lim-sa.

Feccaid in ben laa n-and ic coí fri Male Fothartaig.

Cid daí, a ben? or sē.

Ingen Echdach oc báig mo marbtha frim, olsi, uair nach dēnaim a lles frit-so, co comairsed frit.

Dóich dano, or sē. Nī sechbaid duit, or sē, ro gabais chom- mairchi. Dianom bertha-sa, a ben, or sē, i cualchlais tened fo thrí co ndernad min &ersir; luaith dím, ní chomraicfind fri mnaī Rónāin, cid ed nomm ainsed airi sin uile. Regat-sa dano, or sē, for a h-imgabāil.

Luid iar sin coīcait laech co m-baí hi crích Alban. Fo-geib fálti móir la rīg n-Alban. Coin le[s]-side fri míla maige, coin fri muca, coin fri h-aige. Nos marbtais immorro Doílīn ocus Daithlend cach toffond ar úair ar a m-bēlaib-side .i. dā choin Maele Fothartaig. Cach cath ocus cach immarec no maided re ríg Alban, is Mael Fothartaig nod &mdot;brissed.

Cid so, a Rónāin? or Lagin. In tussu ruc Mael Fothartaig as tír? Beat marb-so lin-ni mani thora a-ridisi.

At-fiadar dō-som ōn; do-thaot-som an-air a-ridisi.

Is ed do-rala an-air, do Dún Sobairchi. Ferthair fāilti mór friss. Is olc duit-siu, a Mael Fothartaig, nāc[h] ruī fri ar n-ingin-ni. Is duit dos-ratsam, ocus nī dont &Sdot;enaithiuch ucut.

Olc ón immorro, ol Mael Fothartaig.

Do-tháet Mael Fothartaig co Laigniu, ocus ferait fāilti móir fris. Foid ind ócben chētna leis.

In fer uait dam-sa, or ingen Echdach fria sētchi, nó bás fort bēolu!

Ad-fēt-side do Mael Fothartaig.

Cid do-gĒn friss so, a Chongail? or Mael Fothartaig.

Tuc a lōg dam-sa, or Congal, ocus dingēbat in mnaī dít connāchat imrāidfe etir.

Rot bia mo ech cona &Sdot;rian ocus mo dechelt, or Mael Fothartaig.

Nī gēb, ar Congal, acht na dā choin, co rraib mo &Sdot;elb forru na-mmá.

Rot biat, or Mael Fothartaig.

Airg-siu ám i-mbárach, ar Congal, co m-bē oc Buaib Aīfe oc taffond.

(Bae Aīfi .i. clocha filet la tóeb int &Sdot;léibe. It cosmaile fri bú finna do chéin. For aīfe int &Sdot;lēibe a-taat.)

Eirg-siu didiu co rrabais oc mīlruth and. Ocus dálfaid in ben a ssétchi chucund, ocus no cureb-sa dít.

Ba fír sōn. As-bert a sētig frie. Ba fota lee co matain. Do-llotar arna-bārach ina n-urdáil. Co n-accatar Congal ar a ciund.

Cia leth so, a dorman? or sē. Ní maith duit imthecht t'oenur, acht mani[d] dáil fir no thēig. Eirgg dot tig, ar sē, ocus beir miscaid.

Luid Congal lee coa teg. Co n-accatar cuccu do-ridisi.

Amein, ar Congal, is imdergad rīg Lagen iss áil duit, a drochben! Dianat accur-sa do-ridisi, or sĒ, bĒrat do chend co line numbering is incorrect in text rraib for cuailli ar bēlaib Rōnāin. Drochben dia imdergad i claidib ocus muinib a h-oínur i n-dáil gilla.

Ro gab echlaisc di conda fargaib ina tig.

Ro-bēr-sa dano, or sī, loim fola it beolu-so.

Tic Rōnán dia thig. Do-thaet a munter ria Maīl Fothartaig is-tech. Anaid-seom a oenur a-mmaig oc mīlruth.

Cade Mael Fothartaig i-nnocht, a Chongail? ar Rōnán.

A-tá i-mmaig, ar Congal.

Fē amai mo mac-sa do bith i-mmaig a oenur ocus a lín dia tabair mathius.

Ro bodrais sind, or sī, oc imrádud do maic.

Is cóir a imrādud, ol Rōnán, ar nī fil i n-Hērinn mac as &fdot;err do rēir a athar. Ár is cumma a ét immon fer &ersir; immon mnaí oc Áth Clíath &ersir; oc Clár Daire Móir &ersir; oc Drochiut Charpri amail bid a anim fessin no beth mom dágin-se, corop sám dam ocus duit-siu, a ben, ar Rōnān.

Nī étann úam-si ám, or si-si, in sāmchaire ass áil dó .i. comrac frim dot chind-so. Nocha beo-sa iarum oc gabáil fris nī bas sīriu. Rom-uc-sa Congal chuci co bo thrí ō matin co n-erlós ar écin assa lāmaib.

