Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 8

{MS folio 136b} Gilla Mo Dutu cecinit.

    1. {MS folio 136b 15} ADam oenathair na ndoene.

      16430] duine ro delb Dia na ndám;
      iar ndenam na ndúl ro rígad
      d'fegad rún ro silad slán.
    2. Iar cruthad Adaim aird úasail.
      asna thucad asa thaib;

      16435] de dogniad Eua fíal ergna
      ros lín miad merda cen main.
    3. Síl Adaim is Eua ailli
      aisneidfet a mbantrocht becht.
      {MS folio 136b 20} dia foglaim co rréil im rannaib.

      16440] i céin dia clannaib co cert.
    4. Innesat uaiti don bantrocht.
      sin bairdni i mbrecfaither nath.
      d'asnéis da clannaib is dia ceilib
      im rannaib reidib co rrath.

    5. 16445] Ni thalla i llittrib na llaídib.
      na labarthaib co néim nóis;
      turim ban in betha buidnig.
      no sretha co sruibnib sóis.
    6. {MS folio 136b 25} Mar nach derna nech riam romum

      16450] rátur rand do dréim nar daer;
      cumnigthi gérat na gábud.
      gebat ota Adam oen. A.
    7. Adam. Seth. Sili caid Cain.
      cétchethror fer silta slúaig.

      16455] Eua Olla Pib is Pithib
      sin bithin búain.
      ro chlandsat claind sírfind sochraig
      ria ndilind dochraig iar n-úair.

      8. p.534

    8. {MS folio 136b} Eua oenben Adaim adbail.

      16460] Olla setig Séith cen locht. {MS folio 136b 30}
      Píb ainm do mnai Cain chintaig
      sin rasin nir imgaib olc.
      Pithib ben Sili na solud
      gili na cobur a corp.

    9. 16465] Catafolo fia rofetar
      findben fos Cain claenchend.
      impi in eóit luchair in lennán.
      ba duthain pennan na pell.
      bí Noeua don bili barrglass.

      16470] ro fig in n-abras cen fell.
    10. {MS folio 136b 35} Ambia ingen Chain cholaig
      diar chuani torathair thall.
      Percoba ben Noe co nnári
      cen choi cen gári ba gand.

      16475] copa Séim ba comsech 'ca cáemfir
      toirsech ca coíniud a cland.
    11. Olla setig Séim bláith bíthi.
      ben Chaim Oliuan o haís.
      commam Iafeth Oliuane.

      16480] na tarat bari for baís.
      marba oc tiprataib fer gréni.
      sin mairt mna bat gléri ar gaís.
    12. {MS folio 136b 40} Ingen luchair Latin Belait.
      ben Faeniusa Farsaid find.

      16485] dóib ropo mac Nél na noídin.
      Nél ba hathair Gaedil grind.
      bás Belbraiti rofes feli.
      do thes na gréni sin glind.
    13. Scotta ingen Foraind bladmair.

      16490] ben Niuil. mathair Gaedil Glais
      o ro gabsat sloind Gaedil glana
      oegid dar moing mara maiss.
      & Scoitt o Scotta sciamda
      ria lotta nir thiamda tais.

      14. p.535


    14. 16495] Cesair ingen bulid Betha. {MS folio 136b}
      {MS folio 136b 45} ben Fintain meic Bochra búain.
      Bith is Ladru nir lucht legind.
      tucsat ucht i nHerind úair
      co coicait ban dírim daidbir

      16500] tan ria ndílind gailbig glúair.
    15. Bantrocht bláith Partholoin cumnig.
      Cichbun Cermnat Nerbgind nár.
      Iafa Edgnat in tslóig saidbir.
      {MS folio 136b 50} dóib nirbo dadbir cech dál.
      16505] atbath buiden na mbarr mbudi
      {MS folio 137a} 's a cland 's a curi do thám.
      Tamlacta ón tamgail ros tectaig
      & dia lechtaib ar lár
    16. Eua Cera Medar moltair.

      16510] Macha min sochraid ro seirc
      samuil ria samthuili ndemin.
      banchuiri Nemid ind neirt.
      Cera i crich Connacht na cairddi.
      is Eua i tír Charpri cheirt.

    17. 16515] Liber Libist Cnucha chialla. {MS folio 137a 5}
      cóem Etar Fuat furend éim
      cóic rigna Fer mBolg mbuidnech.
      a n-ordd ba cuimnech i céin.
      is o Chnucha in chairn is cubaid

      16520] a ainm arin tulaig tréin.
    18. Fuat setig Sláne grib gasta.
      ra Gand Etar co mbríg búain
      ra Sengand Libist nach lenaind.
      {MS folio 137a 10} Cnucha commám Genaind glúair.

      16525] Liber gel churaid in chomóil.
      ben Rudraige romóir rúaid.
      selb in trén ar tuind cen tacha.
      dia gluind féin in fatha fúair.

      19. p.536

    19. {MS folio 137a} Mná delbda Tuathe De Danand

      16530] a ndermat ni dlegar dím.
      Eriu Fotla. is Banba bruthmar.
      drong amra guthglan na ngním.
      tri ingena finda Fiachrach.
      mná gilla mbriathrach na mbríg.

    20. 16535] Commám Cetair Eriu fuilech. {MS folio 137a 15}
      fer Fótla. Detar nar thim
      ben Etair tria thogairm tarba
      ba é a comainm Banba bind
      cland Cermata gnímrad gnímach.

      16540] rigrad mac Miled ros mill
    21. Nemain Danand Badb is Macha
      Morrígu no bered búaid.
      Etan co luinni is co lluathi.
      Be Chuilli na tuathi thúaid

      16545] bantuathecha Tuathe De Danand {MS folio 137a 20}
      is me nos canand co crúaid.
    22. Etgen degben Duach cen anacht.
      athair clemna Magmóir maill.
      Ben Echach ba hardiu sestan

      16550] Tailtiu car thescad.in chaill.
      i Caillid Cúain sét dar sluagaib
      mór cét co tuagaib ro thaill.
    23. Pea dianand Ethne ergna.
      Eithne ben Chéin treoraig thailc.

