Corpus of Electronic Texts Edition
Book of Leinster, formerly Lebar na Núachongbála (Author: [unknown])
section 7
A Ngluind a n-echta a n-orgni
- {MS folio 183b} ANgluind a n-echta a n-orgni
batar infir
is lia turim
connachas clunid o filid.
-
23715] {MS folio 183b 20} Fecht ro buí Muridach mac Eogain
and i mbaegul
ina thalgud.
osin tracht ágmar a oenur.
- Ba and dolluid
Eocho Abratchain mac Écuind.
co mbert in mac
co tart fo thlacht ina thétluing.
- Dar trethan trom
ro fuc in goll leis in ngilla
23720] na crích cranda
fúair gním ngalla o ríg Crinna.
- {MS folio 183b 25} Cinged issin sliab
co tabrad fiad in dian drechach
téitgel triathglan
dó ba hecen biath ad Echach
- Ingnad in gnim
don mac cen lín cen choin celig
ar luas a choss
tarrachtain oss isna slebib.
-
23725] Sechtmain .uii. mís
& uii. mbliadna boí amlaid
{MS folio 183b 30} darsin lindmuir
co tanic inbuid samraid.
- Slecht leis iar sein
Eocho do rúadgním a roairm
dia beirt bindgil
tuc Eirc ingin Loairn.
- Lán ind Heriu
do gnímaib sil Eogain Ailig
23730] co mbuaid bladaig
oc saigid ni suail ro sainig.
- Slecht .lx. ríg & da coicait
ruirech rathach
{MS folio 183b 35} brechta brígail
mac Erca i ndigail a athar
- Im fer co riab
nad chloitis catha na cure.
gleorgda glaine
im mil Europa ule
-
23735] Orgain na Cliach
o Luachair co Cassel Muman
im iath nArad
on triath ro thogal mag Muman
- {MS folio 183b 40} Mor gním Ainmere mac Setnai
nirbo snedbéim
gledgus glemin
dofuit la Fergus mac Crundniaíl.
p.798
- {MS folio 183b} Ni lugu in scel
Conall Cael no chanad dublaíd
23740] ergnus n-imléir
doceir la Fergus mac Crundmaíl.
- Cid arg Airgiall
Dunchad mac Ultan na orbbo
{MS folio 183b 45} Mael Dúin dordmass
rod ciúir i nDún forglas Forgo.
- Fecht aile dó
dorat for triuno tuath tetchill
ba broscur bríg
loscud na ríg i nDún Chethirn.
-
23745] Clothrí Ciannachta Cenn Faelad
and ro anmaid
{MS folio 183b 50} cond Cruthne crích
& Dungal mac scíth Scandail.
- Selaig Fergal
flaith Féic follnastar for Bregmnaig
ni Franc forbbaig
acht is Conall Grant ua Cernaig.
- Conaing Cnogba
mac Amalgada co n-ainiuch.
23750] la Aed nAllan
fuair in fael farran i nAiliuch.
- {MS folio 183b 55} Ort leiss Tommaltach mac Dunechda na ndiberg
cen aichnius cuir
& Flaithgius mac Duib Diberg
- Dochuaid Aed síar co Tír Da Glass
ba gnim n-achar
caem alt i céin
taeb. acht a réir o Chathul.
-
23755] Cechaing Niall Frossach secht cétaib
cian bas cuman
{MS folio 183b 60} iar triall Lagen
co tuc cét a tír Muman.
- {MS folio 184a} Mad Aed Ordnide ros
cacht fri coemgrís.
sadbrite in rí
ort Lagniu o trí sinn oenmís.
- Mór in siriud
ó Áth Chlíath co Carn caem Cornáin
23760] teri am imslán
iar n-argain im germaig Gabráin.
- Garg in chrech dorat dar Ultu
cen nach sena
{MS folio 184a 5} ganna grianna
rosiacht o Banna co Brena.
- Troethais cu
Essa Ruaid co rrogail rolaind.
marbsat a slóig
Rogallach clainne cóir Conaill.
p.799
-
23765] {MS folio 184a} Cond clainne Cein
Cumnascach mac Tuathail tolgda
la Murchad már
dorochair ardrí án orbba.
- Ardrí Herend
Niall Caille la chobair daidbre.
{MS folio 184a 10} is turim fír
ro sudig da rig for Laigniu.
- Lanorggain leis
Mide co Bondammair mbechda.
23770] ní drend dochla
Fer Cell & Tethba.
- Ro briss Aed Findliath for Gaillu
i nIthu achar.
Alpdu for tuind
ro élai a llung a athar.
- In tAed cetna
ro folaig Gaillu in gormthorc
ros cacht fo cháin
is dorat lám dara longphort.
-
23775] {MS folio 184a 15} Lamair Lorcán
mac caem Cathail ciarbo bine
ro and brónbríg
in tan ro dall morríg Mide.
- Morarggain Maige &
Mide miduill
trebar ros túir
otá Belach nDúin co Sinaind.
- Slecht leis Flannacan fial feithmech
in dían debthach
23780] rí Dáil Araide nos othrad
mac án Echdach.