Mallacht fort beolu, a drochben, ar Rónán. Is gó duit.

At-chicera didiu comartha airi inn-ossa, or si-ssi. Gēb-sa lethrand dús in ba cubaid frissa &ndot;gēba-som.

Do-gnīth-som ōn cech n-iadchi do airiuc thuli di-ssi. No gaibed-som lethrand, no gaibed-si a lleth n-aill.

Do-lluid-som didiu a-mmaig co m-boí oc tīrad a cholptha frisin tenid, ocus Congal inna &fdot;arrad. Buí in drúth Mael Fothartaig .i. Mac Glass, oc clessaib for lár in taige. Is and as-bert, ar rop úar in laa Is úar fri cloï &ndot;gaeithe do neoch in-gair Bū Aīfe. Cluinti seo, a Rōnāin, or si-si. Gaib sin do-ridisi, or sī. Is úar fri cloï &ndot;gaíthe do neoch in-gair Bū Aīfe. Iss ed ingaire mada, or si-se cen bú, cen nech no chara.

(.i. sech nī rānac-sa, nī thucais-siu na bú lat.)

Is fīr sōn a fecht-sa, ol Rónān.

Caur ro baí for láim Rónāin .i. Aedān mac Fiachnai Lára.

A Aedán, or sē, gaī i m-Mael Fothartaig, ocus riced ní uait dano Congal.

Ō ro boī a druim friu frisin tenid, nod clanna Aedān ind in gaī, co rruc a rrindi triit, co tarlai ina &Sdot;uidi. Oc éirgiu do Chongal dos-beir Aedán in &ndot;gaī ind co tarla trína chride. Ro leblai&ndot;g in drúth. Dos-léce Aedán in gae ina diaid co rruc a inathar ass.

Is lór, a Aedán, immot-beri forna feraib, or Mael Fothartaig assa &Sdot;uidi.

Sirsan dúib ám, ar Rónān, nā fuarais-[s]iu mnaí do guidi acht mo ben-sa.

Is truag in bréc sin, a Rōnán, or in gilla, do-ratad immut, marbad d'oenmaic cen chinaid. Dar th'ordan-su ocus darsin dáil i tiag-sa .i. dál báis, ní mó mo chin-sa do imrādud comraic frie ol-daas con-rīsainn frim māthair, acht a-tá ocom chungid ó thānic a tír-se, conda tuc Congal fo thrí i-ndiu for cúlu nācham rosed-sa. Nī buí cin a marbtha la Congal.

No bered immorro in fiach a inathar ōn drūth for irdrochiut. No &fdot;e&ndot;cad a beolu. No thibtís ind athig. Mebul la Mael Fothartaig. Is and as-bert-som A Mic Glais timthais t'inathar inniut, cid nā fetar-su náire? athaig oc gáire immut.

Marba iarum a triur. Ructha i tech fo leith. Luid Rōnán co mbuí fó chind a maic tri laa &ersir; teora aidche.

Luid immorro Dond comalta Mael Fothartaig, bráthair Congaile, fichit marcach co Dún Sobairche, co tartsat bréic im Echdaig do thuidecht co h-or crīche ar cend Mael Fothartaig ar tabairt a ingini-seom for aithed, co tucsat a chend &ersir; cend a maic ocus a mná.

Is and as-bert Rónán fo chind a maicc: Is h-uar fri clóï ngaīthe do neoch in-gair Bú Aīfe; iss ed ingaire mada cen bū, cen neoch no chara. Is úar gaeth i n-dorus tige na llaech; batar inmaine laoich bītis etrainn ocus gaīth. Cotail, a ingen Echach, is mór aichri na gaíthi; saeth lim-sa Mael Fothartaig do guin i cin mnā baīthe. Cotail, a ingen Echach; ní sám lim, cen co tola, aicsin Mael[e] Fothartaig inna léni lān &fdot;ola. Ingen Echach: Mo-nuar, a marbáin chūili, or si-si immon-rualaid lín sūle, a n-do-ringénsam do chul rop sí do phian iat t'athchur. Rōnān: Cotail, a ingen Echach, nīdat mera na doene; cia broína-so do brattán nī hé mo maccān chaíne.