      16555] mathair Loga in dagfir déinmig. {MS folio 137a 25}
      ingen Balair Bemnig bailc.
      Balar mac Doid meic Néit nertmair.
      fir móir os méit Ectoir aitt.
    24. Ingen Moga Ruith mét Tlachtga.

      16560] trenben meic Simoin na set.
      uathi don martra ros mudaig
      Tlachtga for tulaig na trét.
      Fuamnach Midir marb co hecain
      garb di & d'Étain a hét.

      25. p.537


    25. 16565] Englecc ingen erdairc Elcmair {MS folio 137a}
      {MS folio 137a 30} Ogniad ingen Midir maith
      Brí Bruachbrecc a hingen aile
      nár inled i mbraini braith.
      Englecc Loga nár loit labra.

      16570] mathair meic in Dagda daith.
    26. Echtgi Uathach urscail angi.
      ba ingen in Dagdai duind
      Boand ben Nechtain co nithaib
      ros certaig i crichaib Cuind.

      16575] mac Labraid leir Lesbricc Nectain. {MS folio 137a 35}
      fir threin trestricc lechtaig luind.
    27. Da Chaech ingen Ceochair clunid
      Ceochuir glicc gel glún na gad.
      ingen Genaind meic Triuin Tarbig.

      16580] Clidna chiuin na gargthig grad.
      ainm uathi for tuind na tarma
      dia sluind co calma iarna crad. A.
    28. Mna móra mathi mac Miled
      ras mill miad in betha bricc

      16585] uair is feidm crichid rachlunid {MS folio 137a 40}
      mithig a turim co tricc.
    29. Scotta Scéna Fáis dur dulig.
      Delsairi Tea nar thláith
      Fial ben Lugdach móir meic Itha.

      16590] cían cumnech i crícha cáich
      Odba Díl da ingin Miled
      dia síl ros rimed do raith.
    30. Herimon. Eber. Ir. uasal.
      Amargin Colptha. Dond dian

      16595] Lugaid mac Itha meic Bregoin. {MS folio 137a 45}
      ditha cen mebail a míad
      is uathib ni cranna is cuman.
      clanna na curad cid cian.

      31. p.538

    31. {MS folio 137a} Di sétig Herimoin adbail.

      16600] Odba Tea Temra nar gand
      Tea mathair Iréil úair eoalaig
      in tslúaig dírim treoraig thall.
      Irial Fáid ra uathaig. Eber
      flaith firfíal fener narb fand.

    32. 16605] Tri meic Herimoin ra Odba. {MS folio 137a 50}
      oen dib Mumni mór a mes.
      {MS folio 137b} is dias co cuibdi cach cangni.
      Lugni & Lagni na les.
      & ainm o Odba chomláin

      16610] arin tulaig thondbain tes.
    33. Ingen Aeda Macha Mongruad
      mummi Ugaini nar nár
      ben Chimbaíth chetaig meic Fintain.
      co hécaib nir imgaib ág.

      16615] is lé Emain is Ard Macha. {MS folio 137b 5}
      garg glond a catha co gád
      .uiii. mbliadna buí i rrigi rechtmair.
      cialla ros claí rectaid rán.
    34. Ingen rig Frainc Cesair chaem chruthach

      16620] commám Ugaini co n-aíb
      a tríar ingen Áni is Pasi.
      Muresc cen tassi maith maín.
      Ethni Amlabur cuirp chomthaig
      mathair Luirc is Chobthaig Caíl.

    35. 16625] Ben Labrada Longsig línmair. {MS folio 137b 10}
      laích ro loisc Chobthach ciar chol.
      ingen rig Fer Morca Moriath.
      diarb athair Scoriath na scor.
      is ó lágnib a láech Lagin.

      16630] nir maeth ar magin a mmod.

      36. p.539

    36. {MS folio 137b} Cland Fergusa Gnai Maer Medar.
      mná Etair Béthech Marg.
      Bethech ingen Chremthaind Chualand.
      {MS folio 137b 15} ro degthuill mór n-ualand n-ard.

      16635] mórmac Ugaini féin Fergus
      co méin is co mergus garg.
    37. Margo mórben Aís meic Etair.
      Aís ba hathair Duind na ndúan.
      Aís athair cen terca tallmán

      16640] Elta don maig barrglan búan.
      Oro ráded Mag an Elta.
      tan do tham slecta na sluag.
    38. {MS folio 137b 20} Ben Echach Aireman Étain.
      Ésa a ingen olc a hord.

      16645] ainm uathi for uachtur inaid.
      cairdes tria chinaid ra chorb.
      Mess Buachalla ingen Ésa.
      tria thindrem bésa bad borb.
    39. Mathair Conairi Móir moltair.

      16650] Mes Buachalla maith in mind
      ua da hathair siur da mathair
      úa d'Étaín fathaig ind find.
      {MS folio 137b 25} Lifi ingen Chanand Churchaig
      farrán a furthain do lind

    40. 16655] Lifi ben Deltbunni dorchai.
      dálim Chonaire cen cheilg.
      mac side Druchta in Danair
      brúit bruchtada os dabaig deirg.
      is o Liphi Life Lagen

      16660] fúair fichi fandfer a feirg.
    41. Díl ingen Lugmanrech latir.
      {MS folio 137b 30} laechben Telchonn in drúad dein.
      ingen ríg Fer Falga firthair.
      gríb gel lamda rintaig réil.

      16665] rád in drúad nar liach do liathad
      i cath Chliach sciathach co scéim.

      42. p.540

    42. {MS folio 137b} Tuag ingen Chollomrach Conaill.
      Conaire ro n-alt glan grés.
      Fer ros tuc asin Temraig.

      16670] gel hí & genmnaid a bés. {MS folio 137b 35}
      cid trén a tairim ri Tuaig Inbir
      ainm fuair on ingin ro ges.
    43. Ruad rígingen Mane Milscoith
      meic Duind Desa datta a lí

      16675] ben d'Aed mac Labrada Lesbricc
      nírb anfala esglicc hí
    44. Ingen Echach Aireman Tethba.
      tendben Noísen Nectain náir.
      {MS folio 137b 40} nech ni thabrad frettech furri.

