%ISOlat1; %ISOlat2; %ISOnum; %ISOpub; %ISOdia; ]> Síaburcharpat Conculaind [Egerton 88, fo. 14b1-15a2 collated with Add 33993 fo. 2b-3b] An electronic edition Unknown Kuno Meyer Electronic edition compiled by Beatrix Färber University College, Cork First draft, revised and corrected. 2625 CELT: Corpus of Electronic Texts: a project of University College, Cork
College Road, Cork, Ireland. — http:www.ucc.ie/celt
2001 CELT online at University College, Cork, Ireland. G301008

Available with prior consent of the CELT programme for purposes of academic research and teaching only.

 Manuscript sources London, British Library, MS Egerton 88, fo. 14b1-15a2. London, British Library, Additional 33993, fo. 2b-3b. Dublin, Royal Irish Academy, Lebor na h-Uidhre, p 113a-115b. Editions and translations J. O'Beirne Crowe, Siabur-charpat Con Culaind. From Lebor na h-Uidhre (Fol. 37, et seqq.), a manuscript of the Royal Irish Academy, in: The Journal of the Royal Historical and Archaeological Association of Ireland, 1 (1870–71), 371–448 [LU]. With English translation. [Translation reprinted in Eleanor Hull, The Cuchullin Saga in Irish literature, London 1898.] Heinrich Zimmer, Keltische Beiträge I, Zeitschrift für deutsches Alterthum 32 (1888), 249–55. Secondary literature. Elva Johnston, The Salvation of the Individual and the Salvation of Society in Siaburcharpat Con Culaind, in: CSANA Yearbook 1: The Individual in Celtic Literatures, 109–125. Ed. Joseph Falaky Nagy, Dublin 2001. The edition used in the digital edition Kuno Meyer Síaburcharpat Conculaind (From the British Museum Egerton 88, fo. 14b1–15a2, collated with Additional 33,993, fo. 2b–3b.) Anecdota from Irish Manuscripts Halle/Saale Max Niemeyer 3 1909–1910 48–56

CELT: Corpus of Electronic Texts

The editorial apparatus has been omitted.

Text has been checked, proof-read twice and parsed using NSGMLS.

The electronic text represents the edited text.

Direct speech is marked Q.

The editorial practice of the hard-copy editor has been retained.

div0=the saga; div1=the section. Page breaks are marked pb n=""; and line breaks lb n="". Poems are treated as embedded texts; line groups are numbered.

Names of persons, places and groups are tagged. Text supplied by the editor is tagged sup resp="KM".

 By (an) unknown monastic Irish author(s). 600–900 The text is in Old Irish. 2008-10-04 Beatrix Färber ed. Header modified; keywords added; new wordcount made; file validated. 2005-08-25 Julianne Nyhan ed. Normalised language codes and edited langUsage for XML conversion 2005-08-04T15:48:45+0100 Peter Flynn ed. Converted to XML 2001-11-19 Beatrix Färber ed. Second proofing of file against hardcopy; insertion of line numbers; file parsed. 2001-06-28 Beatrix Färber ed. Header created; file parsed; quotes, supplied text and poetry marked up. Personal names marked up. 1998 Students at the Department of History, UCC ed. First proofing and application of structural markup. 1998 Students at the Department of History, UCC ed. Text captured by scanning. Síaburcharpat Conculaind

Luith Patraic do Temraig &ersir; rl. Luith Laogairi doa agaltam Patraic iar taibsin Conculaind do inai carput. Aspert Patraic fri Laogairi:Indattarfas ni? Dodomarfas immurgu, for Laogairi &ersir; nimta cumac dia faisneis mina senasu mo gin &ersir; mina coisreca. Ni senabsa ol Patraic do gin-si conamraib mo riar. Assenfa immurgu in t-aoer dotaod as do gin connecis in taidbsin tarfas duit.

