Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 21

Dá brón flatha nime

{MS folio 280a} DA brón flatha nime. cid ara n-apar brón i nnim. ni handsa.
36405] {MS folio 280a 45} Eli & Enóc ro gadatar in Comdid ara mbrith na corpaib dochum nime. La febas dí a n-arilten fri Dia for talmain ructha dochum pardais ina corpaib criad. Ataat iarum na hanmand
36410] {MS folio 280a 59} gela glana etromma aérda impu ma cuairt for luamain i rrichtaib {MS folio 280b} angel. Atátsom im .i. Éli & Enóc ina corpaib criad tromma cepdai & noco n-état comaitecht. Is bron & torsi mór leosom ón cen chomaitecht na n-angel. Condat ésin da brón flatha nime.{MS folio 280b 5} Téit dí Eli co mbí fo chrund parduis & soscela ina láim do
36415] precept dona henaib & do anmannaib in pardais. Dothiagat iarum na heoin co mbít oc ithi toraid in chraind. Caíra ón móra at milsiu cach mil & at mescai cach fin. Bít iarum oc ithi na cáer.{MS folio 280b 10} Oslaicid Ele iar suidiu a soscela. La sin donimmairget a n-eitte friu & a cossa cen scifud cosse na eitti co roisc in precept. Precept
36420] laithi bratha iss ed pritchas doib .i. a ndoberar do thodernamaib for anmannaib doene dia bratha .i. Na cethri srotha immon sliab{MS folio 280b 15} .i. im Slíab Sióin ic loscud na n-anmand .i. na deich cét mbliadan. fota in gábud do neoch lasa mbiat pectha. Is ferr do neoch as maith airliud cid frisin laasin nammá Cenco peth do imniud ar
36425] {MS folio 280b 20} cind na n-anman acht lathe mbrátha ba meiti na cotlad nech oca imradud céin no beth i mbethu. Cenmothá tetacht Crist co nnoí ngrádaib nime. & feraib talman do neoch ro genair & geinfes co bráth & munter iffirn. Is amlaid doraiga chucu intí Ísu. Crist & a{MS folio 280b 25} chroch derg re aiss do digail fair a chrochda ar thuidecht da
36430] tesarcain a gin díabuil Bid mór dí a slóg & a teclam bias and. Is ar belaib in tslúaigsin dí doaspenfa cách a gnimu eter maith & saich. Cach ar uair ón do thaspenad a n-atchoncatar a súli. & i n-atrubratar a mbéoil & a{MS folio 280b 30} tengtha & a ndoronsat a lláma. & aní immandechatar a cossa. Crist
36435] mac Dé & angil nime & fir thalman & iffirn i coistecht fris. Con roisc dó in taspénadsin do denam. a demon comaitechta oc taithmet{MS folio 280b 35} dó cach uilc doringni. ar no bíd fora láim chlí do gs oca forcomét. Aingel comaitechta fora láim deis oc taithmet dó a ndoringni do maith.


p.1228

{MS folio 280b} Oro scóich dó uile in sin. Deccaid sin a brithemnu or Crist. Cade
36440] as trummu a maith nach a saich ind firse. Is trummu ám dá maith.{MS folio 280b 40} Airged dí lamaith cosin muntir. Doroíga dano or Crist co aingliu & árchain gliu. Dothiagat angil. ara chend a lláma foena fris. Fo chen duit. tair im uchtsa. Cucumsa doraga ol alaile. Is comthrom{MS folio 280b 45} dano a maith & a saich ind firse. Lenni a leth dano ind firsin or
36445] Diabul. Ni etarscerthar ind anim ol Crist ol is tressiu mo chumachtasa regaid limsa. Is trummu dano a olc ind firse. Airced dano lia olc cosin muntir doroíga. Dothiagat demna ara chend. Rot mairg or{MS folio 280b 50} seat Rot bia mairg & imned. Dobéra imned do neoch. indara fer{MS folio 281a} cona durn. in fer aile cona srogaill araile oca guin co mberaib &
36450] ic gárigud immi. Mairg im asroairli assa churp fessin in faltisin Diabuil. In tan iarum ro scichset in t-etargleodsa síl Ádaim. Is and{MS folio 281a 5} atbera Crist friu techt la Diabul cona doescarslúag .i. do neoch doroígai & rolá ina munteras. i n-iffern cen nach forcend. Atresat
36455] iar sin & atbelat a n-oíngáir estib oca ndrongad la Diabul i n-iffern. It é teora gáire in domain .i. in gair roláset tuath Dé oca{MS folio 281a 10} timmargain dona Áegeptacdaib fri Foraind fri Muir Romair dia marbad & dia ndilgiund & do thabairt a mac & a n-ingen co bráth. acht manis tessairced Dia. & gair fer nIffirn & anmand síl Adaim do
36460] neoch atbath díb ria crochad Crist .i. dosfuc ar ulc ri Diabul condat {MS folio 281a 15} fil i n-irbothaib flatha nime. in gáir dí rolaset na hanmand ar imtholtain tuidechta ó Diabul. & gair fer n-iffirn ina ndíaid. In tres gáir .i. gáir na pecthach oca cur i n-iffern do bithaittreb péne & rége cen nach ndíl etir.
36465] {MS folio 281a 20} In munter iarum dorroega Día regaitside dochum flatha suthaine la Crist mac nDé bí i n-airbrib árchangel. Erbata tra ind lathisin .i. lathe brátha iss ed pritchas Eli fo chrund pardais. acht bec desium anisiu.{MS folio 281a 25} Amal dúnas iarum Éli a lebur doberat ind éoin a ngáir estib.
36470] & túarcit a n-eitti fria toebu. co tecat a srotha fola assa tóebaib ar omun lathe bratha In tan ass iat ind éoin dogniat sin ba cóir dúinni inar ndoenib talmannaib ciano bemmis ina airichill. In tÉli iarum{MS folio 281a 30} & in tEnoc asberar sund asregatside ar cend a martra. Ar atrubairt. in spirut nóeb. Quis est homo qui uiuit & non uidebit mortem .i.
36475] cia ro blaiss bethaid & na faicfe éc. Tecaitseom ar cend. Ancrist fri dered domain. conid lasside claidbiter .i. Diabul i rricht duine intí{MS folio 281a 35} Ancrist amal bid do thabairt creitmi dotháet isin domun. Soud a pholaire ina étun. is é comartha bias faír. cech oen chreitfes dó
36480] claidbebtair leis. Conid Michel dothaet dona nemdaib conid hé gebes claideb do Ancrist.,


p.1229