      16680] Ettech ainm dia mummi máir.
      úathi ainmnigther Cend Ettig.
      is cell isin chretim chaid.
    45. Cland Echach Uchtlethain Croind
      commam Echach Feidlig fois.

      16685] mathair Meidbi croda Cruachna.
      glórda fuachda ria cach froiss.
      is mathair mór na Find Emna
      {MS folio 137b 45} triallsat clod clemna do chois.
    46. Sessiur ingen Echach Feidlig.

      16690] fintar a n-anmand ar oen
      Mugain Medb co lleithni is Lothra
      Derbriu. Ethni is Chlothru chaem
      a n-anmand is cell cia chanam
      uadib i saband ni saeb.

    47. 16695] Secht Mani mórmeic Medba.
      maicni Ailella cen ét
      {MS folio 137b 50} triar aile diar delbus degnath.
      ro Fergus selbach na sét.
      {MS folio 138a} a n-anmand Ciar. Corc is Conmac.

      16700] ba triar torc borrbalc ni bréc.

      48. p.541

    48. {MS folio 138a} Mani Mingor. Mani Morgor.
      Mani Mathremail nar mall.
      Mani Athremail na n-éitecht
      is Mani Mó Epert and.

      16705] is Mani Mór Congeib Uile.
      Mani Andoe ruiri na rand.
    49. {MS folio 138a 5} Óenmac Eithni fein rofetar.
      Furbaide Fer Mend na mberg
      cland Chlothrand is na Find co fubaib.

      16710] dar lim is Lugaid Riab nDerg.
      meic Echach thres ra dál dochur.
      Bres Nár. is Lothur na llerg.
    50. Ingen Buirg buredaig Érni
      on ainmnigther in loch lir.

      16715] is Cruachu o Chruachain chrodeirg.
      {MS folio 138a 10} ruathair moir co mórfeirg mir.
      Cruachu inailt d'Étain adbail
      narb écain ar talmain tig.
    51. Commam Ailella Find Flidais.

      16720] Fergus in lennan ra lúaid
      ma tánaid ra milled maccrad.
      ra cinned cnapgal co cruaid.
    52. Eochu Salbuide co srianaib.
      sóeringen dó Nes co neim

      16725] mathair Chonchobuir meic Cathbaid. {MS folio 138a 15}
      in borrthoraid rathmair réil.
      ní mac Factnai Fathaig etir.
      ciaros gnathaig gletin ngéir.
    53. Mugain ben Chon chobuir Chroda.

      16730] ra Conall Lennabair laind
      ingen Eogain meic duind Durthacht
      nir deólaid cumthacht ria claind.

      54. p.542

    54. {MS folio 138a} Feidelm Foltlebor is Phasi.
      findmna Loegaire co lór.

      16735] Fásí thall nar tairind catha. {MS folio 138a 20}
      cland d'Ailill mac Matach mór
    55. Deictir ingen chialla Chathbad.
      caemmathair Con Culaind crúaid
      ingen Feidlimid ben Noisi.

      16740] Derdriu na boísi cen búaid
      scelaigi is chruttiri cubaid
      Fedlimid in bunaid buain.
    56. Niab ingen Cheltcair ra Cormac.
      Cormac Cond Longas dar lind.

      16745] Setanta fer findsleg forbaind. {MS folio 138a 25}
      a ben ingen Forgaill find.
      Emer is Cu Chulaind cherdda
      co clú chumaing Delga osin dind.
    57. Doruama is Findabair féta.

      16750] findmna Celtchair ro clecht gail.
      Bríg Brethach a thres ben bulid
      rofes arna thurim thair.
      Dún Da Lethglass dún cíuin Celtchair
      {MS folio 138a 30} dun in triuir chertglain cen chair.

    58. 16755] Ben Chethirn meic Fintain fuilig.
      Findbec ingen Echach óil
      Indel ra Uislind mac Durthacht.
      cu cuslind cu cumtach cóir
      a cland Noisi is Andle is Arddán.

      16760] gaisi is gairbi garcár dóib.
    59. Findigi fós ingen Echach
      ra hEogan mac
      cuanna Cathbaith
      {MS folio 138a 35} ben Amargin dathglain druind.

      16765] is mór doduing ro derlaig
      athair Conaill Cernaig Claín.

      60. p.543

    60. {MS folio 138a} Londchade cland Echach Echbéoil.
      Irial a mmac Glunmar garg.
      Buan ben Mes Gegra ciar dimbúan.

      16670] na tres n-ergna dinduar n-ard.
      ingen ríg Ossairgi arnaid.
      tuc brosnaigi ar almaib alt.
    61. {MS folio 138a 40} Feidelm Noíchruthach nert curad
      ri Cairpre Nia Fer cu fí

      16775] laeches latar nert a hachni.
      mathair Erca is Achli hí
      cland Chonchobuir for lind latha
      comlund cach catha na clí
    62. Achall ingen chunnail Chairpri.

      16780] commam Glain meic Carbaid chaeim
      nó chommam Echach meic Carbaid.
      methach do marbaib nar maín.
      {MS folio 138a 45} ainm uathi ar tulaig ac Temraig.
      cubaid i llebraib a llaíd.

    63. 16785] Caegmen Chonganchnes mac Dedaid.
      a dí mnaí Mis & Nem
      cliamain Caeir. is Maireda moltair
      caindelda fortail in fer.
      o Nim na fuath Ferta Nimi.

      16790] ra dlechta a lligi ras len.
    64. Ingen choir Chonchobuir
      Blathnat blathach ben Chon Rui.
      {MS folio 138a 50} nó ráb ingen Fidaig Fathaig
      {MS folio 138b} ben midaig nar gnathaig goe.

      16795] acci ra athlaig iar togail
      i cathraig Codail ro bóe.
    65. Morand mór Manannach málla.
      mathair Chon Ruí rígda réil
      ingen meic Gunsigi in gascid.

      16800] fir tundsidi in tastil tréin
      siur Echach diar ben Tear treorach
      gér chrechach ceolach i céin.

