Corpus of Electronic Texts Edition
Book of Leinster, formerly Lebar na Núachongbála (Author: [unknown])

section 3

{MS folio 130b} Gillae Coemain cecinit. Analad anall uile

    1. ANnalad anall uile
      o thús bethad barrbuide;

      15410] aisneidfetsa sund sein.
      cosin n-amsir ndedenaig.
    2. Sé bliadna .l. gním nglan.
      míle ar sé cétaib bliadan;
      {MS folio 130b 25} rímim ar is rús cen ail.

      15415] co dílind o thús domain.
    3. Da cét a dó nóchat nár
      o dílind co hAbram;
      o Abram noí cét ní scíth.
      xl. a dó co Duíd.

    4. 15420] O Duíd co Brait ni bréc
      .lxx. a trí cethri chét;
      o Brait co Crist caín a bla.
      a noí coicat ochtmoga.
    5. {MS folio 130b 30} Tri míle bliadan ní bréc

      15425] da bliadain coicat noi cét;
      co gein Meic Maire tall tair
      anall o thús domain
    6. A dó sechtmogat seól nglan.
      acht is ar míle bliadan;

      15430] o gein Crist co bliadain mbáin
      sechtmaide uate enair.
    7. A cethair fichet fír dam
      & cóic míle bliadan;
      {MS folio 130b 35} cosin mbliadainse is blad brass.

      15435] oro delbad domun drechmas.

      8. p.497

    8. {MS folio 130b} Da cét mbliadan cosin mbúaid.
      co mesc Tuir noithig Nebrúaid;
      o dílind . acht deich mbliadna
      is derb duit ciano riagla.

    9. 15440] A dó .lx. saer in bríg.
      o mesc in Tuir co flaithNín;
      bliadain ar fichet o sain.
      co Abraam cosin n-athair.
    10. {MS folio 130b 40} Lx. bliadan cen nach mbrón

      15445] o Abrám co Partholón;
      diara gaib in n-inis find.
      tri chét bliadan iar ndílind.
    11. O gein Abram eól dam sain
      co tarmthecht Mara Romuir;

      15450] da bliadain cóic cét co cert
      diaro baded sluag Egept.
    12. Isind amsirsin radit raind
      ra toglad tíar Tor Conaind;
      {MS folio 130b 45} & luid Srú sair for fecht

      15455] dochum na Scithia a hEgept.
    13. Medon flatha Ascathias sain.
      tarmthecht Mara ruaid Romair;
      da cét bliadan dara éis.
      dered flatha Lapades.

    14. 15460] Hi flaith Lapades léir blad.
      ruc Uesoges in sluagad;
      & tanic sluag as lia
      na degaid asin Scithia.
    15. {MS folio 130b 50} Isind amsirsin ane.
      15465] tosach neirt na Cichloscthe;
      {MS folio 131a} isin amsirsin cid ord bind.
      trebsat Fir Bolgg Erind.

      16. p.498

    16. {MS folio 131a} Octmoga bliadan dia éis.
      ba rí in talman Tutanes;

      15470] is na ré ro gabsat tair
      Gaedil isna Gaethlaigib.
    17. Isind amsirsin ci atber.
      rognid cath Maige Tured;
      {MS folio 131a 5} isinn amsirsin cen goí nga.

      15475] ra toglad Troí Troianna.
    18. Themas ba hé ainm in ríg
      boí i comamsir do Duid;
      is and luid i n-úir in rí
      i n-amsir duir Darcelli.

    19. 15480] Darcellus ba flaith na fond.
      dar thríall Solom a thempoll;
      i mmedon flatha ind fir find.
      tancatar Gaedil i nHerind.
    20. {MS folio 131a 10} Astiages abb cen fell.

      15485] dar airged Ierusalem;
      tiugflaith Med maith ra molad
      i comflaith is Nabcodon.
    21. Darcellus Solom na sleg.
      i comamsir is Meic Miled;

      15490] ccccc. acht fiche dia n-eis
      Nabcodon Astiages.
    22. Sirna rí Temra na tor.
      i comflaith is Nabcodon;
      {MS folio 131a 15} and fechta fáth ngaile.

      15495] cath Móna truim Trógaide.
    23. Tricha trí chét o sain ille.
      co tús flatha Ugaine;
      deired flatha Pers blad nglicc.
      tossach flatha meic Pilip.

      24. p.499


    24. 15500] Sesca tri chét mbliadan mbil {MS folio 121a}
      o flaith aird Alaxandir.
      coro genair Mac maith Maire.
      & o flaith Ugaine.
    25. .Uii. mbliadna .xl.at cain.

      15505] o gein Crist bás Conchobuir;
      {MS folio 131a 20} a dó .xxx. at o sein ille
      co bás cróda Conaire.
    26. Uii. mbliiadna.l.at cét cain.
      o bás Chonaire cheolaig;

      15510] issin Bruidin borb a blad.
      co torchair Tuathal Techtmar.
    27. Da bliadain .xxx. at iar sain.
      iar marbad in tuirc Thuathail;
      co bás Cuind Cetchathaig cain.

      15515] issin tulaig i Tuadamair
    28. A sect trichat iar Cund chrúaid.
      co cath Muccrima mongrúaid;
      {MS folio 131a 25} i torcratar mór a ngal.
      Cian. Cormac. is Eogan.