- {MS folio 184a 20} Orggsit in Gaill
Insi Dar Gargrend na curchach
ciaptar arntha
uile ro narbtha la Murchad.
- Muridach mac Maele Duin din
nAirther n-aebda
glacc na ngormland
ro bíth la Domn all mac Aeda.
-
23785] Ardrí Airgiall
Mael Duin mac Fergaile ind forlaind
rothuir na rand
dorochair la Fland mac Domnaill.
- {MS folio 184a 25} Dochuaid Niall Glundub co Grellaig
Elte i nEchdruim
leis ar oenlus
dorochair Oengus hua Mael Sechnaill.
p.800
- {MS folio 184a} Slecht la Fergal
ár nGall i nGlind Gerg co nglasse.
23790] da fichet déc ni dám disse
i n-ár Asse.
- Assin Taltin inbaid oenaig
ed adfédem
dréim dar firu
ro chacht mac Neill firu Herend.
- {MS folio 184a 30} É féin dia n-éis
ro chacht i n-oenuch na n-ollchar
co slán salmchar
araí ciarbo chrad do Dondchad.
-
23795] Do sein dolluid co firu Fotla
finnu fialu
dune as dánu
corra gaib ule a ngiallu.
- Conos tuc iarum do Dondchad
molbthar massib
ellach n-ossaid
ro chossain im Chellach Casil.
- {MS folio 184a 35} Cathroíniud riam forsna Gaullu
co Snám Aignech
23800] nirbo bét and
na da chét iarna n-airlech.
- Ort leis Gamandrad Locha Cuan
co n-echtaib umal
torcaid anad
co horgain Arad is Ulad.
- Ulaid iar n-ír
& na Gaill im gním ngretha
ba trian trucha
lotar ass síar co Sliab Betha.
-
23805] {MS folio 184a 40} Ro briss mac Néill forro do léir
lith cen chaemna
for Amlaíb argg
is for Matudán mac n-ard nAeda.
- Ar da fichet
& da cét cend rochlune
díb co Rige.
isna gabala ile ule.
- Ort leis in tríath
Torolb ro tríall cach rían rethach
23810] tollais trocha
dia mboí i llongais Locha chach.
- Oirggis Insi Gall in gargrí
ba gním nglegrach
{MS folio 184a 45} nirbo dograch
tuc a forbach i tír Temrach.
- Troethais Ciannacht Glinne Gemin
ní gn ím ngoa
Goach do guin
is de contuil mac Duib Roa.
p.801
-
23815] {MS folio 184a} Ro airgset Gaill glóir Ard Macha mór
imma sniib.
mac Neill ni bréc
ro marb for sét da cét diib.
- {MS folio 184a 50} Dith leis ríg Loegaire laindrig
linib ilaeb.
nirbo dogairm
in caur i diarbo chomainm Cinaed.
- Ba cruaid in céim
ruc mac Néill Conaing in chumtaig.
23820] sar for sét seng
ar trí .c. cend leis do Ultaib.
- Dochuaid hua Neill i mMide múad
mó cech dechraind
co clú chlothbind
coro dall hua Mael Shechlaind.
- {MS folio 184a 55} Selaid Murchad
mathe fer nÓl nÉcmacht n-ollalt
míne mennat.
& ro gab rígi Connacht.
-
23825] Caemua Cerbaill
Laidgnén Locha Uatne foraill.
in del delbglan
dolluid la Fergal mac Conaing.
- Cechaing Aed Ailig for creich i
mBrefni bladach.
leis cid cían cuairt
dorochair Niall ua Ruairc rebach.
- {MS folio 184a 60} Ro slecht Conaire ocon cheti
in caur cetna.
23830] Matudán már
is and forurim ág n-éca.
- {MS folio 184b} Éclond aicme Énna Oengus
ardd a chonggaib
docer la síl Eogain ammail
ciarbo ollam.
- Ardrí cheneoil Lugdach laindrig
luadit gormraind
rodas bruí síl Eogain n-imrind
tri uí Domnaill.
- {MS folio 184b 5}
23835] Degrí Derluis
dothutim im Furadrán fuatlán
Cú Chaille chrúaid
& romac in ruaid Ruarcán.
- Rí hua nDorthaind
Maelán docer leo i rroí chatha
i tessaig thrucha
ro bith flaith hua mBresail Macha.
- Mandrais Flaithbertach fial
na ngíall nglacban
{MS folio 184b 10}
23840] las rubad fael
Cú Ulad is Aed is Artán.
p.802
- {MS folio 184b} Ard hua Canaind Caille Conaill
cirrsit claidib.
rotrén reraig
coro ndedaig Aed Ailig.
- Anrad aile
Mathgamain clainne Céin calma
ba fial fodla
dorochair la Niall n-ard n-amra.
- {MS folio 184b 15}
23845] Árim a crech
ní étann nech ní nach ada.
cid as aidbli coro áirmi
gainmi in mara.
- Meraid co bráth
a n-adchoad do chach dia nglonnaib
ní ara n-écnach
ní écind cétmad dia nglonnaib.
- Fland fer legind ó Manistir
rod mór Dia.
23850] iss é dosróna
dia n-iarfais nech croda cia. C.
p.803