      66. p.544

    66. {MS folio 138b} Oengus Ossairge mac Crimthaind.
      {MS folio 138b 5} Cindnit a mathair cen meirg.

      16805] ingen Dari Duind meic Dedaid.
      sund bari co ndebaid deirg.
    67. Darera is Ruamail ríg Lagen.
      lanamain rigda co rrath
      ro alsat Lugaid Riab nDerg.

      16810] ba cían a comferg i cath
      no ro halt i n-iathaib Ulad
      fo sciathaib nar dubad dath.
    68. {MS folio 138b 10} Crifang Montriduir. Der Forgaill.
      dias d'Albain is do Lochlaind luind.

      16815] da mnai Lugdech mer meic Echach
      ó siltar síl clethach Cuind.
    69. Nar Thuathech di thuathaib Cruithnech
      di chlaind Lóith meic Dáiri déin.
      mathair Chrimthaind in chind chlechtaig.

      16820] is Feradaig ind Fechtnaig féil.
      {MS folio 138b 15} vel 's í mathair Chrimthaind Clothna
      ataig imthruim romtha réil.
    70. Ben Fiachach Findolaid Eithni.
      Ethni Imgel beoda a bág

      16825] mathair Thuathail na ngnim ngargmar
      ingen ríg Alban na n-ág.
    71. Ingen Scáil Bailb Báni banflaith
      ben Tuathail Techtmair na tor.
      {MS folio 138b 20} mathair find Feidlimid follain.

      16830] na dind nochor dimbaig dol.

      72. p.545

    72. {MS folio 138b} Siur Feidlimid Rechtaid rigdai.
      rigan rignaidi can raind
      Feidlem Derg ra atlaig tiachra
      mathair tri mac Fiachna.
      16835]
      [...]
      >
      ro bechtaig briathra co bind.
    73. Fithir is Dárini datta.
      di dagingin Tuathail tall.
      mná Echach meic Echach adblig.

      16840] brethach for Lagnib na lland
      {MS folio 138b 25} díb ra boí in bóroma o Lagnib
      tóroma do changnib cland.
    74. Ingen Oengusa Múisc Ethni.
      Ethni Sithbacc ben Chon Corbb

      16845] mathair Meisin Cuirbb is Cairpri.
      nir sesil uird airgni a n-ord.
    75. Mór mathair Thipraiti Thirig.
      'ca torchair Cond na cét cath cróda
      ben Bresail meic Cirb na n-echór

      16850] cen merg cen methol cen brath.
      {MS folio 138b 30} Mac Máil 'car toit Tuathal Tectmar
      co rath
    76. tri meic Cuind na cet cath cróda.
      Crinna Condla & Art. Oen

      16855] triar ingen ni dalb lanlac.
      Sadb & Sarait & Moen.
      dib gairm goi bindi cen brinna
      ainm cilli & Crinna cóem.

      77. p.546

    77. {MS folio 138b} Ro Saidb síl Ailella atchluintir.

      16860] na Cairpri ri Sárait síar
      {MS folio 138b 35} meic Imchada ind ernmais ferda.
      na Ferguis merda ra Maín.
      tria bríg bunaid glacc na gona.
      Lugaid mac Moga ras maíd.

    78. 16865] Clanna Ailella aird Óluim.
      is oenmac Macniad Meic Con.
      is é ém síl Saidbi saíri
      na caingni caími cen chol.
      ingen Eogabail fogebim.

      16870] Áni ben d'Ailill cen on.
    79. {MS folio 138b 40} Fiacha Mullethan mac Eogain.
      Eogan mac d'Ailill na n-ard
      Moncha a mathair ingen Tretain
      ú Gregga tria brethaib bard

      16875] vel is ingen drúad Díl nar dorcha
      slonnud mín Moncha na mbárc.
    80. Sárnat ben Chonairi chetaig.
      caemmathair na Cairpre cían.
      ras tuc cen temel mar thaircim.

      16880] Nemed mac Srabcind na srían
      {MS folio 138b 45} ciar gáib cliamain Cuind na ceilid
      do láim luind Nemid na níam.
    81. Eocho Cairpre richet romór.
      ríg Óengus ainm Cairpri Múisc.

      16885] Ailill Cairpri Baschain bladmar.
      mór d'aschoib damrad ro duisc.
      cland Conaire maith meic Moga.
      mór raith bad roga ra ruisc.
    82. Ethni Ollamda cland Cathair

      16890] commám Cormaic meic Airt.
      {MS folio 138b 50} Echtan ainm da mathair medraig.
      ro thlathaig i Temraig thailc
      {MS folio 139a} ingen Oirc Áchai ibraig.
      flathi dia hidnaib ciab airc

      83. p.547


    83. 16895] Is indemin maicni Ethni. {MS folio 139a}
      vel inn í Feidel teist cen tnú
      mathair Chairpri in chumal Lagnech.
      cuman is caingnech a clú
      vel inn í Ciarnath 'cun broin borddaig

      16900] nirb fóil ra forbair a brú
    84. {MS folio 139a 5} Murni Muncháem maith a monor.
      mathair Find fiannamail flaith.
      do síl Taidc meic Nuadat nertmair
      ingen ríg rechtmair in raith

      16905] nucu chured forlond furri.
      is Bodball a mummi maith.
    85. Smirnat Mongfind. Albi Gruadbrec
      Badamair co mblaid nár briss.
      is iat sin mná Find co fedaib.

      16910] nar thim ra cnedaib a cnis. {MS folio 139a 10}
      Áni ingen Find ben Echach.
      gaini grind a rethach riss.
    86. Funchi find ingen Náir miad.
      meic Urmóra d'Arbrib Cliach

      16915] mathair na trí Fathaid fuiglech
      do sochor Muimnech na míach.
      nó is ingen Bénni Britt Funchi.
      glicc ceilli chaidchi in cach fíad.
    87. {MS folio 139a 15} Callech Bérri búan bind bunaid.

      16920] ben Fathaid Chanand na cét.
      Tea ingen Maicniad na mothur.
      ba siur na Fothud adfét
      ben Find meic Regamain Raignig
      segamail sadbir a sét.

