Anno Domini mcccv.
Jordanus Comyn, cum complicibus, interfecit Moritagh O'Conghir, Regem de Offaly, et Calvvagh, germanum ejus, et quosdam alios in curia Domini Petri Brymgeham, apud Carrik in Carberia.
Item, interfectus est Dominus Gilbertus de Sutton, Senescallus Weysfordie, ab Hibernicis prope villam Haymundi de Grace, quiquidem Haymundus in dicto bello viriliter se habuit, sed strenue evasit.
Item, in Scotia Dominus Robertus de Brus, Comes de Carrik, immemor juramenti Domino Regi Anglie, interfecit Dominum Johannem Rede Comyn infra septa Fratrum Minorum de Dunfres, et cito post se fecit coronari in Regem Scocie per manus duorum Episcoporum, scilicet, Sancti Andree et Glasco, in villa de Scone, ad suam confusionem et multorum aliorum.