Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 8

Longes mac nUsnig

{MS folio 259b} CId dia mboí longes mac nUsnig. Ni handsa. Batar Ulaid oc ól i taig Feidlimthi meic Daill scelaige Conchobuir. Baí dano{MS folio 259b 15} ben ind Féidlimthe oc airiuc don tslúag osa cind is sí thorrach. Tairmchell corn & cuibrend & rolasat gair mesca. A mbátar
34310] do lepthugud dolluid in ben dia lepaid. Oc dul di dar lár in taige ro grécha in lenab ina broind co closs fón less uile. Atraig cach fer di alailiu is tig lasin screich ísin co mbátar cind ar chmd is taig. Is{MS folio 259b 20} and adragart Sencha mac Ailella. Na curid cor díb or se. Tucthar cucund in ben cu festar cid dia tá a ndeilmsea. Tucad iarum in ben
34315] chucu. Is and asbert a ceile .i. Feidlimid.

    1. .R. Cia deilm dremun derdrethar a ben or se
      dremnas fot broind búredaig
      bruit cluasaib cluinethar
      {MS folio 259b 25} gloim eter do da thaíb trentormaid

      34320] mor n-úath adnaigethar
      mo chride crechtnaigedar cruaid.

Is and rolasi co Cathbath ar ba fissidside.

    1. .R. Cluined Cathbad cóemainech
      Caín mál mind mór mochtaide

      34325] mbrogthar tre druidechta druad.
      Or nad fil lem féin findfocla
      {MS folio 259b 30} fris mberad Feidlimid
      fursunnud fiss
      ar nád fitir banscál

      34330] cia fo brú
      cid fom chriol brond becestar.

p.1163

{MS folio 259b} Is and asbert Cathbad.

    1. .R. Fot chriol brond becestar
      be fuilt budichass

      34335] ségdaib sellglassaib
      sian a gruadi gormchorcrai
      fri dath snechtai samlamar
      {MS folio 259b 35} set a détgni dianim
      niamdai a béoil pardardeirg.

      34340] bé dia mbiat ilardbe
      eter Ulto erredaib.
      gessid fót bru búrithar
      be find fota foltlebor
      imma curaid cossenait.

      34345] imma tardríg iarfassat
      biat iarthur tromthoraib
      fo chlí choicid Chonchobuir.
      {MS folio 259b 40} Biait a béoil partardeirg
      imma deta nemanda

      34350] fris mbiat formdig ardrigna
      fria cruth ndigraiss ndianim.

Dorat iar suidiu in Cathbath a láim fora broind na mna. Coro derdrestar in lelap fo láim. Fír ar se ingen fil and. & bid Derdriu{MS folio 259b 45} a hainm. & biaid olc impe. Ro genair ind ingen iar sin. & ro ráid
34355] Cathbad.

    1. A Derdriu manidera már.
      diamsa coemainech clothbán;
      cesfaitit Ulaid rit ré
      a ingen fial Feidlimthe.

    2. 34360] Biaid etach cid iar tain
      dot dáig a be for lassair;
      is it amsir cluintise
      longes tri mac n-ard nUisle.
    3. Is it amsir gnim dremiun

      34365] {MS folio 259b 50} gentair iarum i nEmain;
      {MS folio 260a} bid aithrech a coll cid iar tain.
      fo foísam meic Roig rogmair.

      4. p.1164

    4. {MS folio 260a} Is tríut a bé co mbail
      longaes Fergusa ó Ultaib;

      34370] & gním arcoínfed guil
      guin Fiachnai meic Conchobair.
    5. Is it chin a bé co mbail
      guin Gerrce meic Illadain.
      & gním nad lugu smacht

      34375] orggain Eogain meic Durthacht.
    6. {MS folio 260a 5} Dogena gním ngranni ngarg
      ar feirg ri ríg nUlad n-ard;
      biaid do lectan i nnach dú
      bid scél n-airdairc a Derdriu. A.


