Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 23

A Chormaic coisc do maicni

    1. {MS folio 149a} A Chormaic coisc do maicni

      19125] na rabais i n-athmius aicmi.
      ni mad bi ni mad chine
      nad choisc a bronnfine
    2. Biaid uair bud aithrech in baes
      {MS folio 149a 40} nit ain taithlech na togaes

      19130] not chraibdet im do thola
      do meic uaibrecha ingora
    3. Is firbriathar otá nem.
      ni throetha nach condarcel.
      ni cech cnú focing dia croíb

      19135] nibo du nach ríg robaíd.
    4. Muridach do mac ingar.
      dil lat Cairpre Liphechair
      mani tairberafod gus.
      ni gebat do chomarbus

    5. 19140] Cech rí nad choisc a maccu. {MS folio 149a 45}
      iss ed arbí de taccu.
      tairnit ind ríg dia ngalaib
      methait na meic iarmartaid
    6. Do meic do mogaid do gs

      19145] rothlas riu nocho robes
      ní maith mac ríg cen rige.
      olc moín mog cen bithdine

    7. p.626

    8. {MS folio 149a} Do mogaid & do maic
      nacha subaig a meic Airt;

      19150] coisc do mogada dot réir.
      cuir do maccu ar crich i ccein.
    9. Cech ara la
      [...]
      >et immach
      {MS folio 149a 50} ni rolá tuatha Temrach.
      ní tharda i rréir neich aile

      19155] do rígna do rechtaire.
    10. Mad comflathius duit rit chlaind
      nít bia acht saegul oencraind
      Rí ro delb nem násad n-ait
      noco ro baedh a Chormaic.

    11. 19160] Fiachnai mac Fergnai mogad
      fúair solad ní tá dolad;
      is dia réir atat in maic.
      ni duit fognad a Chormaic. C.


p.627