      88. p.548


    88. 16925] Sciath ingen Lugdech co llánméit. {MS folio 139a}
      meic Oengusa Find rofes.
      ba mac Fergusa Dub Détaig.
      {MS folio 139a 20} ra chuir ra cetaib a chnes.
      ben cen mairg co méin ras massig

      16930] Taidg meic Chein Chassil cen chess.
    89. Ingen Fubdairi find Ailech
      ardríg Alban ni slicht saeb
      ben Echach ra gnathaig glonna.
      mathair na tri Colla cáem.

      16935] anmand funedach na fairend.
      Muridach. Cairell is Áed.
    90. {MS folio 139a 25} Úathi ingen Findchain málla.
      mathair Fraíchfir Fortréin trell.
      macside Fergusa Foga

      16940] ar ergnus ba toga tend.
      ina amsir ra fedain fuilech.
      Emain ra cuired dar cend.
    91. Mná Echach Mugmedoin maerdai
      Mongfind Ernach gasta in géc.

      16945] siur Chremthaind crúaid gein ra gnathaig
      {MS folio 139a 30} fúair neim don brathair ro bréc.
      Cairend Chasdub na mbríg masglan
      ingen ríg Saxan na sét.
    92. Trí meic Echach móir ra Mongfind.

      16950] Mongfind ingen Fidaig féil.
      Fiachra. Ailill. Brian a Bairind.
      is Niall ri Cairind co céil.
      meic Mongfindi iar fáth ba sídaig.
      {MS folio 139a 35} guth gnáth nar crichaib o chéin.

      93. p.549


    93. 16955] Da Chonall Cairpre cas Enna. {MS folio 139a}
      Eogan úais Loegaire láith
      Maini na miad ní da dignib
      do Niall ri Rignaig in raith.
      cland Meda meic Rosa ruanaid

      16960] Ros mac Trechim duanaib daith.
    94. Commám Conaill ingen Echach.
      Eocho murgeni maith méin.
      {MS folio 139a 40} Corpre co fuataib ba fuilech
      mathair Lugdech dondaes déin.

    95. 16965] Inniu. Innecht ba dias delbda.
      da ingen Lugdech in luirg.
      Inniu ben Neill in druing dagduind.
      Innecht ben Chruind badruind buirb.
      mathair meic Néill Noigiallaig

      16970] Fiachach fein caemfial uird.
      {MS folio 139a 45} Cichurid mac Cruind Cáelbod iar mbreith Dabla.
      ba leis in Banba 's a buirid.
      Innecht a mathair cen chalad.
      o fuil Glend Arad in Ruit.

    96. 16975] Ethni ergna ingen Chonrach
      commám Dá Thi miad nad gand.
      mac dóib Ailill Molt in milid
      ba torc dara thirib thall.
    97. Ingen chóir Chairpri Daim Argait.

      16980] Angas ben Nad Fraích co fír. {MS folio 139a 50}
      ingen Echach fial Brí Éle
      ben Dath Í co ngéri gním;
    98. {MS folio 139b} Oengus mac Nad Fraich fer uallach.
      Angas a mathair maith mall.

      16985] vel is ingen ríg Bretan Manand
      Fochand fír a tadall tall.

      99. p.550

    99. {MS folio 139b} Ingen Chremthaind Ethni Uathach.
      Enna a senathair cen locht.
      ben Oengusa meic Nad Fraích fraíchaig

      16990] laích eter laichaib cen locht.
    100. {MS folio 139b 5} Feradach Feidlimid. Cathair.
      Cond. Art. Cairpre Liphi Luirc.
      Fiachraig. Muredach. tend Temra.
      Crimthand cend Cerna & Cuilt.

      16995] nucu slonnend senchas sétchi
      na n-erchas can éitchi cuirp.
    101. Morfeisiur coica cen chretim.
      cethri chét ro thurmius trá
      co ceilib co clannaib coraib

      17000] im rannaib móraib na mná. Adam. {MS folio 139b 10}
    102. Benam ra senchassaib saerchland.
      na saerban creitmech cen chrád.
      uair is co bunad bríg bermait
      cech ní is dír dlegmait do rad. A.

    103. 17005] Angias ingen Tassaig threbair.
      Tassach mac Liathain cen locht.
      locharn Loegaire ba hamra
      aegaire Banba nar bocht.
    104. {MS folio 139b 15} Ingen lond Loegaire Lasar.

      17010] Lugaid Cali a céili cas
      mathair Chuirc na n-aball n-étlach.
      Bolga Manand Bret nach brass.
      Core do chlaind Loegaire is Lugdech.
      aenaige ac buidnech na mblas.

    105. 17015] Marb ingen ríg Saxan srethach súairc.
      ben meic Néil cáem ci atcheind.
      {MS folio 139b 20} mathair Muredaig meic Eogain.
      fir thuredaig treoraig theind.

      106. p.551

    106. {MS folio 139b} Mórmac Muredaig meic Eogain.

      17020] Eogan mac Néil ro thend tuaid
      Murchertach mac Erca in roairm.
      do síl Erca Loairn luaith.
    107. Cumman Muni mathair Thuathail.
      Tuathal Maelgarb na ngním ngrind.

      17025] mac do Charmac Caech mac Cairpri.
      {MS folio 139b 25} borrslatt baeth na bairddni bind.
      ingen Dalbrónaig siur Brigti.
      Cumman in fuilt filti find.
    108. Ben Fergusa Cerrbeóil Corbach.

      17030] cland Mani Lagnig co laid.
      Diarmait a mmac mór cen merbuill
      danad sód mac Cerbaill chaím.
      úa do Chonull Chremthaind chrechach.
      mac Neil meic Echach co n-aíb.

    109. 17035] Mugan ben Diarmata datta. {MS folio 139b 30}
      degingen Chonchraid meic Duach.
      a cland Colmán is Áed nach fellad.
      cráeb chomlán do thennad túath.
      dib cland chland na ríg rádi.

