{MS folio 281a 40} Cethrur macclerech do feraib Herend dochótar ina n-ailithre
do dul do Róim. Dognít a n-oegidecht la fer n-amra do
Francaib oc dul do Róim. Dobreth fín & cruithnecht dóib.{MS folio 281a 45}
maith doib. Is ed as maith dún trá acallam ind fir maithse iar
36485] tuidecht dún o Róim co ndarda nach ndísert dún sund co rrabam inar n-ailithre and ar is imda cach torad and eter fín & chruithnecht
& cach torud archena.
Fochen dúib or in laech. Robarbia mo maithse. Tabraidsi dano{MS folio 281a 50}
for maith damsa .i. guide Dé erom. Dognither ón. Tiagait co
tairchellsatar relic & martra Petuir & Phóil
36490] {MS folio 281b}
Tecait anair doridisi. Cuinnegar tra baile coro falmaigther dúib.
Atá disert bec sund Atá disertach trúag and. Apar fris tuidecht{MS folio 281b 5}
ass or in rí Atlochur do Dia ol in disertach. Mo rí talmanda dom
brith ass & mo rí nemda do thuidecht ind. Aircid ind a chlerchu i
36495] fechtsa. Corop solaid or in clerech. Cid asberat or in ri. Corop solaid dóib. As tír dóib or in rí Gentlide atacomnaic. Na hebat cid
usce in tíre.{MS folio 281b 10}
Tiagait ass uide ind laisin co rrancatar cathraig and. Bui in
t-epscop .i. a toisechsom oc indmut a lám assin tsruth arnabarach.
36500] co n-accai comraid craind frithrosc in tsrotha chucai. Docuirethar {MS folio 281b 15} bedg anís co mbuí i n-ucht in chlerig. Beir latt a gillai dond ríg so
or in clerech. Nocon fetarsa cid fil and. Berair dó iarum. Oslaicthir
leis. co n-acca sé tinni argait inti & tinne dergóir eturru. Ro curthea
leis i mmeid. nicon rabi méit friged i nnach ae díb sech araile. Maith
36505] {MS folio 281b 20}
or se congartar dún na clerig. Dorochet iarum. Maith a chlerchiu atá sund ar n-etargléod. Na secht tinnese amne .i. na se tinni
argait it é sé lathe na sechtmaine. in tinne óir is hé in domnach in
sin. Is ed atchíu ni trummu ní sech araile díb. Is é a etargnaside dí{MS folio 281b 25}
amal nach trummu tinni di sund sech araile. Is amlaid soluid
36510] laí sech araile. don tsechtmain. Ar is óenrí dosrat & ni tharat olc for nach ae sech araile. Anaidsi a chlerchu. & itib degdoene. acht{MS folio 281b 30}
chena na imradid solud céin bethi i mbethaid. Connach cóir dí
lenmain do solud vel sénairecht.,