{MS folio 274a 10} FERthair Oenach Talten la Diarmait mac Cerbaill in bliadain
ro gab rigi Herend. & Ciarán mac in tSáeir a anmchara
issind Oenuch. 'na farrad. Agtair cluicheda & ferthair graifni
ind Oenaig. Tic ben do saigid a fir, issind Oenuch. & atnaig oc liamain
a fír for mnai aile. & ro buí in fer oc éligud in gnimasin. Gebatsa
35715] {MS folio 274a 15}
a luige fó láim Chiaráin ar in ben. Dober in fer a luigi fó láim Chiaráin
narbo chintach issin gním ro lí a ben féin. & ba bréc dó
Gebid dano cnocc allsi for muneol áit i mbaí lám in chlerig fair &
téit a chend de co mboí i fiadnaisi fer nHerend oc imthecht issind
35720] {MS folio 274a 20}
Oenuch & se can chend coro mórad ainm Dé & Ciaráin issin mirbailsin.
Rucad in díchennach la Ciarán co Cluain iar sain dia lessugud
airet no chindfed dia a bethu. & ro boí co cend. uii. mbliadan 'na{MS folio 274a 25}
bethaid ocna manchaib dar éis Chiaráin
35725] Co tucad ben chuice fecht and. & coro aíntadaig fria. & coro torrched in ben de. & co ruc mac conid ésen Sogain i mMide ut alii
dicunt.
Iar comrac dósom im frisin mnaí atbath fo chetóir. Coro{MS folio 274a 30}
hadnacht leisna clerchu. i cind airtherach immaire Chomgaill áit i
35730] fail cross Chomgaill indiu. Co fil lecc & ligi Ambacuc and sin i cumnigud in scéoil do chách. Conid ingnad d'ingantaib Oenaig{MS folio 274a 35}
Talten in sin.
Ingnad aile in so béus do ingantaib ind Oenaig cétna .i. facsin na
trí long ar imram issind áeor uasa. & fir Herend im Domnall mac
35735] Murchada ic ferthain ind Oenaig.