{MS folio 284a} Fechtas dósom oc ernaigthi ina eclais. Co n-acca in n-óclach cuci{MS folio 284a 50}
isa tech. Etach corcorda imbi. & delb derscaigthe leis. Maith sin
a chlerig ar se. Amin ar Mo Ling. Cid na bennachaiseo damsa ar in{MS folio 284b}
t-óclach Cia ataiseo ar Mo Lling. Messe or se Crist mac De Ni etar
36745] ón ar Mo Lling. In tan dotheiged Crist do acallaim na céle nDé nipo chorcarda na rigda dotheiged. acht i rrechtaib na tróg .i. na llobor{MS folio 284b 5}
& na clam. no bíd Crist. In amaires mo ngeibe dím cia is dóig lat
and. Ba dóig lim ar Mo Lling comad é diabul dom irchót. Bid olc
duit in t-amaires or in t-oclách. Maith ar Mo Lling. Atá sund do
36750] chomarba soscela Crist la turcbáil in tsoscela. Na turgab a chlerig{MS folio 284b 10}
or se. is dochu is messe immeradiseo in fer imnedach. Cid dia tuid-
ched ar Mo Lling. Co tartasu do bennachtain form. Ni thiber ar
Mo Lling ar nocho n-airle nipa ferdde. Cid do maith duit iarum. A{MS folio 284b 15}
chlerig or se mar no thiastaso i ndabaig mela coro fothraicthe inti
cot étuch. No biad a bolud fort mani nestá th' étach. Cid dia tá
36755] latt ón ar Mo Lling Ata lim cen co nderna ní do bennachtsu damsa
biaid a soborthon & a bal form anechtair. Nit bía ar Mo Lling ar nis{MS folio 284b 20}
airle. Maith or se tabair lán mallachta form dí Cid do maith duit
ón ar Mo Lling. Ni handsa a chlerig or se in bél forsa targa in
36760] {MS folio 284b}
mallacht formsa biaid a irchóit & a neim it belaibseo. Airg ar Mo Lling ni dligi bennachtain. Ropad ferr lim no dlessaind. Cinnas{MS folio 284b 25}
dosnuilliub. Fognam do Dia ar Mo Lling Fe amae or se. Ni rucaimsi
ón. Brodlan legind. Ni mó do legendso. & nim chobrathar Oeni
dano ar Mo Lling. Atósa throscud im o thosuch domain. ni ferdde
36765] dam. Slechtain do dénam ar Mo Lling. Foremdim tairniud form {MS folio 284b 30} béolu. siar atát mo glúne. Eirgg ass ar Mo Lling ní etaim do
thessargain. Is and asbert diabul.
- Is ór glan is nem im gréin
is lestar argait co fín
36770] is angel is ecna nóe
cech óen dogni toil ind Rig.- Is én imma n-iada sás
is no tol dian eslind gúas
{MS folio 284b 35} is lestar fás is crand crín
36775] na deni toil in Rig thúas- Is crae chumra cona bláth.
is lestar is lan do mil;
is lia lógmar co mboil
dogní toil Maic Dé do nim.
36780] Is cnú chaech nad bi ammáin
is brénce brén is crand crín;
is cráeb fiadabla cen bláth
cách na déni toil in Ri.- {MS folio 284b 40} Dogní toil Maic De do nim
36785] is grian etrocht i mbí sam
is airide Dé do nim
is lestar glainide glan. Is.- Is ech buada dar mag reid
fer adcosnaid flaith De máir.
36790] Is carpat fedair fo rig
dober búaid a hallaib óir. Is ór.
- {MS folio 284b 45} Is grian gures riched nóeb
fer dian budech in Rí mór.
is tempul sonaide sáer
36795] is crín noeb conutaing ór. Is ór.- Is altóir fors ndailter fín.
imma canar ilar cór
is cailech glanda co llind
is findruine find is ór. Is ór
36800] {MS folio 284b 50}
Luid ass tra iar sin.,