Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 23

Epscop do Gaedelaib dochoid do Róim

{MS folio 281b} EPscop do Gaedelaib dochoid do Róim conid ránic & co turcaib
36515] in cloich. Maith dam or se tect co tartur mo di láim im {MS folio 281b 35} chroich Crist. Teit ass iarum co rranic ríg n-amra n-and dogníside failte fris. Cid no thegi a chlerig or in rí Do chosnam ám na croche dús i tardaind mo dí láim impe. Maith a chlerig or in{MS folio 281b 40} rí atá Dia in cach dú Cid na hanai limsa co ndernaindse cennach
36520] frit .i. tussu do guide Dé erumsa & meisse do denam neich ortsu. Corop tussu bes anmchara damsa. Déntar ém or in clerech. Dognither{MS folio 281b 45} eclas dó for lár in dúne. & cloc inna láim dá béim dia thrathaib. Ór & argat ind ríg acai i tascid. Ni theiged in rí immach nach i tech co ndechsad chucaiseom & ind rigan do thabairt choibsen dó
36525] I ndúnadaib ata menciu na rríg thair. I fos im bíte na rígna. Ba menciu dano ind rigan do thabairt a coibsen dó Dorala tra dóib{MS folio 281b 50} comtar oentadaig in t-epscop & ind rigan. Bátar amlaidsin ri ré{MS folio 282a} cían cen fis. Rofes im iar tain. co cúala in rí Ni fír or seside. ni chretiubsa ó duni conid n-accur féin atchichera im or in marntid. Is and foit it daimliacso. in tan nad bísiu i fus. Maith or in rí Bíd
36530] {MS folio 282a 5} forcomet forru. Tiagsa amal bid i ndúnad. Dognither ón. Tiagait- seom ina ndamliac. Ro boí in forcomet forru. Dothaet in rí tráth do aidchi co mbuí immon damliac cona sluagaib imme. In fail in clerech is taig. Cia so or in ben. Atá in rí sund oslaic remi. Bale i
36535] {MS folio 282a 10} rrabi costrasta bíd and co matin. Ní messu caimda in chlerigsin. Bid aithrech in lanamnus. Cumma or in rí saidid immon tech co matain. Olc so a mmo Chomdiu or in clerech. Atusa orbam noídiu 'cot fognam cossinnocht. conid hé mo iartaige dul a drochgnimaib{MS folio 282a 15} dochum n-ifirn. Is cobair tra or se in díanaithirge Ro immir a
36540] chorp co ndernai tri chét slechtain conid rala hitasse. La trócaire nDé dí amal doreithseom a munter isna cumgaib ros tócbaiset angil co mbaí fora dérgud inna eclais fessin. Fer dí luid timchell{MS folio 282a 20} conid cualai oc celebrad íarmerge ina eclais. Ni hed for scél atá in clerech oc celebrad. bid olc ar n-iartaige or in rí Dorega tene do
36545] nim ornd. Is amlaid dochóid in rí chucai & cach slechtain a cind araile leis co rranic in n-eclais. Gebthair or in clerech ni horm{MS folio 282a 25} m'óenur ro himred athise o Diabul. Benacht latso or se. regatsa a lleth tarmartus co rrís croich Crist. Celebraid don ríg. & luid iarum co tarat a dí láim im chroich
36550] Crist. & doratad dano a lúag don banscáil ar anad lasin ríg. Is maith dí doreith Dia a muntir isna cumgaib. conid andso anmcharde Dé{MS folio 282a 30} oldás anmcharde doíne. Is suachnid ón sund ar niro logsat doíne a phecda don cheliu Dé deseo & ro log Dia.


p.1231