A mba-sa eim ol Laogairi ag dul tar Fan an Carpait a Tulaig an Turcomruig do Chnoc Sighi an Broga a mBrug Maic ind Og confacusa in gaoith ndaghfuair n-aightighi amail croisigh debroi. Beg nach ruc ar bfolta diaar cenduiu &ersir; nach dechaith trin fodésin co talmain. Rofiarfacht-sa do Benen in gaith sin or Laogairi. Aspert Benen frim-sai:Is ie gaoth ifirn iarna oslucad ria Coinculaind. Confacamur in tromciaigh mair doleci forn. Roiarfacht-sa iarum do Benen in tromciaigh sin. Aspert Benen batar anala fer &ersir; ech imandechatur a magh-sa riam. Confacamur iarsin in fechuine mar uasand tuas. Ba llan in t-æer nó in tir di suigibh &ersir; ba itir nella nime batar i n-airde. Roiarfacht-sa do Benen ini-sin. Asbert Benen batar foid a cruaif na n-ech batar fo carput Conculaind.

A mbamur annsin confacamar fuat ina fer &ersir; na n-ech tresin ciaigh isin carput. Solam aræ apri eisi for ardsithbe sidhithi doriadhad seda. Confacusa iarsin in da ech commora comaille comcroda comdelbae comderga comluatha comcoire comgnima boislethna leislethna biruich airdcinn aiginmara gobcail dualaigh tuillethain forarda forrana forbreca. Ote cendbeca urderga bruinnederga beolaidhe slemna saitsidhe sogabaltaigh feigi faoburda femendæ casmogguich caine comcoire cascaircighi brogha for fuil ina ndiaigh-sighi. Da ndroch duba tairchisi, dæ roth coire coicrisi. Feirtsi cruaidhe colgdirgi. Da n-all n-aipthi n-intlaisi. Sithbe co fethan findruine. Cuigg erdinnach fororda. Pupall corcurda. Fortci umaithi.

Laoch and isin carput sin. Suas mael dub deimsidhe fair suidhe. Ata lim is bo rodlelaig. Suil glas bannach ina cinn. Fuen corcurgormb im suidhe cona cetheoraib oaibh airgid. Duillenn dergoir for a bruindif roleth fora di gualainn. Leine gealculpaitech co nderccinnliuth intlasi. Claideb orduirn enecruis seasta for a sliastaib. Manais lethanglas for crand mi(d)⋅eagn ina laim. Foga feigh fobartach ina farrad. Sciath co tuagmilaif oir uasaif a dif n-imdadhaifh. Indalimm ba fras do nemantaif rola ina ceant. Duifethir leth dufhfolach cechturda a da bruar. Dergithir dual partaing a beola.

Ara ar a belaiph isin carput, araile fer seang foran fota forbrec. Folt forruad for a mulluch. Gibni for a eudun næ leced in folt fo agaid. Cuaich di or for a di cula i taircent a folt. Coichlin etech uimphe co hurslocud a di uillenn. Bruidni do dergor ina láim dia tairceallad a eochu. Toigh leum-sa bidne Cuchulaind &ersir; Laogh mac Riangapra nobeth ant &ersir; in Duf Saighlenn &ersir; in Liath Machai nobeth fon carput.

In crete do Dia infechtsa? ol Patraic, uar dodecha Cuchulaind dot accaltaim.

Mas e Cuchulaind atconarc-sa, ol Laogairi, is gairet lim-sa ropaoi com accaltaim.

Is folaid Dia, ol Patraic, mas eisium roboi ant, toraga dot accaltaim afridhisi.

A mbatar ant iarsin confacatar in carpat isin maig ina ndochuma &ersir; Laogh mac Riangabra ina aradacht &ersir; Cuchulaind ina erredacht. Tairmcles nonbuir .i. cles cait, cles cuair, cles n-erre, dalltcles n-eoin. Secht cneslenti fichet uastaib, imasleig gach la beirt uman araid, gapail na n-ése bai os oaif &ersir; analaib na n-ech.

