Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 17

Ailill Ólomm: A Maccáin ná cí

    1. {MS folio 147a} A Maccáin ná cí
      ciaso dogra ara tai.

      18485] mo chride doslofa
      dia clorsa do chui.
    2. Dia clorsa do chui
      bid comrac da cua.
      meraid co tí brath

      18490] bid cond cach co húa
    3. Is úa dobeir cheird
      is sain cerd cech
      toich duit cidat ri
      toich duit cidat drui.

    4. 18495] {MS folio 147a 5} Is derb iss í 's fír
      fotracbad ar fán
      do baídathair baíd
      na toraig dot dáil
    5. Na toraig dot dáil

      18500] in bé thondgel toich.
      do mathair in maith
      co mbeba dot breith.
    6. Co mbeba dot breith
      do mathair in maith

      18505] osdo chind cen chleith
      ro boí i tind fri cloich.
    7. Ro boí i tind fri cloich
      Moncha ingen Díl
      coro genteasu i nn-uair

      18510] genemna do ríg.
    8. Biat risiu co derb
      doratad fort seilb.
      toisechu bia marb
      oldas bia meirb.

    9. p.603


    10. 18515] Biat mathi do chland {MS folio 147a}
      {MS folio 147a 10} bid airegda in drong
      bid roga for laechaib
      tracht i tecaib tond.
    11. Do nert o Thaig Duind

      18520] sair co Áth cruind Cliath
      bud é t'ainm la cach
      Fiachu Fer Da Liach.
    12. Dá liach deit a n-éc
      aróen ba echt mór.

      18525] t'athair is do mathair
      ar do banthaig brón.
    13. T'athair is do mathair
      da mórecht immaig.
      gáet in fer i cath

      18530] marb in ben dot breith.
    14. {MS folio 147a 15} Mo bennacht for Eogan
      ri Eogan a eó
      bennacht fora marb
      bennacht fora beo.

    15. 18535] In bennachtsin béus
      feib as dech atchuas
      dobiursa dia eis
      fort mullach anuas.
    16. Corbat nirt i fus

      18540] biat banna ria frais.
      corbat rí rofes
      i ndiaid Cormaic Caiss.
    17. Corbat cara sluaig
      corbat roga ríg

      18545] corbat cruithnecht chaem.
      corbat craeb co fín.

    18. p.604

    19. {MS folio 147a} For réli do chluith
      {MS folio 147a 20} biat forscailtech raith
      sochaide not riarfa

      18550] bid tú in Fiacha flaith
    20. Flathius oc do síl
      suba síd & sám.
      ith blicht buidne buadcha
      do thuatha ocdo grád.

    21. 18555] A gillai bic buíd
      ni fetursu dúad.
      ní thanic do chiall
      fotcicher i súan.
    22. Nim chicher i súan

      18560] tatham dual do bruc.
      marbad mo .uii. mac
      for Mucrama mucc.
    23. Ro marbad mo mac
      & mo sé meic.

      18565] diliu lim mo mac
      andát mo .uii. meic.
    24. {MS folio 147a 25} Mug Corb. is Dubmercon.
      Dichorb. Eocho ard.
      ropdar croda cruaid

      18570] Lugaid & Tadg
    25. Diliu limsa Eogan
      andat ciarbat ile
      rop é smir mo chnama
      rop hí in chuslend cride

    26. 18575] Rop é cond mo slúaig
      rop é mo choll ciúin
      rop é cuit mo bél
      rop hí mo chruit ciuil

    27. p.605

    28. {MS folio 147a} Am cumthach dia éis

      18580] nidam tualnge duis
      am aneoil dia eis
      is todiúir mo gnúis.
    29. {MS folio 147a 30} Domrigne losc lén
      ató im thost im thnúth

      18585] ro léic mo da láim
      ro chraid mo da súil.
    30. Rop eó úasind fid
      ropo rígda ind rail
      in tan atracht Mac Con

      18590] a dlom ferge fair
    31. Bid fiu da Mac Con
      in cundscle darat
      a mathair dind ulc
      cen brathair cen mac.

    32. 18595] Mo mind ríg mo rígscíath
      {MS folio 147a 35} mo chlaideb rim gó
      mo chathmerge cenand
      ro thairc ferand fó
    33. Beo thimnaim do Chass

      18600] bid cuibrend cu sliss
      biat ecla ria Cass
      amal tein for criss.
    34. Bid claideb ri slaide
      bid craide re hír

      18605] daig bidat gai géra
      fogena dia síl.
    35. Cartfait clanna Iareoil
      dia coille dia clár.
      gentair amal turcu

      18610] losfait amal grán

    36. p.606

    37. {MS folio 147a} Nicon gébthar friu
      {MS folio 147a 40} for domim na ngleo.
      ríge n-uathmar n-ecnech.
      laechda leitmech leó

    38. 18615] Rolaus cian i cein
      ardo charait i mbrón.
      cid é Cas mo leoman
      rop é Eogan m'ór
    39. Rop fortrén mo greim

      18620] cach crich arbam cend.
      niro thullius buide
      ropom tuire tend.
    40. Dom thuathaib co tricc
      nir threicius dom smacht

      18625] ni thubat a meic
      i n-agid mo mac.
    41. Ni mór foracbus
      eter da romra rian.
      for clár na trí coiced

      18630] coicfer narom giall.
    42. {MS folio 147a 45} Cach giall i ngemil
      cach gillchaide i nglass
      cech echtach cach angbaid
      i slabraid ros nass

    43. 18635] Cach sodomna ríg
      da rígflaith a láim
      a chomet ar glinne
      coro chinne a dáil.
    44. Cach doerchland cach merlech

      18640] na marbthar a rrec.
      triar oc ríg dia n-altram
      gebend carcar cepp.

    45. p.607

    46. {MS folio 147a} Cach cintach nach coiscther
      cech bithbinech braith.

      18645] o gebind co cuthi
      ó chuthe co croich.
    47. Ro chertus for Lagniu
      lánéraic glais gluind
      ní moídet in n-ammus

      18650] tarras is ro thuill.
    48. {MS folio 147a 50} Tucus ri toeb criche
      cia heraic bad mó
      dub dés is dub tuinne
      .c. n-unge is .c. mbo.

    49. 18655] Ri cech mbaethlach báes
      ri cech mbidbaid bás
      ri cech trén a thalam
      ri cech truag a thlas.
    50. Is é in tecosc cóir

      18660] tecoscim dom síl
      conid ferr a mochbás
      anda rothlas ríg.
    51. For rig a Fiachu
      iarsna dosceóil deit.

      18665] narop dál co n-attail
      a maccain mo meicc. A.


p.608