      17040] síl Aeda Sláni na slúag.
    110. vel combad mathair cheirt Cholmain.
      cland Brenaind Daill cáid na cross
      {MS folio 139b 35} Erc co comthaitnim na clúmi.
      do Chonmaicnib Cú atchlos.

    111. 17045] Brea ingen chaem chlothach Colmáin.
      Colman mac Nemain co neim.
      mathair Cholmain Bic cen búani.
      ben glic o Dún Suani sein.
      Aedammair Delgnach tren trebar

      17050] Tratraigech allata oen
      ben ra thothlaig. cuani caibni.
      mathair Guairi Aidni féil.

      112. p.552

    112. {MS folio 139b} Ben Mael Dúin mathair Chongail
      {MS folio 139b 40} cland Nechtain Lassar ro lass

      17055] ben Duach Irlochra thall derbaim.
      Land ingen meic Cerbaill chass.
    113. Da mac Murchertaig meic Erca.
      Eochu Find Domnall echt ard
      ingen Duach a mathair.

      17060] cnuasach nir gnathaig in garg.
      cend Connacht. Dui Tenga Umai
      no thennad budai do bard.
    114. {MS folio 139b 45} Sétna sétmar athair Ainmerech.
      Aed mac Ainmerech cen ail.

      17065] mathair Aeda Brigit brothach
      ingen do Choltuch cen chair
      macside d'Ailill Aird Ladrand.
      'ca tairind is grafand gail.
    115. Ingen find Fiandamla Brigit.

      17070] breith in bunaid trén ro thréic.
      cland Echach oenal co n-allud
      Aedan is Brandub cen bréic.
    116. {MS folio 139b 50} vel is ingen Feidlimid Findléith.
      {MS folio 140a} Feidlem a mathair cen mairg.

      17075] Feidlimid mac Cobthaig rí riathrach
      meic Dáth I meic Fiachrach aird.
    117. Eithni ingen in Daill Brenaind.
      ben Aeda Sláni na sleg
      Diarmaith Dunchad. Conall Congal.

      17080] Maelodur dia fognad fled.
      is í sein a cland co cuibdi.
      is barr eter buidni Breg.

      118. p.553

    118. {MS folio 140a} Ronait ingen Aeda Sláni.
      {MS folio 140a 5} saerchéli Colmáin cen chol.

      17085] mathair do Mael Duin is d'Aelind
      aed a ruin nir thairind tor.
    119. Suithchern ingen Aeda Bennain.
      ben Lonain meic Indnig find.
      rosfuc uad mac Cailchin Cuanach

      17090] tria chailchend tuagach nar thim.
      da gaí chró ciar dodán dochair.
      Lonan dorochair dia rind.
    120. {MS folio 140a 10} Ingen fial Feidlimid feta.
      findmeic Thigernaig nár thláith

      17095] Dámnat áeb na gréni a gellám
      ba ceili d'Aed Bennain blaith.
    121. Cland d'Áed ra Damnait maith moltair.
      Mael Duin Congal. Cummain grind.
      Mael Canaig ba fer co fírneim.

      17100] Mór Muman ben Fingein find.
      ingen Mal Tuili Tolnat
      {MS folio 140a 15} ben Máel Duin na mborbslatt mbind.
    122. Ronsech rigan airdairc Airgiall.
      diarb ainm Maelodor nar mall

      17105] a n-ingen Mael Teglaich thoga.
      ben Ferguis Choba na cland.
      Fergus mac d'Aed mór mac Mongan
      dorat for slúag trommar thall.
    123. Eriu ingen do Mael Teglaig.

      17110] is don trenfir do Fergus ro an.
      {MS folio 140a 20} a fer Ailill Arda Ciannacht
      garga na gillacht ro gab.

      124. p.554

    124. {MS folio 140a} Bríg ingen Árcha meic Cairthind.
      commám Domnaill bíthi in ben

      17115] a mmac Aed Uairidnach Allán.
      búarimda dar farran fer.
    125. Damnat degingen mór moltair
      Murchada Luirc indar lind.
      ben ro gnathaig gaíni dligthig.

      17120] mathair Maele Fithrig find.
    126. {MS folio 140a 25} Garb ingen Eoganach Nellen.
      níabmathair Fiachna rofes.
      Fiachna fial ri Ulad adma.
      do chrí churad calma atchess.

    127. 17125] Ingen Furudráin meic Bécce.
      ben Fiachnai meic Demman déin.
      do chlaind ríg Ua Tuirtri tuirmech.
      Cuman Dub cuimnech i céin.
    128. Ingen do Chummain Dub Lacha.

      17130] lennán Mongáin maith a cland
      {MS folio 140a 30} Colgo Conall. ba lucht lathair
      Caintigern a mathair mall.
      ingen meic Demmáin Dub Lacha
      na ngellam cen tacha thall.

    129. 17135] Land ben Aeda aird meic Ainmerech.
      ingen d'Aed Guair na torc.
      a cland Domnall roga rorand.
      Mael Coba & Conall Cloc.
      vel is mathair mall don triur threorach.

      17140] Land a siúr nar cheolach cnocc. {MS folio 140a 35}

      130. p.555

    130. {MS folio 140b} Ben Domnaill direcra Duansech
      Dathnat ben Chellaig co cían.
      Ornath ben Gúairi meic Colmain
      meic Cobthaig Colmain na clíar.

      17145] rap í sein Deoch Laidgneain lingil.
      ingen ardgér Fingin fial.
    131. Ben Diarmata rigda Ruanaid
      rathmar Temair thenn in main.
      {MS folio 140a 40} ba ingen d'Aed Builg mac Fingin.

      17150] áeb chuirp don firgil cen aír
      ra rathaig is ra selbaig sochair.
      mathair Chernaig Sotail saír.
    132. Buach ben Chana móir meic Gartnain
      glegain ingen Illaind féil.

      17155] grad Cana is Créidi co cuibdi.
      plág dedi is a cuimni i céin.
      Gelgés ingen Gúair ben Chon Chongelt.
      {MS folio 140a 45} mer im mond a lomserc réil.
    133. Ingen do Mael Duin mac Aeda.

