Corpus of Electronic Texts Edition

Book of Leinster, formerly Lebar na Núachongbála (Author: [unknown])

section 33

Fechtas aile do M'Ling is Toídin

{MS folio 285a 30} Fechtas aile do M'Ling is Toidin. Co n-accai nónbur dona
36835] dibergachaib cuci. Maith sin a bachlaig. Amin a chridecán. In tú in tairchetlaid. me im. Gaib runnu dún a bachlaig. Cia dia ngeb. Damsa is me is toísech. Cia th'ainmseo. Mael Geuraige. {MS folio 285a 35} Molad damsa & dom gai. Cia ainm do gai. Etenchar. & maith le tornech eten na mbachlach oca truastad. conid and asbertsom.

1. 
   36840] Mael Gengraige
   co mbé a thóe i tenraige;
   'mosluid Etenchar fo thrí
   tria thoíbu Mael Gengragi.

Mo loig fri rand. is maith in rand. Dene rand damsa. Cía th'ainmsiu Firt Fiaich.
36845]

p.1242

1. {MS folio 285a} Firt Fiaig
   {MS folio 285a 40} gnáth oc gliaid in cech airm;
   
   36850] co rraib in fer assa fert
   for derc ind fir issa hainm.

Mo lóig fri rand dano. Messe. Cia th'ainmsiu. Imscripul a bachlaig.

1. Gentar Imscripul
   no bratad cach cill.
   
   36855] {MS folio 285a 45} oca brithe fon glend
   is maith no srengam in ngirr.

Maith a bachlaig.

1. Ro bíth Imscripul
   no bratad cach cill
   
   36860] fálid munter iffirn and
   ond uair rosfánic andland.

{MS folio 285a 50} Messe a bachlaig. Cia th'ainmseo. Cu Chluchair.

1. Cu Chluchair
   gentair etar da sruthair.
   
   36865] broimm crúaid iar n-ithi arba.
   I timnu anma Con Cluchair.

{MS folio 285b} Mo lóig fri rand. Messi a bachlaig. Cia th'ainm. Cu Cholom.

1. Dofil éc do Choin Choluim
   anair dar secht sechtmuire.
   
   36870] biaid cros fora lige
   óndiu ria cind sechtmuine.

Mo loig fri rand. Not anister tra or it mathi na rraind.{MS folio 285b 5} Tiagait iar sudiu.,

p.1243