Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 6

Aní doronsat do chalmu


    1. 23575] {MS folio 182b} ANí doronsat do chalmu
      clanna Eogain.
      cia 'meradid
      ní etat a arim eolaig.
    2. Inn eol dúib cath Slebe Cua
      clú co certa
      {MS folio 182b 15} mebaid cen brón
      ria Murchertach mór mac Erca.
    3. Ocus cath Ocha
      for Ailill Molt is mó gessib

      23580] triathach tossach
      i torchair hua Fiachrach fessin.
    4. Ocus cath Gránne for Findchath
      fegait eolaig
      ria Murchertach co clú cáemfir
      ria n-u nEogain.
    5. Cath Cell Osnaid for sluago Muman
      is mó sechme
      {MS folio 182b 20} i torchair Oengus co n-achri
      & Eithne.

    6. 23585] Ocus cath Inde for Illaind
      i mbíth glanfer
      fraech for feraib
      isin debaid fri laech Lagen.
    7. Is cath Delgga
      cath Mucrama ba mór glondalt.
      cath i Tuaim Drubi dia ndrengat
      for slúag Connacht.
    8. Is cath cegsa
      i torchair Duach Tenga Uma.

      23590] {MS folio 182b 25} mebaid ria Murchertach Mena
      ba mór guba.
    9. Is cath Culi cath Dromma
      troeta flathi.
      cath i mMaig Airb
      & in cath i nArd Machi.
    10. Cath Almaini
      cath Chind Eich & cath Ailbe
      ro bris in tríath
      & in cath i n-iath Adni.

    11. 23595] Is cath Detna
      i torchair Ardgal mac Conaill
      rige ferand
      la cath Átha Sige sonaim.
    12. {MS folio 182b 30} Serbchath Slebe
      Eblinne for mathe Muman
      is for Echaid Sremm i farcbad
      ilar cend curad.
    13. Certfichi cath
      is a dó ro rath rele recta

      23600] ro briss cen brón
      Murchertach mór mac Erca.

    14. p.792

    15. {MS folio 182b} Cath Slicige
      ria Fergus ria nDomnall ndruimnech.
      ni scél scenmnech
      i torchair Eogan Bél buidnech.
    16. {MS folio 182b 35} Cath Culi Conairi i Cera
      riana fairind.
      craeb chem chrobang
      i torchair Aed & Ailill.

    17. 23605] Cath Cule Dremne for Diarmait
      demni scélaib.
      i torchair.xxx. cét caínid
      dona trenaib.
    18. Is cath Mona Daire Lothair
      co llín Chruthne
      im Aed mBrec co mbríg docersat and
      secht ríg Cruthne.
    19. {MS folio 182b 40} Cath Gabra Lifi for Lagniu
      immaid chomland.

      23610] ollgus imgand
      mebaid ria Fergus ria nDomnall.
    20. Cath Slemna ria Colman Rímid
      na roraind.
      and ba dodaing
      do cheniul Eogain & Chonaill.
    21. Is cath Slabri
      for Brandub mac Echach ollguirm
      caem in forran
      ro briss Aed Ollán mac Domnuill.

    22. 23615] {MS folio 182b 45} Cath Slebe Tuad ria Subne Mend
      for claind Conaill
      toga trebaind
      i torchair Mael Coba Coraind.
    23. Cath Ratha Both ria Subne beos
      rodas broena.
      ollband ága
      mebaid for Domnall mac Aeda.
    24. Cath for Cummascach ria Crundmáel
      cetaib cumne

      23620] {MS folio 182b 50} for mac Ailella cen anble
      ria mac Subne.
    25. Ocus Conall mac lond Longsig
      réil a reimend.
      roba garggním
      i rrubad mac ardríg Herend.
    26. Cath Slebe Fúait
      ria Fergal dos fanair foí
      {MS folio 183a} dluthach nglee
      i mbíth Tnuthgal is Cú Roi

    27. 23625] Cath Findabrach
      for laechraid Lagen na luamland
      áeb na Herend
      i mbíth Aed mac Cellaig Cualand.

    28. p.793

    29. {MS folio 183a} Cath i torchair
      Inrechtach argg Connacht cnedmar
      mac Dúnchaid dúir
      la mac Mael Dúin la Fergal.
    30. {MS folio 183a 5} Cath in Oscair ria nAed Ollan
      cosinn ollgail

      23630] i torchair Fland Goan co nglanbail
      mac crón Congail.
    31. Cath Maige Ítha
      ria nAed for clanna Conaill
      foglaid feraind
      i rrubad mac Congail Conaing
    32. Cath for Airgiallo i fích Fiachrach
      naro omnus
      ba guban ngarb
      dia rubad oco charn Congus.

    33. 23635] {MS folio 183a 10} Cath Insi Áne for slúago
      Alban ulach
      ba bét bladach
      i farcbad lucht trí .c. curach.
    34. Cath Focharta
      for coímu in Chóicid nad chromthar
      og in t-anfad.
      i rrubad Aed Rón is Chonchath.
    35. Is cath Uchbath
      for laechraid Lagen lín orggain

      23640] Bran and ro bíth
      & Aed mac Colgain
    36. Cath Fraechmaige
      is cath Átha Medoin magdai.
      {MS folio 183a 15} ba bráth bodbai
      ced in cath oc Áth Da Charnai.
    37. Cath Irchara
      la Mael Duin nad charad cuindeilg
      olband aebda
      for Domnall mac Aeda Muindeirgg.