34380] Marbthar ind ingen ar ind óic. Nithó or Conchobor. Berthair limsa ind ingen imbarach or Conchobor. & ailebthair dom réir fein.{MS folio 260a 10} & bid sí ben bias im farradsa. & nira lamatar Ulaid a chocert immi. Dogníther ón dano. Ro alt la Conchobor combo sí ingen as mórailliu ro boí i nHerind. Is i liss fo leith ro alt connach acced
34385] fer di Ultaib hí cosin n-úair no foad la Conchobor. & ní bui duine {MS folio 260a 15} no leicthe issin leisin acht a haitisi & a mummi. & dano Lebarcham. ar ní éta gabail disside. ar ba banchainte. Fecht n-and dí baí a haite na ingine oc fennad lofg fothlai for snectu immaig issin gemrud dia funi dissi. co nfaccasi in fiach oc
34390] {MS folio 260a 20} ól na fola forsin tsnechtu. Is and asbertsi fri Leborchaim. Ropad inmain oenfer forsa mbetis na tri dath ucut .i. in folt mar in fiach. & in grúad mar in fuil. & in corp mar in snechta. Orddan & tocad duit. ni cían úait atá is taig it arrad .i. Noísi mac Usnig. Nipam slánsa ám or issi conid n-accursaide.
34396] {MS folio 260a 25} Fecht n-and dí buíseom intí Noísi a óenur for dóe na rrátha .i. na Emna oc andord. Ba bind im a n-andord mac nUsnig. Cech bó & cech míl rochluined no mbligtis d'immarcraid uadib. Cech duine nod chluined ba leór sithchaire & airfitiud doib. Ba maith{MS folio 260a 30} a ngaisced dano. cia do beth coiced Ulad uile impu i n-oenbaile
34400] acht coro chuired cách díb a triur a druim fri araile. ni bertais buaid díb ar febas na ursclaige & na imdíten. Bat comluatha dano fri conaib oc taffond. No marbdais na fiada ar lúas.{MS folio 260a 35} A mbuísium dí a oínur intí Noísi i mmaig mosetl.nsi cuci immach amal bid do thecht secha. & nis n-athgeóin. Is caín or

p.1165

{MS folio 260a} seiseom in tsamaisc téit sechond. Dlegtair or sisi samaisci móra
34405] bale na bít tairb. Atá tarb in chóicid lett or seiseom .i. rí Ulad.{MS folio 260a 40} No thogfaindse etruib far ndís or sisi. & no gebaind tarbín óc amal tussu. Nithó or seiseom. La sodain focheird bedg cuce corra gaib a dá n-ó fora chind. Da n-ó mele & cuitbiuda and so ol si mani
34410] mberasu latt. Eirgg uaim a ben olse. Rot bia ol sisi. Atraacht la {MS folio 260a 45} sodain a andord ass. Amal rochualatar Ulaid innund in andord atraig cech fer díb di alailiu. Lotar meic Uisnig immach do thairmesc a mbrathar. Cid no taí ol seat. na 'mmongomad d'Ultaib it chinaid. Is and dochuaid
34415] dóib a ndoronad friss. Biaid olc de ar ind oic. Cia beith noco biaso {MS folio 260a 50} fó mebail céin bemmitni i mbethaid. Regmaitni lee i tír n-aile.{MS folio 260b} Ni fil i nHerind ríg na tibre fálte dún. Batar eat a comairle. Ro imthigsetar ind aidchisin .i. trí coícait láech dóib & lll. ban. & lll. gilla. & Derdriu leo. Batar for essama céin móir mórthimchell. Co
34420] trialta a ndíth co mmenic ic rígaib Herend tria indle & chelga {MS folio 260b 5} Conchobuir. Otá Ess Ruaid timchell síardes co Beind Etair sairtúaid daridisi. Araide tra co ndarafnetar Ulaid tairis i crích nAlban co ngabsat i ndithrub and. Ond úair ro scáich dóib fiadach in tslébe doelsat for cethra fer nAlban do thabairt chucu.
34425] {MS folio 260b 10} Dochuatarside dia ndilgiund i n-oenló Co ndeochotar dochum ríg nAlban conadragaib ina munteras. & coro gabsat amsai aice. & ro suidigset a tige isind faichthi. Im dágin na ingine dorónta na tigi conná hacced nech leo hí ar daig naro marbtais impi.{MS folio 260b 15} Fecht and dí luid in rectaire matain moch co rralai cor imma
34430] techsom. Co n-accai in lanamain ina cotlud. Dochuaid ar sin coro dúsig in ríg. Ní fúaramni or se mnai do dmgbalaso cosindiu. Ata i fail Noísen meic Usnig ben dingbala ríg iarthair domain. Marbthar{MS folio 260b 20} fo chetóir Noíse & foad in ben letso ol in rectaire. Acc or in rí acht airgsiu dia guidi damsa cech laa fo chlith. Dogníther ón. A n-atbered
34435] im in rectaire chaidche friasi; adfédedsi dia celiu in n-aidchisin fo chetóir. Uair naro etad uadi. no erálta for maccaib Uisnig dul i ngabthib & i cathaib & i ndrobelaib ar daig coro mmarbtais. Araide{MS folio 260b 25} batar sonairteseom im cach n-imguin connar étad ní dóib asna amsibsin.
34440] Ro tinolta fir Alban dia marbad iarna chomairle frieseon. Adfetsi do Noísin. Imthigid ass or si. uair moni digsid ass innocht nobor mairfither imbárach. Lotar ass ind aidchisin co mbatar i n-inis mara.{MS folio 260b 30} Adfiadar do Ultaib anísin. Is trog a Chonchobuir ar Ulaid meic Uisnig do thuitim i tirib námat trí chin drochmna. Ba ferr a
34445] comaitecht & a n-imguin. & tuidecht dóib dochum a tíre oldaas a tuitim la náimtiu. Tecat dí ar Conchobor. & tiagat commairge friu.