Toluid Cuchulaind do accaltaim Patraic &ersir; bennachais do &ersir; ispert fris: Atateoch, a naom-Patraic, at arrad iteó, romfuca lat cretmechu a tiraiph na mbeo. Creit do Dia &ersir; do naom-Patraic, a Laogairi, na tudhchaith tont talman tarat, ar ni siaf donanaic. Is Cuchulaind mac Sualtaim. Ar is bith gach ruanaid reacht na talam, cacha ciuin celur cech triun talam, cach naoph neam, ar is dord siafra cin midisi is bith caich ar uair imareidhi-siu.

Pui Cuchulaind ina tast &ersir; ninarlastar Laogairi. Cia rot Breagha, a Laogairi? Cia saigis a bfantai? Cia aires a n-athæ? Cia aithet a mna? Cia carait a n-ingina? Cia duit-si &ersir; dam-sa in fiarfaigid-si? ol Laogairi. Ba misi imateged, imaredhed, imatimcellad, imatoimdelladh. Ba misi allad curad cardais glonda ardaiph imanaghdis. Robui tan, a Laogairi, ba misi nosaighidh a margresæ, nosráinedh a marcongala. Pa misi in cú cathbuadach gnusachtach righderg derglethan rogeallach nobith a n-aonach Murtimni iar mbaigh. Creit do dia &ersir; naom-Patraic, a Laogairi. Ni siabra donanaic, is Cuchulaind mac Sualtaim. Masa Cú fil ant, ol Laogairi, atfet dun ni dia margnimaib. Ba fir on, a Llaogairi, ol Cuchulaind. Pa-sa coillid gillasa i n-airitin atha mo tuath. Pa-sa bailcbemnech-sa for nithib &ersir; marsloghaiph. Imreidhinn-siu a ngraighi senggluatha mo namat isnahib luachraifh co bfagbainn-si a n-elta beomarba difh isnahib slebtib iar n-airdbiu a comlond comarda na bfer nobidis foraib.

Manus fil na gnima-sin lat feib adrimi-su, batar gnima erred lat-sa, nipsatar gnima con. Bu fir son, a Laogairi, ol Cuchulaind. Nipsa cu-sa gabala lais, bam-sa cu-sa gabala uis. Nipsa cu-sa cuipp i n-urcuill, ba-sa cu-sa comnart do comlund. Nimsa cu-sa imlomtha fuidhel, ba-sa cu-sa tairdbi buiden. Nimsa cu-sai ingairc gamna, ba-sa cu-sa aurbuidhe Eamnai. Manusfilid na gnima-sin feib adrimi-siu, batar gnima aile lat-sa. Ba-sa herr-sa, ba-sa hara. Ba-sa hara carpait mair. Ba-sa maoth fri maithi, ba-sam imnedach frimm tair. Ba-sa cethreochur a cath, ba-sam cethreochur a nith, ba-sa nainendach mo namad. Nim-sa neimtenga mo crich. Ba-sa comrar gacha ruine do ainnrif Ulad. Ba-sa mac la macca, ba-sa fer la firiu. Ba-sa coscur-sa for ath. Ba-sa maith frim air, ba-sa ferr frim molad.

Mase Cu fil ant, ol Laogairi, atfet dun ni dona morgaibfi rogaifis. Ba fir son, a Laogairi, ol Cu.

