Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 10

Orgain Dind Ríg

{MS folio 269a} CID dia tá orgain Dind Ríg. Ni handsa. Boí Cobthach Cóel Breg mac Ugaine Móir i rrige Breg. Baí dano Loegaire Lorc mac Ugaine i rrige Herend. Ba formtech Cobthach fri
35215] {MS folio 269a 5} Loegaire im ríge Herend corra gaib fergg & galar de coro sergg a fuil & a feóil de. conid de ro boí Cóel Breg fairsium & ní roacht marbad in Loegaire. Ro gaired dó iarum in Loegaire co farcbad bennachtain ocai ria n-écaib. In tan didiu dolluid a bráthair chucai issin tech{MS folio 269a 10} brister coss erín chirci for lar in taige. Nírb irsan do galar or
35220] Laegaire. Is tairise ón or Cobthach. Dochuaid ass uile anísiu eter fuil & chnáim eter bethaid & indili. Doronsáid fuachtain frim a gillu .i. coss na circe do brissiud. Tucaid ille co tucursa cumrech impe. Fe{MS folio 269a 15} amai or Laegaire. Is meth & milliud dond fir. Is tabarta i n-éslis. Tairsiu imbárach or Cobthach co raltar mo fertsa latt ar atbélsa ar
35225] lúath Maith or Loegaire dogéntar. Maith tra or Cobthach ria rigna & ria rechtaire. Abraidsi ba marbsa can fis do neoch aile. & domberar{MS folio 269a 20} im charpat & altan scene im láim. Doraga mo brathair co dichra dom chaíniud. Bés rosia ní uaimsea hé Ba fír són. Doberar immach in carpat Dothaet a brathair dia
35230] chainiud. Téitside cona tailce fair anúas. Nos clanna in sciain ind oca fordrund co tuargaib cend ass i coirr a chride conidro marb.{MS folio 269a 25} Foracaib Loegaire mac .i. Ailill Áine. Ro gabside ríge Lagen. Nirbo lór dano la Cobthach in chetfingal co tart argat do neoch dorat dig tonnaid do Ailill combo marb de. Iar sin ro gabsom rige Lagen.
35235] {MS folio 269a 30} Foracaib dano Ailill Áne mac .i. Moen Ollam. amlabar side dano combo fer mór. Laa dó didiu issin chluichimaig oc immáin. Dorala camman dara lurggain. Románicse on or se. Labraid Móen or na gillai. Labraid a ainm ond úairsin. Congairther fir Herend do Chobthach do thomailt fesse Temrach.
35240] {MS folio 269a 35} Luid Labraid dano cumma chaich. In tan didiu rop ániu dóib ic tomailt na fesse.' batar in t-aes admolta forin lár oc admolad ind ríg & na rígna & na flathi & na n-octhigern. Maith didiu or Cobthach in fetabair cia as féliu i nHerind.{MS folio 269a 40} Rofetamar or Craptine .i. Labraid Loingsech mac Ailella. ronanacsa


p.1189

{MS folio 269a} i n-erruch coro marb a oendam damsa. Is hé as féliu rofetamar ar
35245] Ferchertni fili. Ronanacsa dano i ngaimriud coro marb a oenboin dam. Eircidsiu lessium dano ar Cobthach ar is feliu andúsa. Nipa{MS folio 269a 45} messaitiseom desin or Craiptine & nipat ferddesiu. A Herind duibsi im ol Cobthach. Mani fagbam ar n-inad inti or in gilla. Dlomtair
35250] iarum. Cid ragmait or in gilla. Siar or Ferchertni. Tiagait iarum co rríg Fer Morca .i. Fir Mora batar immon Luachair{MS folio 269b} nDedad thíar. Scoríath iss hé ba rí dóib., Cid doforfuc or Scoríath. Ar ndlomad do ríg Herend. Fo chen dúib or se. Bid inund techt no anad dún céin no mbeosa. Robar bia degcommaid. Ingen la Scoríath.{MS folio 269b 5} Moríath a hainm. No bithe 'coa forcomét co lléir. uair na frith
35255] céili dingbala di fo chetóir a mmathair oca comét. Niro chotlaiset a dá súil ríam acht indala n-ai oc aire a ingine. Ro charastar im ind{MS folio 269b 10} ingen inti Labraid. Baí comairle eter in n-ingin & Labraid. Ro boí urgnam mór la Scoriath do feraib Morca. Is ed comairle
35260] dorónsat Craiptine do seinm suantraige iarsind ól co comtholad a mmathairsi. co rroissedsom in n-imdaí Ba fir son im. Niro cheil Craiptine a chruitte dadaig coro chotail in banscál. & co comarnaic{MS folio 269b 15} ind lánamain. Nirbo fota trá iar sin coro dúsigsi. Erig a Scoríath or si. Is olc in cotlud ataí ol si. Anál mnáa lat ingin Cluinte a hosnaid
35265] iar ndul a menmairc uathi. Atraacht iarum Scoriath. Fintar cia doróne so or se. coro gabtar{MS folio 269b 20} claidib dó fó chetoir. Nicon fes cia dorone. A cind dona druidib & dona filedaib or se mani fintar cia doróne Bid d'anim duit or Ferchertne do munter do marbad. Do chend dano ditso féin ar
35270] Scoríath mani aprai. Apair or Labraid Is leor mo mudugud m'oenur. Is and asbert Ferchertne{MS folio 269b 25} Ni ceilt céis céol do chruit Chraptine co corastar for sluagu suanbás consrec coibnius eter sceo Máin Moríath macdacht Morca mo cein lúag Labraid.
35275] Labraid or se condranic frie iar for tálgud do chruit Chraipthine {MS folio 269b 30} Ro mertsom a muntir i ssuidiu. Maith tra or Scoríath nicon terglansamni céli diar n-ingin cosin nocht ara seirc lind Ciano bemisni ica thogu iss é fuarammar and Déntar ol is taig ol se & tabar a ben fora laim Labrada & ni scersa fris or se corop rí Lagen.
35280] {MS folio 269b 35} Dothaet iarum a ben chucai & foid leis. & doberat sluagad fer Muman iar sin co rroachtatar Dind Ríg in cetorcain. & atroas techt arin orggain co ndernsat comairli mbrecaig ind oic amuich .i. C raptine do dul forsin doa in dúni do seinm suantraige don tsluag{MS folio 269b 40} innund condarralad dara cend. & in sluag ammuig do thabairt
35285] a n-aigthe fri lár. & a mmeóir ina cluasaib conna cloistís in seinm.


