{MS folio 278a} DÍAs macclerech ro batar i commaid oc légund comtar
comaltai óptar noidin. Batar hé a n-imraite ina bothiniu.{MS folio 278a 40}
Is trúag in turusa tiagait ar caím & ar carait uand
nach tecat aridisi co fis scél dún in tíri i tiagat.
36245] Denam comairle. nechtar de úand dig ar tús co tí co scélaib dia cheliu. Dentar ám. immaragaib doib cip é díb no digsed hi{MS folio 278a 45}
tossaig co tissed ria cind mís co fis scél di arailiu.
Nirbo fota trá iar sin coro marb indala n-aí Adnaicthir lia cheili.
& gebid a écnairc. boí oca frithalim co cend mís. ni thanic a chele.
36250] {MS folio 278a 50}
buí oca écnuch & oc écnuch na Trínóite. Coro guid ind anim in Tríndóit imma lecud dia acallaim.{MS folio 278b}
Boísium dí oc slechtanaib ina bothiniu. Fordorus bec uasa
chind. Adcomaing a chend immon fordorus cona tarlai marb. Co
n-accai ind anim in colaind ara belaib. Dar leside is ina curp buí
36255] Buí oc tadbriud. Olc ón im ol se. in choland do thabairt chucumsa. {MS folio 278b 5} Munter na cille ám or se dosnuc. La sin lingthi assin tig immach.
Buí in fer graid oc béim in chluic. Nocho maith a chlerig or se in
choland do breith chucumsa. Niro recart in clerech. Gaibthe co{MS folio 278b 10}
cách. Nicon cualatar. Ba tor mór lesseom ón. Gaibthi assin chill
36260] dochum na meithle. Iss ed so or se. nicon cualatar. No ngeib luinne. Luid dia chill dorídisi. Dochuas co ndechmaid dosom. Co n-accas
a choland issin tig. Dofucad dochum reilgge. In tan dochuaidsom{MS folio 278b 15}
issin cill co n-accai a charait ara chind. Amein ane fota co tanac.
Olc do briathar. Nacham chairig or a chéile. Tanac mór fecht co
mbínd for cinn t' adairt oc neméle frit. & ní chuala. ar ní chluinethar
36265] in corp tiug trom in n-anmain n-aerda n-étruim tanaide.{MS folio 278b 20}
Rothchlunim innossa ol sesseom. Nathó ol a chéile t'anim
nammá iss ed fil and. Is riat cholaind fessin ataí ic teched. Ar rom
gádsa co 'mmanárlaid dún. Nocon fail ón iarum. Mairg dogní olc.
36270] Céin máir dogní maith. Eirg ar cend do cholla resiu doberthar issa {MS folio 278b 25} nderc. Co bráth nocho regsa inti doridisi. art gréin & ara homun.
Rega. bia bliadain i mbethu. In bíait cech dia ar m'anmainse. ar
is é árad & slabrad & muince as tresseom do thabairt anma dune a
hiffurn in biait.
36275] Celebraid dia chéliu. & téit dochum a cholla. & atraacht a gréich {MS folio 278b 30} ass oc techt inte coro thathbeoig. co ndeochaid dochum nime
hi cind bliadna. In biait trá is í ernaigthe as dech fil and.,