Imareidhinn-se a margraighi la Conchufur cruaid, bam aileetuaith, arslighinn gach buaidh. Roclisusa for analaib uasa uif na n-ech, romefdatar rium-sa mor cath for gach leth. Robrisusa urgala for triuna na tuath, ba misi in cur claidebruad iar sligi na sluag. Roclisusa a faoburclessa for innaif a claideb, rosiachtamar moroirgne, ba tria gatha teneth. Tairret n-aile docuadhusa, acht ba hísin uair, curferus .l. morchath fri Lochann antuaidh. Aroile laoch donarraithsi re techt dam for set, tricha cubat i n-airdi, ba hedh sin a met. Iarsin roslelach-sa iar ngles duin fa tri, focart-sa a chend isin chath go torchair in ri. Iarsin dorochrodar, roba tesbaid dif, secht coecait cach ainlaoithi ó rogabtha rimh. Iarsin ronenusc-sæ foraif ina ndail secht cet talland argait fain im secht cet talland oir, ba hisin an cain. Tarra n-aile docuadhusa dia lot a tir Sgaidh, dun ant go nglasaif iairn foruirmiusa laim fair. Secht muir iman cathraig-si, ba heitigh a dend, sondach iairn for gach mur forsa mbatar noi cet cenn. Doirsi iairn for gach lios, frim-sa ni rocosnaithe, atamcomcasa com lua condorala a mbrosnacha. Bui cuithe isin dun lasin righ adfed, deich nathraig doroemdetar dara or, ba bed. Arsin atarethisa ciarb adbal in drong, co ndernusa a n-oirnecha itir mo da dorn. Iarsin adrethusa in tan ba fom rois, conamalt-sa comdar minbacha itir mo di bois. Búi caire isinn dun, laogh na teora mbo, tricha aighi ina craos ni ba luchtlach do. Taithighdis in coire-sin, ba mellach in bagh, ni theghtis uadh for nach leth co bfagbadis lan. Bui mor n-oir is argait ant, ba hamra in frith, tobiur-sa an caire-sin la hingin in righ. Na teora ba dobertamar rosnasit in mhuir, bui eire deisi dh'or la cach forai muin. Iar tuidhacht dun forsin fairgi, ba hadhbal lao tuaith, baiti forenn mo curaigh laisin n-anfud cruaid. Iarsin imanirusa, ciarbo gafud grind, nonbor cechtar mo di laim, tricha for mo cinn. Ochtar for mo di sliastaib, roleltar dom corp, ba hamlaid-sin snadhusa in fairgi co mba forsin port. In rocesusa d'imned for muir ocus tir, ba hannsa dam aonadaig i n-ifernn la deaman co n-ir. Mo corpan ba crechtnaithe, la Lugaid a buaith rucsat deamnae m'anmain-si isin richis ruaidh. Imrubairt-sa cleitine, gai bolga co leir, robadhusa a comchetfaid fri demon a pein. Ba comnart mo gaisged-si, mo claideb ba cruaid, domrimart-sa demon co n-aonmeor isin richis ruaid. In rig consnat a righi cia beth co met a mbrighi, ni cumgat ni la mac nDe acht a cubatt i ndire. Sluaig Ulad um Chonchobur, batar calma in coraid, dosraighlet na demnaide i n-ifern isid bronaigh. Acht in righ mac Neasa ar baigh ar mac Muire atait a pein ifeirn formna na laith ngaile. Ba mad dolot-sa did breithir fri Patraic isin uair condomthuc-sa a hifirn conad dam a buaidh. Is buaid mor do Gaodelaib co clothar in sluag, cach aon cretfes do Patraic i nim ni ba truagh. Ceni creiti-si do Patraic nocretfet Ulaid, an roceasusæ d'imned ba mo a turim. Ina heich-si, a Laogairi, retha rith co mbuaidh, is Patraic dorathbeoaigestar condate ada luaith. In carpat-sa atcí-siu a ndegaid na n-ech, is Patraic rocruthustar, donug amail is dech. Cusin fotugath cusan eirred clius, is cian mar oatrubalt-sa, o roscarus fris. Is cian mar o roscarusa frim carpat, frim ech, is folaid cumachta mar donug amail is dech. Atoteoch, a naom-Patraic, at farrad rombeo, romfuca lat creitmecha a tiraib na mbeo.

Creit do Dia &ersir; do naom-Patraic ar na tudhchaidh tont talman torad. Doraga ni ba conntapairt mina crete do Dia &ersir; naom-Patraic, ar ni siafra donanic. Is Cuchulaind mac Sualtaim.

Rofiorad trath ini-sin. Doteachaid talam tar Laogairi &ersir; adfiadhar neam do Choinchulaind.