p.1190

{MS folio 269b} Combó ed ón dognithe and & co torcratar ind fir & co ndechas arin dún & co ralad ar in tslúaig & coro hort in dún.{MS folio 269b 45} Ro boísi dí forin tsluagud .i. Moríath. Nirbo miad lesi dí a mera do chur ina cluasaib ria céol fessin. co mboí tri thráth ina cotlud ar
35290] niro lamad a gluasacht. Unde dixit mac Lonáin.

    1. Feib conattail Moríath múad
      fiad slúag Morcae mó cach scéol
      {MS folio 270a} dia n-ort Dind Ríg réim cen tréis.
      dia sephaind céis centoll céol.


35295] Ro gabsom dí rige Lagen iar sin & batar core & Cobthach & is and ro boí a sossadsom i nDind Rig. Fechtas im ro gabsom & lánrige la Cobthach. Ro chuirestar iarum{MS folio 270a 5} innf Chobthach do denam a menman & do airiuc thuile dó Dorónad teg lesseom dano ara chind Chobthaig. Imchomnart im a tech d'iurn
35300] eter fraig & lár & chomlada dorónad a tech. Lagin oco denam bliadain lán & doceiled athair ara mac & mathair ar ingin. Is dó atá nit lia Lagin rúni. Is and doronad a tech i nDind Ríg.{MS folio 270a 10} Ro cured dí Cobthach dond irgnam & dolluid.xxx. ríg imbi do rigaib Herend. Forémdes im o Chobthach dul issin tech co ndigsed
35205] máthair Labrada. & a druth. Is ed dorroíga in drúth bennachtu {MS folio 270a 15} Lagen. & soiri a chlaine co bráth. Ara aithius dia mac dochuaid in ben. Esseom féin .i. Labraid oca ferthaigis. Luidseom arnabarach do chluichi frisna gillu isin léna. Co n-accai a aiti hé Imbridside oenchossid sciach fora druimm & fora chind ind{MS folio 270a 20} Labrada. Is dochu or se bid echt la mac echt latso. Olc duit a gilla
35310] or se rf Herend do thocoiriud co trichait rig imbi cen bith ria mbéolu oc airiuc thuili dóib. Gebid imbí iarum. & luid chucu issa tech. Tene duib or se & lind & biad isa tech. Is cóir ar Cobthach. Nonbur dó for lár in taigi.
35315] {MS folio 270a 25} srengait in slabraid baí assin chomlaid ina ndiaid conda ralsat arin coirthe i ndors taige & ro sutea na tri choícait bolg goband doib immon tech & cethrur oclách for cach bulg combo te don tslúag. Do mathair a Labraid ar na óic. Nathó a maccucan or si. Dénasu{MS folio 270a 30} th'einech thriumsa ar atbelsa chena.
35320] Orggthir tra Cobthach Coel secht cetaib & co .xxx. ríg imbi. Inde dicitur.


p.1191

    1. {MS folio 270a}Tri chet bliadan buadach rím
      re ngein Christ compert nóeb.
      {MS folio 270a 35} nirbo bratharda ba holc

      35325] orta Lorc la Cobthach Cóel.
    2. Cobthach Cóel co tríchait ríg
      ro n-ort Labraid lirdes muad
      mac meic Loegaire din lind
      i nDind Rig ra hort in slúag.


35330] Et is desin asbert Ferchertne file.

    1. Dind Rig
      ropo Thúaim Tenbath
      .xxx. fariach
      rop ua find bebsait
    2. brusius breosus
      bure lond Labraid
      lath ngaile
      hua Luirc
    3. {MS folio 270a 40} Lugaid loeg lond

      35335] sanb Setna
      sochla Coel Cobthach
      cond mál Muridach
    4. mandras arma
      brathar athar
      ollam Máin
      maccu ána Ugaine

.i. Máine Ollomsom i tossaig Labraid Móen iar sin. Labraid
35340] Longsech im o luid for longais. Orggain Dind Rig in sin.


p.1202