Is and-sin trā tānic Dond co tarlaic cend a h-athar for a brunni-si, &ersir; cend a mmáthar &ersir; cend a derbrāthar. At-raig suas iar sin co tarlaic imma scín co m-buí triana druim suas iar sin. Is and as-bert Rónán. Ro gab Eochaid oenlēni iar &mdot;beith i lleind loborde; in brónān fil for Dún n-Áis a-tá for Dún Soborche. Tabraid biäd, tabraid dig do choin Maoile Fothartaig, ocus tabrad nech aile biäd do choin Chongaile. Tabraid biäd, tabraid dig do choin Maīle Fothertaig, cū fir do-bér(e)ad biäd do neoch, cid luaig no criäd. Saeth lim cūrad Dathlinne flescaib tinne dar toebu; nī fil ar n-aithber fuirri ní sī ro rir ar coemu. Doīlēne acum-sa fo-rroīgēne; a cend fo choim cāich ar uair oc cungid neich nā fogébe. Ind &fdot;ir, ind óïc, ind eich, bítis im Mael Fothartaig, nīptís formtig caemnai neich i m-bethaid a n-airchinnig. Ind &fdot;ir, ind óïc, ind eich, bítis im Mael Fothartaig, do-gnítis cen cosc a-maig fo-&fdot;ertais graffaind graigig. Ind &fdot;ir, ind óïc, ind eich bítis im Mael Fothartaig batar menci-som uaraib fo ilaig iar m-bithbuadaib. Munter Mael[e] Fothartaig cet lim cenptís desruithe; nī maith ro gabsat oc fir do-ficed a n-esbuide. Mo mac-sa Mael Fothartaig diambo adba fid fata, nī scoirtis cen immaire rīg nā rīgdomna aca. Mo mac-sa Mael Fothartaig im[me]-rēid Albain oraig, ba laech etir laechradaib, im-bered a baind foraib. Mo mac-sa Mael Fothartaig ba hē cunnid na cuane, eo find fota for lassair ro gab adba co n-uare. Is uar.

Iar sin trá bātar Lagin im Rōnān ocon chāiniud. Roíntir Rōnān dar a ais. Tiagair for tairr Aedáin ocus air-gabthair la da mac Mael[e] Fothartaig .i. Aed ocus Mael Tuile. Nod goin int Aed co n-derna criathar focha de.

Nom léicid suas, a ócu, or sē, manip mo marbad as āil dúib.

In marb in fer? or sē.

Marb immorro, or ind ōic. Cia rod marb? or sē. Rod marb Aed, ar ind ōic. Mael Tuile in rubai? or sē. Nāthó, ar ind óic.

Nīra gona duine co bráth! or sē. Buaid &ndot;gaile immorro &ersir; gaiscid don mac rod m-bí.

Is and as-bert Rōnān Is mór bríg do mac aithig guin maic ríg; ba mend ina ló dála d'Aedán mac &Fdot;iachnai Lāra.

Tucad trā iar sin in cocad chucai-seom co dorus in taige. Is and as-bert-som [In] cocad-so forsin maig anim cen Mael Fothartaig; toeb frisin cocad nuä nī &fdot;ulai&ndot;g in senruä.

La sodain maidid a loim fola for a beolu ocus at-bail fo chētóir.

Fingal Rōnāin in sin.

 Appendix A (Rawl. B 502, 124b50)

Mac dano do Rōnān Mael Fathardaig; is eside ro marbad la athair tria h-ēt, amal is irdairc, &ersir; nī fārcaib claind; tamen inuenitur in alio loco habuisse duos filios, id est Mael Tuile scilicet &ersir; Aed, qui interfectorum(!) patris sui, uidelicet Aedān filium Fiacha, in contentione Lāra interfecit, unde dicitur Is mōr gnīm do mac aithich guin meic rīg; is mend hi llaithiu dāla Aedān mac Fiachnae Lāra.

Appendix B (Bruss. 4641, p.18)

Eochaid Iarlaithe rí Dáil Araidhe do marbad do chomhailtibh Maoil Fothartaigh mic Rónáin. Uair ingen d'Eochaid Iarlaithe ro bháoi ag Rónán, ag rí Laigen; óg an ingen, sen an Rónán, go ttug sí grádh do mac Rónáin .i. do Mhaol Fothartaig, agus go raibh si ga ghuidhe go fada agus ni fhuair uaidh a faomhadh; agus ór ná fúair, as eadh dorigne, cumdach a cinn do mhionughadh, agus a h-aighidh do sgríobadh, agus fuilredh ma h-aighidh, agus toidheacht d'ionnsoigh Ronáin amhlaidh sin.

Créd sin, a ingen? ar Ronán.

Do mhac súgachsa, ar sí, Maol Fothartaig, dom shárughadh agus mo bhrisiodh dhó, agus comhrac frium.

Marbthar [Maol Fothartaigh] la Ronán iar sin. Tiaghaid dano comhaltadha Maoil Fothartaigh iar sin go nuig bail i raibhe Eochuidhe Iarlaithe agus gairmid leo amach é ó chách agus marbhaid i gcionta na nerna a ingen. Unde Flaittir cecinit: Indiú dellioghair lige Eochaidh mic Fiachach Lurgan; i n-úir Cille Coindeire o gabh roithes a ghulban. Ra gabh Eochaidh aoncaimse ina linn leabairthe; brónan fil for Dhún atá for Dún Sobhairche.