{MS folio 278b} RI irissech ro boí do Grecaib. mór a thabartche & a dearc.{MS folio 278b 35}
Ond úair gabais flaithemnas nochon facces gen gáre fora
36280] beolu; Cia dobertais airfite in domain chuice. Epscop na farrad iss é ro boí i farrad a athar i flaithemnas. Doberedside im
affaing ndergóir cacha dige no ibed dond epscop. Nocho tabrad{MS folio 278b 40}
im in gilla. acht cecha tabrad remi & iarum. Maith or in t-epscop
ingnad imradimse formo menmain. Atusa.uii. mbliadna it chom-
aitecht & ni erbart frit béus. Raidsiu or in rí is cet duit. Ni handsa.
36285] Ro buí remutsu sund t'athair féin. fer amra. ropo maith frimsa.{MS folio 278b 45}
Rop é a mathius frim conna ibed dig co tardad affaing ndergóir
cecha hoendige dam. Tussu im cidit maith frim riam & iaram.
noco tabrai dam a n-irdaltasin. & ni accim arbad messu do{MS folio 278b 50}
flaithemnasu oldás flathius t'athar acht másu ferr cid etir do
36290] flaithseo. Cid nossaira latsu iarum fo bíth is fír flatha congeib na{MS folio 279a}
toirthe. Atbérsa fritsu ón. is é mo dóchusade. rochuala niconro
atlaigestar m'athairse a chuit riam acht ór dobered ara anmain.
Messe im dobérsa mo chobais o gabusa flaithemnas nicon esbiusa
36296] dig ríam nach atlaigind. Is suachnid dí is ferr la Dia atlugud oldá {MS folio 279a 5} ór. sech dogensa in n-atlugud. rot biasu dano ind affaing cacha
dige no íbsa. Maith or in t-epscop & anaill forácbusa cen rád fritso.
Maith or in rí. Is duit ar in clerech is lia cach coemna & cach airfitiud{MS folio 279a 10}
forsin talmain. Is ingnad lenni nad accamar gen gári fordu dét a
36300] ríam. Ní beraso dano din chursa or se. Maith or in clerech. Fecht and dí ro buiseom .i. in rí fora dergud. A da maccóem fora
bélaib. Maith tra a datiucán or na maicc. Is ingnad lenni amal atá do
sercso linni & ar sercni latso .i. naro thibisiu rinni riam. Dogenamni{MS folio 279a 15}
tra tromdacht fritso co n-erbara la tabairt da lám imma bragit.
36305] Maith or se tic cách issa tech. Maith or in rí tabar slabrad forna gilla ucut. Cid so or cách. nibaadas a cóemna ros baiseom anallana.{MS folio 279a 20}
Ragait im bás innossa. Tucthar crocha dóib. Is drochscél or cách
na rrigdomnai & na maccáem do marbad. Bertar immach or in rí
Bertair. inba for crochad dogentar no far claidbed dogentar a gillu.
36310] Is ferr lind ar claidbed ol seat. Gaibid claidbiu dóib. Ro gabtha {MS folio 279a 25} dá chlaideb uasa cind. Na tabraidsi builli dóib co n-erborsa frib or
se. Maith a gillu in maith far menma lib innossa. Ni maith or in
gillai. Cid na tibid innossa. Ní accor lend or na gillai. Is andsu a gillu{MS folio 279a 30}
in claideb fil uasmo chindsa. claideb Ríg na ndúile dia dáil im
36315] mullach anúas día ndernur uabur no esba. ní tharddaidsi formsa iarum & ni rabaid oca chungid.
Tailcid na gillu suas ni sirsan dóib a llott.
Conid airesin dí napo chóir do neoch uabur na hespa do denam.
ar atá in claideb cétna os chind cach oen..