p.1166

{MS folio 260b 35} Berair chucu anísin. Is fo chen lend or seat. Regthair. & taet Fergus frind i comairge. & Dubthach. & Cormac mac Conchobuir. Tiagaitside co ragbaiset a lláma di muir.
34450] Baí im imchosnam im Fergus da churiud do chormannaib a comairle Chonchobuir. Ar isbertatar meic Uisnig nach ístais biad i nhErind acht biad Conchobuir i tossuch. Luid iarum Fiachu mac{MS folio 260b 40} Fergusa leo. & anaid Fergus & Dubthach. & dollotar meic Uisnig co mbátar for faidchi na hEmna. Is and dano tanic Eogan mac
34455] Durthacht rí Fernmaige do chorai fri Conchobor. Ar ro boí i n-essíd friss i cíana. Is seside ro herbad do marbad mac Uisnig & amsaig Conchobuir immi conna tistais cuciseom.{MS folio 260b 45} Batar meic Uisnig ina sessom for lar na faidchi. & batar na mnaa ina suidib for dou na hEmna. Dolluid dí Eogan ina thur
34460] iarsind faidche. Dolluid im mac Fergusa co mbai for lethláim Noísen. Feraid Eogan sailti friu la béim forgama do gai mór in Noisen. co{MS folio 260b 50} rraimid a druim triit. Focheird la sodain mac Fergusa co tuc dí{MS folio 261a} láim dar Noísin co tuc foí & co tarlaic fair anúas. & is amlaid ro bíth Noísiu tria mac Fergusa anuas. Ro marbtha iar sein sethnón na
34465] faidchi. Conna térna ass acht a ndechuid do rind gai & do gin chlaidib. & rucadsi innund co Conchobor co mbaí fora láim. & ro cumrigthe a lláma iarna cúl.{MS folio 261a 5} Atchuas do Fergus iarum anísin & do Dubthach & do Chormac. Tancatarside co ndernsat gníma móra fo chetóir .i. Dubthach do
34470] marbad Mane meic Conchobuir. & Fiachna meic Feidilmi ingine Conchobuir dond oenargam. & Fergus do marbad Thraigthreoin meic Traiglethain & a brathar. & sargud Conchobuir impu. & cath{MS folio 261a 10} do thabairt eturru iar sin isind oenló co torchratar tri chét de Ultaib eturru. & ingenrad Ulad do marbad do Dubthach ria matain.
34475] iarum Emain do loscud do Fergus. Iss ed lotar iarum co Ailill & co Meidb ar rofetatar is sí lanamain ro failsad. & dano nibu chul{MS folio 261a 15} serci do Ultaib. Tricha cét rop é lín na llongsi. Co cend se mbliadan dec niro an gol na crith leo i nUltaib. acht gol & crith leo cech oenaidchi.
34480] Bliadain dissi trá i fail Conchobuir. & risin resin niro thib gen ngairi. & ni doid a sáith do biud na chotlud. & ní thuargaib a cend da glún. In tan dí dobertís na hairfiti di is and atberedsi.

p.1167

    1. {MS folio 261a}Cid caín lib in laechrad laind
      cengtai Emain iar tochaim;

      34485] {MS folio 261a 20} airddiu docingtis dia taig
      tri meic adlaechda Uisnig.
    2. Noísi co mid chollan chain.
      folcud limsa dó 'con tein;
      Arddan co ndam no muicc maiss.

      34490] aslang Andle dar arddais.
    3. Cid milis lib a mmid mass.
      ibes mac Nessa nithmass;
      baíthium riam rén for bru.
      biad menic ba millsiu.