      17160] ardríg Muman na sreth sóirib
      Guas ceili Cuain meic Conaill
      a nnúaill nirbo dodaing doirb.
      flaith Hua Fidgenti ger guasi
      ro len inn uasi dia oilb.

    134. 17165] Cathal mac Finguine findaid
      findrí Muman mór a meirg
      a ben can chennach co culchair.
      {MS folio 140a 50} Cellach ingen Dunchaid deirg.
      {MS folio 140b} Cellach ardda úa Conaill ceolach

      17170] garg sodaing seolach a selg.
    135. Murgel Mugain Be Báil chialla.
      Caintigern. cethror cen chleith.
      is iat sin mna Cellaig Cualand
      fo bennaib buaball ic fleid.

      136. p.556


    136. 17175] Mac Dunchaid Finnachta Fledach. {MS folio 140b}
      fer Der Forgaill fáth fiss.
      {MS folio 140b 5} is d'ingin Chongail do Chonaind
      d'ormáin ba chomchoím nir chliss.
      Congal Cendfota ba hUltach

      17180] tendaca cumtach a chnis.
    137. Ba sí ingen chétna Congail.
      Conchand ropo chommám cháid.
      ben meic Blaithmeic blaith rig Ulad.
      nir thréic a bunad na báig.

    138. 17185] Ingen meic Mael Choba Cellaig
      Cacht ropo chommam co céill
      {MS folio 140b 10} ba ben Maele Dúin meic Fergail
      meic Maeli Duin ergnaid féil.
    139. Ba ben Irgalaig meic Cinaid

      17190] curad cróda ro biath bran
      Murend ingen Cellaig Cualand.
      eter dremmaib gualand nglan.
    140. Cuan mac Amalgaid arnaid.
      Ornath a ingen in duind.

      17195] ba ben fir echrasaig míngil
      Sechnasaig meic Fingin uill.
    141. {MS folio 140b 15} Ingen Ernain a crích Conaill
      ceili Fergail ba flaith fial.
      Fergal fínslatt aeb cen farran.

      17200] a firmac Aed Allain riam.
      Aed Niall Frosach Fergal féidim
      bat ríg ar Herind iar Niall.
    142. Domnall mac Murchada Midi.
      mac Alpin ro imred ór.

      17205] ba mathair mall Domnaill delbda
      {MS folio 140b 20} cland Chomgaill do Delbna Móir.

      143. p.557

    143. {MS folio 140b} Niall Frossach co frossaib argait.
      ardmac Fergail calma ar creich.
      Áthechda mathair Néill nertmair.

      17210] ingen Chéin chertglain cen chleith.
    144. Albini ben Domnaill datta.
      Dondchad a mmac. mór in flaith.
      ingen d'Ailill Ardda is d'Órind
      ní chelim in morind maith.

    145. 17215] Dunlaith degingen meic Longsich {MS folio 140b 25}
      meic Flaithbertaig. ben Néill na niam
      a mmac Aed Orddinti ergna
      aeb orcheilti ferda fíal.
    146. Ingen Chathail Be Báil brigach

      17220] ben Dondchaid meic Domnaill déin
      a cland ria cuanaib na caemdoss.
      Mael Ruanaid is Oengus éim.
      Cathal ainm ríg Ulad amra
      {MS folio 140b 30} bríg is bunad Banba o chein.

    147. 17225] Fogartach find flaith Hua Fiachrach.
      fialmac Mael Bresail cen brath
      mac Cathail Cummascach cárna
      ardríg Airgiall calma a cath.
      ingen d'Aed Ordan a mathair

      17230] cen chorbbad ro rathaig rath.
    148. {MS folio 140b 35} Fland flaith Breg. Niall Caille clíarach
      cland Meidbi cen changin cruin
      d'ingin Inrechtaig ra urmais
      mac Muredaig Durluis duir.

    149. 17235] Flaith Fer Cúl Cathal atchuala.
      Cathal mac Fiachrach co fír.
      ainm da ingin Aróc órda
      cíar lánóc fa glorda a gním.
      mathair Mael Sechlaind co sluagaib

      17240] do chlethchlaind Mael Ruanaid ríg. {MS folio 140b 40}

      150. p.558

    150. {MS folio 140b} Mathair Aeda Findléith.
      find Gormlaith gellan a llí
      ingen Dondchada meic Domnaill.
      corrthara nir dodraing di.

    151. 17245] Land ingen Dungail meic Fergail.
      ardríg Ossairgi na n-ech.
      ráid ria mathair maill cen merfaill
      Flaind meic Mael Sechnaill na sreth
    152. {MS folio 140b 45} Cinaed mac Alpin úais Alban.

      17250] ingen do Mael Muire maith
      mathair Domnaill meic Flaind léitmig
      is Neill Glúnduib déitgil daith.
    153. Ingen Muredaig meic Echach.
      oenríg Ulad Gormlaith garg

      17255] a cland Cummascach ní chelim
      Cummascach mac d'Elind ard
      {MS folio 140b 50} Domnall mac Aeda féil Findléith
      a cheim co imthréith ni thard.,
    154. {MS folio 141a} Derbail degua Aeda Oirdnidi.

      17260] ócben Lannacáin nar lond
      ingen do Mael Dún co ndemni.
      dar daer Cul Dremni na ndrong
      a cland Cellach is Mael Findna
      rapo theglach gilla nglond.

    155. 17265] Eithne ingen Aeda Findléith.
      a fir Flannacan is Fland
      {MS folio 141a 5} a mmeicc Mael Mithig na midól
      Mael Ruanaid na tinol tall.
    156. Mathair Eochucain meic Aeda.

      17270] Ablach ingen Domnaill gáeth.
      Domnall mac Becci cen bini.
      slat chéti Lini na llaech.
      Eochocán lond lethrí Ulad
      drech don bunad nar báeth.

