Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 19

{MS folio 148a} Fothad na Canone cecinit

    1. Cert cech rig co rréil
      do chlannaib Néil náir;
      Acht triar ni dlig cert

      18815] dia raib nert na laim.
    2. Abb Aird Macha móir
      rí Cassil na clíar;
      {MS folio 148a 25} rí Temra na drúib
      a hein duib in tríar.

    3. 18820] Tuatha Temra truimm
      airchinnig a chell.
      o flathib cen iarair
      acht riaguil a cend.
    4. A meic Néil cu nós

      18825] a Aíd is réil rús
      do thuatha fadéin
      tuc dot reir ar tús.
    5. Geib lat giallu caich
      corbat fiadu féig;

      18830] corbat comsid coisc {MS folio 148a 30}
      cech toisc mam teig.
    6. Na geib sid cen gíall
      for a tair do lám.
      a n-umle na tuath

      18835] narop guach do dál.
    7. Cid inmain in tuath
      bid imguin ri scáth.
      Co rrabat a ngéill
      it laim fein sech cach.

    8. p.614


    9. 18840] Tabair gemeal cruaid {MS folio 148a}
      for cimbid do chein
      ar is ferr a lecht
      anda a thecht cen réir.
    10. {MS folio 148a 35} Dena coinmed cruaid

      18845] do sluaig ar cech aiss
      dena ingilt ois
      narbat timtheirc tais.
    11. Cid brathair do rig
      o gebthair a giall.

      18850] acht coro thechta thech
      na saer nech ar biad.
    12. Bó geiles in fer.
      dam aires in tír.
      mucc ithes in mess

      18855] uadib fess do ríg.
    13. Do chis is do cháin
      do thabach co crúaid
      dlegair sin do ríg
      eter tír is tuaith

    14. 18860] Na cuinnig do chis {MS folio 148a 40}
      for duine na fael.
      is ferr uad a lleth
      anda a meth mar oen.
    15. Na cella cen cáin

      18865] rit reimes raith reil
      co rabais ós chach
      & cach dot reir
    16. Na cocair in fell
      na hacair for cill

      18870] madat firen flaith
      biaid cech maith rit lind

    17. p.615

    18. {MS folio 148a} Cennaig in mes mór
      & tess i ngin;
      cennaig ith & blicht

      18875] for slicht cech rig reil. {MS folio 148a 45}
    19. Cen gubreith do breith
      for saich nach for maith
      acht in changen fir.
      is dir do rig is do flaith.

    20. 18880] Eter chill is tuaith
      eter tuaith is tír.
      timmairg cach ria mod
      narop om do mír.
    21. T'anmchara fadein

      18885] t'almsana na láim.
      cid clerech glan gaeth
      cid laech cid fer graid.
    22. {MS folio 148a 50} Cádus don aes graid
      a nnárus dod réir.

      18890] a comet ar mnaib
      a degmeic nair Neil.
    23. Na clerig do reir
      na helig a ndáil
      a rrige do Niall
      18895] a ngiall ina láim.
    24. {MS folio 148b} Almsa menic maith
      don relic dan toich
      do Phatric do Dia
      bale i mbia fa chloich.

    25. 18900] Sin Macha na lleic
      cell cech ratha ruit.
      rit remes co bráth.
      eigem na gad cluic

    26. p.616

    27. {MS folio 148b} Na tróetar do guth

      18905] nar étar do brath.
      na bí bliadain meith
      {MS folio 148b 5} cen chreich vel cen chath.
    28. Dia no tecma crech
      a frecra co moch.

      18910] coro mara choidche.
      amal choirthe cloch
    29. Na bí i mbaegulan braith
      t'oenurán it boith.
      a orddan a Aíd

      18915] na tabair taíb ri troich.
    30. Echt Mael Móir nad mall
      nir gním cóir ro chind.
      marbad Tuathail tréin
      co torchair féin ind.

    31. 18920] Colmán Rímid riam {MS folio 148b 10}
      ort a mílid féin
      tabair sin dot óid
      & óig a chéill.
    32. Cland Eogain cen chleith

      18925] erraid deoraid daith
      onóir cech fir díb
      marbad ríg no flaith.
    33. Do brathir is do meic
      nos tathaig fot chuit.

