BOí rí amra for Tuathaib Dea i nHere. Dagan a ainm. Ba
mór dí a chumachta. ced la Maccu Miled iar ngabail in tíre.{MS folio 245b 45}
ar collset Tuatha Dea ith & blicht im Maccu Miled. co
ndingsat chairddes in Dagdai. Doessartsaide iarum ith & blicht
32915] dóib. Ba mór dí a chumachtasom in tan ba rí i tossuch. & ba hé
{MS folio 245b 50} fodail inna side do feraib Dea .i. Lug mac Ethnend i sSíd
Rodrubán. Ogma i sSíd Aircheltrai. Don Dagdu fessin im Síth
Leithet Lachtmaige oí asíd Cnocc Báine. Brú Ruair. Síd in{MS folio 246a}
Broga dano ba laiss i tossuch. amal asberat. Do lluid dí in Mac
32920] Oac cosin Dagda. do chungid feraind o forodail do chách. ba {MS folio 246a 5} daltasaide dí do Midir Breg Léith. & do Nindid fáith. nimthá
duit ol in Dagda. Ni tharnaic fodail lemm. Etá dam dí ol in Mac
Ooc. Cid bia co n-aidchi it trib féin. dobreth dosom ón iarum.
Collá dot daim tra ol in Dagda uaire doromailt do ré Is menand
32925] {MS folio 246a 10} olse. is laa & adaig in bith uile. & iss ed on doratad damsa. Luid dó Dagán ass iarum & anaid in Macc Oóc ina síd. Amra dano a tír
hisin. Ataat tri chrand co torud and do grés. & mucc bithbeo fo{MS folio 246a 25}
chossaib & mucc fonaithe. & lestar co llind sainemail. & ni erchranand
sin uile do grés.,