Anno Domini mcccxlvii.
Comes Kildarie cum Baronibus et militibus transfert se, mense Maii, ad Regem Anglie, in sui adjutorium tunc apud Caleys in obsidione existentem.
Item, villa de Caleys per inhabitantes eodem quarto die mensis Junii Regi Anglie redditur.
Item, Walterus Bonevile, Willelmus Calfe, et Willelmus Welesley, et multi alii nobiles et validi, tam de Anglia quam de Hibernia et Wallia, in infirmitate constituti apud Caleys obierunt.
Item, Macmurgh, videlicet, Donaldus Macmurgh, filius Donaldi Arte Macmurgh, Rex Lagenie, quinto die mensis Junii per suos proditiose interficitur.
Item, Mauricius Filius Thome, Comes Kildarie, a Rege Anglie miles instituitur.
Item, dictus Comes filiam Domini Bartholomei de Burwasse Burghersh in uxorem duxit.
Item, villa de Nanagh, que vocatur Nenagh, cum tota patria adjacente, in festo Beati Stephani, Martyris, ab Hibernicis conburitur.
Item, obiit Domina Johanna FitzLeones, quondam uxor Domini Simonis Genevile, sepulta in conventu Fratrum Predicatorum apud Trim secundo idus Aprilis.