      18930] ciarbot mathi miadaig
      ciarbot riaraig duit
    34. Cairpre Conall Cass
      no mmolam cen geiss
      cosa mbia na mbaig

      18935] bíit dot laim deiss. {MS folio 148b 15}

    35. p.617

    36. {MS folio 148b} Cland chaem Colla Uais
      clanna Cein do grís.
      i cath is a cléith
      dot laim sceith cen scis.

    37. 18940] Clanna Eogain aird
      na lleomain don leirg.
      rit chnes i cath cruaid
      cia na fúair a feirg.
    38. Clanna Colla Fo Chrí

      18945] na cóic fonna féig.
      tossach dóib ria cach
      bít for scáth do scéith.
    39. {MS folio 148b 20} Amsaig Ailig uill
      a lloss chlaidib chaim.

      18950] dot chomét co gúr
      bít fort chúl do Gaill.
    40. Ainech coitchend cáich
      co forcend co féig
      cen diultad ri nech

      18955] ciabia leth i teig.
    41. Na tuatha do chosc
      corbat luatha lesc
      do thathi chruid neic
      da mbeith ina teist.
    42. {MS folio 148b 25} Cech olc dogní in tuath

      18960] cluin a rí na rrath.
      feig a chéil cen chron
      ort a chol sech cach.
    43. Aes gráid in cech cill
      co saidbir is co soimm

      18965] cen dith bruit na bíd.
      eter mír is loimm.

    44. p.618

    45. {MS folio 148b} Athnugud na cell
      tria rathmunud mind.

      18970] crabud ecna óg
      libuir lór rit lind
    46. Cen mebail cen meing
      cen debaid mad cam.
      {MS folio 148b 30} cen chlerchi do cheilg

      18975] cen feirg risin fand.
    47. Cen chongnam fri trén.
      acht fognam co fír.
      co rraib rige réil
      ocut fein is cot síl.

    48. 18980] Na toisig fot smacht
      cidat noisig nirt.
      cia beith olc na crí
      connach tí for beirt.
    49. Secht n-ingena ríg

      18985] ic timdibi thuath.
      ic feis ri cach mbaeth
      cid lesc ri laech lúath
    50. {MS folio 148b 35} Gemel cruaid i coiss
      is riag ruad ri haiss

      18990] cuithe salach súg.
      carcar cúl ri claiss.
    51. Usce faebur feith
      tene baegail braith
      is iatsin dogní sid.

      18995] re ré cach ríg maith
    52. Cipe dogné in ngait
      bid mor a mela duit
      mad dia fagba a dín
      i tig ríg no chluic

    53. p.619


    54. 19000] Cech merlech borb baeth. {MS folio 148b}
      {MS folio 148b 40} a erlech co lluath
      itt suil co dig brod
      dia ngabthair crod uad.
    55. Dia no tecma slait

      19005] do bachla is do chluic
      i cein ce ro aithe
      niro caithe a cuit.
    56. Can sadaile súain.
      a sarduine sair

      19010] dia ndechais for cúl
      caide dún do main.
    57. Ar th'agid do nós
      a dagfir co ngais
      do rige for as

      19015] amal ás for th' ais
    58. {MS folio 148b 45} Cid étar cid úain
      cen écen ar mnáib
      cid ail cencop áil
      bíd cáin arna gáib.

    59. 19020] Na bíd laech cen arm.
      narop maeth a muirn
      nar dech fo mebail.
      narop debaid duirn
    60. Cen chinaid for mnai

      19025] do reir dliged Dé
      athair meic no fir
      iss ed atbeir me.

    61. p.620

    62. {MS folio 148b} Cid ben dogné drúis
      for tuaith vel sin chill

      19030] acht intí dogneth
      {MS folio 148b 50} na marbthar nech ind.
    63. O ré Cormaic caiss
      meic Airt uasal áin
      dlegait Ulaid ríam

      19035] gabail giall rit laim.
    64. Ni thic dím inniug
      nach innocht
      nach ambarach co becht
      cia no beindse dís

    65. 19040]

      fis do chís co cert. C.


p.621