      157. p.559


    157. 17275] Muredach Amalgaid uasal. {MS folio 141a}
      Aed Eochocan nar dis
      {MS folio 141a 10} ingen Maele Duin a mmathair.
      meic Aeda co fathaib fis.
    158. Cland d'ingin Atíd meic Laigne

      17280] laechAed mac Longsig co llí
      Dunlaith ra Domnall mac Aeda.
      mathair Neill meic Aeda hí
      Niall mac Aeda ordan Ulad
      borbgal na curad i crí

    159. 17285] Mathair Matudain meic Aeda
      ingen Lethlabair cen locht.
      {MS folio 141a 15} bíthi brígach in ben Barrdub
      gel gnímach cen adbur n-olc.
    160. Murchertach mac Neill cend Casil.

      17290] Cellach mac Becce cen brón.
      meic d'ingin Anbéith meic Aeda
      for magreid Moena na nglór.
    161. Mathair Diarmata meic Cerbaill.
      curad na nOssairgech n-éim

      17295] is Taidc meic Conchobair chrichaig
      {MS folio 141a 20} aird olchonaig dithaig déin.
      ingen Mael Sechlaind duind duanaig
      do chlethchlaind Mael Ruanaid reil.
    162. Gormlaith glangein Flaind meic Conaind.

      17300] ceile flatha Gaedel grip.
      a cland Dondchad mac Flaind línmair
      Gormlaid co rraind gnímraid glicc.
    163. {MS folio 141a 25} Ingen Laind is Maela Muiri.
      maith in ben Lígach fria lind

      17305] a cland Congalach caem crichid
      is Aed mac Mael Mithig in mind.

      164. p.560

    164. {MS folio 141a} Cland Eithne ingine Fergail.
      Fergal mac Domnaill na ndám.
      Murchertach mac Néil co mmathius

      17310] nar léic a flathius re lár
      mac fir órbaríg cech dala
      Congalaig aga na n-ár.
    165. {MS folio 141a 30} Mathair meic Congalaig Domnaill
      Deichter do Beollan bá cland.

      17315] Beollan mac Ciarmaic cleth chatha
      ri Descirt Breg bratha Gall.
    166. Cacht cland Dondchaid móir meic Cellaig
      caemríg Ossairgi 'con tuind.
      mathair fir forbaraig borrfaid.

      17320] ú Chongalaig Dondchaid duind.
    167. {MS folio 141a 35} Hua Congalaig maith a mathair.
      Murchertach mór ngliad ro glé
      Ragnailt ingen Amlaib arnaid.
      tria gairbair nir garbaig gné

    168. 17325] Cland Congalaig meic Mael Mithig.
      dar mac Congalach ar cind
      Der Báil ra gnathaig dil daidbri.
      mathair ríg Hua Falgi find.
    169. {MS folio 141a 40} Mathair Domnaill Hú Neill nithaig

      17330] níamda Gormlaith na ngnaí ngnáth
      sil Culennain meic Mael Brigti.
      cusin sréib chinti sech cách.
      cland ríg Conailli na corthar.
      is foraindi a mborrfad is a mbág.

    170. 17335] Ingen Matudain meic Aeda
      Echrad ba halaind a dath
      ruc Murchertach mac dein Domnaill
      Hui Neill in chomlaind sin cath.

      171. p.561

    171. {MS folio 141a} Creschumal Dumat d'Uib Mane.

      17340] mathair Flaithbertaig na lles. {MS folio 141a 45}
      Murchertach Hua Neill nemnig
      na géill na gemlib atches.
    172. Murgel mathair ardrig Ailig.
      diarb ainm Glún ra Lár ba laech.

      17345] Murchaid Hui lathbertaig laidig.
      rathnertaig maínig nar máeth.
      cland Taidc meic Conchobuir chrechaig
      {MS folio 141a 50} borrfadaig brethaig nar báeth.
    173. Ingen Aeda aird Ú Chellaig
      17350] cind Hua Mani mór nar mer
      {MS folio 141b} mathair Thaidg meic Cathail Chruachna
      i cathaib ba fuachda in fer.
    174. Cland Taidg meic Cathail na caemdúan.
      Der Báil bec di bith ra blaiss.

      17355] mathair Aeda Hui Neill inn aenig.
      caema a geill na gemil glais.
    175. Glun Iairn is Mael Sechlaind saidbir.
      a saermathair Dunlaith druin.
      {MS folio 141b 5} Murchertach mac Neill a hathair.

      17360] i céim ra cathaib ra chuir.
    176. Ingen Erchada ben bulid.
      Bé Bind mathair Briain na mbreth.
      Erchad mac Murchaid cen chorracht
      rí Descirt Connacht na crech.

    177. 17365] Cland Murchada meic Find Gormlaid
      gasta gein ríg Lagen léir.
      a mmeic mac Briain Dondchad degmain
      {MS folio 141b 10} is Sitriuc mac Amlaiph feil.

      178. p.562

    178. {MS folio 141b} Callech ingen Dunlaing dúanaig.

      17370] demin mathair Braín na mbard.
      Braen rí Lagen mac Mael Morda
      aeb na ndagfer nglorda ngarg.
    179. Da Baetan. Mael Coba. Conall.
      Colman. Congal Blaithmac blaith.

      17375] Suibni Sechnasach. Mael Fithrig.
      {MS folio 141b 15} Longsech Flaithbertach. Aed comsech cáich.
      Conchobor Cinaed Cend Faelad
      Fagartach faemad nar thláith.
      ní sloind senchas tre gním ngribda.

      17380] mna na rríg rigda do ráith.
    180. Guairi. Crimthand. Cuanu. Comgan.
      Cummain Breccan bec a briathra cen baís.
      cland Chalmain cu rathaib díni
      {MS folio 141b 20} co ndathaib aíbi o n-aís

    181. 17385] Uii. mbliadna .xl. córa
      .c. is míli na ngním nglan.
      o gein Crist is cuibdius
      coro thurmius buidni na mban
      .xxui. cetain kalann

      17390] nírb ecain in tallan tan.
    182. Gilla Mo Dutu ro dluthaig
      in duainsea nucu sreth sáeb.
      i nDaminis na rad radmar.
      {MS folio 141b 25} & na ndán ndathglan náem.

      17395] senchas ban nach baeth ar bádud
      ro gab leth o Adam oen. Adam.,

p.563