Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 4

Fland Manistrech: Cind cethri ndíni iar Frigrind

    1. {MS folio 181b}
      23415] CInd cethri ndíni iar Frigrind
      forraig gleogal
      Ailech ágmar
      ro gab anrath airech Eogan.
    2. {MS folio 181b 15} Eogan mac Néill
      ro rígad i nAiliuch iaram
      uaig arrálad.
      ri ré da fichet buan bliadan.
    3. Baí Muridach and dia éis o
      dún ni dichet

      23420] fialglan fethet
      ri ré cethri mbliadan ficet.
    4. Fichi fa dí
      do Murchertach mór Mac Erca
      clethail chachta
      & a cethair co certa.
    5. {MS folio 181b 20} Certfichi a trí
      do Fergus do Domnall cen deochaid
      a .uii. do Baetán co mbrethaib
      & d'Eochaid.

    6. 23425] Oenocht mbliadan
      do Cholgain mac Domnaill dírig
      cobrad n-eolaig
      la trí secht do Cholmán Rímid.
    7. Oenocht mbliadan
      do Aed Ollán mac Domnaill os iathbla
      {MS folio 181b 25} dá secht do Subni Mind mórtha
      mac find Fiachna.
    8. Fég a dó do Máel find Fithrig
      iarna iarair

      23430] Ernain. mac Fiachnai in fénnid
      ré sé bliadnaib.
    9. A sé fo chethair do Chrundmáel
      mac saer Subni.
      cen locht do Fergus co foibdi
      a .uiii. umli.
    10. {MS folio 181b 30} A deich do Mael Duin mac Mael Fithrig
      mar ro faemad
      Fland let ós lind.
      a .xuiii. do mac Cind Faelad.

    11. 23435] Sé mís do Erthaile o Chrundmael
      cétaib cure
      gaine gaile
      sé mis do mac Maile Tuile.
    12. Tri secht mbliadan
      do mac Maile Duin do Fergal
      {MS folio 181b 35} clandad chomram
      tri .uii. do Aed Alláin na n-ergal
    13. Erbb úait.uii. cóic do Niall Frossach
      cia fuair forrán

      23440] a .x. daena
      do Mael Duin mac Aeda Allain.

    14. p.786

    15. {MS folio 181b} Oen ar trichait do Aed Ordnide
      naro fubthad
      dá dó cen rúin
      do mac Máele Dúin do Murchad.
    16. {MS folio 181b 40} Mad Niall Caille
      mac Aeda Orddnide airig.
      xx. a trí os laechMaig Lí
      ba rí Ailig.

    17. 23445] A cóic fá thrí
      do Mael Duin do mac Aeda ind Orddain
      a trí da secht
      do Aed Findliath fecht ni terc torcaib.
    18. Triallais Murchad mac Mel Duin
      ré .uii. mbliadan.
      {MS folio 181b 45} réil ro rélad
      conna gebad acht a giallad.
    19. Gabais a mac
      Flathbertach fri ré .ix. mbliadan

      23450] comrand caemfer
      malle & Domnall dianglan.
    20. Domnall iar sin
      fria .ix. déc fri dúrdul
      fial in fáelur malle
      & Niall Glundub.
    21. Gabais Niall for Temraig tírig
      ríge riarglain
      {MS folio 181b 50} Flaithbertach i nAiliuch Eogain
      teora bliadnaib.

    22. 23455] Noí mbliadna déc
      do Fergal mac Domnail dela.
      a .u. iar céin
      do Murchertach mac Néil neda.
    23. Teora bliadna déc do Domnall
      cona degblaid.
      i rríge Ailig co hergnaid
      riasin Temraig.
    24. {MS folio 182a} Tarraid Flaithbertach is Chond is
      Tadc co taigib

      23460] re ré .u. mbliadan co mbladaib
      ar mag Ailig.
    25. Oenbliadain déc
      do Murchad Glún i lLár lainech
      iar ngreis galach
      cen anad ropo leis Ailech.
    26. {MS folio 182a 5} A .uiii. do Domnall Ú Néill i
      nAliuch ergnaid
      firu fo dlaib
      iar mbeith i rrígu for Temraig.

    27. 23465] A trí fó thrí
      do Fergal i rrige Ailig.
      tri cóic la hóen
      eret ro gab Aed ind ainig.

    28. p.787

    29. {MS folio 182a} Trícha bliadan
      do Flathbertuch Hu Néill nemthruim
      Aed and ro thriall.
      málle & Niall mac Mael Sechnuill.
    30. {MS folio 182a 10} Sé rig déc dib
      ro gabsat for Herind ule

      23470] na ríg aile
      fuaratar bríg o cech dune.
    31. Díb Murchertach & Domnall
      Fergus fírdil.
      Baetán na ndám
      Eochaid is Cholman Rímid.
    32. Rím Aed Uaridnach Subne Mend
      is Fergal fossad
      Aed Ollan riam
      & a brathair Níall Frossach.

    33. 23475] {MS folio 182a 15} Fég Aed Ordnide is Niall Caille
      cetaib comland
      Aed Findliath fial
      in Glundub Niall & Domnall.
    34. Derb ro sechnus drem na llethríg
      ciabtar lanfir
      ardgus n-eolaig
      connachas tarddus i n-arim.
    35. A cóic cethrachat do rígaib
      ro gab Ailech
      {MS folio 182a 20}
      23480] ó Eogan fíal co toract Niall
      na ngiall ngraigech.
    36. Gébas Ailech
      armothá i rré arbia
      acht dréch ros foid
      ni fitir nech coich na cia. C.


p.788