    38. 23645] Cath Clóitige
      ria nAed Ordnide ro eta.
      foroll fuacra
      forsin Domnall crodond cetna.
    39. Cath Dromma Ríg
      ria nAed for Claind Colmain comlaind.
      {MS folio 183a 20} co n-alt imrind
      i torcratar da mac Domnaill.
    40. Diarmait Odor
      & Finnachta na fodbrand
      gle n-imrall

      23650] derb roptar é a n-anmand
    41. Ocus Fallamain fial fuiglech
      ba dían degrach
      ropo garggnim
      inro bíth mac ardríg Temrach.

    42. p.794

    43. {MS folio 183a} Cath Sailtere
      ria Murchad muad ba mó gresaib
      cruadach cossair
      i torchair Mael buadach Bresail.

    44. 23655] {MS folio 183a 25} Cath for Danaru
      i nDaire Chalggaig nad chumthar
      fial in tairchel
      mebaid ria Niall is ria Murchad.
    45. Cath Maige Ítha for Gullo
      co ngnim gainne
      flaith fial Finne
      rodas cinne Níal cían Caille.
    46. Cath Leithe in Chaimm ria Níal Caille
      na slúag saindían

      23660] {MS folio 183a 30 } cuman comdian
      for rig nUlad for ríg nAirgiall.
    47. Atrullai ass
      rí Ulad mac Echach uamnach
      rig Airgiall ule i n-árbach
      acht mac Ruadrach.
    48. Ro bítha and tri meic Cathail
      cetaib cennach
      Cummascach Congalach corrach
      & Cellach

    49. 23665] Cath ria nAed Findliath for Gullo
      i nGlind Aichle
      {MS folio 183a 35} co rrabatar fó sár theichle
      iarna aithbe.
    50. Amnas cath Locha Febail
      ria nAed Arad
      cian bas cuman
      i rrubad da trian na nDanar.
    51. Andso in cath cerbb
      for Conaillib cerdd co nglanbríg

      23670] burbbu borbgnim
      mebaid for Ulto is for Anbith
    52. Doidngiu in cath i Cill Ua nDaigri
      andá cech dodaing
      {MS folio 183a 40} cen dianblait and
      Diarmait & Flann mac Conaing.
    53. Cath Gulbain Guirt ria Niall nGlundub
      ní gnim sruthe
      rig Connacht cáem doscomart
      im Mael Cluche.

    54. 23675] Cath Maige Uatha ria Fergal
      ferad flandbríg
      and ro scaíl badb
      dia rrubad Mael Garb mac Garbíth
    55. {MS folio 183a 45 } Cath ria mac Néill
      i mBairind i mbitha oaic
      ríg Gall na ngarglond.
      Aufer Albdon mac Roailt.

    56. p.795

    57. {MS folio 183a} Cath ria Murchad
      for Connachtu cen nach caemna

      23680] Cathal Cruachan
      i mbith is mac uathmar Aeda.
    58. Cath Formaili riam for Conall
      Cloen cen chisu
      {MS folio 183a 50} is for sluag Gall ngarg. i rrubad
      arg Mael ard Ísu.
    59. Cath Maige Nathrach ria nGlún
      i lLar os lógaill
      ni dál deróil
      i farcbad ár Cheneoil Chonaill.

    60. 23685] Cath Maige Glaiss
      ria n-ú Néill for clanda Conaill
      faen fua baraind
      ua cáem Conaing Gilla Colaim.
    61. {MS folio 183a 55} Cath i n-iath Ulad
      ria Murcherdach mac Domnaill
      i fargbad sluag Arad án
      iar crád Chomgaill.
    62. Cath Craíbe Telcha for Ultu
      ria nAed Arddaig

      23690] eochair orddain
      i torchair Eochaid mac Ardgair.
    63. Ocus Cu Dulig a mac is
      Garbith glondchar
      {MS folio 183a 60} luinde londbarr
      Dub Tuinne I omnall is Dondchad.
    64. {MS folio 183b} Na catha dedencha dremna
      a Dé dúlig
      i torcratar fir cena n-arim
      fora nglúnib.

    65. 23695] Cath Tracta Eothaili armid
      céim cen chorracht
      ro bris Ardgair ua na mallacht
      for slúag Connacht.
    66. Cath Maige Lenai na llurech
      ria slúag Ailig
      {MS folio 183a 5} cruaid in chomraind
      foruair mac Domnaill a aidid.
    67. Cath Corre Cullen na cuanart
      for Claind Conaill

      23700] nocorbo thimm
      ro deligthe a cind ria colaind.
    68. Cath Maige Lenai ro lamad
      ba leor derbaid
      Domnall co rrath
      ro briss in cath oc Ath Ergair.
    69. {MS folio 183a 10} Cath Craind Crichid
      ria Feraib na Craibe atchuala
      for Feraib Luirg
      ro brissed ropo chuaird chuanna.

    70. p.796


    71. 23705] {MS folio 183b} In ruac i mMaig Adar úane
      ria n-óa Lachlaind
      ní riachtatar chill
      ro batar cind iarna n-athraind.
    72. Olc ro batar Gaill in dune
      a Dé demin
      nocorb olc lim
      a mbeith cind ar chind ros tenid.
    73. {MS folio 183b 15} Cath Cind Chorad
      ria nDomnall mac Ardgair inmain

      23710] i torcratar fir cen anmain
      isind imguin.
    74. Cath for Ulto
      ria mac meic Lochlaind ind lacha
      Dond Slebe seng
      tucad a chend co hArd Macha. A.


p.797