Corpus of Electronic Texts Edition

Book of Leinster, formerly Lebar na Núachongbála (Author: [unknown])

section 29

19430] {MS folio 150b} Fland mac Lonain cecinit.

1. MAIccni Echach ard a ngle
   im Niall im chanaind Cairne;
   im Fergus frossaib rinni.
   im tri maccu Mongfinni.
2. 
   19435] Maith fer Fiachra feochair gal
   diarbo mac Na Thí tolchar
   {MS folio 150b 30} Brian ar Banba brollach
   frisrand Ailill anglonnach
3. Aichri tri ríg rot a ngal
   
   19440] maniptis ingrai do Chrimthan
   gabsat a cert cein buí thair
   for cuairt ardríg i nAlbain.
4. Ailill Brian breo dremon
   Fiachra find foltlebor
   
   19445] randsat Banba balc tóla
   i trí cuibrend chommóra.
5. {MS folio 150b 35} Cechaing cuccu Crimthand cass
   co n-uaill co n-ír co n-ernbass.
   cachtsus cách co llaechraid lais
   
   19450] i nInis ndualaig nDornglais.
6. Dolluid mathair mac nEchach.
   in bríg Mongfind márbrethach;
   gaid cairddine cor glinne
   do ríg daigrech Dárinne.
7. 
   19455] Dombert o húr na hindsi.
   dochum digi domillsi
   docer mac meic Dáre de.
   {MS folio 150b 40} de thonnud triin tremse.

---

p.638

8. {MS folio 150b} Mór gním doróni tria gus.
   
   19460] brath hui Dáire tria diummus.
   ba dé fertha fáth co saíre
   cath cruaid Corad Coenraige
9. Goíta Fiachra fer togach
   maidsi moga messchorach
   
   19465] ba hé tress rí adgeb guin {MS folio 150b 45}
   de slóg Dromma Eogabuil
10. Eo dega deirg druing ar dreich
    mac meic Muridaig Tírig.
    nirbo thriamuin ciarbo thrú.
    
    19470] co tuc Muman mórgiallú
11. Maicni fer fichsetar cath
    fri Fiachraig tarsin srath.
    fail coic deich dóib doí fri doí{MS folio 150b 50}
    im fert Fiachrach i foroí.
12. Cethrur do síl Breguind báin.
    
    19475] ro linsat Herind ollgraid.
    Eber. Ír. Lugaid nar lac
    Is Herimon in t-ardmac. M.

p.663