{MS folio 276b 25} DIArmait mac Aeda Sláne. Sinech Cró rod n-altsom. N o bertis Connachtai a búsi. Co tarat imchossait móir eter Diarmait & Gúaire Aidne Is and asbertsi.
36025] A Diarmait a mallchobair.
uamain Gúaire fonfodair.
{MS folio 276b 30} ar it anmand cloíthe cath
tair chucund a duinebad.- Leic do Diarmait na raid friss.
36030] in cath ní héol n-irradais.
denaid choirm do mar atá
foid chucai dothaideba.- Rúanaid asberthe co se
frisseom ar mét a áne
36035] indiu is lobrán i mMide
{MS folio 276b 35} Diarmait mac Aeda Sláne.- Trícha tinne tricha bó
fuirec ceniuil ferguso
icdaí dartaid i cind gait
36040] ina forreith do Diarmait. A.- Bet fir móir ar maccain bic
co ti ar cobair co Grip.
bid daim ríatai loíg ar mbó
co tí cobair Diarmata. .A.A.
36045] {MS folio 276b 40}
Ro hícc ní dissi im in chossaít. Dorat Diarmait láim dar Connachta co raimid riam for Guaire Aidne coro giallsaide dó fri rind cliadib.
{MS folio 276b} Ar foracaib Cámine Indse Celtrado Guairiu nad gebad fri hócu.{MS folio 276b 45}
Ar ro boí Cámmine tri thrath oc troscud for Guaire Aidne.
Mad cóir la Dia or Cámmine in fer fil hi comthairisim frimsa niro
36050] thairise fri naimtiu. Dothaet d'aurgaire slechtaid do Chamini Doreilced in t-aurchorsa{MS folio 276b 50}
or Cammín. Comlúath sin dano or Cámmine & doberat do réir.
Is de asbert Cammin.
- I mbiat faibra fri faibra
36055] {MS folio 277a} & findne fri afindne.
bidit aithrech a Guaire
clerchen fri tarlais tinne.- Iar réir doarbart Mac Dé
fri hathlad úaire
36060] cride Guaire fo chiunu
inna triunu fo Gúaire
Taich dí Guaire for leith assin chath & a gilla. Ro gab in gilla{MS folio 277a 5} bratán riamnaige. ro fon & dorat do Gúaire. unde Gúaire dixit.
- Átlochur do Dia i n-etad
36065] innocht dom feis hénecad
rom buise adaig aile
dombert .uii. mbú Mac Maire.
Dolluidseom do giall fri claideb do Diarmait. Maith or Diarmait{MS folio 277a 10}
cid ara ndéine Guaire in rofeili ucut. Inn ar Dia fa in ar duine.
36070] Mad ar Dia dobéra ní innossa. Mad ar duine ni thibre ol atá co feirg & luinne.
Dotháet chucu. Ní damsa a Gúaire ol in drúth. Cingthe sechai.
Ní damsa a Guaire ol in clam. Rot bia or Guaire. Focheirt a gaó dó{MS folio 277a 15}
Ní damsa or a cheili. Focheirt in scíath in delg in mbratt in criss.
36075] Ni tam or Diarmait. Tair fon claideb a Guaire ol Diarmait. Ni dam
{MS folio 277a} a Guaire or in ceile Dé An bic a Diarmait or Guaire co tall mo léni{MS folio 277a 20}
dím don cheiliu Dé Maith or Diarmait ro giallaisiu do ríg aile .i.
do Mac Dé. Aso mo giallsa duitseo im ol Diarmait. Slechtaidside do
Guaire fo thrí Nip ancórai trá ol Diarmait co ndigis ar mo chendsa
36080] {MS folio 277a 25}
do aenuch Thaillten. conat rogbat fir Herend do ríg & do chind athchomairc dóib. Is and asbert Sinech.,
- Cach mac tigirnd timchride
tathut áirle limsa de.
dote dessel in broga
36085] laiss fuidell mo ruanada.- Ní for braigtib dam ná bó
clóithir colg mo ruanado.
is for rigaib focheirt feit
indiu in dubcend la Diarmait.
36090] {MS folio 277a 30} Guaire mac Colmáin in rí
ro chacc for croíbu Aidní
rolá bualta méit chind bó
ar uamon mo ruanadó.- Oro brecca broenán cró
36095] léni ndendgorm nDiarmato;
eirred fir cluas catha
ní comtig cen illdatha- {MS folio 277a 35} Oro brecca bróenan cró
brunni gabra Diarmató
36100] usce assa negar Grip
ni lustai fri sacarbaic.- O dolecther immasech
cranna fianna for cech leth
nipo decmaing caiseld cró
36105] for crund a durn Diarmató
- {MS folio 277a} Oro sernatar gai bic
i tossuch a n-immaric.
is í dias cíta ric.
{MS folio 277a 40} A gabair & Diarmait. A Diarmait.
36110] Adnuu ar Guare
da rís Sinich co cruu.
nicos faicéb la biu.
ata biu com luu.- Adnuu or sisi
36115] ni ric Sinich co cruu.
ní fil ócu cá himochaid
cid na cid nacha fitir nuu.
{MS folio 277a 45} Luidseom iarum inti Gúaire do oenuch Thailten ar cend
Diarmata. & míach argait leis dia thabairt do feraib Herend.
36120] Maith or Díarmait in fer dotháet chucaib. atethaid a indili oca thig. Is sárugud damsa truag vel thrén do chungid neich cucai.{MS folio 277a 50}
Luidseom dí co mbuí for láim Diarmata. for foradaib bít and{MS folio 277b}
a lláasin. Ni comtich nech ní chucaiseom. Bá machtad leiseom ón.
Medón laí arnabárach. maith a Diarmait ar Guaire. Epscop do
36125] gairm chucumsa co tardsa mo choibsena dó Cid so ol Diarmait. {MS folio 277b 5} Cid nach mana éca latsu damsa a Diarmait. Áit i taat fir Herend
etar thrúag & trén nad cunnig nech díb ní chucumsa. Ni raigebthar
fort or Diarmait. miach argait duit sund út. Atá argat im limsa or
Guare. Atraracht iarum & nos tairbir assa díb lamaib. & asberatsom
36130] {MS folio 277b 10}
ba lethfota a lám ond uairsin oc rochtain na céli nDé Dogniat iarum ógsíd .i. Diarmait & Guare. & ro gabsat fir Herend inní Guare
do chomairlid & do chind athchomairc dóib.