    4. 34495] {MS folio 261a 25} Oro sernad Noísi nár.
      fulocht for feda fianchlar;
      ba millsiu cach biud fo mil
      araralad mac Usnig.
    5. Cid binni lib in cach mí

      34500] cuslennaig vel chornairi;
      is í mo chobais indiu;
      rochuala céol bad binniu.
    6. Bind la Conchobor for ri
      cuslennaig vel chornairi;

      34505] binniu lemsa clóth nell.
      sian no gebtis meic Uislend.
    7. {MS folio 261a 30} Fogur tuinni toirm Noísi.
      ba ceol bind bithchloísi;
      coblach Arddain ropo maith.

      34510] andord Andle dia uarbaith
    8. Noísi ro noad a fert
      ba dirsan in comaitecht;
      do ro dalius drong tria alt
      in dig tonnaid dia n-erbalt.

      9. p.1168


    9. 34515] {MS folio 261a} Inmain berthán áilli a blai.
      tucthach duine cid dinblai;
      {MS folio 261a 35} ba dirsand nad resco indiu.
      mac Uisnig do idnaidiu.
    10. Inmain menma cobsaid cáir.

      34520] inmain óclách ard imnáir;
      iar n-imthecht dar feda fál.
      inmain costal i tiugnár.
    11. Inmain súil glass carddais mná
      ba hamnas fri ecrata.

      34525] iar cuairt chaille comul sáer.
      inmain andord tria dubraed.
    12. {MS folio 261a 40} Ni chotlu trá
      & ni chorcu m'ingne.
      fáilte ni thaet imm aire.

      34530] or nach taide mac Tindle.
    13. Ni chotlu
      leth na haidche im ligu.
      focheird mo cheird imm drungu.
      sech ní lungu ní thibiu.
    14. Falti indiu nídam úain

      34535] i ndail Emna ercdair saír.
      na síd na suba na sám.
      na tech már na cumthach caín. C.

{MS folio 261a 45} In tan dí no bid Conchobor oca halgenugudsi is and atberedsi.


    1. 34540] A Chonchobuir cid no taí
      dorurmis dam brón fo chaí
      is ed am cein no mmair
      do serc lim níba romair.
    2. In rop ailliu lim fo nim

      34545] & an rop inmainib.
      rucais úaim mór in bét.
      connach acciu com éc.

      3. p.1169

    3. {MS folio 261a 50} A ingnais is torsi dam
      tucht domadbat mac Uislen.

      34550] caurnán círdubdar corp ngel.
      ba suachnid sech ilar mban.
    4. {MS folio 261b} Da grúad chorcra cainiu srath.
      beoil deirg abrait fo daildath.
      detgein némanda fo lí

      34555] amal soerdath snechtaidi.
    5. Bá suachnid a eirred nglan
      eter fiannaib fer nAlban.
      fúan cain corcra comul cóir.
      cona imthacmung dergóir.

    6. 34560] {MS folio 261b 5} Inar srólda sét co mbríg.
      i mbui cét lám ilar mín.
      fora imdenam is gle
      coíca unga findruine.
    7. Claideb órduirn ina láim

      34565] da gai glassa co ngáethgráin;
      finden co mbil óir buide
      & taul argait furri.
    8. Forruich frind Fergus find.
      ar tabairt darsa morlind;

      34570] {MS folio 261b 10} ro rir a einech ar chuirm
      dorochratar a morgluind.
    9. Ciano betis forsin maig.
      Ulaid im gnúis Conchobuir.
      doberaindse uile cen chath.

      34575] ar gnais Noisi meic Uislean.
    10. Na briss indiu mo chride
      mosricub mo mochlige '
      is tressiu cuma inda muir.
      madda eola a Chonchobuir. A.

p.1170

{MS folio 261b 15} Cid as mó miscais lat atchí ar Conchobor. tussu ám or si & Eogan
34580] mac Durthacht. Biaso dano bliadain i fail Eogain ar Conchobor. dosbert iarum for láim Eogain. Lotar arnabárach do áenuch Murthemni Buísi ar cúl Eogain i carput. Dorarngertsi nach facfed{MS folio 261b 20} a da céili for talmain i n-oenfecht. Maith a Derdriu ar Conchobor.
34585] Súil chaírech eter da rethi gniisiu etrumsa & Eogan. Ro baí ail chlochi mór ara cind. Dolleici a cend immon cloich co nderna brúrig dia cind combo marb. Longas mac Usnig in sin. & Longas Fergusa & Aided mac nUisnig & Drerdrend Finit. Á. finit.

p.1171