Anno Domini mccci.
Edwardus, Rex Anglie, intravit Scociam cum exercitu, ad quem transfretavit Dominus Johannes Wogan, Justiciarius Hibernie, et Dominus Johannes Filius Thome, Petrus Bermingham, et multi alii in auxilium Regis Anglie.
Item, comburitur magna pars civitatis Dublin, cum ecclesia Sancte Warburge, nocte Beate Columbe.
Item, Dominus de Genevile desponsavit filiam Domini Johannis de Montforte. Et Dominus Johannes de Mortuomari desponsavit filiam et heredem Domini
Eodem tempore, Lagenienses moverunt guerram in hyeme, villam de Wykynlo, et Rathdon, et cetera comburendo; sed non impunes evaserunt, quia major pars sustentationis fuerat combusta, et armenta eorum per depredationem amissa; et iidem Hibernici fere in Quadragesima consumpti fuissent, nisi seditio quorundam Anglicorum impedivisset.
Item, confectio facta in autumno per Folanos (sic) super conventulum Bremor, in qua occisi sunt fere ccc. latrones.
Item, Walterus Pouer magnam partem Momonie devastavit, plurima predia incendendo.