Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 14

Senchán Torpéist: A Pair ri sil nEogain Móir


    1. 18300] A Pair ri sil nEogain Móir. {MS folio 146a}
      {MS folio 146a 15} daimet cóir din longais duind
      Mac Con Eogan adbul gairm
      dá mac do Saidb ingin Chuind.
    2. Ailill Ólom eraim nglicc

      18305] geguin Eogabul tria airc;
      olc gním dogenai do rind
      ba hind docersat a maic.
    3. Fer Fí mac Eogabail áin.
      ní cóir ro sephaind in ceol;

      18310] in gubreth ro fuc in rí {MS folio 146a 20}
      docer indi ní fo déoid.
    4. Rucad gubreth for Mac Con
      ba col do Ailill a brath
      niro riaglad acht tria nert

      18315] ní baí cert na coir acht cath.
    5. Cath Chind Abrat ro mebaid
      for Mac Con. linaib agang;
      cind .uii. mbliadna ba hopund
      dofich Mucrama matand.

    6. 18320] Cath Chind Abrat uathmar ord. {MS folio 146a 25}
      roínis for Mac Con cid garg.
      dosroiffnetar meic ind ríg
      co tarlaic tír nGaedel ngarg.
    7. Cechaing i nAlbain co feirg

      18325] malle is Chathmal mac Cirp.
      mebdatar.uii. catha riam.
      is cían óbdar laechdai a bidg.

      8. p.595

    8. {MS folio 146a} Anais .uii. mbliadna fo greiss.
      i tír Alban almaib sess;

      18330] ciarbo mall dolluid anal {MS folio 146a 30}
      nirbo fand do digail gress.
    9. Ellach a cath ara chind
      i Muccrama mórtais gluind;
      .uii. meic a mathar ros ort

      18335] docersat im Art mac Cuind.
    10. Anais i Temraig iar sin
      .xxx. mbliadan conir gair;
      reraig Herind eraim nglain.
      rodas gab o muir co muir.

    11. 18340] Facbais Temraig erim n-oll. {MS folio 146a 35}
      Mac Con Lugaid erctais gluind
      lassin n-ócríg n-allmar n-aitt.
      la Cormac mac Airt meic Cuind.
    12. Celebraid d'Ailill iarna chrád.

      18345] Mac Con comairlid na slúag.
      iss ed dosfuc na cheird
      banna doreilg assa gruad.
    13. Erchur Fercheis ferais fair
      co tob Mac iar cech ngair.

      18350] gabais Maicnia mac dar Con {MS folio 146a 40}
      ort o Bannai co muir.
    14. Anais longais ina thír
      ar bríg ar borrfud ar báig;
      sech ní baí ni rabi riam

      18355] acht a ngiall fri Cassel cóir.
    15. Ba leo ríge Cassil chóir
      ro nasctis giallu cáich
      in ed batar ina thír
      niro recsat bríg na báig.

      16. p.596


    16. 18360] Ba da brathair co mbuaid {MS folio 146a}
      {MS folio 146a 45} a n-athri fri gnathblaid ngáid
      Lugaid Laigde lentais sluaig
      & in cruaid Lugaid Cál.
    17. Lugaid mac Itha cen ec

      18365] meic Breguin ro chricha cacht;
      fo gne glaine cen loi locht
      is é ba haire ba habb. A.

p.597