Corpus of Electronic Texts Edition
Book of Leinster, formerly Lebar na Núachongbála (Author: [unknown])
section 26
19295] {MS folio 150a} Fland Fina cecinit
- IN rigan ecnaid óg fial.
tochur ria noco degciall
cia beith i n-esmud inglan
dia hescur ní hergithan.
-
19300] Cliath ra heclais mairg dogní
do neoch dan áil a chaimchlí
feodaigid aigid is chlí
curid a nert ar nephní
- {MS folio 150a 15} Crinaid aicmi na fer mborbb
19305] digbaid a n-aicmi cid ard;
tochur ri clerchib olc ordd
is ri clerchib na camlorg.
- Súg na ecailsi ógi
mairg na n-ib i n-ecoiri.
19310] is adart uilc is fír trá
is malairt cuirp & anma.
- Cích na críni mairg na n-ib
dobeir díni fa gné duib
{MS folio 150a 20} cipe na ndenand nach dlig
19315] a ferand i nnim ni fuil.
- Feodaigid in tene in crand
cid caem a blath is a barr
nucun foirend óicín and
conid dub doti in t-ardchrand
-
19320] Loscid in tene in crand úr
o fageib a arddatúd;
is é in tene cen dibad
inn eclas inn ardrigan. IN.
p.633