{MS folio 282a} BAÍ rí amra de Grecaib Salemon a ainm. Doronad dí cobled
36555] {MS folio 282a 35}
mór do la ríg dia thuathaib. Ros gab mesca mor. Ro batar etairise ocon ríg. Mo arise duib innocht ol se fri triar cáem
dia muntir. Dogentar or seat. Is amlaid dí ro batar ocond aire{MS folio 282a 40}
& sesra fína ina farrad. & gilla oc gabail chaindle friu. Baí cach díb
oc airiuc thuile di arailiu Maith tra or in tres fer. Is maith dún
36560] atlochomar diar tigerna. Maith siansa in chuirp acht oenrét. It {MS folio 282a 45} failte na cossa inna roguth cen gluasacht. Fáilti na lláma ic
tairbirt in chuirp. Failte na súle oc descin in tuara. Failti na sróna
fria bolud. Failti na béoil fria blassacht. Atá ní nad failid and .i. ar
n-estecht ar ní chluinethar cách úan parabuil mbind fri araile.
36565] {MS folio 282a 40}
Ceist cid immeraidfem. ni handsa. dús cumachta as tressiu fil for talmain. Rofetarsa ar in laech do Romanchaib .i. fín. Ar is fín
ro medair in slúag co mbátar cen chond cen chéill. & comtar mera {MS folio 282b}
mesca con darala i súan fo chossaib a mbidbad.
Is degdul or in fer de Grecaib. acht ba dóchu lim ba tressiu
36570] cumachta na flatha dia tardad in fín. Tressiu f aith feraib. sruithiu {MS folio 282b 5} dúilib duine. Is a chumachtaside fonrignine cen mescai cen chotlud
cia taam oc ól fina.
Maith or in laech do Ebríb it mathi na dula dorata and.
Nemiasserus a ainmside. Ba dóchu limsa or seside ba moo
36575] {MS folio 282b 10}
cumachta banscále. Noco n-ingnad dano acht bad chuman lat imbarach. Bít and co matin.
Maith ale or in rí cia cocert ro boí etroibsi arráir. Is ed so amne
ro imraidsem. Cia cumachta is moo forsin talmain. Asrubartsa
or in laech do Romanchaib. cumachta fina. Asrubartsa or in laech
36580] {MS folio 282b 15}
do Grecaib. cumachta ríg. Asrubartsa ar in tEbraide. cumachta mná
Ro baí ind rigan for lethlaim ind ríg. A mind óir ar cind in ríg.
Is tressiu in fín ar indara fer. Is tressiu cumachta in rig ar araile.
Cid ane cen chumachta limsa or ind rigan. la tabairt béimme dia
36585] {MS folio 282b 20}
baiss fora chathbarr ind ríg. co mboí for lár in taige. A mmarbad or cách nos déccai in rí sechae. Tibid ind rigan la sodain Tibid
dano in rí fo chetóir. Ni lotfider in ben ol in rí A sein ane or
Nemiasserus is tren a chumachta sin. Is fir or in rí is tressiu{MS folio 282b 25}
cumachta mná oldás cech cumachta. Or is ina étun bís di a Satan
36590] comaitechta connach tabar a aithber furri cech a ndeni.