    29. 15520] .Uii. mbliadna .l. at cen chrád.
      o chath Mucrima na mmál.
      co torchair Find leo ciar fell.
      do rennaib tri mac Urgrenn.
    30. Cóic bliadna .xl. cain

      15525] iar marbad Find a hAlmain;
      co maidm Duib Chommair calma.
      lasna Collaib cathchalma.
    31. {MS folio 131a 30} Cóic bliadna o sein ille
      co discor Emna Mache.
      15530] 's a cethair derb lib.
      co bas Muridaig Tírig

      32. p.500

    32. {MS folio 131a} O bás Muridaig Mide.
      oc Dabull na ndondbile.
      .l. bliadan acht bliadain.

      15535] co tuttim Neill Noigiallaig
    33. Fiche bliadan fora secht
      oro scar Niall ria nert;
      {MS folio 131a 35} co toracht Patraic barr Breg.
      do chobair cland Mac Miled.

    34. 15540] Uiii. mbliadna .l. derb dait.
      o sen co estecht Patraic;
      ó bás Patraic comul ngle.
      trícha bliadan bás Brigte.
    35. Fiche bliadan iar mbás Brigte.

      15545] cia cure risnach lánchinte;
      bás Tuathail Mael Gairb co ngráin.
      bliadain ria n-estecht Chíarain.
    36. {MS folio 131a 40} Certfiche o sen ille.
      co cath Cuile Conaire;

      15550] sin bliadainsin radit raind.
      bás Diarmata meic Cerbaill.
    37. Tricha bliadan tri bliadna.
      cóir o sen dola iarma;
      co bás meic Fáeidilmthi i nHí

      15555] is co estecht Grigoríí
    38. Fichi bliadan iar mbás hu Chuind.
      co cath Slebe Toad Truim i
      {MS folio 131a 45} and ro marbad mór in chrech.
      Mael Coba gal chét clerech.

    39. 15560] Bliadain ar fichet fil uad.
      co maidm catha Raith roruaid;
      eistecht Mo Chutu léim nglan.
      bás Failbe Flaind flaith Muman.

      40. p.501

    40. {MS folio 131a} Fichi a cóic o sain i scél grind.

      15565] cosin mortlaith dar Herind;
      dia mbath Diarmait. Blaithmac bán.
      Fechin & Ailerán.
    41. {MS folio 131a 50} Cóic bliadna coicat gním ngle.
      co cath n-armach nAlmaine;

      15570] and dorochair Conall Mend.
      & Fergal flaith Herend.
    42. Secht mbliadna 's a deich derbaig.
      anall o marbad Fergail;
      {MS folio 131b} co cath Uchbad imram nglan.

      15575] i torchair Aed Mend mac Colgan.
    43. Ó chath Uchbad mor in bét
      .uii. mbliadna ní himarbréc;
      bás Aed Alláin co ngail.
      and ro bíth i Seredmaig.

    44. 15580] Fichi bliadan ni blad bán.
      o dorochair Aed Allán;
      {MS folio 131b 5} co bás ríg Mide bethaig.
      Domnaill Mide mórcrechaig.
    45. X vel is bliadain ci atber.

      15585] o bás Domnaill Dromma Den;
      co tabairt Cenandsa cen chath.
      do Cholum Chille cheolach.
    46. X vel bliadan acht bliadain.
      o sein is réil in riagail;

      15590] badud Turges. marbad Néill.
      is éc Feidilmthe fortréin.

      47. p.502

    47. {MS folio 121b} Xxx. bliadan da bliadain.
      {MS folio 131b 10} ó bás Neill Chaille chliaraig;
      co tres Mugna mór in cath.

      15595] i mbíth Cormac is Chellach.
    48. Ocht mbliadna iar sin co bás Flain
      dar giallsat Gaedil is Gaill;
      trí bliadna iar n-éc Flaind Fáil.
      bás Néill meic Eda imsláin.

    49. 15600] Ro marbtha malle ra Níall.
      Conchobor Flaithbertach fial;
      {MS folio 131b 15} Mael Mithig. Mael Maire in mál
      & Áed mac Eochocan.
    50. Fiche bliadan a cóic cen chair.

      15605] ó bás hú Neill Noigiallaig.
      bás Dondchada Mide maill.
      senathair maith Mael Sechnaill.
    51. Tricha bliadan tri bliadna.
      ó bás ardríg na n-iarla;

      15610] co bás Ragnaill cosin rath.
      tall i tedmaim na Temrach.
    52. {MS folio 131b 20} Certfichi bliadan cen brath.
      ó maidm torachtglan Temrach;
      cosin cath i nGlind Mámma.

      15615] i mbátar cind chnesbána.
    53. Cethri bliadna o sen ille.
      cur chured cath na Craibe;
      o chath na Craibe 's a deich.
      co bá Bríain meic Cennétich.

    54. 15620] Noí mbliadna iar mbás Bríain.
      éc meic Domnaill ina díaid;
      {MS folio 131b 25} a dó .xl. céim nglan.
      o sain bás Dondchaid Muman.

      55. p.503

    55. {MS folio 131b} Da bliadain ní bréc i ngliaid.

      15625] o éc Dondchaid meic Bríain;
      cath Saxan seol nglaine.
      i torchair rí Lochlainne.
    56. {MS folio 131b 30} Cóic bliadna o sen ille.
      cosin mbliadainse innosse;

      15630] sechtmad uathaid slicht sádal.
      for enair ra hannalad. A.
    57. A dó .uii. ndeich ar míle.
      o gein Crist cia chomríme;
      cosin mbliadainseo ci atber.

      15635] i torchair Diarmait durgen.
    58. A Christ a grían os cach gurt.
      airchis dom anmain im churp;
      {MS folio 131b 35} nirop seng do thairbirt dam.
      bud irdairc lem th'annálad. A.,

p.504