Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 11

Cathcharpat serda

{MS folio 189a} ATchondarc and carput féig foduirn fethamail findruine. co llús co llúas co llangliccus. co pupaill uanicda Co fertsib {MS folio 189a 5} findruini. Co rrothaib finduma. Co creitt uraird dírig drésachtaich
24860] dásachtaig caemchnessairt cholggfata. cholggatchain. Co carput chraeslethan chraesluath. ar da n-echaib cróda comardda. At {MS folio 189a 10} íat bágaig bruiche bolgruisc. At é dronchobcha. At íat cendbeca cruindbeca baslethna. leslethna. Cruich lúig. At iat redgcaig bedgaich bolgsróin bruinnideirg co lluas ainle vel chliabaig dar cétroí
24865] {MS folio 189a 15} vel side gaethe dar cend magdaire machaire. Is é tricci & tarpigi & trebarluas connagat na eich ardmora aibinni atchonnarc amae.

Atchonnacc and araile ech luath lutlugmar luglemmennach. {MS folio 189a 20} maignech tairngech fulud cetharchrua. lúth buada beres conbenas. Aíblech tened trichemruaid taitnes dar craes a globarchind.
24870] Dofuil araile and ech cenand cael coscrundfata seng seta seredchael. {MS folio 189a 25} casmonggach chaschairchech drondub dualach dualbras irforad ard imamnais.

Dofuil sin charputsin laech foltfind foltlebor nirt chomsid {MS folio 189a 30} cumachtaig. lainech derg daigerla na láim. hí ar derglassad
24875] anflaith uas én etarluamnaig uasaib dó Dofuilet tri fuilt arin laechsin. folt dond fri tuind. folt find iar n-irmedón. mind n-orda {MS folio 189a 35} ra tuigedar. Uii. tibri cechtar a da grúad.uii. ruithni cecha tibri dibside. uii. meic imlesain cechtar a da rosc. rind glasgorm gér lais. Uii. meóir cechtar a da lám. Dofailet araile cechtar a
24880] {MS folio 189a 40} da choss. Fuan casscorcra imbi. Mílech óir deirg issin brutt osa bánbrunnichair. Dofuil léine slemunchael sítaide i caustul ra gelchness dó Dofilet cethri léinti fichet tarsibsin ammuig {MS folio 189a 45} anechtair. ar is iatsin bít ri baccaib & refedaib dósom. Dofuil cathchris comlaind imbi. Congeib ó chond a leisi co holl a ochsaille.
24885] Dofuil inar fandchlechtach forórda immi. neoch mar imfúaig {MS folio 189a 50} snáthat d'ór iarna írbrunniud vel d'argut arna sochumtach. Dofuil bernfuathbróc srethach sróllaide cona cimais de banór bricc ria sechtair. Congeib ar tiug a bánsliasat co cumtuch a chuirp. {MS folio 189a 55} Dofuil cathbarr cirach clárach comecartha do gemmaib solusglana
24890] do chumtuch ingantach tiri Arabiae .i. críchi na Sorcha. a ferand mín Manannam doberthe dosom do ascid flatha. Dofuil bopulsciath {MS folio 189a 60} dub delgnach díchummais. cona deich findbolggaib fichet findruine.


p.834

{MS folio 189b} cona imlind airaird ordaide cona slaitt comthind chreduma cona bil aithgéir argdidi. cona loss imthróm iarnaide. fedagin fail co
24895] {MS folio 189b 5} cuired i talmain hí do chur ber & sleg & saiget & rend & arm & faebur. Cona slabraig linig loga dar gelgualandchur dó Dofail claideb claslethan cruaidgér cona da traigid n-imchumside eter {MS folio 189b 10} da n-og n-imfaebair dó Co feit co cruas co colgdirgi. co llethad finna fri barrfoth. ra gére & áithe & eltnadacht dó Co truaill
24900] {MS folio 189b 15} féta fichthi finddruine. co n-imscing airgdide co cumtuch órda. Da sleig crandmóra cendglassa cúicrindi curatta laiss. is iat nemnecha faeburgoirti co crú dia ruamnaitis rind. Co súanmib {MS folio 189b 20} ruisc rogaid. tria fagaib na crand ciaburderg.

Ara comsid círdub i n-airinuch in charpait. Cochullbratt sróllaide
24905] {MS folio 189b 25} imbi. Clár gemnide do lííc logmair congeib dara béletan conid dín ar derdain & donind dó, na léic bréic tessaidechta na inorbairt gni chuci. Crand casmongach na láim. magarscís echraide.

{MS folio 189b 30} Samalta lim ra trí airdi ind echradsin. elta duben ós chind arbaige. vel ra cáer tentide. vel ra cith snechtaide. ba samalta lim na fóit
24910] tarrruada tairrdergga curit i cleithe firmimenti ic drecma erma {MS folio 189b 35} darsin mag. Ba samalta lim fri sponcaiblig teined trichemrúaid taitnes dar craes glóbarchind dóib.

Flesc arggit gil i lláim ind arad ic sobrostugud na hechraide na {MS folio 189b 40} tiagat céim forddail acht ammar as dess & as less & as licht lassin
24915] óclach atchonnacc. At.


p.835