Anno Domini mcccii.
Obierunt Domina Margareta, uxor Domini Johannis Wogan, Justiciarii Hibernie, tertio idus Aprilis, et in ebdomada sequenti Matildis de Lacy, uxor Domini Galfridi de Genevile.
Item, Edmundus le Botiller recuperavit manerium de Sancto Bosco, cum pertinenciis, de Domino Ricardo de Feringes, Archiepiscopo Dublin, per concordiam factam inter eos in Banco Regis post festum Sancti Hilarii.
Item, confectio facta apud Courtenay in Flandria per Flandrenses super exercitum Gallicorum, die Mercurii proximo post festum Translationis Sancti Thome, in qua occisi fuerunt Comes Arthosie, Comes Albemarlie, Comes de Hue, Radulphus de Neel, Constabularius Francie, Guido de Nevil, Marescallus Francie, filius Comitis Hennaund, Godfridus de Brabant, cum filio, Willelmus de Fenlys, cum filio. Jacobus de
Item, decime omnium beneficiorum ecclesiasticorum in Anglia et Hibernia exacte erant a Bonifacio Papa, per triennium, in subsidium ecclesie Romane contra Regem Arragonum.
Item, in die Circumcisionis, Dominus Hugo de Lacy depredavit Hugonem Vernayll.
Anno eodem, Robertus le Bruys, tunc Comes de Carrik, desponsavit Elizabetham, filiam Domini Ricardi de Burgo, Comitis Ultonie. Item, Edmundus Botiller desponsavit filiam Domini Johannis Filii Thome.
Item, civitas Burdigale, cum ceteris civitatibus circumjacentibus, que per seditionem Francorum aliquo tempore ab Edwardo, Rege Anglie, fuerant alienate, eidem sunt reddite, in vigilia Sancti Andree, per industriam Domini Johannis de Hastinges.